The Samikhsya OdiaMumbai, Jan 10 (UNI) Car major Maruti Suzuki India Limited on Thursday announced a price change for select models owing to increase in commodity prices and foreign exchange rates.
The price change varies across models and ranges up to Rs 10,000 (ex-Showroom – Delhi). The new prices are effective from January 10 2019, company said in a filing with BSE.
New Delhi, Jan 10(UNI) The Supreme Court on Thursday posted till January 29, the hearing in the Ayodhya land title dispute case after the exit of one of the five judges in the Constitution bench.
Justice UU Lalit recused himself saying he had been a lawyer in a related case nearly two decades ago.
A new five-judge bench will be constituted to hear the matter.
On its next hearing, the apex court is expected to fix a timeline for the next hearing.
କେଦାର ମିଶ୍ର
ଓଡିଶା ରାଜନୀତିରେ ଏବେ ଦୁଇଟି ମହାମେଣ୍ଟର କଥା ଉଠୁଛି। ପ୍ରଥମ କଥା ହେଉଛି, ଜାତୀୟ ସ୍ତରରେ ଯଦି ଏକ ବିଜେପି ବିରୋଧୀ ମହାମେଣ୍ଟ ଗଠନ ହୁଏ ସେଥିରେ ବିଜୁ ଜନତା ଦଳ ସାମିଲ ହେବ ନା ନାହିଁ ଏବଂ ଦ୍ଵିତୀୟ କଥା ହେଉଛି ଓଡିଶାରେ ନବୀନ ପଟ୍ଟନାୟକଙ୍କ ବିରୋଧରେ ନିର୍ବାଚନ ଲଢିବାକୁ ଏକ ମହାମେଣ୍ଟ ଗଠିତ ହେବାର ସମ୍ଭାବନା ଅଛି କି? ରାଜନୈତିକ ବାସ୍ତବତା ଦୃଷ୍ଟିରୁ ଏ ଦୁଇଟି ଯାକ ମହାମେଣ୍ଟର ସ୍ଥିତି ବିଫଳତାରୁ ଆରମ୍ଭ ଓ ବିଫଳତାରେ ଇ ସମାପ୍ତ ବୋଲି କୁହାଯାଇପାରେ। କେବଳ ବିଜେପିକୁ ଶାସନ କ୍ଷମତାରୁ ଦୂରେଇ ରଖିବାଲାଗି ସବୁ ବିଜେପି ବିରୋଧୀ ଦଳ ଏକଜୁଟ ହେବେ ବୋଲି ଭାବିବା ଯେତିକି ସରଳ ମାନେ ହେଉଛି, ବାସ୍ତବ ପକ୍ଷେ ତାହା ସେତିକି ଜଟିଳ। ଜାତୀୟ ସ୍ତରରେ ବିଜେପି ଓ କଂଗ୍ରେସ ସହ ସମଦୂରତା ରଖିବା ଅନେକ ରାଜନୈତିକ ଦଳଙ୍କର ବାଧ୍ୟ ବାଧକତା।
