Categories
ଆଞ୍ଚଳିକ

ବାଣପୁର: ସିବିଏସଇ ଦଶମ ଶ୍ରେଣୀରେ “ସେଣ୍ଟ ଜାଭିୟର ହାଇସ୍କୁଲ” ଛାତ୍ରଛାତ୍ରୀଙ୍କ ସଫଳତା

ବାଣପୁର: ଚଳିତ ବର୍ଷ ସିବିଏସଇ ଦଶମ ଶ୍ରେଣୀର ପରୀକ୍ଷାର ଫଳ ମେ ୧୩ ତାରିଖରେ ପ୍ରକାଶ ପାଇଥିଲା। ଚଳିତ ବର୍ଷ ଏହି ପରୀକ୍ଷାରେ ବାଣପୁରର ସୁନାମଧନ୍ୟ ଇଂରାଜୀ ଶିକ୍ଷା ଅନୁଷ୍ଠାନ “ସେଣ୍ଟ ଜାଭିୟର ହାଇସ୍କୁଲ” ର ଛାତ୍ରଛାତ୍ରୀ ମାନେ ଅତ୍ୟନ୍ତ ପ୍ରଶଂସନୀୟ ପ୍ରଦର୍ଶନ କରିବା ସହ ସମଗ୍ର ବାଣପୁର ଏବଂ ଚିଲିକା ବ୍ଲକରେ ସର୍ବଶ୍ରେଷ୍ଠ ମାର୍କ ଆଣି ବିଦ୍ୟାଳୟ ପାଇଁ ଗୌରବ ଅର୍ଜନ କରିଛନ୍ତି। ଏହି ପରୀକ୍ଷାରେ ବିଦ୍ୟାଳୟର ଛାତ୍ର ଆୟୁଷ ସାମନ୍ତରାୟ ସର୍ବଶ୍ରେଷ୍ଠ ୯୭. ୨ ଶତକଡା ମାର୍କ ଆଣିଥିବା ବେଳେ ଆୟୁଷ ସୁବୁଦ୍ଧି ୯୦. ୮, କିର୍ତ୍ତୀ ସ୍ବୟଂସୁ ଲେଙ୍କା ୯୦, ତନ୍ମୟ କୁମାର ବାରିକ ୮୪. ୪, ଅଭିଜିତ ପ୍ରଧାନ ୮୩. ୪, ଶିବାଶିଷ ପ୍ରଧାନ ୮୩, ଆଦ୍ୟସା ଷଡଙ୍ଗୀ ୮୩. ୮, ସାୟନ୍ତନ ଷଡ଼ଙ୍ଗୀ ୮୩. ୬, ଶୁଭ୍ରାଂଶୁ ଶେଖର ନାୟକ ୮୧, ସରୋଜ କୁମାର ରଣା ୮୦ ପ୍ରତିଶତ ମାର୍କ ଆଣିଛନ୍ତି।

ବିଦ୍ୟାଳୟ ର ଅଧ୍ୟକ୍ଷ ଡ଼ ଶକ୍ତି ପ୍ରସାଦ ମହାନ୍ତି ସମସ୍ତ ଛାତ୍ରଛାତ୍ରୀଙ୍କ ମଙ୍ଗଳକାମନା କରିବା ସହ ଛାତ୍ରଛାତ୍ରୀ ମାନଙ୍କର ସଫଳତାର ଶ୍ରେୟ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ ଓ ସମସ୍ତ କର୍ମଚାରୀମାନଙ୍କୁ ପ୍ରଦାନ କରିଛନ୍ତି। ଏହା ସହ ଆଗକୁ ବିଦ୍ୟାଳୟର ଛାତ୍ର ଛାତ୍ରୀ ମାନେ କିପରି ଅଧିକରୁ ଅଧିକ ଶିକ୍ଷା କ୍ଷେତ୍ରରେ ବାଣପୁର ପାଇଁ ଗୌରବ ଆଣିପାରିବେ ଏହି ଦିଗରେ କାର୍ଯ୍ୟ କରିବା ପାଇଁ ବିଦ୍ୟାଳୟର ଅଧ୍ୟକ୍ଷ ପ୍ରତିଶୃତି ଦେଇଛନ୍ତି।

Categories
ଆଜିର ଖବର ରାଜ୍ୟ ଖବର

ସିବିଏସଇ ପରୀକ୍ଷାରେ ଡିଏଭି କଳିଙ୍ଗ ନଗରର ୯୫.୮୦ ପ୍ରତିଶତ ସହ ବିଜ୍ଞାନରେ ତିତିକ୍ଷା ଦତ୍ତ ସ୍କୁଲରେ ପ୍ରଥମ

ଭୁବନେଶ୍ୱର: କେନ୍ଦ୍ରୀୟ ଶିକ୍ଷାବୋର୍ଡ ଦ୍ୱାରା ପ୍ରକାଶିତ ଦ୍ୱାଦଶ ଶ୍ରେଣୀ ପରୀକ୍ଷାରେ ଡି.ଏ.ଭି କଳିଙ୍ଗ ନଗରର ଛାତ୍ରଛାତ୍ରୀମାନେ ବିଜ୍ଞାନ ଏବଂ ବାଣିଜ୍ୟ ବିଭାଗରେ ଆଶାନୁରୂପ ସଫଳତା ହାସଲ କରିଛନ୍ତି । ସର୍ବାଧିକ ବ୍ୟକ୍ତିଗତ ପ୍ରତିଶତ ବିଜ୍ଞାନରେ ୯୫.୮୦ ଏବଂ ବାଣିଜ୍ୟରେ ୯୧.୮୦ ରହିଛି । ବିଜ୍ଞାନ ବିଭାଗରେ ୬୫ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୫୫.୩୮ ପ୍ରତିଶତ ଛାତ୍ରଛାତ୍ରୀ ୮୦ ପ୍ରତିଶତରୁ ଅଧିକ, ୮୭.୬୯ ପ୍ରତିଶତ ଛାତ୍ରଛାତ୍ରୀ ୭୦ ପ୍ରତିଶତରୁ ଅଧିକ ଏବଂ ୯୮.୪୬ ପ୍ରତିଶତ ଛାତ୍ରଛାତ୍ରୀ ୬୦ ପ୍ରତିଶତରୁ ଊର୍ଦ୍ଧ୍ୱ ନମ୍ବର ରଖି କୃତକାର୍ଯ୍ୟ ହୋଇଛନ୍ତିି ।

ଛାତ୍ରଛାତ୍ରୀମାନଙ୍କ ମଧ୍ୟରେ ବିଜ୍ଞାନରେ ତିତିକ୍ଷା ଦତ୍ତ ୯୫.୮୦ ପ୍ରତିଶତ ନମ୍ବର ରଖି ପ୍ରଥମ ସ୍ଥାନରେ, ଆହ୍ୱାନୀ ସ୍ୱାଇଁ ୯୪.୮୦ ପ୍ରତିଶତ ରଖି ଦ୍ୱିତୀୟ ସ୍ଥାନ ଅଧିକାର କରିଛନ୍ତି ତଥା ସାତ୍ତ୍ୱିକ କୁମାର ନାୟକ ୯୨.୨ ପ୍ରତିଶତ ରଖି ତୃତୀୟ ସ୍ଥାନ ଅଧିକାର କରିଛନ୍ତି । ସେହିଭଳି ବାଣିଜ୍ୟରେ ୧୯ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୩୬.୮୪ ପ୍ରତିଶତ ଛାତ୍ରଛାତ୍ରୀ ୮୦ ପ୍ରତିଶତରୁ ଊର୍ଦ୍ଧ୍ୱ, ୬୮.୪୨ ପ୍ରତିଶତ ଛାତ୍ରଛାତ୍ରୀ ୭୦ ପ୍ରତିଶତରୁ ଊର୍ଦ୍ଧ୍ୱ, ୯୪.୭୪ ପ୍ରତିଶତ ଛାତ୍ରଛାତ୍ରୀ ୬୦ ପ୍ରତିଶତରୁ ଊର୍ଦ୍ଧ୍ୱ ନମ୍ବର ରଖି ବିଦ୍ୟାଳୟ ପାଇଁ ଗୌରବ ଆଣିଦେଇଛନ୍ତି ।

ଆଶୁତୋଷ ଦାଶ ୯୧.୮୦ ପ୍ରତିଶତ ରଖି ପ୍ରଥମ ସ୍ଥାନ, ମନୁଶ୍ରୀ ମହାନ୍ତି ୯୧.୨୦ ପ୍ରତିଶତ ରଖି ଦ୍ୱିତୀୟ ସ୍ଥାନ ଏବଂ ପ୍ରଗତୀ ୯୦ ପ୍ରତିଶତ ରଖି ତୃତୀୟ ସ୍ଥାନ ଅଧିକାର କରିଛନ୍ତି । ଚଳିତ ଶିକ୍ଷାବର୍ଷରେ ବିଜ୍ଞାନ ବିଭାଗର ୭୯.୭୪ ପ୍ରତିଶତ ଏବଂ ବାଣିଜ୍ୟରେ ୭୬.୯୬ ପ୍ରତିଶତ ସହ ବିଦ୍ୟାଳୟର ସାମଗ୍ରିକ ହାର ୭୯.୧୧ ପ୍ରତିଶତ ହୋଇଛି ।

ଏହି ସଫଳତା ନିମନ୍ତେ ବିଦ୍ୟାଳୟ ପରିଚାଳନା ସମିତିର ଅଧ୍ୟକ୍ଷ ଶ୍ରୀଯୁକ୍ତ ମଦନ ମୋହନ ପଣ୍ଡା, ଡି.ଏ.ଭି ବିଦ୍ୟାଳୟ ସମୂହ ଓଡ଼ିଶା ଜୋନ୍‌ର ଆଞ୍ଚଳିକ ନିର୍ଦ୍ଦେଶକ ଡ. କେ.ସି. ଶତପଥୀ ତଥା ଆଞ୍ଚଳିକ ସହ ନିର୍ଦ୍ଦେଶିକା ଡ. ସୁଜାତା ସାହୁ, ବିଦ୍ୟାଳୟର ମ୍ୟାନେଜର ଈପ୍‌ସିତା ଦାସ ଓ ଅଧ୍ୟକ୍ଷ ଶ୍ରୀ ବଳରାମ ମହାପାତ୍ର କୃତୀ ଛାତ୍ରଛାତ୍ରୀ ଏବଂ ଶିକ୍ଷକଶିକ୍ଷୟିତ୍ର୍ରୀମାନଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଇଛନ୍ତି ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

