Categories
ଆଞ୍ଚଳିକ

ସବୁଜ ଭାରତ ତରଫରୁ ବୃକ୍ଷରୋପଣ

ଭୁବନେଶ୍ୱର: ସ୍ୱେଚ୍ଛାସେବୀ ସଂଗଠନ ସବୁଜ ଭାରତ ତରଫରୁ ଭୁବନେଶ୍ୱରସ୍ଥିତ ୟୁ.ପି.ଏଚ୍‌.ସି. ହସ୍ପିଟାଲଠାରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ହରିଜନ ସେବକ ସଂଘ ରାଜ୍ୟ ସମ୍ପାଦକ ଆର୍ଯ୍ୟଭଟ୍ଟ ମହାନ୍ତି ଯୋଗଦେଇ ବିଭିନ୍ନ ଫୁଲଚାରା ରୋପଣ କରିବା ସହିତ ସବୁଜ ଭାରତର ଏଭଳି ପ୍ରୟାସକୁ ଭୂୟସୀ ପ୍ରଶଂସା କରିଥିଲେ।

ସେ କହିଥିଲେ ଯେ, ମନୁଷ୍ୟ ଓ ବୃକ୍ଷ ଗୋଟିଏ ମୁଦ୍ରାର ଦୁଇପାଶ୍ୱର୍ ଭଳି। ବୃକ୍ଷ ବିନା ମଣିଷ ବଞ୍ôଚବା ଅସମ୍ଭବ। କିନ୍ତୁ ଆଜିର ସମାଜରେଭ ମନୁଷ୍ୟମାନେ ଗଛଟିଏ ଲଗାଇବା ବଦଳରେ ବୃକ୍ଷକୁ ଛେଦନ କରିବାରେ ଲାଗିଛନ୍ତି। ଫଳରେ ପରିବେଶ ପ୍ରଦୂଷଣ ହେବା ସହିତ ଜଳବାୟୁ ପରିବର୍ତ୍ତନରେ ମଧ୍ୟ ଘୋର ସଙ୍କଟ ଦେଖା ଦେଉଛି। ତେଣୁ ବୃକ୍ଷ ଛେଦନ କିରବା ପରିବର୍ତ୍ତେ ପ୍ରତ୍ୟେକ ମଣିଷ ଗୋଟିଏ ଗୋଟିଏ ବୃକ୍ଷ ଲଗାଇବା ଦରକାର। ସମ୍ମାନିତ ଅତିଥି ଭାବେ ୟୁ.ପି.ଏଚ୍‌.ସି. ମେଡ଼ିକାଲ ଇନ୍‌ଚାର୍ଜ ଡଃ ପୂର୍ଣ୍ଣଚନ୍ଦ୍ର ରଥ ଯୋଗଦେଇ କହିଲେ, ସବୁଜ ଭାରତ ଅନୁଷ୍ଠାନ ଓ ଏହାର କର୍ମକର୍ତ୍ତାମାନେ ହେଲେ ମୋ ବାମ ଓ ଡ଼ାହାର ହାତ। ସେମାନଙ୍କ ବିନା ମୁଁ ପାଦେ ଆଗକୁ ବଢିପାରିବି ନାହିଁ। ସୋମନେ ମୋତେ ଓ ମୋ ଅନୁଷ୍ଠାନକୁ ଯେତେ ସାହାଯ୍ୟ କରୁଛନ୍ତି, ତାକୁ ମୁଁ କେବେ ଭୁଲିପାରିବି ନାହିଁ।

ସବୁଜ ଭାରତର ଅଧ୍ୟକ୍ଷ ସତ୍ୟବ୍ରତ ଜେନାଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସବିତାରାଣୀ ମିଶ୍ର, ଆସ ପଢାଇବାର ଆବାହକ ପ୍ରତ୍ୟୟ ପ୍ରଶାନ୍ତ ମହାନ୍ତି, ପ୍ରଫେସର ରମେଶ ଚନ୍ଦ୍ର ପାତାଳସିଂ, ମୁକ୍ତେଶ୍ୱର କଳାକାରର ଉପସଭାପତି ବୈକୁଣ୍ଠ ଭୋଇ, ସୁଶ୍ରୀ ସଙ୍ଗୀତା ଦାସ, ରଶ୍ମିତା ମୁଖୀ, ପୁଷ୍ପାଞ୍ଜଳି, ପ୍ରଶାନ୍ତ ଭୋଇ, ପ୍ରଫେସର ରୁପାଲି ସାହୁ, ନୀଳମଣି ମିଶ୍ର, ବିଶ୍ୱଭୂଷଣ ହରିଚନ୍ଦନ ପ୍ରମୁଖ ଯୋଗଦେଇ ବିଭିନ୍ନ ଫୁଲଗଛ ରୋପଣ କରିଥିଲେ।

