Categories
ଆଜିର ଖବର ରାଜ୍ୟ ଖବର

କେନ୍ଦ୍ରୀୟ କୃଷିରତ ମହିଳା ସଂସ୍ଥାନ ଦ୍ୱାରା ‘ପୋଷଣ ସୁରକ୍ଷା ସଚେତନତା କାର୍ଯ୍ୟକ୍ରମ’ ଆୟୋଜିତ

ଭୁବନେଶ୍ବର: କେନ୍ଦ୍ରୀୟ କୃଷିରତ ମହିଳା ସଂସ୍ଥାନ, ଭୁବନେଶ୍ୱର ଦ୍ୱାରା ପୋଷଣ ସୁରକ୍ଷା ସଚେତନତା କାର୍ଯ୍ୟକ୍ରମ ତା: ୮.୭.୨୦୨୨ ରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଭାଗ ନେଇଥିବା ହିତାଧିକାରୀଙ୍କୁ ପୋଷଣ ସୁରକ୍ଷାର ବିଭିନ୍ନ ଉପାୟ ଦ୍ୱାରା ପରିବାରର ଖାଦ୍ୟ ଏବଂ ପୋଷଣକୁ ସୁରକ୍ଷିତ କରିବାପାଇଁ ସଚେତନ କରାଯାଇଥିଲା।  ସଂସ୍ଥାନର ନିର୍ଦେଶକ ଡ଼ଃ. ଅନୀଲ କୁମାର ଅତିଥିମାନଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।  ସେ ତାଙ୍କ ସ୍ୱାଗତ ଭାଷଣରେ କୃଷିକ୍ଷେତ୍ରରେ ମହିଳାମାନଙ୍କର ଅବଦାନ ଏବଂ ବିଭିନ୍ନ ମହିଳା ଅଭିମୁଖୀ ବୈଷୟିକ ଜ୍ଞାନକୌଶଳ ବିଷୟରେ ଉଲ୍ଲେଖ କରିଥିଲେ। କୃଷିର ଉନ୍ନତିରେ ମହିଳାଙ୍କ ଭୂମିକା ମହାନ ବୋଲି ସେ କହିଥିଲେ। ପୋଷଣ ସମ୍ବେଦନ କୃଷିଦ୍ୱାରା ମହିଳା ଓ ଶିଶୁ ମାନଙ୍କର କୁପୋଷଣ ଦୂରୀଭୂତ କରିବାର ଉପାୟମାନ ମଧ୍ୟ ସେ ଉପସ୍ଥାପନ କରିଥିଲେ। ମହିଳା ମାନଙ୍କର ଶ୍ରମ ଲାଘବ ପାଇଁ ଅଧିକ ମାତ୍ରାରେ ମହିଳା ଉପଯୋଗୀ ଜ୍ଞାନକୌଶଳ ଉପରେ ଗବେଷଣା କରିବାକୁ କହିଥିଲେ।

ଓଡ଼ିଶା ରାଜ୍ୟ ମହିଳା ଆୟୋଗର ଅଧକ୍ଷା ଡ଼ଃ. ମିନତୀ ବେହେରା ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ତାଙ୍କ ଅଭିଭାଷଣରେ ସଚେତନତା ଏବଂ ଉପଯୁକ୍ତ ପଦକ୍ଷେପ ଦ୍ୱାରା ମହିଳାମାଙ୍କର ସ୍ୱାସ୍ଥ୍ୟ, ପୋଷଣ ଏବଂ ଜୀବନ ଜୀବିକାର ଉନ୍ନତି କରିବା ଉପରେ ଆଲୋକପାତ କରିଥିଲେ। ଅନ୍ୟତମ ସମ୍ମାନିତ ଅତିଥି, ହିମାଚଳ ପ୍ରଦେଶ ମହିଳା ଆୟୋଗର ଅଧକ୍ଷା, ଡ଼ଃ. ଡେ଼ଜ଼ୀ ଠାକୁର ତାଙ୍କ ବକ୍ତବ୍ୟରେ ଆଇ.ସି.ଏ.ର.- ଶିବା  ପୁଷ୍ଟି ସମ୍ବେଦନ କାର୍ଯ୍ୟକ୍ରମକୁ ପ୍ରସଂଶା କରିଥିଲେ ଓ ମହିଳାମାନେ ନିଜର ସ୍ୱାସ୍ଥ୍ୟ ଏବଂ ପୋଷଣର ଯତ୍ନ ନେବା ସଂଗେସଂଗେ ଅସୁବିଧା ସମୟରେ କମିଶନର ସାହାଯ୍ୟ ନେବାକୁ କହିଥିଲେ।

