Categories
ଅପରାଧ ଆଜିର ଖବର ରାଜ୍ୟ ଖବର

ନାକଟିଦେଉଳ ବନାଂଚଳରେ ଅବାଧରେ ଜନ୍ତୁଶିକାର: ୧୫ କେଜି ବାରହା ମାଂସ ସହ ୩ ଶିକାରୀ ଗିରଫ

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବନାଂଚଳରେ ଦିନକୁ ଦିନ ଜନ୍ତୁ ଶିକାର ଚାଲିଥିବା ବେଳେ ବନବିଭାଗ ସେମାନଙ୍କୁ ସବୁ ସମୟରେ ଧରିବାରେ ସକ୍ଷମ ହୋଇପାରୁନାହିଁ। ଏପରିକି ବହୁ ସମୟରେ ଶିକାରୀମାନେ ବନବିଭାଗକୁ ଚକ୍‌ମା ଦେଇ ଫେରାର୍ ମଧ୍ୟ ହେଉଛନ୍ତି। ଗତ ୨୩/୬ ରାତିରେ ଲାଣ୍ଡିମାଳ ସଂରକ୍ଷିତ ଜଙ୍ଗଲରେ ବାର୍‌ହା ଶିକାର କରିବା ଅଭିଯୋଗରେ ୩ ଜଣଙ୍କୁ ଗିରଫ କରିବା ସହ ଏକ ଦେଶୀ ବନ୍ଧୁକ ଜବତ କରିଛି ବନବିଭାଗ।

ବନବିଭାଗ ସୂତ୍ରରୁ ପ୍ରକାଶ ଯେ, ନାକଟିଦେଉଳ ରେଞ ଅଧିନସ୍ଥ ଲାଣ୍ଡିମାଳ ସଂରକ୍ଷିତ ଜଙ୍ଗଲର ଭୀମମଣ୍ଡଳି ନିକଟସ୍ଥ କଳାପାଟ ଚନ୍ଦନଖୋଳ ଜଙ୍ଗଲରୁ ଜୁନ୍ ୨୩ ତାରିଖ ରାତିରେ ଖମଣମୁଣ୍ଡା ଗ୍ରାମର ଜିତେନ୍ଦ୍ରିୟ ଜମକିଆ, ମିଥୁନ୍ କଂସାରିଆ,ଅନିରୁଦ୍ଧ ଛେଣ୍ଡିଆ ଓ ଅଲେଖ ଶବର ଏକ ବାର୍‌ହା ଶିକାର କରି ଚମ୍ପାଳି ନଦୀରେ ଭାଗ କରି ନେଇଥିଲେ। ସେଠାରୁ ଜଗନ୍ନାଥପ୍ରସାଦ ଗୋପବନ୍ଧୁ ଚିକେନ୍ ଦୋକାନକୁ ମାଂସ ବିକ୍ରି ପାଇଁ ଯାଇଥିଲା।

ବନବିଭାଗ କୌଣସି ସୂତ୍ରରୁ ଖବର ପାଇ ଜଗନ୍ନାଥ ପ୍ରସାଦ ର ଚିକେନ୍ ଦୋକାନରୁ ୧୫ କେଜି ବାରହା ମାଂସକୁ ଜବତ କରିଥିଲା। ଚିକେନ୍ ଦୋକାନର ମାଲିକକୁ ପଚାରିବାରୁ ଶିକାରୀମାନଙ୍କର ନାମକୁ ପ୍ରକାଶ କରିଥିଲା। ସେ ଆଧାରରେ ବନବିଭାଗର ଏକ ଟିମ୍ ଖମଣମୁଣ୍ଡା ଗ୍ରାମକୁ ଯାଇ ୩ ଜଣ ଶିକାରୀଙ୍କୁ ଗିରଫ କରିବାଥିଲା ଓ ଅଲେଖ ଶବର ଫେରାର୍ ହୋଇଯାଇଥିଲା। ମିଥୁନ୍ କଂସାରିଆ ପାଖରୁ ଏକ ଦେଶୀ ବନ୍ଧୁକ ବନବିଭାଗ ଜବତ କରିଥିଲା। ଦେଶି ବନ୍ଧୁକଟି ଜିତେନ୍ଦିୟ ଜମକିଆର ବୋଲି ବନବିଭାଗ ଅନୁସନ୍ଧାନରୁ ଜାଣି ପାରିଥିଲା। ଆସନ୍ତା କାଲି ଅଭିଯୁକ୍ତ ଶିକାରୀମାନଙ୍କୁ କୋର୍ଟ ଚାଲାଣ କରାଯିବ ବୋଲି ବନବିଭାଗ ପ୍ରକାଶ କରିଛି।

ସହକାରୀ ବନସଂରକ୍ଷକ, ନାକଟିଦେଉଳର ଅଶ୍ୱିନୀ ବେହେରାଙ୍କ ନେତୃତ୍ୱରେ ଫରେଷ୍ଟର ତଥା ବନବିଭାଗର ଅନ୍ୟ କର୍ମଚାରୀମାନେ ଚଢଉରେ ସାମିଲ୍ ହୋଇଥିଲେ। ବହୁ ସମୟରେ ନାକଟିଦେଉଳ ବନାଂଚଳରେ ଏମିତି ଶିକାରୀମାନେ ସଂରକ୍ଷିତ ଜଙ୍ଗଲକୁ ଅବାଧରେ ପ୍ରବେଶ କରି ଜନ୍ତୁ ଶିକାର କରୁଥିଲେ ମଧ୍ୟ ବନବିଭାଗ ସେମାନଙ୍କୁ ଧରିବାରେ ମୁଣ୍ଡବ୍ୟଥାର କାରଣ ହେଉଛି।

Categories
ଅପରାଧ ଆଜିର ଖବର ରାଜ୍ୟ ଖବର

ରାଇଲ୍ ଜଙ୍ଗଲରେ ବୋମା ବିଛାଇ ଜନ୍ତୁ ଶିକାର: ୧୩ ହାତ ତିଆରି ବୋମା ସହ ୩ ଗିରଫ

କନ୍ଦର୍ପ ବେହେରା

ରେଢାଖୋଲ: ସମ୍ବଲପୁର ଜିଲ୍ଲା ନାକଟିଦେଉଳ ବନାଂଚଳ ରାଇଲ୍ ଗ୍ରାମରେ ହାତ ତିଆରି ବୋମା ବିଚ୍ଛାଇ ଜନ୍ତୁ ଶିକାର କରିବାକୁ ଉଦ୍ୟମ କରୁଥିବା ବେଳେ ବନବିଭାଗ ହାତରେ ସମ୍ବଲପୁର ଜିଲାର ଜଣେ ଏବଂ ଅନୁଗୋଳ ଜିଲ୍ଲାର ୨ ଜଣ ଅଭିଯୁକ୍ତକୁ ବନବିଭାଗ ଧରିବାରେ ସଫଳ ହୋଇଛି।

ବନବିଭାଗ ସୂତ୍ରରୁ ପ୍ରକାଶ ଯେ, ଆଜି ସକାଳ ୬.୩୦ ମିନିଟରେ ନାକଟିଦେଉଳ ରେଞ ରାଇଲ୍ ଗ୍ରାମ ନିକଟସ୍ଥ ଜଙ୍ଗଲରେ ହାତ ତିଆରି ବୋମା ବିଚ୍ଛାଇ ଜନ୍ତୁ ଶିକାର କରିବାକୁ ଉଦ୍ୟମ କରୁଥିବା ବେଳେ ବନ ବିଭାଗ କୌଣସି  ସୂତ୍ରରୁ ଖବର ପାଇ  ଅଭିଯୁକ୍ତ ମାନଙ୍କୁ ଧରିବାରେ ସଫଳ ହୋଇଛି। ରାଇଲ ଗ୍ରାମର  ଅଭିଯୁକ୍ତ ରମେଶ ଦେହୁରୀ(୩୭)ଙ୍କ ପାଖରୁ ୧୩ ଟି ଅଫୁଟା ହାତ ତିଆରି ବୋମା ବନବିଭାଗ ଜବତ କରିବା ସହ ଏଥିରେ ସଂପୃକ୍ତି ଥିବା ଅନୁଗୋଳ ଜିଲ୍ଲା  ଛେଣ୍ଡିପଦା ଥାନା ମାରୁଢିପ ଗ୍ରାମର ଭ୍ରମରବର ସେଠୀ(୪୭) ଏବଂ ସେଇ ମାରୁଢିପ ଗ୍ରାମର ବରୁଣ ନାଏକ (୩୭)କୁ ଗିରଫ କରିଛି। ଏହି ଅଭିଯୁକ୍ତ ମାନଙ୍କୁ ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ବନବିଭାଗ ପ୍ରକାଶ କରିଛି। ଏହି ଚଢଉରେ ଫରେଷ୍ଟର ସ୍ୱପ୍ନେଶ୍ୱର ଦେହୁରୀ, ଫରେଷ୍ଟ ଗାର୍ଡ ଗୋବିନ୍ଦ ମାଝୀ ତଥା ବନବିଭାଗର କର୍ମଚାରୀମାନେ ସାମିଲ୍ ହୋଇଥିଲେ।

