Categories
ଆଜିର ଖବର ରାଜ୍ୟ ଖବର

ବାଲିତୁଠରୁ ବିଦେଶୀ ମଦ ଯବତ, ବେପାରୀ ଗିରଫ

କୁଜଙ୍ଗ: ଗତକାଲି କୁଜଙ୍ଗ ପୋଲିସ୍ ବାଲିତୁଠ ବଜାରର ଏକ ଭେରାଇଟ୍ ଷ୍ଟୋରରୁ ବିପୁଳ ପରିମାଣର ବିଦେଶୀ ଓ ଦେଶୀ ମଦ ଯବତ କରିଥିବା ଜଣାପଡିଛି। ଏହି ମାମଲାରେ ଭେରାଇଟ୍ ଷ୍ଟୋରର ମାଲିକ ତଥା ମଦ ବେପାରୀ ଅନିଲ ବେହେରାଙ୍କୁ ଗିରଫକରି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରଶ୍ମୀରଞ୍ଜନ ଦାସ ଗଣମାଧ୍ୟମକୁ ସୂଚନା ଦେଇଛନ୍ତି।

ସୂଚନାଯୋଗ୍ୟ, ଅନିଲ ଦୀର୍ଘଦିନ ଧରି ବାଲିତୁଠ ବଜାରରେ ଏକ ଭେରାଇଟ୍ ଷ୍ଟୋର କରି ସେଥିରେ ଚୋରା ମଦ ବେପାର କରିଆସୁଥିଲା। ସ୍ଥାନିୟ ଅଂଚଳବାସି ଅଭିଯୋଗ କଲେ ମଧ୍ୟ ପୋଲିସ୍ କର୍ଣ୍ଣପାତ କରୁନଥିଲା। ମାତ୍ର ନୂତନ ଥାନା ଅଧିକାରୀ ଶ୍ରୀଯୁକ୍ତ ଦାଶ ଯୋଗଦେବା ପରେ ବାଲିତୁଠ ପଂଚାୟତରେ ‘ଆମ ପୋଲିସ୍‌’ ସମିତି ବୈଠକ କରିଥିଲେ। ସେଠାରେ ସ୍ଥାନିୟ ଅଂଚଳର ମହିଳାମାନେ ଆମ ଅଂଚଳରେ ଦିନକୁ ଦିନ ଚୋରାମଦ କାରବାର ବୃଦ୍ଧି ହେଉଛି ବୋଲି ଥାନା ଅଧିକାରୀଙ୍କ ନିକଟରେ ଅଭିଯୋଗ କରିଥିଲେ। ଥାନା ଅଧିକାରୀ ଶ୍ରୀଯୁକ୍ତ ଦାଶ ମହିଳାଙ୍କ ଅଭିଯୋଗ କ୍ରମେ ପୋଲିସ୍‌ର ଏକ ଟିମ୍ ଗଠନ କରିଥିଲେ।

ଗତକାଲି ଏସ୍‌ଆଇ ବିବେକାନନ୍ଦ ସାହୁ, ବିଶ୍ୱଜିତ୍ ଗଡନାୟକ,ଏଏସଆଇ ମାନସ ସାସମଲ ବାଲିତୁଠ ବଜାରର ଅନିଲର ଦୋକାନରେ ଛଦ୍ମ ବେଶରେ ପହଁଚି ତାକୁ ଧରିବାରେ ସଫଳ ହୋଇଥିଲେ। ତାଠାରୁ ୩୬ ଲିଟର ୫୬୦ ମି.ଲି. ଦେଶୀ ଓ ବିଦେଶୀ ମଦ ଜବତ କରିବା ସହିତ ତାକୁ ଗିରଫ କରିଥିଲେ। ଏହି ଘଟଣାରେ କୁଜଙ୍ଗ ପୋଲିସ୍ ଅବକାରୀ କେସ୍ ୧୪୧/୨୩ରେ ମୋକଦ୍ଦମା ରୁଜ୍ଜୁ କରି କୋର୍ଟ ଚାଲାଣ କରାଯାଇଥିବା ଜଣାପଡିଛି।

