Categories
ଅପରାଧ ବିଶେଷ ଖବର ରାଜ୍ୟ ଖବର

ଅର୍ଚ୍ଚନା ନାଗଙ୍କ ଅଜବ ବିଶ୍ବାସ, ପ୍ରତିଥର କୋର୍ଟରୁ ବାହାରିଲେ ଛାଡୁଛନ୍ତି ଚପଲ

ଭୁବନେଶ୍ବର: ଲେଡି ବ୍ଲାକମେଲର ଅର୍ଚ୍ଚନା ନାଗଙ୍କ ଏକ ଅଜବ ବିଶ୍ବାସ ରହିଛି। ତେବେ ଏହି ବିଶ୍ବାସ ପ୍ରଥମେ ଜଣାପଡି ନ ଥିଲା। ହେଲେ ପରବର୍ତ୍ତି ସମୟରେ ତାହା ଜଣାପଡିଥିଲା। ତାହା ହେଲା ଯେ, ସେ ଯେତେଥର କୋର୍ଟ କିମ୍ବା ଥାନାକୁ ଯାଉଛନ୍ତି ସେ ସେତେଥର ପିନ୍ଧିଥିବା ଚପଲକୁ ଛାଡି ଦେଇ ଖାଲିପାଦରେ ଆସୁଛନ୍ତି। ଏହା ଦ୍ବାରା ତାଙ୍କୁ କୁଆଡେ ଶିଘ୍ର ଜାମିନ ମିଳିବ ବୋଲି ବିଶ୍ବାସ ରହିଛି।

ଅର୍ଚ୍ଚନା ଯେତେବେଳେ ପ୍ରଥମେ ଥାନାରେ ହାଜର ହୋଇଥିଲେ ସେତେବେଳେ ସେ ଥାନାରୁ ବାହାରିବା ପରେ ଚପଲ ଛାଡି ଥିଲେ। ସେତେବେଳେ ସେ ଭୁଲରେ ବା ଟେନସନରେ ଚପଲ ପିନ୍ଧିବାକୁ ଭୁଲି ଯାଇଛନ୍ତି ବୋଲି କୁହାଯାଉଥିଲା। ତାପରେ କୋର୍ଟକୁ ଯିବା ପରେ ମଧ୍ୟ ସେହିପରି ଚପଲ ଛାଡିଥିଲେ। ସେତେବେଳେ ସମସ୍ତେ ଭାବିଲେ ଯେ ଧସ୍ତାଧସ୍ତିରେ ତାଙ୍କ ଗୋଡରୁ ଚପଲ ବାହାରିଯାଇଛି।

ହେଲେ ପୁଣି ଥରେ ସେ କୋର୍ଟରେ ହାଜର ହୋଇ ଗାଡିରେ ବସିବାକୁ ଯିବା ବେଳେ ଚପଲ ଛାଡି ଦେଲେ। ଚପଲ ଖସିଯିବା ବେଳେ ଜଣେ ପୋଲିସ ତାଙ୍କୁ ପିନ୍ଧିବାକୁ କହିଲେ। ହେଲେ ଅର୍ଚ୍ଚନା ତାହାକୁ ଧ୍ୟାନ ନ ଦେଇ ଗାଡିରେ ବସିଲେ। ଏହା ପରେ ଜଣାପଡିଲା ଯେ ଅର୍ଚ୍ଚନା ଜାଣିଶୁଣି କୋର୍ଟରୁ ବାହାରିବା ପରେ ଚପଲ ଛାଡୁଛନ୍ତି। ଏ ପର୍ଯ୍ୟନ୍ତ ସେ କୁଆଡେ ଚାରିଥର ଚପଲ ଛାଡି ସାରିଲେଣି।

ସେହିପରି ତାଙ୍କର ଘରେ ମଧ୍ୟ କୁଆଡେ କଳା ରଂଗର ଚପଲ ସଜାଇ ରଖିଛନ୍ତି ବୋଲି ଜଣାପଡିଛି। ସେ ଘରର କାନ୍ଥରେ ଚପଲକୁ ସୌନ୍ଦର୍ଯ୍ୟକରଣ ଭାବେ ବ୍ୟବହାର କରିଛନ୍ତି। ସେହିପରି ତାଙ୍କ କାରରେ ମଧ୍ୟ ସେ ଚପଲ ରଖିଥିବାର ଜଣାପଡିଛି।