ଏହି କାର୍ଯ୍ୟକ୍ରମରେ ମୁଖ୍ୟଅତିଥି ରୂପେ ରାଷ୍ଟ୍ରୀୟ ମହିଳା ଆୟୋଗ, ନୂଆଦିଲ୍ଲୀର ଅଧକ୍ଷା, ଶ୍ରୀମତୀ ରେଖା ଶର୍ମା ଯୋଗଦାନ ଦେଇଥିଲେ। ସେ କୃଷିରତ ମହିଳା ସଂସ୍ଥାନ ଏପରି ଏକ କାର୍ଯ୍ୟକ୍ରମ ଆୟୋଜନ କରିଥିବାରୁ ସଂସ୍ଥାନ ଏବଂ ଉପସ୍ଥିତ ଥିବା ମହିଳାମାନଙ୍କୁ କୃତଜ୍ଞତା ଜଣାଇଥିଲେ। କୃଷି କ୍ଷେତ୍ରରେ କାର୍ଯ୍ୟରତ ମହିଳାମାନଙ୍କର ସର୍ବାଙ୍ଗୀନ ଉନ୍ନତି ପାଇଁ ସରକାରଙ୍କ ଦ୍ୱାରା କାର୍ଯ୍ୟକାରୀ କରାଯାଇଥିବା ମହିଳା ଅଭିମୁଖୀ ଯୋଜନା ଏବଂ କାର୍ଯ୍ୟକ୍ରମରେ ବହୁଳଭାବରେ ଭାଗନେବା ପାଇଁ ସେ ଆହ୍ଵାନ ଦେଇଥିଲେ। କୃଷି ମହିଳାମାନଙ୍କୁ ଜମି ଅଧିକାର ବିଷୟରେ ସଚେତନ କରିଥିଲେ ଏବଂ ସେମାନଙ୍କର ଉଦ୍ୟୋଗ ବିକାଶ ପାଇଁ ଆଇ.ସି.ଏ.ର.- ଶିବା କୁ ବିକ୍ରିବଟା ରେ ସାହାଯ୍ୟ କରିବାକୁ ଉପଦେଶ ଦେଇଥିଲେ।

ଏହି ପରିପେକ୍ଷୀରେ ଏକ କୃଷକ-ବୈଜ୍ଞାନିକ ଆଲୋଚନା ଚକ୍ର ଆୟୋଜିତ ହୋଇଥିଲା।  ଏହି ଆଲୋଚନା ଚକ୍ରରେ କେନ୍ଦ୍ର ସରକାରଙ୍କ ଦ୍ୱାରା ପ୍ରଚଳିତ ବିଭିନ୍ନ ଯୋଜନା ଉପରେ ଆଲୋଚନା କରାଯାଇଥିଲା। ଏଥିରେ ସଂସ୍ଥାନର ୧୩ ଟି ପୋଷ୍ୟଗ୍ରାମରୁ ୩୦୦ କୃଷିମହିଳା ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ଏକ ପୋଷଣ ମେଳାର ଆୟୋଜନ ମଧ୍ୟ କରାଯାଇଥିଲା। ସମଗ୍ର କାର୍ଯ୍ୟକ୍ରମକୁ ଡ଼ଃ. ତନୁଜା ପରିଚାଳନା କରିବା ସହିତ ଧନ୍ୟବାଦ ଅର୍ପଣ କରିଥିଲେ।