CBSE Results 2025: ଦଶମ ଓ ଦ୍ୱାଦଶ ପରୀକ୍ଷା ଫଳରେ ଡିଏଭି ଚନ୍ଦ୍ରଶେଖରପୁରର ସଫଳତା

CBSE Results 2025: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ ଆନୁକୂଲ୍ୟରେ ପରିଚାଳିତ ବାର୍ଷିକ ଦଶମ ଓ ଦ୍ୱାଦଶ ପରୀକ୍ଷାଫଳ ମଙ୍ଗଳବାର ପ୍ରକାଶ ପାଇଛି । ଏଥିରେ ଡିଏଭି ପବ୍ଲିକ୍‍ ସ୍କୁଲ୍‍, ଚନ୍ଦ୍ରଶେଖରପୁରର ଛାତ୍ରଛାତ୍ରୀମାନେ ପୂର୍ବବର୍ଷମାନଙ୍କ ପରି ଚିତ୍ତାକର୍ଷକ ସାଫଲ୍ୟ ଅର୍ଜନ କରିଛନ୍ତି ।

ଦଶମ ଶ୍ରେଣୀରେ ୨୬୯ ପରୀକ୍ଷାର୍ଥୀଙ୍କ ମଧ୍ୟରୁ ୫୪ଜଣ ୯୫%ରୁ ଊର୍ଦ୍ଧ୍ୱ, ୧୪୧ଜଣ ୯୦%ରୁ ଊର୍ଦ୍ଧ୍ୱ, ୨୦୬ଜଣ ୮୦%ରୁ ଊର୍ଦ୍ଧ୍ୱ ଏବଂ ୨୬୦ ଜଣ ୬୦%ରୁ ଅଧିକ ନମ୍ବର ରଖିଛନ୍ତି । ମିହିକା ମହାନ୍ତି ଓ ଆକାଂକ୍ଷା ସାମଲ ୯୮.୪% ନମ୍ବର ସହ ଯୁଗ୍ମ ପ୍ରଥମ, ଅନୁଷ୍କା ତ୍ରିପାଠୀ, ଶ୍ରୀବିଦ୍ୟା ଦାସ ଓ ରିତି ଆଚାର୍ଯ୍ୟ ୯୮.୨% ନମ୍ବର ସହ ୨ୟ, ଡୋନା ପ୍ରଧାନ ଓ ସମୀକ୍ଷା ମହାନ୍ତି ୯୭.୮% ନମ୍ବର ସହ ବିଦ୍ୟାଳୟରେ ୩ୟ ସ୍ଥାନ ହାସଲ କରିଛନ୍ତି । ଏକାଧିକ ଛାତ୍ରଛାତ୍ରୀ ଗଣିତ, ବିଜ୍ଞାନ, ସାମାଜିକ ବିଜ୍ଞାନ ଓ ସଂସ୍କୃତ ବିଷୟରେ ପୂର୍ଣ୍ଣସଂଖ୍ୟା ୧୦୦ ନମ୍ବର ଲେଖାଏଁ ରଖିଛନ୍ତି ।

ଦ୍ୱାଦଶ ବିଜ୍ଞାନ ବିଭାଗରେ ୩୩୨ ପରୀକ୍ଷାର୍ଥୀଙ୍କ ମଧ୍ୟରୁ ୯୦ ଜଣ ୯୦%ରୁ ଊର୍ଦ୍ଧ୍ୱ, ୨୧୧ ଜଣ ୮୦%ରୁ ଊର୍ଦ୍ଧ୍ୱ ଓ ସମସ୍ତ ଛାତ୍ରଛାତ୍ରୀ ୬୦%ରୁ ଊର୍ଦ୍ଧ୍ୱ ନମ୍ବର ରଖିଛନ୍ତି । ଶ୍ରୀମାନ ବିଷ୍ଣୁ ପ୍ରସାଦ ଶତପଥୀ ୯୮% ନମ୍ବର ସହ ପ୍ରଥମ, ସଞ୍ଜୟ କୁମାର ସାହୁ ୯୭.୮% ନମ୍ବର ସହ ୨ୟ ଏବଂ କେପିଏସ୍‍ ଶ୍ରେୟାସ ୯୭.୬% ନମ୍ବର ସହ ୩ୟ ସ୍ଥାନ ହାସଲ କରିଛନ୍ତି । ରସାୟନ ବିଜ୍ଞାନ, ଗଣିତ ଓ ଚିତ୍ରକଳା ବିଷୟରେ ଏକାଧିକ ଛାତ୍ରଛାତ୍ରୀ ପୂର୍ଣ୍ଣସଂଖ୍ୟା ୧୦୦ ନମ୍ବର ଲେଖାଏଁ ରଖିଛନ୍ତ ।

ବାଣିଜ୍ୟ ବିଭାଗରେ ୪୫ଜଣ ବିଦ୍ୟାର୍ଥୀଙ୍କ ମଧ୍ୟରୁ ୧୦ଜଣ ୯୦%ରୁ ଊର୍ଦ୍ଧ୍ୱ, ୩୪ଜଣ ୮୦%ରୁ ଊର୍ଦ୍ଧ୍ୱ ଓ ସମସ୍ତ ଛାତ୍ରଛାତ୍ରୀ ୬୦%ରୁ ଅଧିକ ନମ୍ବର ରଖିଛନ୍ତି । ପାର୍ଥ ଅଗ୍ରୱାଲ ଓ ବିଭାସ୍ୱାନ ମାହାଲି ୯୭.୨% ନମ୍ବର ସହ ପ୍ରଥମ, ଅନ୍ୱେଷା ମହାରଣା ୯୬.୮% ନମ୍ବର ସହ ଦ୍ୱିତୀୟ ଏବଂ କେଶବ ଅଗ୍ରୱାଲ ୯୫.୮% ନମ୍ବର ସହ ୩ୟ ସ୍ଥାନ ହାସଲ କରିଛନ୍ତି । ଚିତ୍ରକଳାରେ ଏକାଧିକ ଛାତ୍ରଛାତ୍ରୀ ପୂର୍ଣ୍ଣସଂଖ୍ୟା ୧୦୦ ନମ୍ବର ହାସଲ କରିଛନ୍ତି ।

ସେହିପରି କଳା ବିଭାଗରେ, ୩୫ ଜଣଯାକ ଛାତ୍ରଛାତ୍ରୀ ୭୫%ରୁ ଊର୍ଦ୍ଧ୍ୱ ନମ୍ବର ସହ ଉତ୍ତୀର୍ଣ୍ଣ ହୋଇଥିବା ସ୍ଥଳେ ୨୦ଜଣ ୯୦%ରୁ ଊର୍ଦ୍ଧ୍ୱ ଓ ୩୨ଜଣ ୮୦%ରୁ ଊର୍ଦ୍ଧ୍ୱ ନମ୍ବର ରଖିଛନ୍ତି । ଚିନ୍ମୟ ପ୍ରିୟଦର୍ଶିନୀ ଦାସ ୯୬.୮% ନମ୍ବର ସହ ପ୍ରଥମ, ଦେବଦୀପା ତ୍ରିପାଠୀ ୯୬.୬% ନମ୍ବର ସହ ୨ୟ, ରୀଶା ମିଶ୍ର ଓ ଶୁଭଲକ୍ଷ୍ମୀ ପାଢୀ ୯୬.୨% ନମ୍ବର ସହ ବିଦ୍ୟାଳୟରେ ୩ୟ ସ୍ଥାନ ହାସଲ କରିଛନ୍ତି । ରାଜନୀତିବିଜ୍ଞାନ, ଭୂଗୋଳ, ମନୋବିଜ୍ଞାନ ଓ ଚିତ୍ରକଳା ବିଷୟରେ ଏକାଧିକ ଛାତ୍ରଛାତ୍ରୀ ପୂର୍ଣ୍ଣସଂଖ୍ୟା ୧୦୦ ନମ୍ବର ଲେଖାଏଁ ସ୍କୋର କରିଛନ୍ତି ।

ଛାତ୍ରଛାତ୍ରୀଙ୍କ ଉଲ୍ଲେଖନୀୟ କୃତିତ୍ୱ ପ୍ରଦର୍ଶନ ଯୋଗୁ ବିଦ୍ୟାଳୟ ପରିଚାଳନା କର୍ତ୍ତୃପକ୍ଷ, ଅଧ୍ୟକ୍ଷା ଡ. ସୁଜାତା ସାହୁ ପ୍ରମୁଖ ସଂପୃକ୍ତ ବିଦ୍ୟାର୍ଥୀ ଓ ସେମାନଙ୍କ ଅଭିଭାବକଙ୍କୁ ଅଭିନନ୍ଦନ ଜଣାଇଛନ୍ତି ।

 

Categories
CBSE10TH cbse10th CBSE12th ଆଜିର ଖବର ଜାତୀୟ ଖବର ରାଜ୍ୟ ଖବର

CBSE Result: ଆଜି ପ୍ରକାଶିତ ହେବ 10th ଏବଂ 12th ପରୀକ୍ଷା ଫଳ, ଜାଣନ୍ତୁ କେତେବେଳେ ଏବଂ କିପରି

CBSE Result: ଦେଶବ୍ୟାପୀ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ଅପେକ୍ଷାର ଅନ୍ତ ହେବାକୁ ଯାଉଛି। କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ଖୁବ୍‌ଶୀଘ୍ର ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ କରିବାକୁ ଯାଉଛି।  ଆଜି ସକାଳ ଦଶଟାରେ ଏହି ପରୀକ୍ଷା ଫଳ ପ୍ରକାଶିତ ହେବ ବୋଲି ଜଣାପଡିଛି।

ଚଳିତ ଥର ୪୨ ଲକ୍ଷରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି । ୨୪ ଲକ୍ଷ ୧୨ ହଜାର ପିଲା ଦଶମ ପରୀକ୍ଷା ଦେଇଥିବା ବେଳେ ୧୭ ଲକ୍ଷ ୮୮ ହଜାର ପିଲା ଦ୍ବାଦଶ ପରୀକ୍ଷା ଦେଇଛନ୍ତି । ସମସ୍ତ ଛାତ୍ରଛାତ୍ରୀ ରେଜଲ୍ଟକୁ ଅପେକ୍ଷା କରି ରହିଛନ୍ତି ।

ଫଳାଫଳ କେଉଁଠାରେ ପ୍ରକାଶିତ ହେବ?:

cbse.gov.in
results.cbse.nic.in
digilocker.gov.in
results.gov.in

CBSE ପରୀକ୍ଷା ଫଳ କିପରି ଦେଖିବେ?:

