The Samikhsya Odia
ଭୁବନେଶ୍ବର: ରାଜ୍ୟ ସରକାର ସାଧାରଣ ଲୋକଙ୍କୁ ସୁବିଧାରେ ସ୍ବାସ୍ଥ୍ୟ ସେବା ଯୋଗାଇ ଦେବା ପାଇଁ ଆରମ୍ଭ କରିଛନ୍ତି ବଡ ପଦକ୍ଷେପ। ଏକାଥରେ ୨୦୦୦ ପଦବୀ ସୃଷ୍ଟି କରିବା ପାଇଁ ନିଷ୍ପତି ନିଆଯାଇଛି। ସେହି ଅନୁସାରେ ସ୍ବାସ୍ଥ୍ୟ ବିଭାଗ ତରଫରୁ ଏହି ବିଜ୍ଞପ୍ତି ପ୍ରକାଶ ପାଇଛି। ଏଥିରେ LTRMO ପଦବୀ ପାଇଁ ନିଯୁକ୍ତି ଦିଆଯିବ।
ଏହି ବିଜ୍ଞପ୍ତିରେ ୩୦ ଟି ଜିଲ୍ଲାରେ ୧୫୦୦ ପଦବୀ ସୃଷ୍ଟି କରାଯାଇଛି। ସେହିପରି କେବଳ ରାଉରକେଲା ଆରଜିଏଚ ପାଇଁ ୨୦ଟି ପଦବୀ ସୃଷ୍ଟି କରାଯାଇଛି। ଆଉ ୪୮୦ଟି ସବଡିଭିଜିନାଲ ହସପିଟାଲରେ ଏହି ପଦବୀ ସୃଷ୍ଟି କରାଯାଇଛି। ଖୁବ ଶିଘ୍ର ଏ ନେଇ ନିଯୁକ୍ତି ବିଜ୍ଞାପନ ପ୍ରକାଶ ପାଇବ ବୋଲି ଜଣାପଡିଛି।
ଭୁବନେଶ୍ବର, ରାଜ୍ୟରେ ଆଜି ଆଉ 388 ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଆଜିର ଏହି ସଂଖ୍ୟାକୁ ମିଶାଇ ଏଯାବତ କରୋନାରୁ 8 ହଜାର 360 ଜଣ ସୁସ୍ଥ ହୋଇଛନ୍ତି। ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଏହି ସୂଚନା ଦେଇଛି। ଗଂଜାମ ଜିଲ୍ଲାରୁ ସର୍ବାଧିକ 187 ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି। ଖୋର୍ଦ୍ଧାରୁ 37, କେନ୍ଦୁଝରରୁ 31, ଯାଜପୁରରୁ 27, କଟକରୁ 26, ନୟାଗଡ଼ରୁ 18, ପୁରୀରୁ 16, ସମ୍ବଲପୁରରୁ 14, ବାଲେଶ୍ବରରୁ 11, ଅନୁଗୁଳରୁ 8 ସୁସ୍ଥ ହୋଇଛନ୍ତି। କେନ୍ଦ୍ରାପଡ଼ାରୁ 6,ଗଜପତି ଓ ଝାରସୁଗୁଡାରୁ 2 ଲେଖାଏଁ ସୁସ୍ଥ ହୋଇଛନ୍ତି। ବରଗଡ଼, ଭଦ୍ରକ ଓ ଦେବଗଡ଼ରୁ ଜଣେ ଲେଖାଏଁ ଆରୋଗ୍ୟ ଲାଭ କରିଛନ୍ତି।
ଭୁବନେଶ୍ବର : ଆଜି ରାଜ୍ୟରେ ସର୍ବାଧିକ 102 ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏବେ ରାଜ୍ୟରେ ସର୍ବମୋଟ କରୋନା ସଂକ୍ରମିତଙ୍କ ସଂଖ୍ୟା 978ରେ ପହଞ୍ଚିଛି । ତେବେ ଆସନ୍ତୁ ଜାଣିବା କେଉଁ ଜିଲ୍ଲାରେ କିପରି ରହିଛି ସ୍ଥିତି :