ବୈଚାରିକ କାରଣରୁ ମାର୍କ୍ସବାଦୀ କମ୍ୟୁନିଷ୍ଟ ପାର୍ଟି ଓ କଂଗ୍ରେସ ବିଜେପିର ବିରୋଧୀ ହୋଇଥିଲେ ମଧ୍ୟ କେରଳରେ କଂଗ୍ରେସ ହେଉଛି ସିପିଏମ ର ସବୁଠୁ ବଡ ପ୍ରତିଯୋଗୀ। ଏମିତି ସ୍ଥିତି ଆପାତତଃ ପ୍ରାୟ ସବୁ ରାଜ୍ୟରେ ରହିଛି। ରାଜନୈତିକ ବାସ୍ତବତା ହେଉଛି, ବିଜେପି ନେତୃତ୍ଵରେ ଏନଡିଏ ଓ କଂଗ୍ରେସ ନେତୃତ୍ଵରେ ୟୁପିଏ ବ୍ୟତୀତ ଆଞ୍ଚଳିକ ଦଳମାନନଙ୍କର ଏକ ବିକ୍ଷିପ୍ତ ମେଣ୍ଟ ରହିବାକୁ ବାଧ୍ୟ। ବର୍ତ୍ତମାନ ସ୍ଥିତିରେ ଏହି ବିକ୍ଷିପ୍ତ ହୋଇ ରହିଥିବା ଆଞ୍ଚଳିକ ଦଳମାନେ ଆଗାମୀ ସରକାର ଗଠନରେ ପ୍ରମୁଖ ଭୂମିକା ନେବାର ସମ୍ଭାବନା ଅଧିକ। ଓଡିଶାରେ ନବୀନଙ୍କ ନେତୃତ୍ଵରେ ବିଜେଡି ଏଇ ତୃତୀୟ ଶକ୍ତିର ଅଂଶ ହେବାକୁ ଏକରକମ ବାଧ୍ୟ। କଂଗ୍ରେସ କିମ୍ବା ବିଜେପି ସହ କୌଣସି ପ୍ରକାର ସମ୍ପର୍କ ରଖିବା ବିଜେଡି ପାଇଁ ଅନାବଶ୍ୟକ। ସତ କହିବାକୁ ଗଲେ, ବିଜେଡିର ସମର୍ଥନ ୟୁପିଏ କିମ୍ବା ଏନଡିଏ ର ବ୍ୟାକୁଳତା ହୋଇପାରେ , କିନ୍ତୁ ବିଜେଡି ଏମାନଙ୍କ ସମର୍ଥନ ପାଇଁ ବ୍ୟାକୁଳ ହେବର କୌଣସି କାରଣ ନାହିଁ। ୨୦୧୯ ନିର୍ବାଚନ ଜିତିବାର ଆତ୍ମବିଶ୍ଵାସ ବିଜେଡି ଭିତରେ ଭରପୂର ରହିଛି। ତେଣୁ ବିଜେଡି ଓଡିଶାରେ କୌଣସି ମେଣ୍ଟ ଖୋଜିବାର ସମ୍ଭାବନା ନାହିଁ। ମେଣ୍ଟ ରାଜନୀତି ସରକାର ଗଠନର ଆବଶ୍ୟକତା କୁ ନେଇ ହୋଇଥାଏ। ତେଣୁ ବିଜେଡି ପାଇଁ ଆଜି ମେଣ୍ଟ କଳା ଭଳି ପରିସ୍ଥିତି ଆସିନାହିଁ।
ଅପରପକ୍ଷରେ ଦିଲ୍ଲୀ ସରକାର ଗଠନରେ ବିଜେଡି ନିର୍ଣ୍ଣାୟକ ଭୂମିକା ନେବାର ସମ୍ଭାବନା ଯଥେଷ୍ଟ ଉଜ୍ଜଳ। ତେଣୁ ନବୀନ ବାରମ୍ବାର ସମଦୂରତାର କଥା କହୁଛନ୍ତି। ନିର୍ବାଚନ ଫଳ ବାହାରିଲା ପରେ ଅବସ୍ଥା ଦେଖି ବ୍ୟବସ୍ଥା କରିବାରେ ବିଜେଡି କୁ ବିଶେଷ ଅସୁବିଧା ହେବନାହିଁ। ଏପଟେ ଓଡିଶା ରାଜନୀତିରେ ନବୀନଙ୍କ ବିରୋଧରେ ଏକ ମହାମେଣ୍ଟ ହେବ କି ବୋଲି ପ୍ରଶ୍ନ ଉଠୁଛି। ତେବେ ନବୀନ ବିରୋଧୀ ମହାମେଣ୍ଟ କଥା ଯିଏ କହୁଛନ୍ତି, ସେ ହେଲେ ଉତ୍କଳ ଭାରତର ସଭାପତି ଶ୍ରୀମାନ ଖାରବେଳ ସ୍ଵାଇଁ । ଖାରବେଳ ବାବୁଙ୍କ ଦଳ ଓଡିଶାରେ ୧% ଭୋଟ ମଧ୍ୟ ପାଇନାହିଁ। ୨୦୧୪ ନିର୍ବାଚନ ପୂର୍ବରୁ ମଧ୍ୟ ବିଜେପି ସହିତ ଉତ୍କଳ ଭାରତ, ଆମ ଓଡିଶା ପାର୍ଟି, ସମତା କ୍ରାନ୍ତି ଦଳ ଇତ୍ୟାଦି ମେଣ୍ଟ ଗଢିବାର ଆଲୋଚନା କରିଥିଲେ। ତେବେ ଶେଷରେ ତାହା ଫସର ଫାଟି ଯାଇଥିଲା। ଏବେ ପୁଣିଥରେ ଖାରବେଳେ ବାବୁ ମେଣ୍ଟ ଗଠନର ନେତୃତ୍ୱ ନେଉଛନ୍ତି।
ନବୀନ ବିରୋଧୀ ମହାମେଣ୍ଟ ହେବାକୁ ହେଲେ ପ୍ରଥମେ କଂଗ୍ରେସ ଓ ବିଜେପିକୁ ଏକାଠି ହେବାକୁ ପଡିବ। ଯେମିତି ୨୦୦୦ ନିର୍ବାଚନରେ କଂଗ୍ରେସକୁ ହରାଇବାକୁ ବିଜେପି ଓ ବିଜେଡି ଭିତରେ ମେଣ୍ଟ ହୋଇଥିଲା। ବିଜେଡ଼ିର 40+% ଭୋଟହାରକୁ ମୁକାବିଲା କରିବା ପାଇଁ କଂଗ୍ରେସ ଓ ବିଜେପି ଏକାଠି ହେବେ କି? ଏହା କସ୍ମିନ କାଳେ ସମ୍ଭବ ନୁହେଁ। ବାକି ରହିଲା ବିଜେଡି ର ଅସନ୍ତୁଷ୍ଟ ନେତାଙ୍କ ମେଣ୍ଟ। ଏମାନେ ସମସ୍ତେ ଜଣେ ଜଣେ ମୁଖ୍ୟମନ୍ତ୍ରୀ ପ୍ରାର୍ଥୀ ଓ ଏମାନଙ୍କ ଭିତରୁ କାହାର ଦଳ ନାହିଁ। ଜଣେ ବ୍ୟକ୍ତି ହିଁ ଗୋଟିଏ ଦଳ ନ୍ୟାୟରେ ଚାଲିଥିବା ଏହି ଦଳ ଗୁଡିକ ମେଣ୍ଟ କରି କିଛି ଗୋଟେ ପରିବର୍ତ୍ତନ ଆଣିପାରିବେ ବୋଲି ଭାବିବା ଅଫିମିଆ ସ୍ଵପ୍ନ କେବଳ।
ତେବେ ରାଜ୍ୟରେ କଂଗ୍ରେସ ସହିତ କମ୍ୟୁନିଷ୍ଟ ପାର୍ଟିମାନଙ୍କର ମେଣ୍ଟ ହେବାର ସମ୍ଭାବନା ଅଧିକ ଉଜ୍ଜଳ ଦିଶୁଛି। ହୁଏତ ସିପିଆଇ ଓ ସିପିଏମ କୁ କଂଗ୍ରେସ ଗୋଟେ ଲେଖାଏଁ ଲୋକସଭା ଆସନ ଛାଡି ଦେଇପାରେ। ସେହିପରି ବିଜେପି ସହିତ କିଛି ଛୋଟ ଦଳ ଶେଷ ମୁହୂର୍ତ୍ତରେ ମିଶିଯାଇ ପାରନ୍ତି। ଏମିତି କିଛି ଛୋଟ ଛୋଟ ସମ୍ଭାବନାକୁ ବାଦ ଦେଲେ ଓଡିଶାରେ କୌଣସି ପ୍ରଭାବଶାଳୀ ମହାମେଣ୍ଟ ଗଠନ ହେବାର ସମ୍ଭାବନା ବିଲକୁଲ ନାହିଁ। ବିଜେଡି, ବିଜେପି ଓ କଂଗ୍ରେସ ଭିତରେ ତ୍ରୀମୁଖୀ ପ୍ରତିଦ୍ବନ୍ଦ୍ବିତା ହେବା ନିଧାର୍ୟ। ବାକି ସମସ୍ତେ ଏଇ ତିନୋଟି ଶକ୍ତିର ଲାଙ୍ଗୁଡ ଇ ହେବେ।
