ଭୁବନେଶ୍ବର: ପ୍ରତିଷ୍ଠିତ ସାହିତ୍ୟିକ ତଥା ଲୋକପ୍ରିୟ ଭକ୍ତି ସଂଗୀତ ଆହେ ଦୟାମୟ ବିଶ୍ବ ବିହାରୀର ଲେଖକ ରାମକୃଷ୍ଣ ନନ୍ଦଙ୍କର ଆଜି ଜୟନ୍ତୀ। ସେ ୧୯୦୬ ମସିହା ଫେବୃୟାରୀ ୧୫ ତାରିଖରେ ଜନ୍ମ ଗ୍ରହଣ କରିଥିଲେ। ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶ୍ରଦ୍ଧାଞ୍ଜଳୀ ପ୍ରଦାନ କରିଛନ୍ତି।
ଏକ ଟୁଇଟ କରି ସେ କହିଛନ୍ତି ଯେ, ‘ବିଶିଷ୍ଟ ସାରସ୍ବତ ସାଧକ ରାମକୃଷ୍ଣ ନନ୍ଦଙ୍କ ଜୟନ୍ତୀରେ ମୋର ଶ୍ରଦ୍ଧାଞ୍ଜଳି। ଶିଶୁ ସାହିତ୍ୟିକ, ଅନୁବାଦକ ଏବଂ ଜଣେ ପ୍ରଖ୍ୟାତ ସମ୍ପାଦକ ଭାବେ ତାଙ୍କ ଅବଦାନ ଅତୁଳନୀୟ। ଝୁମୁକା, ତୁଳସୀଦାସ, ବିଶ୍ୱ ପରିଚୟ ଏବଂ ‘ଆହେ ଦୟାମୟ ବିଶ୍ଵ ବିହାରୀ’ ଭଳି କାଳଜୟୀ ରଚନା ତାଙ୍କୁ ଓଡ଼ିଆ ସାହିତ୍ୟ ଜଗତରେ ସର୍ବଦା ସ୍ୱତନ୍ତ୍ର କରି ରଖିବ।