– ଛାତ୍ରଛାତ୍ରୀମାନେ ପ୍ରଥମେ ବୋର୍ଡର ଅଫିସିଆଲ୍ ୱେବସାଇଟ୍ ପରିଦର୍ଶନ କରିବା ଉଚିତ।

– ତା’ପରେ ଛାତ୍ରଛାତ୍ରୀମାନେ ହୋମପେଜରେ ଥିବା CBSE କ୍ଲାସ ଦ୍ୱାଦଶ ରେଜଲ୍ଟ ଲିଙ୍କ ଉପରେ କ୍ଲିକ୍ କରିବା ଉଚିତ।

– ଏବେ ଛାତ୍ରଛାତ୍ରୀମାନେ ସେମାନଙ୍କର ରୋଲ ନମ୍ବର, ସ୍କୁଲ ନମ୍ବର ଏବଂ ଆଡମିଟ୍ କାର୍ଡ ପରିଚୟପତ୍ର ପ୍ରବେଶ କରନ୍ତୁ।

– ଏହା ପରେ Submit କରିବା ମାତ୍ରେ, ଆପଣଙ୍କର ଫଳାଫଳ ସ୍କ୍ରିନରେ ଦେଖାଯିବ।

– ଏବେ ଛାତ୍ରଛାତ୍ରୀମାନେ ଫଳାଫଳର ପ୍ରିଣ୍ଟଆଉଟ୍ ନେଇପାରିବେ।

ଆପଣ ଡିଜିଲକର ଏବଂ SMS ମାଧ୍ୟମରେ ମଧ୍ୟ ଫଳାଫଳ ଦେଖିପାରିବେ:

ଯେଉଁ ଛାତ୍ରଛାତ୍ରୀମାନଙ୍କ ପାଖରେ ଇଣ୍ଟରନେଟ୍ ସୁବିଧା ନାହିଁ, ସେମାନେ SMS କିମ୍ବା DigiLocker ଆପ୍ ମାଧ୍ୟମରେ ମଧ୍ୟ ସେମାନଙ୍କର ଫଳାଫଳ ଦେଖିପାରିବେ।

Categories
ଆଜିର ଖବର ଜାତୀୟ ଖବର

ସିବିଏସଇ ସ୍କୁଲରେ ସମସ୍ତ ଭାରତୀୟ ଭାଷାରେ ପାଠପଢା ବିଜ୍ଞପ୍ତି ନେଇ କେନ୍ଦ୍ରମନ୍ତ୍ରୀଙ୍କ ପ୍ରତିକ୍ରିୟା

ଭୁବନେଶ୍ୱର: ସିବିଏସଇ ଅନୁବନ୍ଧିତ ସ୍କୁଲ ଗୁଡିକରେ ଛାତ୍ରଛାତ୍ରୀ ମାନଙ୍କୁ ବିକଳ୍ପ ଭାଷା ଭାବରେ ମାତୃଭାଷାରେ ଶିକ୍ଷାଦାନ ଦିଆଯାଇପାରିବ। ଏଥିପାଇଁ ସିବିଏସଇ ବିଜ୍ଞପ୍ତି ଜାରି କରିସାରିଛି ବୋଲି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଶ୍ରୀ ପ୍ରଧାନ କହିଛନ୍ତି ବିଶ୍ୱର ଲୋକପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟିପୂର୍ଣ୍ଣ ରାଷ୍ଟ୍ରୀୟ ଶିକ୍ଷା ନୀତି ସମସ୍ତ ଭାରତୀୟ ଭାଷାକୁ ଗୁରୁତ୍ୱ ଦେଉଅଛି। ପୂର୍ବରୁ ସିବିଏସଇ ସ୍କୁଲରେ କେବଳ ଇଂରାଜୀ ଓ ହିନ୍ଦିରେ ପାଠ ପଢ଼ାଯିବାର ବ୍ୟବସ୍ଥା ଥିଲା। ଏଣିକି ସମସ୍ତ ସିବିଏସଇ ସ୍କୁଲରେ ପ୍ରଥମ ଶ୍ରେଣୀରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ମାନଙ୍କୁ ଇଂରାଜି ଓ ହିନ୍ଦି ଭାଷା ବ୍ୟତିତ ପିଲାଙ୍କ ଇଚ୍ଛାନୁସାରେ ଓଡ଼ିଆ ଏବଂ ଅନ୍ୟାନ୍ୟ ଭାରତୀୟ ଭାଷାରେ ଶିକ୍ଷା ଦିଆଯିବ।

ମାତୃଭାଷାରେ ପାଠ ପଢ଼ିଲେ ହିଁ ଛାତ୍ରଛାତ୍ରୀମାନେ ଭଲ ଭାବେ ପାଠକୁ ବୁଝି ପାରିବେ। ମୂଳ ବିଷୟର ସ୍ପଷ୍ଟତା ଆସିବ। ଛାତ୍ରଛାତ୍ରୀଙ୍କର ଚିନ୍ତନ ଶକ୍ତି ବୃଦ୍ଧି ପାଇବ, ଯାହା ଶିକ୍ଷା ନୀତିର ଉଦ୍ଦେଶ୍ୟ ରହିଛି। ତେବେ ପିଲାମାନେ କେଉଁ ଭାଷାରେ ପାଠ ପଢିବେ, ସେଥିପାଇଁ କୌଣସି ଛାତ୍ରଛାତ୍ରୀଙ୍କୁ ବାଧ୍ୟ କରାଯିବନାହିଁ। ସିବିଏସଇ ସ୍କୁଲ ଗୁଡ଼ିକ ଧୀରେ ଧୀରେ ଏ ବ୍ୟବସ୍ଥାକୁ ଆପଣାଇବେ ବୋଲି ଶ୍ରୀ ପ୍ରଧାନ କହିଛନ୍ତି। ଏହି ପଦକ୍ଷେପ ଭାରତୀୟ ଭାଷା ଆଧାରିତ ଶିକ୍ଷାକୁ ବଢାଇବ। ଶିକ୍ଷାର ଆଉଟକମ ପାଇଁ ଏହା ଏକ ଭଲ ଶୁଭାରମ୍ଭ ବୋଲି ସେ କହିଛନ୍ତି।

Categories
ଆଜିର ଖବର ଜାତୀୟ ଖବର

ସିବିଏସଇ ଦଶମ ପରୀକ୍ଷା ଫଳ ଜାରି: ଏଥର ପାସ୍ କଲେ 93.12 ପ୍ରତିଶତ ଛାତ୍ରଛାତ୍ରୀ

ନୂଆଦିଲ୍ଲୀ: ଛାତ୍ରଛାତ୍ରୀଙ୍କ ଅପେକ୍ଷା ସମାପ୍ତ ହୋଇଛି, ବୋର୍ଡ ଫଳାଫଳ ପ୍ରକାଶ କରିଛି। ଏହି ବର୍ଷ ସମୁଦାୟ 93.12 ଛାତ୍ରଛାତ୍ରୀ CBSE ର ଦଶମ ଶ୍ରେଣୀ ପରୀକ୍ଷାରେ ସଫଳ ହୋଇଛନ୍ତି। ସିବିଏସ୍ଇ ଦଶମ ପରୀକ୍ଷାରେ ପୁଅମାନଙ୍କ ତୁଳନାରେ ଝିଅମାନଙ୍କ ପ୍ରଦର୍ଶନ 1.98% ଭଲ ଅଛି। ଏହି ବର୍ଷ 21,65,805 ଜଣ ଛାତ୍ରଛାତ୍ରୀ ଦଶମ ଶ୍ରେଣୀ ପରୀକ୍ଷା ପାଇଁ ପଞ୍ଜୀକୃତ ହୋଇଥିଲେ। ସେଥିମଧ୍ୟରୁ 20,16,779 ଛାତ୍ରଛାତ୍ରୀ ସଫଳ ହୋଇଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

CBSE Result: ଏଥର ମଧ୍ୟ ବାଜି ମାରି ନେଲେ ଛାତ୍ରୀ

ନୂଆଦିଲ୍ଲୀ: ପ୍ରକାଶ ପାଇଛି ସିବିଏସଇ 12th ରେଜଲ୍ଟ। ତେବେ ମୋଟ ପାସହାର ୮୭.୩୩ ପ୍ରତିଶତ ରହିଛି। ପୂର୍ବପରି ଏଥର ମଧ୍ୟ ଝିଅମାନେ ବାଜି ମାରିନେଇଛନ୍ତି । ଏଥର ଝିଅମାନଙ୍କ ପାସହାର ପୁଅମାନଙ୍କ ଅପେକ୍ଷା ୬ ପ୍ରତିଶତ ଅଧିକ ରହିଛି।

ଝିଅଙ୍କ ପାସହାର ୯୦.୬୮ ପ୍ରତିଶତ ହୋଇଥିବାବେଳେ ପୁଅଙ୍କ ପାସହାର ୮୪.୬୭ ପ୍ରତିଶତ ବୋଲି ଜଣାଯାଇଛି । ଛାତ୍ରଛାତ୍ରୀମାନେ www.cbse.nic.in, www.cbseresult.nic.in ଏବଂ www.digilocker.gov.in ରେ ଲଗ୍‌ଇନ୍‌ କରି ରେଜଲ୍ଟ ଦେଖିପାରିବେ।

ଚଳିତ ବର୍ଷ ମୋଟ ୧୬ ଲକ୍ଷ ୯୬ ହଜାର ୭୭୦ ଜଣ ଛାତ୍ରଛାତ୍ରୀ ଦଶମ ଓ ଦ୍ୱାଦଶ ସିବିଏସ୍‌ଇ ବୋର୍ଡ ପରୀକ୍ଷା ଦେଇଛନ୍ତି ।

Categories
cbse10th CBSE12th ଆଜିର ଖବର ଜାତୀୟ ଖବର ରାଜ୍ୟ ଖବର

ଆଜି ପ୍ରକାଶ ପାଇପାରେ CBSE ରେଜର୍ଲଟ, କେମିତି ଜାଣିବେ

ନୂଆଦିଲ୍ଲୀ: ଆଜି ପ୍ରକାଶ ପାଇପାରେ CBSE 10th ଏବଂ 12th ରେଜର୍ଲଟ। ଏ ନେଇ ସେଣ୍ଟ୍ରାଲ ବୋର୍ଡ ଅଫ ସେକେଣ୍ଡାରୀ ଏଡୁକେସନ ତରଫରୁ ସମସ୍ତ ପ୍ରସ୍ତୁତି କରାଯାଇଛି। ବୋର୍ଡ ତରଫରୁ କୁହାଯାଇଛି ଯେ, ଖାତା ଦେଖା ଶେଷ ହୋଇ ରେଜର୍ଲଟ ବାହାରିବା ପାଇଁ ସମସ୍ତ ପ୍ରସ୍ତୁତି କରାଯାଇଛି। ଖୁବ ଶିଘ୍ର ଏ ନେଇ ଘୋଷଣା ହେବ।

