Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଜୟନ୍ତୀ ପଟ୍ଟନାୟକଙ୍କ ପୁତ୍ରଙ୍କୁ ଫୋନ କରି ସମବେଦନା ଜଣାଇଲେ ରାହୁଳ ଗାନ୍ଧୀ

ଭୁବନେଶ୍ୱର: ଆଜି ପୂର୍ବତନ କଂଗ୍ରେସ ସଭାପତି ତଥା ସାଂସଦ ଶ୍ରୀ ରାହୁଲ ଗାନ୍ଧୀ କର୍ଣ୍ଣାଟକ ର ଭାରତ ଯୋଡ ଯାତ୍ରା ରୁ ପୂର୍ବତନ ମୁଖ୍ୟମନ୍ତ୍ରୀ ତଥା ଆସାମ ରାଜ୍ୟପାଳ ସ୍ବର୍ଗତ ଜାନକୀ ବଲ୍ଲଭ ପଟ୍ଟନାୟକ ଏବଂ ପୂର୍ବତନ ସାଂସଦ ସ୍ବର୍ଗତଃ ଜୟନ୍ତୀ ପଟ୍ଟନାୟକଙ୍କ ପୁତ୍ର ଶ୍ରୀ ପୃଥ୍ବୀବଲ୍ଲଭ ପଟ୍ଟନୟକଙ୍କୁ ଟେଲିଫୋନ ମାଧ୍ୟମରେ ସ୍ବର୍ଗତଃ ଜୟନ୍ତୀ ପଟ୍ଟନାୟକ ଙ୍କ ବିୟୋଗ ପାଇଁ ଗଭୀର ସମବେଦନା ଜଣାଇଛନ୍ତି।

ଶ୍ରୀ ଗାନ୍ଧୀ କହିଥିଲେ ଶ୍ରୀମତୀ ପଟ୍ଟନାୟକ ଙ୍କ ବିୟୋଗ କଂଗ୍ରେସ ଦଳ ପାଇଁ ଅପୂରଣୀୟ କ୍ଷତି।ମହିଳା ସଶକ୍ତିକରଣ କ୍ଷେତ୍ରରେ ତାଙ୍କର ପ୍ରଚେଷ୍ଟା ଅବିସ୍ମରଣୀୟ। ସେ ତାଙ୍କର ଆବେଗ ବ୍ୟକ୍ତ କରିଥିଲେ। ଓଡ଼ିଶା ପ୍ରଦେଶ କଂଗ୍ରେସ ର ପ୍ରଭାରୀ ତଥା ସାଂସଦ ଡ ଚେଲ୍କା କୁମାରଜୀ ପୃଥ୍ୱୀ ବଲ୍ଲଭଙ୍କ ସହିତ ରାହୁଲ ଗ।ନ୍ଧିଜୀ ଙ୍କୁ କଥା ବାର୍ତ୍ତା କରାଇଥିଲେ।

Categories
ଆଜିର ଖବର ଜାତୀୟ ଖବର

ସେମାନେ ଦୀର୍ଘ ୫୨ ବର୍ଷ ଧରି ତ୍ରିରଙ୍ଗା ଉଡାଇ ନାହିଁନ୍ତି, ଆଜି କହୁଛନ୍ତି ହର ଘର ତ୍ରିରଙ୍ଗା; ରାହୁଳ ଗାନ୍ଧୀ

ନୂଆଦିଲ୍ଲୀ: ସେମାନେ ଦୀର୍ଘ ୫୨ ବର୍ଷ ଧରି ତ୍ରିରଙ୍ଗା ଉଡାଇ ନାହାଁନ୍ତି। ହେଲେ ଏବେ ସେମାନେ ହର ଘର ତ୍ରିରଙ୍ଗା ସ୍ଲୋଗାନ ଦେଉଛନ୍ତି। ଏପରି ଏକ ସମାଲୋଚନା କରିଛନ୍ତି କଂଗ୍ରେସ ନେତା ରାହୁଳ ଗାନ୍ଧୀ। କର୍ଣ୍ଣାଟକରେ ଆୟୋଜିତ ଏକ କାର୍ଯ୍ୟକ୍ରମରେ ସେ କହିଛନ୍ତି ଯେ, ଏହି ପତାକା ଉଡାଇବାକି ଲକ୍ଷଲକ୍ଷ ଲୋକ ବଳିଦାନ ଦେଇଛନ୍ତି। ହେଲେ ଗୋଟିଏ ସଂଗଠନ ଏହାକୁ ବିରୋଧ କରିଆସୁଛି।

ସେ ପ୍ରରୋକ୍ଷରେ ଆରଏସଏସ କୁ ଟ୍ୟାର୍ଗେଟ କରି କହିଛନ୍ତି ଯେ, ନାଗପୁର କାର୍ଯ୍ୟଳୟରେ ୫୨ ବର୍ଷ ଧରି ତ୍ରିରଙ୍ଗା ଉଡିପାରିଲା ନାହିଁ। ଏ ପର୍ଯ୍ୟନ୍ତେ ସେହି ସଂଗଠନର କର୍ମି ସେମାନଙ୍କର ସାମାଜିକ ଗଣମାଧ୍ୟମରେ ତ୍ରିରଙ୍ଗାକୁ ସ୍ଥାନିତ କରି ନାହାଁନ୍ତି। ତେଣୁ ସେହିପରି ସଂଗଠନରୁ ଆସିଥିବା ନେତା ଏବେ କହୁଛନ୍ତି ହରଘର ତ୍ରିରଙ୍ଗା।

Categories
ଆଜିର ଖବର ଜାତୀୟ ଖବର

ରାଷ୍ଟ୍ରପତି ପାଇଁ ବିରୋଧୀ ଦଳ ତରଫରୁ ନାମାଙ୍କନ ଦାଖଲ କଲେ ଯଶବନ୍ତ ସିହ୍ନା

ନୂଆଦିଲ୍ଲୀ: ଆଜି ରାଜ୍ୟସଭା ମହାସଚିବଙ୍କ ନିକଟରେ ରାଷ୍ଟ୍ରପତି ପଦ ପାଇଁ ପ୍ରାର୍ଥପତ୍ର ଦାଖଲ କରିଛନ୍ତି ଯଶବନ୍ତ ସିହ୍ନା। ସେ ବିରୋଧୀଦଳର ମିଳିତ ପ୍ରାର୍ଥୀ ଭାବେ ନିର୍ବାଚନ ଲଢେଇ କରିବେ। ଆଜି ନାମଙ୍କାନ ଦାଖଲ ବେଳେ ତାଙ୍କ ସହିତ ଥିଲେ କଂଗ୍ରେସର ରାହୁଳ ଗାନ୍ଧୀ, ମଲ୍ଲିକାର୍ଜ୍ଜୁନ ଖଡଗେ, ଜୟରାମ ରମେଶ, ଏନସିପିର ଶରଦ ପାୱାର, ସମାଜାବାଦୀ ପାର୍ଟିର ମୁଖ୍ୟ ଅଖିଲେଶ ଯାଦବ, ଡିଏମ କେ ର ଏ ରାଜା ଏବଂ ଏନସି ର ମୁଖ୍ୟ ଫାରୁକ ଅବଦୁଲା।

ହେଲେ ଏହି କାର୍ଯ୍ୟକ୍ରମରେ ଟିଏମସି ମୁଖ୍ୟ ମମତା ବାନାର୍ଜି ଯୋଗ ଦେଇ ନ ଥିଲେ। ସିହ୍ନା ମିଳିତ ବିରୋଧୀ ଦଳର ପ୍ରାର୍ଥୀ ହେବେ ବୋଲି ସେ ନିକଟରେ ଟିଏମସିରୁ ଇସ୍ତଫା ଦେଇଥିଲେ। ତାଙ୍କୁ ପ୍ରାର୍ଥୀ କରିବା ପାଇଁ ମମତାଙ୍କର ଭୂମିକା ବେଶ୍ ଗୁରୁତ୍ବ ରହିଛି। ହେଲେ ସେ ନାମାଙ୍କନ ଦାଖଲକୁ ନ ଆସିବା ନେଇ ବିଭିନ୍ନ ମହଲରେ ସମାଲୋଚନା କରାଯାଇଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଧରା ପଡିଗଲା ସାଂସଦ ଅଚ୍ୟୁତ ସାମନ୍ତ ଓ ବିଧାୟକ ସୌମ୍ୟ ରଂଜନ ପଟ୍ଟନାୟକଙ୍କ କଂଗ୍ରେସ ପ୍ରୀତି

ଭୁବନେଶ୍ବର: ବର୍ତ୍ତମାନ ଓଡିଶା କଂଗ୍ରେସର ସଭାପତି କିଏ ହେବ ଯେତିକି ଚର୍ଚ୍ଚାରେ ନାହିଁ, ତାହାଠାରୁ ଅଧିକ ଚର୍ଚ୍ଚା ହେଉଛି ରାହୁଳ ଗାନ୍ଧୀଙ୍କ ମତାମତ ସଂଗ୍ରହ। ରାଜ୍ୟ କଂଗ୍ରେସର କିଏ ସଭାପତି ହେବ ସେ ନେଇ ରାହୁଳ ବିଜେଡିର ଦୁଇଜଣ ନେତାଙ୍କ ମତ ନେଇଛନ୍ତି। ସେହି ଦୁଇ ଜଣ ହେଲେ ସାଂସଦ ଅଚ୍ୟୁତ ସାମନ୍ତ ଏବଂ ବିଧାୟକ ସୌମ୍ୟ ରଂଜନ ପଟ୍ଟନାୟକ।

ତେବେ ଏହି ଘଟଣାକୁ ନେଇ ସାଧାରଣରେ ଦୁଇଟି ପ୍ରଶ୍ନ ଉଠିଛି। ତାହା ହେଲା ରାହୁଳ ଗାନ୍ଧୀ କଣ ପାଇଁ ବିଜେଡି ନେତାଙ୍କ ମତାମତ ସଂଗ୍ରହ କଲେ। କଂଗ୍ରେସ ସଭାପତି କିଏ ହେବ ତାହା ତାଙ୍କ ଦଳୀୟ ନେତା ଠିକ କରିବା କଥା। ହେଲେ ବିଜେଡି ନେତାଙ୍କ ମତ ନେବା ସମସ୍ତଙ୍କୁ ବହୁ ଅଡୁଆ ଲାଗିଛି। ରାହୁଳ ପ୍ରତିଦ୍ବନ୍ଦି ଦଳର ନେତାମାନଙ୍କୁ ଦଳିୟ ବ୍ୟାପାରରେ ପୁରାଇବା ଠିକ ହୋଇଛି କି ?