ସେହିପରି କୁଜଙ୍ଗ ଥାନା ବଡଙ୍ଗ ଗ୍ରାମରେ ଜମିବାଡ଼ି ବିବାଦକୁ ନେଇ ଦୁଗୋଷ୍ଠିଙ୍କ ମଧ୍ୟରେ ବିବାଦ ହୋଇଥିଲା। ଏଥିରେ ଦୁଇଗୋଷ୍ଠି ପକ୍ଷରୁ ଥାନାରେ ଲିଖିତ ଅଭିଯୋଗ କରାଯାଇଥିଲା। ପୋଲିସ୍ ଦୁଇପକ୍ଷଙ୍କ ଏତଲା ଆଧାରରେ ଦୁଇଟି ମାମଲା ରୁଜ୍ଜୁ କରି ୭ ଜଣଙ୍କୁ ଗିରଫ କରିଥିବା ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବିପୁଳ ପରିମାଣର ଗଞ୍ଜେଇ ଜବତ୍, ବେପାରୀ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବୁଗୁଡ଼ା ଥାନା ଅନ୍ତର୍ଗତ କରସିଂ ଠାରେ ବୁଗୁଡ଼ା ପୋଲିସ ଓ ବ୍ରହ୍ମପୁର ଅବକାରୀ ବିଭାଗ ସ୍ବତନ୍ତ୍ର ଦଳର ମିଳିତ ଉଦ୍ୟମରେ ଚଢାଉ କରି ଦୁଇଟି କାର୍ ରେ ଚାଲାଣ ହେଉଥିବା ୧୭୨ କିଲୋ ଗଞ୍ଜେଇ ଜବତ କରିଛନ୍ତି। ଏହି ଚାଲାଣ ଅଭିଯୋଗରେ କୋଦଳାର ପବିତ୍ର ବିଷୋୟୀ, ଦୁଃଖୀଶ୍ୟାମ ବିଷୋୟୀ ଓ ବବ୍ରୁ ପ୍ରଧାନ ସମେତ ବାହାର ଜିଲ୍ଲାର ଜଣକୁ ଗିରଫ କରାଯାଇଛି।

ବୁଗୁଡ଼ା ପୋଲିସର ସହାୟତା ରେ ଅବକାରୀ ବିଭାଗ ଉପଅଧିକ୍ଷକ କୁବେର ସେଠୀ, ନୀରିକ୍ଷକ ହ୍ରୁଦୟ ସାମନ୍ତ, ସମେତ ଅନ୍ୟାନ୍ୟ କର୍ମଚାରୀମାନେ ସହଯୋଗ କରିଥିଲେ। ଅଭିଯୁକ୍ତ ମାନଙ୍କ ବିରୋଧରେ ବ୍ରହ୍ମପୁର ଅବକାରୀ କେଶ୍ ନଂ ୨୩୭/୨୩ ଓ ୨୩୮/୨୩ ଅନୁଯାୟୀ ମାମଲା ରୁଜୁ କରାଯାଇଛି।

Categories
ଆଞ୍ଚଳିକ

ବାଲୁଗାଁ: ବିଦେଶୀ ମଦ ଜବତ, ବେପାରୀ ଗିରଫ

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନାରେ ନୂତନ ଆଇଆଇସି ଭାବେ ଜୟପ୍ରକାଶ ପରିଡ଼ା ଯୋଗ ଦେବା ପରେ ବିଭିନ୍ନ ଅପରାଧିକ କାର୍ଯ୍ୟକଳାପକୁ ରୋକିବା ଦିଗରେ ପଦକ୍ଷେପ ଗ୍ରହଣ କରିଛନ୍ତି। ବିଶେଷକରି ମଦ ଚୋରା ଚାଲାଣ, ବେପରୁଆ ଗାଡ଼ି ଚାଳନା ରୋକିବା ଦିଗରେ ଗୁରୁତ୍ୱ ଦେଉଛନ୍ତି ଆଇଆଇସି ଶ୍ରୀ ପରିଡ଼ା।

ବିଗତ ଦୁଇ ଦିନ ହେବ ବାଲୁଗାଁ ଥାନା ଅଞ୍ଚଳରେ ମଦ ଚଢ଼ାଉ ଜାରି ରହିଥିବା ବେଳେ ବୁଧବାର ଦିନ ୧୮.୬୪୦ ଲିଟର ବିଦେଶୀ ମଦ ଜବତ ହୋଇଛି। ଏହି ପରିପ୍ରେକ୍ଷୀରେ ବ୍ରଜରାଜପୁର ଗ୍ରାମର ଅଭିଯୁକ୍ତ କେଦାର ବେହେରା (୫୫) ଗିରଫ ହୋଇଛନ୍ତି।

ସେହିପରି ଭାବେ ଦୁଇ ଦିନ ମଧ୍ୟରେ ତିନି ଗୋଟି ମଦ ଜନିତ ମାମଲା ରୁଜୁ ହୋଇଥିବା ବେଳେ ତିନି ଅଭିଯୁକ୍ତ ଗିରଫ ହୋଇଛନ୍ତି।

ଅନୁରୂପ ଭାବେ ଟ୍ରାଫିକ ନିୟମ ଉଲଂଘନକାରୀଙ୍କ ଠାରୁ ଏକ ଲକ୍ଷ ଟଙ୍କା ଜରିମାନା ଆଦାୟ ହୋଇଥିବା ବେଳେ ପାଞ୍ଚ ଗୋଟି ୱାରେଣ୍ଟ ଗିରଫ ହୋଇଥିବାର ଆଇଆଇସି ଶ୍ରୀ ପରିଡ଼ା ସୂଚନା ଦେଇଛନ୍ତି।

Categories
ଆଞ୍ଚଳିକ

କୁଜଙ୍ଗ: ମଦ ଯବତ, ବେପାରୀ ଗିରଫ

କୁଜଙ୍ଗ: କୁଜଙ୍ଗ ଥାନାରେ ନୂତନ ଭାବେ ଥାନାଧିକାରୀ ରଶ୍ମୀରଞ୍ଜନ ଦାସ ଯୋଗଦେବା ପରେ ଚୋରା ମଦ, ଗଞ୍ଜେଇ, ବ୍ରାଉନ୍ ସୁଗର ଭଳି ନିଶା ବେପାରୀଙ୍କ ମନରେ ଛନକା ପଶିଗଲାଣି। ଯୋଗ ଦେବାର ଗୋଟେ ଦିନ ପରେ ଥାନାର ବିଭିନ୍ନ ଅଂଚଳରେ ବ୍ୟାପକ ଭାବେ ପେଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରିଦେଇଛନ୍ତି।

ଏହି ପରିପ୍ରେକ୍ଷୀରେ ଗତକାଲି ବିଳମ୍ବିତ ରାତିରେ ଥାନାଧିକାରୀଙ୍କ ତତ୍ୱାବଧାନରେ କୁଜଙ୍ଗ ପୋଲିସ୍ ଏକ ଟିମ୍ ବିଭିନ୍ନ ଚୋରା ନିଶା ବେପାରୀଙ୍କ ଆଡ୍ଡାସ୍ଥଳୀରେ ଚଢାଉ କରିଥିଲେ। କୌଣସି ସୂତ୍ରରୁ ଖବର ପାଇ ଏହି ଥାନା ଗଣ୍ଡକୀପୁର ଗ୍ରାମରେ ପୋଲିସ୍ ସଦଳବଳେ ପହଁଚି ନିଶା ବେପାରୀ ଅରିକ୍ଷିତ ସାମଲକୁ ଚୋରା ମଦ ବିକ୍ରି କରୁଥିବା ଅବସ୍ଥାରେ ମାଡ଼ି ବସିଥିଲା। ତାଙ୍କ ନିକଟରୁ ୧୦ ଲିଟର ବିଦେଶୀ ମଦ ଯବତ କରାଯାଇଥିଲା।