Categories
ଅପରାଧ ବିଶେଷ ଖବର ରାଜ୍ୟ ଖବର

ଫଣା ଟେକିଲା ‘ନାଗ’, କହିଲା ମୁଁ ମୁହଁ ଖୋଲିଲେ ଓଡିଶା ଦୋହଲି ଯିବ

ଭୁବନେଶ୍ବର: ଆଜି ବହୁ ଚର୍ଚ୍ଚିତ ଲେଡି ଅର୍ଚ୍ଚନା ନାଗ ମୁହଁ ଖୋଲିଛନ୍ତି। ତାଙ୍କୁ ଆଜି ସ୍ବାସ୍ଥ୍ୟ ପରୀକ୍ଷା ପାଇଁ କ୍ୟାପିଟାନ ହସପିଟାଲ ଅଣାଯାଇଥିଲା। ଏହ ସମୟରେ ସେ ମିଡିଆକୁ ଖୋଲମଖୁଲା ମନ୍ତବ୍ୟ ଦେଇଛନ୍ତି।

ସେହି କହିଛନ୍ତି ଯେ, ପ୍ରକୃତରେ ସତ କଣ ସମସ୍ତେ ଜାଣିବେ। ମୋତେ ମାତ୍ର ତିରିଶି ମିନିଟ ସମୟ ଦେବେ ସବୁ କିଛି ପ୍ରମାଣ ମୋ ପାଖରେ ରହିଛି। ଯଦି ତାହା ଉପରେ ମୁହଁ ଖୋଲିବି ତେବେ ଓଡିଶା ଦୋହଲି ( ତାଙ୍କ ଭାଷାରେ ପରିବର୍ତ୍ତନ) ଯିବ। ମୁଁ ଚାହୁଥିଲି ଇଡି ତଦନ୍ତ କରୁ, ନଚେତ ଆଉ ଯେତେ ସବୁ ତଦନ୍ତକାରୀ ସଂସ୍ଥା ଅଛି ସମସ୍ତେ ଆସନ୍ତୁ। ମୁଁ ସବୁ ଖୋଲି କରି କହିବି।

ସେ ମିଡିଆକୁ ଆକ୍ଷେପ କରି କହିଥିଲେ ଯେ, ଆପଣମାନେ ମୋତେ କଳଙ୍କିତ କରିଛନ୍ତି। ଆପଣମାନେ ମୋତେ ବଦନାମ କରିଛନ୍ତି। ହେଲେ ପ୍ରକୃତ ସତ କଣ ତାହା ଜାଣି ନାହାଁନ୍ତି। ସମୟ ଆସିବ ପ୍ରକୃତରେ ମୁଁ କଣ ତାହା ସାରା ଓଡିଶା ଜାଣିବ। ସେତେବେଳେ ଆପଣମାନେ ମୋ କଥାକୁ ଶୁଣିବେ।

ମିଡିଆକୁ ପୁଣି କହିଥିଲେ ଯେ, ଆପଣମାନେ ମୋତେ ବହୁତ ବଦନାମ କରିସାରିଲେଣି। ମୋର ପାଞ୍ଚ ବର୍ଷର ପୁଅ ଅଛି। ତାହାର ଲୁହ ନିଶ୍ବାସ ପଡିବ। ଆପଣମାନେ କେହି କିଛି ନ ଜାଣି ମୋତେ କେବଳ ବଦନାମ କରିବାରେ ଲାଗିଛନ୍ତି। ଏହା ପଛରେ କେଉଁ ମନ୍ତ୍ରୀ, କେଉଁ ନେତା ଅଛନ୍ତି ସବୁ ପ୍ରମାଣ ମୋ ପାଖରେ ଅଛି ବୋଲି ଦମ୍ଭୋକ୍ତି ପ୍ରକାଶ କରିଛନ୍ତି ଅର୍ଚ୍ଚନା।

Categories
ବିଶେଷ ଖବର ରାଜ୍ୟ ଖବର

ବିଧାନସଭାକୁ ସରଗରମ କଲା ଅର୍ଚ୍ଚନା ନାଗ ପ୍ରସଂଗ, ବିରୋଧୀଙ୍କ ହାଙ୍ଗାମା

ଭୁବନେଶ୍ବର: ବିଧାନସଭାରେ ଉଠିଲା ନାଗ ଦମ୍ପତ୍ତି ପ୍ରସଙ୍ଗ। ଏନେଇ ଗୃହ ବିଭାଗ ଦାୟିତ୍ୱରେ ଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାହିଁକି ଚୁପ ରହୁଛନ୍ତି ସେଇ ପ୍ରଶ୍ନ ଉଠାଇଛନ୍ତି  ବିରୋଧୀ କଂଗ୍ରେସ ଓ ବିଜେପି। ସେଥିପାଇଁ ନୈତିକତା ଦୃଷ୍ଟିରୁ ମୁଖ୍ୟମନ୍ତ୍ରୀ ଇସ୍ତଫା ଦିଅନ୍ତୁ ବୋଲି ଉଭୟ ଦଳ ଦାବି କରିଛନ୍ତି। ଏହାକୁ ନେଇ ଗୃହର ସ୍ଥିତି ସରଗରମ ଥିଲା।

