Categories
ଆଜିର ଖବର ରାଜ୍ୟ ଖବର

ମୂଖ୍ୟମନ୍ତ୍ରୀଙ୍କ ଦ୍ୱାରା କଳାହାଣ୍ଡିର ୨୯ ଟି ସ୍ମାର୍ଟ ସ୍କୁଲ ଉଦଘାଟିତ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ସରକାରୀ ସ୍କୁଲ ଗୁଡିକୁ ଆଧୁନିକ ଶୈଳୀରେ ରୂପରେଖ ଦେବା ସହିତ ଶିକ୍ଷାର ଉପଯୁକ୍ତ ବାତାବରଣ ସୃଷ୍ଟି କରିବା ପାଇଁ ସ୍ମାର୍ଟ ସ୍କୁଲ ଯୋଜନା ପ୍ରଣୟନ କରାଯାଇଥିବା ବେଳେ ପ୍ରଥମ ପର୍ଯ୍ୟାୟରେ କଳାହାଣ୍ଡି ଜିଲ୍ଲାର ୨୯ ଟି ସ୍ମାର୍ଟ ସ୍କୁଲ ମୂଖ୍ୟମନ୍ତ୍ରୀଙ୍କ ଦ୍ୱାରା ଉଦଘାଟିତ ହୋଇଯାଇଛି। ଶିକ୍ଷା ମାଧ୍ୟମରେ ଓଡିଶାର ପ୍ରଗତି ହେଉଛି ଓଡିଶାର ମୂଳ ମନ୍ତ୍ରୀ ବୋଲି ଭବାନୀପାଟଣାସ୍ଥିତ ମାଣିକେଶ୍ୱରୀ ହାଇସ୍କୁଲ ପରିସରରେ ଏହି ଅବସରରେ ଅନୁଷ୍ଠିତ ଉଦଘାଟନୀ ସମାରୋହରେ ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର ପ୍ରକାଶ କରିଛନ୍ତି। ମୂଖ୍ୟମନ୍ତ୍ରୀଙ୍କ ଦୂରଦୃଷ୍ଟି ଯୋଗୁଁ ଏବଂ କଳାହାଣ୍ଡି ପ୍ରତି ସ୍ୱତନ୍ତ୍ର ପଦକ୍ଷେପ ନିଆଯାଉଥିବା ହେତୁ କଳାହାଣ୍ଡି ଆଜି ଭୋକର ଭୂଗୋଳରୁ ସବୁଜ ସଫଳ ଆଲୋକିତ ଉଜ୍ୱଳ ହୋଇପାରିଛି ବୋଲି ମନ୍ତ୍ରୀ ନିଜ ବକ୍ତବ୍ୟରେ ପ୍ରକାଶ କରିଥିଲେ। ଭିଡିଓ କନଫରନେସିଂ ମାଧ୍ୟମରେ ଜିଲ୍ଲାର ୨୯ଟି ସ୍ମାର୍ଟ ସ୍କୁଲକୁ ମୂଖ୍ୟମନ୍ତ୍ରୀ ଉଦଘାଟନ କରିଥିବା ବେଳେ ନର୍ଲା ବିଧାୟକ ଭୂପିନ୍ଦର ସିଂ, ଲାଂଜିଗଡ ବିଧାୟକ ପ୍ରଦୀପ ଦିଶାରୀ, ଧର୍ମଗଡ ବିଧାୟକ ମୌଷଧି ବାଗ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । କଳାହାଣ୍ଡି ଜିଲ୍ଲାପାଳଙ୍କ ପରିଚାଲନାରେ ଏହି କାର୍ଯ୍ୟକ୍ରମରେ ଗଣଶିକ୍ଷା ସଚିବ ସତ୍ୟବ୍ରତ ସାହୁ ଯୋଗ ଦେଇ ମାଣୀକେଶ୍ୱରୀ ହାଇସ୍କୁଲରେ ନିଜ ଛାତ୍ର ଜୀବନର ଅଭିଜ୍ଞତା ବଖାଣିବା ସହିତ ଶିକ୍ଷକ ରାମେଶ୍ୱର ଠାକୁରଙ୍କ ସଂପର୍କରେ ଉପସ୍ଥାପନ କରିଥିଲେ।

