Tag: କୃଷି ଆନ୍ଦୋଳନ

ନୂଆଦିଲ୍ଲୀ: କେନ୍ଦ୍ରର ତିନୋଟି ନୂଆ କୃଷି ଆଇନକୁ ବିରୋଧ କରୁଥିବା କୃଷକମାନେ ଆଜି ଠାରୁ ସଂସଦ ପଦଯାତ୍ରା ଆରମ୍ଭ କରୁଛନ୍ତି। ପ୍ରବଳ ସୁରକ୍ଷା ମଧ୍ୟରେ କୃଷକମାନେ ଜନ୍ତର ମନ୍ତ୍ରରେ ସେମାନଙ୍କର ଆନ୍ଦୋଳନ ଆରମ୍ଭ କରିବେ ଏବଂ ସରକାରଙ୍କ ବିରୋଧରେ ବିକ୍ଷୋଭ କରିବେ। ଦିଲ୍ଲୀର ଲେଫ୍ଟନାଣ୍ଟ ଗଭର୍ଣ୍ଣର ଅନିଲ ବୈଜଲ ୯ ଅଗଷ୍ଟ ପର୍ଯ୍ୟନ୍ତ ପ୍ରତିଦିନ ସର୍ବାଧିକ ୨୦୦ କୃଷକଙ୍କ ଦ୍ୱାରା ବିକ୍ଷୋଭ ପ୍ରଦର୍ଶନ ପାଇଁ ବିଶେଷ ଅନୁମତି ଦେଇଛନ୍ତି।

ଦିଲ୍ଲୀ ପୋଲିସର ସୂତ୍ରରୁ ପ୍ରକାଶ ଯେ, ପୋଲିସ ସୁରକ୍ଷା ସହିତ ପ୍ରତିଦିନ ଚାରିଟି ବସ୍‌ରେ ୨୦୦ ଚାଷୀଙ୍କ ଏକ ଦଳ ବସ୍‌ରେ ସିଙ୍ଗୁ ସୀମାରୁ ଜନ୍ତର ମନ୍ତରକୁ ଆସିବେ ଏବଂ ସକାଳ ୧୧ ଟାରୁ ୫ଟା ପର୍ଯ୍ୟନ୍ତ ସେଠାରେ ବିରୋଧ କରିବେ। କଂଗ୍ରେସ ସାଂସଦମାନେ କୃଷି ଆଇନ ପ୍ରତ୍ୟାହାର ଦାବିରେ ସଂସଦ ଗୃହ କମ୍ପ୍ଲେକ୍ସରେ ଗାନ୍ଧୀ ପ୍ରତିମୂର୍ତ୍ତି ସମ୍ମୁଖରେ ପ୍ରଦର୍ଶନ କରିଛନ୍ତି।

ଅନ୍ୟପକ୍ଷରେ ଦିଲ୍ଲୀ ସୀମାରେ କୃଷକମାନଙ୍କୁ ନେଇ ଯାଉଥିବା ବସ୍‌କୁ ଅଟକାଇ ଦିଆଯାଇଛି। କୃଷକମାନଙ୍କୁ ଅନ୍ୟ ମାର୍ଗରୁ ଆଣିବା ବିଷୟରେ ଦିଲ୍ଲୀ ପୋଲିସ କହୁଥିବାବେଳେ କୃଷକମାନେ ସେମାନଙ୍କୁ ଜିଟି-କର୍ଣ୍ଣଲ ରାସ୍ତାରୁ ଆଣିବା କଥା କହୁଛନ୍ତି।

ନୂଆଦିଲ୍ଲୀ: ନୂତନ କୃଷି ଆଇନକୁ ନେଇ ଦିଲ୍ଲୀ ସୀମାରେ କୃଷକମାନଙ୍କ ଦ୍ଵାରା ଆନ୍ଦୋଳନ ଜାରି ରହିଥିବା ବେଳେ ସଂସଦରେ ମଧ୍ୟ ଏହାର ପ୍ରଭାବ ପଡିଛି। ବଜେଟ ଅଧିବେଶନରେ ନୂତନ କୃଷି ଆଇନକୁ ନେଇ ବିରୋଧ ଜାରି ରହିଛି। ବାରମ୍ବାର ସଂସଦରେ ଗୃହ ମୁଲତବୀ ହେବାର ଦେଖାଯାଉଛି।

ତେବେ କୃଷି ଆନ୍ଦୋଳନ ଉପରେ ରାଜ୍ୟ ସଭାରେ ଚର୍ଚ୍ଚା ହେବ ବୋଲି ଜଣାପଡ଼ିଛି। ଦୀର୍ଘ ୧୫ ଘଣ୍ଟା ଧରି ଏହି ଆଇନ ଉପରେ ଆଲୋଚନା କରାଯିବ। ଉଭୟ ସରକାର ଏବଂ ବୋରୋଧୀ ଦଳଙ୍କ ମଧ୍ୟରେ ସହମତି ପରେ ଏହି ନିଷ୍ପତ୍ତି ହୋଇଛି। ତେବେ ଏଥିପାଇଁ ୨ଦିନ ପାଇଁ ପ୍ରଶ୍ନ କାଳ ବନ୍ଦ ରହିବ।

ନୂଆଦିଲ୍ଲୀ: ଭାରତ ସରକାର ୨୫୦ ଟୁଇଟର ଆକାଉଣ୍ଟକୁ ରଦ୍ଦ କରିଦେଇଛି। ଏହି ଆକାଉଣ୍ଟଗୁଡିକ ଉପରେ ନକଲି ଏବଂ ଉତ୍ତେଜିତ କାରିବା ଭଳି ଟୁଇଟିସ୍ ଏବଂ ହାସଟ୍ୟାଗ କରିବା ଅଭିଯୋଗ ହୋଇଛି। କୃଷି ଆନ୍ଦୋଳନରେ  #ModiPlanningFarmerGenocide ନାମରେ ହାସଟ୍ୟାଗ ଚଲା ଯାଇଥିଲା। ଏହି ହାସଟ୍ୟାଗର ଅର୍ଥ ଥିଲା, “ମୋଦୀ ସରକାର କୃଷକମାନକର ଜନସଂହାରର ପ୍ରସ୍ତୁତ କରୁଛି”। ଗୃହ ମନ୍ତ୍ରାଳୟ ଏବଂ ସୁରକ୍ଷା ଏଜେନ୍ସିଙ୍କ ସୂଚନା ପରେ ସରକାର ଏହି ନିଷ୍ପତ୍ତି ନେଇଛି। ସୂଚନା ଅନୁଯାୟୀ, ଏହା ଆନ୍ଦୋଳନ ସମୟରେ ବହୁ ସମସ୍ୟା ସୃଷ୍ଟି କରିବ ଏବଂ ଦେଶର ସୁରକ୍ଷା ପାଇଁ ବିପଦ ଅଛି। ଏହି ଆକାଉଣ୍ଟରୁ ଜାନୁୟାରୀ ୩୦ରେ ଭ୍ରମ ଏବଂ ଲୋକଙ୍କୁ ଉତ୍ତେଜିତ କରିବା ଭଳି ଟୁଇଟସ କରାଯାଉଥିଲା।

ନୂଆଦିଲ୍ଲୀ: କୃଷକମାନଙ୍କ ଟ୍ରାକ୍ଟର ରାଲିକୁ ମିଳିଲା ମଞ୍ଜୁରୀ। ଆସନ୍ତା ସାଧାରଣତନ୍ତ୍ର ଦିବସରେ ଟ୍ରାକ୍ଟର ରାଲି କରିବେ ବୋଲି କୃଷକମାନେ ଅଡି ବସିଥିଲେ। ସେଥିପାଇଁ ଆଜି କୃଷକ ଏବଂ ଦିଲ୍ଲୀ ପୋଲିସ ମଧ୍ୟରେ ଏକ ବୈଠକ ହୋଇଥିଲା। ଯେଉଁଥିରେ ଦିଲ୍ଲୀ ପୋଲିସ ଏନେଇ ସବୁଜ ସଂକେତ ଦେଇଛି। ହେଲେ ଏହା ପୂର୍ବରୁ କୃଷକ ନେତାଙ୍କ ପକ୍ଷରୁ ଏକ ରୁଟ ପ୍ଳାନ ଦିଲ୍ଲୀ ପୋଲିସ ନିକଟକୁ ପଠାଇଛି। ତେବେ ଟ୍ରାକ୍ଟର ରାଲି ପାଇଁ ତିନୋଟି ରୁଟକୁ ନେଇ ଉଭୟଙ୍କ ମଧ୍ୟରେ ସହମତି ହୋଇଛି।

