Tag: death

Categories
ଅପରାଧ ଆଜିର ଖବର ଜାତୀୟ ଖବର

କର୍ଣ୍ଣାଟକରେ ମହିଳାଙ୍କୁ ନିର୍ମମ ହତ୍ୟା!: ଫ୍ରିଜରୁ ମିଳିଲା ୩୦ ଖଣ୍ଡରେ କଟାଯାଇଥିବା ଅଙ୍ଗ

ମଲେଶ୍ୱରମ: କର୍ଣ୍ଣାଟକର ମଲେଶ୍ୱରମରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ସୂଚନାନୁସାରେ ୨୬ ବର୍ଷିୟା ମହିଳାଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛି। ମହିଳାଙ୍କ ଶରୀରକୁ ଅନେକ ଖଣ୍ଡରେ କାଟି ଦିଆଯାଇଛି। ମହିଳାଙ୍କୁ ହତ୍ୟା କରିବା ପରେ ତାଙ୍କ ମୃତଦେହକୁ ମଲେଶ୍ୱରମ ନିକଟ ୱାଲିକାୱଲରେ ଏକ ଫ୍ରିଜ ଭିତରେ ଖଣ୍ଡ ବିଖଣ୍ଡିତ ଅଙ୍ଗକୁ ରଖାଯାଇଛି। ଦୁର୍ଗନ୍ଧ ବାହାରିବା ପରେ ପୋଲିସ ଏହି ସ୍ଥାନରେ ପହଞ୍ଚିଛି। ବର୍ତ୍ତମାନ ସମଗ୍ର ଘଟଣାର ଗଭୀର ଅନୁସନ୍ଧାନ କରାଯାଉଛି।

ମହିଳାଙ୍କ ମୃତଦେହକୁ ୩୦ ଖଣ୍ଡରେ କାଟି ଏକ ଘରେ ଥିବା ରେଫ୍ରିଜରେଟରରେ ରଖାଯାଇଥିବା ଦେଖିବାକୁ ମିଳିଥିଲା। ବର୍ତ୍ତମାନ ଏହି ଘଟଣାର ତଦନ୍ତ ଚାଲିଛି। ପୋଲିସ କହିଛି ଯେ ଫୋରେନସିକ୍ ଟିମ୍ ମଧ୍ୟ ଡକାଯାଇଛି। ଏହି ଘଟଣାର ସମ୍ପୂର୍ଣ୍ଣ ଅନୁସନ୍ଧାନ କରାଯାଉଛି।

ମୃତଦେହ ଚିହ୍ନଟ ହୋଇଥିବା ପୋଲିସ କହିଛି। ପୋଲିସ କହିଛି ଯେ, ବର୍ତ୍ତମାନ ତଦନ୍ତ ଚାଲିଛି, ସେମାନେ ତଦନ୍ତ ପରେ ଅଧିକ ସୂଚନା ଦେବେ। ମହିଳାଜଣଙ୍କ କର୍ଣ୍ଣାଟକରେ ଅବସ୍ଥାନ କରିଥିଲେ କିନ୍ତୁ ମୂଳତଃ ଅନ୍ୟ ରାଜ୍ୟରୁ ଆସିଥିଲେ।

Categories
ଆଞ୍ଚଳିକ

ଟାଙ୍ଗୀ: କୟଥପଲ୍ଲା ଛକରେ ମର୍ମନ୍ତୁଦ ସଡକ ଦୁର୍ଘଟଣା, ଜଣେ ମୃତ

ଟାଙ୍ଗୀ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ କୟଥପଲ୍ଲା ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଟ୍ରକ ଧକ୍କାରେ ଜଣଙ୍କର ମୃତ ହୋଇଥିବା ସୂଚନା ମିଳିଛି। ମୃତକଙ୍କ ନାମ ରାମଚନ୍ଦ୍ର ସାହୁ (୩୬) ବୋଲି ଚିହ୍ନଟ ହୋଇଥିବା ବେଳେ ତାଙ୍କ ଘର ବାଲୁଗାଁ ଥାନା ସରଳା ପଦର ଗ୍ରାମରେ ବୋଲି ଜଣାପଡିଛି। ମୃତ ଦେହ ଜବତ କରି ଟାଙ୍ଗୀ ପୋଲିସ ତଦନ୍ତ କରୁଛି।

Categories
ଅପରାଧ ଆଜିର ଖବର ରାଜ୍ୟ ଖବର

ନାତୁଣୀର ହେମଦସ୍ତା ମାଡ଼ରେ ଆଈ ମୃତ

ଭଦ୍ରକ :  ନାତୁଣୀ ମାଡରେ ଆଈର ମୃତ୍ୟୁ ହୋଇଛି । ଭଣ୍ଡାରୀପୋଖରୀ ଥାନା ନପଙ୍ଗ ଗାଁରେ ଅଘଟଣ ଘଟିଛି । ଘରୋଇ କଳିରୁ ନାତୁଣୀ ଆକ୍ରମଣ କରିଥିବାର ସୂଚନା ରହିଛି । ନାତୁଣୀ ହେମଦସ୍ତାରେ ଆଈକୁ ଆକ୍ରମଣ କରିଛି। ହେମଦସ୍ତାରେ ମାଡ ଖାଇବା ପରେ ଆଈର ମୃତ୍ୟୁ ହୋଇଛି ।

Categories
ଅନ୍ତରାଷ୍ଟ୍ରୀୟ ଆଜିର ଖବର

ପ୍ଲାଷ୍ଟିକ୍‌ ସର୍ଜରୀ ଯୋଗୁଁ ମଡେଲ୍‌ଙ୍କ ଜୀବନ ଗଲା

ମେକ୍ସିେକା : ଆଜିକାଲି ନିଜର ସୌନ୍ଦର୍ଯ୍ୟକୁ ଆହୁରି ଆକର୍ଷିତ କରିବାପାଇଁ ପ୍ଲାଷ୍ଟିକ୍‌ ସର୍ଜରୀ କରୁଛନ୍ତି । ଏହି ପ୍ଲାଷ୍ଟିକ୍‌ ସର୍ଜରୀ କେବେ କେବେ  ଓଲଟା ଫଳ ଦେଉଛି । ପୂର୍ବ ଚେହେରାକୁ ବିକଟ କରିଦେଉଥିବାବେଳେ କେବେ କେବେ ଏହା ଅଧିକ ଘାତକ ହୋଇ ପ୍ରାଣ ମଧ୍ୟ ନେଉଛି । ଏହିପରି ଏକ ଘଟଣା ମେକ୍ସିକୋରୁ ଆସିଛି । ମେକ୍ସିକୋର ଜଣେ ମଡେଲ୍‌ ପ୍ଲାଷ୍ଟିକ୍‌ ସର୍ଜରୀ କରି ମୃତ୍ୟୁବରଣ କରିଥିବାର ସୂଚନା ରହିଛି ।

ମିଳିଥିବା ସୂଚନା ଅନୁସାରେ 30 ବର୍ଷୀୟା ଜସଲିନ୍‌ କୈନୋଙ୍କୁ ମେକ୍ସିକୋର କିମ୍‌ କାର୍ଦରିସିଆନ୍‌ କୁହାଯାଏ । କୈନୋ ମଡେଲ ହେବା ସହିତ ଜଣେ ସ୍ବିମ୍‌ସୁଟ୍‌ ଡିଜାଇନର ମଧ୍ୟ ଥିଲେ । କୈନୋଙ୍କ ଇନ୍‌ଷ୍ଟାଗ୍ରାମରେ ପ୍ରାୟ 13 ମିଲିଅନ୍‌ ଫୋଲର୍ସ ରହିଛନ୍ତି । ତାଙ୍କ ଆକର୍ଷଣୀୟ ଫିଗର୍‌ ପାଇଁ ପ୍ରାୟ ଦିଓ୍ବାନା ହୋଇଥାନ୍ତି । ଚଳିତ ମାସ ପ୍ରାରମ୍ଭରେ କୈନୋ କାର୍ଲିଫର୍ଣ୍ଣିଆଠାରେ ପ୍ଲାଷ୍ଟିକ୍‌ ସର୍ଜରୀ କରିଥିଲେ । କୈନୋ ନିଜ ନିତମ୍ବର ସର୍ଜରୀ କରାଇଥିଲେ । ଶରୀରର ଅନ୍ୟ ଏକ ଅଂଶରୁ ଫ୍ୟାଟ୍‌ ବାହାର କରି ସର୍ଜରୀ କରାଇଥିଲେ । କୈନୋ ଏହି ସର୍ଜରୀରେ ପେଟ ପାଖରୁ ଫ୍ୟାଟ୍‌ ବାହାର କରି ତାକୁ ହିପ୍ସରେ ସର୍ଜରୀ କରାଇଥିଲେ । ତେବେ ଏହି ବିପଦପୂର୍ଣ୍ଣ ସର୍ଜରୀ ଯୋଗୁଁ କୈନୋଙ୍କର ଜୀବନ ଚାଲିଯାଇଛି । ମିଳିଥିବା ସୂ ଚନା ଅନୁସାରେ ଏହିପରି ସର୍ଜରୀ ଯୋଗୁଁ ପ୍ରାୟ 3000 ଲୋକଙ୍କର ମୃତ୍ୟୁ ହୋଇଛି ।

