କୁଜଙ୍ଗ: ଯାତ୍ରା ଜଗତରେ ହଜାର ହଜାର ଦର୍ଶକ ଓ ସାଧାରଣ ଲୋକଙ୍କୁ ହସାଇ ବେଦମ କରୁଥିବା କମେଡି କିଙ୍ଗ୍ ରବି ଶତପଥି ଶୁକ୍ରବାର ସଂନ୍ଧ୍ୟା ୭ଟା ୪୦ରେ ୬୫ ବର୍ଷ ବୟସରେ ନିଜ ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ଅଗପାଳ ପଞ୍ଚାୟତ ଅଗପାଳ ସ୍ଥିତ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଅଗପାଳ ଗ୍ରାମରେ ଜନ୍ମିତ ଓ ଓଡିଶାରେ ପୁରପଲ୍ଲୀରେ ପରିଚିତ ଏହି ବର୍ଷିୟାନ କଳାକାର ବିଗତ ଛଅ ମାସ ଧରି ଲିଭର ରୋଗରେ ପୀଡୀତ ହୋଇ ଜୀବନ ଯୁଦ୍ଧରେ ସଂଗ୍ରାମ କରି ହାରିଯାଇଛନ୍ତି।
ରବି ଶତପଥିଙ୍କ ପରଲୋକରେ କେବଳ ନିଜ ଜନ୍ମ ମାଟି ଅଗପାଳ ନୁହେଁ ସମଗ୍ର କଳା ଜଗତରେ ଶୋକର ଛାୟା ଖେଳିଯାଇଛି। ମୁଁହଁରେ ପାଉଡର ଲଗାଇ ସାରା ରାଜ୍ୟବାସୀଙ୍କୁ ହସେଇ ହସେଇ ବେଦମ କରୁଥିବା ଏହି ପ୍ରତିଭାବାନ କଳାକାର ଆଉ ମଞ୍ଚକୁ ଚଢିବା ଦେଖିବାକୁ ମଳିବନି। ସାରା ରାଜ୍ୟରେ ଜନତା ଗଣାନାଟ୍ୟରେ ଶାଗୁଣା ବସିଛି ଡେଣାମେଲାଇ ନାଟକରେ ପଦୁ ମହାନ୍ତି ଚରିତ୍ରରେ ଅଭିନୟ କରିଥିବା ଏହି ପ୍ରଥିତଯଶା କଳାକାରଙ୍କ ସଂଳାପ କିଏ ମନେ ନରଖିଛି।
ଏହି ନାଟକ ନବେଦଶକରେ ଏକ ଲକ୍ଷ କ୍ୟାସେଟ୍ ବିକ୍ରି ହୋଈ ରେକର୍ଡ କରିଥିବା ବେଳେ ସହକାଳାକାର ମହେନ୍ଦ୍ର ଦାସ ଭିକୁ ସେଟ୍ଙ୍କ ସହ ତାଙ୍କ ଆକର୍ଷଣୀୟ ଅଭିନୟ ଆଜି ରାଜ୍ୟବାସୀ ଭୂଲିପାରୁନାହଁନ୍ତି। ବିଗତ ପାଞ୍ଚ ଦଶନ୍ଧି ଧରି ହାସ୍ୟ ଓ ଚରତ୍ର ଅଭିନୟରେ ରାଜ୍ୟ ବାସୀଙ୍କୁ ହାସାଉଥିବା କଳାକାର ଯେ ଘରେ ଗୁରୁ ଗମ୍ଭୀର ଓ କମ୍ କଥା ହୁଅନ୍ତି ଏକଥା ହୁଏତ ବହୁତ କମ୍ ଲୋକେ ଜାଣିଥିବେ ବୋଲି ତାଙ୍କ ପତ୍ନୀ ବିଦୁଲତା ଶତପଥି କୁହନ୍ତି।