ସୂଚନା ମୁତାବକ ସିନ୍ଧୁ ସୀମାରୁ ଟ୍ରାକ୍ଟର ପେରେଡ ସଞ୍ଜୟ ଗାନ୍ଧୀ ଟ୍ରାନ୍ଷପୋର୍ଟ, କଞ୍ଝାୱଲା, ବୱାନା, ଔଚନ୍ଦି, ସୀମା ଦେଇ ହରିୟଣା ଯିବ। ଦ୍ଵିତୀୟ ଟ୍ରାକ୍ଟର ପେରେଡ ଟିକିରୀ ସୀମାରୁ ନାଙ୍ଗଲୋଇ, ନଜଫଗଡ, ଝଦୌଡା, ବାଦଲି ରାସ୍ତା ଦେଇ କେଏମପି ଏକ୍ସପ୍ରେସ ଯିବ। ସେହିପରି ତୃତୀୟ ପେରେଡ ଗାଜୀପୁର ଉତ୍ତରପ୍ରଦେଶ ଗେଟରୁ ଅପ୍ସରା ସୀମା ଗାଜିୟାବାଦ ହୋଇ ଡାସନା ୟୁପି ଯିବ। ତେବେ ଟ୍ରାକ୍ଟର ରାଲି ପାଞ୍ଚୋଟି ସ୍ଥାନରୁ ବାହାରିବ ଏବଂ ସେହି ଦିନ ପୁଣି ମୁଖ୍ୟ ସ୍ଥାନକୁ ଫେରିବ। ଏହି ରାଲି ମୋଟ ୧୨୦ କିମି ରୁ ୧୪୦ କିମି ପର୍ଯ୍ୟନ୍ତ ରାସ୍ତାରେ ବୁଲିବ।

ନୂଆଦିଲ୍ଲୀ: ଆଜି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମାର କୃଷି ଆନ୍ଦୋଳନକୁ ନେଇ ନିଜର ମତ ପ୍ରକାଶ କରିଛନ୍ତି। ଏକ ସାମ୍ବାଦିକ ସମ୍ମିଳନୀରେ ଜାତୀୟ ଗଣମାଧ୍ୟମକକୁ ଏନେଇ ନିଜର ମତ ରଖିଛନ୍ତି।

ସେ କହିଛନ୍ତି ଯେ, ” କୃଷକ ସଂଘ କେବଳ ଚାଷୀ ଆଇନ୍‌ ରଦ୍ଦ କରିବା ସମ୍ପର୍କରେ କଥା ହେଉଛି। ସେମାନେ କୃଷି ଆଇନ୍‌ ଲାଭ ସମ୍ପର୍କରେ ଚିନ୍ତା କରୁନାହାନ୍ତି। ଏଥିପାଇଁ ବାରମ୍ବାର ଆଲୋଚନା ହେଉଥିଲେ ବି ଏଥିରେ କୌଣସି ଫଳ ବାହାରିପାରୁ ନାହିଁ। ଆମେ ସେମାନଙ୍କର ସମସ୍ୟା ବୁଝିଥିଲୁ। ଏହାପରେ ସମସ୍ୟାକୁ ବିଶ୍ଲେଷଣ କରି ପ୍ରସ୍ତାବ ମଧ୍ୟ ଦେଇଥିଲୁ। କିନ୍ତୁ ସେମାନଙ୍କର ପ୍ରସ୍ତାବକୁ ପ୍ରତ୍ୟାଖାନ କରିବା ଉଚିତ ନ ଥିଲା। ଯଦି ସେମାନେ ଏହି ପ୍ରସ୍ତାବକୁ ସ୍ୱୀକାର କରିଥାନ୍ତେ, ତେବେ ସରକାର ମଧ୍ୟ ଆଗକୁ ବଢ଼ିଥାନ୍ତେ।”