ଏହି ସ୍ମାର୍ଟ ସ୍କୁଲ କାର୍ଯ୍ୟକ୍ରମରେ ମାଣିକେଶ୍ୱରୀ ହାଇସ୍କୁଲ ସମେତ ବିଏମ ହାସ୍କୁଲ ଓ ଟାଉନ ହାଇସ୍କୁଲ, ଥୁଆମୂଲ ରାମପୁର ବ୍ଲକର ସିରମସ୍କା ହାଇସ୍କୁଲ ଓ ପାଡେପଦର ହାଇସ୍କୁଲ, ନର୍ଲା ବ୍ଲକର ତୁଳାପଡା ଦାମୋଦର ହାଇସ୍କୁଲ ଓ ନର୍ଲା ପଂଚାୟତ ହାଇସ୍କୁଲ, ମଦନପୁର ରାମପୁର ବ୍ଲକର ଦୁର୍ଗାମାଧବ ହାଇସ୍କୁଲ ଓ ଅଲାତରା ପଂଚସଖା ହାଇସ୍କୁଲ, ଲାଂଜିଗଡ ବ୍ଲକର ଲାଂଜିଗଡ ରୋଡ ସରକାରୀ ହାଇସ୍କୁଲ ଓ ବିଶ୍ୱନାଥପୁର ଗୋପବନ୍ଧୁ ହାଇସ୍କୁଲ, କେସିଙ୍ଗା ବ୍ଲକର କେସିଙ୍ଗା ହାଇସ୍କୁଲ, ବେଲଖଣ୍ଡି ହାଇସ୍କୁଲ ତୁୁଣ୍ଡଲା ହାଇସ୍କୁଲ ଓ କଶୃପଡା ହାଇସ୍କୁଲ, କର୍ଲାମୁଣ୍ଡା ବ୍ଲକର ରିଷିଡା ହାଇସ୍କୁଲ ଓ ଗଜବାହାଲ ହାଇସ୍କୁଲ, ଜୁନାଗଡ ବ୍ଲକର ଜୁନାଗଡ ହାଇସ୍କୁଲ ଓ ମହିଚଲା ବାଲାଜୀ ହାଇସ୍କୁଲ, କୋକସରା ବ୍ଲକର କୋକସରା ଜବାହର ହାଇସ୍କୁଲ ଓ ଲଡୁଗାଁ ହାଇସ୍କୁଲ, ଜୟପାଟଣା ବ୍ଲକର ଉମାଶଂକର ହାଇସ୍କୁଲ ଓ ହୀରାପୁର ହାଇସ୍କୁଲ, କଲମପୁର ବ୍ଲକର ଦୁର୍ଗାମାଧବ ହାଇସ୍କୁଲ ଓ ବୀଜମରା ସ୍ୱାମୀ ବିବେକାନନ୍ଦ ହାଇସ୍କୁଲ, ଗୋଲାମୁଣ୍ଡା ବ୍ଲକର ଫରଙ୍ଗ ହାଇସ୍କୁଲ ଓ ଗୋଲାମୁଣ୍ଡା ହାଇସ୍କୁଲ, ଧର୍ମଗଡ ବ୍ଲକର ଧର୍ମଗଡ ହାଇସ୍କୁଲ ଓ ବ୍ରାହ୍ମଣଛେଣ୍ଡିଆ ରାମକୃଷ୍ଣ ହାଇସ୍କୁଲ ଆଦି ୨୯ ଟି ହାଇସ୍କୁଲ କୁ ପ୍ରଥମ ପର୍ଯ୍ୟାୟରେ ସ୍ମାର୍ଟ ସ୍କୁଲ ଭାବେ ଉଦଘାଟନ କରାଯାଇଛି।

Categories
ଆଜିର ଖବର ରାଜ୍ୟ ଖବର

ଆସନ୍ତାକାଲିଠୁ ସରକାରୀ ସ୍କୁଲରେ ଆରମ୍ଭ ହେବ ନାମ ଲେଖା

ଭୁବନେଶ୍ଵର: ଆସନ୍ତାକାଲିଠୁ ସରକାରୀ ସ୍କୁଲରେ ନାମ ଲେଖା ପ୍ରକ୍ରିୟା ଆରମ୍ଭ ହେବ। ଏନେଇ ଗଣଶିକ୍ଷା ବିଭାଗର ଅତିରିକ୍ତ ସଚିବଙ୍କ ସବୁ ଡିଇଓ, ବିଇଓ, ଡିପିସିଙ୍କୁ ଚିଠି କରିଛନ୍ତି। ମେ’ ୩୧ ତାରିଖ ସୁଦ୍ଧା ସମସ୍ତ ସରକାରୀ ସ୍କୁଲରେ ନାମଲେଖା କାର୍ଯ୍ୟ ଶେଷ କରିବାକୁ ଅତିରିକ୍ତ ସଚିବ ନିର୍ଦ୍ଦେଶ ଦେଇଛନ୍ତି।