ଦ୍ବିତୀୟ ପ୍ରଶ୍ନ ଉଠିଛି ଯେ, ଯଦି ରାହୁଳ ଗାନ୍ଧୀ ବିଜେଡି ନେତାଙ୍କ ମତ ନେଲେ, ତେବେ  ଅଚ୍ୟୁତ ସାମନ୍ତ ଆଉ ସୌମ୍ୟରଂଜନ ପଟ୍ଟନାୟକ କାହିଁକି ? ବିଜେଡିର ଅନେକ ଟାଣୁଆ, ଅଭିଜ୍ଞ ତଥା ବରିଷ୍ଠ ନେତା ରହିଛନ୍ତି। ଭର୍ତ୍ତୁହରି ମହତାବ, ପ୍ରସନ୍ନ ଆଚାର୍ଯ୍ୟ, କଂଗ୍ରେସରୁ ଆସିଥିବା ପିନାକୀ ମିଶ୍ରଙ୍କ ପରି ନେତା ତଥା ସାଂସଦ ଅଛନ୍ତି। ହେଲେ ଏମାନଙ୍କୁ କାହାକୁ ନ ପଚାରି ରାହୁଳ ଏହି ଦୁଇ ଜଣଙ୍କର ମତ କାହିଁକି ନେଲେ?

ଏହି ଦୁଇ ବିଜେଡି ନେତାଙ୍କ ମଧ୍ୟରୁ ପ୍ରଥମେ ସୌମ୍ୟ ରଂଜନ ପଟ୍ଟନାୟକଙ୍କ ପାଖକୁ ଯିବା। ସୌମ୍ୟରଂଜନ 1996 ମସିହାରେ କଂଗ୍ରେସ ଦଳରୁ ଭୁବନେଶ୍ବର ସାଂସଦ ଥିଲେ। ହେଲେ ସେ ସମୟର ଆଉ ବର୍ତ୍ତମାନର କଂଗ୍ରେସରେ ବହୁତ ପରିବର୍ତ୍ତନ ହୋଇସାରିଛି। ପୁଣି ସୌମ୍ୟବାବୁ ତା ଭିତରେ କେତେକ ଦଳ ପରିବର୍ତ୍ତନ କରି ବିଜେଡିକୁ ଆସିଛନ୍ତି। ସେଥିପାଇଁ ବିଜ୍ଞାନ କହୁଛି ବର୍ତ୍ତମାନ କଂଗ୍ରେସ ନେତୃତ୍ବ ସହିତ ସୌମ୍ୟବାବୁଙ୍କ ଆଉ ଯୋଗାଯୋଗ ରହିବା କଥା ନୁହେଁ। ହେଲେ ସୌମ୍ୟ ରଂଜନଙ୍କ ଏବେବି କଂଗ୍ରେସ ସହିତ ଯୋଗାଯୋଗ ରହିଥିବାର ଜଣାପଡିବା ପରେ ରାଜନୈତିକ ପାଣିପାଗକୁ ଗରମ କରିଛି।

ଦ୍ବିତୀୟରେ ସାଂସଦ ଅଚ୍ୟୁତ ସାମନ୍ତଙ୍କ ପ୍ରସଂଗକୁ ଯିବା। ତାଙ୍କର ରାଜନୈତିକ କ୍ୟାରିୟର ଏହି ବିଜେଡିରୁ ଆରମ୍ଭ। ହେଲେ ଏହା ସ୍ବୀକାର କରିବାକୁ ପଡିବ ଯେ, ରାଜନୀତି ପୂର୍ବରୁ ତାଙ୍କର ଦିଲ୍ଲୀ ଦରବାରରେ ବେଶ ଦବଦବା ରହିଛି। ହେଲେ କଂଗ୍ରେସ ସଭାପତି କିଏ ହେବ ସେ ନେଇ ରାହୁଳ ଗାନ୍ଧୀ ଅଚ୍ୟୁତଙ୍କ ସହିତ କଥା ହେବା ଆଉ ଏକ ଆଶ୍ଚର୍ଯ୍ୟ। କାରଣ ଅଚ୍ୟୁତଙ୍କ ବହୁ ପୂର୍ବରୁ ବହୁ ବିଜେଡି ନେତା ରାଜନୀତିରେ କ୍ୟାରିୟର ଆରମ୍ଭ କରିଛନ୍ତି। ଯେଉଁମାନଙ୍କର ରାହୁଳଙ୍କୁ ପରାମର୍ଶ ଦେବାରେ ବହୁ ଦକ୍ଷତା ତଥା ଅଭିଜ୍ଞତା ରହିଛି। ହେଲେ ରାହୁଳ ଅଚ୍ୟୁତଙ୍କ ଉପରେ ଭରସା କରିବା ଭିନ୍ନ ଦୃଷ୍ଟିଭଙ୍ଗୀ ତିଆରି କରିଛି।

ଏସବୁ ଭିତରେ ଗୋଟିଏ କଥା ସ୍ପଷ୍ଟ ହୋଇଛି ଯେ, ଅଚ୍ୟୁତ ସାମନ୍ତ ଏବଂ ସୌମ୍ୟରଂଜନ ଉଭୟ କଂଗ୍ରେସ ସହିତ ଯୋଗାଯୋଗରେ ରହିଛନ୍ତି। ଖାଲି ଯୋଗାଯୋଗ ନୁହେଁ ପୁରା ଭଲ ଯୋଗାଯୋଗରେ ଅଛନ୍ତି। ଉଚ୍ଚ ନେତୃତ୍ବ ସ୍ତରରେ ସେମାନଙ୍କର ପହଁଚ ଅଛି ବୋଲି ପ୍ରମାଣିତ ହୋଇଛି। ତେବେ ସେମାନେ ବିଜେଡିରେ ରହି କଂଗ୍ରେସ ସହିତ ଯୋଗାଯୋଗରେ କାହିଁକି ରହିଲେ? ଏହା ନିଶ୍ଚିତ ବଡ ପ୍ରଶ୍ନବାଚୀ।

ଏହାର କାରଣ ଖୋଜିଲେ ସ୍ବୀକାର କରିବାକୁ ପଡିବ ଯେ, ଏହି ଦୁଇ ଜଣଙ୍କର ମୁଖ୍ୟମନ୍ତ୍ରୀ ହେବା ପାଇଁ ମନ ବେଶ ଛଟପଟ ହେଉଛି। ହେଲେ ଉଭୟ ନିଶ୍ଚିତ ହୋଇଛନ୍ତି ଯେ, ବିଜେଡିରେ ରହିଲେ ସେମାନଙ୍କର ଏହି ଆଶା ପୂରଣ ହୋଇପାରିବେ ନାହିଁ। ସୌମ୍ୟବାବୁ ହୃଦୟଙ୍ଗମ କରିସାରିଲେଣି ଯେ, ସେ ବିଜେଡିରେ ରହିଲେ ମୁଖ୍ୟମନ୍ତ୍ରୀ ଛାଡନ୍ତୁ ମନ୍ତ୍ରୀ ମଧ୍ୟ ହୋଇ ପାରିବେ ନାହିଁ। ସେହିପରି ଅଚ୍ୟୁତ ମଧ୍ୟ ଭାବି ସାରିଲେଣି ଯେ, ତାଙ୍କର ବିଜେଡିରେ କେବଳ ସାଂସଦ ବିଧାୟକ କିମ୍ବା ବେଶୀ ହେଲେ ମନ୍ତ୍ରୀ ଭିତରେ ସୀମିତ ରହିବ। ମୁଖ୍ୟମନ୍ତ୍ରୀ ପର୍ଯ୍ୟନ୍ତ ଯିବା ବିଜେଡିରେ ସମ୍ଭବ ହେବ ନାହିଁ।

ଏସବୁ ବିଚାର କରି ଉଭୟ ସୌମ୍ୟବାବୁ ଏବଂ ଅଚ୍ୟୁତ ସାମନ୍ତ ନିଜ ନିଜ ରାସ୍ତାରେ କଂଗ୍ରେସ ସହିତ ଭଲ ଯୋଗାଯୋଗରେ ଅଛନ୍ତି। କାରଣ ସେମାନେ ଭଲଭାବେ ଜାଣିଛନ୍ତି ଯେ, ବର୍ତ୍ତମାନ କଂଗ୍ରେସ ଦଳର କେହି ମୁଖିଆ ନାହିଁନ୍ତି। ଅନ୍ୟପଟେ ଗାଁ ଗହଳିରେ କଂଗ୍ରେସ ଦଳର କିଛି ପକେଟ ଭୋଟ ମଧ୍ୟ ରହିଛି। ସେଥିପାଇଁ ଏହି ଦଳକୁ ଡିଆଁମାରି ଗଡ ସମ୍ଭାଳି ଦେଲେ ମୁଖ୍ୟମନ୍ତ୍ରୀ ହେବାର ସ୍ବପ୍ନ ହୁଏତ ସାକାର ହୋଇପାରିବ।