ରାଜ୍ୟରେ ସର୍ବାଧିକ କରେନା ଆକ୍ରାନ୍ତ ଗଞ୍ଜାମରୁ ଚିହ୍ନଟ ହୋଇଥିବାବେଳେ ଗତ 24 ଘଣ୍ଟା ମଧ୍ୟରେ ଗଞ୍ଜାମରୁ କେହି ଚିହ୍ନଟ ହୋଇ ନାହାନ୍ତି । ଜିଲ୍ଲାରେ ସର୍ବମୋଟ ଆକ୍ରାନ୍ତଙ୍କ ସଂଖ୍ୟା 307ରେ ପହଞ୍ଚିଥିବାବେଳେ 89 ଜଣ ସୁସ୍ଥ ହୋଇଛନ୍ତି ଓ ଦୁଇ ଜଣ ମୃତ୍ୟୁବରଣ କରିଛନ୍ତି । ଏବେ 216 ଜଣ ଚିକିତ୍ସାଧୀନ ରହିଛନ୍ତି ।
ଯାଜପୁରରେ ଆକ୍ରାନ୍ତଙ୍କ ସଂଖ୍ୟା ସର୍ବମୋଟ 168 ରହିଥିବାବେଳେ 55ଜଣ ସୁସ୍ଥ ହୋଇଛନ୍ତି ଓ 113 ଜଣ ଏବେ ଆକ୍ଟିଭ୍ ରହିଛନ୍ତି । ଜଗତସିଂହପୁରରୁ ଗତକାଲି ଅପରାହ୍ନରେ 20 ଚିହ୍ନଟ ହୋଇଥିବାବେଳେ ଆଜି ତିନି ଜଣ ଚିହ୍ନଟ ହୋଇଛନ୍ତି । ଏବେ ଜିଲ୍ଲାରେ ସର୍ବମୋଟ 28 ଥିବାବେଳେ 5 ଜଣ ସୁସ୍ଥ ହୋଇଛନ୍ତି । ଏବେ ଜିଲ୍ଲାରେ 23ଟି ଆକ୍ଟିଭ୍ କେସ୍ ରହିଛି । ଭଦ୍ରକରେ ସର୍ବମୋଟ୍ ଆକ୍ରାନ୍ତଙ୍କ ସଂଖ୍ୟା 95ରେ ପହଞ୍ଚିଥିବାବେଳେ 21 ଜଣ ସୁସ୍ଥ ହୋଇଛନ୍ତି ଓ 74 ଜଣ ଚିକିତ୍ସାଧୀନ ରହିଛନ୍ତି ।
ବାଲେଶ୍ବରରେ ସର୍ବମୋଟ କରୋନା ଆକ୍ରାନ୍ତ 121 ଜଣ ଚିହ୍ନଟ ହୋଇଥିବାବେଳେ 25 ଜଣ ସୁସ୍ଥ ହୋଇଛନ୍ତି ଓ 96 ଜଣ ଚିକିତ୍ସାଧୀନ ରହିଛନ୍ତି । କେନ୍ଦ୍ରାପଡାରୁ ଆଜି 8 ଜଣ ଚିହ୍ନଟ ହେବା ପରେ ମୋଟ୍ ଆକ୍ରାନ୍ତଙ୍କ ସଂଖ୍ୟା 38ରେ ପହଞ୍ଚିଛି । ଏବେ ଜିଲ୍ଲାରେ 35 ଜଣ ଆକ୍ଟିଭ୍ ରହିଛନ୍ତି ।
କଟକରୁ ମୋଟ୍ 27 ଜଣ ଆକ୍ରାନ୍ତ ରହିଥିବାବେଳେ ଦୁଇଜଣ ସୁସ୍ଥ ହୋଇଛନ୍ତି ଓ ଜଣକର ମୃତ୍ୟୁ ହୋଇଛି । ରାଜ୍ୟରେ ଏବେ ସକ୍ରିୟ ରହିଛନ୍ତି 24 ଜଣ ।
ପୁରୀରୁ ସମୁଦାୟ 33 ଜଣ ଚିହ୍ନଟ ହୋଇଥିବାବେଳେ ଜଣେ ମାତ୍ର ସୁସ୍ଥ ହୋଇଛନ୍ତି । 32 ଜଣ ଚିକିତ୍ସାଧୀନ ରହିଛନ୍ତି ।
ଖୋର୍ଦ୍ଧା ଜିଲ୍ଲାରୁ ଆଜି 4 ଜଣ ଚିହ୍ନଟ ହେବା ପରେ ସର୍ବମୋଟ ଆକ୍ରାନ୍ତଙ୍କ ସଂଖ୍ୟା 64ରେ ପହଞ୍ଚିଛି । ଜିଲ୍ଲାରୁ 48 ଜଣ ସୁସ୍ଥ ହୋଇଥିବାବେଳେ ଦୁଇଜଣଙ୍କର ମୃତ୍ୟୁ ହୋଇଛି । ଏବେ ସର୍ବମୋଟ 14 ଜଣ ଚିକିତ୍ସାଧୀନ ରହିଛନ୍ତି ।