ସେ ଆହୁରି ମଧ୍ୟ କହିଥିଲେ ଯେ, ଯେତେବେଳେ ଏକାଦଶତମ ଆଲୋଚନା ଆରମ୍ଭ ହୋଇଥିଲା, ସେତେବେଳେ ଆମେ ସରକାରଙ୍କ ପକ୍ଷରୁ ଦିଆଯାଇଥିବା ପ୍ରସ୍ତାବ ଉପରେ କଣ ବିଚାର କଲେବୋଲି କୃଷି ନେତାଙ୍କୁ ପଚାରିଥିଲୁ? କେଉଁ ପ୍ରସ୍ତାବରେ ଆପଣମାନେ ରାଜି ସେ ବିଷୟରେ ଆପଣମାନେ ଜଣାନ୍ତୁ। ଯଦି ଆପଣଙ୍କ ପାଖରେ କୌଣସି ପ୍ରସ୍ତାବ ଅଛି ତେବେ କୁହନ୍ତୁ।”ହେଲେ ସେମାନେ କେବଳ କୃଷି ଆଇନ୍ ରଦ୍ଦ କରିବାକୁ ଜିଦ ଧରିଲେ। ଯାହାଫଳରେ କୌଣସି ସମାଧାନର ବାଟ ଫିଟି ପାରୁନାହିଁ। ବୋଧହୁଏ ଚାଷୀ ଆନ୍ଦୋଳନ ପଛରେ କୌଣସି ଅଦୃଶ୍ୟ ଶକ୍ତିର ହାତ ଅଛି, ଯେଉଁ କାରଣରୁ ଏହି ସମସ୍ୟାର ସମାଧାନ ହୋଇପାରୁନି ବୋଲି କେନ୍ଦ୍ର ମନ୍ତ୍ରୀ କହିଥିଲେ।

ନୂଆଦିଲ୍ଲୀ: କୃଷି ଆନ୍ଦୋଳନର ସମାଧାନ ପାଇଁ ସୁପ୍ରିମକୋର୍ଟ ଚାରି ସଦସ୍ୟ ବିଶିଷ୍ଟ ଏକ କମିଟି ଗଠନ କରିଥିଲେ। ଏହି କମିଟିରେ ଭାରତୀୟ କୃଷକ ୟୁନିଅନର ଅଧ୍ୟକ୍ଷ ଭୁପିନ୍ଦର ସିଂହ ମାନ ସଦସ୍ୟ ଥିଲେ। କିନ୍ତୁ ସେ ଆଜି ସେହି କମିଟିର ସଦସ୍ୟ ପଦରୁ ନିଜକୁ ଅଲଗା କରିଛନ୍ତି।

ଉଲ୍ଲେଖ ଯୋଗ୍ୟ ଯେ, ଭୁପିନ୍ଦର ସିଂହ ମାନଙ୍କୁ ସୁପ୍ରିମକୋର୍ଟଙ୍କ ଏହି କମିଟିର ସଦସ୍ୟ ମନୋନୀତ କରିଥିବାରୁ ଆନ୍ଦୋଳନ କରୁଥିବା କୃଷକମାନେ ବିରୋଧ କରୁଥିଲେ। ସେମାନଙ୍କ କହିବା ମୁତାବକ, ଭୁପିନ୍ଦର ପ୍ରଥମରୁ ଏହି ତିନି ଆଇନକୁ ସମର୍ଥନ କରନ୍ତି। ତେଣୁ ସେ କେବେ କୃଷି ଆନ୍ଦୋଳନକୁ ସମର୍ଥନ କରିବେ ନାହିଁ। ବରଂ ସେ ସରକାରଙ୍କ ନୂତନ ଆଇନକୁ ସମର୍ଥନ କରିବେ।