କୈନୋଙ୍କ ପରିବାର ତରଫରୁ ତାଙ୍କର ମୃତ୍ୟୁ ନେଇ କୌଣସି ସୂଚନା ଦିଆଯାଇନଥିବାବେଳେ ତାଙ୍କ ସହଯୋଗୀ ମଡେଲ୍‌ ଲିରା ମାର୍ସର ଏନେଇ ସୂଚନା ଦେଇଛନ୍ତି ।

କୈନୋଙ୍କ ପ୍ରଶଂସକମାନେ ତାଙ୍କ ମୃତ୍ୟୁଖବର ପାଇଁ ଦୁଃଖ ପ୍ରକାଶ କରିଛନ୍ତି । ଏତେ ସୁନ୍ଦର ଚେହେରାର ଅଧିକାରିଣୀ ହେବା ସତ୍ତ୍ବେ ଏପରି ବିପଦପୂ୍ଣ୍ଣ ସର୍ଜରୀ କରି ନିଜ ଜୀବନ ହାରିଛନ୍ତି ମଡେଲ୍‌ ଜଣକ । (ଏଜେନ୍ସି)

Categories
ଆଜିର ଖବର ଖେଳ ଜାତୀୟ ଖବର

ସଡକ ଦୁର୍ଘଟଣାରେ ସାଉଥ୍‌ ଆଫ୍ରିକାର ଷ୍ଟାର ଖେଳାଳୀଙ୍କର ମୃତ୍ୟୁ

ସାଉଥ୍‌ ଆଫ୍ରିକା : ଦକ୍ଷିଣ ଆଫ୍ରିକାର ଷ୍ଟାର ଖେଳାଳୀ ମୋତିଜେକା ମଦିସାଙ୍କ କାର୍‌ ଦୁର୍ଘଟଣାରେ ମୃତ୍ୟୁ ହୋଇଛି । ଜୋହାନିସବର୍ଗରେ ଏହି ଦୁର୍ଘଟଣା ହୋଇଥିବାର ସୂଚନା ରହିଛି । 25 ବର୍ଷୀୟ ଡିଫେଣ୍ଡର୍‌ ମଦିସା କାର୍‌ରେ ଜଣଙ୍କ ସହିତ ଯାତ୍ରା କରୁଥିବା ସମୟରେ ଏହି ଦୁର୍ଘଟଣା ଘଟିଛି । କାର୍‌ଟି ଦୁର୍ଘଟଣାଗ୍ରସ୍ତ ହେବା ପରେ ବିସ୍ଫୋରଣ ହୋଇ ଜଳିଯାଇଥିଲା । ଏହି ଦୁର୍ଘଟଣାରେ ମଦିସାଙ୍କ ସହିତ ଅନ୍ୟ ଦୁଇଜଣଙ୍କର ମଧ୍ୟ ମୃତ୍ୟୁ ହୋଇଛି । ମଦିସାଙ୍କ ମୃତ୍ୟୁ ହୋଇଥିବା ନେଇ ଦକ୍ଷିଣ ଆଫ୍ରିକା ଫୁଟବଲ୍‌ ଆସୋସିଏସନ୍‌ ସୂଚନା ଦେଇଛି । ମଦିସାଙ୍କ କାର୍‌ ଆକ୍ସିଡେଣ୍ଟର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ୍‌ ହେବାରେ ଲାଗିଛି ।

ମଦିସା ଦକ୍ଷିଣ ଆଫ୍ରିକା ପ୍ରିମିୟର ସକର୍‌ ଲିଗ ଚାମ୍ପିୟନ୍ସରେ  ମଧ୍ୟ ଖେଳି ଥିଲେ । ଗତ କିଛି ମାସ ତଳେ ଆଫ୍ରିକା ଅଫ୍‌ ନେସନ୍‌ କ୍ବାଲିଫିକେସନ୍‌ ଡବଲ୍‌ ହେଡରରେ ସାଓ ତାମେଙ୍କ ବିପକ୍ଷରେ ସେ ମଇଦାନକୁ ଓହ୍ଲାଇଥିଲେ ।

ତେବେ ଦୁର୍ଘଟଣାଟି କିପରି ଘଟିଲା ସେ ସମ୍ପର୍କରେ ସମ୍ପୂର୍ଣ୍ଣ ରୂପେ କିଛି ସୂଚନା ମିଳିପାରିନାହିଁ । ମାତ୍ର ଏହି ଦୁର୍ଘଟଣାରେ ଲୋକପ୍ରିୟ ଖେଳାଳୀଙ୍କର ଦୁଃଖଦ ମୃତ୍ୟକୁ ନେଇ ଖେଳପ୍ରେମୀଙ୍କ ମଧ୍ୟରେ ଶୋକାର ଛାୟା ଖେଳିଯାଇଛି । ଗତ କିଛି ଦିନ ପୂର୍ବେ କାର୍‌ ଦୁର୍ଘଟଣାରେ ଦକ୍ଷିଣ ଆଫ୍ରିକାର ଅନ୍ୟ ଜଣେ ଫୁଟବଲ୍‌ ଖେଳାଳୀ ଏନ୍‌ଲେଙ୍କର ମଧ୍ୟ ମୃତ୍ୟୁ ହୋଇଥିଲା । (ଏଜେନ୍ସି)

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ରାଜ୍ୟରେ ଆଉ ୬ ଜଣ ଆକ୍ରାନ୍ତଙ୍କର ମୃତ୍ୟୁ

ଭୁବନେଶ୍ବର: ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା କମୁଥିବାବେଳେ ଆଜି ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟାରେ  ମଧ୍ୟ ହ୍ରାସ ଦେଖାଦେଇଛି। ରାଜ୍ୟରେ ଆଉ ୬ ଜଣ ଆକ୍ରାନ୍ତଙ୍କର ମୃତ୍ୟୁ ହୋଇଛି। ଏହାକୁ ମିଶାଇ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୧୭୭୧କୁ ବୃଦ୍ଧି ପାଇଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ତେବେ ଆଜି ଖୋର୍ଦ୍ଧା ଜିଲ୍ଲାରୁ ସର୍ବାଧିକ ଦୁଇଜଣ କରୋନା ରୋଗୀ ଆଖି ବୁଜିଥିବାବେଳେ ବାଲେଶ୍ଵର, ବଲାଙ୍ଗିରି, କଳାହାଣ୍ଡି, ଓ ନୂଆପଡ଼ାରୁ ଜଣେ ଲେଖାଏଁ ଆକ୍ରାନ୍ତଙ୍କର ମୃତ୍ୟୁ ହୋଇଛି।

Categories
ଆଜିର ଖବର ଜାତୀୟ ଖବର

ଏମିତି ବି ଆସେ ମୃତ୍ୟୁ: ଚାଲୁଥିବା ସମୟରେ ଟ୍ରେନ୍‌ ଧକ୍କାରେ ଗଲା ଦୁଇ ଯୁବକଙ୍କ ଜୀବନ

ମଧ୍ୟପ୍ରଦେଶ :  ଇଅରଫୋନ୍‌ ହେଲା କାଳ । ମଧ୍ୟପ୍ରଦେଶର ବୁରହାନ୍‌ପୁର ଜିଲ୍ଲା ଏକ ରେଲ୍‌ଓ୍ବେ ଟ୍ରାକ୍‌ରେ ଏକ ଅଭାବନୀୟ ଘଟଣା ଘଟିଛି । ରେଲ୍‌ଓ୍ବେ ଟ୍ରାକ୍‌ରେ ଦୁଇଜଣ ଯୁବକ ଟ୍ରେନ୍‌ରେ ଧକ୍କା ହୋଇ ମୃତ୍ରୁ ବରଣ କରିଛନ୍ତି । ଟ୍ରାକରେ ଦୁଇଜଣ ଯୁବକ କର୍ଣ୍ଣାଟକ ଏକ୍ସପ୍ରେସ ଧକ୍କା ଦେବା ଫଳରେ ପ୍ରାଣ ହରାଇଛନ୍ତି । ଏପରିକି ସେମାନଙ୍କ ଶରୀର ପ୍ରାୟ 50ରୁ 60 ଖଣ୍ଡ ହୋଇଯାଇଛି । ପ୍ରାୟ 100 ମିଟର ଦୂରକୁ ସେମାନଙ୍କ ଶରୀର ବିଭିନ୍ନ ଅଙ୍ଗପ୍ରତ୍ୟଙ୍ଗ ଛିଟକି ପଡିଥିବା ମଧ୍ୟ ଦେଖିବାକୁ ମିଳିଛି ।