ଆଜି ଏହି ଘଟଣାରେ ପୋଲିସ୍ ୩୫୨/୨୩ ରେ ମାମଲା ରୁଜ୍ଜୁ କରି ନିଶା ବେପାରୀ ଅରିକ୍ଷିତକୁ ଜେଏମ୍‌ଏଫ୍‌ସି କୋର୍ଟରେ ହାଜର କରିଥିଲା। ମାତ୍ର ସେଠାରେ ଜାମିନ୍ ନାମଞ୍ଜୁର ହେବାରୁ କୁଜଙ୍ଗ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଖୋର୍ଦ୍ଧା: ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ, ବେପାରୀ ଗିରଫ

ଖୋର୍ଦ୍ଧା: ଖୋର୍ଦ୍ଧା ସଦର ଥାନା ଅଞ୍ଚଳରୁ ଆଜି ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ କରିଛି ଜିଲ୍ଲା ଅବକାରୀ ବିଭାଗ। ସୂଚନା ମୁତାବକ ଆଜି ପୂର୍ବାହ୍ନରେ ଡିହପୁର ଗ୍ରାମରେ ବ୍ରାଉନ ସୁଗାର କାରବାର ଚାଲିଥିବା ଖବର ପାଇ ଖୋର୍ଦ୍ଧା ରେଞ୍ଜ ଅବକାରୀ ଇନ୍ସପେକ୍ଟର ଭୈରବ ସାହୁ ଟିମ ସହ ଚଢ଼ାଉ କରିଥିଲେ।

ଚଢ଼ାଉରେ ଉକ୍ତ ଗ୍ରାମର ନରୋତ୍ତମ ରଣସିଂହ (୪୨) ଗିରଫ ହେବା ସହ ତାଙ୍କ ନିକଟରୁ ୪୧ ଗ୍ରାମ ବ୍ରାଉନ ସୁଗାର ଜବତ କରିଛି। ଯାହାର ଆନୁମାନିକ ମୂଲ୍ୟ ୪ ଲକ୍ଷ ୧୦ହଜାର ଟଙ୍କା ହେବ।

ଏହି ପରିପ୍ରେକ୍ଷୀରେ ଗିରଫ ଅଭିଯୁକ୍ତଙ୍କ ବିରୁଦ୍ଧରେ ଏନଡ଼ିପିଏସ ଆଇନ ଅନୁଯାୟୀ ମାମଲା ରୁଜୁ କରାଯାଇ କୋର୍ଟଚାଲାଣ କରାଯାଇଛି। ଉକ୍ତ ଚଢ଼ାଉରେ ଜିଲ୍ଲା ମୋବାଇଲ ଅବକାରୀ ଏସଆଇଁ ବି. ମନୋଜ କୁମାର, ବେଗୁନିଆ ଅବକାରୀ ଅଧିକାରୀ ରାଜେନ୍ଦ୍ର ଖେସ, ଖୋର୍ଦ୍ଧା ଅବକାରୀ ଅଧିକାରୀ ରଞ୍ଜନ ଦାସ ଏବଂ ଅନ୍ୟ ଅବକାରୀ କର୍ମଚାରୀ ମାନେ ସାମିଲ ଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ନିରାକାରପୁରରୁ ବ୍ରାଉନ ସୁଗାର ଜବତ, ୩ ବେପାରୀ ଗିରଫ

ନିରାକାରପୁର: ଖୋର୍ଦ୍ଧା ଜିଲ୍ଲାର ବିଭିନ୍ନ ସ୍ଥାନରେ ବଢିଚାଲିଛି ବ୍ରାଉନସୁଗାର କାରବାର। ବ୍ରାଉନସୁଗାର କାରବାରକୁ ରୋକିବା ପାଇଁ ପୋଲିସ ବିଭିନ୍ନ ସମୟରେ ଭିନ୍ନ ଭିନ୍ନ ସ୍ଥାନରେ ଚଢ଼ାଉ ମଧ୍ୟ କରୁଛି। ଏହି ଚଢାଉରେ ଅନେକ ବେପାରୀଙ୍କୁ ଗିରଫ କରାଯାଉଥିଲେ ସୁଦ୍ଧା ସେମାନଙ୍କ ଉପରେ କିଛି ପ୍ରଭାବ ପଡୁନାହିଁ।

