The Samikhsya Odia
ସମୀକ୍ଷା ବ୍ୟୁରୋ
ଭୁବନେଶ୍ବର : ଛତିଶଗଡ ଡବଲ ମର୍ଡର ମାମଲାରେ ପୂର୍ବତନ ବିଧାୟକ ଅନୁପ ସାଏ ଗିରଫ ହୋଇଥିବା ବେଳେ ତାଙ୍କ ପରିବାରବର୍ଗ ଝାରସୁଗୁଡା ଜିଲ୍ଲାପାଳଙ୍କ କାର୍ଯ୍ୟାଳୟରେ ଧାରଣା ଦେଇଛନ୍ତି । କଳ୍ପନା ଦାସ ଓ ତାଙ୍କ ଝିଅଙ୍କୁ ହତ୍ୟା ମାମଲାରେ ତଦନ୍ତ ନାମରେ ଛତିଶଗଡ ପୋଲିସ୍ ପକ୍ଷରୁ ହଇରାଣ କରାଯାଉଥିବା ଅଭିଯୋଗ କରି ଧାରଣା ଦେଇଛନ୍ତି । ସେହିପରି ଅନୁପଙ୍କ ପରିବାର ବର୍ଗ ନିଜର ସୁରକ୍ଷା ଦାବି କରି ଧାରଣାରେ ବସିଛନ୍ତି ।
ଭୁବନେଶ୍ବର : ବହୁ ଚର୍ଚ୍ଚିତ ମା’ ଝିଅ ହତ୍ୟା ମାମଲାରେ ପୂର୍ବତନ ବିଧାୟକ ଅନୁପ ସାଏଙ୍କ ଡ୍ରାଇଭରଙ୍କୁ ଗିରଫ କରାଯାଇଛି । ଜେରା ପରେ ଡ୍ରାଇଭର ବର୍ଦ୍ଧନ ଟପ୍ପୋକୁ ଗିରଫ କରିଛି ଛତିଶଗଡ ପୋଲିସ୍। ଧାରା 302, 201 ଦଫାରେ ଡ୍ରାଇଭର ବର୍ଦ୍ଧନ ଟପ୍ପୋଙ୍କୁ ଗିରଫ କରିଛି ଛତିଶଗଡ ପୋଲିସ୍। ଗିରଫଦାରୀ ନେଇ ରାୟଗଡ଼ା ଅତିରିକ୍ତ ଏସ୍ପି ଅଭିଷେକ ବର୍ମା ସୂଚନା ଦେଇଛନ୍ତି। ବର୍ଦ୍ଧନଙ୍କୁ ହତ୍ୟାସ୍ଥଳକୁ ନେଇ ସିନ୍ ରିକ୍ରିଏସନ୍ କଲା ଛତିଶଗଡ଼ ପୋଲିସ୍। ଡ୍ରାଇଭର ବର୍ଦ୍ଧନ ଟପ୍ପୋ ପୋଲିସ୍କୁ ଗୁରୁତ୍ବପୂର୍ଣ୍ଣ ତଥ୍ୟ ଦେଇଥିବା ସୂଚନା ରହିଛି । ବର୍ଦ୍ଧନଙ୍କୁ ଆଜି କୋର୍ଟ ଚାଲାଣ କରାଯିବ। ଏହାପରେ ରିମାଣ୍ଡ ଆବେଦନ କରିବ ପୋଲିସ୍। ସୂଚନାଯୋଗ୍ୟ, ମା’ ଝିଅ ହତ୍ୟା କରିଥିବାର ସ୍ବୀକାର କରିଛନ୍ତି ଅନୁପ ସାଏ । ଲୁହା ରଡ୍ରେ ମାରି ବୋଲରୋ ଚଢାଇ ଦିଆଯାଇଥିଲା । ଅନୁପ ସାଏଙ୍କୁ ପୋଲିସ ଗିରଫ କରିବା ପରେ ଏହି ଘଟଣାରେ ଅନ୍ୟ କେହି ସମ୍ପୃକ୍ତ ଥିବାରୁ ପୋଲିସ୍ ତନାଘନା କରୁଥିଲା । (ଏଜେନ୍ସି)
ସମୀକ୍ଷା ବ୍ୟୁରୋ