ବିଧାନସଭାର ଶୀତ ଅଧିବେଶନର ପ୍ରଥମ ଦିନର ଅପରାହ୍ନ ଅଧିବେଶନ କାଳରେ ପ୍ରଥମେ ଅର୍ଚ୍ଚନା ନାଗ ପ୍ରସଙ୍ଗ ଉଠାଇଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର। ସେ କହିଥିଲେ, ଏଭଳି ଏକ ସମ୍ବେଦନଶୀଳ ଘଟଣାରେ ମୁଖ୍ୟମନ୍ତ୍ରୀ ନୀରବଦ୍ରଷ୍ଟା ସାଜିଥିବା ଦୁଃଖର ବିଷୟ। ତେଣୁ ଇସ୍ତଫା ଦିଅନ୍ତୁ ବୋଲି ଦାବି କରିଥିଲେ।

ଅନୁରୂପ ଭାବେ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଥିଲେ ବିରୋଧୀ ଦଳ ମୁଖ୍ୟ ସଚେତକ ମୋହନ ଚରଣ ମାଝୀ। ସେ କହିଥିଲେ, ନାଗ ଦାମ୍ପତ୍ତିଙ୍କ ପାଇଁ ରାଜ୍ୟର ଭାବମୂର୍ତ୍ତି ନଷ୍ଟ ହୋଇଛି I ଏଥିରେ ଶାସକ ଦଳର ନେତା, ପ୍ରଶାସକ ସିଧାସଳଖ ସମ୍ପୃକ୍ତ। ତେଣୁ ମୁଖ୍ୟମନ୍ତ୍ରୀ କ୍ଷମତାରେ ରହିବାର ଅଧିକାର ନାହିଁ। ସେ ତୁରନ୍ତ ନୈତିକତା ଦୃଷ୍ଟିରୁ ଇସ୍ତଫା ଦିଅନ୍ତୁ। ଏଥିପାଇଁ ବାଚସ୍ପତି ରୁଲିଂ ଦିଅନ୍ତୁ ବୋଲି ଶ୍ରୀ ମାଝୀ ଦାବି କରିଥିଲେ।

ଶେଷରେ କଂଗ୍ରେସ, ବିଜେପି ସଭ୍ୟ ଗୃହ ଭିତରେ ହାଟଗୋଳ ସହ ନାରାବାଜି ଦେଇଥିଲେ।  ଏହି ହୋହଲ୍ଲା ଭିତରେ ଅତିରିକ୍ତ ବଜେଟ ଉପସ୍ଥାପନା କରିଥିଲେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ତାରାଫୁର ରାଜ୍ୟ ପଞ୍ଚାୟତିରାଜ ମନ୍ତ୍ରୀ ପ୍ରଦୀପ କୁମାର ଅମାତ। ପରେ ବାଚସ୍ପତି ଗୃହକୁ 5.10ରେ ଶୁକ୍ରବାର ସାଢ଼େ 10 ଯାଏ ମୁଲତବୀ ଘୋଷଣା କରିଥିଲ ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଅର୍ଚ୍ଚନା ନାଗ ଘଟଣା ନେଇ ରାଜ୍ୟ ସରକାରଙ୍କୁ ଟାର୍ଗେଟ କଲେ କଂଗ୍ରେସ ସଭାପତି

ଭୁବନେଶ୍ୱର:  ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଆହୁତ ଏକ ସାମ୍ବାଦିକ ସମ୍ମିଳନୀରେ ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକ ଓଡ଼ିଶାରେ ବହୁ ଚର୍ଚ୍ଚିତ ଅର୍ଚ୍ଚନା ନାଗ ଘଟଣାର ରାଜ୍ୟ ସରକାରଙ୍କ ନିରବତାକୁ ପ୍ରଶ୍ନ ଉଠାଇଛନ୍ତି।