Categories
ଆଜିର ଖବର ରାଜ୍ୟ ଖବର

କେନ୍ଦ୍ରୀୟ କୃଷିରତ ମହିଳା ସଂସ୍ଥାର ବାର୍ଷିକ କର୍ମଶାଳା

ନୂଆଦିଲ୍ଲୀ: ଆଇ.ସି.ଏ.ଆର, ନୂଆଦିଲ୍ଲୀ ଅଧୀନସ୍ଥ କେନ୍ଦ୍ରୀୟ କୃଷିରତ ମହିଳା ସଂସ୍ଥା, ଭୁବନେଶ୍ୱରଠାରେ ‘କୃଷିରତ ମହିଳା ଅଖିଳ ଭାରତୀୟ ସମନ୍ୱିତ ଅନୁସନ୍ଧାନ ପରିଯୋଜନା’ ବିଷୟରେ ଏକ ବାର୍ଷିକ କର୍ମଶାଳା ମେ’ ମାସ ୧୨ ଓ ୧୩ ତାରିଖରେ ଆୟୋଜିତ ହୋଇଯାଇଛି। ଏହି କର୍ମଶାଳାର ଉଦଘାଟନୀ ଉତ୍ସବରେ ଆଇ.ସି.ଏ.ଆରର ଡିଡିଜି, ଶିକ୍ଷା ଡଃ ଆରସି ଅଗ୍ରୱାଲ ମୁଖ୍ୟ ଅତିଥି ଭାବରେ ଯୋଗ ଦେଇଥିବାବେଳେ ଏଡିଜି ଶିକ୍ଷା ଡଃ ପିଏସ ପାଣ୍ଡେ ମୁଖ୍ୟ ବକ୍ତା ରୂପରେ ଯୋଗ ଦେଇଥିଲେ।

ମୁଖ୍ୟ ଅତିଥି ତାଙ୍କର ବକ୍ତବ୍ୟରେ କୃଷି ମହିଳାଙ୍କ ସଶକ୍ତିକରଣରେ ଆଇସିଏଆର-ଶିବାର ମୁଖ୍ୟ ଭୂମିକା ଉପରେ ଆଲୋକପାତ କରିଥିଲେ। ସେ ମଧ୍ୟ ମାନନୀୟ ପ୍ରଧାନମନ୍ତ୍ରୀଙ୍କର “ଭାରତକୁ କୁପୋଷଣରୁ ମୁକ୍ତ” ଅଭିପ୍ରାୟ କିପରି ମହିଳାମାନଙ୍କ ସାହାଯ୍ୟରେ ଦୂର କରାଯାଇପାରିବ ସେ ବିଷୟରେ କହିଥିଲେ।

ମୁଖ୍ୟବକ୍ତା ନ୍ୟୁଟ୍ରି ସ୍ମାର୍ଟ ଭିଲେଜ ପ୍ରୋଗ୍ରାମ ମାଧ୍ୟମରେ କିପରି ମହିଳାମାନଙ୍କର ଆବଶ୍ୟକ ପୋଷଣକୁ ଯୋଗାଇ ଦିଆଯାଇପାରିବ, ତାହା ବକ୍ତବ୍ୟରେ ଦୃଷ୍ଟି ଆକର୍ଷଣ କରିଥିଲେ। ଶିବାର ନିର୍ଦ୍ଦେଶକ ଡଃ ଅନୀଲ କୁମାର ସ୍ୱାଗତ ଭାଷଣ ଦେବା ସଙ୍ଗେ ସଙ୍ଗେ ଅନୁଷ୍ଠାନର ମହାନ ଲକ୍ଷ୍ୟ ଓ ଉଦ୍ଦେଶ୍ୟ ଏବଂ କାର୍ଯ୍ୟକଳାପକୁ ବିଶ୍ଳେଷଣ କରିଥିଲେ। ପରେ ପରେ ଏକ ପୋଷଣ ମେଳାର ଉଦଘାଟନ କରାଯାଇଥିଲା।