ସେହି ଆଶା କରି ଉଭୟ ଭିନ୍ନ ଭିନ୍ନ ରାସ୍ତାରେ କଂଗ୍ରେସ ସହିତ ଭଲ ସଂପର୍କ ରଖିବାରେ ଲାଗିଛନ୍ତି। ଯାହାକୁ ବିଧାୟକ ସୁର ରାଉତରାୟ ପଦାରେ ପକାଇ ଦେଇ ସେମାନଙ୍କ ଗଣିତକୁ ଭୁଲଭାଲ କରି ପକାଇଛନ୍ତି। ହେଲେ ଏ ଭଳି ନେତାଙ୍କୁ ବିଜେଡି ବେଶ ସତର୍କ ରହିବାର ଆବଶ୍ୟକତା ରହିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

କଂଗ୍ରେସର ସଭାପତି କିଏ ହେବ ସେ ନେଇ ବିଜେଡି ନେତାଙ୍କ ମତ ନେଲେ ରାହୁଳ ଗାନ୍ଧୀ

ଭୁବନେଶ୍ବର: ଓଡିଶା କଂଗ୍ରେସର ସଭାପତି କିଏ ହେବ, ସେ ନେଇ ଚାଲିଛି ଘଣ୍ଟାଚକଟା। ହେଲେ ଏହା ଭିତରେ ଏକ ବଡ ଖବର ଆସିଛି। ତାହା ହେଲା କିଏ କଂଗ୍ରେସ ସଭାପତି  ହେବ, ସେ ନେଇ ରାହୁଳ ଗାନ୍ଧୀ ବିଜେଡି ନେତାଙ୍କ ମତ ଲୋଡିଛନ୍ତି। ଏହା କୈଣସି ମିଛ କିମ୍ବା ଉଡା କଥା ନୁହେଁ। ଏ କଥା କହିଛନ୍ତ ଖୋଦ କଂଗ୍ରେସ ବିଧାୟକ ସୁରେଶ ରାଉତରାୟ।

ରାହୁଳ ଗାନ୍ଧୀଙ୍କୁ ଭେଟିବା ପାଇଁ ପୁରା ଓଡିଶା କଂଗ୍ରେସ ଟିମ ଦିଲ୍ଲୀ ଯାଇଥିଲେ। ସେଠାରୁ ଫେରିବା ପରେ ସୁର ରାଉତରାୟ ଏହି ବିସ୍ପୋରକ କଥା କହିଛନ୍ତି। ସେ କହିଛନ୍ତି ଯେ କଂଗ୍ରେସର ସଭାପତି କିଏ ହେବ ସେ ନେଇ ରାହୁଳ ଗାନ୍ଧୀ କେତେକ ବିଶିଷ୍ଠ ଲୋକଙ୍କ ମତ ନେଇଛନ୍ତି। ସେମାନଙ୍କ ଭିତରେ ଅଛନ୍ତି ବର୍ତ୍ତମାନ ଏବଂ ପୂର୍ବତନର ବିଜେଡି ନେତା।

ସୁର ରାଉତରାୟଙ୍କ କହିବା କଥା ହେଲା ରାହୁଳ ଗାନ୍ଧୀ ଓଡିଶାର ବିଜେଡି ନେତାଙ୍କ ସହିତ ଯୋଗାଯୋଗରେ ଅଛନ୍ତି। ସେଥିପାଇଁ ସେମାନଙ୍କ ମତ ନେଇଛନ୍ତି। ସେ କହିଛନ୍ତି ଯେ, ସଭାପତି କିଏ ହେବ ସେ ନେଇ ରାହୁଳ ଗାନ୍ଧୀ ବିଜେଡି ସାଂସଦ ଅଚ୍ୟୁତ ସାମନ୍ତ ଏବଂ ବିଧାୟକ ସୌମ୍ୟରଂଜନ ପଟ୍ଟନାୟକଙ୍କ ମତ ନେଇଛନ୍ତି। ତେବେ କଂଗ୍ରେସ ସଭାପତି ପାଇଁ ବିଜେଡି ନେତାଙ୍କ ମତ କଣ ଆବଶ୍ୟକ ବୋଲି ପଚାରିବାରୁ ସେ କିଛି କହି ନ ଥିଲେ।

ତେବେ ଏହାକୁ ନେଇ ବର୍ତ୍ତମାନ ରାଜ୍ୟ ରାଜନୀତିରେ ବେଶ ଚର୍ଚ୍ଚା ଚାଲିଛି। ସାଧାରଣରେ ପ୍ରଶ୍ନ ଉଠୁଛି ଯେ ତେବେ କଂଗ୍ରେସ ଦଳ କଣ ବିଜେଡି ନିୟନ୍ତ୍ରଣରେ ରହିଛି କି ? ପୂର୍ବରୁ ସୁର ରାଉତରାୟ କହିଥିଲେ ଯେ, କଂଗ୍ରେସ ସଭାପତି କିଏ ହେବ ତାହା ନବୀନ ପଟ୍ଟନାୟକ ନିର୍ଦ୍ଧାରଣ କରନ୍ତି। ଏହି କଥାକୁ ନେଇ ସେତେବେଳେ ବେଶ୍ ହଇଚଇ ସୃଷ୍ଟି ହୋଇଥିଲା।

ସେତିକି ନୁହେଁ ସୁର ରାଉତରାୟ ବିଜେଡି ନେତାଙ୍କ ସହିତ ଆଉ କେତେକ ଅଣ କଂଗ୍ରେସ ନେତାଙ୍କ ନାମ ମଧ୍ୟ କହିଲେ। ସେମାନେ ହେଲେ ପୂର୍ବତନ କେନ୍ଦ୍ରମନ୍ତ୍ରୀ ବ୍ରଜ ତ୍ରିପାଠୀ ଏବଂ ପୂର୍ବତନ ସାଂସଦ ତଥାଗତ ଶତପଥୀ। ଏହି ଦୁଇଜଣଙ୍କର ମଧ୍ୟ କଂଗ୍ରେସ ସଭାପତି କିଏ ହେବ ସେ ନେଇ ମତ ନିଆଯାଇଥିଲା।

ଏଥିରୁ ସ୍ପଷ୍ଟ ହୋଇଛି ଯେ, କଂଗ୍ରେସ ନିଜ ସଭାପତି ନିଜେ ବାଛିବାର କ୍ଷମତା ନାହିଁ। ଫଳରେ ରାହୁଳ ଗାନ୍ଧୀ ଅନ୍ୟ ନେତାଙ୍କ ଉପରେ ନିର୍ଭର କରୁଛନ୍ତି। ତେବେ ଏହାକୁ ନେଇ ଉଭୟ କଂଗ୍ରେସ ଏବଂ ବିଜେଡି ଶିବିରରେ ବେଶ୍ ଚର୍ଚ୍ଚା ଚାଲିଛି।

Categories
ଆଜିର ଖବର ରାଜ୍ୟ ଖବର

ରାହୁଳ ଗାନ୍ଧୀଙ୍କୁ ଭେଟିଲେ ଓଡିଶା କଂଗ୍ରେସ ନେତା, ଖୁବଶିଘ୍ର ଘୋଷଣା ହେବ ନୂଆ ସଭାପତିଙ୍କ ନାମ

ନୂଆଦିଲ୍ଲୀ: ଆଜି ଓଡିଶାର୧୭ ଜଣ ନେତା କଂଗ୍ରେସ ମୁଖ୍ୟ ରାହୁଳ ଗାନ୍ଧୀଙ୍କୁ ସାକ୍ଷାତ କରିଛନ୍ତି। ରାହୁଳ ସେମାନଙ୍କ ସହିତ ୱାନ ଟୁ ୱାନ କଥାବାର୍ତ୍ତା ହୋଇଛନ୍ତି। ସେମାନଙ୍କଠାରୁ ନୂଆ ପିସିସିସ ସଭାପତି କିଏ ହେବ ସେ ନେଇ ମତାମତ ମଧ୍ୟ ନେଇଛନ୍ତି। ସେହିପରି ଆଗାମୀ ନିର୍ବାଚନ ପାଇଁ କଣ ରହିବ ରଣନୀତି ସେ ନେଇ ନେତାଙ୍କ ମତ ସଂଗ୍ରହ କରିଛନ୍ତି।

ତେବେ ରାହୁଲଙ୍କୁ ଭେଟିଥିବା ୧୭ ଜଣ ନେତାଙ୍କ ମଧ୍ୟରେ ଅଛନ୍ତି ନିରଂଜନ ପଟ୍ଟନାୟକ, ନରସିଂହ ମିଶ୍ର, ସୁର ରାଉତରାୟ, ମହମ୍ମଦ ମୁକିମ, ଚିରଞ୍ଜିବ ବିଶ୍ବାଳ, ତାରା ପ୍ରସାଦ ବାହିନୀପତି, ସନ୍ତୋଷ ସାଲୁଜା, ଅଧିରାଜ ମୋହନ ପାଣିଗ୍ରାହୀ, ରମେଶ ଜେନା, ଜୟଦେବ ଜେନା, ରାଜନ ଏକା, ସପ୍ତଗିରି ଉଲାକା।

Categories
ଜାତୀୟ ଖବର ବିଶେଷ ଖବର

ନେପାଳ ପାର୍ଟିରେ ରାହୁଳ ଗାନ୍ଧୀଙ୍କ ସହିତ ଥିବା ସେ ଯୁବତୀ ଜଣଙ୍କ କିଏ ? ସତ୍ୟ ହେଲା ପ୍ରକାଶ

ନୂଆଦିଲ୍ଲୀ: ନିକଟରେ ବିଜେପି ମିଡିଆ ସେଲ ମୁଖ୍ୟ ଅମିତ ମାଲବ୍ୟ ଏକ ଭିଡିଓ ପୋଷ୍ଟ କରିଥିଲେ। ଯେଉଁଥିରେ ରାହୁଳ ଗାନ୍ଧୀ ଏକ ପାର୍ଟିରେ ଉପସ୍ଥିତ ଅଛନ୍ତି ଏବ ଜଣେ ମହିଳାଙ୍କ ସହିତ କଥା ହେଉଛନ୍ତି। ଏହା ହେଉଛି ନେପାଳର ଏକ ନାଇଟ କ୍ଲବ ଏବଂ ଦେଶରେ କଂଗ୍ରେସ ଅବସ୍ଥା ଖରାପ ଥିବା ବେଳେ ତାହାର ମୁଖ୍ୟ ନାଇଟ କ୍ଲବରେ ମଜ୍ଜା କରୁଛନ୍ତି। ଏହିପରି ତଥ୍ୟ ଉଲ୍ଲେଖ୍ୟ କରି ମାଲବ୍ୟ ନିଜ ସାମାଜିକ ଗଣମାଧ୍ୟମରେ ପ୍ରକାଶ କଲେ।

