ମୁମ୍ବାଇ : ଭାରତୀୟ କ୍ରିକେଟର କେ ଏଲ୍ ରାହୁଲ୍ଙ୍କ ଜନ୍ମଦିନରେ ଉଭୟଙ୍କ ପ୍ରେମ ସମ୍ପର୍କକୁ ସ୍ବୀକାର କରିଛନ୍ତି ବଲିଉଡ୍ ଅଭିନେତ୍ରୀ ଆଥିୟା ସେଟ୍ଟୀ । ଶନିବାର ରାହୁଲଙ୍କ 28 ତମ ଜନ୍ମ ଦିବସରେ ଆଥିୟା ଇନ୍ଷ୍ଟାଗ୍ରାମ ଜରିଆରେ ନିଜର ପ୍ରେମକୁ ସ୍ବୀକାର କରିଛନ୍ତି । ପୂର୍ବରୁ ଉଭୟଙ୍କ ପ୍ରେମ ସମ୍ପର୍କକୁ ନେଇ ଚର୍ଚ୍ଚା ଚାଲିଥିବା ବେଳେ ଉଭୟ ଏହାକୁ ଅସ୍ବୀକାର କରି ଆସୁଥିଲେ । ଆଥିୟା ମାଇଁ ପର୍ସନ୍ ବୋଲି ଲେଖିବା ସହିତ ଜନ୍ମଦିନର ଶୁଭେଚ୍ଛା ଜଣାଇବା ସହିତ ନିଜର ପ୍ରେମ ସମ୍ପର୍କକୁ ସ୍ବୀକାର କରିଥିଲେ । ଆଥିୟାଙ୍କ ବ୍ୟତିତ ଭାରତୀୟ ଟିମ୍ର ସଦସ୍ୟ ହାର୍ଦ୍ଦିକ ପାଣ୍ଡ୍ୟା ଏବଂ ଶିଖର ଧଓ୍ବନ୍ ମଧ୍ୟ ରାହୁଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । (ଏଜେନ୍ସି)
Tag: birthday
Lucknow: Actress Deepika Padukone with her husband and actor Ranveer Singh and acid attack survivors celebrates her birthday during a programme in Lucknow on Jan 5, 2020. (Photo: IANS)
Mumbai: Actor Salman Khan waves to his fans on the eve of his birthday at his residence in Mumbai on Dec 27, 2019. (Photo: IANS)
କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ୫୦ ତମ ଜନ୍ମଦିବସ ଅବସରରେ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସୋସିଆଲ ମିଡିଆ ସାଇଟ ଟ୍ବିଟ୍ଟର ଜରିଆରେ ରାହୁଲଙ୍କୁ ଉତ୍ତମ ସ୍ବାସ୍ଥ୍ୟ ଏବଂ ଦୀର୍ଘମ ଜୀବନ କାମନା କରି ଶୁଭକାମନା ଜଣାଇଛନ୍ତି ମୋଦି। ସେହିପରି ରାହୁଲଙ୍କୁ ଅନ୍ୟାନ୍ୟ ଶୁଭେଚ୍ଛୁ ଏବଂ ଦଳୀୟ କର୍ମୀଙ୍କ ପକ୍ଷରୁ ଜନ୍ମଦିନ ଶୁଭକାମନା ଯୋଗୁଁ ଏହା ଟ୍ବିଟ୍ଟରରେ ଟ୍ରେଣ୍ଡରେ ରହିଥିଲା। ଫୁଲ ସିଂ ନାମକ ଜଣେ କର୍ମୀ ରାହୁଲଙ୍କ ବାସଭବନ ସମ୍ମୁଖରେ ଏକ ଯଜ୍ଞ ମଧ୍ୟ କରାଇଥିଲେ।
ବଲିଉଡ୍ ନାୟିକା ଦିଶା ପଟ୍ଟାନୀ ଆଜି ୨୭ ବର୍ଷରେ ପଦାର୍ପଣ କରିଛନ୍ତି। ତେଲଗୁ ଫିଲ୍ମ ‘ଲୋଫର୍’ରୁ ଅଭିନୟ କ୍ୟାରିଅର୍ ଆରମ୍ଭ କରିଥିବା ଏହି ଅଭିନେତ୍ରୀ ଜଣକ ବଲିଉଡ୍ରେ ବେଶ୍ ଆକ୍ଟିଭ୍ ରହିଛନ୍ତି। ଦିଶାଙ୍କ ଡ୍ୟାନ୍ସ ଦର୍ଶକଙ୍କୁ ବେଶ୍ ଆକୃଷ୍ଟ କରିଥାଏ। ଅଭିନୟଠାରୁ ରିଲେସନ୍ସିପ୍କୁ ନେଇ ବେଶ୍ ଚର୍ଚ୍ଚିତ ଏହି ଅଭିନେତ୍ରୀଜଣକ। ବଲିଉଡ୍ର ନାୟକ ଟାଇଗର ଶ୍ରଫ୍ଙ୍କ ଗାର୍ଲଫ୍ରେଣ୍ଡ୍ ଭାବରେ ସେ ବେଶ୍ ଚର୍ଚ୍ଚାରେ। ଏକ ମ୍ୟୁଜିକ୍ ଭିଡିଓରେ କାମ କରିବା ପରେ ଦୁହେଁ ପ୍ରେମରେ ପଡ଼ିଥିଲେ। ‘ଧୋନୀ – ଦ ଅନ୍ଟୋଲ୍ଡ ଷ୍ଟୋରୀ’ ଜରିଆରେ ବଲିଉଡ୍ରେ ପାଦ ଥାପି ଥିବା ଦିଶା ପଟ୍ଟାନୀ ଟାଇଗର ଶ୍ରଫ୍ଙ୍କ ସହ ‘ବାଗୀ-୨’ରେ ମଧ୍ୟ ନଜର ଆସିଥିଲେ। ନିକଟରେ ସେ ସଲମାନ୍ଙ୍କ ଅଭିନୀତ ‘ଭାରତ’ରେ ମଧ୍ୟ ନଜର ଆସିଛନ୍ତି। ୨୭ବର୍ଷୀୟା ଏହି ବୋଲ୍ଡ ଅଭିନେତ୍ରୀଙ୍କୁ ଜନ୍ମଦିନର ଢେର୍ ସାରା ଶୁଭେଚ୍ଛା।
୬୨ ବର୍ଷରେ ଡିମ୍ପଲ୍ କାପାଡ଼ିଆ
ବଲିଉଡ୍ ନାୟିକା ଡିମ୍ପଲ୍ କପାଡ଼ିଆ ଶନିବାର ୬୨ ବର୍ଷରେ ପାଦ ଥାପିଛନ୍ତି। ୧୯୫୭ ଜୁନ୍ ୮ରେ ସେ ମୁମ୍ବାଇଠାରେ ଜନ୍ମ ଗ୍ରହଣ କରିଥିଲେ। ତାଙ୍କୁ ୧୬ ବର୍ଷ ବୟସ ହୋଇଥିବାବେଳେ ରାଜକପୁର ଡିମ୍ପଲଙ୍କୁ ଫିଲ୍ମ ‘ବବି‘ ମାଧ୍ୟମରେ ବଲିଉଡ୍ରେ ଡେବ୍ୟୁ କରିବାର