ଭୁବନେଶ୍ୱର: ଆଇନ୍ ସେବାରେ ବିଶେଷ ଅବଦାନ ପାଇଁ ବରିଷ୍ଠ ଆଇନ୍ଜୀବୀ କିଶୋର ଚନ୍ଦ୍ର କରଙ୍କୁ ‘ଉତ୍କଳ ଗୌରବ ମଧୁସୂଦନ’ ସମ୍ମାନରେ ସମ୍ମାନିତ କରାଯାଇଛି। ଭୁବନେଶ୍ୱର ବାର୍ ଆସୋସିଏସନ ପକ୍ଷରୁ ଆୟୋଜିତ ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ ଅବସରରେ ଶ୍ରୀ କରଙ୍କୁ ମୁଖ୍ୟ ଅତିଥି ଭାବେ ଯୋଗଦେଇ ଓଡ଼ିଶା ଉଚ୍ଚ ନ୍ୟାୟାଳୟର ଜଷ୍ଟିସ୍ ଚିତ୍ତରଞ୍ଜନ ଦାସ ଓ ଭି. ନରସିଂହ ଏହି ସମ୍ମାନ ପ୍ରଦାନ କରିଥିଲେ।
ଏବେ ଉତ୍କଳ ଚାମ୍ବର ଅଫ୍ କମର୍ସର କାର୍ଯ୍ୟନିବାହୀ ସଦସ୍ୟ ଥିବା କିଶୋର ଚନ୍ଦ୍ର କର ପୂର୍ବରୁ ଭୁବନେଶ୍ୱର ବାର୍ ଆସୋସିଏସନର ସଭାପତି, ଭୁବନେଶ୍ୱର ଲାୟନ୍ସ କ୍ଲବର ସଭାପତି ଏବଂ ହାଇକୋର୍ଟରେ ଆଇନ୍ଜୀବୀ ଭାବେ କାର୍ଯ୍ୟରତ ଥିଲେ। ଜଣେ ବରିଷ୍ଠ ଦିୱାନ ଆଇନ୍ଜୀବୀ ଭାବେ ସେ ସାରା ଓଡ଼ିଶାରେ ପରିଚିତ।