ଏହାପରେ ବିଜେପି କର୍ମି ଏବଂ ଅନ୍ୟମାନେ ସେହି ଭିଡିଓକୁ ଭାଇରାଲ କରିବାରେ ଲାଗିଲ।  ଏହାପରେ କଂଗ୍ରେସ ତରଫରୁ ସ୍ପଷ୍ଟି କରଣ ଦିଆଗଲା। କଂଗ୍ରେସର ସାଧାରଣ ସମ୍ପାଦକ ତଥା ମୁଖ୍ୟ ମୁଖପାତ୍ର ରଣଦୀପ ସୁରଜୱାଲା କହିଛନ୍ତି ଯେ ଗାନ୍ଧୀ ଏକ ଘରୋଇ ବିବାହ ପାଇଁ ନେପାଳ ଯାଇଥିଲେ। ସେ ଏହା ମଧ୍ୟ କହିଛନ୍ତି ଯେ ବନ୍ଧୁ କିମ୍ବା ପରିବାର ସଦସ୍ୟଙ୍କ ବିବାହରେ ଯୋଗଦେବା ଅପରାଧ ନୁହେଁ। ଏହି ପ୍ରସଙ୍ଗରେ ତ୍ରୁଣମୂଳ କଂଗ୍ରେସ ସାଂସଦ ମହୁଆ ମିତ୍ର ମଧ୍ୟ ବିଜେପିକୁ ନିନ୍ଦା କରିଛନ୍ତି।

ତେବେ ଏହି ଘଟଣା ନେଇ ଦେଶର ପ୍ରତିଷ୍ଠିତ ମିଡିଆ ସଂସ୍ଥା ଇଣ୍ଡିଆ ଟୁଡେ ତରଫରୁ ସତ୍ୟାସତ୍ୟ ଯାଞ୍ଚ କରାଯାଇଥିଲା। ଏଥିରେ ଜଣାପଡିଥିଲା ଯେ, ପାଞ୍ଚ ଦିନିଆ ବ୍ୟକ୍ତିଗତ ଗସ୍ତରେ ଗାନ୍ଧୀ ସୋମବାର, ମଇ ୨ ତାରିଖରେ ନେପାଳରେ ପହଞ୍ଚିଥିଲେ। କାଠମାଣ୍ଡୁ ପୋଷ୍ଟ ଖବରକାଗଜ ଅନୁଯାୟୀ, ନେପାଳର ବନ୍ଧୁ ସୁନିମା ଉଦାସଙ୍କ ବିବାହ ଉତ୍ସବରେ ଯୋଗଦେବା ପାଇଁ କଂଗ୍ରେସ ନେତା ରାହୁଳ ଗାନ୍ଧୀ ନେପାଳ ରାଜଧାନୀ କାଠମାଣ୍ଡୁରେ ଅଛନ୍ତି ବୋଲି ପ୍ରକାଶ ପାଇଥିଲା।

ମୋ ଝିଅର ବିବାହରେ ଯୋଗଦେବା ପାଇଁ ଆମେ ଗାନ୍ଧୀଙ୍କୁ ନିମନ୍ତ୍ରଣ କରିଥିଲୁ ବୋଲି ସୁମନିମାଙ୍କ ପିତା ଭୀମ ଉଦାସ କହିଛନ୍ତି। ଭିମ ମିଆଁମାରରେ ନେପାଳର ରାଷ୍ଟ୍ରଦୂତ ଭାବରେ କାର୍ଯ୍ୟ କରିଥିଲେ। ତାଙ୍କ ଝିଅ ସୁନିମା ହେଉଛନ୍ତି ସିଏନଏନ ର ପୂର୍ବତନ ସାମ୍ବାଦିକା। ନିମା ମାର୍ଟିନ ଶେର୍ପା ନାମିତ ଜଣେ ଯୁବକଙ୍କୁ ସୁନିମା ବିବାହ କରୁଛନ୍ତି।

ଇଣ୍ଡିଆ ଟୁଡେ ଫ୍ୟାକ୍ଟ-ଚେକରେ ଦର୍ଶାଯାଇଛି ଯେ ଗାନ୍ଧୀଙ୍କ ସହ ଭିଡିଓରେ ଦେଖାଯାଇଥିବା ଜଣେ ମହିଳାଙ୍କୁ ନେପାଳରେ ଚାଇନାର ରାଷ୍ଟ୍ରଦୂତ ହୋ ୟାନକି ବୋଲି ଅନେକ ଚିହ୍ନଟ କରିଛନ୍ତି। ଯେଉଁମାନେ ଏହି ଦାବିକୁ ଟୁଇଟ୍ କରିଛନ୍ତି ସେମାନଙ୍କ ମଧ୍ୟରେ ଜଣେ ଟିଆରଏସ ନେତା ମଧ୍ୟ ଅଛନ୍ତି। ସମ୍ବାଦପତ୍ରରୁ ଜଣାପଡିଛି ଯେ ଗାନ୍ଧୀ ତାଙ୍କର ପାଞ୍ଚ କିମ୍ବା ଛଅ ଜଣ ପରିଚିତ ବ୍ୟକ୍ତିଙ୍କ ସହ ମେ ୨ ତାରିଖରେ ନାଇଟ୍ କ୍ଲବ୍ରେ ଥିଲେ। ଇଣ୍ଡିଆ ଟୁଡେ ଦ୍ୱାରା ନାଇଟ୍ କ୍ଲବକୁ କରାଯାଇଥିବା କଲରୁ ଜଣାପଡିଛି  ଯେ ସେମାନଙ୍କ ମଧ୍ୟରୁ କେହି ଚାଇନାର କୂଟନୀତିଜ୍ଞ ନୁହଁନ୍ତି।

ଏହି ମହିଳା ନିଶ୍ଚିତ ଭାବରେ ଚାଇନାର ଦୂତ ନୁହଁନ୍ତି। ସେ ବରର ଜଣେ ନେପାଳୀ ମହିଳା ବୋଲି ସେହି ପାର୍ଟିରେ ଯୋଗଦେଇଥିବା ଜଣେ ବରିଷ୍ଠ ସାମ୍ବାଦିକ କହିଛନ୍ତି। ପ୍ରତ୍ୟକ୍ଷଦର୍ଶୀଙ୍କ କଥାକୁ ଆଧାର କରି ଏହା ସ୍ପଷ୍ଟ ଯେ ଭାଇରାଲ ଭିଡିଓରେ ରାହୁଲ ଗାନ୍ଧୀଙ୍କୁ ଚୀନ୍ ରାଷ୍ଟ୍ରଦୂତଙ୍କ ସହ ପାର୍ଟି କରୁଥିବା ପ୍ରସଂଗ ମିଛ। ସେ ଉପସ୍ଥିତ ଥିବା ବିବାହରେ ବରର ଜଣେ ବନ୍ଧୁଙ୍କ ସହ କଥାବାର୍ତ୍ତା ହେଉଥିଲେ ବୋଲି ଇଣ୍ଡିଆ ଟୁଡେ ରିପୋର୍ଟ କରିଛି।

Categories
ଜାତୀୟ ଖବର ବିଶେଷ ଖବର

ନାଇଟ କ୍ଲବରେ ରାହୁଳ ଗାନ୍ଧୀଙ୍କ ଏକ ଭିଡିଓକୁ ନେଇ ବିଜେପିର ତୁମ୍ବିତୋଫାନ, କଂଗ୍ରେସର ଜବାବ

ନୂଆଦିଲ୍ଲୀ: କାଠମାଣ୍ଡୁର ଏକ ନାଇଟ୍ କ୍ଲବରେ ରାହୁଲ ଗାନ୍ଧୀଙ୍କ ପାର୍ଟିର ଏକ ଭିଡିଓ ବର୍ତ୍ତମାନ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ରାହୁଳ ଗାନ୍ଧୀ ଏକ କ୍ଲବରେ ଛିଡା ହୋଇ ମୋବାଇଲ ଦେଖୁଥିବାର ଦେଖାଯାଇଛି। ତାଙ୍କ ପାଖରେ ଜଣେ ଯୁବତୀ ମଧ୍ୟ ରହିଛନ୍ତି। ସେ ସେହି ଯୁବତୀ ସହିତ କଥାବାର୍ତ୍ତା ମଧ୍ୟ ହେଉଛନ୍ତି।

ଏହି ଭିଡିଓଟି ବିଜେପି ମୁଖପାତ୍ର ଅମିତ ମାଲବୀୟ ତାଙ୍କ ଟୁଇଟରରେ ଦେବା ପରେ ତାହା ଭାଇରାଲ ହେବାରେ ଲାଗିଛି। ଅମିତ ମାଲବ୍ୟ ତାଙ୍କ ଟୁଇଟରେ ଉଲ୍ଲେଖ କରିଛନ୍ତି ଯେ, କଂଗ୍ରେସ ଯେତେବେଳେ ଦେଶରେ ବିପଦପୂର୍ଣ୍ଣ ସ୍ଥିତିରେ ରହିଛି, ସେତେବେଳେ ତାହାର ପ୍ରଧାନମନ୍ତ୍ରୀ ପ୍ରାର୍ଥୀ ନେପାଳର ନାଇଟ କ୍ଲବରେ ରାତି ବିତାଉଛନ୍ତି। ମାଲବ୍ୟ ଏପରି ଉଲ୍ଲେଖ କରିବା ପରେ ଦଳୀୟ କର୍ମିମାନେ ତାହାକୁ ଭାଇରାଲ କରିବାରେ ଲାଗିଛନ୍ତି। ଏହା ଉପରେ ବିଭିନ୍ନ ଲୋକ ଭିନ୍ନ ଭିନ୍ନ କମେଣ୍ଟ ମଧ୍ୟ ଦେବାରେ ଲାଗିଛନ୍ତି।