ସମୀକ୍ଷା ବ୍ୟୁରୋ
ନୂଆଦିଲ୍ଲୀ ରେ ବିଜୁ ଜନତା ଦଳ ତରଫରୁ ଏକ ରାଲିର ଆୟୋଜନ କରି ରାଜ୍ୟର ଚାଷୀଙ୍କୁ ନ୍ୟାୟସଙ୍ଗତ ଭାବରେ ନିଜର ଉତ୍ପାଦନ ବିକ୍ରି ପାଇଁ ସର୍ବନିମ୍ନ ମୂଲ୍ୟ ଦେବାକୁ କେନ୍ଦ୍ର ଉପରେ ଚାପ ପ୍ରୟୋଗ କରିବାର ଉଦ୍ୟମ ହୋଇଛି। ଏକଥା ସତ ଯେ ଧାନର ସର୍ବ ନିମ୍ନ ସହାୟକ ମୂଲ୍ୟ ନିର୍ଦ୍ଧାରଣରେ ଓ ସ୍ବାମୀନାଥନ କମିଶନର ସୁପାରିଶ ଲାଗୁ କରିବାରେ କେନ୍ଦ୍ର ସରକାର କୌଣସି ଉଚିତ ପଦକ୍ଷେପ ନେଇ ନାହାନ୍ତି। ଭାରତର ଇତିହାସରେ ନରେନ୍ଦ୍ର ମୋଦୀ ସରକାରକୁ ସର୍ବାଧିକ କୃଷକ ବିରୋଧୀ ସରକାର ବୋଲି କହିଲେ ଅତ୍ଯୁକ୍ତି ହେବନାହିଁ। କିନ୍ତୁ ବିଜୁ ଜନତା ଦଳ, ଯିଏ ଓଡିଶାରେ ଗତ ୧୯ ବର୍ଷ ହେଲା ଶାସନ କରି ଆସୁଛି, ସେମାନେ ରାଜ୍ୟର ଚାଷୀଙ୍କ ପାଇଁ ଦିଲ୍ଲୀ ରେ ରାଲି କରିବାର କୌଣସି ଆବଶ୍ୟକତା ନାଇଁ। ବରଂ ରାଜ୍ୟର କୃଷି ଓ କୃଷକର ବିକାଶ ଲାଗି ବିଜେଡ଼ିର ନେତା ନବୀନ ପଟ୍ଟନାୟକଙ୍କ ଭୂମିକା କଣ ରହିଛି, ସେ ବିଷୟରେ ଓଡିଶାବାସୀଙ୍କୁ ଉତ୍ତର ରଖିବା ଅଧିକ ଜରୁରୀ।
କେନ୍ଦ୍ର ସରକାର କୌଣସି କୃଷକ ସଂଗଠନ ବା କୃଷି ପ୍ରସଙ୍ଗରେ ପ୍ରଶ୍ନ ଉଠାଉଥିବା ରାଜନୈତିକ ଦଳମାନଙ୍କ କଥା ଶୁଣୁନାହାନ୍ତି। ସେହି କ୍ରମରେ କେନ୍ଦ୍ର ସରକାର ଯେ ଓଡିଶାର ଦାବୀକୁ ବିଚାର କରିବେ, ତାର କୌଣସି ସମ୍ଭାବନା ନାହିଁ। କଳେ, ବଳେ, କୌଶଳେ ୨୦୧୯ ନିର୍ବାଚନ ଜିଣିବାକୁ ନୂଆ ସ୍ଲୋଗାନ ଓ ନୂଆ ସ୍ଵପ୍ନର ବ୍ଲୁ ପ୍ରିଣ୍ଟ ବିଜେପି ଶିବିରରେ ତିଆରି ଚାଲିଥିବା ବେଳେ ଓଡିଶା ନେତାଙ୍କ ଦିଲ୍ଲୀ ରାଲିର କୌଣସି ପ୍ରଭାବ କେନ୍ଦ୍ର ସରକାର ଉପରେ ପଡିବାର ନାହିଁ। ସେହିପରି ଉଚ୍ଚ ବର୍ଗ ସଂରକ୍ଷଣ ଓ ସିବିଆଇ ମାମଲାରେ ଅଲଝିଥିବା ଥିବା ଦିଲ୍ଲୀ ମିଡିଆ ପାଇଁ ଓଡିଶାର ଚାଷୀ ବଡ ଆକର୍ଷଣ ନୁହନ୍ତି। ଏପରିକି ବିଜେଡି ରାଜନୀତି ମଧ୍ୟ ଦିଲ୍ଲୀରେ ବିଶେଷ ଚର୍ଚ୍ଚାର ବିଷୟ ନୁହେଁ। ସେହି ପୃଷ୍ଠଭୂମିରେ ବିଜେଡ଼ିର ନୂଆଦିଲ୍ଲୀ ରାଲି କେବଳ ସୋସିଆଲ ମିଡିଆରେ ରୋଚକ ଖବର ହୋଇ ରହିଯାଇଛି। ଓଡିଶାର ବିରୋଧୀ ଦଳ ଗୁଡିକ ଚାଷୀ ପ୍ରସଙ୍ଗକୁ ନେଇ ବିଜେଡ଼ିକୁ ଘେରିବା ବାହାନାରେ କେବଳ ସୁଆଙ୍ଗ ଇ କରୁଛନ୍ତି।