ମିଳିଥିବା ସୂଚନା ଅନୁସାରେ ବୁରହାନପୁରରର ବିରୋଦାରେ ରହୁଥିବା 19 ବର୍ଷୀୟ ଇର୍ଫାନ୍‌ ଓ 16 ବର୍ଷୀୟ କଲୀମ୍‌ ଶୁକ୍ରବାର ସନ୍ଧ୍ୟା 6 ଘଟିକା ସମୟରେ ଟ୍ରାକ୍‌ରେ ବୁରହାନ୍‌ପୁର ଆଡକୁ ଯାଉଥିଲେ । ଟ୍ରେନ୍‌ ଟ୍ରାକ୍‌ରେ ଯିବା ସମୟରେ ଦୁହେଁ କାନରେ ଇଅର୍‌ଫୋନ୍‌ ଲଗାଇ ଗୀତ ଶୁଣି ଶୁଣି ଯାଉଥିଲେ । ଗୀତ ଯୋଗୁଁ ଟ୍ରେନ୍‌ର ଶବ୍ଦ ଶୁଣିପାରିନଥିଲେ ଦୁହେଁ । ଟ୍ରାକ୍‌ରେ ଯାଉଥିବା ସମୟରେ କର୍ଣ୍‌ଣାଟକ ଏକ୍ସପ୍ରେସ୍‌ ଉଭୟଙ୍କ ଧକ୍କା ଦେଇଥିଲା । ରେଲ୍‌ଓ୍ବେ ଟ୍ରାକ୍‌ର ପୋଲ୍‌ ନମ୍ବର 496/2 ରୁ 496/4 ମଧ୍ୟରେ ଦୁହେଁ ଟ୍ରେନ୍‌ରେ ବାଡେଇ ହୋଇ କଟି ଯାଇଥିଲେ । ଟ୍ରେନ୍‌ ଟି ଏତେ ଭୟଙ୍କର ଭାବରେ ଧକ୍କା ଦେଇଥିଲା ଯେ, ଦୁହିଁଙ୍କର ଶରୀର ଖିନ୍‌ଭିନ୍‌ ହୋଇ ଶରୀରର ଅଙ୍ଗପ୍ରତ୍ୟଙ୍ଗ ସବୁ ୟାଡେ ସ୍ୟାଡେ ପଡିଥିଲା ।  ଟ୍ରେନ୍‌ରେ କଟି ଦୁଇ ଯୁବକଙ୍କ ଶରୀର ବହୁ ଟୁକୁଡାରେ ପରିଣତ ହୋଇଥିଲା । ତାଙ୍କ ଚେହେରା ଚିହ୍ନିବା ବହୁତ ମୁସ୍କିଲ୍‌ ହୋଇପଡିଥିଲା । ପୋଲିସ୍ ‌ସହିତ ପ୍ରାୟ 40 ଜଣ ଲୋକ ଦୁଇ ଘଣ୍‌ଟା ଧରି ଟ୍ରାକ୍‌ ଓ ଟ୍ରାକ୍‌ ନିକଟରେ ଖୋଜାଖୋଜି କରିବା ପରେ  ଚିହ୍ନଟ କରିଥିଲେ ।

ଲାଲବାଗ ଷ୍ଟେସନରେ ଟ୍ରେନ୍ ଚାଳକ ଦୁର୍ଘଟଣା ବାବଦରେ ସୂଚନା ଦେଇଥିଲେ । ସେ କହିଥିଲେ ଯେ, ଏହି ଦୁଇ ଯୁବକ ଟ୍ରାକରେ ଚାଲୁଥିଲେ । ହର୍ଣ୍ଣ ବଜାଇଥିଲେ ମଧ୍ୟ ଶୁଣିନଥିଲେ । ତେଣୁ ସେମାନଙ୍କୁ ଟ୍ରେନ୍ ଧକ୍କା ଦେଇଥିଲା । ତେବେ ଟ୍ରେନ୍‌ ଦୁର୍ଘଟଣା ପରେ ସ୍ଥାନୀୟ ଲୋକେ ଉତ୍ତ୍ୟକ୍ତ ହୋଇ ରେଳରୋକ କରିଥିଲେ । ତେବେ ପୋଲିସ୍‌ ପହଞ୍ଚି ସେମାନଙ୍କୁ ବୁଝାସୁଝା କରିବା ପରେ ଟ୍ରେନ୍‌ ଚଳାଚଳ ସ୍ବାଭାବିକ ହୋଇଥିଲା । (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ପିସ୍ତଲ ସହ ସେଲ୍‌ଫି ନେଇ ମୃତ୍ୟୁବରଣ କଲେ 22ବର୍ଷୀୟ ଯୁବକ

ନୋଏଡା: ପୁଣି ଥରେ ସେଲ୍‌ଫି କାଳ ହୋଇଛି । ସେଲ୍‌ଫି ନେବା ପାଇଁ ଆଜିକାଲିର ଯୁବପିଢି ମାନେ ବିପଦକୁ ବରଣ କରୁଛନ୍ତି। ପ୍ରାୟ ସବୁଦିନେ ସେଲ୍‌ଫି ନେଇ ଜୀବନ ଯାଉଥିବାର ଖବର ଶୁଣିବାକୁ ମିଳିଛି । ନୋଏଡାର ଜଣେ 22 ବର୍ଷୀୟ ଯୁବକ ଗୁଳି ଭର୍ତ୍ତି ପିସ୍ତଲ ସହ ସେଲ୍‌ଫି ନେଇ ମୃତ୍ୟୁବରଣ କରିଛନ୍ତି । ସେଲ୍‌ଫି ନେବା ସମୟରେ ପିସ୍ତଲରୁ ଗୁଳି ଯୁବକଙ୍କୁ ବାଜି ଥିଲା । ତାଙ୍କୁ ତତ୍‌କ୍ଷଣାତ୍‌ ହସ୍ପିଟାଲ ନିଆଯାଇଥିଲା । କିନ୍ତୁ ଯୁବକ ଜଣକ ବଞ୍ଚିନଥିଲେ । ତେବେ ଯୁବକ ଜଣ ସେଲ୍‌ଫି ନେବାବେଳେ ତାଙ୍କ ସାଙ୍ଗରେ ତାଙ୍କର ଜଣେ ବନ୍ଧୁ ରହିଥିଲେ । ପୋଲିସ୍‌ ଯୁବକଙ୍କ ମୃତଦେହକୁ ଜବତ କରିବା ସହ ତାଙ୍କ ବନ୍ଧୁଙ୍କୁ ପଚରାଉଚୁରା କରୁଛି । ଉକ୍ତ ପିସ୍ତଲର ମଧ୍ୟ ଫରେନସିକ୍‌ ଯାଞ୍ଚ ହେଉଛି ।

ମିଳିଥିବା ସୂଚନା ଅନୁସାରେ ମୃତକ ଜଣକ ଗ୍ରେଟର ନୋଏଡା ବାଦଲପୁରର 22 ବର୍ଷୀୟ ସୌରଭ । ସେ ତାଙ୍କ ବନ୍ଧୁ ନକୁଲଙ୍କ ସହ ଅନ୍ୟ ଜଣେ ବନ୍ଧୁଙ୍କ ସାକ୍ଷାତ କରିବାକୁ ଯାଉଥିଲେ । ଦୁହେଁ କାର୍‌ରେ ଯାଉଥିବାବେଳେ ସୌରଭ ପିସ୍ତଲ ବାହାର କରି ମୋବାଇଲ୍‌ରେ ସେଲ୍‌ଫି ନେଉଥିଲେ । ପିସ୍ତଲ୍‌ରେ ଗୁଳି ଭର୍ତ୍ତି ଥିବାବେଳେ ସେ ଏହା ଜାଣିନଥିଲେ । ପିସ୍ତଲ୍‌ର ଟ୍ରିଗର୍‌ ଚାପି ସେଲ୍‌ଫି ନେବା ସମୟରେ ଗୁଳିଟି ତାଙ୍କ ଦେହରେ ବାଜି ଯାଇଥିଲା । ସୌରଭଙ୍କ ବନ୍ଧୁ ତାଙ୍କୁ ତତକ୍ଷଣାତ୍‌ ହସ୍ପିଟାଲ ନେଇଥିଲେ।  ତେବେ ଡାକ୍ତରଖାନାରେ ଡାକ୍ତର ସୌରଭଙ୍କୁ ମୃତ ଘୋଷଣା କରିଥିଲେ । (ଏଜେନ୍ସି)