ବଡଖବର: ପ୍ରଧାନମନ୍ତ୍ରୀଙ୍କୁ ବର୍ଲିନରେ ଗେରୁଆ ପତାକାରେ ସ୍ବାଗତ କରିବା ନେଇ ବିବାଦ, ଅଧିକ ପଢିବା ପାଇଁ ଏହା ଉପରେ କ୍ଲିକ କରନ୍ତୁ

ତେବେ ଏହାକୁ ନେଇ କଂଗ୍ରେସ ତରଫରୁ ମଧ୍ୟ ସ୍ପଷ୍ଟିକରଣ ଦିଆଯାଇଛି। ଏକ ସାମ୍ବାଦିକ ସମ୍ମିଳନୀରେ ଭାଇରାଲ ଭିଡିଓ ବିଷୟରେ ପଚରାଯାଇଥିବା ବେଳେ କଂଗ୍ରେସର ସାଧାରଣ ସମ୍ପାଦକ ରଣଦୀପ ସୁରଜୱାଲା ସ୍ପଷ୍ଟ କରିଛନ୍ତି ଯେ ରାହୁଲ ଗାନ୍ଧୀ କାଠମାଣ୍ଡୁରେ ଏକ ବନ୍ଧୁଙ୍କ ବିବାହ ଉତ୍ସବରେ ଯୋଗ ଦେଇଥିଲେ। ବିନା କାରଣରେ ବିଜେପି କଂଗ୍ରେସ ନେତାଙ୍କ ପଛରେ ପଡିବା ପରିବର୍ତ୍ତେ ମୁଦ୍ରାସ୍ପିତି ପ୍ରତି ଧ୍ୟାନ ଦେବା ଆବଶ୍ୟକ ବୋଲି ସେ ବିଜେପିକୁ ପରାମର୍ଶ ଦେଇଛନ୍ତି।

ସେ ଆହୁରି କହିଛନ୍ତି ଯେ, “ରାହୁଲ ଗାନ୍ଧୀ ତାଙ୍କ ବନ୍ଧୁଙ୍କ ବିବାହ ଉତ୍ସବରେ ଯୋଗଦେବା ପାଇଁ କାଠମାଣ୍ଡୁ ଯାଇଥିଲେ। ସେ ସେଠାରେ ଏକ ବ୍ୟକ୍ତିଗତ ଗସ୍ତରେ ଯାଇଥିଲେ। ହେଲେ ଦେଶରେ ବିଦ୍ୟୁତ୍ ସଙ୍କଟ, ମୁଦ୍ରାସ୍ଫୀତି ସମ୍ବନ୍ଧୀୟ ପ୍ରଶ୍ନର ଉତ୍ତର ସେମାନେ କାହିଁକି ଦେଉ ନାହାଁନ୍ତି ବୋଲି କଂଗ୍ରେସ ପ୍ରଶ୍ନ କରିଛି। କିନ୍ତୁ ରାହୁଲ ଗାନ୍ଧୀଙ୍କ ପାଇଁ ସେମାନଙ୍କର ସବୁ ସମୟ ଅଛି ବୋଲି ସୁରଜେୱାଲା କହିଛନ୍ତି।

ସେ କହିଛନ୍ତି ଯେ, ରାହୁଳ ଗାନ୍ଧୀ ତାଙ୍କର ନେପାଳର ଜଣେ ବନ୍ଧୁଙ୍କ ବାହାଘର ଉତ୍ସବରେ ଯୋଗଦେବା ପାଇଁ ଯାଇଥିଲେ। ସେଠାରେ ସେ ବାହାଘର ପାର୍ଟିରେ ଯୋଗ ଦେଇଥିଲେ। ଏହି ବାହାଘର ତାଙ୍କର ନେପାଳର ଜଣେ ସାମ୍ବାଦିକ ବନ୍ଧୁଙ୍କର ବୋଲି କଂଗ୍ରେସ କହିଛି। ଜଣେ ବନ୍ଧୁଙ୍କ ବାହାଘର ଉତ୍ସବରେ ଯୋଗ ଦେବା କଣ ଭୁଲ ବୋଲି କଂଗ୍ରେସ ପ୍ରଶ୍ନ କରିଛି।

ଅନ୍ୟପକ୍ଷରେ ପ୍ରଧାନମନ୍ତ୍ରୀ ମୋଦୀଙ୍କ ଉପରେ ଏକ ଫଟୋ ଦେଖାଇ ସୁରଜୱାଲା ଆହୁରି କହିଛନ୍ତି, “ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦିଙ୍କ ପରି ପାକିସ୍ତାନ ଗସ୍ତରେ ଯାଇ ନାହାଁନ୍ତି। ବିନା ନିମନ୍ତ୍ରଣରେ ସେ କାହାର ଜନ୍ମଦିନରେ ଯୋଗଦେଇ ନାହାଁନ୍ତି। ରାହୁଲ ଗାନ୍ଧୀ ଜଣେ ବନ୍ଧୁଙ୍କ ବ୍ୟକ୍ତିଗତ ବିବାହ କାର୍ଯ୍ୟରେ ଭାଗ ନେବାକୁ ନେପାଳକୁ ଯାଇଥିଲେ। ” ଏଥିରେ ସଂଘ ପ୍ରେମୀଙ୍କୁ କାହିଁକି ବାଧୁଛି ବୋଲି କଂଗ୍ରେସ ପ୍ରଶ୍ନ କରିଛି।

Categories
ଜାତୀୟ ଖବର ବିଶେଷ ଖବର

ମାୟାବତୀଙ୍କୁ ମୁଖ୍ୟମନ୍ତ୍ରୀ ପଦ ଯାଚିଥିଲୁ, ହେଲେ ସେ ସିବିଆଇ ଭୟରେ ମନା କଲେ; ରାହୁଳ ଗାନ୍ଧୀ

ନୂଆଦିଲ୍ଲୀ: କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଆଜି କହିଛନ୍ତି ଯେ ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ବହୁଜନ ସମାଜବାଦୀ ପାର୍ଟି (ବିଏସପି) ର ନେତ୍ରୀ ମାୟାବତୀଙ୍କୁ ଏକ ମେଣ୍ଟ କରିବାକୁ କହିଥିଲୁ, କିନ୍ତୁ ସେ ମନା କରି ଦେଇଥିଲେ। ଏପରିକି ଆମେ ମାୟାବତୀଙ୍କୁ ମୁଖ୍ୟମନ୍ତ୍ରୀ କରିବାକୁ ମଧ୍ୟ ପ୍ରସ୍ତାବ ଦେଇଥିଲୁ, ହେଲେ ସେ ମନା କରିଥିଲେ ବୋଲି ରାହୁଲ କହିଛନ୍ତି।

ସେ ଆହୁରି କହିଛନ୍ତି ଯେ, ୱାୟାନାଡ ସାଂସଦଙ୍କ ମାଧ୍ୟମରେ ବିଏସପି ନେତ୍ରୀଙ୍କୁ ଏହି ପ୍ରସ୍ତାବ ଦିଆଯାଇଥିଲା। ହେଲେ ମାୟାବତି କେନ୍ଦ୍ର ସରକାରଙ୍କୁ ଭୟକରି ଏହି ପ୍ରସ୍ତାବ ଗ୍ରହଣ କରି ନ ଥିଲେ। କାଳେ ଏହାକୁ ଗ୍ରହଣ କଲେ ତାଙ୍କୁ ସିବିଆଇ, ଇଡି ଏବଂ ପେଗାସସ ବ୍ୟବହାର କରି ହଇରାଣ କରିବେ ସେଥିପାଇଁ ମାୟାବତା ମନା କରିଥିଲେ।

ସେ ସ୍ପଷ୍ଟୀକରଣ ଦେଇ କହିଛନ୍ତି, “କାନସୀ ରାମ ଜୀ ଉତ୍ତରପ୍ରଦେଶରେ ଦଳିତ ସ୍ୱର ଉତ୍ତୋଳନ କରିଥିଲେ, ଯାହା କଂଗ୍ରେସ ଉପରେ ପ୍ରଭାବ ପକାଇଥିଲା। ହେଲେ ଏଥର ମାୟାବତୀ ଦଳିତଙ୍କ ଅଧିକାର ପାଇଁ ଲଢି ନ ଥିଲେ। ଏହାର କାରଣ ହେଲା ସିବିଆଇ, ଇଡି ଏବଂ ପେଗାସସ୍ ଡର ତାଙ୍କୁ ଥିଲା।

ଆଜି ରାହୁଳ କଂଗ୍ରେସ ନେତା କେ ରାଜୁଙ୍କ ପୁସ୍ତକ ‘ଦଳିତ ସତ୍ୟ’ର ଉନ୍ମୋଚନ ଉତ୍ସବରେ ଯୋଗଦେଇ ଏହି କଥା କହିଥିଲେ। ରାଜୀବ ଗାନ୍ଧୀ ଫାଉଣ୍ଡେସନ ସହଯୋଗରେ ସମୃଦ୍ଧି ଭାରତ ଫାଉଣ୍ଡେସନ ଏହି କାର୍ଯ୍ୟକ୍ରମର ଆୟୋଜନ କରିଥିଲା। ଅନୁରାଗ ଭାସ୍କର ଏବଂ ଜିଗ୍ନେଶ ମେଭାନୀ ମଧ୍ୟ ପ୍ୟାନେଲରେ ଥିଲେ।