ଉକ୍ତ ପ୍ରୋଗ୍ରାମରେ ଭାରତ ବର୍ଷର ୧୮ଟି AICRP (women in agriculture) ସେଣ୍ଟରର ଓ ଶିବାର ପ୍ରାୟ ୮୦ ଜଣ ବୈଜ୍ଞାନିକ ଯୋଗଦାନ କରିଥିଲେ। ଟେକ୍ନିକାଲ ସେସନରେ ବୈଜ୍ଞାନିକମାନେ ନିଜ ନିଜ ପ୍ରୋଜେକ୍ଟର କାର୍ଯ୍ୟକଳାପକୁ ଉପସ୍ଥାପନ କରିଥିଲେ। ପ୍ରୋଗ୍ରାମର ଶେଷ ଭାଗରେ ଆଇସିଏଆରର ଡାଇରେକ୍ଟର ଜେନେରାଲ ଡଃ ତ୍ରିଲୋଚନ ମହାପାତ୍ର ମୁଖ୍ୟ ଅତିଥି ଭାବରେ ଯୋଗଦେଇ କୃଷିରେ ମହିଳାମାନଙ୍କର ଅବଦାନ ଓ ସେମାନଙ୍କର ଶାରିରୀକ କଷ୍ଟ ଉପରେ ପ୍ରାଧାନ୍ୟ ଦେଇଥିଲେ। ସେ ମଧ୍ୟ ଦେଶକୁ ‘କୁପୋଷଣ ମୁକ୍ତ’ କରିବା ଅଭିଯାନରେ ମହିଳା ବୈଜ୍ଞାନିକମାନଙ୍କର ଭୂମିକାକୁ ଦୃଷ୍ଟିରେ ଆଣିଥିଲେ। ତତସହିତ ଏଆଇସିଆରପି ସେଣ୍ଟରର ସମସ୍ୟା ବିଷୟରେ ଆଲୋଚନା କରି ସମାଧାନର ବାଟ ବତାଇଥିଲେ।

କାର୍ଯ୍ୟକ୍ରମର ଦ୍ୱିତୀୟ ଦିଗରେ ଦୁଇଜଣ ବକ୍ତାଙ୍କ ମାଧ୍ୟମରେ ଦୁଇଟି ବିଷୟର ଉପସ୍ଥାପନା କରାଯାଇଥିଲା। ଆଉ ମଧ୍ୟ ଏକ ଗ୍ରାମ ପରିଦର୍ଶନର ବ୍ୟବସ୍ଥା କରାଯାଇଥିଲା, ଏହି କାର୍ଯ୍ୟକ୍ରମ ମାଧ୍ୟମରେ ଡିଡିଜି ଡଃ ଆରସି ଅଗ୍ରୱାଲ ପୁରୀ ଜିଲ୍ଲା ସତ୍ୟବାଦୀ ବ୍ଲକର ଡୁବୁଡୁବା ଗ୍ରାମ (ଶିବାର ପୋଷ୍ୟ ଗ୍ରାମ) ପରିଦର୍ଶନ କରିଥିଲେ। ସେଠାରେ ନ୍ୟୁଟ୍ରି ସ୍ମାର୍ଟ ଭିଲେଜର କାର୍ଯ୍ୟକଳାପକୁ ଅନୁଧ୍ୟାନ କରିଥିଲେ। କୃଷି ମହିଳାମାନେ ଗ୍ରାମାଞ୍ଚଳରେ ମିଳୁଥିବା ଖାଦ୍ୟରୁ ପୋଷଣବର୍ଦ୍ଧକ ମୂଲ୍ୟଯୁକ୍ତ ଖାଦ୍ୟପଦାର୍ଥର ଏକ ମେଳା ଲଗାଇଥିଲେ।

କର୍ମଶାଳାଟିକୁ ଡଃ ଲିପି ଦାଶ ଏଆଇସିଆରପିର ନୋଡାଲ ହିସାବରେ ପରିଚାଳନା କରିଥିବାବେଳେ ଡଃ ଜ୍ୟୋତି ନାୟକ ଗ୍ରାମପରିଦର୍ଶନ ଆୟୋଜନ କରିଥିଲେ।