ତେବେ ଏହି କମିଟିର ସଦସ୍ୟ ଭାବେ ମନୋନୀତ ହୋଇଥିବାରୁ ଭୁପିନ୍ଦର ସିଂହ ମାନ ଏକ ଚିଠି ମାଧ୍ୟମରେ ସୁପ୍ରିମକୋର୍ଟଙ୍କୁ ଧନ୍ୟବାଦ ଜଣାଇଥିଲେ। ସେ ଏହି ଚିଠିରେ ଲେଖିଛନ୍ତି ଯେ, କୃଷକ ଓ ସଂଗଠନର ନେତା ହୋଇଥିବା କାରଣରୁ କୃଷକଙ୍କ ଭାବନା ଜାଣି ପାରୁଛି। ମୁଁ ଆମର କୃଷକଙ୍କ ସ୍ଵାର୍ଥ ବିରୋଧରେ କେବେ ଯାଇପାରିବି ନାହିଁ, ସେଥିପାଇଁ ମତେ କେତେ ବଡ ପଦବୀ ମିଳୁନା କାହିଁକି। ମତେ କୋର୍ଟ ଦ୍ଵାରା ଦିଆଯାଇଥିବା ଦାୟିତ୍ଵକୁ ମୁଁ ତୁଲାଇବାରେ ଅସମର୍ଥ ହେଉଛି। ତେଣୁ ମୁଁ ଏହି ପଦବୀରୁ ନିଜକୁ ଅଲଗା କରୁଛି।

ନୂଆଦିଲ୍ଲୀ: ନୂତନ କୃଷି ବିଲକୁ ନେଇ ଦିଲ୍ଲୀ ସୀମାରେ ବହୁ କୃଷକ ସଂଗଠନ ପକ୍ଷରୁ ଆନ୍ଦୋଳନ ଜାରି ରହିଛି। କେନ୍ଦ୍ର ସରକାର ଓ କୃଷକ ସଂଗଠନ ମଧ୍ୟରେ ଆଲୋଚନା ଜାରି ରହିଥିଲେ ମଧ୍ୟ କୌଣସି ସମାଧାନ ହୋଇପାରିନି। ଗତ ଆଲୋଚନାରେ କୃଷକ ସଂଗଠନର ଦାବୀକୁ ୫୦ ପ୍ରତିଶତ ମାନି ନେଇଥିବା କେନ୍ଦ୍ର ସରକାର ପକ୍ଷରୁ କୁହାଯାଇଥିଲେ ମଧ୍ୟ କୃଷକ ସଂଗଠନ ଏତିକିରେ ସନ୍ତୁଷ୍ଟ ହୋଇନି। ଆଜି ପୁଣି ସପ୍ତମ ପର୍ଯ୍ୟାୟର ଆଲୋଚନା ଆରମ୍ଭ ହୋଇଛି।

ତେବେ କୃଷକ ସଂଗଠନ ତରଫରୁ ବହୁତ ସ୍ଥାନରେ ଶାନ୍ତି ଉପାୟରେ ଏହି ଆନ୍ଦୋଳନ ଚାଲିଥିବା ଦାବି କରୁଥିବା ବେଳେ ଅନେକ ସ୍ଥାନରେ ହିଂସା କରିଥିବା ଅଭିଯୋଗ ହୋଇଛି। ପଞ୍ଜାବ ଓ ହରିୟଣାର ଅନେକ ସ୍ଥାନରେ ହିଂସା ହୋଇଥିବା ଅଭିଯୋଗ ହୋଇଛି। ଏହି ହିଂସାରେ କୃଷକମାନେ ରିଲାଏନ୍ସ ଜିଓର ଅନେକ ମୋବାଇଲ ଟାୱାର ନଷ୍ଟ କରିଦେଇଥିବା ଅଭିଯୋଗ ହୋଇଛି। ଏନେଇ ରିଲାଏନ୍ସ ପକ୍ଷରୁ ପଞ୍ଜାବ ଓ ହରିୟାଣା ହାଇକୋର୍ଟରେ ଏକ ଯାଚିକା ଦାୟର କରାଯାଇଥିବା ସୂଚନା ରହିଛି। ଏବେ ଏହି ମାମଲାରେ ରିଲାଏନ୍ସ ହାଇକୋର୍ଟର ଶରଣ ପଶିଥିବା ବେଳେ ସରକାର ଏଥିରେ ହସ୍ତକ୍ଷେପ କରନ୍ତୁ ବୋଲି ଅପିଲ୍ କରାଯାଇଛି।