Categories
ଆଞ୍ଚଳିକ

ସ୍ୱେଚ୍ଛାସେବୀ ସଂଗଠନ ମହାବୀର ସେନା ତରଫରୁ ବୃକ୍ଷରୋପଣ କାର୍ଯ୍ୟକ୍ରମ: ଅନେକ ସମାଜସେବା କାର୍ଯ୍ୟ କରି ସାଉଣ୍ଟୁଛି ପ୍ରଶଂସା

ପୁରୀ: ବର୍ତ୍ତମାନ ଦୃତଗତିରେ ଜଳବାୟୁ ପ୍ରଦୂଷିତ ହେବାରେ ଲାଗିଛି। ଯାହା ଫଳରେ ସମଗ୍ର ବିଶ୍ଵ ଏବେ ବିପଦ ଆଡକୁ ଗତି କରୁଛି। ଆଧୁନିକ ଯୁଗରେ ଜନସଂଖ୍ୟା ବୃଦ୍ଧି ସାଙ୍ଗକୁ କଳକାରଖାନା, ଯାନବାହାନ ବୃଦ୍ଧି ଯୋଗୁଁ ଜଳାବାୟୁ ପ୍ରଦ୍ୟୁଷଣ ହେବାରେ ଲାଗିଛି। ସେଥିପାଇଁ ପରିବେଶବିତମାନେ ବାରମ୍ବାର ସତର୍କ କରୁଛନ୍ତି। ଅନେକ ରାଷ୍ଟ୍ର ପରିବେଶକୁ ରକ୍ଷା କରିବା ପାଇଁ ମଧ୍ୟ ଚେଷ୍ଟା କରୁଛନ୍ତି।

ତେବେ ପରିବେଶକୁ ରକ୍ଷା କରିବା ପାଇଁ ପୁରୀ ଜିଲ୍ଲା ମହାବୀର ସେନା ସ୍ୱେଚ୍ଛାସେବୀ ସଂଗଠନ ଅଣ୍ଟା ଭିଡିଛି। ମହାବୀର ସେନା ସ୍ୱେଚ୍ଛାସେବୀ ସଂଗଠନ ତରଫରୁ ବୃକ୍ଷରୋପଣ କରାଯାଇ ପରିବେଶକୁ ରକ୍ଷା କରିବା ପାଇଁ ପ୍ରୟାସ କରାଯାଉଛି।

ଏହି ପ୍ରରିପ୍ରେକ୍ଷୀରେ ଉକ୍ତ ସଂଗଠନ ପକ୍ଷରୁ ବିଭିନ୍ନ ସ୍ଥାନରେ ବୃକ୍ଷରୋପଣ କରାଯାଇଛି। ସଂଗଠନ ପକ୍ଷରୁ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ସାହୁପଡା (କଣାସ, ପୁରୀ), ନୂଆ ଜଗନ୍ନାଥ ସଡକର ସିଦ୍ଧେଶ୍ଵର ମନ୍ଦିର ନିକଟରୁ ମଇନ୍ଦିପୁର ଛକ ପର୍ଯ୍ୟନ୍ତ ପ୍ରାୟ ୨.୫ କି. ମି.,  କବରେଶ୍ୱର ମନ୍ଦିର (ସିରିଆପଡା), ନୃସିଂହ ମନ୍ଦିର (ବାଲିପଡା) ରେ ବୃକ୍ଷରୋପଣ କରାଯାଇଛି।