ଚାଷ ଓ ଚାଷୀଙ୍କୁ ନେଇ ଯେଉଁ କେତୋଟି ପ୍ରମୁଖ ସମସ୍ଯା ରହିଛି, ତାହାର ସମାଧାନ କରିବା ରାଜ୍ୟ ସରକାରଙ୍କ କାମ। ତାରି ଭିତରେ ସର୍ବ ନିମ୍ନ ସହାୟକ ମୂଲ୍ୟ ବୃଦ୍ଧି ଓ ସ୍ବାମୀନାଥନ କମିଟି ରିପୋର୍ଟ ଲାଗୁ କରିବାର ଦାୟିତ୍ଵ କେନ୍ଦ୍ର ସରକାରଙ୍କର। କିନ୍ତୁ ଓଡିଶା ପ୍ରସଙ୍ଗରେ ଗୋଟିଏ କଥା ଦେଖିବା ରାଜ୍ୟ ସରକାରଙ୍କ ପାଇଁ ଜରୁରୀ। ଯଦିଓ ରାଜ୍ୟ ସରକାର ଓଡିଶାରେ ଚାଷୀଙ୍କ ଆୟ ଦୁଇ ଗୁଣ ବଢିଛି ବୋଲି କହୁଛନ୍ତି, ଆସାଲରେ କିନ୍ତୁ ଆମ ରାଜ୍ୟର ଚାଷୀଙ୍କ ଆୟ ଦେଶର ସବୁଠୁ କମ। କେବଳ ପଶ୍ଚିମବଙ୍ଗ କୁ ବାଦ ଦେଲେ ବାକି ସବୁ ରାଜ୍ୟରେ ଚାଷୀଙ୍କ ଆୟ ଓଡିଶା ତୁଳନାରେ ଢେର ଅଧିକ। ଓଡିଶାରେ ଗୋଟେ ଚାଷୀ ପରିବାର ମାସିକ ହାରାହାରି ୧୪୦୭ ଟଙ୍କା ରୋଜଗାର କରୁଥିବାବେଳେ ପଞ୍ଜାବରେ ଏହା ୧୦,୮୬୨ ଟଙ୍କା। ରାଜ୍ୟ ସରକାର ଚାଷୀଙ୍କ ଆୟ ଦୁଇଗୁଣ ବଢାଇବାର ଲକ୍ଷ୍ୟ ନେଇ କାମ କଲେ ଦୁର୍ଦ୍ଦିନ ସରିବନାହିଁ। ଏହାକୁ ଅତିକମରେ ଚାରି ଗୁଣ ବଢାଇବାର ସୁଯୋଗ ସୃଷ୍ଟି କରିବାକୁ ପଡିବ।
ରାଜ୍ୟର ଅଭିବୃଦ୍ଧିରେ କୃଷିର ଭୂମିକା ଦିନକୁ ଦିନ ଗୌଣ ହୋଇଚାଲିଛି। ୧୯୫୦-୫୧ ବେଳକୁ ରାଜ୍ୟର କୃଷି କ୍ଷେତ୍ର ରୁ ୫୬.୧୦% ଜିଡିପି କୁ ଆସୁଥିଲା। ୨୦୧୫-୧୬ ବେଳକୁ ତାହା ୧୫.୪% କୁ ଖସି ଆସିଛି। ରାଜ୍ୟର ୯୦% କ୍ଷୁଦ୍ର, ନାମମାତ୍ର ଓ ଭାଗ ଚାଷୀ ହୋଇଥିବାରୁ ଓ ସେମାନଙ୍କ ପାଖରେ ଜମି ପରିମାଣ ଅତ୍ୟନ୍ତ ସ୍ବଳ୍ପ ରହିଥିବାରୁ, ସେମାନଙ୍କର ଆୟରେ କୌଣସି ବ୍ୟାପକ ପରିବର୍ତ୍ତନ ଆସି ପାରୁନାହିଁ। ଚାଷୀଙ୍କୁ କେବଳ ପ୍ୟାକେଜ ଦେଇଦେଲେ ସେମାନଙ୍କ ସମସ୍ୟାର ସମାଧାନ ହେବନାହିଁ। ଏଥିପାଇଁ ଠୋସ କାର୍ଯପନ୍ଥା ସ୍ଥିର ହେବା ଜରୁରୀ।