ଭୁବନେଶ୍ବର : ଡବଲ ମର୍ଡର ମାମଲାରେ ଅନୁପ ସାଏଙ୍କ ଡ୍ରାଇଭର ବର୍ଦ୍ଧନ ଟପ୍ପୋ ଅଟକ। ଗତ ରାତିରେ ଡ୍ରାଇଭର ବର୍ଦ୍ଧନଙ୍କୁ ପୋଲିସ୍ ଉଠାଇ ନେଇଛି। ପୋଲିସ୍ ଉଠାଇ ନେଇଥିବା ପରିବାର ଲୋକଙ୍କ ସୂଚନା ଦେଇଛନ୍ତି। ଡବଲ ମର୍ଡର ଘଟଣାରେ ଅନୁପଙ୍କ ଡ୍ରାଇଭରର ସମ୍ପୃକ୍ତି ରହିଥିବା କଥା ପ୍ରେସମିଟ୍ରେ କହିଥିଲେ ରାୟଗଡ଼ ଏସ୍ପି ସନ୍ତୋଷ ସିଂହ। 2016 ମସିହାରେ କଳ୍ପନା ଦାସ ନାମକ ଜଣେ ମହିଳା ଓ ତାଙ୍କ ଝିଅକୁ ଅତି ନିର୍ମମ ଭାବେ ହତ୍ୟା କରିଥିଲେ ବ୍ରଜରାଜନଗରର ପୂର୍ବତନ ବିଧାୟକ ଅନୁପ ସାଏ। ଅନ୍ୟପଟେ ଏହି ମାମଲାରେ ଅନ୍ୟ କେହି ସାମିଲ ରହିଛନ୍ତି କି ନାହିଁ ତାକୁ ନେଇ ବି ଖୋଳତାଡ଼ ଜାରି ରହିଛି।
ସମୀକ୍ଷା ବ୍ୟୁରୋ
ଭୁବନେଶ୍ବର : ବିଜେଡିର ପୂର୍ବତନ ବିଧାୟକ ତଥା ପଣ୍ୟାଗାର ନିଗମ ଅଧ୍ୟକ୍ଷ ରହିଥିବା ଅନୁପ ସାଏଙ୍କୁ ବିଜୁ ଜନତା ଦଳ (ବିଜେଡି)ରୁ ବହିଷ୍କାର କରାଯାଇଛି । ଏକ ହତ୍ୟା ମାମଲାରେ ଛତିଶଗଡ ପୋଲିସ୍ ଦ୍ବାରା ଗିରଫ ହେବା ପରେ ଦଳ ସୁପ୍ରିମୋ ନବୀନ ପଟ୍ଟନାୟକ ତାଙ୍କୁ ଦଳରୁ ବହିଷ୍କାର କରିଛନ୍ତି । କେବଳ ବିଜେଡିରୁ ନୁହେଁ ଅନୁପଙ୍କୁ ପଣ୍ୟାଗାର ନିଗମ ଅଧ୍ୟକ୍ଷ ପଦରୁ ମଧ୍ୟ ହଟାଇଛନ୍ତି ମୁଖ୍ୟମନ୍ତ୍ରୀ । ଉଲ୍ଲେଖଯୋଗ୍ୟ ଯେ, 2016 ମସିହାରେ ଡବଲ ମର୍ଡର ଅଭିଯୋଗରେ ସାଏଙ୍କୁ ଛତିଶଗଡଗର ଚକ୍ରଧରପୁର ପୋଲିସ୍ ଗିରଫ କରିଛି ।
ସମୀକ୍ଷା ବ୍ୟୁରୋ
ଭୁବନେଶ୍ବର : ଝାରସୁଗୁଡାର ପୂର୍ବତନ ବିଜେଡି ବିଧାୟକଙ୍କୁ ଛତିଶଗଡ ପୋଲିସ୍ ଗିରଫ କରିଛି । ଏକ ହତ୍ୟା ମାମଲାରେ ଛତିଶଗଡ ପୁଲିସ୍ ଗତକାଲି ରାତିରେ ବିଜେଡି ନେତା ଅନୁପ ସାଏଙ୍କୁ ଉଠାଇ ନେଇଛି । ଏକ ହତ୍ୟା ମାମଲାରେ ଅନୁପ ସାଏଙ୍କୁ ଛତିଶଗଡ ପୁଲିସ୍ ପଚରା ଉଚୁରା ଜାରି ରଖିଛି । ଛତିଶଗଡର ରାୟଗଡ ସ୍ଥିତ ଚକ୍ରଧରପୁର ଥାନାରେ ଅନୁପଙ୍କୁ ଅଟକ ରଖାଯାଇଛି ।