ବେପାରୀ ମାନେ ଏବେ ଖୋର୍ଦ୍ଧା ସହର ଛାଡି ଗାଁ ଗହଳିରେ ବେପାର ଆରମ୍ଭ କରିଦେଇଥିବା ଦେଖାଯାଉଛି। ସେହିଭଳି ଆଜି ନିରାକାରପୁର ଥାନା ଅନ୍ତର୍ଗତ ରାମେଶ୍ୱର ଛକ ପାନ୍ଥିକା ରାସ୍ତାରୁ ୩ଜଣ ବ୍ରାଉନସୁଗାର ବେପାରିକୁ ନିରାକାରପୁର ପୋଲିସ ଧରିଛି। ବେପାରୀ ମାନଙ୍କ ନିକଟରୁ ୧୭ ଗ୍ରାମ ବ୍ରାଉନ ସୁଗାର ୬୮ଗ୍ରାମ ତରଳ ସୁନା,୧୭୩୦ ଟଙ୍କା ଦୁଇଟି ମୋଟର ସାଇକେଲ ଜବତ।

ଗିରଫ ବେପାରୀ ମାନେ ହେଲେ ଜଂକିଆ ଥାନା ଅନ୍ତର୍ଗତ ମାନସ ବଳବନ୍ତରାୟ, ନୟାଗଡ଼ର ପୂର୍ଣ୍ଣଚନ୍ଦ୍ର ପ୍ରଧାନ ଓ ବେଗୁନିଆର ଆର୍ଯ୍ୟନ ନାୟକ। ଗିରଫ ବେପାରୀ ମାନଙ୍କ ନାମରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି।

Categories
ଆଜିର ଖବର

ଖୋର୍ଦ୍ଧାରୁ ବିପୁଳ ପରିମାଣରେ ବ୍ରାଉନ ସୁଗାର ଜବତ, ବେପାରୀ ଗିରଫ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ରାଜ୍ୟର ନୂତନ ବ୍ରାଉନ ସୁଗାର ହବ ପାଲଟିଥିବା ବେଳେ ପ୍ରତିଦିନ ପୋଲିସ, ଅବକାରୀ, ଏସଟିଏଫ ବିଭିନ୍ନ ଅଞ୍ଚଳରୁ ବ୍ରାଉନ ସୁଗାର ଜବତ କରୁଛି। ଆଜି ପୁଣି ଖୋର୍ଦ୍ଧାରୁ ବିପୁଳ ପରିମାଣରେ ବ୍ରାଉନ ସୁଗାର ଜବତ ହୋଇଛି।

ଖୋର୍ଦ୍ଧା ଜିଲ୍ଲାପାଳ ଏବଂ ଜିଲ୍ଲା ଅବକାରୀ ଅଧିକ୍ଷକଙ୍କ ନିର୍ଦ୍ଦେଶକ୍ରମେ ଆଜି ଟାଉନ ଥାନା ଅନ୍ତର୍ଗତ ବରୁଣେଇ ଅଞ୍ଚଳରେ ଅବକାରୀ ବିଭାଗ ଚଢ଼ାଉ କରି ଜଣେ ବ୍ରାଉନ ସୁଗାର ବେପାରୀଙ୍କୁ ଗିରଫ କରିବା ସହ ତାଙ୍କ ନିକଟରୁ ୪୨ ଗ୍ରାମ ବ୍ରାଉନ ସୁଗାର ଓ ଗୋଟାଏ ବାଇକ ଜବତ କରିଛି।