ଶ୍ରୀଯୁକ୍ତ ପଟ୍ଟନାୟକ ସାମ୍ବାଦିକ ମାନଙ୍କୁ କହିଲେ ଯେ ଅର୍ଚ୍ଚନା ନାଗ ଗିରଫ ହେବାର ଦୀର୍ଘଦିନ ପରେ ମଧ୍ୟ ଏହି ଘଟଣାରେ ଯେଉଁ ସବୁ ବ୍ୟକ୍ତିମାନେ ସଂପୃକ୍ତ ଅଛନ୍ତି ସେମାନଙ୍କ ବିରୁଦ୍ଧରେ ଏ ପର୍ଯ୍ୟନ୍ତ କାହିଁକି କିଛି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ଓଡ଼ିଶାର ପୋଲିସ ବିଭାଗର ବରିଷ୍ଠ ପଦାଧିକାରୀ ତଥା ଭୁବନେଶ୍ୱର ପୋଲିସ କମିଶନର ଏବଂ ଡିସିପି ଏଭଳି ଏକ ଘୃଣ୍ୟ ଏବଂ ଷଡ଼ଯନ୍ତ୍ରପୂର୍ଣ୍ଣ ଘଟଣାକୁ କାହିଁକି ନିଷ୍ଠା ଓ ନିରପେକ୍ଷ ଭାବେ ତଦନ୍ତ କରି ନାହାନ୍ତି?

ପ୍ରଦେଶ କଂଗ୍ରେସ ସଭାପତି ଶ୍ରୀଯୁକ୍ତ ପଟ୍ଟନାୟକ ଏହି ଘଟଣାର ହାଇକୋର୍ଟଙ୍କ ତତ୍ୱବଧାନରେ ଏସଆଇଟି ତଦନ୍ତ ଦାବି କରିଛନ୍ତି। ଯଦି ଏ ସ୍ପର୍ଷକାତର ଘଟଣାକୁ ସରକାର ଚପାଇ ଦିଅନ୍ତି ତାହେଲେ ଆସନ୍ତା ଦିନରେ କଂଗ୍ରେସ ଏହା ବିରୁଦ୍ଧରେ ଉପଯୁକ୍ତ ଲଢ଼େଇ ଲଢ଼ିବ। ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ପୂର୍ବତନ ମନ୍ତ୍ରୀ ପଂଚାନନ କାନୁନଗୋ ଓ ପ୍ରଦେଶ କଂଗ୍ରେସ ମୁଖପାତ୍ର ରଜନୀ କୁମାର ମହାନ୍ତି ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର

ଧର୍ମେନ୍ଦ୍ର ଆତ୍ମହତ୍ୟା, ଅର୍ଚ୍ଚନା ବ୍ଲାକମେଲିଂର ନିରପକ୍ଷ ତଦନ୍ତ ଦାବୀ କରି ସବ୍‌ଡିଭିଜନ ଘେରିବ ବିଜେପି

ଭୁବନେଶ୍ୱର : ନିମାପଡା ଧର୍ମେନ୍ଦ୍ର ସାହୁ ଆତ୍ମହତ୍ୟା ଘଟଣା, ଭୁବନେଶ୍ୱରର ଅର୍ଚ୍ଚନା ନାଗ କେଳେଙ୍କାରୀ ସମେତ ରାଜ୍ୟରେ ଘଟିଥିବା ଯୌନ କେଳେଙ୍କାରୀ, ଦୁର୍ନୀତି ବିରୋଧରେ ସବଜିଭିଜନ ଘେରିବ ବିଜେପି। ଆଦି ରାଜ୍ୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ

ଆଜି ସାମ୍ବାଦିକ ସମ୍ମିଳନୀରେ ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର କହିଛନ୍ତି, ସମୀର ଦାଶ ସ୍ୱର୍ଗତଃ ସାହୁଙ୍କ ପତ୍ନୀଙ୍କୁ ଡ୍ରଗ୍ସ ଦେଇ ଅନୈତିକ ସମ୍ପର୍କ ରଖିବା, ସ୍ୱର୍ଗତଃ ସାହୁ ଓ ଗଣଶିକ୍ଷାମନ୍ତ୍ରୀ ଶ୍ରୀ ଦାଶଙ୍କ ମଧ୍ୟରେ ଲକ୍ଷ ଲକ୍ଷ ଟଙ୍କା କାରବାର ଓ ବିନ୍ଦାସ ଚିନୁ ସେହି ଭିଡିଓ ଦେଖାଇ ସ୍ୱର୍ଗତଃ ସାହୁଙ୍କୁ ବ୍ଲାକମେଲିଂ କରି ପ୍ରତିମାସ ହଜାର ହଜାର ଟଙ୍କା ନେଉଥିବା ଅନ୍‌ଲାଇନ ଟ୍ରାଜେକ୍ସନ୍ ଓ ଅଡିଓ ଭାଇରାଲ ହେଉଛି ।