ତେବେ କାର୍ଯ୍ୟ ଦିବସରେ ସକାଳ ୭ ଟାରୁ ୯ ଟା ୩୦ ଯାଏଁ ନାମ ଲେଖା ଚାଲିବ। କୋଭିଡ଼ ଗାଇଡଲାଇନ ଅନୁସାରେ ନାମଲେଖା ପ୍ରକ୍ରିୟା କରିବାକୁ ଅତିରିକ୍ତ ସଚିବ ନିର୍ଦ୍ଦେଶ ଦେଇଛନ୍ତି। ସ୍କୁଲ ମଧ୍ୟକୁ ୫ ଜଣ ରୁ ଅଧିକ ଅଭିଭାବକଙ୍କୁ ଏକା ସମୟରେ ପ୍ରବେଶ ପାଇଁ ବାରଣ କରାଯାଇଛି। ‘ଶିକ୍ଷା ସଂଯୋଗ’ ନାମକ ହ୍ବାଟ୍ସଆପ୍ ଗ୍ରୁପ କରାଯାଇ ଅଭିଭାବକମାନଙ୍କୁ ସୂଚନା ଦେବା ପାଇଁ କୁହାଯାଇଛି।

Categories
ଆଜିର ଖବର ରାଜ୍ୟ ଖବର

ସରକାରୀ ସ୍କୁଲ ପିଲାଙ୍କୁ ଉଚ୍ଚ ଶିକ୍ଷା ପାଇଁ ମିଳିବ ସଂରକ୍ଷଣ: ଏନେଇ ସଂକଳ୍ପ ଆଣିଲେ ମୁଖ୍ୟମନ୍ତ୍ରୀ

ଭୁବନେଶ୍ବର: ସରକାରୀ ସ୍କୁଲରେ ପଢୁଥିବା ଛାତ୍ରଛାତ୍ରୀଙ୍କ ଉଚ୍ଚ ଶିକ୍ଷାରେ ସଂରକ୍ଷଣ ନେଇ ସଂକଳ୍ପ ଆଗତ ହୋଇଛି। ହାଇ ପାୱାର କମିଟିର ସୁପାରିସ କ୍ରମେ ଏହି ସଂକଳ୍ପ ଆଗତ ହୋଇଛି। ଉଚ୍ଚ ଶିକ୍ଷାରେ୧୫ ପ୍ରତିଶତ ସଂରକ୍ଷଣ ନେଇ ସଂକଳ୍ପ ଆଗତ ହୋଇଛି। ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏନେଇ ବିଧାନସଭାରେ ସଂକଳ୍ପ ଆଣିଛନ୍ତି। ମେଡିକାଲ ଏବଂ ଇଞ୍ଜିନିୟରିଙ୍ଗ ପଢିବା ପାଇଁ ୧୫ ପ୍ରତିଶତ ସଂରକ୍ଷଣ ନେଇ ସଂକଳ୍ପ ଆଗତ ହୋଇଛି।

Categories
ଆଜିର ଖବର ରାଜ୍ୟ ଖବର

ସରକାରୀ ସ୍କୁଲ ଛାତ୍ରଛାତ୍ରୀଙ୍କ ସଂରକ୍ଷଣ ପ୍ରସଙ୍ଗ: ଉଚ୍ଚସ୍ତରୀୟ କମିଟି ଗଠିତ

ଭୁବନେଶ୍ବର: ସରକାରୀ ସ୍କୁଲରେ ପାଠ ପଢୁଥିବା ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା ଲାଗି ସଂରକ୍ଷଣ ଦିଆଯିବ ବୋଲି ନିକଟରେ ରାଜ୍ୟ ସରକାର ଘୋଷଣା କରିଥିଲେ।

ତେବେ ଏନେଇ ସରକାରଙ୍କ ପକ୍ଷରୁ ଏକ ଉଚ୍ଚସ୍ତରୀୟ କମିଟି ଗଠନ କରାଯାଇଛି। କ୍ୟାବିନେଟର ନିଷ୍ପତ୍ତି ପରେ ଉଚ୍ଚସ୍ତରୀୟ କମିଟି ଗଠନ କରାଯାଇଛି। ଏହି କମିଟିର ମୁଖ୍ୟ ଭାବେ ଉଚ୍ଚନ୍ୟାୟଳୟର ଅବସରପ୍ରାପ୍ତ ବିଚାରପତି ନ୍ୟାୟଧିଷ ଏ.କେ.ମିଶ୍ର ନିଯୁକ୍ତ ହୋଇଛନ୍ତି। ଉତ୍କଳ ବିଶ୍ବବିଦ୍ୟାଳୟର ପୂର୍ବତନ ଭିସି ଅଶୋକ କୁମାର ଦାସ, ପ୍ରଫେସର ସିବିକେ ମହାନ୍ତି, ଆଇଏଏସ ଭୁପିନ୍ଦର ପୁନିଆ, ଜି. ରେଘୁ କମିଟିର ସଦସ୍ୟ ଅଛନ୍ତି। ବୈଷୟିକ ଶିକ୍ଷା ବିଭାଗ ଯୁଗ୍ମ ସଚିବ ଏ.କେ. ନାୟକ କମିଟି ଆବାହାକ ଅଛନ୍ତି।