ଏହି ରେଜର୍ଲଟ ଜାଣିବା ପାଇଁ ହେଲେ ବୋର୍ଡର ଅଫିିସିୟାଲ ୱେବ ସାଇଟ cbse.nic.in or cbseresults.nic.in ରେ ଲଗ ଅନ କରିପାରିବେ। ଏଥିସହିତ ଚଳିତ ବର୍ଷ ପ୍ରଥମ ଥର ପାଇଁ DigiLocker and UMANG app ମାଧ୍ୟମରେ ମଧ୍ୟ ରେଜର୍ଲଟ ଜଣାପଡିବ। ଏଥିରେ ମାର୍କ ସିଟ ମଧ୍ୟ ଉପଲବ୍ଧ ହେବ। ତେବେ ଏହା କେବଳ ସ୍କୁଲ କର୍ତ୍ତୁପକ୍ଷ କରିପାରିବା ପାଇଁ ବ୍ୟବସ୍ଥା କରାଯାଇଛି।

ତେବେ କୌଣସି କାରଣରୁ ଯଦି ଆଜି ରେଜର୍ଲଟ ଘୋଷଣାରେ ଅସୁବିଧା ହୁଏ ତେବେ ଆସନ୍ତାକାଲି ନିଶ୍ଚିତ ପ୍ରକାଶ ପାଇବ ବୋଲି ବିଶେଷ ସୁତ୍ରରୁ ଜଣାପଡିଛି।

Categories
ଆଜିର ଖବର ରାଜ୍ୟ ଖବର

ମୁଖ୍ୟମନ୍ତ୍ରୀଙ୍କୁ ଭେଟିଲେ ମଦରସ ପବ୍ଲିକ ସ୍କୁଲର କୃତୀ ଛାତ୍ରୀମାନେ

ଭୁବନେଶ୍ବର: ଆଜି ଦଶମ ଓ ଦ୍ବାଦଶ ଶ୍ରେଣୀର ସିବିଏସଇ ପରୀକ୍ଷାରେ ଉଲ୍ଲେଖନୀୟ କୃତୀତ୍ବ ହାସଲ କରିଥିବା ମଦରସ ପବ୍ଲିକ ସ୍କୁଲର ଛାତ୍ରୀମାନେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କୁ ନବୀନ ନିବାସଠାରେ ଭେଟିବା ଅବସରରେ ମୁଖ୍ୟମନ୍ତ୍ରୀ ସେମାନଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଥିଲେ।

ଏହି ଛାତ୍ରୀ ମାନେ ହେଲେ ଦଶମ ଶ୍ରେଣୀର ଶ୍ରେୟା ପଟ୍ଟନାୟକ ଓ ସ୍ବୟଂଶ୍ରୀ ଗହନ ଏବଂ ଦ୍ବାଦଶ ଶ୍ରେଣୀର ଶ୍ରେୟା ଶ୍ରୀପଦା। ଏମାନେ ସମସ୍ତେ ଭୁବନେଶ୍ବରସ୍ଥିତ ମଦରସ୍‌ ପବ୍ଲିକ୍‌ ସ୍କୁଲର ଛାତ୍ରୀ। ଶ୍ରେୟା ଦଶମ ଶ୍ରେଣୀରେ ଶତ ପ୍ରତିଶତ ନମ୍ବର ରଖି ସର୍ବଭାରତୀୟ ସ୍ତରରେ ଶ୍ରେଷ୍ଠ ଛାତ୍ରଛାତ୍ରୀମାନଙ୍କ ମଧ୍ୟରେ ସ୍ଥାନ ହାସଲ କରିଥିବା ବେଳେ ସ୍ବୟଂଶ୍ରୀ ୯୯.୬ ପ୍ରତିଶତ ନମ୍ବର ରଖିଛନ୍ତି। ସେହିପରି ଦ୍ବାଦଶ ଶ୍ରେଣୀର ଶ୍ରେୟା ଶ୍ରୀପଦା ୯୭ ପ୍ରତିଶତ ନମ୍ବର ରଖିଛନ୍ତି।

ମୁଖ୍ୟମନ୍ତ୍ରୀ ସେମାନଙ୍କୁ ଅଭିନନ୍ଦନ ଜଣାଇଥିଲେ ଏବଂ ସେମାନଙ୍କର ଭବିଷ୍ୟତର ଲକ୍ଷ୍ୟ ସଂପର୍କରେ ପଚାରି ବୁଝିଥିଲେ। ଶ୍ରେୟା ପଟ୍ଟନାୟକ ଭବିଷ୍ୟତରେ ଜଣେ ଡାକ୍ତର ହେବାକୁ ଇଚ୍ଛା ରଖିଥିବା ବେଳେ, ସ୍ବୟଂଶ୍ରୀ ଜଣେ ବୈଜ୍ଞାନିକ ହେବାକୁ ଚାହାଁନ୍ତି ବୋଲି କହିଥିଲେ। ସେହିପରି ଦ୍ବାଦଶ ଶ୍ରେଣୀର ଶ୍ରେୟା ଶ୍ରୀପଦା ଜଣେ ଚାଟାର୍ଡ ଆକାଉଣ୍ଟାଣ୍ଟ ହେବାକୁ ଚାହାଁନ୍ତି ବୋଲି କହିଥିଲେ। ମୁଖ୍ୟମନ୍ତ୍ରୀ ସମସ୍ତଙ୍କ ଉଜ୍ଜଳ ଭବିଷ୍ୟତ ପାଇଁ ଶୁଭକାମନା ଜଣାଇଥିଲେ।ସ୍କୁଲର ପ୍ରିନସିପାଲ ଓ ଭାଇସ ପ୍ରିନସିପାଲ ମଧ୍ୟ ପିଲାମାନଙ୍କ ସହିତ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ।

Categories
cbse10th CBSE12th ICSE10th ICSE12th ବିଶେଷ ଖବର

ଅଫଲାଇନରେ ହେବ ସିବିଏସଇ-ଆଇସିଏସଇ ଦଶମ ଏବଂ ଦ୍ୱାଦଶ ବୋର୍ଡ ପରୀକ୍ଷା: ସୁପ୍ରିମକୋର୍ଟ

ନୂଆଦିଲ୍ଲୀ: ସିବିଏସଇ-ଆଇସିଏସଇ ଏବଂ ରାଜ୍ୟ ବୋର୍ଡର ଦଶମ ଏବଂ ଦ୍ୱାଦଶ ପରୀକ୍ଷା ଅଫଲାଇନରେ ହେବ। ଏହି ପରିକ୍ଷାକୁ ଅନଲାଇନରେ କରିବା ପାଇଁ ହୋଇଥିବା ଆବେଦନ ଉପରେ ସୁପ୍ରିମକୋର୍ଟ ଏହି ଆବେଦନକୁ ଖାରଜ କରିଦେଇଛନ୍ତି। ଅନୁଷ୍ଠାନଗୁଡ଼ିକ ସେମାନଙ୍କ କାର୍ଯ୍ୟ କରୁଛନ୍ତି ବୋଲି କୋର୍ଟ କହିଛନ୍ତି। ଏପରି ଆବେଦନ ଶୁଣିବାର କୌଣସି କାରଣ ନାହିଁ। ଏହିପରି ଆବେଦନ ପିଲାମାନଙ୍କ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି କରେ। ଆବେଦନକାରୀ କହିଛନ୍ତି ଯେ, କୋଭିଡ କାରଣରୁ ପିଲାମାନେ ଅନଲାଇନରେ ଅଧ୍ୟୟନ କରିଛନ୍ତି। କରୋନାର ବିପଦ ଏପର୍ଯ୍ୟନ୍ତ ଶେଷ ହୋଇନାହିଁ। ପିଲାମାନଙ୍କର ମୂଲ୍ୟାଙ୍କନ କରିବାର ଅନ୍ୟ କିଛି ଉପାୟ ମିଳିବା ଉଚିତ୍।

ଶିଶୁ ଅଧିକାର କର୍ମୀ ଅନୁଭା ଶ୍ରୀବାସ୍ତବ ସାହାଙ୍କ ଦ୍ଵାରା ଦାଖଲ ହୋଇଥିବା ଆବେଦନରେ କୁହାଯାଇଛି ଯେ, ଏପ୍ରିଲ ୨୬ ତାରିଖରୁ ବୋର୍ଡ ପରୀକ୍ଷା ଦେବାକୁ ସିବିଏସ୍ଇ ବିଜ୍ଞପ୍ତି ଜାରି କରିଛି। ଅନ୍ୟ କେତେକ ରାଜ୍ୟ ବୋର୍ଡ ପରୀକ୍ଷାର କାର୍ଯ୍ୟସୂଚୀ ଘୋଷଣା କରିଛନ୍ତି। କିନ୍ତୁ ଅଧିକାଂଶ ଶିକ୍ଷା ବୋର୍ଡ ଏହାକୁ ନେଇ ଆଲୋଚନା କରୁଛନ୍ତି। ପିଲାମାନେ ଏହି ସେଶନରେ ଅନଲାଇନ୍ ଅଧ୍ୟୟନ କରିଛନ୍ତି। ଅନେକ ପିଲାଙ୍କୁ ଏହାର ସୁଯୋଗ ମିଳିନାହିଁ। ବର୍ତ୍ତମାନ ସେମାନଙ୍କର ଅଫଲାଇନ ପରୀକ୍ଷା କରିବା ଠିକ୍ ନୁହେଁ।

ଆବେଦନକାରୀ ଏହା ମଧ୍ୟ କହିଛନ୍ତି ଯେ, କରୋନା ପ୍ରତି ବିପଦ ରହିଆସିଛି। ଏହା ମଧ୍ୟ ପିଲାମାନଙ୍କୁ ଅଧିକ ପ୍ରଭାବିତ କରିପାରେ ବୋଲି କୁହାଯାଉଛି। ଏଭଳି ପରିସ୍ଥିତିରେ ଛାତ୍ରଛାତ୍ରୀମାନଙ୍କୁ ପରୀକ୍ଷାରେ ଉପସ୍ଥିତ ହେବାକୁ କହିବା ସେମାନଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ।