ଏହି ବୃକ୍ଷରୋପଣ କାର୍ଯ୍ୟକ୍ରମରେ ସଂଗଠନର ସଭାପତି ଦୁଷ୍ମନ୍ତ ମଙ୍ଗରାଜ, ଉପସଭାପତି ଅମ୍ଲାନ ଦାସ, ସମ୍ପାଦକ ଯୋଗେଶ ସାମନ୍ତସିଂହାର, ଉପଦେଷ୍ଟା ସୁଶାନ୍ତ ମାର୍ଥୀ, ତ୍ରିଲୋଚନ ବେହେରା, ହେମନ୍ତ ବଡ଼ଜେନା, ତପସ୍ୱିନୀ ମହାରଥା ଏବଂ ସମାଜ ସେବୀ ମହାବୀର ସେନାର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ। ସେମାନଙ୍କ ସହିତ ସାହୁପଡା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ଡା. ବଲ୍ଳଭ ଗଢ, କମ୍ପାଉଣ୍ଡର ପ୍ରମୋଦ ମହାରଣା ମଧ୍ୟ ବୃକ୍ଷରୋପଣ କାର୍ଯ୍ୟକ୍ରମରେ ସଂଗଠନର ସଦସ୍ୟମାନଙ୍କ ସହ ସାମିଲ ଥିଲେ।

ତେବେ ସ୍ଥାନୀୟ ଅଞ୍ଚଳରେ ଅନେକ ସାମାଜିକ କାର୍ଯ୍ୟରେ ମଧ୍ୟ ଉକ୍ତ ସଂଗଠନ ନିୟୋଜିତ ଅଛି। ଗତ କିଛି ଦିନ ତଳେ କଣାସ ସାହୁପଡା ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ଛାତ୍ରଛାତ୍ରୀମାନଙ୍କୁ ସଂଗଠନ ମାଗଣାରେ ଖାତା ଯୋଗାଇଦେଇଛି।

ସେହିଭଳି କଣାସର ବୀରକେସପୁର ଗ୍ରାମର କର୍କଟ ରୋଗରେ ପୀଡିତ ଜଣେ ୬ ବର୍ଷର ଶିଶୁକୁ ମଧ୍ୟ ସଂଗଠନ ପକ୍ଷରୁ ଦୀର୍ଘ ୩ ବର୍ଷ ହେଲା ବିଭିନ୍ନ ପ୍ରକାର ସହାୟତା ଯୋଗାଇଦିଆଯାଉଛି। ବୀରକେସପୁରର ଉଚ୍ଛବ ସ୍ଵାଇଁଙ୍କ ପୁତ୍ର ସତ୍ୟନାରାୟଣ ସ୍ଵାଇଁ (୬) ବିଗତ ୩ ବର୍ଷ ହେଲା କର୍କଟ ରୋଗରେ ପୀଡିତ ହୋଇ ଚିକିତ୍ସିତ ହେଉଛି। ଶିଶୁଟିର ଚିକିତ୍ସା ପାଇଁ ସଂଗଠନ ପକ୍ଷରୁ ମଧ୍ୟ କିଛି ଆର୍ଥିକ ସହାୟତା ପ୍ରଦାନ କରାଯାଇଛି। କ୍ରମାଗତ ଭାବେ ଏଭଳି ଅନେକ ସାମାଜିକ କାର୍ଯ୍ୟ କରୁଥିବାରୁ ସ୍ଥାନୀୟ ଅଞ୍ଚଳର ଲୋକେ ମହାବୀର ସେନାଙ୍କୁ ଭୂୟସୀ ପ୍ରଶଂସା କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଭଉଣୀ ଗୋଡରେ ଶିକୁଳି ବାନ୍ଧି ବନ୍ଦି ରଖିଥିଲା ଭାଇ: ଉଦ୍ଧାର କଲା ସ୍ୱେଚ୍ଛାସେବୀ ସଂଗଠନ

ରମେଶ ମହାନ୍ତି

ଜଗତସିଂହପୁର: କୁଜଙ୍ଗ ବ୍ଲକ ଅନ୍ତର୍ଗତ ବଡବାଲିକଣି ଗ୍ରାମରେ ଏକ ହୃଦୟବିଦାରକ ଅଭାବନୀୟ ଘଟଣା ଦେଖିବାକୁ ମିଳିଛି। ଭାଇର ମଙ୍ଗଳକାମନା କରିବା ସହ ନିଜର ସୁରକ୍ଷା ପାଇଁ ବହୁ ଆଶା ଭରସା କରି ଭଉଣୀଟିଏ ରାକ୍ଷୀ ବାନ୍ଧିଥାଏ ଭାଇ ହାତରେ। ହେଲେ ସେହି ଭାଇ ଯଦି ଭଉଣୀ ହାତରେ ଲୁହାର ବେଡି ପକେଇ ବନ୍ଦୀ ଜୀବନ ଅତିବାହିତ କରିବାପାଇଁ ବାଧ୍ୟ କରିବ ତେବେ କାହାକୁ ଗୁହାରି କରିବ ଭଉଣୀ। ଶିକୁଳିରେ ବନ୍ଧା ତାଙ୍କର ଲୋମଟାଙ୍କୁରା କାହାଣୀ ସମସ୍ତଙ୍କୁ ବ୍ୟଥିତ କରିଛି।