ରାହୁଳ କହିଛନ୍ତି ଯେ, ଆଇଟି ନିଯୁକ୍ତିରେ ଆଉଟ ସୋର୍ସିଂ ସବୁଠାରୁ ବିପଦଜନକ କାର୍ଯ୍ୟ। ସେ ଆହୁରି  କହିଛନ୍ତି, “ଆମେ ଅନୁଷ୍ଠାନ ବିନା ସମ୍ବିଧାନର ସୁରକ୍ଷା କରିପାରିବୁ ନାହିଁ। ଡକ୍ଟର ବି.ଆର୍ ଆମ୍ବେଦକର ଆମକୁ ସମ୍ବିଧାନକୁ ଅସ୍ତ୍ର ଭାବରେ ଆମକୁ ଦେଇଛନ୍ତି। ହେଲେ ବର୍ତ୍ତମାନ ଏହି ଅସ୍ତ୍ର କିନ୍ତୁ ଆଉ ପ୍ରଭାବଶାଳୀ ନୁହେଁ।”

ସେ ଦାବି କରିଛନ୍ତି ଯେ ମହାତ୍ମା ଗାନ୍ଧୀଙ୍କ ହତ୍ୟା ଏହି ଅନୁଷ୍ଠାନଗୁଡିକ ପୁଣି ଥରେ ଘାଣ୍ଟିବା ପ୍ରକ୍ରିୟା ଆରମ୍ଭ କରିଛନ୍ତି। ଆଉ ସେହି ସଂଗଠନଗୁଡିକ ପରିଚାଳନା କରୁଛନ୍ତି ରାଷ୍ଟ୍ରୀୟ ସ୍ବୟଂ ସେବକ ସଂଘ।

ସେ କହିଛନ୍ତି, “ଭାରତ ହେଉଛି ବିଶ୍ୱର ଏକମାତ୍ର ସ୍ଥାନ ଯେଉଁଠାରେ ଜଣେ ମଣିଷ ଅନ୍ୟ ଜଣେ ମଣିଷକୁ ଛୁଇଁବ ନାହିଁ ବରଂ ଏକ କୁକୁର, ଘୋଡାକୁ ଛୁଇଁବ କିମ୍ବା ଏକ କୁକୁଡ଼ାକୁ ମାରିବ। ରାହୁଲ ଗାନ୍ଧୀ ତଥାକଥିତ ନିମ୍ନ ଶ୍ରେଣୀ ଏବଂ ଉଚ୍ଚ ଶ୍ରେଣୀର ମତଭେଦକୁ ଦର୍ଶାଇ ଏପରି ଉଦବୋଧନ ଦେଇଛନ୍ତି।

ରାହୁଲ ଗାନ୍ଧୀଙ୍କ ଏପରି ମନ୍ତବ୍ୟ ପରେ ବିଏସପି ପକ୍ଷରୁ କୈଣସି ପ୍ରତିକ୍ରିୟା ପ୍ରକାଶ ପାଇନାହିଁ। ଚଳିତ ବର୍ଷ ନିର୍ବାଚନରେ ​​ଉତ୍ତରପ୍ରଦେଶ ବିଧାନସଭାରେ ପ୍ରାୟ 403 ଟି ଆସନ ମଧ୍ୟରୁ କଂଗ୍ରେସ କେବଳ ଦୁଇଟି ଜିତିଛି। ଅନ୍ୟପକ୍ଷରେ ବିଏସପି କେବଳ ଗୋଟିଏ ଆସନ ପାଇବାରେ ସଫଳ ହୋଇଛି। ଭୋଟରମାନେ ଭାରତୀୟ ଜନତା ପାର୍ଟିକୁ ରାଜ୍ୟରେ ଦ୍ୱିତୀୟ ଥର ପାଇଁ କ୍ଷମତା ପ୍ରଦାନ କରିଛନ୍ତି।

Categories
ଜାତୀୟ ଖବର ବିଶେଷ ଖବର

ହୁ ହୁ ହୋଇ ବଢିବାରେ ଲାଗିଛି ତୈଳ୍ୟଦର, ପ୍ରଧାନମନ୍ତ୍ରୀଙ୍କୁ ରାହୁଳ ଗାନ୍ଧୀ କଲେ କଡା କଟାକ୍ଷ

ନୂଆଦିଲ୍ଲୀ: ବର୍ତ୍ତମାନ ଦେଶରେ ହୁହୁ ହୋଇ ବଢିବାରେ ଲାଗିଛି ପେଟ୍ରୋଲ ଡିଜେଲ ଦର। ଯାହା ଲୋକଙ୍କୁ ହନ୍ତସନ୍ତ କରିସାରିଲାଣି। ଗତ ୧୪ ଦିନ ମଧ୍ୟରେ ଆଜି ୧୨ଥର ପାଇଁ ବଢିଛି ତୈଳଦର। ସୋମବାର ପେଟ୍ରୋଲ ଡିଜେଲ ଲିଟର ପିଛା ୪୦ ପଇସା ବୃଦ୍ଧି ପାଇଛି। ଏହାକୁ ମିଶାଇ ୨ ସପ୍ତାହ ମଧ୍ୟରେ ଉଭୟ ପେଟ୍ରୋଲ ଓ ଡିଜେଲ ପ୍ରାୟ ୮.୪୦ ଟଙ୍କା ବଢିଲାଣି।

ଦିଲ୍ଲୀରେ ପେଟ୍ରୋଲ ଲିଟର ପିଛା ୧୦୩. ୮୧ ଟଙ୍କା ଓ ଡିଜେଲ ଲିଟର ପିଛା ୯୫.୦୭ ଟଙ୍କାରେ ବିକ୍ରି ହେଉଛି । ମୁମ୍ବାଇରେ ସୋମବାର ପେଟ୍ରୋଲ ଲିଟର ପିଛା ୪୨ ପଇସା ବଢିଛି । ଫଳରେ ଏଠାରେ ପେଟ୍ରୋଲ ଲିଟର ୧୧୮.୮୩ ଟଙ୍କାରେ ପହଞ୍ଚିଛି । ସେହିପରି ଡିଜେଲ ଲିଟର ପିଛା ୪୩ ପଇସା ବଢିବାରୁ ଏହାର ଦାମ ୧୦୩.୦୭ ଟଙ୍କା ଛୁଇଁଛି।

ସେହିପରି ଚେନ୍ନାଇରେ ପେଟ୍ରୋଲର ଲିଟର ପିଛା ଦାମ ୧୦୯.୩୪ ଟଙ୍କା ଓ ଡିଜେଲ ୯୯.୪୨ ଟଙ୍କା ରହିଛି । କୋଲକାତାରେ ପେଟ୍ରୋଲ ୪୨ ପଇସା ଓ ଡିଜେଲ ୪୦ ପଇସା ବଢିଛି । ବର୍ଦ୍ଧିତ ଦର ପରେ କୋଲକାତାରେ ପେଟ୍ରୋଲ ଲିଟର ପିଛା ୧୧୩.୪୫ ଟଙ୍କା ଓ ଡିଜେଲ ୯୩.୨୩ ଟଙ୍କା ହୋଇଛି ।

ଆଜି ଭୁବନେଶ୍ୱରରେ ପେଟ୍ରୋଲ ଓ ଡିଜେଲ ୨ ପଇସା ଲେଖାଏ ବଢିଛି । ଫଳରେ ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୧୧୦.୭୮ ଟଙ୍କା ଓ ଡିଜେଲ ଲିଟର ପିଛା ୧୦୦.୫୩ ଟଙ୍କାରେ ବିକ୍ରି ହେଉଛି । ତେଲ ଦର ହୁ ହୁ ହୋଇ ବଢୁଥିବାରୁ ସବୁ ଜିନିଷ ଉପରେ ଏହାର ପ୍ରଭାବ ପଡୁଛି ।

ତେବେ ଦୀର୍ଘଦିନ ଧରି ଦେଶରେ ତୈଳ୍ୟ ଦର ବଢୁଥିବାରୁ ଏହାକୁ ନେଇ କଂଗ୍ରେସ ନେତା ରାହୁଳ ଗାନ୍ଧି ପ୍ରଧାନମନ୍ତ୍ରୀଙ୍କୁ କଟାକ୍ଷ କରିଛନ୍ତି। ସେ କହିଛନ୍ତି ଯେ, ଏହା ହେଉଛି ପ୍ରଧାନମନ୍ତ୍ରୀଙ୍କ ‘ଜନଧନ ଲୁଟ ଯୋଜନା‘। ସେତେକି ନୁହେଁ ସେ କେଉଁ ଗାଡିରେ ତେଲ ଭର୍ତ୍ତି କଲେ ବର୍ତ୍ତମାନ କେତେ ପଡିବ ଏବଂ ପୂର୍ବେ କେତେ ଥିଲା ତାହାର ଏକ ହିସାବ ଦେଇଛନ୍ତି।

ରାହୁଳ ଗାନ୍ଧୀ ଏ ସବୁ ନିଜ ଟୁଇଟରେ ଉଲ୍ଲେଖ କରିଛନ୍ତି। ଏହାକୁ ନେଇ ବିଜେପି ଟ୍ରୋଲ ବାହିନୀ ଜବାବ ଦେବା ପାଇଁ ଲାଗିପଡିଛନ୍ତି। କେତେକ ବର୍ତ୍ତମାନ ବିଜେପି ଶାସିତ ରାଜ୍ୟରେ ତେଲ ଦର କେତେ ଅଛି ଆଉ କଂଗ୍ରେସ ଶାସିତ ରାଜ୍ୟରେ କେତେ ତାହାର ହିସାବ ଦେଇଛନ୍ତି।

