କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ବ୍ରହ୍ମପୁର ପୋଲିସ ଜିଲ୍ଲା କାର୍ଯ୍ୟାଳୟ ଠାରେ ଏସ୍ ପି ଡଃ ଶ୍ରବଣ ବିବେକ ଏମ୍ ଙ୍କ ଅଧ୍ୟକ୍ଷତାରେ ଅପରାଧୀ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ବିଶେଷ କରି ବ୍ରହ୍ମପୁର ପୋଲିସ ଜିଲ୍ଲାରେ ତାଲା ବନ୍ଦ ଘରୁ ଚୋରି, ମୋଟରସାଇକେଲରେ ପିଛା କରି ମହିଳା ମାନଙ୍କର ବେକରୁ ସୁନା ଅଳଙ୍କାର ଲୁଟ, ଗୋଷ୍ଠୀ ସଂଘର୍ଷ, ବହୁ ପୁରୁଣା ଅପରାଧୀ ମାନଙ୍କର ତାଲିକା ପ୍ରସ୍ତୁତି ସହ ନୂତନ ଭାବେ ଅପରାଧ ଜଗତରେ ପ୍ରବେଶ କରିଥିବା କିଛି ନୁଆ ଓ ବାଳ ଅପରାଧୀଙ୍କ ଉପରେ ସ୍ବତନ୍ତ୍ର ଧ୍ୟାନ ରଖିବା ସମେତ ସ୍ଥଗିତ ଥିବା ପୁରୁଣା ମକଦ୍ଦମା ଫାଇଲ୍ ଗୁଡ଼ିକର ଶୀଘ୍ର ସମ୍ପାଦନ ନିମନ୍ତେ ଏସ୍ ପି ମହାଶୟ ଉପସ୍ଥିତ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ।
ଆଜିର ଏହି ବୈଠକରେ ଅତିରିକ୍ତ ଏସପି ଅସିମ୍ ପଣ୍ଡା, ରମେଶ ସେଠୀ ବ୍ରହ୍ମପୁର ଏସ୍ ଡି ପି ଓ ରାଜୀବ ଲୋଚନ ପଣ୍ଡା, ସଦର ଏସ୍ ଡି ପି ଓ ଶିବଶଙ୍କର ମହାପାତ୍ର ଙ୍କ ସମେତ ଜିଲ୍ଲାର ସମସ୍ତ ଥାନା ଅଧିକାରୀ ମାନେ ଯୋଗ ଦେଇଥିଲେ।