ଗିରଫ ଅଭିଯୁକ୍ତ ଜଣକ ହେଲେ ଜଟଣୀ ଥାନା ରଥିପୁର ଗ୍ରାମର ଶେଖ ମୁମତାଜ (୨୨)।  ଜବତ ବ୍ରାଉନ ସୁଗାର ମୂଲ୍ୟ ୪ ଲକ୍ଷ ୨୦ ହଜାର ଟଙ୍କା ହେବ ବୋଲି ଜଣାପଡିଛି। ଏହି ପରିପ୍ରେକ୍ଷୀରେ ଅବକାରୀ ଏନଡ଼ିପିଏସ ଧାରା ୨୧ (ଖ) ଅଧିନିୟମ ଅନୁଯାୟୀ ପିଆର ନମ୍ବର ୨୨/୨୦୨୨-୨୩ ରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟଚାଲାଣ କରିଛି।

ଉକ୍ତ ଚଢ଼ାଉରେ ଖୋର୍ଦ୍ଧା ରେଞ୍ଜ ଅବକାରୀ ଇନ୍ସପେକ୍ଟର, ଜିଲ୍ଲା ଭ୍ରାମ୍ୟମାଣ ଅବକାରୀ ଇନ୍ସପେକ୍ଟର, ବେଗୁନିଆ ଅବକାରୀ ଅଧିକାରୀ, ଖୋର୍ଦ୍ଧା ଅବକାରି ଅଧିକାରୀ ଏବଂ ଅନ୍ୟ କର୍ମଚାରୀମାନେ ସାମିଲ ଥିଲେ।

Categories
ଅପରାଧ ଆଜିର ଖବର

ଟାଙ୍ଗୀ: ଉଗ୍ରତାରା ଛକରୁ ୧୫ କେଜି ଗଞ୍ଜେଇ ଜବତ, ୨ ବେପାରୀ ଗିରଫ

ସୀତାରାମ ଅଗ୍ରୱାଲ

ଟାଙ୍ଗୀ: ଆଜି ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅଧିନସ୍ଥ ଉଗ୍ରତାରା ଛକରେ ଟାଙ୍ଗୀ ଅବକାରୀ ବିଭାଗ ଚଢ଼ାଉ କରି ୨ ଗଞ୍ଜେଇ ବେପାରୀଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଦ୍ବୟ ହେଲେ କନ୍ଧମାଳ ଜିଲ୍ଲା ଗୋଛପଡ଼ା ଥାନା ଅନ୍ତର୍ଗତ କାଲିମୁଣ୍ଡା ଗ୍ରାମର ବିବଚ୍ଛ ଦିଗଲ (୪୫) ଏବଂ ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ମଳିପଡ଼ା ଗ୍ରାମର ଚିତ୍ତରଞ୍ଜନ ଶ୍ରୀଚନ୍ଦନ (୫୦)।

ଉଭୟଙ୍କ ନିକଟରୁ ସମୁଦାୟ ୧୪.୬୦ କେଜି ଗଞ୍ଜେଇ ଜବତ କରିଛି ଅବକାରୀ ବିଭାଗ।  ତେବେ ଅଭିଯୁକ୍ତ ଦ୍ବୟଙ୍କ ବିରୋଧରେ ଏନଡ଼ିପିଏସ ଅଧିନିୟମ ଅନୁଯାୟୀ ମାମଲା ରୁଜୁ କରାଯାଇ କୋର୍ଟଚାଲାଣ କରାଯାଇଥିବାର ଟାଙ୍ଗୀ ଅବକାରୀ ଇନ୍ସପେକ୍ଟର ଆଲୋକ ପ୍ରଧାନ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

କଳାହାଣ୍ଡିରେ ବାଘଛାଲ ତସ୍କର ସକ୍ରୀୟ: ୯ ଛାଲ ଜବତ, ୪ ବେପାରୀ ଗିରଫ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲାରେ ବାଘଛାଲ ଦଲାଲ ସକ୍ରୀୟ ଥିବା ବେଳେ ଜଙ୍ଗଲ ବିଭାଗ ତରଫରୁ ଚଢାଉ କରାଯାଇ ୯ ଟି ବାଘଛାଲ ଜବତ କରାଯାଇଥିବା ଜଣାପଡିଛି।