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଓଡ଼ିଶାରେ ଦିନକୁ 30ଟି ଦୁର୍ଘଟଣା, 15ମୃତ୍ୟୁ

ନୂଆଦିଲ୍ଲୀ: ଓଡ଼ିଶାରେ ଦିନକୁ 30 ରୁ ଅଧିକ ଦୁର୍ଘଟଣା ଘଟୁଛି । ପାଖାପାଖି 15 ରୁ ଅଧିକ ଲୋକ ପ୍ରାଣ ହରାଉଛନ୍ତି ବୋଲି ରିପୋର୍ଟ ପ୍ରକାଶ ପାଇଛି । କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରାଳୟ ଅନ୍ତର୍ଗତ ପରିବହନ ଗବେଷଣା ୱିଙ୍ଗ ପକ୍ଷରୁ ପ୍ରକାଶ ପାଉଥିବା ‘ରୋଡ ଆକ୍ସିଡେଣ୍ଟ ଇନ ଇଣ୍ଡିଆ-2019’ ରିପୋର୍ଟରେ ଏଭଳି ସାଂଘାତିକ ସତ ସାମ୍ନାକୁ ଆସିଛି । ଏହି ରିପୋର୍ଟ ଆଧାରରେ 2019 ମସିହାରେ ଓଡ଼ିଶାରେ ସମୁଦାୟ 11 ହଜାର 64ଟି ସଡକ ଦୁର୍ଘଟଣା ଘଟୁଥିବାବେଳେ ସମୁଦାୟ 5 ହଜାର 333 ଜଣଙ୍କର ମୃତ୍ୟୁ ହୋଇଛି । ସଡ଼କ ଦୁର୍ଘଟଣାରେ ଓଡ଼ିଶା 12 ତମ ସ୍ଥାନରେ ରହିଥିବା ରିପୋର୍ଟରୁ ଜଣାପଡ଼ିଛି । ଓଡ଼ିଶାରେ ଓଭରସ୍ପିଡ ଯୋଗୁଁ  ସର୍ବାଧିକ ଦୁର୍ଘଟଣା ଘଟୁଥିବାବେଳେ ମଦ୍ୟପାନ କରି ଗାଡି ଚଳାଇବା ଯୋଗୁଁ ଅଧିକାଂଶ ଦୁର୍ଘଟଣା ଘଟୁଛି । ଦ୍ରୁତ ଗତି ଯୋଗୁଁ 7 ହଜାର 632ଟି ଦୁର୍ଘଟଣା ଘଟିଥିବାବେଳେ  ମଦ୍ୟପାନ କରି ଗାଡ଼ି ଚଳାଇବା ଯୋଗୁଁ 1068ଟି  ଦୁର୍ଘଟଣା ଘଟିଥିବାର ସୂଚନା ପ୍ରକାଶ ପାଇଛି । (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ସ୍ବାମୀ ନଥିବାବେଳେ ପ୍ରେମିକକୁ ଡାକିଲେ ସ୍ତ୍ରୀ : ଅଚାନକ ପହଞ୍ଚିଗଲେ ସ୍ବାମୀ, ଆଉ ତା’ପରେ…

ସୁରତ : ସୁରତର ଓ୍ବଲସାଡ ଜିଲ୍ଲାର ଓମରଗାମ ସହରରୁ ଏକ ଅଜବ ଘଟଣା ଦେଖିବାକୁ ମିଳିଛି । ଏଠାରେ ଗାନ୍ଧିଓ୍ବାଡି ସୋସାଇଟିରେ ଜଣେ ପ୍ରେମିକ ଫ୍ଲାଟର ସାତ ମହଲା ତଳକୁ ଡେଇଁ ମୃତ୍ୟୁବରଣ କରିଛନ୍ତି । ଯୁବକ ଜଣକ ନିଜ ପ୍ରେମିକାକୁ ଦେଖା କରିବାକୁ ଯାଇ ଫ୍ଲାଟରୁ ଡେଇଁ ମୃତ୍ୟୁବରଣ କରିଥିବାର ସୂଚନା ରହିଛି ।

ମିଳିଥିବା ସୂଚନା ଅନୁସାରେ ଯୁବକ ଜଣକ ପ୍ରେମିକାକୁ ଦେଖା କରିବାକୁ ଯାଇଥିବାବେଳେ ହଠାତ୍‌ ପ୍ରେମିକାଙ୍କ ସ୍ବାମୀ ଆସିଯିବାରୁ ଡରରେ ସାତ ମହଲା ତଳକୁ ଡେଇଁ ପଡିଥିଲେ । ସାତ ମହଲା ତଳକୁ ଡେଇଁ ଯୁବକଙ୍କର ମୃତ୍ୟୁ ହୋଇଛି । ଏହାପରେ ସ୍ଥାନୀୟ ଲୋକେ ପୋଲିସ୍‌କୁ ସୂଚନା ଦେଇଥିଲେ । ଅପରପକ୍ଷରେ ଯୁବକଙ୍କ ପରିବାର ବର୍ଗ ଏହାକୁ ନେଇ ହତ୍ୟା ଅଭିଯୋଗ କରିଛନ୍ତି ।

ମୃତକ ଜଣକ ରାଜୁଭାଇ ଦୁବଲା । କିଛିଦିନ ହେବ ରାଜୁଭାଇଙ୍କର ଗାନ୍ଧିଓ୍ବାଡି ସୋସାଇଟିରେ ରହୁଥିବା ଜଣେ ବିବାହିତା ମହିଳାଙ୍କ ସହ ପ୍ରେମ ସମ୍ପର୍କ ରହିଥିଲା । ବିବାହିତା ମହିଳା ଜଣକର ଦୁଇ ସନ୍ତାନ ରହିଥିବାର ସୂଚନା ରହିଛି । ରାଜୁ ପ୍ରାୟ ସମୟରେ ତାଙ୍କୁ ସାକ୍ଷାତ କରିବାକୁ ଯାଆନ୍ତି। ଶୁକ୍ରବାର ଦିନ ସନ୍ଧ୍ୟାରେ ତାଙ୍କ ପ୍ରେମିକା ତାଙ୍କୁ ଫୋନ୍‌ କରି ଡାକିଥିଲେ । ପ୍ରେମିକାଙ୍କ ସ୍ବାମୀ ହିଁ ରାଜୁଙ୍କର ହତ୍ୟା କରିଛନ୍ତି ବୋଲି ରାଜୁଙ୍କ ପରିବାର ଲୋକେ ଅଭିଯୋଗ କରିଛନ୍ତି । କିନ୍ତୁ ପ୍ରେମିକା ଏହାକୁ ଏକ ଦୁର୍ଘଟଣା ବୋଲି କହିଛନ୍ତି । ତେବେ ପୋଲିସ୍‌ ଏହି ଘଟଣାର ଯାଞ୍ଚ କରୁଛି ।

ରାଜୁଙ୍କ ସାଙ୍ଗଙ୍କ କହିବାନୁସାରେ ରାଜୁ ଓ ତାଙ୍କପ୍ରେମିକାଙ୍କ ସମ୍ପର୍କ ଦୁଇ ବର୍ଷ ହେବ ଜାରି ରହିଥିଲା । ଦୁହେଁ ଚାକିରି କରୁଥିବାବେଳେ ସାକ୍ଷାତ କରିଥିଲେ । ତେବେ ପ୍ରେମିକାଙ୍କ ସ୍ବାମୀଙ୍କୁ ଏହି ଅବୈଧ ସମ୍ପର୍କରେ ଜଣାପଡିଯାଇଥିଲା । ଅପରପକ୍ଷରେ ଯୁବକ ଜଣକ ସାତ ମହଲା ତଳକୁ ଡେଇଁ ମରିଯିବା ପରେ ପ୍ରେମିକା ଜଣକ ତଳକୁ ଆସି ଯୁବକଙ୍କ ଶବକୁ ଦେଖି ଚାଲି ଯାଇଥିଲେ ବୋଲି ସୂଚନା ରହିଛି । (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ଦିଲ୍ଲୀ ଏମ୍ସରେ ପ୍ରାଣ ହରାଇଲେ ହାଥରସ୍‌ ଗଣଦୁଷ୍କର୍ମ ପୀଡିତା

