ଦେବାଶିଷ ପାଢୀ
ଯାଜପୁର: ମାସ୍କ ପିନ୍ଧି ନଥିବାରୁ ଯାଜପୁରରେ ଏକ ତୁମୁଳ କାଣ୍ଡ ଘଟିଛି। ରସୁଲପୁର ବ୍ଲକର ଗୋପୀନାଥପୁର ବଡକଇଁଚି ଗ୍ରାମର ତିନି ଯୁବକ ବିନା ମାସ୍କରେ ବୁଲୁଥିବା ବେଳେ ବିଡିଓ ଉମାକାନ୍ତ ପରିଡା ଏବଂ ତହସିଲଦାର ଜ୍ୟୋତିକାନ୍ତ ଭୁଜବଳ ସେମାନଙ୍କର ପିଛା କରିଥିଲେ। ମାତ୍ର ଗ୍ରାମବାସୀମାନେ ସଙ୍ଘବଦ୍ଧ ଭାବରେ ବିଡିଓ ଏବଂ ତହସିଲଦାରଙ୍କୁ ଆକ୍ରମଣ କରିଥିଲେ। ଆକ୍ରମଣରେ ଆହତ ବିଡିଓ ଏବଂ ତହସିଲଦାରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଥିବା ବେଳେ ଜିଲ୍ଲାପାଳ ରଞ୍ଜନ ଦାସଙ୍କ ନେତୃତ୍ବରେ ପୋଲିସ୍ ପହଞ୍ଚିବା ପରେ ଉତ୍ତେଜନା ହ୍ରାସ ପାଇଥିଲା। ପୋଲିସ୍ ଏହି ଘଟଣାରେ ୩ ଅଭିଯୁକ୍ତଙ୍କୁ ଗିରଫ କରିଛି।