ଚାଷର ପ୍ରଣାଳୀ ଓ କିସ୍ମ ମଧ୍ୟ ବଦଳିବା ଦରକାର। ତେବେ ଚାଷୀଙ୍କ ସମସ୍ୟା ବିଷୟରେ ଭାବିବା ଲାଗି କାହା ପାଖରେ ସମୟ ନାହିଁ। ଶାସକ ବିଜେଡି ନୂଆଦିଲ୍ଲୀରେ କୃଷକ ରାଲି କରୁଥିବାରୁ ତାଙ୍କୁ ପ୍ରତିହତ କରିବାର ଲକ୍ଷ୍ୟରେ ବିଜେପି ଓ କଂଗ୍ରେସ ମଧ୍ୟ ରାଲି କରୁଛନ୍ତି କିମ୍ବା ବିଜେଡି କୁ ଗାଳି କରୁଛନ୍ତି। ରାଜନୀତିରେ ସେଟା ସ୍ଵାଭାବିକ। ତେବେ ରାଜ୍ୟର ଗଣମାଧ୍ୟମ କିନ୍ତୁ ଚାଷୀ ପ୍ରସଙ୍ଗରେ କୌଣସି ବାସ୍ତବ ତଥ୍ୟ ନରଖି କେଉଁ ନେତା କେମିତି ଦିଲ୍ଲୀ ଗଲେ, କିଏ ପିଜୁଳି ଖାଇଲେ ନା କୁକୁଡା ମାଂସ, ସେସବୁ ବାଜେ ଖବର ଛାପିବାରେ ଅଭ୍ୟସ୍ତ ହୋଇଯାଇଛି। ଚାଷର ରାଜନୀତି ଚାଷୀର ଅସ୍ତିତ୍ଵଠୁ ବହୁତ ବଡ ହୋଇଯାଇଛି।
ରାଜ୍ୟ ସରକାର ବିଜୁ କୃଷକ କଲ୍ୟାଣ ଯୋଜନା, କାଳିଆ ଇତ୍ୟାଦି କଥା କହୁଛନ୍ତି, ଭଲକଥା। କିନ୍ତୁ କେବଳ ପାଞ୍ଚ ହଜାର କି ଦଶ ହଜାର ସହାୟତାରେ ଚାଷୀର ଭାଗ୍ୟ ବଦଳିବ ନାହିଁ। କୃଷି କ୍ଷେତ୍ରରେ ଅଧିକରୁ ଅଧିକ ପୁଞ୍ଜି ଲଗାଇବା ଓ ଚାଷୀକୁ ତାର ଜୀବିକା ର ସୁରକ୍ଷା ଦେବା, ରାଜ୍ୟ ସରକାରଙ୍କ ଦାୟିତ୍ଵ ନିଶ୍ଚୟ। ଦିଲ୍ଲୀ ରେ ରାଲି ବହୁତ ହୋଇଛି ଓ ହେବ, କିନ୍ତୁ ଚାଷୀ ଥରେ ବାଟ ହୁଡିଗଲେ ତା ଜୀବନର ଗୋଟିଏ ବର୍ଷ ଚାଲିଯିବ। ତେଣୁ ବିରୋଧୀଙ୍କ ତୁଳନାରେ ଶାସକ ବିଜୁ ଜନତା ଦଳ କୃଷକଙ୍କ ପାଖରେ ଅଧିକ ଉତ୍ତରଦାୟୀ ରହିବାକୁ ବାଧ୍ୟ।
ସମୀକ୍ଷା ବ୍ୟୁରୋ
ସବୁ ଭାରତୀୟଙ୍କ ପାଇଁ ଡିଜିଟାଲ ସେବା ସୁଲଭ କରିବାପାଇଁ ଆରମ୍ଭ ହୋଇଥିବା ଜିଓ ଫୋନ ଏବେ ଏକ ଯୁଗାନ୍ତକାରୀ ପଦକ୍ଷେପ ଭାବରେ ନେଇ ଆସିଛି ‘କୁମ୍ଭ ଜିଓ–ଫୋନ‘, ଯାହା ଆଗାମୀ କୁମ୍ଭ ମେଳାରେ ଉପଭୋକ୍ତାମାନଙ୍କ ପାଇଁ ଆଣିଦେବ ଅନନ୍ୟ ଅନୁଭୂତି ଓ ସୁବିଧା। ପବିତ୍ର ଗଙ୍ଗା ନଦୀରେ ବୁଡ଼ ପକାଇବାପାଇଁ ପ୍ରାୟ ୧୩୦ ନିୟୁତରୁ ଉର୍ଧ୍ଵ ତୀର୍ଥଯାତ୍ରୀଙ୍କ ସମାଗମ ହେଉଥିବା ୫୫ ଦିନର ଏହି କୁମ୍ଭ ମହୋତ୍ସବ ବିଶ୍ୱର ସର୍ବବୃହତ ଜନସମାଗମ। ଜାନୁଆରୀ ୧୫ ରୁ ମାର୍ଚ୍ଚ ୪ ଯାଏ ହେଉଥିବା ଏହି କୁମ୍ଭ ମେଳା ସମୟରେ ଲକ୍ଷ ଲକ୍ଷ ତୀର୍ଥଯାତ୍ରୀଙ୍କ ଭକ୍ତିପୂତ ଅନୁଭୂତିକୁ ଅଧିକ ରୁଦ୍ଧିମନ୍ତ କରିବା ପାଇଁ ଜିଓ ଫୋନ ନେଇ ଆସିଛି ଏକ ଅଭିନବ ଡିଜିଟାଲ ସେବା ସମ୍ଭାର ‘କୁମ୍ଭ ଜିଓ–ଫୋନ‘ ।