ସୁଯୋଗ ଦେଇଥିଲେ। ଡିମ୍ପଲ୍ କାପାଡ଼ିଆ ୪ ଦଶକ ଧରି ଲମ୍ବା କ୍ୟାରିଅର୍ରେ ପାଖାପାଖି ୭୫ଟି ଫିଲ୍ମରେ ଅଭିନୟ କରିଛନ୍ତି। ଡିମ୍ପଲଙ୍କ ଅଭିନୀତ ଫିଲ୍ମଗୁଡ଼ିକ ମଧ୍ୟରେ ରହିଛି – ଅର୍ଜୁନ୍, ଏତବାର୍, କାଶ, ରାମଲଖନ, ବିସ୍ ସାଲ୍ ବାଦ୍ ବଣ୍ଟବାରା, ପ୍ରହାର, ଅଜୁବା, ନରସ୍ମିହା, ଗାର୍ଦ୍ଦିଶ୍, କ୍ରାନ୍ତିବୀର, ଦିଲ୍ ଚାହାତା ହୈ, ଦବଙ୍ଗ୍, କକଟେଲ୍, ପଟିଆଲା ହାଉସ୍, ‘ଫାଇଡିଙ୍ଗ୍ ଫନି’, ‘ଦବଙ୍ଗ୍ -୩’, ‘ଓ୍ବେଲକମ୍ ବ୍ୟାକ୍’ ଆଦିରେ ନଜର ଆସିଛନ୍ତି। ସୁପରଷ୍ଟାର ରାଜେଶ ଖାନ୍ନା ଡିମ୍ପଲଙ୍କୁ ବିବାହ କରିବା ପାଇଁ ପ୍ରସ୍ତାବ ଦେଇଥିଲେ। ରାଜେଶଙ୍କ ବୟସ ସେତେବେଳେ ୩୧ ଥିଲା। ସେ ଡିମ୍ପଲଙ୍କଠାରୁ ୧୫ ବର୍ଷ ବୟସ ବଡ଼ଥିଲେ। ତେବେ ଦୁହିଁଙ୍କ ବିବାହ ପରେ ବବି ଫିଲ୍ମ ୧୯୭୩ରେ ପରଦାକୁ ଆସିଥିଲା। ଏହି ଫିଲ୍ମ ବକ୍ସ୍ ଅଫିସ୍ ରେକର୍ଡ ଭାଙ୍ଗିବାକୁ ସକ୍ଷମ ହୋଇଥିଲା। ରାତାରାତି ଡିମ୍ପଲ ଷ୍ଟାରଡମ୍ ହାସଲ କରିଥିଲେ।
ଆଜି ହେଉଛି ଧକ୍ଧକ୍ ଗାର୍ଲ ମାଧୁରୀ ଦିକ୍ଷୀତ୍ଙ୍କ ଜନ୍ମଦିନ। ୧୯୬୭ ମସିହାରେ ଆଜିର ଦିନରେ ମୁମ୍ବାଇଠାରେ ଏହି ଅଭିନେତ୍ରୀ ଜଣକ ଜନ୍ମ ହୋଇଥିଲେ। ଫିଲ୍ମି ବ୍ୟାକ୍ ଗ୍ରାଉଣ୍ଡରୁ ନ ଆସି ମଧ୍ୟ ବଲିଉଡ଼ରେ ପ୍ରାୟ ତିନି ଦଶନ୍ଧିରୁ ଅଧିକ ସମୟ ପର୍ଯ୍ୟନ୍ତ ତିଷ୍ଠି ରହି ବହୁ ହିଟ୍ ଫିଲ୍ମ ଦେଇ ନିଜର ଏକ ସ୍ବତନ୍ତ୍ର ସ୍ଥାନ ତିଆରି କରିଛନ୍ତି। କେବଳ ବଡ଼ ପରଦା ନୁହେଁ ଛୋଟ ପରଦାରେ ମଧ୍ୟ ବେଶ୍ ଆକ୍ଟିଭ ଏହି ଅଭିନେତ୍ରୀଜଣକ। ଆଜି ବି ନିଜର ଜବରଦସ୍ତ ଡ୍ୟାନ୍ସର ଯାଦୁରେ ଦର୍ଶକଙ୍କୁ ମତୁଆଲା କରୁଛନ୍ତି ମାଧୁରୀ। ୧୯୮୪ ମସିହାରେ ’ଅବୋଧ’ ଜରିଆରେ ବଲିଉଡ୍ ଡେବ୍ୟୁ କରିଥିବା ମାଧୁରୀ କିନ୍ତୁ ’ତେଜାବ୍’ ଫିଲ୍ମରେ ଲୋକପ୍ରିୟତା ପାଇଥିଲେ। ତାଙ୍କ ଅଭିନୀତ ଫିଲ୍ମଗୁଡ଼ିକ ମଧ୍ୟରେ ରହିଛି ’ରାମ ଲକ୍ଷନ’, ‘ତ୍ରିଦେବ’, ‘କ୍ରିଶନ କହ୍ନେଇୟା’, ’ଦିଳ୍’, ‘ସାଜନ୍’, ’ବେଟା,’ ‘ଖଲନାୟକ୍’, ‘ହମ୍ ଆପକେ ହୈ କୌନ୍’, ’ରାଜା’, ’ଦିଲ୍ ତୋ ପାଗଲ୍ ହୈ’, ’ପ୍ରେମ ପ୍ରତିଜ୍ଞା’, ‘ଫରିନ୍ଦା, ‘ପ୍ରହାର,’ ’ଅନଜାମ୍’, ’ମୃତ୍ୟୁଦଣ୍ଡ’, ’ପୁକାର୍’, ’ଲଜ୍ଜା’, ’ଦେବଦାସ୍’, ‘ଆଜା ନଚ୍ଲେ’, ‘ଡେଡ୍ ଇଶ୍କିୟା’, ‘ଗୁଲାବ ଗ୍ୟାଙ୍ଗ୍’ ‘ଟୋଟାଲ୍ ଧମାଲ୍’ ପ୍ରମୁଖ ଫିଲ୍ମରେ ଅଭିନୟ କରିଛନ୍ତି। ଛୋଟପରଦାରେ ନୃତ୍ୟଭିତ୍ତିକ ରିଅଲିଟି ଶୋ’ରେ ବିଚାରକ ଭାବେ ନଜର ଆସି ବେଶ୍ ଚର୍ଚ୍ଚାରେ ରହିଛନ୍ତି ମାଧୁରୀ । ମାଧୁରୀ ଦିକ୍ଷୀତ୍ ଶ୍ରୀରାମ ମାଧବ ନେନେଙ୍କୁ ବିବାହ କରିଥିବାବେଳେ ତାଙ୍କର ଦୁଇଟି ସନ୍ତାନ ଅଛନ୍ତି। ବଲିଉଡ୍ରେ ଏହି ଅଭିନେତ୍ରୀଙ୍କୁ ତାଙ୍କର ୫୧ତମ ଜନ୍ମଦିବସ ଅବସରରେ ଅନେକ ଅନେକ ଶୁଭେଚ୍ଛା।
୫୦ ବର୍ଷ ବୟସରେ ବଲିଉଡ୍ ଆକ୍ସନ ଷ୍ଟାର୍ ଅଜୟ ଦେବଗନ। ଏପ୍ରିଲ୍ ୨ ୧୯୬୯ରେ ସେ ଜନ୍ମ ହୋଇଥିଲେ। ବଲିଉଡ୍ରେ ଅଭିନୟ କରିବା ତାଙ୍କର ୨୮ ବର୍ଷ ହୋଇଗଲାଣି। ୧୯୯୧ରେ ଅଜୟ ତାଙ୍କର କ୍ୟାରିୟର ‘ଫୁଲ୍ ଔର୍ କାଣ୍ଟେ’ ଜରିଆରେ ଆରମ୍ଭ କରିଥିଲେ। ତାଙ୍କର ପ୍ରଥମ ଫିଲ୍ମ ହିଁ ସୁପରହିଟ୍ ହୋଇଥିଲା। ଆଜି ବି ଦର୍ଶକ ଅଜୟଙ୍କ ଫିଲ୍ମ ଦେଖିବାକୁ ଅପେକ୍ଷା କରୁଛନ୍ତି। ଅଜୟଙ୍କ ପିତା ବଲିଉଡ୍ର ଷ୍ଟଣ୍ଟ କୋରିଓଗ୍ରାଫର ଥିଲେ। ମାତା ବୀଣା ପ୍ରଡ୍ୟୁସର ଥିଲେ। ୧୯୯୯ରେ କାଜଲଙ୍କୁ ବିବାହ କରିଥିଲେ ଅଜୟ। କାଜଲ ଏବଂ ଅଜୟଙ୍କ ବାହାଘରକୁ ୨୦ ବର୍ଷ ପୂରିଗଲାଣି। ଅଜୟଙ୍କ ଅଭିନୀତ ଫିଲ୍ମଗୁଡ଼ିକ ମଧ୍ୟରେ ରହିଛି ’ଜିଗର’, ‘ଦିଲ୍ ହେ ବେତାବ୍’, ‘ଦିବ୍ୟ ଶକ୍ତି, ‘ସଂଗମ୍’, ‘ଏକ୍ ହି ରିସ୍ତା’, ‘ସୁହାଗ୍’, ‘କାନୁନ୍’, ‘ବିଜୟ ପଥ’, ‘ଦିଲ୍ଓ୍ବାଲେ’‘, ‘ଜଙ୍ଗ୍’, ‘ଦିଲ୍ଜଲେ’, ‘ଇତିହାସ’, ‘ଇଶ୍କ’, ‘ଜଖମ୍’, ‘ହମ୍ ଦିଲ୍ ଦେ ଚୁକେ ସନମ୍’, ‘ମେଜର ସାହେବ’, ‘ପ୍ୟାର ତୋ ହୋନା ହି ଥା’, ‘‘କଚି ଧାଗେ’, ‘ହୋଗୀ ପ୍ୟାର୍ କି ଜିତ୍’, ‘ଦିଲ୍ କ୍ୟା କରେ’, ‘ଓମ୍କାରା’, ‘‘ଓ୍ବାନ୍ସ ଅପନ୍ ଏ ଟାଇମ୍ ଇନ୍ ମୁମ୍ବାଇ,’ ଗୋଲମାଲ୍ ସିରିଜ୍’, ‘ସନ୍ ଅଫ୍ ସର୍ଦ୍ଦାର୍’ ‘ସିଂଘମ୍’, ‘ରାଜନୀତି’, ‘ଆକ୍ରୋଶ’, ‘ ‘ବାଦ୍ଶାହୋ’ ପ୍ରମୁଖ । ନିକଟରେ ଅଜୟଙ୍କ ଅଭିନୀତ ‘ଟୋଟାଲ୍ ଧମାଲ୍’ ବେଶ୍ ସଫଳ ବ୍ୟବସାୟ କରିଥିବାବେଳେ ଆଗାମୀ ଫିଲ୍ମ ‘ଦେ ଦେ ପ୍ୟାର୍ ଦେ’ ମେ ୧୭ରେ ପରଦା ଉପରକୁ ଆସିବ ।
୪ ୪ ବର୍ଷରେ ଅକ୍ଷୟ ଖାନ୍ନା
ବଲିଉଡ୍ର ରୋମାଣ୍ଟିକ୍ ଅଭିନେତା ଅକ୍ଷୟ ଖାନ୍ନା ଆଜି ୪୪ ବର୍ଷରେ ପଦାର୍ପଣ କରିଛନ୍ତି। ୧୯୭୫ ମାର୍ଚ୍ଚ ୨୮ରେ ସେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ। ଅଭିନେତା ବିନୋଦ ଖାନ୍ନାଙ୍କୁ ପୁତ୍ର ହେଉଛନ୍ତି ଅକ୍ଷୟ ଖାନ୍ନା। ତେବେ ପିତାଙ୍କୁ ମାର୍ଗଦର୍ଶକ ଭାବେ ନେଇ ବଲିଉଡ୍ରେ ଅଭିନୟ କରିବାକୁ ଆଗ୍ରହ ପ୍ରକାଶ କରିଥିଲେ ଅକ୍ଷୟ ଖାନ୍ନା। ୧୯୯୭ରେ ସେ ହିମାଳୟ ପୁତ୍ର ଫିଲ୍ମ ଜରିଆରେ ବଲିଉଡ୍ରେ ଏଣ୍ଟ୍ରି କରିଥିଲେ। ଏହାପରେ ତାଙ୍କର ବର୍ଡର ଫିଲ୍ମ ପରଦାକୁ ଆସିଥିଲା। ଏହି ଫିଲ୍ମ ପାଇଁ ଫିଲ୍ମଫେୟାର୍ ଶ୍ରେଷ୍ଠ ନବାଗତର ପୁରସ୍କାର ମଧ୍ୟ ପାଇଥିଲେ। ଏହାପରେ ମ୍ୟୁଜିକାଲ୍ ରୋମାଣ୍ଟିକ୍ ଡାମ୍ରା ‘ତାଲ୍’ରେ ଐଶ୍ବର୍ଯ୍ୟାଙ୍କ ସହ ନଜର ଆସିଥିଲେ ଅକ୍ଷୟ। ପରବର୍ତ୍ତୀ ସମୟରେ ‘ଦିଲ୍ଚାହାତା ହୈ’, ମହବତ୍, କୁଦରତ୍, ଲାଓ୍ବାରିସ୍, ‘ଲଭ ୟୁ ହମେଶା’, ‘ହମରାଜ୍’, ’୩୬ ଚାଇନା ଟାଉନ୍’, ‘ରେସ୍’, ‘ତିସ୍ ମାର୍ ଖାନ୍’, ‘ଦହକ୍’, ‘ଦିଓ୍ବାନଗୀ’, ହଙ୍ଗାମା, ହଲ୍ଚଲ୍, ‘ଗାନ୍ଧି ମାଇ ଫାଦର୍, ‘ଆକ୍ରୋଶ୍’, ‘ଢିସୁମ୍’, ‘ମମ୍’, ‘ଇତେଫାଖ୍’ ଆଦି ଫିଲ୍ମରେ ବେଶ୍ ସଫଲ ଅଭିନୟ କରିଛନ୍ତି। ‘ହମରାଜ୍’ ଫିଲ୍ମ ପାଇଁ ସେ ଶ୍ରେଷ୍ଠ ଖଳନାୟକର ପୁରସ୍କାର ଜିତିଥିଲେ। ଚଳିତ ବର୍ଷ ଅକ୍ଷୟଙ୍କ ଅଭିନୀତ ‘ଦ ଆାକ୍ସିଡେଣ୍ଟାଲ୍ ପ୍ରାଇମ୍ ମିନିଷ୍ଟର୍’ ରିଲିଜ୍ ହୋଇଥିଲା। ଏଥିରେ ସେ ସଂଜୟ ବାରୁ ଚରିତ୍ରରେ ନଜର ଆସିଥିଲେ। ତେବେ ଏହି ରୋମାଣ୍ଟିକ୍ ଅଭିନେତା ଜଣଙ୍କ ଆଜି ପର୍ଯ୍ୟନ୍ତ ଅବିବାହିତ ରହିଛନ୍ତି।
ବଲିଉଡ୍ ଅଭିନେତ୍ରୀ ତନୁଶ୍ରୀ ଦତ୍ତ ଆଜି ୩୫ ବର୍ଷରେ ପଦାର୍ପଣ କରିଛନ୍ତି। ସେ ୧୯୮୪ ମାର୍ଚ୍ଚ ୧୯ରେ ଜାମ୍ସେଦ୍ପୁରଠାରେ ଜନ୍ମଗ୍ରହଣ କରିଥିଲେ। ୨୦୦୩ ମସିହାରେ ମିସ୍ ଫେମିନା ଇଣ୍ଡିଆ ଟାଇଟଲ୍ ଜିତିଥିବା ୨୦୦୪ରେ ‘ମିସ୍ ୟୁନିଭର୍ସ’ରେ ଷଷ୍ଠତମ ସ୍ଥାନ ଅଧିକାର କରିଥିଲେ। ସେ ପ୍ରଥମେ କନ୍ନଡ଼ ଫିଲ୍ମ ‘ଥେରତା ଭିଲିୟାତୁ ପିଲାଇ’ରେ ଅଭିନୟ କ୍ୟାରିଅର ଆରମ୍ଭ କରିଥିଲେ। ୨୦୦୫ରେ ‘ଚକୋଲେଟ୍’ ଓ ‘ଆଶିକ୍ ବନାୟା ଅପ୍ନା’ ଜରିଆରେ ବଲିଉଡ୍ ଏଣ୍ଟ୍ରି କରିଥିଲେ। ପରବର୍ତ୍ତୀ ସମୟରେ ସେ ‘ଭାଗମ୍ ଭାଗ୍’, ‘ରାଖିବ୍ : ରାଇଭାଲସ୍ ଇନ୍ ଲଭ୍’, ‘ଢୋଲ୍’, ‘ରିସ୍କ’, ‘ଗୁଡ୍ ବୟ ବ୍ୟାଡ୍ ବୟ’, ସ୍ପିଡ୍, ଆଦି ଫିଲ୍ମରେ ଅଭିନୟ କରିଛନ୍ତି। ‘ଆଶିକି ବନାୟା ଆପ୍ନା’ରେ ଇମ୍ରାନ୍ଙ୍କ ସହ ଲିପ୍ଲକ୍ ସହିତ ବୋଲ୍ଡ ସିନ୍ ଦେଇ ବେଶ୍ ଚର୍ଚ୍ଚା ପରିସରକୁ ଆସିଥିଲେ ଏହି ଅଭିନେତ୍ରୀ ଜଣକ। କିନ୍ତୁ ପରବର୍ତ୍ତୀ ସମୟରେ ସେ ବଲିଉଡ୍ରୁ ବହୁତ ଦିନ ପର୍ଯ୍ୟନ୍ତ ଗାଏବ ରହିଥିଲେ। ନିକଟରେ ନାନା ପାଟେକରଙ୍କ ବିରୋଧରେ ଯୌନଶୋଷଣ ଅଭିଯୋଗ କରି ଚର୍ଚ୍ଚାକୁ ଆସିଥିଲେ ଏହି ଅଭିନେତ୍ରୀ ଜଣକ। ଭାରତରେ ‘ମି ଠୁ‘ ଆନ୍ଦୋଳନରେ ବେଶ୍ ବଡ଼ ଭୂମିକା ଗ୍ରହଣ କରିଛନ୍ତି ତନୁଶ୍ରୀ। ମିଳିଥିବା ସୂଚନା ଅନୁସାରେ ଏହି ଅଭିନେତ୍ରୀଜଣକ ଖୁବ୍ଶୀଘ୍ର ଓ୍ବେବସିରିଜ୍ରେ ପାଦ ଥାପୁଛନ୍ତି।
୩୫ ବର୍ଷରେ ଗୀତା ବାସ୍ରା
ବଲିଉଡ୍ ଅଭିନେତା ତଥା ଭାରତୀୟ କ୍ରିକେଟିଅର ହରଭଜନ୍ ସିଂହଙ୍କ ପତ୍ନୀ ଗୀତା ବାସ୍ରାଙ୍କର ଆଜି ହେଉଛି ୩୫ତମ ଜନ୍ମଦିବସ। ୧୯୮୪ ମାର୍ଚ୍ଚ ୧୩ ତାରିଖରେ ଇଂଲଣ୍ଡରେ ଏକ ପଞ୍ଜାବୀ ପରିବାରରେ ଜନ୍ମ ହୋଇଥିଲେ। ଇଂଲଣ୍ଡରେ ପାଠ ପଢା ସାରି ସେ ଭାରତକୁ ଫେରିଥିଲେ। ପ୍ରଥମରୁ ସେ ୪-୫ ବର୍ଷ ପର୍ଯ୍ୟନ୍ତ ଥିଏଟରରେ ଶିକ୍ଷାଲାଭ କରିବାପରେ ମୁମ୍ବାଇର ଏକ ଆକ୍ଟିଂ ସ୍କୁଲରେ ଅଭିନୟ ଶିଖିଥିଲେ। ପରେ ବଲିଉଡ୍ରେ ବ୍ରେକ୍ ପାଇଥିଲେ। ଗୀତା ବଲିଉଡ୍କୁ ଆସିବା ପୂର୍ବରୁ ଜଣେ ଭଲ ମଡେଲ୍ ଭାବରେ ନିଜର ପରିଚୟ ତିଆରି କରିପାରିଥିଲେ। ସେ ପ୍ରଥମେ ଇମ୍ରାନ ହାସ୍ମୀଙ୍କ ସହ ‘ଦିଲ୍ ଦିୟା ହୈ’ ଜରିଆରେ ବଲିଉଡ୍ରେ ପାଦ ଥାପିଥିଲେ। ପ୍ରଥମ ଫିଲ୍ମରେ ବେଶ୍ ହଟ୍ ଅନ୍ଦାଜ୍ରେ ନଜର ଆସିଥିଲେ ଗୀତା। ‘ଦ ଟ୍ରେନ୍’ ଫିଲ୍ମରେ ଇମ୍ରାନ୍ଙ୍କ ସହ ତାଙ୍କର କିସିଂ ଓ ବୋଲ୍ଡ ସିନ୍ ବେଶ୍ ଚର୍ଚ୍ଚାରେ ରହିଥିଲା। ତେବେ ବଲିଉଡ୍ରେ ଏହି