ପୁରୀ: ପୁରୀ ଟାଉନ ଥାନା ପୋଲିସ ନିଶା ବେପାରଙ୍କୁ ଗୋଡ଼ାଇ ଗୋଡ଼ାଇ ଧରୁଥୁବା ବେଳେ ଗତକାଲି ପାଟ୍ରୋଲିଂ ସମୟରେ ଜଣେ ନିଶା ବେପାରି ଗିରଫ ହୋଇଛନ୍ତି। ସୂଚନା ମୁତାବକ ଲୋକନାଥ ରୋଡ ବାରବାଟୀ ଜାଗାରେ ବେଆଇନ ଏସ୍କଫ କଫ ସିରପ ବିକ୍ରି ହେଉଥିବାର ଖବର ପାଇ ପୋଲିସ ଚଢ଼ାଉ କରିଥିଲା।
ଚଢ଼ାଉ ବେଳେ ୪୯ ଗୋଟି ଏସ୍କଫ କଫ ସିରପ ଓ କିଛି ନକଦ ଟଙ୍କା ଜବତ କରିଛି ପୋଲିସ ଏବଂ ବାସେଳୀ ସାହି ଥାନା ଅଞ୍ଚଳର ଅଭିଯୁକ୍ତ ରାଜେନ୍ଦ୍ର ଜେନା(୪୦) ଙ୍କୁ ଗିରଫ କରିଛି। ଆଜି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବାର ଟାଉନ ଥାନା ଆଇଆଇସି ସୁନୀଲ କୁମାର ପ୍ରଧାନ ସୂଚନା ଦେଇଛନ୍ତି।