ଏପରି ଅସ୍ୱାଭାବିକ ପରିସ୍ଥିତିରେ ଉପଯୁକ୍ତ ପ୍ରସ୍ତୁତି ବିନା ପରୀକ୍ଷା କରିବା ଟେନସନକୁ ବଢାଇବ। ଏହା ମାନସିକ ସ୍ୱାସ୍ଥ୍ୟ ପାଇଁ ମଧ୍ୟ ଭଲ ନୁହେଁ। କମିଟି ଗଠନ କରି ପିଲାମାନଙ୍କର ମୂଲ୍ୟାଙ୍କନ କରିବାର ବିକଳ୍ପ ପଦ୍ଧତି ଆଣିବାକୁ କୋର୍ଟ ସିବିଏସ୍ଇ, ଆଇସିଏସ୍ଇ, ଏନ୍ଆଇଏସ୍ ଏବଂ ରାଜ୍ୟ ଶିକ୍ଷା ବୋର୍ଡକୁ ଅନୁରୋଧ କରିବା ଉଚିତ ବୋଲି ଆବେଦନରେ ଦାବି କରାଯାଇଥିଲା। ଯେଉଁ ଛାତ୍ରଛାତ୍ରୀମାନେ ଏପରି ମୂଲ୍ୟାଙ୍କନ ଦ୍ୱାରା ମିଳିଥିବା ମାର୍କରେ ସନ୍ତୁଷ୍ଟ ନୁହଁନ୍ତି, ସେମାନଙ୍କୁ ଅଲଗା ପରୀକ୍ଷା ଦେବାକୁ ସୁଯୋଗ ମିଳୁ।

ଆଜି ଜଷ୍ଟିସ ଏମ ଖାନୱିଲକର, ଦୀନେଶ ମାହେଶ୍ୱରୀ ଏବଂ ସିଟି ରବିକୁମାରଙ୍କ ବେଞ୍ଚରେ ଏହି ମାମଲା ଶୁଣାଣି ହୋଇଥିଲା। ଶୁଣାଣି ଆରମ୍ଭରେ ବେଞ୍ଚ ଆବେଦନକାରୀଙ୍କ ପରାମର୍ଶଦାତା ପ୍ରଶାନ୍ତ ପଦ୍ମନାଭନଙ୍କୁ ପଚାରିଥିଲେ, “ଏହା କି ପ୍ରକାର ଆବେଦନ? ସମସ୍ତ ଅନୁଷ୍ଠାନ ସେମାନଙ୍କର କାର୍ଯ୍ୟ କରୁଛନ୍ତି? ପରିସ୍ଥିତି ବିଷୟରେ ସେମାନେ ଅବଗତ ଅଛନ୍ତି। ସେ ଉପଯୁକ୍ତ ନିଷ୍ପତ୍ତି ନେବେ। ଆପଣ କହୁଛନ୍ତି ଯେ, ସଂସ୍ଥାଗୁଡ଼ିକୁ ସେମାନଙ୍କର କାର୍ଯ୍ୟ କରିବାକୁ ଦିଆନଯାଉ।”

ଓକିଲ କହିଛନ୍ତି ଯେ, ଗତ ବର୍ଷ ଉକ୍ତ ଆବେଦନକାରୀଙ୍କୁ କୋର୍ଟ ଆଶ୍ଵସ୍ତି ପ୍ରଦାନ କରିଥିଲେ। ଏହା ଉପରେ ଜଷ୍ଟିସ୍ ଖାନୱିଲକର କହିଛନ୍ତି ଯେ, “ସେତେବେଳେ ପରିସ୍ଥିତି ଆଧାରରେ ଗତ ବର୍ଷର ଆଦେଶ ଦିଆଯାଇଥିଲା। ଏଥର ପରିସ୍ଥିତି ଆହୁରି ବିଗିଡିଯିବ ବୋଲି ଆବେଦନକାରୀ ନିଜେ ଅନୁମାନ କରିଛନ୍ତି। କିଛି ଦିନ ହେବ ଗଣମାଧ୍ୟମରେ ଏହି ଆବେଦନକୁ ନେଇ ବହୁତ ଚର୍ଚ୍ଚା ହେଉଛି। ପିଲାମାନଙ୍କ ମଧ୍ୟରେ ଏହା ଦ୍ୱନ୍ଦ୍ୱ ସୃଷ୍ଟି କରିବା ପାଇଁ ଆପଣଙ୍କ ଉପରେ କ୍ଷତିପୂରଣ ଲଗାଯିବା ଉଚିତ୍। କିନ୍ତୁ ଆମେ ଏଥର ତାହା କରୁନାହୁଁ।

Categories
CBSE10TH CBSE12th ICSE10th ICSE12th ଆଜିର ଖବର ଜାତୀୟ ଖବର

ସିବିଏସଇ ଦଶମ ଏବଂ ଦ୍ୱାଦଶ ଟର୍ମ ପରୀକ୍ଷାର ଅଫଲାଇନ୍ ମୋଡ୍ କୁ ବିରୋଧ: ସୁପ୍ରିମକୋର୍ଟ ଗଲେ ପରୀକ୍ଷାର୍ଥୀ

ନୂଆଦିଲ୍ଲୀ: ସିବିଏସ୍ଇ ଏବଂ ଆଇସିଏସ୍ଇ ଦଶମ ଏବଂ ଦ୍ୱାଦଶ ଟର୍ମ ପରୀକ୍ଷାରେ କେବଳ ଅଫଲାଇନ୍ ମୋଡ୍ କୁ ବିରୋଧ କରି ଛାତ୍ରଛାତ୍ରୀମାନେ ସୁପ୍ରିମକୋର୍ଟରେ ଆବେଦନ କରିଛନ୍ତି। ଛାତ୍ରଛାତ୍ରୀମାନେ ଏକ ଆବେଦନ କରି ଅନଲାଇନ୍ ପରୀକ୍ଷା କରିବାର ବିକଳ୍ପ ମଧ୍ୟ ଖୋଜିଛନ୍ତି। ଦଶମ ଏବଂ ଦ୍ୱାଦଶ ଶ୍ରେଣୀର ୬ ଜଣ ଛାତ୍ର ଏହି ଆବେଦନ କରିଛନ୍ତି ଏବଂ ହାଇବ୍ରିଡ୍ ଢଙ୍ଗରେ ପରୀକ୍ଷା କରିବା ପାଇଁ ତୁରନ୍ତ ନିର୍ଦ୍ଦେଶ ଲୋଡିଛନ୍ତି। ସିବିଏସ୍ଇ ପରୀକ୍ଷା ନଭେମ୍ବର ୧୬ ତାରିଖରୁ ଆରମ୍ଭ ହୋଇଥିବାବେଳେ ଆଇସିଏସ୍ଇ ପରୀକ୍ଷା ନଭେମ୍ବର ୨୨ ତାରିଖରୁ ଆରମ୍ଭ ହେବ।

ଅଫଲାଇନରେ ପରୀକ୍ଷା ହେତୁ କୋଭିଡ-୧୯ ସଂକ୍ରମଣର ଆଶଙ୍କା ଦ୍ରୁତ ଗତିରେ ବୃଦ୍ଧି ପାଇବ ଏବଂ ଏହା ସ୍ୱାସ୍ଥ୍ୟ ଅଧିକାରର ଉଲ୍ଲଂଘନ ବୋଲି ଆବେଦନରେ କୁହାଯାଇଛି। ବିନା ବିକଳ୍ପରେ ସହମତି ପାଇବା ମନମୁଖୀ ଏବଂ ବେଆଇନ୍ ଅଟେ। ହାଇବ୍ରିଡ୍ ମୋଡ୍ ହେଉଛି ଘଣ୍ଟାର ଆବଶ୍ୟକତା। ସାମାଜିକ ଦୂରତାକୁ ଉନ୍ନତ କରିଥାଏ ଏବଂ ଲଜିଷ୍ଟିକ୍ ପ୍ରତିବନ୍ଧକ ଉପରେ ଭାର ହ୍ରାସ କରେ।

ଆବେଦନରେ କୁହାଯାଇଛି ଯେ, ଡିସେମ୍ବର ୨୦୨୧ ରେ ପ୍ରମୁଖ ବିଷୟଗୁଡ଼ିକର ପରୀକ୍ଷା ତିନି ସପ୍ତାହ ଚାଲିବ। ଏହା ଆବେଦନକାରୀଙ୍କୁ ସଂକ୍ରମଣର ବିପଦରେ ପକାଇବ। ପରବର୍ତ୍ତୀ ପରୀକ୍ଷା ଉପରେ ଏହାର ପ୍ରଭାବକୁ ନେଇ ବହୁତ ଆଶଙ୍କାରେ ଅଛନ୍ତି। ଡିସେମ୍ବର ୨୦୨୧ରେ ପ୍ରମୁଖ ବିଷୟଗୁଡ଼ିକର ପରୀକ୍ଷା ପୂର୍ବରୁ ନଭେମ୍ବର ୨୦୨୧ରେ ଶାରୀରିକ ମୋଡରେ ଅନ୍ୟ ବିଷୟଗୁଡ଼ିକର ପରୀକ୍ଷା ଅଛି। ଅନେକ ଛାତ୍ର ରିପୋର୍ଟ କରିଛନ୍ତି ଯେ, ଭୁଲ ଉପସ୍ଥାପନା ଏବଂ ବାଧ୍ୟବାଧକତାକୁ ନେଇ ସହମତି ହାସିଲ କରାଯାଉଛି।

Categories
CBSE10TH CBSE12th ଜାତୀୟ ଖବର ବିଶେଷ ଖବର ରାଜ୍ୟ ଖବର

ଦୁଇଟି ଭାଗରେ ହେବ ସିବିଏସଇର ଦଶମ ଏବଂ ଦ୍ଵାଦଶ ଶ୍ରେଣୀ ପରୀକ୍ଷା, ଏହି ଦିନ ଜାରି ହେବ ଡେଟ୍ ସିଟ୍