ସୂଚନା ଥାଉକି , ଗତ କିଛି ଦିନ ତଳେ ନାକଟିଦେଉଳ ବନାଂଚଳରେ ଅବାଧରେ ହାତ ତିଆରି ବୋମା ବିଚ୍ଛାଇ ଜନ୍ତୁ ଶିକାର କରୁଥିବା ବେଳେ ନାକଟିଦେଉଳ ବନବିଭାଗ ଏହି କାର୍ଯ୍ୟରେ ସଂପୃକ୍ତି ଥିବା ୩ ଜଣଙ୍କୁ ଗିରଫ କରିବା ସହ ୧୬ ଟି ହାତ ତିଆରି ବୋମା ଜବତ କରିଥିଲା ଏଥି ସହ ଗୋଟିଏ ବୋମା ଫୁଟି ଗୋଟିଏ କୁକୁରର ମୁହଁ ଉଡି ଯାଇଥିଲା।  ନାକଟିଦେଉଳ ରେଞ ଅଧିନସ୍ଥ ଘୋଷରାମାଳ ଲୁସୁରା ନିକଟସ୍ଥ ଲମ୍ପାଫୁଲି ଡିପିଏଫ୍ ନିକଟରେ ବାରହା ଶିକାର କରିବା ପାଇଁ ପଥୁରିଆ ଗ୍ରାମର  ସୁଦାମ ସାହୁ (୫୫), ଶିମିଳିପାଳ ଗ୍ରାମର ସୁଦ୍ର ସାହୁ (୫୭) ହାତ ତିଆରି ବୋମା ବିଚ୍ଛାଇଥିଲେ। ବନବିଭାଗ କୌଣସି ସୂତ୍ରରୁ ଖବର ପାଇ ବୋମା ବିଚ୍ଛାଇଥିବା ସ୍ଥାନକୁ ରାତିରେ ଯାଇ ଚଢଉ କରିଥିଲା। ଜଙ୍ଗଲରୁ ବନବିଭାଗ ଅଫୁଟା ୧୩ ଟି ହାତ ତିଆରି ବୋମା ଜବତ କରିବା ସହ ଏହି ବ୍ୟକ୍ତିମାନଙ୍କୁ ଧରିଥିଲା। ବୋମା ଫୁଟି ଯିବାରୁ କୁକୁରର ମୁହଁ ସଂପୂର୍ଣ ଉଡିଯାଇଥିଲା।

ବନବିଭାଗ ବହୁ ସମୟ ଧରି ପଚରାଉଚୁରା କରି ସେମାନଙ୍କୁ ବୋମା  ଯୋଗାଉଥିବା ରିଆମାଳ ଥାନା ରାମପାଲି ଗ୍ରାମର ପରମାନନ୍ଦ ବେହେରାଙ୍କୁ(୫୨) ବନବିଭାଗ ଗିରଫ କରିଥିଲା।

Categories
ଅପରାଧ ଆଜିର ଖବର ରାଜ୍ୟ ଖବର

ଜନ୍ତୁ ଶିକାର ବେଳେ ଧରିଲା ବନବିଭାଗ: ୨ ଟି ବନ୍ଧୁକ ସହ ୫ ଶିକାରୀ ଗିରଫ

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବନାଂଚଳରେ ଦିନକୁ ଦିନ ଶିକାରୀମାନଙ୍କ ପ୍ରାଦୁର୍ଭାବ ବଢିବାରେ ଲାଗିଛି। ଜନ୍ତୁମାନଙ୍କୁ ଶିକାର କରିବା ପାଇଁ ଚୋରା ବନ୍ଧୁକ ଧରି ରାତିରେ ଶିକାରୀମାନେ ବୁଲୁଥିବାର ନଜିର ରହିଛି। ଗତକାଲି ରାତିରେ ନାକଟିଦେଉଳ ବନାଂଚଳ ଖୋଲଗଡ ସଂରକ୍ଷିତ ଜଙ୍ଗଲରେ ଅବାଧରେ ୫ ଜଣ ଶିକାରୀ ଚୋରା ବନ୍ଧୁକ ସାହାଯ୍ୟରେ ଜନ୍ତୁ ଶିକାର କରୁଥିବାର ବନ ବିଭାଗ ଖବର ପାଇ ସେମାନଙ୍କୁ ଧରିବାରେ ସଫଳ ହୋଇଛି।

ନାକଟିଦେଉଳ ବନାଂଚଳର ରେଞ୍ଜ ଅଧିକାରୀ ଅଶ୍ୱିନୀ ବେହେରାଙ୍କ ଠାରୁ ପ୍ରକାଶ ଯେ, ଗତକାଲି ବିଳମ୍ବିତ ରାତିରେ ଶିମିଳିପାଳ ଅଂଚଳର କେତେଜଣ ଯୁବକ ଜନ୍ତୁ ଶିକାର ପାଇଁ ଖୋଲଗଡ ସଂରକ୍ଷିତ କାଉଁଶିପାଳ ଗ୍ରାମରେ ଥିବା ଜଙ୍ଗଲକୁ ଯାଇଥିଲେ। ବନବିଭାଗ କୌଣସି ସୂତ୍ରରୁ ଖବର ପାଇ ତୁରନ୍ତ ସେଇ ଜଙ୍ଗଲକୁ ଯାଇ ସେମାନଙ୍କୁ କାବୁ କରିବା ସହ ସେମାନଙ୍କ ଠାରୁ ୨ ଟି ଦେଶୀ ବନ୍ଧୁକ, ଦୁଇଟି ମୋଟର ସାଇକେଲ ଏବଂ ଏକ ମୁଶା ଜାତୀୟ ଜନ୍ତୁକୁ ଜବତ କରିବାରେ ସଫଳ ହୋଇଥିଲା। ସେମାନଙ୍କୁ ବନ ବିଭାଗ ଅଟକ ରଖିବା ସହ ସେମାନଙ୍କ ବିରୁଦ୍ଧରେ ଦୃଢ କାର୍ଯାନୁଷ୍ଠାନ ଗ୍ରହଣ କରିଥିଲା। ବନବିଭାଗ ଜନ୍ତୁ ଶିକାର ତଥା ବନ୍ଧୁକ ରଖିବା ଅଭିଯୋଗରେ ସିମିିଳିପାଳ , ବନ୍ଧୁପାଲି ଓ କାଦୋବାହାଳି ଅଂଚଳର ସୁମନ୍ତ ମାଝୀ, ଆର୍ତ୍ତ ଦେହୁରି, ଜିତେନ୍ଦ୍ର ସାହୁ, ମଦନ ସାହୁ ଓ ନରେନ୍ଦ୍ର ସାହୁଙ୍କୁ ଗିରଫ କରିଥିଲା। ସେମାନଙ୍କୁ ଆଜି କୋର୍ଟ ଚାଲାଣ କରାଯାଇଥିବା ବେଳେ କୋର୍ଟରେ ଜାମିନ୍ ନାମଞୁର ହେବାରୁ ସେମାନଙ୍କୁ ଜେଲ୍ ହାଜକୁ ପଠାଇଦେଇଥିବା ଜଣା ପଡିଛି।

ଦିନକୁ ଦିନ ଏ ଅଂଚଳରେ ଅବାଧରେ ଜନ୍ତୁ ଶିକାର ଚାଲିଥିଲେ ମଧ୍ୟ ବନ ବିଭାଗ ଏ ସଂପର୍କରେ ଖବର କିଛି ପାଇ ପାରି ନଥିବାରୁ ଏଇ ବନ୍ଧୁକ ଧାରି ଜନ୍ତୁ ଶିକାରୀମାନଙ୍କୁ ଧରିବାରେ ବିଫଳ ହେଉଥିଲା। ଗତକାଲି ରାତିରେ ବନ ବିଭାଗ ଏକ ବଡ ସଫଳତା ପାଇ ଥିବାରୁ ସବୁଠି ପ୍ରଶଂସାର ପାତ୍ର ହୋଇଛନ୍ତି। ଏହି ଚଢଉରେ ବନପାଳ ସଞୟ କୁମାର ସାହୁ , ରଞନ କୁମାର ନାଏକ ଫରେଷ୍ଟଗାର୍ଡ, ରେବତୀ ପ୍ରଧାନ ଫରେଷ୍ଟ ଗାର୍ଡ ପ୍ରମୁଖ ସାମିଲ୍ ହୋଇଥିଲେ।