ସେହିପରି ଭାରତୀୟ ଜନତା ପାର୍ଟିର କାର୍ଯ୍ୟକର୍ତା ଏସିପି, ଡିସିପି ଓ ପୋଲିସ କମିଶନରଙ୍କୁ ବାରମ୍ବାର ଭେଟି ଅଭିଯୋଗ ଦେବା ସତ୍ୱେ କାହିଁକି କେସ୍‌ର ତଦନ୍ତ ଆଗଉ ନାହିଁ ବୋଲି ମୁଖ୍ୟମନ୍ତ୍ରୀ ତଥା ଓଡ଼ିଶା ପୋଲିସ ଡିଜି ଏହାର ଉତର ରଖନ୍ତୁ । ଓଡ଼ିଶା ପୋଲିସ ସମ୍ବିଧାନକୁ ମାନିବା ସହ ନିଜର ବିବେକାନୁମୋଦିତ କାର୍ଯ୍ୟ କରିବା ଲାଗି ଲେଖାଶ୍ରୀ ଆହ୍ୱାନ ଦେଇଛନ୍ତି ।

ଯଦି ରାଜ୍ୟ ସରକାର ଏସବୁ ନିରପେକ୍ଷ ତଦନ୍ତ ନ କରନ୍ତି ତାହାଲେ ଆଗାମୀ ୭ଦିନ ଭିତରେ ଭାରତୀୟ ଜନତା ପାର୍ଟି ପକ୍ଷରୁ ରାଜ୍ୟର ସମସ୍ତ ୫୮ଟି ସବଡିଭିଜନରେ ଆନ୍ଦୋଳନ ପ୍ରତିବାଦ କରାଯିବ ବୋଲି ଲେଖାଶ୍ରୀ ଚେତାବନୀ ଦେଇଛନ୍ତି । ଏହି ଅବସରରେ ରାଜ୍ୟ ଉପସଭାନେତ୍ରୀ ଶ୍ରୀମତୀ ପ୍ରଭାତି ପରିଡା, ଅନିତା ଶୁଭଦର୍ଶୀନି ପଟ୍ଟନାୟକ, ବରିଷ୍ଠ ନେତା ତଥା କାର୍ଯ୍ୟକାରିଣୀ ସଦସ୍ୟ ଶ୍ରୀ ସଜ୍ଜନ ଶର୍ମା, ବରିଷ୍ଠ ନେତା ଶ୍ରୀ ସୁଦର୍ଶନ ନାୟକ, ଗଣମାଧ୍ୟମ ମୁଖ୍ୟ ଶ୍ରୀ ଦିଲୀପ ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।

Categories
ଅପରାଧ ଆଜିର ଖବର ରାଜ୍ୟ ଖବର

ଆଜି କୋର୍ଟରେ ହାଜରେ ହେଲେ ବ୍ଲାକମେଲର ଅର୍ଚ୍ଚନା ନାଗ, ତାଙ୍କୁ ଦେଖିବାକୁ ଭିଡ

ଭୁବନେଶ୍ବର: ଆଜି ବହୁ ଚର୍ଚ୍ଚିତ ବ୍ଲାକମେଲର ଅର୍ଚ୍ଚନା ନାଗ ଭୁବନେଶ୍ବର ଏସଡିଜିଏମ କୋର୍ଟରେ ହାଜର ହୋଇଛନ୍ତି। ତାଙ୍କୁ କଡା ସୁରକ୍ଷା ମଧ୍ୟରେ ଝାଡପଡା ଜେଲରୁ କୋର୍ଟକୁ ଅଣାଯାଇଥିଲା। ପୂର୍ବରୁ ସେ ଭିଡିଓ କନଫ୍ରେସିଂ ମାଧ୍ୟମରେ କୋର୍ଟରେ ହାଜର ହେଉଥିଲେ। ହେଲେ ଏଥର ସେ ନିଜେ କୋର୍ଟରେ ଉପସ୍ଥିତ ରହି ନିଜର ପକ୍ଷ ରଖିଥିଲେ।

