ଭୁବନେଶ୍ବର: ନିର୍ବାଚନ ପାଖେଇ ଆସିଥିବାରୁ ବର୍ତ୍ତମାନ ଟିକେଟ ପାଇବା ପାଇଁ ପ୍ରାର୍ଥୀମାନଙ୍କ ମଧ୍ୟରେ ଉତ୍କଣ୍ଠା ମଧ୍ୟ ବୃଦ୍ଧି ପାଇବାରେ ଲାଗିଛି। ସେହିପରି ପରିସ୍ଥିତିରେ ପୂର୍ବତନ ବିଧାୟକ ରଘୁନାଥ ସାହୁ ଚିଲିକାରୁ ଟିକେଟ ପାଇବା ପାଇଁ ବଡ ଆଶାୟୀ ହୋଇପଡିଛନ୍ତି। ହେଲେ ନିର୍ବାଚନ ପାଖେଇ ଆସୁଥିଲେ ମଧ୍ୟ ଦଳ କୌଣସି ସବୁଜ ସଙ୍କେତ ଦେଉ ନ ଥିବାରୁ ସେ ବ୍ୟସ୍ତ ହୋଇପଡିଲେଣି।
ଦଳରୁ ଟିକେଟ ପାଇବା ଏବଂ ନିଜର ଶକ୍ତି ପ୍ରଦର୍ଶନ କରିବା ପାଇଁ ଆସନ୍ତାକାଲି ରଘୁନାଥ ସାହୁ ନବୀନ ନିବାସ ଯାଉଥିବାର ଜଣାପଡିଛି। ସେଥିପାଇଁ ସେ ବଡ ପ୍ରସ୍ତୁତି କରିଥିବାର ଜଣାପଡିଛି। ଏ ନେଇ ତାଙ୍କର ଜଣେ କର୍ମିଙ୍କ କହିବା କଥା ଯେ, ଆସନ୍ତାକାଲି ଚିଲିକାରୁ ୫୦ ଟି ବସ୍ ଏବଂ ୨୫ ଟି ବୋଲେରେ ଭର୍ତ୍ତି ହୋଇ ଲୋକେ ଭୁବନେଶ୍ବର ଯିବେ। ସେଠାରେ ସେ ଚିଲିକାରୁ ପ୍ରାର୍ଥୀ ହେବା ପାଇଁ ଦଳର ସୁପ୍ରିମୋ ତଥା ବରିଷ୍ଠ ନେତାଙ୍କ ସହିତ ଆଲୋଚନା କରିବେ।