Categories
ବିଶେଷ ଖବର ରାଜ୍ୟ ଖବର

ମଝି ନଈରେ ମାଝି, କେଉଁ କୂଳକୁ ଯିବେ ? ସକାଳେ ଶୁଭୁଛି କଂଗ୍ରେସ ଛାଡିବେ, ସଂଧ୍ୟାରେ ନାହିଁ

ଭୁବନେଶ୍ବର: ବର୍ତ୍ତମାନ ମଝି ନଈରେ ଭାସୁଛନ୍ତି କଂଗ୍ରେସ ନେତା ପ୍ରଦୀପ ମାଝି। ସକାଳେ ଶୁଭୁଛି କଂଗ୍ରେସ ଛାଡିବେ, ପୁଣି ସଂଧ୍ୟାରେ ଶୁଭୁଛି ନାଇଁ ଛାଡିବେ ନାହିଁ। କେତେବେଳେ କୁହାଯାଉଛି ବିଜେଡି ଯିବେ, କେତେବେଳେ ବିଜେପି। ଏସବୁ ଦୋଛକି ଭିତରେ ବର୍ତ୍ତମାନ ଘାଣ୍ଟି ହେବାରେ ଲାଗିଛନ୍ତି ଏହି ପୂର୍ବତନ ସାଂସଦ ପ୍ରଦୀପ ମାଝି।

ନିକଟରେ ସେ ନୂଆଦିଲ୍ଲୀରେ ରାହୁଳ ଗାନ୍ଧୀଙ୍କୁ ସାକ୍ଷାତ କରିଛନ୍ତି। ପ୍ରଦୀପ କଂଗ୍ରେସ ଛାଡିବା ନେଇ କୁଆଡେ ରାହୁଳ ଗାନ୍ଧୀଙ୍କ ପାଖରେ ଖବର ପହଞ୍ଚିଲା। ସେଥିପାଇଁ ରାହୁଳ ତାଙ୍କୁ ଡାକି ଆଲୋଚନା କଲେ। ଶୁଣାଗଲା ଯେ, ତାଙ୍କୁ ରାହୁଳ ଗାନ୍ଧୀ ରାଜସ୍ଥାନରୁ ରାଜ୍ୟସଭାକୁ ପଠାଇବେ। ସେଥିପାଇଁ ସେ ଆଉ କଂଗ୍ରେସ ଛାଡିବେ ନାହିଁ। ହେଲେ ଏହା କିଛି ଦିନର ନିରବତା ପରେ ପୁଣି ଉଠିଲା ନା ପ୍ରଦୀପ କଂଗ୍ରେସ ଛାଡିବେ।

ରାହୁଳ ଗାନ୍ଧୀଙ୍କୁ ସାକ୍ଷାତ କରି ଆସିବାର କିଛି ଦିନ ପରେ ପ୍ରଦୀପ କୁଆଡେ ବିଜେଡି ସାଂଗଠାନିକ ସଂପାଦକ ପ୍ରଣବ ପ୍ରକାଶ ଦାସଙ୍କୁ ପୁଣି ଭେଟିଛନ୍ତି। ଏହି ଗୁପ୍ତ ଆଲୋଚନା ପରେ ପୁଣିଥରେ ପ୍ରଦୀପ କୁଆଡେ ମନ ପରିବର୍ତ୍ତନ କରିଛନ୍ତି। ବିଜେଡିରୁ ରାଜ୍ୟ ସଭାକୁ ଯିବେ ବୋଲି ତାଙ୍କୁ ପ୍ରତିଶୃତି ଦିଆଯାଇଛି। ଫଳରେ ସେ କଂଗ୍ରେସ ଛାଡି ବିଜେଡିରେ ଯୋଗଦେବେ ବୋଲି ପୁଣି ଆରମ୍ଭ ହେଲା ଚର୍ଚ୍ଚା।

ଥରେ ନୁହେଁ, ବହୁଥର ପ୍ରଣବଙ୍କୁ ଭେଟିଛନ୍ତି ପ୍ରଦୀପ। ସେ ବିଜେଡିରେ ଯୋଗ ଦେବା ଏକ ପ୍ରକାରର ନିଶ୍ଚିତ ବୋଲି ଜଣାପଡିଥିଲା। ଯାହାଫଳରେ ପ୍ରଦୀପଙ୍କ ମିଶ୍ରଣକୁ ନେଇ ନବରଂଗପୁର ବିଜେଡିରେ ଅସନ୍ତୋଷ ବୃଦ୍ଧି ପାଇଲା। ହେଲେ ସେସବୁକୁ ପ୍ରଣବ ମ୍ୟାନେଜ କଲେ। ସେମାନଙ୍କ ମିଶ୍ରଣ ପର୍ବ କେବେ ହେବ ତାହା ମଧ୍ୟ କୁଆଡେ ନିର୍ଦ୍ଧାରିତ ହେଲା। ହେଲେ ହଠାତ କଣ ହେଲା କେଜାଣି ସେଥିରେ ଭଟ୍ଟା ପଡିଲା।

ତେବେ ଏଠାରେ ସାଧାରଣରେ ପ୍ରଶ୍ନ ଉଠୁଛି ଯେ, ପ୍ରଦୀପ କଂଗ୍ରେସ ଛାଡିବା ପାଇଁ କାହିଁକି ଚାହୁଛନ୍ତି। ତାହାର କାରଣରେ ଏତିକି କୁହାଯିବ ଯେ, ସେ ଦୀର୍ଘ ବର୍ଷ ଧରି ପଦପଦବୀରୁ ଦୂରେଇ ରହିଲେଣି। କଂଗ୍ରେସ ଅବସ୍ଥା ଯାହା ସେଥିରେ ସଂଗଠନକୁ ବଞ୍ଚାଇ ରଖିବା ପାଇଁ ଯେଉଁ ଅର୍ଥର ଆବଶ୍ୟକ ତାହା ନାହିଁ। ପଦପଦବୀ ନ ଥିବାରୁ ପ୍ରଦୀପ ନିଜେ ମଧ୍ୟ ନିଜର ସଂଗଠନ ଚଳାଇବା ପାଇଁ ଅକ୍ଷମ ହୋଇପଡିଲେଣି। ବର୍ତ୍ତମାନ ପରିସ୍ଥିତିରେ କର୍ମିମାନଙ୍କୁ ବାନ୍ଧି ରଖିବା ତାଙ୍କ ପାଇଁ କାଠିକର ପାଠ ହୋଇ ପଡିଛି। ସେଥିପାଇଁ ସେ ଏକ ବିକଳ୍ପ ରାସ୍ତା ବାଛିବାକୁ ଚିନ୍ତା କରୁଛନ୍ତି ବୋଲି ଅନୁମାନ କରାଯାଇଛି।

ତେବେ ଏହି ବିକଳ୍ପରେ ତାଙ୍କୁ ବାଧା ଦେଉଛି କଂଗ୍ରେସ ସହିତ ଥିବା ତାଙ୍କର ରକ୍ତ ସଂପର୍କ। ରାହୁଳ ଗାନ୍ଧୀ ସୋନିଆ ଗାନ୍ଧୀଙ୍କ ସହ ଜାତୀୟ କଂଗ୍ରେସର ବରିଷ୍ଠ ନେତାଙ୍କ ସହିତ ପ୍ରଦୀପଙ୍କ ଭଲ ସଂପର୍କ। ସେମାନଙ୍କରେ କଳାଦାଗ ଲଗାଇବା ପାଇଁ ସେ ଚାହୁଁ ନାହାଁନ୍ତି। ତାଙ୍କର ବାପା ଅବଶ୍ୟ ବିଜୁବାବୁଙ୍କ ସାଥୀରେ ଥିଲେ। ହେଲେ ସେ ନିଜେ ପୁରା ଖାଣ୍ଟି କଂଗ୍ରେସିଆ ଭାବେ ପରିଚୟ ସୃଷ୍ଟି କରିଛନ୍ତି।

ହେଲେ ସେ ଅନୁଭବ କରିସାରିଲେଣି ଯେ, ନିଜର ସଂଗଠନ ବଞ୍ଚିଲେ ତାଙ୍କ ରାଜନୀତି ବଞ୍ଚିବ। ନଚେତ ସେ ମୈଦାନରୁ କୁଆଡେ ହଜିଯିବେ। ଆଉ ସେଥିପାଇଁ ଆବଶ୍ୟକ ଅର୍ଥ। ସେହି ଦୃଷ୍ଟିରୁ ପ୍ରଦୀପ ବିଜେଡିରୁ ରାଜ୍ୟସଭା ଯାଇ ନିଜ ରାଜନୈତିକ ଭବିଷ୍ୟତକୁ ସୁଦୃଢ କରିବା ପାଇଁ ଚାହୁଁଛନ୍ତି।

Categories
ଜାତୀୟ ଖବର ବିଶେଷ ଖବର

ମୋହନ ଭାଗବତଙ୍କ ସହ ମହିଳାଙ୍କ ଫଟୋ ନ ଥିବା ନେଇ ରାହୁଳ ଗାନ୍ଧୀଙ୍କ ବୟାନ, ଭୋପାଳରେ ଋଜୁ ହେଲା ମାମଲା

ନୂଆଦିଲ୍ଲୀ: ରାହୁଳ ଗାନ୍ଧୀଙ୍କ ବିବାଦୀୟ ମନ୍ତବ୍ୟ ନେଇ ଭୋପାଳରେ ତାଙ୍କ ବିରୋଧରେ ଏଫଆଇଆର ଋଜୁ କରାଯାଇଛି। ଏଥିସହିତ ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ମଧ୍ୟ ଏହା ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ସେ କହିଛନ୍ତି ଯେ, ରାହୁଳ ଗାନ୍ଧୀଙ୍କ ବିରୋଧରେ ଏଫଆଇଆର ଋଜୁ ହେବା ପରେ ଆଇନି ବିଶେଷଜ୍ଞଙ୍କ ସହିତ ଆଲୋଚନା କରାଯାଉଛି।