ନୂଆଦିଲ୍ଳୀ : ଦିଲ୍ଲୀ ଏମ୍ସରେ ପ୍ରାଣ ହରାଇଛନ୍ତି ହାଥରସ୍‌ ଗଣଦୁଷ୍କର୍ମ ପୀଡିତା । ସେପ୍ଟେମ୍ବର 14 ତାରିଖରେ ଉଚ୍ଚଜାତିର ଯୁବକଙ୍କ ଦ୍ୱାରା ଗଣ ଦୁଷ୍କର୍ମର ଶିକାର ହୋଇଥିବା ଯୁବତୀ ଜଣକ ମଙ୍ଗଳବାର ଏମ୍ସରେ ପ୍ରାଣ ହରାଇଛନ୍ତି । ଯୁବତୀଙ୍କ ମେରୁଦଣ୍ଡ ଏବଂ ଶ୍ୱାସନଳୀ ଗଭୀର ଭାବରେ ଆଘାତ ପ୍ରାପ୍ତ ହୋଇଥିଲା । 19 ବର୍ଷୀୟ ଯୁବତୀ ଜଣକ ଗାଇ ପାଇଁ ଚାରା ଆଣିବାକୁ ଯାଇଥିବା ବେଳେ ଉଚ୍ଚ ଜାତିର ପୁରୁଷଙ୍କ ଦ୍ୱାରା ଗଣଦୁଷ୍କର୍ମର ଶିକାର ହୋଇଥିଲେ । ଯୁବତୀଙ୍କ ଭାଇଙ୍କ ଅଭିଯୋଗ କ୍ରମେ ପୋଲିସ 4 ଜଣ ଅଭିଯୁକ୍ତଙ୍କୁ ଗିରଫ କରିଥିଲା । 22ତାରିଖରେ ଯୁବତୀଙ୍କ ବୟାନ ରେକର୍ଡ ପରେ ପୋଲିସ ଆଉ ତିନିଜଣ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତ ମାନେ ଯୁବତୀଙ୍କ ଓଢଣୀ ସାହାଯ୍ୟରେ ଗଳା ଦବାଇବା ସହିତ ଜିଭକୁ ମଧ୍ୟ କାଟିଦେଇଥିଲେ ।

Categories
ଅନ୍ତରାଷ୍ଟ୍ରୀୟ ଆଜିର ଖବର

ୟୁକ୍ରେନରେ ସେନା ବିମାନ ଦୁର୍ଘଟଣାଗ୍ରସ୍ତ: 22 ମୃତ

ୟୁକ୍ରେନ୍‌ : ୟୁକ୍ରେନ୍‌ରେ ଶୁକ୍ରବାର ଦିନ ଏକ ବିମାନଦୁର୍ଘଟଣା ଘଟିଛି । ୟୁକ୍ରେନ ସେନାର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିବାବେଳେ ଏହି ଘଟଣାରେ 22 ଜଣଙ୍କର ମୃତ୍ୟୁ ହୋଇଥିବାର ସୂଚନା ରହିଛି । ଦୁଇଜଣ ଗୁରୁତର ଆହତ ହୋଇଥିବାବେଳେ ଅନ୍ୟ 4 ଜଣ ନିଖୋଜ ରହିଥିବାର ସୂଚନା ରହିଛି ।

ମିଳିଥିବା ସୂଚନା ଅନୁସାରେ ଦୁର୍ଘଟଣାଗ୍ରସ୍ତ ହୋଇଥିବା ସେନାର ଏହି ବିମାନରେ ଚାଳକଙ୍କ ସହିତ ମୋଟ୍‌ 28ଜଣ ରହିଥିଲେ । ବିମାନ ଲାଣ୍ଡିଂ କରିବା ସମୟରେ କ୍ରାସ୍‌ ହୋଇଥିଲା । ଲ୍ୟାଣ୍ଡିଂ ସମୟରେ ବିମାନରେ ନିଆଁ ଲାଗିଯାଇଥିଲା । ତେବେ ଘଟଣାସ୍ଥଳରେ ଥିବା କର୍ମଚାରୀଙ୍କ ଅକ୍ଲାନ୍ତ ପରିଶ୍ରମ ପରେ ନିଆଁକୁ ଆୟତ୍ତ କରାଯାଇଥିଲା। ବିମାନରେ ଥିବା ସମସ୍ତଙ୍କ ଲୋକଙ୍କୁ ଉଦ୍ଧାର କରାଯାଇ ହସପିଟାଲରେ ଭର୍ତ୍ତି କରାଯାଇଥିଲା। ସେମାନଙ୍କ ମଧ୍ୟରୁ 22ଜଣ ଲୋକଙ୍କ ମୃତ ଘୋଷଣା କରିଥିଲେ ଡାକ୍ତର। ଏହି ଦୁର୍ଘଟଣାରେ ନିଖୋଜ ରହିଥିବା ବ୍ୟକ୍ତିଙ୍କ ସନ୍ଧାନ କାର୍ଯ୍ୟ ଜାରି ରହିଛି । ତେବେ କେଉଁ କାରଣ ଯୋଗୁଁ ବିମାନଟି ଦୁର୍ଘଟଣଗ୍ରସ୍ତ ହେଲା ସେ ସମ୍ପର୍କରେ ଏପର୍ଯ୍ୟନ୍ତ ଜଣାପଡିନାହିଁ ।

Categories
ଆଜିର ଖବର ଜାତୀୟ ଖବର

ବିଷାକ୍ତ ମଦ ପିଇ ମୃତ୍ୟୁ : ଗତ 24 ଘଣ୍‌ଟା ମଧ୍ୟରେ ଗଲାଣି ପାଞ୍ଚ ଜୀବନ

ବାଗପତ୍‌ :  ଉତ୍ତରପ୍ରଦେଶର ବାଗପତ୍‌ଠାରେ ବିଷାକ୍ତ ମଦ ପିଇ ଗତ 24 ଘଣ୍‌ଟା ମଧ୍ୟରେ 5ଜଣଙ୍କର ମୃତ୍ୟୁ ହୋଇଥିବାର ସୂଚନା ମିଳିଛି । ଚାନ୍ଦିନଗର ଥାନା ଅଞ୍ଚଳର ଚରମାଓ୍ବଲ ଗ୍ରାମରେ କିଛି ଗ୍ରାମବାସୀ ସରକାରୀ ଚୁକ୍ତିପ୍ରାପ୍ତ ଏକ ମଦ ଦୋକାନରୁ ମଦ ପିଇଥିଲଷ । ଏହି ବିଷାକ୍ତ ମଦ ପିଇ ଆଜି ସକାଳୁ ଜଣେ ଯୁବକର ମୃତ୍ୟୁ ହୋଇଛି । ଏପର୍ଯ୍ୟନ୍ତ ବିଷାକ୍ତ ମଦ ପିଇ ପାଞ୍ଚଜଣଙ୍କର ଜୀବନ ଯାଇଥିବାର ସୂଚନାରହିଛି । ଗୁରୁବାର ସକାଳୁ ଚମରାଓ୍ବଲ ଗ୍ରାମର ଶ୍ୟାମଲାଲ ନାମକ ଜଣେ ଯୁବକର ମୃତ୍ୟୁ ହୋଇଥିବାବେଳେ ଗତକାଲି ଗ୍ରାମର 4 ଜଣଙ୍କର ମୃତ୍ୟୁ ହୋଇଥିଲା । ପୋଲିସ୍‌ ଏହି ଘଟଣାରେ କେତେଜଣଙ୍କୁ ହେପାଜତରେ ନେଇଥିବାର ସୂଚନା ରହିଛି । (ଏଜେନ୍ସି)

Categories
ଆଜିର ଖବର ରାଜ୍ୟ ଖବର

ଅଜଣା ଗାଡି ଧକ୍କାରେ ମାଉସୀ-ଝିଆରୀ ମୃତ

ଆସିକା : ମର୍ଣ୍ଣିଂ ଓ୍ବାର୍କ କରୁଥିବା ସମୟରେ ଏକ ଅଜଣା ଗାଡି ଧକ୍କାରେ ମାଉସୀ-ଝିଆରୀଙ୍କ ମୃତ୍ୟୁ ହୋଇଥିବାର ସୂଚନା ରହିଛି । ଗଞ୍ଜାମ ଜିଲ୍ଲା କୋଟିନଡା ଫାଣ୍ଡି ଅନ୍ତର୍ଗତ କେ.ଲଛମନପଲ୍ଲୀ ନିକଟରେ ଏପରି ଏକ ମର୍ମନ୍ତୁଦ ଦୁର୍ଘଟଣା ଘଟିଛି ।ଏହି ଦୁର୍ଘଟଣାରେ ଦୁଇଜଣଙ୍କର ମୃତ୍ୟୁ ହୋଇଛି । ଦୁଇଜଣ ମାଉସୀ-ଝିଆରୀ ବୋଲି ସୂଚନା ରହିଛି ।

