ଫଗୱାଡା: ପଞ୍ଜାବରେ ଶାସକ ଆମ୍ ଆଦମୀ ପାର୍ଟି (AAP) ର ଦୁଇଟି ଗୋଷ୍ଠୀଙ୍କ ମଧ୍ୟରେ ଗତକାଲି ସଂଘର୍ଷ ହୋଇଥିବା ଅଭିଯୋଗ ହୋଇଛି। ପାର୍ଟି କର୍ମୀଙ୍କ ମଧ୍ୟରେ ବିବାଦ ଲାଗି ରହିଥିବା ପୋଲିସ କହିଛି। ଖବର ଅନୁଯାୟୀ ସଂଘର୍ଷକୁ ଶାନ୍ତ କରିବା ପାଇଁ ପୋଲିସକୁ ସାମାନ୍ୟ ବଳ ପ୍ରୟୋଗ କରିବାକୁ ପଡୁଥିଲା। ଏହି ସଂଘର୍ଷରେ ସାହବୀ ଏବଂ ଲବ ଶର୍ମା ନାମକ ଦୁଇଜଣ ବ୍ୟକ୍ତି ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ସାହବୀ ଗୋଗି ଗୋଷ୍ଠୀର ହୋଇଥିବାବେଳେ ଶର୍ମା ଯୋଗୀନ୍ଦର ସିଂ ମାନଙ୍କ ଗୋଷ୍ଠୀର ବିଶ୍ୱସ୍ତ ଅଟନ୍ତି।
ପଞ୍ଜାବ ମନ୍ତ୍ରୀ ଗୁରୁମିତ ସିଂ ମିତ ହେୟର ପଲାହି ଗ୍ରାମ ନିକଟରେ ଥିବା ସ୍ୱେରେଜ୍ ଟ୍ରିଟମେଣ୍ଟ ପ୍ଲାଣ୍ଟ ପରିଦର୍ଶନ କରିଥିଲେ। ସେମାନେ କାର୍ଯ୍ୟକ୍ରମସ୍ଥଳ ଛାଡିବା ପରେ ଖୁବ୍ ଶୀଘ୍ର ଏହି ସଂଘର୍ଷ ଆରମ୍ଭ ହୋଇଥିଲା। ସଦର ପୋଲିସ ଷ୍ଟେସନ ଦାୟିତ୍ୱରେ ଥିବା ରଶପାଲ ସିଂ କହିଛନ୍ତି ଯେ କିଛି ପ୍ରସଙ୍ଗରେ ଦୁଇ ଜଣଙ୍କ ମଧ୍ୟରେ ଝଗଡା ହୋଇଥିଲା ଏବଂ ସେମାନେ ସାମାନ୍ୟ ଆହତ ହୋଇଥିଲେ। ତାଙ୍କୁ ଚିକିତ୍ସା ପାଇଁ ସିଭିଲ ହସ୍ପିଟାଲକୁ ପଠାଯାଇଛି ବୋଲି ସେ କହିଛନ୍ତି।
” ଅହମ୍ମଦାବାଦର ତିରଙ୍ଗା ଯାତ୍ରା ସମୟରେ କେଜ୍ରିୱାଲ କହିଛନ୍ତି, ଗୁଜରାଟକୁ ଜିତିବା ପାଇଁ ସେ ଗୁଜରାଟକୁ ଆସିଛନ୍ତି। “ଆଜି ମୁଁ କୈଣସି ଦଳକୁ ସମାଲୋଚନା କରିବାକୁ ଆସିନାହିଁ, ମୁଁ ବିଜେପି କିମ୍ବା କଂଗ୍ରେସକୁ ପରାସ୍ତ କରିବାକୁ ଆସିନାହିଁ, ଗୁଜରାଟ ଏବଂ ଗୁଜରାଟୀକୁ ଜିତିବାକୁ ଆସିଛି। ଆପ୍ କୁ ଗୋଟିଏ ସୁଯୋଗ ଦିଅନ୍ତୁ, ଯଦି ଆପଣମାନେ ଆମର ପାଞ୍ଚ ବର୍ଷର କାର୍ୟ୍ୟକାଳ ଭିତରେ ଆମକୁ ପସନ୍ଦ କରିବେ ନାହିଁ, ତେବେ ଆମେ ଯେକୈଣସି ପ୍ରକାରେ ଏହି ଲୋକଙ୍କୁ ପୁଣି କ୍ଷମତାକୁ ଫେରାଇ ଦେବୁ। ଶୋଭାଯାତ୍ରା ପୂର୍ବରୁ କେଜ୍ରିୱାଲ ଏବଂ ମନ ଗୁଜୁରାଟର ସାବରମତି ଆଶ୍ରମ ପରିଦର୍ଶନ କରିଥିଲେ।