Categories
ଆଜିର ଖବର ରାଜ୍ୟ ଖବର

ନାକଟିଦେଉଳ ବନାଂଚଳ: ମୃତ ହାତୀ ଛୁଆକୁ ଉଦ୍ଧାର କଲା ବନ ବିଭାଗ

କନ୍ଦର୍ପ ବେହେରା
ରେଢାଖୋଲ: ଦିନକୁ ଦିନ ନାକଟିଦେଉଳ ବନାଂଚଳରେ ହାତୀ ମାନଙ୍କର ଆତଙ୍କ ରାଜରେ ଲୋକେ ଅତିଷ୍ଟ ହୋଇ ପଡିଥିବା ବେଳେ ଏ ପଟେ ହାତୀ ମୃତ୍ୟୁକୁ ନେଇ ବନ ବିଭାଗ ଚିନ୍ତାରେ ପଡିଛି। ସାରା ରାଜ୍ୟରେ ହାତୀ ମୃତ୍ୟୁ ସଂଖ୍ୟା ବଢିବା କିଛି ନୂଆଁ କଥା ନୁହଁ। ନାକଟିଦେଉଳ ବନାଂଚଳ ଜାମୁଜୋରୀ ପଂଚାୟତ ଅନ୍ତର୍ଗତ ବିନ୍ଧପୁର ଗ୍ରାମ ନିକଟସ୍ଥ ଶିଆରିମାଳୀଆ ଜଙ୍ଗଲରୁ ଏକବର୍ଷର ଅଣ୍ଡିରା ହାତୀ ଛୁଆକୁ ବନବିଭାଗ ଉଦ୍ଧାର କରିଛି।

ପ୍ରକାଶ ଯେ, ନାକଟିଦେଉଳ ବନାଂଚଳ ଜାମୁଜୋରୀ ପଂଚାୟତ ଶିଆରୀମାଳିଆ ଜଙ୍ଗଲର ବଡତଇଲା କଟା ନିକଟରେ ଏକ ବର୍ଷର ହାତୀ ଛୁଆ ମରି ପଡିଥିବାର ବନ ବିଭାଗ କୌଣସି ସୂତ୍ରରୁ ଖବର ପାଇଥିଲା। ଗତକାଲି ଅପରାହ୍ନ ୩ ଟା ପରେ ରେଢାଖୋଲ ଡିଏଫ୍‌ଓ ପ୍ରଦୀପ୍ତ କୁମାର ସାହୁ, ନାକଟିଦେଉଳ ରେଞ୍ଜ ଅଫିସର ଅଶ୍ୱିନୀ କୁମାର ବେହେରା ପ୍ରମୁଖ ସେଇ ଜଙ୍ଗଲକୁ ଯାଇ ମୃତ ହାତୀ ଛୁଆକୁ ଠାବ କରିଥିଲେ। ରାତି ହୋଇଯିବାରୁ ମୃତ ହାତୀ ଛୁଆର ଶବ ବ୍ୟବଚ୍ଛେଦ ହୋଇ ପାରି ନ ଥିଲା।

ବର୍ଷେ ତଳେ ମଧ୍ୟ ଜାମୁଜୋରୀ ଜଙ୍ଗଲର ଚଡଚଡି ଗ୍ରାମ୍ୟ ଜଙ୍ଗଲରେ ହାତୀ ମାନଙ୍କର ଆକ୍ରମଣରେ ଏକ ହାତୀ ଛୂଆର ମୃତ୍ୟୁ ହୋଇଯାଇଥିଲା। ସେଇ ଅଂଚଳରେ ହାତୀମାନଙ୍କର ଆତଙ୍କରାଜରେ ବହୁ ଧନ ଜୀବନ ମଧ୍ୟ ଯାଇଛି। ଘଂଚ ଜଙ୍ଗଲ ହୋଇଥିବାରୁ ସେ ଅଂଚଳରୁ ହାତୀମାନେ ବାହାର ଅଂଚଳକୁ ପଳାଉ ନ ଥିବାରୁ ଜାମୁଜୋରୀ ଅଂଚଳରେ ଲୋକମାନଙ୍କ ମଧ୍ୟରେ କୋକୁଆଭୟ ସୃଷ୍ଟି ହୋଇଛି। ବନ ବିଭାଗ ମଧ୍ୟ ହାତୀମାନଙ୍କୁ ଘଉଡାଇବାରେ ନାକେଦମ୍ ହୋଇ ପୋଡୁଛି। ଖବର ଲେଖା ହେବା ବେଳକୁ ହାତୀର ଶବ ବ୍ୟବଚ୍ଛେଦ ହେଉଥିବା ରେଢାଖୋଲ ଡିଏଫ୍‌ଓ ପ୍ରଦୀପ୍ତ କୁମାର ସାହୁ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ପୁଣି ବିନ୍ଧପୁରରେ ହାତୀ ଆକ୍ରମଣରେ ଜଣେ ଗୁରୁତର