କୁମ୍ଭ ଜିଓ ଫୋନ ଡିଜିଟାଲ ସେବା ସମ୍ଭାର ମଧ୍ୟରେ ଉପଲବ୍ଧ ହେଉଥିବା ବିବିଧ ସୁବିଧା ମଧ୍ୟରେ ରହିଛି କୁମ୍ଭ ସମ୍ବନ୍ଧରେ ବିଷଦ ତଥ୍ୟ ଓ ସୂଚନା, ସ୍ୱତନ୍ତ୍ର ଟ୍ରେନ ଓ ବସ ଭଳି ଗମନଗମନ ସମ୍ପର୍କିତ ତତ୍-କ୍ଷଣାତ ସୂଚନା, ପୂର୍ବ ପ୍ରକାଶିତ ସ୍ନାନ ଓ ବୁଡ଼ ତଥା ଧାର୍ମିକ ତିଥି ସମୟ ନିର୍ଘଣ୍ଟ, ଜରୁରୀକାଳୀନ ସହାୟତା ନମ୍ବର ସମୂହ, ରାସ୍ତା ଓ ଅଂଚଳ ମ୍ୟାପ, ଟିକେଟ ବୁକିଂ ଓ ଅପଡେଟ ସୂଚନା, ଷ୍ଟେସନରେ ଯାତ୍ରୀ ଆଶ୍ରୟ ସୂଚନା, ରେଳବାଇ କ୍ୟାମ୍ପ ମେଳା ସମ୍ବନ୍ଧିତ ସୂଚନା ଇତ୍ୟାଦି।
ଯେକୌଣସି ଜିଓ-ଫୋନରେ ଜିଓ ଷ୍ଟୋରରେ ଉପଲବ୍ଧ ରହିଥିବା ଏହି କୁମ୍ଭ ଜିଓ ଫୋନ ଆପ୍ପରେ ରହିଛି ଫ୍ୟାମିଲି ଲୋକେଟର ଓ ଖୋୟା–ପାୟା ଭଳି ସ୍ୱତନ୍ତ୍ର ସୁବିଧା ଯାହାଦ୍ୱାରା କୁମ୍ଭମେଳାରେ ତୀର୍ଥଯାତ୍ରୀମାନେ ନିଜ ପରିବାର, ବନ୍ଧୁ ଓ ସମ୍ପର୍କୀୟଙ୍କ ଅବସ୍ଥିତି ସମ୍ପର୍କରେ ସଠିକ ସୂଚନା ପାଇପାରିବେ ଏବଂ ଏକାଠି ହୋଇପାରିବେ।
ସେହିଭଳି ସମସ୍ତ ଜିଓ ଉପଭୋକ୍ତାଙ୍କୁ କୁମ୍ଭ ମେଳାର ଆନନ୍ଦ ଦେବାପାଇଁ ଜିଓ ଟିଭି ମାଧ୍ୟମରେ କୁମ୍ଭ ଦର୍ଶନରେ ଚଳିତ କୁମ୍ଭର ସ୍ୱତନ୍ତ୍ର କାର୍ଯ୍ୟକ୍ରମଗୁଡିକର ପ୍ରସାରଣ ସହିତ ପୂର୍ବରୁ ହୋଇଥିବା କୁମ୍ଭ ସମ୍ପର୍କିତ ଭିଡ଼ିଓ ଉପଲବ୍ଧ ହେବ। ସେହିଭଳି ଜିଓ ସାବନରେ ସ୍ୱତନ୍ତ୍ର କୁମ୍ଭ ରେଡ଼ିଓରେ କୁମ୍ଭ ମେଳା ସମ୍ପର୍କିତ ଭକ୍ତି ସଂଗୀତ, ମନ୍ତ୍ରୋଚ୍ଚାରଣ ଓ ଶ୍ଳୋକ ଉପଲବ୍ଧ କରାଯାଇଛି । ଏଥିସହିତ କୁମ୍ଭ ସମ୍ପର୍କିତ ସମସ୍ତ ନ୍ୟୁଜ ଆଲର୍ଟ କୁମ୍ଭ ଜିଓ ଫୋନ ଜରିଆରେ ସମସ୍ତଙ୍କ ହାତପାହାନ୍ତାରେ ଉପଲବ୍ଧ ହେବ। କୁମ୍ଭ ଅବସରରେ ମନୋରଞ୍ଜନ ପାଇଁ ବିଭିନ୍ନ ଗେମ ସହିତ ଓ ପ୍ରତିଦିନ କୁମ୍ଭ କୁଇଜ଼ ବ୍ୟବସ୍ଥା ରହିଛି ଯେଉଁଥିରେ ଭାଗନେଇ ଉପଭୋକ୍ତାମାନେ ମନଲଖି ଉପହାର ଜିତି ପାରିବେ।