ସୂଚନା ଅନୁସାରେ ଦୁହେଁ ଆଜି ସକାଳ 7ଟା ସମୟରେ ମର୍ଣ୍ଣିଂ ଓ୍ବାକ୍‌ରେ ଆସିଥିବାବେଳେ କେ.ଲଛମନପଲ୍ଲୀ ନିକଟରେ ଏକ ଅଜଣା ଗାଡି ସେମାନଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ହୋଇଥିଲା । ଦୁର୍ଘଟଣାପରେ ଗାଡି ସହ ଡ୍ରାଇଭର ଫେରାର ହୋଇଥିବାବେଳେ ଘଟଣାସ୍ଥଳରେ ପୋଲିସ୍‌ ପହଞ୍ଚି ତଦନ୍ତ ଆରମ୍ଭ କରିଛି ।

Categories
ଆଜିର ଖବର ରାଜ୍ୟ ଖବର

ବାଣପୁର ଥାନା ଅଧୀନରେ କାର୍ଯ୍ୟରତ କରୋନା ଯୋଦ୍ଧାଙ୍କ କରୋନାରେ ମୃତ୍ୟୁ

ସୀତାରାମ ଅଗ୍ରଓ୍ବାଲ

ବାଣପୁର : ଆଜି କରୋନାରେ ଜଣେ ପୁଲିସ ଯୋଦ୍ଧାଙ୍କ ମୃତ୍ୟୁ ହୋଇଛି। ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଧୀନସ୍ଥ ଗମ୍ଭାରୀମୁଣ୍ଡା ବିଟ ହାଉସ ଅଧିକାରୀ ଶ୍ରୀମୁରଲୀଧର ବଳିଆରସିଂ କରୋନାରେ ମୃତ୍ୟୁବରଣ କରିଛନ୍ତି।

ସ୍ୱର୍ଗତ ବଳିଆରସିଂଙ୍କ ଘର ଖୋର୍ଦ୍ଧା ଜିଲ୍ଲା ବୋଲଗଡ ଥାନା ବାଙ୍କୋଇ ଅଞ୍ଚଳରେ। ଗତ ମାସ ୨୩ ତାରିଖରେ ବାଣପୁର ଥାନା ଏବଂ ଏହା ଅଧୀନରେ ଥିବା ଗମ୍ଭାରୀମୁଣ୍ଡା ଓ ନାଚୁଣୀ ଫାଣ୍ଡିର ୧0 ଜଣ ପୋଲିସ କର୍ମଚାରୀ କରୋନା ଆକ୍ରାନ୍ତ ହୋଇଥିଲେ। ଏହି ୧0ପୋଲିସ୍‌ କର୍ମଚାରୀଙ୍କ ମଧ୍ୟରେ ସ୍ବର୍ଗତ ବଳିୟାର ସିଂ ଅନ୍ୟତମ ଥିଲେ। ସ୍ବର୍ଗତ ବଳିୟାରସିଂହ କରୋନା ପଜିଟିଭ ଚିହ୍ନଟ ହେଲାପରେ ସେ ଭୁବନେଶ୍ୱରର ସମ କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ। ସେଠାରେ ତାଙ୍କର ଚିକିତ୍ସା ଚାଲୁଥିବାବେଳେ ଆଜି ମୃତ୍ୟୁ ହୋଇଥିବା ଜଣାପଡ଼ିଛି।

ଜଣେ କାର୍ଯ୍ୟରତ କରୋନା ଯୋଦ୍ଧାଙ୍କ ଅକାଳ ବିୟୋଗରେ ବାଣପୁର ଏବଂ ବାଲୁଗାଁ ର ସମସ୍ତ ଥାନା କର୍ମଚାରୀଙ୍କ ସହ ସମଗ୍ର ଅଞ୍ଚଳବାସୀ ଶୋକ ପ୍ରକାଶ କରିଛନ୍ତି।

Categories
ଆଜିର ଖବର ଜାତୀୟ ଖବର

ବାୟୋ ଗ୍ୟାସ୍‌ ଫ୍ୟାକ୍ଟ୍ରିର ବଏଲର୍‌ ଫାଟି  5 ମୃତ

ମହାରାଷ୍ଟ୍ର : ମହାରାଷ୍ଟ୍ରର ନାଗପୁରରେ ଏକ ବଡ ଦୁର୍ଘଟଣା ଘଟିଛି । ଏଠାରେ ଥିବା ବାୟୋ ଗ୍ୟାସ୍‌ ଫ୍ୟାକ୍ଟ୍ରିର ବୟଲର ଫାଟିବା ଯୋଗୁଁ 5 ଜଣ ଶ୍ରମିକଙ୍କ ମୃତ୍ୟୁ ହୋଇଛି। ମିଳିଥିବା ସୂଚନା ଅନୁସାରେ ମାନସ ଆଗ୍ରୋ ଇଣ୍ଡିଷ୍ଟ୍ରି ଆଣ୍ଡ୍‌ ଇନ୍‌ଫାଷ୍ଟ୍ରକଚର୍‌ ଲିଃ ଫ୍ୟାକ୍ଟ୍ରିରେ ଏହି ଦୁର୍ଘଟଣା ଘଟିଛି । ବେଲା ଗାଁ ନିକଟରେ ଥିବା ବାଓଗ୍ୟାସ ନିକଟରେ ଥିବା ବୟଲରରେ ଭୟଙ୍କର ବିସ୍ଫୋରଣ ହୋଇଥିଲା। ଏଥିରେ 5ଜଣ ଶ୍ରମିକଙ୍କ ମୃତ୍ୟୁ ହୋଇଛି ।

ଏହି ପାଞ୍ଚ ମୃତକଙ୍କ ମଧ୍ୟରେ 21 ବର୍ଷୀୟ ମଙ୍ଗେଶ ପ୍ରଭାକର ନୌକାରକର ଥିବାବେଳେ 42 ବର୍ଷୀୟ ଲୀଲାଧର  ବାମନରାଓ୍ବ ସିନ୍ଧେ, 30 ବର୍ଷୀୟ ବାସୁଦେବ ଲାଦି, 24 ବର୍ଷୀୟ ସଚିନ ପ୍ରକାଶ ବାଘମାରେ ଓ 25 ବର୍ଷୀୟ ପ୍ରତାପ ପାଣ୍ଡୁରଙ୍ଗ ମୁନ୍‌ ରହିଛନ୍ତି । ଏହି ସମସ୍ତ ଶ୍ରମିକ ବଡଗ୍ରାମର ବାସିନ୍ଦା ବୋଲି ସୂଚନା ରହିଛି । ତେବେ ବିସ୍ଫୋରଣ କେମିତି ଓ କିପରି ହେଲା ସେ ସମ୍ପର୍କରେ ଜଣାପଡିନଥିବାବେଳେ ବିସ୍ଫୋରଣ କାରଣ ଖୋଜିବାକୁ ଏକ ଟିମ ଗଠନ କରାଯାଇଥିବା ନେଇ ପୁଲିସ୍‌ ପକ୍ଷରୁ ସୂଚନା ରହିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ପଞ୍ଜାବରେ ବିଷାକ୍ତ ମଦ ପିଇ 26 ମୃତ

ପଞ୍ଜାବ : ପଞ୍ଜାବରେ ବିଷାକ୍ତ ମଦ ପିଇ 26ଜଣଙ୍କ ମୃତ୍ୟୁ ହୋଇଛି । ପଞ୍ଜାବର ଅମୃତସର, ବାଟଲା ଓ ତରନତାରନ ଆଦି ଅଞ୍ଚଳରେ ବିଷାକ୍ତ ମଦ ପିଇ ମୃତ୍ୟୁ ସଂଖ୍ୟା ଏବେ 26ରେ ପହଞ୍ଚିଛି । ପୋଲିସ ବିଷାକ୍ତ ମଦ ପ୍ରସ୍ତୁତ କରୁଥିବା କିଛି ଲୋକଙ୍କୁ ଗିରଫ ମଧ୍ୟ କରିଛି । ଏହା ସହିତ ଏହି ଘଟଣାରେ ଥାନାର ଏସଏଚଓଙ୍କୁ ନିଲମ୍ବିତ ମଧ୍ୟ କରିଛି । ଏହି ମାମଲା ପାଇଁ ଏସଆଇଟି ପ୍ରସ୍ତୁତ ହୋଇ ଏହା ତଦନ୍ତ ଆରମ୍ଭ ହୋଇଛି ।