ସୂଚନା ଅନୁସାରେ ଅନ୍ୟ ରାଜ୍ୟର ଜନୈକ ଗ୍ରାହକଙ୍କ ଠାରୁ କଳାହାଣ୍ଡି ଜିଲ୍ଲା ମରାମପୁର ଓ ନର୍ଲା ରେଂଜ ଅଂଚଳରେ ବାଘ ଛାଲ କାରବାର ହେଉଥିବା ସଂପର୍କରେ ବନ ବିଭାଗ ଖବର ପାଇବା ପରେ ସେହି ରାକେଟକୁ ଦରିବାକୁ ଯୋଜନା କରାଯାଇଥିଲା। ବନବିଭାଗ ଓ ଜବଲପୁର ୱାଇଲ୍ଡ ଲାଇଫ କ୍ରାଇମ ବ୍ୟୁରୋ ର ଜନୈକ ସଦସ୍ୟ ଗ୍ରାହକ ସାଜି ବାଘଛାଲ ବେପାରୀଙ୍କ ଠାରୁ କିଣିବା ବାହାନାରେ ବାଘଛାଲ ଜବତ କରିଥିବା ଜଣାପଡିଛି । ମଦନପୁର ରାମପୁର ଅଂଚଳରୁ ୩ଟି ବାଘଛାଲ ଜବତ କରାଯାଇଥିବା ବେଳେ ସବିଶେଷ ତଥ୍ୟ ସଂଗ୍ରହ କରି ଅଭିଯୁକ୍ତ ବେପାରୀ ମ.ରାମପୁରର ମନୋଜ ବେହେରା, ନର୍ଲାର ନରୋତମ ଭୋଇ, ବଫଲା ଗ୍ରାମର ରଙ୍ଗାଚରଣ ଭୋଇ, ଅମାଠର କାର୍ତିକ ରଣାଙ୍କୁ ଗିରଫ କରିଥିବା ପ୍ରକାଶ । ମନୋଜ ବେହେରାଙ୍କ ଠାରୁ ୩ଟି ଓ ରଙ୍ଗାଚରଣ ଭୋଇଙ୍କ ଠାରୁ ୪ଟି ଛାଲ ଜବତ କରାଯାଇଥିବା ବନବିଭାଗ ସୂତ୍ରରୁ ପ୍ରକାଶ।

ଏହି ଲିଙ୍କ ରୁ ମିଳିଥିବା ତଥ୍ୟ ଅନୁସାରେ କେଗାଁ ରେଂଜ ଅଂଚଳରୁ ବାଲାଣ ହେଉଥିବା ବେଳେ ଏନଏଚ-୨୬ ଜାରିଙ୍ଗ ରାସ୍ତ।।ରେ ୩ଜଣ ବେପାରୀଙ୍କ ଠାରୁ ୨ଟି ଛାଲ ଜବତ କରାଯାଇ ଅଭିଯୁକ୍ତ ଭୁଲିଆରବାଗ, କୋଦଣ୍ଡ ଗୌଡ ଓ ଉଆଁସୁ ଜାନୀ ଙ୍କୁ ଗିରଫ କରାଯାଇଥରବା ପ୍ରକାଶ।

