ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ତୋରସିଂହ ଗ୍ରାମରେ ଭାଇବୋହୁଙ୍କୁ ଦେଢଶୁର କଟୁରୀରେ ଆକ୍ରମଣ କରିଥିବା ଅଭିଯୋଗ ହୋଇଛି। ଯାହା ଫଳରେ ଭାଇବୋହୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।
ବାଣପୁର ଥାନାରେ ଅଭିଯୋଗ ମୁତାବକ ବୁଧବାର ସକାଳେ ଉକ୍ତ ଗ୍ରାମର ଶ୍ରୀମତୀ ସାମନ୍ତରାୟ ଓ ତାଙ୍କ ବଡ ଯାଆଙ୍କ ମଧ୍ୟରେ ପାରିବାରିକ ଗଣ୍ଡଗୋଳ ଲାଗିଥିଲା। ସେତେବେଳେ ଦେଢ଼ଶୁର ପ୍ରମୋଦ ସାମନ୍ତରାୟ ହଠାତ ଉତକ୍ଷିପ୍ତ ହୋଇ ଏକ କଟୁରୀରେ ଶ୍ରୀମତୀ ସାମନ୍ତରାୟଙ୍କୁ ଆକ୍ରମଣ କରିଥିଲେ। ଯାହାଫଳରେ ଶ୍ରୀମତୀଙ୍କର ମୁଣ୍ଡରୁ ରକ୍ତସ୍ରାବ ହେବାରୁ ତାଙ୍କୁ ବାଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ପ୍ରାଥମିକ ଚିକିତ୍ସା ପରେ ଡାକ୍ତର ତାଙ୍କୁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତରିତ କରିଥିଲେ।
ଉକ୍ତ ଘଟଣାକୁ ନେଇ ଥାନାରେ ଶ୍ରୀମତୀ ଲିଖିତ ଏତଲା ଦେଲା ପରେ ପୋଲିସ ମାମଲା ରୁଜୁକରି ତଦନ୍ତ ଚାଲୁ ରଖିଛି।