ନୂଆଦିଲ୍ଲୀ: ଦଶମ ଏବଂ ଦ୍ୱାଦଶ ଶ୍ରେଣୀର ପ୍ରଥମ ପର୍ଯ୍ୟାୟ ବୋର୍ଡ ପରୀକ୍ଷା ଅଫଲାଇନରେ କରାଯିବ। କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ଅଧୀନରେ 2021-2022 ଅଧିବେଶନରେ ଦଶମ ଏବଂ ଦ୍ଵାଦଶ ଶ୍ରେଣୀ ପାଇଁ ଦୁଇଟି ପରୀକ୍ଷା କରାଯିବ। ଅକ୍ଟୋବର 18 ତାରିଖରେ ପରୀକ୍ଷା ତାରିଖ ଘୋଷଣା କରାଯିବ। କୋଭିଡ -19 ଆରମ୍ଭ ହେତୁ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡର ଦଶମ ଏବଂ ଦ୍ୱାଦଶ ବୋର୍ଡ ପରୀକ୍ଷା ପାଇଁ ଏକ ନୂତନ ଆସେସମେଣ୍ଟ ଯୋଜନା ଗ୍ରହଣ କରିବାକୁ ପଡିବ ଏବଂ ନୂତନ ମୂଲ୍ୟାଙ୍କନ ଯୋଜନାର ଏକ ଅଂଶ ଭାବରେ ଦଶମ ଏବଂ ଦ୍ୱାଦଶ ଶ୍ରେଣୀ ପରୀକ୍ଷା ଏକାଡେମିକ୍ ଅଧିବେଶନକୁ ପ୍ରତ୍ୟେକ ଭାଗରେ 50% ସିଲାବସ୍ ସହିତ ଦୁଇଟି ଭାଗରେ ବିଭକ୍ତ କରାଯାଇଛି।

ଦ୍ୱାଦଶ ଶ୍ରେଣୀରେ 114 ବିଷୟ ଏବଂ ଦଶମ ଶ୍ରେଣୀରେ 75 ଟି ବିଷୟ ଉପରେ ପରୀକ୍ଷା ଦେବାକୁ ସିବିଏସ୍ଇ ଆୟୋଜନ କରୁଛି। ତେବେ ସିବିଏସ୍ଇକୁ ମୋଟ 189 ଟି ବିଷୟର ପରୀକ୍ଷା କରିବାକୁ ପଡିବ। ଯଦି ସମସ୍ତ ବିଷୟର ପରୀକ୍ଷା କରାଯାଏ, ତେବେ ପରୀକ୍ଷାର ସମ୍ପୂର୍ଣ୍ଣ ଅବଧି ପ୍ରାୟ 40-45 ଦିନ ହେବ। ତେଣୁ, ସିବିଏସଇ ଦ୍ୱାରା ଦିଆଯାଇଥିବା ବିଷୟଗୁଡିକ ଦୁଇଟି ଭାଗରେ ବିଭକ୍ତ, ଯଥା ମୁଖ୍ୟ ବିଷୟ ଏବଂ ଛୋଟ ବିଷୟ। ସିବିଏସ୍ଇ ଦ୍ୱାରା ଗୋଟିଏ ଦିନରେ ଗୋଟିଏରୁ ଅଧିକ ପେପର ପରିଚାଳିତ ହେବ |

ସିବିଏସ୍ଇ କହିଛି, 2021-22 ଶିକ୍ଷାବର୍ଷ ପାଇଁ ସିଲାବସ୍ ବିଷୟ ବିଶେଷଜ୍ଞଙ୍କ ମାଧ୍ୟମରେ ଧାରଣା ଏବଂ ବିଷୟଗୁଡ଼ିକର ପାରସ୍ପରିକ ସମ୍ପର୍କକୁ ଧ୍ୟାନରେ ରଖି ବ୍ୟବସ୍ଥିତ ପଦ୍ଧତି ପରେ ଦୁଇଟି ଟର୍ମରେ ବିଭକ୍ତ ହେବ। ଆସନ୍ତା ମାସରେ ଟର୍ମ 1 ବୋର୍ଡ ପରୀକ୍ଷାରେ ଉପସ୍ଥିତ ହେବାକୁ ଯାଉଥିବା ଛାତ୍ରଛାତ୍ରୀମାନଙ୍କ ପାଇଁ ଆମେ ଏଠାରେ କିଛି ଅଦ୍ୟତନ ଦେଉଛୁ।

ଫ୍ଲେକ୍ସିବଲ୍ ସିଡ୍ୟୁଲ୍ CBSE ଟର୍ମ 1 ପରୀକ୍ଷା ନଭେମ୍ବର ମାସରୁ 4-8 ସପ୍ତାହର ଏକ ନମନୀୟ କାର୍ଯ୍ୟସୂଚୀରେ କରାଯିବ। ଅକ୍ଟୋବର 18 ତାରିଖରେ ଏହା ଘୋଷଣା କରାଯିବ। ଟର୍ମ 1 ପରୀକ୍ଷାରେ MCQ ପ୍ରକାରର ପ୍ରଶ୍ନ ପଚରାଯିବ ଏବଂ ସମଗ୍ର ସିଲାବସ୍ ର ମାତ୍ର 50 ପ୍ରତିଶତ କଭର୍ ହେବ। ରିଜୋନିଂ ଟାଇପ MCQ ପ୍ରଶ୍ନଗୁଡିକ ମଧ୍ୟ ପଚରାଯାଇପାରେ। ଏହାର ସମୟ ଅବଧି – ଟର୍ମ 1 ପରୀକ୍ଷା 90 ମିନିଟ୍ (1 ଘଣ୍ଟା, 30 ମିନିଟ୍) ହେବ।

ସାମ୍ପୁଲ ପେପର:

ସିବିଏସଇ ଶ୍ରେଣୀ ଦଶମ ଏବଂ ଦ୍ୱାଦଶ ବୋର୍ଡ ପରୀକ୍ଷା 2022 ପାଇଁ ସାମ୍ପୁଲ ପେପରଜ ସିବିଏସଇ ଦ୍ୱାରା ପ୍ରକାଶ ପାଇଛି। ଟର୍ମ -1 ପାଇଁ ସାମ୍ପୁଲ ପେପର ଅଫିସିଆଲ୍ ୱେବସାଇଟ୍ cbse.nic.in ରେ ଉପଲବ୍ଧ।

ସାମ୍ପୁଲ ପେପର କିପରି ଡାଉନଲୋଡ୍ କରିବେ?:

– ପ୍ରଥମେ ଅଫିସିଆଲ୍ ୱେବସାଇଟ୍ cbse.nic.in କୁ ଲଗ୍ଇନ୍ କରନ୍ତୁ।
– ‘ଏକାଡେମିକ୍ ପୋର୍ଟାଲ୍’ ଉପରେ କ୍ଲିକ୍ କରନ୍ତୁ।
– ସାମ୍ପୁଲ ପେପର ଲିଙ୍କରେ କ୍ଲିକ୍ କରନ୍ତୁ।
– ଏହାପରେ ସାମ୍ପୁଲ ପେପର ଡାଉନଲୋଡ୍ କରନ୍ତୁ।

Categories
ଆଜିର ଖବର ଜାତୀୟ ଖବର

ସିବିଏସଇ ପରୀକ୍ଷା ପାସ କରିଥିବା ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା

ନୂଆଦିଲ୍ଲୀ, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସଫଳତାର ସହ ସିବିଏସଇ ପରୀକ୍ଷା ପାସ୍ କରିଥିବା ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି । ଛାତ୍ରଛାତ୍ରୀଙ୍କ ଉଜ୍ୱଳ ଭବିଷ୍ୟତ ପାଇଁ ମଧ୍ୟ ସେ ଶୁଭକାମନା ଜଣାଇଛନ୍ତି ।

ଏକ ଟ୍ୱିଟରେ ପ୍ରଧାନମନ୍ତ୍ରୀ କହିଛନ୍ତି;

“ସଫଳତାର ସହ ସିବିଏସଇ ଦଶମ ଶ୍ରେଣୀ ପରୀକ୍ଷା ପାସ୍ କରିଥିବା ଯୁବ ବନ୍ଧୁମାନଙ୍କୁ ଅଭିନନ୍ଦନ । ଛାତ୍ରଛାତ୍ରୀଙ୍କ ଉଜ୍ୱଳ ଭବିଷ୍ୟତ ପାଇଁ ମୋର ଶୁଭେଚ୍ଛା ।”

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ପ୍ରକାଶ ପାଇଲା ସିବିଏସଇ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପରୀକ୍ଷା ଫଳ: ପାସ୍ ହାର ରହିଛି ୯୯.୩୭ ପ୍ରତିଶତ

ନୂଆଦିଲ୍ଲୀ: ଆଜି ଲକ୍ଷ ଲକ୍ଷ ସିବିଏସଇ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ଅପେକ୍ଷାର ଅନ୍ତ ଘଟିଛି। ଆଜି ଦ୍ଵାଦଶ ପରୀକ୍ଷା ଫଳାଫଳ ପ୍ରକାଶ ପାଇଛି। ସିବିଏସଇ ବୋର୍ଡ ଅଫିସିଆଲ୍ ୱେବସାଇଟରେ ଫଳାଫଳ ଲିଙ୍କକୁ ସକ୍ରିୟ କରିଛି। ଏହି ବର୍ଷ ୯୯.୩୭% ଛାତ୍ରଛାତ୍ରୀ ଦ୍ୱାଦଶରେ ପାସ୍ କରିଛନ୍ତି। ସିବିଏସ୍ଇ ବୋର୍ଡ ଦ୍ୱାଦଶ ଫଳାଫଳ ଚଳିତ ବର୍ଷ ଛାତ୍ରୀମାନଙ୍କ ପାସ୍ ହାର ୯୯.୬୭ ପ୍ରତିଶତ ଥିବା ବେଳେ ଛାତ୍ରମାନଙ୍କ ପାସ୍ ହାର ୯୯.୧୩ ପ୍ରତିଶତ ଅଟେ। ଏହି ବର୍ଷ ଦିଲ୍ଲୀ ଅଞ୍ଚଳରେ ୯୯.୮୪ ପ୍ରତିଶତ ଛାତ୍ରଛାତ୍ରୀ ପାସ୍ କରିଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆଜି ଅପରାହ୍ନ ୨ ଟାରେ ପ୍ରକାଶ ପାଇବ ସିବିଏସଇ ଦ୍ୱାଦଶ ପରୀକ୍ଷା ଫଳାଫଳ: ଏହି ୱେବସାଇଟ୍ ରେ ହେବ ସିଧା ପ୍ରସାରଣ

ନୂଆଦିଲ୍ଲୀ: ଆଜି ଅପରାହ୍ନ ୨ ଟାରେ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ସିବିଏସଇ ଦ୍ୱାଦଶ ପରୀକ୍ଷା ଫଳାଫଳ ପ୍ରକାଶ କରିବାକୁ ଯାଉଛି। ବୋର୍ଡ ଅଧିକାରୀ ଏନେଇ ସୂଚନା ଦେଇଛନ୍ତି। ପରୀକ୍ଷା ଫଳ ଘୋଷଣା ହେବା ପରେ ଅଫିସିଆଲ୍ ୱେବସାଇଟ୍ cbseresults.nic.in ରେ ସିଧା ପ୍ରସାରଣ କରାଯିବ।