ସୂଚନାନୁଯାୟୀ ବଡବାଲିକଣି ଗ୍ରାମର ଅର୍ଜୁନ ଦାସ ଓ ତାଙ୍କ ପତ୍ନୀଙ୍କ ମୃତ୍ୟୁ ପରେ ପୁଅ ଅଭୟ ଓ ଝିଅ ସୀତା ସେଠାରେ ରହୁଥିଲେ। ହେଲେ ଏମିତି କ’ଣ ଘଟିଲା ଯେ ଦୀର୍ଘ ସାତବର୍ଷ ହେବ ଏକ ପରିତ୍ୟକ୍ତ ଘରେ ଭଉଣୀର ଗୋଡକୁ ଶିକୁଳିରେ ବାନ୍ଧି ରଖିଥିଲା ଭାଇ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଶୋଇବାକୁ ଦୁଇଟି ସିମେଣ୍ଟ ଅଖା ଦିଆଯାଇଥିବା ବେଳେ ଶୌଚ ହେବା ସହ ସବୁକିଛି ସେଇ ଗୋଟିଏ ଘରେ। ଖାଇବାକୁ ଦୁଇଓଳି ଦୁଇ ମୁଠା ମିଳିବା ମଧ୍ୟ କଷ୍ଟକର ହୋଇପଡୁଥଲା। ମାତ୍ର ଗାଁର କିଛି ଯୁବକ ଏସବୁ ଜାଣିବା ପରେ ସ୍ୱେଚ୍ଛାସେବୀଙ୍କ ସହାୟତାରେ ସୀତାକୁ ଏହି ଅଜ୍ଞାତବାସରୁ ଉଦ୍ଧାର କରିବା ପାଇଁ ଅଣ୍ଟାଭିଡିଥିଲେ। ଏ

ଭଳି ବନ୍ଦି ଅବସ୍ଥାରେ ସୀତାକୁ ଦେଖି ସେମାନେ ହତବାକ୍ ହୋଇ ଯାଇଥିଲେ। ଦୁର୍ଗନ୍ଧରେ ଘର ଭିତରକୁ ପଶିବା ମୁସ୍କିଲ ହୋଇ ଯାଇଥିଲା। ଦିର୍ଘଦିନ ଧରି ଗାଧୁଆ ପାଧୁଆ ହୋଇନଥିବା କାରଣରୁ ସୀତାଙ୍କ ମୁଣ୍ଡ ଓ ଦେହରେ ପୋକ ସାଲୁବାଲୁ ହେଉଥିଲେ। ଏସବୁ ଦେଖିବା ପରେ ଯୁବକମାନେ ତୁରନ୍ତ ତାଙ୍କୁ ସଫା ସୁତୁରା କରିବାକୁ ଉଦ୍ୟମ କରିଥିଲେ।

ଏମିତିକି ଏତେଦିନ ପର୍ଯ୍ୟନ୍ତ ବନ୍ଦି ଜୀବନ ବିତାଉଥିବାରୁ କଥା କହିବାକୁ ମଧ୍ୟ ସୀତା ସକ୍ଷମ ହୋଇ ପାରୁନଥିଲେ। କେବଳ ସେ ଲୁହ ଗଡାଇ ଚାଲିଥିଲେ। ସୀତା ମାନସିକ ବିକାରଗ୍ରସ୍ତ ବୋଲି କୁହାଯାଉଥିବା ବେଳେ ତାଙ୍କୁ ସେଠାରୁ ଉଦ୍ଧାର କରାଯାଇ ଜଣେ ପଡୋଶୀଙ୍କ ଘରେ ରଖାଯିବା ସହ ଆସନ୍ତା ମଙ୍ଗଳବାର ଦିନ ସୀତାଙ୍କୁ ପାରାଦ୍ବୀପ ସ୍ଥିତ ଜରାନିବାସରେ ରଖାଯିବ ବୋଲି ସୂଚନା ମିଳିଛି।