ହିନ୍ଦୁ ଦେବାଦେବୀ ଏବଂ ଆରଏସଏସ ବିରୋଧରେ ରାହୁଳ ଗାନ୍ଧୀ ଯେପରି ବୟାନ ଦେଇଛନ୍ତି ତାହା ଠିକ୍ ନୁହେଁ। ରାହୁଳ ଗାନ୍ଧୀ ସୁବିଧାବାଦୀ ରାଜନୀତି କରିବା ପାଇଁ ଏପରି ବୟାନ ଦେଇଛନ୍ତି। ଯାହା କୋଟି କୋଟି ହିନ୍ଦୁଙ୍କୁ ଆଘାତ ଦେଇଛି। ଏହା ବିରୋଧରେ ଏକ ଦୃଢ ପଦକ୍ଷେପ ନିଆଯିବ ବୋଲି ସେ କହିଛନ୍ତି।

ସେହିପରି ମଧ୍ୟ ପ୍ରଦେଶ ବିଜେପି ବିଧାୟକ ରାମେଶ୍ବର ଶର୍ମା ମଧ୍ୟ ଥାନାରେ ଏକ ମାମଲା ଋଜୁ କରିଛନ୍ତି। ସେ କହିଛନ୍ତି ଯେ, ରାହୁଳଙ୍କ ହିନ୍ଦୁ ଦେବାଦେବୀଙ୍କୁ ଅପମାନିତ କରିବା ହିନ୍ଦୁ ସମାଜକୁ ଆଘାତ କରିଛି। ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠା ନିଆଯିବାର ଆବଶ୍ୟକ ରହିଛି ବୋଲି ସେ କହିଛନ୍ତି।

ନିକଟରେ ରାହୁଳ ଗାନ୍ଧୀ ନୂଆଦିଲ୍ଲୀରେ ମହିଳା କଂଗ୍ରେସର ଏକ ସଭାରେ ବିଜେପି ଏବଂ ଆରଏସଏସ କୁ ତୀବ୍ର ସମାଲୋଚନା କରିଛନ୍ତି। ସେ କହିଛନ୍ତି ଯେ, ଆପଣମାନେ ମହାତ୍ମା ଗାନ୍ଧୀଙ୍କ ଫଟୋ ଦେଖିଥିବେ, ସେଥିରେ ତାଙ୍କ ସହିତ ଦୁଇ ତିନି ଜଣ ମହିଳା ଥିବାର ନିଶ୍ଚିତ ନଜରକୁ ଆସିବ। ହେଲେ ଆପଣମାନେ ଆରଏସଏସର ମୁଖ୍ୟ ମୋହନ ଭାଗବତଙ୍କୁ ଦେଖିଛନ୍ତି। ତାଙ୍କ ସହିତ କେବେ ଜଣେ ମହିଳା ଥିବାର ଦେଖିଛନ୍ତି କି ? ଆପଣମାନେ କେବେ ଦେଖି ନ ଥିବେ।

ଏହାପରେ ସେ କହିଥିଲେ ଯେ, ଏହାର କାରଣ କଣ ଜାଣିଛନ୍ତି ? ଏହାର କାରଣ ହେଲା ଆରଏସଏସ ନାରୀମାନଙ୍କୁ ଦମନ କରିବାକୁ ଚାହେଁ। ହେଲେ କଂଗ୍ରେସ ମହିଳାମାନଙ୍କୁ ଉପରକୁ ଉଠିବା ପାଇଁ ମଞ୍ଚ ତିଆରି କରେ। ଏହାପରେ ସେ କହିଥିଲେ ଯେ, ଆରଏସଏସ ହିନ୍ଦୁ ଧର୍ମ ନାମରେ ଦଲାଲି କରୁଛି।

ରାହୁଳଙ୍କ ଏହି ଭାଷଣ ସାମାଜିକ ଗଣମାଧ୍ୟମରେ ବେଶ୍ ଭାଇରାଲ ହେବାରେ ଲାଗିଛି। ଅନ୍ୟପକ୍ଷରେ ସଂଘ ତରଫରୁ ତାଙ୍କର ଏହି ଭିଡିଓ ଉପରେ ତୀବ୍ର ସମାଲୋଚନା କରାଯାଇଛି।

Categories
ଆଜିର ଖବର ଜାତୀୟ ଖବର

ସାରା ଦେଶରେ ଲକଡାଉନ ଲାଗୁ କରିବା ପାଇଁ କେନ୍ଦ୍ରକୁ ପରାମର୍ଶ ଦେଲେ ରାହୁଳ ଗାନ୍ଧୀ

ନୂଆଦିଲ୍ଲୀ, ବର୍ତ୍ତମାନ ଦେଶରେ କରୋନା ପରିସ୍ଥିତି ଯେପରି ହେବାରେ ଲାଗିଛି ଏଥିପାଇଁ କେବଳ ସଂପୂର୍ଣ୍ଣ ଲକଡାଉନର ଆବଶ୍ୟକତା ରହିଛି। ଏହା କହିଛନ୍ତି କଂଗ୍ରେସ ନେତା ରାହୁଳ ଗାନ୍ଧୀ। ସେ କହିଛନ୍ତି ଯେ, କେନ୍ଦ୍ର ସରକାର ପୂର୍ବରୁ କରୋନା ପରିଚାଳନା କରିବାରେ ବିଫଳ ହୋଇଛନ୍ତି। ଫଳରେ ପରିସ୍ଥିତି ଧିରେଧିରେ ଅଣଆୟତ ହେବାରେ ଲାଗିଛି। ସେଥିପାଇଁ ସାଧାରଣ ଲୋକଙ୍କ ଜୀବନ ବଞ୍ଚାଇବା ପାଇଁ ଲକଡାଉନ ଏକମାତ୍ର ବିକଳ୍ପ ବୋଲି ରାହୁଳ କହିଛନ୍ତି।

Categories
ଫଟୋ ଖବର

ରାହୁଳ ଗାନ୍ଧୀଙ୍କ ସହିତ ସେଲଫି ନେଉଛନ୍ତି କେରଳର ଛାତ୍ରଛାତ୍ରୀ

କେରଳ, କଂଗ୍ରେସ ଉପାଧ୍ୟକ୍ଷ ରାହୁଳ ଗାନ୍ଧୀ ବର୍ତ୍ତମାନ କେରଳ ଗସ୍ତରେ ଅଛନ୍ତି। ବିଭିନ୍ନ କାର୍ଯ୍ୟକ୍ରମରେ ଯୋଗଦେବା ସହିତ ସେ ଛାତ୍ରଛାତ୍ରୀଙ୍କ ସହିତ କିଛି ସମୟ ଆଲୋଚନା କରିଥିଲେ। ସେହି ସମୟରେ ରାହୁଳ ଗାନ୍ଧୀଙ୍କ ସହିତ ସେଲଫି ନେବାର ସୁଯୋଗ ଛାଡିଲେ ନାହିଁ ଛାତ୍ରଛାତ୍ରୀ।

Categories
ଫଟୋ ଖବର

ଇନ୍ଦିରା ଗାନ୍ଧୀଙ୍କ ଜନ୍ମ ଜୟନ୍ତିରେ ଶ୍ରଦ୍ଧାଞ୍ଜଳି ପ୍ରଦାନ କରୁଛନ୍ତି ରାହୁଳ ଗାନ୍ଧୀ

ନୂଆଦିଲ୍ଲୀ, ଆଜି ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଜନ୍ମ ଜୟନ୍ତି ଉପଲକ୍ଷେ କଂଗ୍ରେସ ନେତା ରାହୁଳ ଗାନ୍ଧୀଙ୍କ ଶ୍ରଦ୍ଧାଞ୍ଜଳି। ଇନ୍ଦିରା ମେମୋରିଆଲ ରେ ଦେଉଛନ୍ତି ଶ୍ରଦ୍ଧାଞ୍ଜଳି

Categories
ଆଜିର ଖବର ଜାତୀୟ ଖବର

ହାଥରସ ପଦଯାତ୍ରା, ଧସ୍ତାଧସ୍ତିରେ ରାସ୍ତା ଉପରେ ପଡିଗଲେ ରାହୁଳ ଗାନ୍ଧୀ

ନୂଆଦିଲ୍ଲୀ, ଆଜି ହାଥରସ ଦୁଷ୍କର୍ମ ଘଟଣାରେ କଂଗ୍ରେସ ନେତା ରାହୁଳ ଗାନ୍ଧୀ ପଦଯାତ୍ରା କରୁଥିବା ବେଳେ ତାଙ୍କୁ ଜମୁନା ଏକ୍ସପ୍ରେସ ୱେ ରେ ପୋଲିସ ଅଟକାଇଥିଲା। ତେବେ ପୋଲିସ ସହିତ କଂଗ୍ରେସ କର୍ମିଙ୍କ ଧସ୍ତାଧସ୍ତି ମଧ୍ୟରେ ରାହୁଳ ଗାନ୍ଧୀ ରୋଡ ଉପରେ ପଡିଗଲେ।

ଯାହାକୁ ନେଇ ଉତକ୍ଷିପ୍ତ ହୋଇଛି କଂଗ୍ରେସ। ଆଜି ରାହୁଳ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ହାଥରସ ଦୁଷ୍କର୍ମ ଘଟଣାରେ ଏକ ରାଲି କରି ଉତ୍ତର ପ୍ରଦେଶ ଯାଉଥିଲେ। ହେଲେ ବାଟରେ ପୋଲିସ ଜମୁନା ଏକ୍ସପ୍ରେସ ୱେରେ ଅଟକାଇଥିଲା। ବର୍ତ୍ତମାନ ରାହୁଲ ଓ ପ୍ରିୟଙ୍କାଙ୍କୁ ପୋଲିସ ସେହିଠାରେ ଅଟକ ରଖିଛି।

Categories
ଫଟୋ ଖବର

ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଶେଷ ଶ୍ରଦ୍ଧାଞ୍ଜଳି ଦେଉଛନ୍ତି ରାହୁଳ ଗାନ୍ଧି

ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଶେଷ ଶ୍ରଦ୍ଧାଞ୍ଜଳି ଦେଉଛନ୍ତି ରାହୁଳ ଗାନ୍ଧି