କରୋନା ବିପଦକୁ ଦୃଷ୍ଟିରେ ରଖି ବୋର୍ଡ ଚଳିତ ବର୍ଷ ପରୀକ୍ଷାକୁ ବାତିଲ କରିଦେଇଥିଲା ଏବଂ ପୂର୍ବ ପରୀକ୍ଷାର ଫଳାଫଳ ଆଧାରରେ ମୂଲ୍ୟାୟନ କରାଯାଇଛି। ଦ୍ୱାଦଶ ଫଳାଫଳ ପ୍ରକାଶ କରିବାର ଶେଷ ତାରିଖ ଭାବରେ ସୁପ୍ରିମକୋର୍ଟ ଜୁଲାଇ ୩୧ ସ୍ଥିର କରିଥିଲେ। ବୋର୍ଡ ବର୍ତ୍ତମାନ ଦ୍ୱାଦଶ ଫଳାଫଳ ପ୍ରଥମେ ପ୍ରକାଶ କରୁଛି ଏବଂ ଦଶମ ଫଳାଫଳ ପରେ ପ୍ରକାଶ କରିବ।

ଛାତ୍ରଛାତ୍ରୀମାନେ ଡିଜିଲୋକର୍, UMANG ଆପ୍ ଏବଂ ଅନ୍ୟାନ୍ୟ ପ୍ଲାଟଫର୍ମରେ ସେମାନଙ୍କର ଫଳାଫଳ ଯାଞ୍ଚ କରିପାରିବେ।

Categories
ଆଜିର ଖବର ଜାତୀୟ ଖବର

ସିବିଏସଇ ପରୀକ୍ଷା ବାତିଲ: ଫି’ ଫେରାଇବା ପାଇଁ ଦିଲ୍ଲୀ ଉଚ୍ଚ ନ୍ୟାୟଳୟରେ ଦ୍ଵାରସ୍ଥ ହେଲେ ସାମାଜିକ କାର୍ଯ୍ୟକର୍ତ୍ତା

ନୂଆଦିଲ୍ଲୀ: ଦିଲ୍ଲୀ ଉଚ୍ଚ ନ୍ୟାୟଳୟରେ ଏକ ଜନହିତ ମାମଲା ଦାୟର କରଯାଇଛି। ଯେଉଁଥିରେ କେନ୍ଦ୍ର ମାଧ୍ୟମିକ ଶିକ୍ଷା ବୋର୍ଡ ଏବଂ ଅନ୍ୟ ବୋର୍ଡରେ ଦଶମ ଏବଂ ଦ୍ୱ୍ବାଦଶ ପରୀକ୍ଷା ଶୁଳ୍କ ଫେରାଇବା ଆଦେଶ ପାଇଁ ଆବେଦନ କରାଯାଇଛି। କରୋନା ଯୋଗୁଁ ଦଶମ ଏବଂ ଦ୍ଵାଦଶ ପରୀକ୍ଷାକୁ ବାତିଲ କରାଯାଇଥିଲା। ଛାତ୍ରଛାତ୍ରୀଙ୍କ ଠାରୁ ଆଦାୟ ହୋଇଥିବା ପରୀକ୍ଷା ଫି’ କୁ ଫେରାଇଦେବାପାଇଁ ଉଚ୍ଚ ନ୍ୟାୟଳୟରେ ଆବେଦନ କରାଯାଇଛି।

ଦିଲ୍ଲୀ ଉଚ୍ଚ ନ୍ୟାୟଳୟରେ ଏଭଳି ଆବେଦନ ଦୀପା ଜୋସେଫ ନାମକ ଜଣେ ଓକିଲ କରିଛନ୍ତି। ଦୀପା ଜଣେ ସାମାଜିକ କାର୍ଯ୍ୟକର୍ତ୍ତା ହେବା ସହ ତାଙ୍କର ଜଣେ ପିଲା ସିବିଏସଇର ଏକ ସ୍କୁଲରେ ଦଶମ ଶ୍ରେଣୀରେ ପାଠ ପଢୁଥିଲେ। ସେ କହିଛନ୍ତି ଯେ, ପରୀକ୍ଷା ବାତିଲ ହେବା ପରେ ପରୀକ୍ଷା ବାବଦକୁ ଆଦାୟ କରାଯାଇଥିବା ଫି’ କୁ ରଖିବା ଅନୁଚିତ। ପରୀକ୍ଷା ଫି’ ରୂପେ ସିବିଏସଇକୁ କୋଟି କୋଟି ଟଙ୍କା ମିଳିଛି ବୋଲି ଦୀପା କହିଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

 ସିବିଏସଇ ପରେ ଆଇସିଏସଇ ମଧ୍ୟ କହିଲା: ଜୁଲାଇ ୩୧ ସୁଦ୍ଧା ଘୋଷଣା ହେବ ଦ୍ଵାଦଶ ପରୀକ୍ଷା ଫଳ

ନୂଆଦିଲ୍ଲୀ: ସୁପ୍ରିମକୋର୍ଟଙ୍କୁ ସିବିଏସଇ ବୋର୍ଡ ଅବଗତ କରାଇବା ପରେ କାଉନ୍ସିଲ ଫର ଦ ଇଣ୍ଡିଆନ ସ୍କୁଲ ସାର୍ଟିଫିକେଟ ଏକ୍ଜାମିନେସନ ମଧ୍ୟ ଦ୍ଵାଦଶ ପରୀକ୍ଷା ଫଳ ନେଇ ଘୋଷଣା କରିଛି। ଜୁଲାଇ ୩୧ ତାରିଖ ସୁଦ୍ଧା ଦ୍ଵାଦଶ ପରୀକ୍ଷା ଫଳ ପ୍ରକାଶ ହେବ ବୋଲି ସିଆଇଏସସିଇ ଘୋଷଣା କରିଛି। ଦ୍ଵାଦଶ ପରୀକ୍ଷା ଫଳ ଜୁଲାଇ ୨୦ ତାରିଖ ବଦଳରେ ଜୁଲାଇ ୩୧ ତାରିଖ ପୂର୍ବରୁ ଘୋଷଣା ହେବ ବୋଲି ଆଇସିଏସଇ ଘୋଷଣା କରିଛି। ଦ୍ଵାଦଶ ପରୀକ୍ଷା ଫଳ ସହ ଏକାଦଶର ଇଣ୍ଟରନାଲ ମାର୍କ୍ସ ଆଧାରରେ ଏହି ପରୀକ୍ଷା ଫଳ ନିର୍ଣ୍ଣୟ କରାଯିବ।

ଉଲ୍ଲେଖ ଯୋଗ୍ୟ ଯେ, ଆଜି ସୁପ୍ରିମକୋର୍ଟଙ୍କୁ ସିବିଏସଇ ବୋର୍ଡ ଦ୍ଵାଦଶ ପରୀକ୍ଷା ଫଳ ଜୁଲାଇ ୩୧ ତାରିଖ ସୁଦ୍ଧା ପ୍ରକାଶ ପାଇବ ବୋଲି ଅବଗତ କରିଥିଲା। ଏନେଇ ସୁପ୍ରିମକୋର୍ଟଙ୍କ ସମ୍ମୁଖରେ ବୋର୍ଡ ଏକ ଫର୍ମୁଲା ଉପସ୍ଥାପନ କରିଛି। ଦଶମ ଏବଂ ଏକାଦଶ ପରୀକ୍ଷା ଆଧାରରେ ପରୀକ୍ଷା ଫଳ ପ୍ରକାଶ ହେବ। ମୂଲ୍ୟାୟନ ସମୟରେ ଦଶମ ଏବଂ ଏକାଦଶ ପରୀକ୍ଷା ଫଳର ୩୦ ପ୍ରତିଶତ ନମ୍ବରକୁ ବିଚାର କରାଯିବାକୁ ଥିବା ବେଳେ ଦ୍ଵାଦଶର ପ୍ରି-ବୋର୍ଡ ପରୀକ୍ଷାର ୪୦ ପ୍ରତିଶତ ନମ୍ବରକୁ ବିଚାରକୁ ନିଆଯିବ। ଏନେଇ ସୁପ୍ରିମକୋର୍ଟଙ୍କୁ ସିବିଏସଇ ବୋର୍ଡ ଅବଗତ କରାଇଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବଡ ଘୋଷଣା: ବାତିଲ ହେଲା ସିବିଏସଇ ଦ୍ଵାଦଶ ପରୀକ୍ଷା

ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। ସିବିଏସଇ ଦ୍ଵାଦଶ ବୋର୍ଡ ପରୀକ୍ଷାକୁ ନେଇ ବୈଠକରେ ଆଲୋଚନା ହୋଇଥିଲା। କରୋନା ସଂକ୍ରମଣକୁ ଦେଖି ଦ୍ଵାଦଶ ପରୀକ୍ଷାକୁ ରଦ୍ଦ କରିବା ପାଇଁ ଏହି ବୈଠକରେ ନିଷ୍ପତ୍ତି ହୋଇଛି। ଏହା ପୂର୍ବରୁ ଦଶମ ବୋର୍ଡ ପରୀକ୍ଷାକୁ ମଧ୍ୟ କେନ୍ଦ୍ର ସରକାର ବାତିଲ କରିଥିଲା।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଜୁନ ତୃତୀୟ ସପ୍ତାହ ସୁଦ୍ଧା ଘୋଷଣା ହେବ ସିବିଏସଇ ଦଶମ ପରୀକ୍ଷା ଫଳାଫଳ: ଜାରି ହେଲା ଗାଇଡଲାଇନ

ନୂଆଦିଲ୍ଲୀ/ଭୁବନେଶ୍ବର: ଜୁନ ତୃତୀୟ ସପ୍ତାହ ସୁଦ୍ଧା ଘୋଷଣା ହେବ ସିବିଏସଇ ଦଶମ ପରୀକ୍ଷା ଫଳାଫଳ। ଏନେଇ ସିବିଏସଇ ପକ୍ଷରୁ ଏକ ଗାଇଡ ଲାଇନ ଜାରି କରାଯାଇଛି।

