ଭୁବନେଶ୍ବର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ଜରୁରୀ କ୍ୟାବିନେଟ ବୈଠକ ଡାକିଛନ୍ତି। ଲୋକସେବା ଭବନରେ ଏହି ବୈଠକ ଦିନ 11 ଟା ବେଳେ ବସିବ। ଆଜି ଅପରାହ୍ନରେ ନିର୍ବାଚନ ତାରିଖ ଘୋଷଣା ହେବ। ଏହାପରେ ସାରା ଦେଶରେ ଲାଗୁ ହେବ ନିର୍ବାଚନ ଆଚରଣ ବିଧି। ଏହା ପୂର୍ବରୁ ନବୀନ ଏହି ବୈଠକ ଡାକିଛନ୍ତି।
ନବୀନଙ୍କ ଏହି ଶାସନ ସମୟରେ ଆଜି ହେବ ଶେଷ କ୍ୟାବିନେଟ ବୈଠକ। ଏହାପରେ ନିର୍ବାଚନ। ସେଥିପାଇଁ ସମସ୍ତେ ଆଶା କରିଛନ୍ତି ଯେ, ଆଜି ନବୀନ ନିଶ୍ଚିତ ଭାବେ ଏକ ବଡ ଘୋଷଣା କରିବେ। ତେବେ ତାହା କଣ ଏ ପର୍ଯ୍ୟନ୍ତ କୌଣସି ସୂରାକ ମିଳିପାରି ନାହିଁ। ସୁତ୍ର ଅନୁସାରେ ଆଜି ବିଭିନ୍ନ ବିଭାଗର ମୋଟ 20ଟି ପ୍ରସଂଗ ଆଲୋଚନା ପାଇଁ ରହିଛି।