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବନାଂଚଳରେ ଦିନକୁ ଦିନ ହାତୀ ଉପଦ୍ରବରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ଲୋକମାନେ ପଦାକୁ ବାହାରିବାକୁ ସୁରକ୍ଷା ମଣୁନାହାନ୍ତି। କିଛି ଦିନ ବ୍ୟବଧାନରେ ପୁଣି ଆଜି ନାକଟିଦେଉଳ ରେଞ ଅଧିନସ୍ଥ ଜାମୁଜୋରୀ ପଂଚାୟତର ବିନ୍ଧପୁର ଗ୍ରାମ ନିକଟସ୍ଥ ଚଡଚଡି ଜଙ୍ଗଲରେ ହାତୀ ଆକ୍ରମଣରେ ଜଣେ ବ୍ୟକ୍ତି ଗୁରୁତର ହୋଇଥିବା ଖବର ହସ୍ତଗତ ହୋଇଛି।

ପ୍ରକାଶ ଯେ, ବିନ୍ଧପୁର ଗ୍ରାମର ଓାର୍ଡ ସଭ୍ୟ ସୁରେଶ୍ ପ୍ରଧାନ ଜଙ୍ଗଲକୁ କାଠ ସଂଗ୍ରହ ପାଇଁ ଯାଇଥିବା ବେଳେ ହାତୀ ହାବୁଡରେ ପଡିଯାଇଥିଲେ। ନିଜକୁ ବଂଚାଇବା ପାଇଁ ଚେଷ୍ଟା କରି ମଧ୍ୟ ସେ ବିଫଳ ହୋଇ ଶେଷରେ ମୃତ୍ୟୁ ମୁଖରୁ କୌଣସି ମତେ ବଂଚିଯାଇଥିଲେ। ଗାଁ ଲୋକେ ତାଙ୍କୁ ଉଦ୍ଧାର କରି ସଂଗେ ସଂଗେ ବୁର୍ଲା ଡାକ୍ତରଖାନାକୁ ନେଇଯାଇଥିଲେ। ନାକଟିଦେଉଳ ରେଞ ଅଫିସରଙ୍କୁ ଏ ସଂପର୍କରେ ଯୋଗାଯୋଗ କରିବାରୁ ଏହାର ଏକ ତଦନ୍ତ କରାଯାଉଛି ବୋଲି ପ୍ରକାଶ କରିଥିଲେ। ସରକାରଙ୍କ ନିୟମ ଅନୁସାରେ ଯାହା ସାହାଯ୍ୟ ମିଳିବା କଥା ମିଳିବ ବୋଲି ଆମ ପ୍ରତିନିଧିଙ୍କ ଠାରେ ପ୍ରକାଶ କରିଥିଲେ। ଏମିତି ନାକଟିଦେଉଳ ରେଞ ଅଧିନ ଗ୍ରାମ ଗୁଡିକରେ ହାତୀ ମଣିଷ ମଧ୍ୟରେ ଲଢେଇ ଚାଲିଛି। ମଣିଷ ମାରୁଥିବା ହାତୀଟିକୁ ବନ ବିଭାଗ ଟାଙ୍କୁଲାଇଜର ଦେଇ ତାକୁ ଅନ୍ୟତ୍ର ପଠାବାରେ ବିଫଳ ହୋଇଛି। ଏପରିକି ହାତୀଟିକୁ ନିଜ ଆୟତରେ ରଖିପାରୁ ନ ଥିବାରୁ ବହୁ ଧନ ଜୀବନ ଅକାଳରେ ଝରି ପଡୁଛି।

ଆହତ ବ୍ୟକ୍ତିଟିର ଅନ୍ତଃବୁଜୁଳା ବାହାରିପଡିଥିବା ବେଳେ ଦେହର ବିଭିନ୍ନ ସ୍ଥାନରେ ଗଭୀର କ୍ଷତ ରହିଛି।