ଏହାପରେ ସେ ସେହି କଡା ସୁରକ୍ଷା ମଧ୍ୟରେ ଜେଲକୁ ଫେରିଯାଇଥିଲେ। ତାଙ୍କର ଓକିଲ ଦେବାଶୀଷ ମହାପାତ୍ର କହିଛନ୍ତି ଯେ, ତାଙ୍କର ଜାମିନୀ ପାଇଁ ଶୁଣାଣି ଥିଲା। ହେଲେ ତାହା ଆଜି ଶୁଣାଣି ହୋଇପାରିଲା ନାହିଁ। ପରବର୍ତ୍ତି ସମୟ ଧାର୍ଯ୍ୟ ହେଲେ ଜାମିନୀ ପାଇଁ କୋର୍ଟକୁ ନିବେଦନ କରିବୁ ବୋଲି ସେ କହିଛନ୍ତି। ବ୍ଲାକମେଲିଂ କରି ଅର୍ଚ୍ଚନା ନାଗ ଗତ ୭ ତାରିଖରେ ଗିରଫ ହୋଇ ଜେଲରେ ଅଛନ୍ତି। ତାଙ୍କୁ ଦେଖିବା ପାଇଁ କୋର୍ଟ ପରିସରରେ ଭିଡ ପରିଲକ୍ଷିତ ହୋଇଥିଲା।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଧର୍ମେନ୍ଦ୍ର ସାହୁ ମୃତ୍ୟୁ ଏବଂ ଅର୍ଚ୍ଚାନା ନାଗଙ୍କ ବ୍ଲାକମେଲିଂ ବିରୋଧରେ ବିଜେପିର ସତ୍ୟାଗ୍ରହ

ଭୁବନେଶ୍ୱର: ଧର୍ମେନ୍ଦ୍ର ସାହୁ ମୃତ୍ୟୁର ଅଭିଯୁକ୍ତ ମନ୍ତ୍ରୀ ସମୀର ଦାଶ ଓ ଅର୍ଚ୍ଚନା ନାଗ ସ୍କାଣ୍ଡାଲରେ ସଂପୃକ୍ତ ଦୋଷୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଦାବି କରି ଆଜି ପୋଲିସ କମିଶନରେଟ କାର୍ଯ୍ୟାଳୟ ସମ୍ମୁଖରେ ସତ୍ୟାଗ୍ରହ ଆରମ୍ଭ କରିଛି। ଏଥିରେ ରାଜ୍ୟ ସାଧାରଣ ସଂପାଦକ ପୃଥୀରାଜ ହରିଚନ୍ଦନ ଯୋଗ ଦେଇ ରାଜ୍ୟ ସରକାରଙ୍କୁ ତୀବ୍ର ସମାଲୋଚନା କରିଥିଲେ।

ଏହି ସତ୍ୟାଗ୍ରହ କାର୍ଯ୍ୟକ୍ରମରେ ରାଜ୍ୟ ଉପସଭାପତି ପ୍ରଭାତୀ ପରିଡା, ରାଜ୍ୟ ମୁଖପାତ୍ର ଦିଲୀପ ମହାନ୍ତି, ଭୁବନେଶ୍ୱର ଜିଲ୍ଲା ସଭାପତି ବାବୁ ସିଂ, ପୁରୀ ଜିଲ୍ଲା ସଭାପତି ଆଶ୍ରୀତ ପଟ୍ଟନାୟକ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରଭଞ୍ଜନ ମହାପାତ୍ର ପ୍ରମୁଖଙ୍କ ସମେତ ବହୁ କାର୍ଯ୍ୟକର୍ତା ସାମିଲ ହୋଇଥିଲେ ।

ଆସନ୍ତା ୪୮ ଘଂଟା ମଧ୍ୟରେ ଅର୍ଚ୍ଚନା ସ୍କାଣ୍ଡାଲରେ ସଂପୃକ୍ତ ଦୋଷୀଙ୍କ ତାଲିକା ଏବଂ ଅଭିଯୁକ୍ତ ମନ୍ତ୍ରୀ ଶ୍ରୀ ଦାଶଙ୍କୁ ତଦନ୍ତ ପରିସରଭୁକ୍ତ କରାଯାଇ ଜେରା କରାନଗଲେ ଆନ୍ଦୋଳନକୁ ଆହୁରି ବ୍ୟାପକ କରାଯିବ ବୋଲି ଶ୍ରୀ ହରିଚନ୍ଦନ କହିଛନ୍ତି ।