ଜବତ ବାଘଛାଲ ଗୁଡିକୁ ପରୀକ୍ଷା କରାଯିବା ପାଇଁ ଡେରାଡୁନସ୍ଥିତ ୱାଇଲ୍ଡ ଲାଇଫ ଇନଷ୍ଟିଚ୍ୟୁଟ ଅଫ ଇଣ୍ଡିଆର ଫୋରେନସିକ ଲାବୋରେଟୋରୀକୁ ପଠାଯାଇଥିବା ବନବିଭାଗ ସୂତ୍ରରୁ ପ୍ରକାଶ। ଜବତ ବାଘଛାଲ ମଧ୍ୟରୁ ୮ଟି କଲରାପତରିଆ ବାଘଛାଲ ଓ ଗୋଟିଏ ମହାବଳବାଘର ବୋଲି କୁହଯାଉଛି। ଏହି ଚଢଉରେ ୱାଇଲ୍ଡ ଲାଇଫ କ୍ରାଇମ କଂଟ୍ରୋଲ ବ୍ୟୁରୋର ସୂଚନା ଅନୁସାରେ କଳାହାଣ୍ଡି ଉତର ଓ ଦକ୍ଷିଣ ବନଖଣ୍ଡର ପଦାଧିକାରୀଙ୍କ ସମେତ ଛତିଶଗଡ ବନ ବିଭାଗ ପଦାଧିକାରୀ ମାନେ ମିଶି ଚଢଉ କରିଥିବା ଜଣାପଡିଛି। ଗତ କିଛି ମାସ ତଳେ ଛତିଶଗଡ ଗରିଆବନ୍ଦ ପୋଲିସ ଦ୍ୱାରା କଳାହାଣ୍ଡିର ୪ଜଣ ବାଘଛାଲ ବେପାରୀ ଗିରଫ ହୋଇଥିବା ଜଣାପଡିଥିଲା ।

Categories
ଆଜିର ଖବର ଆଞ୍ଚଳିକ

ଦେଶୀ ମଦ ବିକ୍ରି ବେଳେ ବାଣପୁର ପୋଲିସର ଚଢାଉ: ଜଣେ ଗିରଫ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଝିଂଟିକାପଲ୍ଲୀ ଗ୍ରାମରେ ଦେଶୀ ମଦ ବିକ୍ରି କରୁଥୁବା ସମୟରେ ଜଣେ ଚୋରା ମଦ ବେପାରୀକୁ ଆଜି ଗିରଫ କରିଛି ବାଣପୁର ପୋଲିସ।

କୌଣସି ବିଶେଷ ସୂତ୍ରରୁ ଖବର ପାଇ ବାଣପୁର ଥାନା ଆଇଆଇସି ସଞ୍ଜୟ କୁମାର ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ଏସ.ଆଇ ପ୍ରସନ୍ନ ଜେନା ସଦଳବଳେ ଆଜି ଅପରାହ୍ନରେ ଝିଂଟିକାପଲି ଗ୍ରାମରେ ଚଢାଉ କରିଥିଲେ। ଉକ୍ତ ସମୟରେ ନବୀନ ଶବର(୩୩) ନାମକ ମଦ ବେପାରୀ ଚୋରାରେ ଦେଶୀ ମଦ ବିକୁଥୁବା ବେଳେ ପୋଲିସ ହାତରେ ଧରା ପଡ଼ିଥିଲେ। ସେ ଗଞ୍ଜାମ ଜିଲ୍ଲା ଅନ୍ତର୍ଗତ ଖାସିଖୋଲ ଗ୍ରାମର ବାସିନ୍ଦା। ତାଙ୍କ ନିକଟରୁ ପୋଲିସ ୮୩.୫ ଲିଟର ଦେଶୀ ମଦ ଜବତ କରିବା ସହ ତାଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଛି। ବାଣପୁର ପୋଲିସ ତାଙ୍କ ବିରୋଧରେ କେସ ନମ୍ବର ୮୧ ରେ ମାମଲା ରୁଜୁକରି ତଦନ୍ତ ଜାରି ରଖିଛି।

ତେବେ ପଡୋଶୀ ଗଞ୍ଜାମ ଜିଲ୍ଲାର ଅସାମାଜିକ ବ୍ୟକ୍ତିମାନେ ବାଣପୁର ବାଲୁଗାଁ ଅଞ୍ଚଳକୁ ଆସି ବେଆଇନ ଦେଶୀ ମଦ ବିକ୍ରି ସାମ୍ରାଜ୍ୟ ବିସ୍ତାର କରୁଥିବାରୁ ଅବକାରୀ ଏବଂ ପୋଲିସ ବିଭାଗ ପାଇଁ ଚିନ୍ତାର ବିଷୟ ପାଲଟିଛି।