ବିଷାକ୍ତ ମଦ ପିଇ ପଞ୍ଜାବର ତିନି ସହରରୁ 26ଜଣଙ୍କର ମୃତ୍ୟୁ ହୋଇଛି । ଅମୃତସର ଓ ତରନତାରନ୍‌ରୁ 10 ଜଣ ଲେଖାଏଁ ମୃତ୍ୟୁବରଣ କରିଥିବାବେଳ ବାଟଲାରୁ 6ଜଣ ମୃତ୍ୟୁବରଣ କରିଛନ୍ତି । ସୂଚନା ଅନୁସାରେ ତରନତାରନ୍‌ରୁ 10 ଜଣଙ୍କର ମୃତ୍ୟୁ ହୋଇଥିବାବେଳେ ଗତ ଶନିବାର ଦିନ ଏହି ଅଞ୍ଚଳରେ ତିନି ଜଣଙ୍କର ମୃତ୍ୟୁ ହୋଇଥିଲା ଏବଂ ଜଣଙ୍କର ଆଖି ମଧ୍ୟ ନଷ୍ଟ ହୋଇଯାଇଛି ।

ଏହି ମାମଲାରେ ମୁଖ୍ୟମନ୍ତ୍ରୀ କ୍ୟାପେଟନ୍‌ ଅମରିନ୍ଦର ସିଂ ମାଜିଷ୍ଟ୍ରେରିଆଲ୍‌ ଯାଞ୍ଚର ଆଦେଶ ଦେଇଛନ୍ତି । ଜଳନ୍ଧରର ଡିଭିଜନାଲ୍‌ କମିଶନରଙ୍କୁ ଏହି ମାମଲାର ଯାଞ୍ଚ ଦାୟିତ୍ବ ଦିଆଯାଇଛି । ଏହି ମାମଲାରେ ରହିଥିବା ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ କରିବା ପାଇଁ ମୁଖ୍ୟମନ୍ତ୍ରୀ ଆଦେଶ ଦେଇଛନ୍ତି । (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ମଦ ନ ମିଳିବାରୁ ସାନିଟାଇଜର୍‌ ପିଇ ନଅ ମୃତ

ପ୍ରକାଶମ:  ମଦ ନ ମିଳିବାରୁ ହ୍ୟାଣ୍ଡ ସାନିଟାଇଜର୍‌ ପିଇ 9ଜଣ ମୃତ୍ୟବରଣ କରିଛନ୍ତି । ଗତ ଦୁଇ ଦିନ ମଧ୍ୟରେ ଆନ୍ଧ୍ରପ୍ରଦେଶର ପ୍ରକାଶମ ଜିଲ୍ଲାରେ ଆଲକହଲ ଭିତ୍ତିକ ହ୍ୟାଣ୍ଡ ସାନିଟାଇଜର ପିଇ ଅତି କମରେ 9  ଜଣଙ୍କର ମୃତ୍ୟୁ ଘଟିଥିବାର ସୂଚନା ଦେଇଛି ପୁଲିସ। କୁରିଚେଡୁ ସହରରେ ଏହି ଦଃଖଦ ଘଟଣା ଘଟିଛି। ବୁଧବାର ବିଳମ୍ବିତ ରାତିରେ ଜଣଙ୍କର ମୃତ୍ୟୁ ହୋଇଥିବାବେଳେ ଗୁରୁବାର ରାତିରେ ଅନ୍ୟ ଦୁଇଜଣ ଏବଂ ଶୁକ୍ରବାର ସକାଳେ ଅନ୍ୟ 6ଜଣଙ୍କର ମୃତ୍ୟୁ ଘଟିଛି।

ମୃତକଙ୍କ ମଧ୍ୟରୁ ତିନିଜଣ ଭିକାରୀ ଏବଂ ବାକି ଲୋକ ହେଉଛନ୍ତି ସ୍ଥାନୀୟ ବସ୍ତି ବାସିନ୍ଦା। ଗତ ଦୁଇ ଦିନ ମଧ୍ୟରେ 20ଜଣ ଲୋକ ସାନିଟାଇଜର ପିଇଥିଲେ ଏବଂ ସେମାନଙ୍କ ମଧ୍ୟରୁ ନଅଜଣଙ୍କର ମୃତ୍ୟୁ ଘଟିଥିବାର ସୂଚନା ରହିଛି ।

ମୃତ ବ୍ୟକ୍ତିମାନେ ହେଲେ 25 ବର୍ଷୀୟ ଅନୁଗୁଣ୍ଡା ଶ୍ରୀନୁ, 35 ବର୍ଷୀର୍ ଭୋଗେମ୍ ତିରୁପତାୟା, 60 ବର୍ଷୀୟ ଗୁଣ୍ଟାକା ରାମି ରେଡ୍ଡୀ 28 ବର୍ଷୀୟ କାଦିଆମ୍ ରାମନାୟା, 65 ବର୍ଷୀୟ ରାଜା ରେଡ୍ଡୀ ଓ ରାମନାୟା, ଚାଳିଶ ବର୍ଷୀୟ ବାବୁ, 45 ବର୍ଷୀୟ ଚାର୍ଲ୍ସ ଓ ଅଗଷ୍ଟିନ୍ ବୋଲି ଜଣାପଡିଛି। ମଦ ନ ମିଳିବାରୁ ଏମାନେ ସମେସ୍ତ ସାନିଟାଇଜର୍‌ ପିଇଦେଇଥିଲେ ।

କରୋନା ସଂକ୍ରମଣର ପ୍ରସାର ଦେଖି ରାଜ୍ୟରେ ଲକ୍‌ଡାଉନ ଜାରି ରହିଛି । ପ୍ରଥେମ ଦେବୀ ଦୁର୍ଗା ମନ୍ଦିରରେ ଜଣେ ଭିଖାରୀ ପେଟରେ ଜ୍ବଳନ ହେଉଥିବାର ଅଭିଯୋଗ କରିଥିଲେ । ତାଙ୍କୁ ହସ୍ପିଟାଲ ନେବା ସମୟରେ ରାସ୍ତାରେ ମୃତ୍ୟୁ ଘଟିଥିଲା ।

ସୂଚନାଯୋଗ୍ୟ କୁରିଚେନ୍ଦ୍ର ତଥା ଏହାର ଆଖପାଖ ଅଞ୍ଚଳରେ କୋଭିଡ୍‌ -19 ମାମଲା ବଢିବା କାରଣରୁ ଗତ 10 ଦିନ ଧରି ଲକ୍‌ଡାଉନ୍‌ ଜାରି ରହିଛି । ମଦ ଦୋକାନ ମଧ୍ୟ ବନ୍ଦ ରହିଛି । ତେବେ ଏହି ସମସ୍ତ ବ୍ୟକ୍ତିମାନେ କେତେ ମାତ୍ରାରେ ସାନିଟାଇଜେସନ୍‌ ସେବନ କରିଥିଲେ ତାହା ଜଣାପଡିନାହିଁ । (ଏଜେନ୍ସି)

Categories
ଆଜିର ଖବର ରାଜ୍ୟ ଖବର

ଦିଲ୍ଲୀ ଏମ୍ସ ହସ୍ପିଟାଲର 10ମହଲା ଛାତରୁ ଡେଇଁ ମୃତ୍ୟୁବରଣ କଲେ ଜୁନିଅର୍ ଡାକ୍ତର

ନୂଆଦିଲ୍ଲୀ : ଦିଲ୍ଲୀ ଏମ୍ସ ହସ୍ପିଟାଲର 10 ମହଲା ତଳକୁ ଡେଇଁଛନ୍ତି ଜଣେ ଜୁନିଅର ଡାକ୍ତର ।   ଜଣେ 25ବର୍ଷୀୟ ଜୁନିୟର ଡାକ୍ତର ହସ୍ପିଟାଲର 10 ମହଲାରୁ ଡେଇଁ ଆତ୍ମହତ୍ୟା ଉଦ୍ୟମ କରିଛନ୍ତି। ତେବେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବାର ସୂଚନା ରହିଛି । ମୃତ୍ୟୁବରଣ କରିଥିବା ଡାକ୍ତର ଜଣକ ମନୋବିଜ୍ଞାନ ବିଭାଗର ଜୁନିଅର ଡାକ୍ତର ରୂପେ କାର୍ଯ୍ୟରତ ଥିଲେ ।