ବିଗତ ୬ ମାସ ହେଲା ପ୍ରଥମେ ପେଟରେ ଯନ୍ତ୍ରଣା ହେବାରୁ ଏଏମ୍ସ ମେଡିକାଲରେ ଦେଖାଇବାରୁ ପାକସ୍ତଳି କର୍କଟ ଆକ୍ରାନ୍ତ ହୋଇଥିବା ଘରେ ରହି ଚିକିତ୍ସତ ହେଉଥିଲେ। ଗତ ଦୁର୍ଗାପୂଜା ପୂବରୁ ଏହି କଳାକାରଙ୍କୁ ଯାତ୍ରାଜଗତର ପ୍ରସିଦ୍ଧ ଖଳନାୟକ ଦୈତାରୀ ପଣ୍ଡା, ରତି, ମିଟୁନା, ଜିତେନ୍ଦ୍ର ଦାସଙ୍କ ସହ ବହୁ ନିର୍ଦ୍ଦେଶକ ଓ ଲେଖକ ତାଙ୍କୁ ଦେଖା କରିବାକୁ ଆସିଥିଲେ ଓ ଭଲ ହୋଇ ପୁଣଇ ଯାତ୍ରାକୁ ଫେରିବାକୁ ଉତ୍ସାହ ଦେଇଥିଲେ।
ଅଭିନୟ କଥା କହିଲେ ଠାକୁରାଣୀ ଅପେରାରୁ ଅଶିଦଶକରେ ନିଜର ଅଭିନୟ ଆରମ୍ଭ କରିଥିବା ଏହି କଳାକାର ଏବେ ୬୫ ବର୍ଷରେ ଶେଷ ନିଶ୍ୱସ ତ୍ୟାଗ କରିଛନ୍ତି। ଏହି ସମର୍ପିତ କଳାକାର ଠାକୁରାଣୀ, ତୁଳସୀ, ପାର୍ବତୀ, ଗୌରୀ, ସ୍ୱର୍ଣମହଲ, ମାୟାନଗରୀ ପ୍ରଭୃତି ସାରା ରାଜ୍ୟରେ ୧୫ରୁ ଉର୍ଦ୍ଧ୍ୱ ଯାତ୍ରା ପାର୍ଟିରେ ଅଭିନୟ କରି ଶହ ଶହ ରାତ୍ରି ଅନିଦ୍ରା ହୋଈ ସାରା ରାଜ୍ୟ ବାସୀଙ୍କୁ ହସ ବାଣ୍ଟିଛନ୍ତି।
ଅଶ୍ଲିଳତା କମ ଥିବା ତାଙ୍କର ନିଖୁଣ ଅଭିନୟ କେବେ ବାଜିବ ତୋ ସାହାନେଇ ଯିଏ ଦେଖିବା ସେ ନିଶ୍ଚୟ ବୁଝିବ ଜଣେ ହସ୍ୟ ଅଭିନେତା ଯାତ୍ରା ପାଇଁ କେତେ ଜରୁରୀ। ଅଶ୍ଳୂିଳତା ବିନା ଲୋକଙ୍କୁ ଆମୋଦିତ ବା ହସେଇ ହେବ ତାହା ତାଙ୍କୁ ବେଶ ଭଲଭାବେ ଜଣା ଥିଲା। ମୃତ୍ୟୁ ଶଯ୍ୟା ନିକଟରେ ପତ୍ନୀ ବିଦୁଲତା, ୩ପୁଅ ଓ ଜଣେ ଝିଅ ଉପସ୍ଥିତ ଥିଲେ।
ଗ୍ରାମ ସ୍ମଶାନରେ ଶୋକାକୂଳ ପରିବେଶରେ ଶେଷକୃତ କରାଯାଇଥିବା ବେଳେ ଜ୍ୟେଷ୍ଠ ପୁଅ ସୂଯ୍ୟାଂଶୁ ଶତପଥି ମୁଖାଗ୍ନୀ ଦେଇଥିଲେ।
ତାଙ୍କ ପରଲୋକରେ କୁଜଙ୍ଗ ବ୍ଲକ ଅଧ୍ୟକ୍ଷା ନୀନାରାଣୀ ସାହୁ, ସ୍ଥାନୀୟ ସରପଞ୍ଚ ବିପିନ ବିଶ୍ୱାଳ, ବିଜେଡି ନେତା ଅରୁଣ କୁମାର ବେହେରା, ସୁକାନ୍ତ ମୁଦୁଲି, ଦିଲୀପ ମହାପାତ. ନୀରଞ୍ଜନ ପ୍ରଧାନ, ଇଂ ଲଳିତ ବସ୍ତିଆ ଓ ନକୂଳ ବେହେରା ପ୍ରମୁଖ ଶହ ଶହ ଗ୍ରାମବାସୀ ଓ କଳାକାର ମାନେ ଶେଷଦର୍ଶନ କରିବା ସହ ଶୋକ ବ୍ୟକ୍ତ କରିଛନ୍ତି।