ସେହିପରି ଅନୁଗୁଳରେ ସର୍ବମୋଟ ଆକ୍ରାନ୍ତଙ୍କ ସଂଖ୍ୟା 17କୁ ବୃଦ୍ଧି ପାଇଥିବାବେଳେ କେହି ସୁସ୍ଥ ହୋଇନାହାନ୍ତି। ସମ୍ବଲପୁରର ମୋଟ ଆକ୍ରାନ୍ତଙ୍କ ସଂଖ୍ୟା 3 ରହିଥିବାବେଳେ କେହି ସୁସ୍ଥ ହୋଇନାହାନ୍ତି। ସେହିପରି ନୟାଗଡରେ ସଂକ୍ରମିତଙ୍କ ସଂଖ୍ୟା 10କୁ ବୃଦ୍ଧି ପାଇଥିବାବେଳେ କେହି ସୁସ୍ଥ ହୋଇ ନାହାନ୍ତି ।
ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଦ୍ବାରା ଜାରି ହୋଇଥିବା କରୋନା ଅପଡେଟ୍ ସୂଚୀ:
| District | Positive | Recovered | Active | Deceased |
|---|---|---|---|---|
| Ganjam | 307 | 89 | 216 | 2 |
| Jajpur | 168 | 55 | 113 | 0 |
| Balasore | 121 | 25 | 96 | 0 |
| Bhadrak | 95 | 21 | 74 | 0 |
| Khurdha | 64 | 48 | 14 | 2 |
| Kendrapara | 38 | 3 | 35 | 0 |
| Puri | 33 | 1 | 32 | 0 |
| Jagatsinghpur | 28 | 5 | 23 | 0 |
| Cuttack | 27 | 2 | 24 | 1 |
| Sundergarh | 27 | 13 | 14 | 0 |
| Angul | 17 | 0 | 17 | 0 |
| Mayurbhanj | 11 | 4 | 7 | 0 |
| Nayagarh | 10 | 0 | 10 | 0 |
| Keonjhar | 8 | 2 | 6 | 0 |
| Balangir | 6 | 2 | 4 | 0 |
| Boudh | 5 | 0 | 5 | 0 |
| Sambalpur | 3 | 0 | 3 | 0 |
| Deogarh | 2 | 1 | 1 | 0 |
| Jharsuguda | 2 | 2 | 0 | 0 |
| Kalahandi | 2 | 2 | 0 | 0 |
| Kandhamal | 2 | 0 | 2 | 0 |
| Dhenkanal | 1 | 1 | 0 | 0 |
| Koraput | 1 | 1 | 0 | 0 |
| Total | 978 | 277 | 696 | 5 |