ଅଭିନେତ୍ରୀଙ୍କର ଜଲ୍ଓ୍ବା ବେଶିଦିନ ଚାଲିପାରିଲା ନାହିଁ । ୨୦୧୫ରେ ସେ କ୍ରିକେଟ ଖେଳାଳି ହରଭଜନ୍ ସିଂହଙ୍କୁ ବିବାହ କଲେ ଏବଂ ତାଙ୍କର ଝିଅଟିଏ ମଧ୍ୟ ଅଛି। ବିବାହ ପରେ ତାଙ୍କୁ ପଞ୍ଜାବୀ ଫିଲ୍ମରେ ଦେଖିବାକୁ ମିଳିଥିଲା। ତେବେ ଏହି ଅଭିନେତ୍ରୀ ଜଣକ ସୋସିଆଲ୍ ସାଇଟ୍ରେ ବେଶ୍ ସକ୍ରିୟ।
୨୨ ବର୍ଷରେ ପାଦଦେଲେ ‘ଧଡକ୍’ ଗାର୍ଲ ଜାହ୍ନବୀ
ଶ୍ରୀଦେବୀ ଓ ବୋନିକପୁର୍ଙ୍କ ଝିଅ ଜାହ୍ନବୀ କପୁର୍ ଆଜି ୨୨ ବର୍ଷ ବୟସରେ ପାଦ ଦେଇଛନ୍ତି । ‘ଧଡକ୍’ ଜରିଆରେ ବଲିଉଡ୍ ଏଣ୍ଟ୍ରି କରିଥିବା ଜାହ୍ନବୀ ପ୍ରଥମ ଫିଲ୍ମରେ ବେଶ୍ ସଫଳତା ପାଇଛନ୍ତି । ନିକଟରେ ସେ ଗୁଞ୍ଜନ ସକ୍ସେନାଙ୍କ ବାୟୋପିକ୍ରେ ଅଭିନୟ କରୁଛନ୍ତି । ୧୯୯୭ ମାର୍ଚ୍ଚ ମାସରେ ଜନ୍ମଗ୍ରହଣ କରିଥିଲେ ଏହି ଅଭିନେତ୍ରୀ ଜଣକ । ଧୀରୁଭାଇ ଅମ୍ବାନୀ ଇଣ୍ଟରନ୍ୟାସନାଲ୍ ସ୍କୁଲରୁ ପାଠ ପଢା ସାରିବା ପରେ କାଲିଫୋର୍ଣ୍ଣିଆଠାରେ ଫିଲ୍ମ ଓ ଟେଲିଭିଜନ୍ରେ ଆକ୍ଟିଂ କୋର୍ସ କରିଛନ୍ତି । ୨୦୧୫ରେ ତାଙ୍କୁ ମହେଶ ବାବୁଙ୍କ ବିପକ୍ଷରେ ଅଭିନୟ କରିବାକୁ ସୁଯୋଗ ମିଳିଥିଲା, କିନ୍ତୁ ସେ ଏହାକୁ ଗ୍ରହଣ କରିନଥିଲେ । ଆଜି ଜନ୍ମଦିବସ ଅବସରରେ ଜାହ୍ନବୀ କପୁର୍ ପିତା ବୋନି କପୁର୍ ଓ ଭଉଣୀ ଖୁସି କପୁର୍ଙ୍କ ସହ ବନାରସ ଯାଇ ଗଙ୍ଗା ଆଳତୀ କରିଛନ୍ତି । ତାଙ୍କ ଜନ୍ମଦିବସ ଅବସରରେ ଭଉଣୀ ସୋନମ୍ କପୁର୍ ତାଙ୍କ ସାନବେଳର ଏକ ଫଟୋକୁ ସେୟାର କରିଥିବାବେଳେ ଅଭିନେତ୍ରୀ ସାରା ଅଲ୍ଲୀ ଖାନ୍ ତାଙ୍କୁ ଅଭିନନ୍ଦନ ଜଣାଇଛନ୍ତି । ତେବେ ୨୨ ବର୍ଷୀୟା ଅଭିନେତ୍ରୀ ତାଙ୍କ ମା’ଙ୍କ ପରି ଫିଲ୍ମ ଦୁନିଆରେ ନିଜର ଏକ ସୁନ୍ଦର ପରିଚୟ ତିଆରି କରନ୍ତୁ ।