ସୀତାରାମ ଅଗ୍ରୱାଲ
ବାଲୁଗାଁ: ଆଜି ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ଧୂଆଁଳ ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ଜଣେ ବ୍ୟକ୍ତିଙ୍କ ସ୍କୁଟିକୁ କେହି ଜଣେ ଦୁର୍ବୁତ୍ତ ନିଆଁ ଲଗାଇ ସଂପୂର୍ଣ୍ଣ ପୋଡିଦେଇଥିବାର ଅଭିଯୋଗ ହୋଇଛି।
ସୂଚନା ମୁତାବକ ଧୂଆଁଳ ଗ୍ରାମର ସନାତନ ସାହୁ (୫୦) ସବୁଦିନ ପରି ନିଜ ଟିଭିଏସ ଜୁପିଟର ସ୍କୁଟର (ଓଡ଼ି-୦୨-ଏଇ-୬୩୦୨) କୁ ଘର ବାହାରେ ରଖିଥିଲେ। ତେବେ ଆଜି ସକାଳୁ ଉଠି ଦେଖିଲାବେଳକୁ ସ୍କୁଟିଟି ସଂପୂର୍ଣ୍ଣ ପୋଡି ନଷ୍ଟ ହୋଇଯାଇଥିବା ଦେଖିବାକୁ ପାଇଥିଲେ।
ତେବେ କିଏ କ’ଣ ପାଇଁ ଏପରି କାଣ୍ଡ କରିଛି ଜଣାପଡିନଥିବା ବେଳେ ଏ ନେଇ ସନାତନ ବାଲୁଗାଁ ଥାନାରେ ଏକ ଲିଖିତ ଅଭିଯୋଗ କରିଥିଲେ। ପରେ ପୋଲିସ ତଦନ୍ତ ଆରମ୍ଭ କରିଦେବା ସହ ସହ ଜଣଙ୍କୁ ଅଟକ ରଖି ପଚରାଉଚୁରା ଜାରି ରଖିଛି।