ଗତକାଲି ଅପରାହ୍ନ 5ଟା ବେଳେ ଏହି ଘଟଣା ଘଟିଥିବାର ସୂଚନା ମିଳିଛି। ତେବେ ଏହି ଡାକ୍ତର କାହିଁକି ଛାତରୁ ଡେଇଁଲେ ଜଣାପଡ଼ିନାହିଁ। ତେବେ ଡାକ୍ତର ଜଣକ ଡିପ୍ରେସନରେ ଥିବା କାରଣରୁ ସେ ଆତ୍ମହତ୍ୟା ଉଦ୍ୟମ କରିଛନ୍ତି ବୋଲି ଚର୍ଚ୍ଚା ହେଉଛି ।

ଉଲ୍ଲେଖଯୋଗ୍ୟ, ପୂର୍ବରୁ ଗତ 6ତାରିଖରେ ଦିଲ୍ଲୀସ୍ଥିତ ଏମ୍ସ ଟ୍ରମା ସେଣ୍ଟରରେ ଜଣେ କରୋନା ସଂକ୍ରମିତ ସାମ୍ବାଦିକ ଚାରି ମହଲା ଛାତରୁ ଡେଇଁ ଆତ୍ମହତ୍ୟା କରିଥିଲେ। (ଏଜେନ୍ସି)

Categories
ଆଜିର ଖବର ଜାତୀୟ ଖବର

ବଜ୍ରପାତ ଯୋଗୁଁ ବିହାର ଓ ଉତ୍ତରପ୍ରଦେଶରେ 46 ଜଣଙ୍କର ମୃତ୍ୟୁ 

ନୂଆଦିଲ୍ଲୀ : ଉତ୍ତର ପ୍ରଦେଶ ଓ ବିହାରରେ ଶନିବାର ବଜ୍ରପାତରେ 43 ଜଣଙ୍କର ମୃତ୍ୟୁ ହୋଇଛି । ବିହାରରେ 23 ଜଣଙ୍କ ମୃତ୍ୟୁ ହୋଇଥିବା ବେଳେ ଉତ୍ତର ପ୍ରଦେଶରେ 23 ଜଣଙ୍କର ମୃତ୍ୟୁ ହୋଇଥିବା ବେଳେ 29 ଜଣ ଗୁରୁତର ଆହତ ଅଛନ୍ତି ।  ସୂଚନା ଅନୁସାରେ, ଆହ୍ଲାବାଦରେ 8ଜଣ, ମୀର୍‌ଜାପୁର୍‌ରେ 6ଜଣ, କୁଶାମ୍ବିରେ2ଜଣ, ଭଦୋହିରେ 6ଜଣ ଓ ଜୌନପୁରରେ ବଜ୍ରପାତ ଯୋଗୁ ଜଣଙ୍କର ମୃତ୍ୟୁ ଘଟିଛି। ବଜ୍ରପାତରେ ପ୍ରାଣ ହରାଇଥିବା ଲୋକଙ୍କ ପାଇଁ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ  କ୍ଷତିପୂରଣ ରାଶିର ଘୋଷଣା କରିଛନ୍ତି।

ସେହିପରି ବିହାରର ଭୋଜପୁର ଜିଲ୍ଲାରୁ 9, ସାରନ ଜିଲ୍ଲାରୁ 5, କଇମୁର ଜିଲ୍‌ଲାରୁ 3, ପାଟନାରୁ 2 ଓ ଜାହାନବାଦରୁ 2ଜଣ, ଗୟା ଓ  ବକ୍ସାର ଜିଲ୍ଲାରୁ ଜଣେ ଲେଖାଏଁ ବଜ୍ରପାତରେ ମୃତ୍ୟୁବରଣ କରିଛନ୍ତି । ଗତ କିଛି ଦିନ ଭିତରେ ବିହାରରେ ବଜ୍ରପାତ ଯୋଗୁଁ 130 ଜଣଙ୍କର ମୃତ୍ୟୁ ହୋଇଥିବାର ସୂଚନା ରହିଛି । ତେବେ ମୁଖ୍ୟମନ୍ତ୍ରୀ ନୀତିଶ କୁମାର ମୃତକଙ୍କ ପରିବାର ପ୍ରତି ସମବେଦନା ଜଣାଇବା ସହ ଅନୁକମ୍ପା ରାଶି ଘୋଷଣା କରିଛନ୍ତି ।

ଅନ୍ୟପଟରେ ଦେଶର ପଶ୍ଚିମାଂଚଳ ରାଜ୍ୟଗୁଡ଼ିକରେ ପ୍ରବଳ ବର୍ଷା ହୋଇଛି । ମହାରାଷ୍ଟ୍ରରେ ପ୍ରବଳ ବର୍ଷା ଯୋଗୁଁ କିଛି ସ୍ଥାନରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି । ମହାରାଷ୍ଟ୍ରରେ ଏବେ ବି ବର୍ଷା ଲାଗି ରହିଛି ।

Categories
ଆଜିର ଖବର ରାଜ୍ୟ ଖବର

ବଜ୍ରପାତରେ ନେଲା ୩ ଜୀବନ, ଜଣେ ଗୁରୁତର

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗଂଜାମ ଜିଲ୍ଲାରେ ଆଜି ବିଭିନ୍ନ ସ୍ଥାନରେ ବଜ୍ରପାତ ଘଟି ୩ ଜଣଙ୍କର ମୃତ୍ୟୁ ଘଟିଥିବାବେଳେ ଜଣେ ଗୁରୁତର ଆହତ ହୋଇଛି । ଚିକିଟି ବ୍ଲକ୍ ଅନ୍ତର୍ଗତ ପାରସମ୍ବା ଶିବମନ୍ଦିର ନିକଟରେ ବଜ୍ରପାତରେ ନନ୍ଦିନୀ ବେହେରା (୧୮)ଙ୍କ ମୃତ୍ୟୁ ହୋଇଯାଇଛି । ତାଙ୍କ ଘର ଚିକିଟି ଗଡ଼ କୁମ୍ଭାର ସାହିରେ ହୋଇଥିବାବେଳେ ସେ ଅଜାଘର ପାରସମ୍ବା ଯାଇଥିଲେ । ବଜ୍ରପାତ ହେବାରୁ ତାଙ୍କୁ ଗୁରୁତର ଅବସ୍ଥାରେ ଚିକିଟି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିଲେ ମଧ୍ୟ ଡ଼ାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଡ଼ାକ୍ତରଖାନାରେ ପୋଲିସ୍ ଓ ପ୍ରଶାସନ ପହଞ୍ଚି ଅନୁକମ୍ପା ସହାୟତା ଯୋଗାଇ ଦେବାକୁ ସରକାରଙ୍କୁ ଦାବି କରିଛନ୍ତି ।

ସେହିପରି ବୁଗୁଡ଼ା ବ୍ଲକ୍ ତାକରଡ଼ା ଗ୍ରାମରେ ମଧ୍ୟ ବଜ୍ରପାତ ଘଟି ଦୁଇଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି । ଘଟଣାରୁ ପ୍ରକାଶ ଯେ ତାକରଡ଼ା ଗ୍ରାମର ନୀଳାଞ୍ଚଳ ଆଲଟିଆ, ସନ୍ତୋଷ ଗୌଡ଼ ଓ ବଳରାମ ଗୌଡ଼ କାମକରିବାକୁ ଯାଇଥିଲେ । ଅପରାହ୍ନରେ ବର୍ଷା ହେବା ଯୋଗୁଁ ଡ଼େଙ୍ଗାବାଡ଼ି ଗ୍ରାମର ଏକ ଦୋକାନ ବାରଣ୍ଡାରେ ବସିଥିବାବେଳେ ବଜ୍ରପାତ ଘଟିଥିଲା । ତିନିଜଣଙ୍କୁ ବୁଗୁଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିବାବେଳେ ଡାକ୍ତର ନିଳାଞ୍ଚଳ ଆଲଟିଆ (୩୦) ଓ ସନ୍ତୋଷ ଗୌଡ଼ଙ୍କୁ ମୃତ ଘୋଷଣା କରିଥିଲେ । ବଳରାମ ଗୌଡ଼ଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଆମ୍ବୁଲାନସ ଯୋଗେ ବ୍ରହ୍ମପୁର ସ୍ଥାନାନ୍ତର କରାଯାଇଛି । ସେହିପରି ବୁଗୁଡ଼ା ବ୍ଲକ୍ ବୁରୁଝୋଳା ଗ୍ରାମର ସୀମାଞ୍ଚଳ ପ୍ରଧାନ (୬୭)ଙ୍କ ମଧ୍ୟ ବଜ୍ରଘାତ ଯୋଗୁଁ ମୃତ୍ୟୁ ଘଟିଥିବା ଜଣାପଡ଼ିଛି ।