ତେବେ ଏହି ଗାଇଡ ଲାଇନ ଅନୁଯାୟୀ, ସବୁ ସ୍କୁଲରେ ୮ ଜଣିଆ ରେଜଲ୍ଟ କମିଟି ଗଠନ ହେବ। ସ୍କୁଲ ପ୍ରିନ୍ସିପାଲ ଓ ଅନ୍ୟ ୭ ଜଣ ଶିକ୍ଷକଙ୍କୁ ନେଇ ଏହି କମିଟି ଗଠନ ପାଇଁ ନିର୍ଦ୍ଦେଶ ହୋଇଛି। ସେହି ୭ ଜଣଙ୍କ ମଧ୍ୟରୁ ନିଜ ସ୍କୁଲର ୫ ଜଣ ଶିକ୍ଷକ ଏବଂ ପାଖ ସ୍କୁଲର ୨ ଜଣ ଏହି କମିଟିରେ ରହିବେ। ବର୍ଷ ସାରା ପରୀକ୍ଷାକୁ ଦେଖି ୮୦ ମାର୍କର ମୂଲ୍ୟାୟନ କରିବାକୁ ନିର୍ଦ୍ଦେଶ ହୋଇଛି। ବାକି ୨୦ ମାର୍କର ମୂଲ୍ୟାୟନ ଇଣ୍ଟରନାଲ ପରୀକ୍ଷାରୁ ହେବ।

ଜୁନ ୫ ସୁଦ୍ଧା ସିବିଏସଇକୁ ୮୦ ମାର୍କର ମୂଲ୍ୟାୟନ ତାଲିକା ପଠାଯିବ। ମୂଲ୍ୟାୟନ ବେଳେ ସ୍କୁଲର ପୂର୍ବ ୩ ବର୍ଷର ଫଳାଫଳକୁ ବିଚାରକୁ ନିଆଯିବ। ଜୁନ ୧୧ ସୁଦ୍ଧା ଇଣ୍ଟରନାଲ ୨୦ ମାର୍କର ମୂଲ୍ୟାୟନ ତାଲିକା ପଠାଯିବ।

Categories
ଜାତୀୟ ଖବର ବିଶେଷ ଖବର

CBSE 12th ପରୀକ୍ଷା ସ୍ଥଗିତ ଉପରେ ଏକ ବଡ ପଦକ୍ଷେପ ନେଲା କେରଳର ସ୍କୁଲ ପରିଚାଳନା ସଂଘ

ନୂଆଦିଲ୍ଲୀ, ସାରା ଦେଶରେ କରୋନା ଆକ୍ରାନ୍ତଙ୍କ ବୃଦ୍ଧି ଯୋଗୁଁ ସିବିଏସ୍ଇ 12 ବୋର୍ଡ ପରୀକ୍ଷାକୁ କେନ୍ଦ୍ର ସରକାର ସ୍ଥଗିତ ରଖିଛନ୍ତି। ତେବେ ଏହାକୁ ନେଇ କେରଳ ସିବିଏସ୍ଇ ସ୍କୁଲ୍ ମ୍ୟାନେଜମେଣ୍ଟ ଆସୋସିଏସନ୍ ତରଫରୁ ଏକ ବଡ ପଦକ୍ଷେପ ନିଆଯାଇଛି। ସଂଘ କେନ୍ଦ୍ର ଶିକ୍ଷା ମନ୍ତ୍ରୀଙ୍କୁ ଏକ ଚିଠି ଲେଖିଛନ୍ତି। ଏଥିରେ CBSE 12th ଛାତ୍ରଛାତ୍ରୀଙ୍କ ପାଇଁ ବଡ ଚିନ୍ତାର ବିଷୟ ପାଲଟିଥିବା ସମସ୍ୟାକୁ କେନ୍ଦ୍ର ସରକାର ସମାଧାନ କରନ୍ତୁ ବୋଲି ନିବେଦନ କରାଯାଇଛି।

ଆସୋସିଏସନ କେନ୍ଦ୍ର ଶିକ୍ଷା ମନ୍ତ୍ରୀଙ୍କୁ ଲେଖିଥିବା ଚିଠିରେ ଉଲ୍ଲେଖ କରିଛନ୍ତି ଯେ ସିବିଏସ୍ଇ କ୍ଲାସ୍ 12 ବୋର୍ଡ ପରୀକ୍ଷା 2021 ଫଳାଫଳ ଘୋଷଣା ନହେବା ପର୍ଯ୍ୟନ୍ତ ଡିଗ୍ରୀ ଏବଂ ବିଭିନ୍ନ ବୃତ୍ତିଗତ ପାଠ୍ୟକ୍ରମରେ ଆଡମିଶନ ସ୍ଥଗିତ ରଖାଯାଉ। ଏ ଦିଗରେ ଶିକ୍ଷା ମନ୍ତ୍ରଣାଳୟ ପଦକ୍ଷେପ ନେବାକୁ ପଡିବ ବୋଲି ସଂଘ ନିବେଦନ କରିଛି।

ଏହି ଚିଠିରେ  ଦର୍ଶାଯାଇଛି ଯେ କେରଳ ରାଜ୍ୟ ବୋର୍ଡର ଦ୍ୱାଦଶ ଶ୍ରେଣୀ ପରୀକ୍ଷା ଶୀଘ୍ର ଶେଷ ହେବ ଏବଂ ଫଳ ମଧ୍ୟ ପ୍ରକାଶିତ ହେବ। ଏହାପରେ ସେମାନଙ୍କର ଡିଗ୍ରୀ କଲେଜରେ ନାମଲେଖା ମଧ୍ୟ ଆରମ୍ଭ ହୋଇଯିବ। ଏହାଦ୍ବାରା ସିବିଏସ୍ଇ କ୍ଲାସ୍ 12 ଛାତ୍ରଛାତ୍ରୀଙ୍କ ଚିନ୍ତା ବୃଦ୍ଧି ପାଇବ। କାରଣ ସେମାନଙ୍କର ଫଳ ବାହାରି ନ ଥିବାରୁ ସେମାନେ କୌଣସି ଡିଗ୍ରୀ କଲେଜରେ ନାମ ଲେଖାଇ ପାରିବେ ନାହିଁ।

ଇତି ମଧ୍ୟରେ ବିଭିନ୍ନ ରାଜ୍ୟ ସରକାରମାନେ ବରିଷ୍ଠ ଶିକ୍ଷାବିତଙ୍କ ସହିତ ପରାମର୍ଶ କରି ଦ୍ୱାଦଶ ଶ୍ରେଣୀର ଫଳାଫଳ ପ୍ରକାଶ କରିବାକୁ ଚିନ୍ତା କରୁଛନ୍ତି। ଏହା ପ୍ରକାଶ ପାଇବା ପରେ ଡିଗ୍ରୀ ପାଠ୍ୟକ୍ରମରେ ଆଡମିଶନ ଆରମ୍ଭ ହେବ। ଏଥିରେ CBSE 12th ପାଶ୍ ଛାତ୍ରଛାତ୍ରୀ ଭାଗ ନେଇପାରିବେ ନାହିଁ।

ସିବିଏସଇ ଛାତ୍ରଛାତ୍ରୀମାନଙ୍କ ପ୍ରତି ଏପରି ଅନ୍ୟାୟକୁ ଏଡାଇବା ପାଇଁ ସରକାର ଦୟାକରି ରାଜ୍ୟ ସରକାରଙ୍କୁ ସିବିଏସ୍ଇ ଦ୍ୱାଦଶ ଶ୍ରେଣୀ ଫଳାଫଳ ପ୍ରକାଶ ପାଇବା ପରେ ଆଡମିଶନ ଆରମ୍ଭ କରିବାକୁ ନିର୍ଦ୍ଦେଶ ଦିଅନ୍ତୁ ବୋଲି ନିବେଦନ କରିଛି କେରଳର CBSE ବିଦ୍ୟାଳୟ ପରିଚାଳନା ସଂଘ ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ବାତିଲ ହେଲା ସିବିଏସଇ ଦଶମ ପରୀକ୍ଷା!: ସ୍ଥଗିତ ହେଲା ଦ୍ଵାଦଶ ପରୀକ୍ଷା

ନୂଆଦିଲ୍ଲୀ: ବାତିଲ ହେଲା ସିବିଏସଇର ଦଶମ ଶ୍ରେଣୀ ବୋର୍ଡ ପରୀକ୍ଷା । ଏହା ସହ ଦ୍ଵାଦଶ ଶ୍ରେଣୀ ବୋର୍ଡ ପରୀକ୍ଷା ସ୍ଥଗିତ ରଖାଗଲା। ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି,ଶିକ୍ଷାମନ୍ତ୍ରୀ ରମେଶ ପୋଖରିଆଲ ସହ ବରିଷ୍ଠ ଅଧିକାରୀଙ୍କ ବୈଠକ ପରେ ଏହି ନିଷ୍ପତି ନିଆଯାଇଛି।

ଦ୍ଵାଦଶ ପରୀକ୍ଷା ପାଇଁ ଆସନ୍ତା ଜୁନ ୧ ତାରିଖରେ ସମୀକ୍ଷା କରାଯିବ। ସେହିଭଳି ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ କେଉଁ ଆଧାରରେ ମାର୍କ ଦିଆଯିବ, ତାହା ବୋର୍ଡ ସ୍ଥିର କରିବ। ମୁଖ୍ୟତଃ ଅବଜେକ୍ଟିଭ ପ୍ରଶ୍ନ ମାଧ୍ୟମରେ ପରୀକ୍ଷା କରି ପାଶ କରାଯିବ। କିନ୍ତୁ ବୋର୍ଡ ଦ୍ଵାରା ଦିଆଯାଇଥିବା ମାର୍କରେ ପିଲା ସନ୍ତୁଷ୍ଟ ନ ହେଲେ ସେମାନେ ପୁଣି ଥରେ ପରୀକ୍ଷା ଦେଇପାରିବେ। ଏନେଇ କେନ୍ଦ୍ର ଶିକ୍ଷାମନ୍ତ୍ରୀ ଟ୍ବିଟ କରି ସୂଚନା ଦେଇଛନ୍ତି।

ତେବେ କରୋନା ସଂକ୍ରମଣକୁ ଦୃଷ୍ଟିରେ ରଖି କେନ୍ଦ୍ର ସରକାର ଏଭଳି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। କିନ୍ତୁ ଏହା ପୂର୍ବରୁ କଂଗ୍ରେସ ନେତା ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଏବଂ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପରୀକ୍ଷାକୁ ସ୍ଥଗିତ କିମ୍ବା ବାତିଲ କରିବା ପାଇଁ ଦାବି କରି ଆସୁଥିଲେ।