ଚେନ୍ନାଇ: ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ଵିନୀ ଆଜି ଇଂଲଣ୍ଡ ବିରୋଧରେ ଏକ ନୂଆ ରେକର୍ଡ ସୃଷ୍ଟି କରିଛନ୍ତି। ଟେଷ୍ଟ ମ୍ୟାଚରେ ୨୦୦ ଥର ବାମ ହାତୀ ଖେଳାଳିଙ୍କୁ ଆଉଟ କରି ଅଶ୍ଵିନୀ ଏହି ରେକର୍ଡ ପ୍ରତିଷ୍ଠା କରିଛନ୍ତି। ବିଶ୍ଵର ପ୍ରଥମ ବୋଲର ଭାବେ ଅଶ୍ଵିନୀ ଏହି ରେକର୍ଡ କରିଛନ୍ତି। ଆଜି ଷ୍ଟୁଆର୍ଟ ବ୍ରଡ଼ଙ୍କ ୱିକେଟ ହାସଲ ପରେ ଏହି ସଫଳତା ହାସଲ କରିଛନ୍ତି।
ଟେଷ୍ଟ ମ୍ୟାଚରେ ବାମ ହାତୀ ଖେଳାଳିଙ୍କୁ ରବିଚନ୍ଦ୍ରନ ବେଶୀ ଅସୁବିଧାରେ ପକାଇଥାନ୍ତି। ଅଷ୍ଟ୍ରେଲିଆର ପ୍ରାରମ୍ଭିକ ବ୍ୟାଟ୍ସମ୍ୟାନ ଡେଭିଡ ୱାର୍ନରଙ୍କୁ ସର୍ବାଧିକ ୧୦ ଥର ଆଉଟ କରିଥିବା ବେଳେ ଇଂଲଣ୍ଡର ଅଲିଷ୍ଟାର କୁକ ଏବଂ ବେନ ଷ୍ଟୋକ୍ସଙ୍କୁ ୯ ଥର ଲେଖାଏଁ ଆଉଟ କରିଛନ୍ତି। ସେହିପରି ଅଷ୍ଟ୍ରେଲିଆର ଏଡ କୋବାନ ଏବଂ ଜେମ୍ସ ଆଣ୍ଡର୍ସନଙ୍କୁ ୭ ଥର ଲେଖାଏଁ ଶିକାର କରିଛନ୍ତି। ରବିଚନ୍ଦ୍ରନ ଅଶ୍ଵିନୀ ପ୍ରଥମ ଇନିଂସରେ ୪୩ ରନ ଦେଇ ୫ ୱିକେଟ ହାସଲ କରିଥିଲେ।