ଏସବୁ ସୁବିଧା ସାଙ୍ଗକୁ ଉପଭୋକ୍ତା ଜିଓ ଫୋନର ସମସ୍ତ ଆକର୍ଷଣୀୟ ସୁବିଧା ଯେପରିକି ମାଗଣା ଭଏସ କଲ, ସର୍ବନିମ୍ନ ମୂଲ୍ୟରେ ଅସୀମିତ ଇଣ୍ଟରନେଟ ଏବଂ ଜିଓ ଟିଭି, ଜିଓ ସିନେମା, ଜିଓ ସାବନ ମ୍ୟୁଜ଼ୀକ, ଜିଓ ଗେମ୍ସ, ଫେସବୁକ, ହ୍ୱାଟ୍ସଅପ୍ପ, ୟୁଟୁବ, ଗୁଗୁଲ ମ୍ୟାପ୍ସ ଭଳି ବିଶ୍ୱସ୍ତରୀୟ ଆପ୍ସର ମଜା ନେଇପାରିବେ। ସେହିଭଳି ଗୁଗୁଲ ଭଏସ ଆସିଷ୍ଟାଣ୍ଟ ସେବା ଉପଯୋଗ କରି ଭଏସ କମାଣ୍ଡ ଜରିଆରେ ଫୋନ ବ୍ୟବହାର କରିପାରିବେ।
କୁମ୍ଭ ଜିଓ ଫୋନ ସମ୍ପର୍କରେ ସୂଚନା ଦେବା ଅବସରରେ ଜିଓ ମୁଖପାତ୍ର ପ୍ରକାଶ କରିଛନ୍ତି ଯେ ” ଜିଓ ଫୋନ ହେଉଛି ଏକ ଅଭିନବ ଉଦ୍ୟମ ଏବଂ କୁମ୍ଭ ଜିଓ-ଫୋନ ଶୁଭାରମ୍ଭ ଜିଓ ଫୋନ ଉପଭୋକ୍ତାମାନଙ୍କୁ ନୂତନ ତଥା ଅଭିନବ ସୁବିଧା ପ୍ରଦାନ କରିବା ଦିଗରେ ଆମର ପ୍ରୟାସର ପରିଚାୟକ। ସ୍ୱଳ୍ପ ମୂଲ୍ୟରେ ସ୍ୱତନ୍ତ୍ର ସୁବିଧା ଉପଲବ୍ଧ କରାଇ ପାରିଥିବାରୁ ଜିଓ ଫୋନ ସମ୍ପ୍ରତି ଭାରତରେ ସର୍ବାଧିକ ବିକ୍ରି ହେଉଥିବା ଫୋନେ ହୋଇପାରିଛି। ଆମେ ଏଥିପାଇଁ ଗର୍ବିତ ଯେ ପ୍ରତିଟି ଭାରତୀୟ ଏବେ ମାତ୍ର ୫୦୧ ଟଙ୍କାରେ ସ୍ମାର୍ଟଫୋନ ବ୍ୟବହାର କରିବାର ମଜା ନେଇପାରୁଛନ୍ତି ଏବଂ ବିଶ୍ୱସ୍ତରୀୟ ସୁବିଧା ଓ ଫିଚର ଉପଭୋଗ କରିଛନ୍ତି ଯାହା ଭାରତରେ ନିର୍ମିତ, ଭାରତ ପାଇଁ ନିର୍ମିତ ଏବଂ ଭାରତ ଦ୍ୱାରା ନିର୍ମିତ” ।
ଜିଓ ପକ୍ଷରୁ ଏସବୁ ସୁବିଧା ଓ ଅନୁଭୂତି ଉପଲବ୍ଧ କରାଇବା ପାଇଁ ଉତ୍ତରପ୍ରଦେଶ ପୋଲିସ ଓ KASH IT ସହିତ ନିରନ୍ତର ଭାବରେ କାର୍ଯ୍ୟ କରାଯାଉଛି ।
ସମସ୍ତ ବର୍ତମାନର ଓ ନୂଆ ଉପଭୋକ୍ତା ଜିଓ ଫୋନରେ ଜିଓ ଷ୍ଟୋରରୁ କୁମ୍ଭ ଜିଓ ଫୋନ ସେବା ପାଇପାରିବେ । କୁମ୍ଭ ଜିଓ ଫୋନ କିମ୍ବା ଜିଓଫୋନ ସମ୍ପର୍କିତ ସମସ୍ତ ପ୍ରକାର ପ୍ରଶ୍ନ ଓ ସହାୟତା ପାଇଁ ରିଲାଏନ୍ସ ରିଟେଲ ପକ୍ଷରୁ ସ୍ୱତନ୍ତ୍ର ହେଲ୍ପଲାଇନ ନମ୍ବର ୧୯୯୧ ବ୍ୟବସ୍ଥା କରାଯାଇଛି।
ସମୀକ୍ଷା ବ୍ୟୁରୋ
ପ୍ରଦୀପ ମହାରଥୀ ମନ୍ତ୍ରୀ ପଦରୁ ଇସ୍ତଫା ଦେଲେ, ହେଲେ ଏହାକୁ ନେଇ ରାଜ୍ୟ ବିଜେପି କେବେ ବି ଖୁସି ହେବାର ଆବଶ୍ୟକ ନାହିଁ। କାରଣ ହେଲା ଏହା ବିଜେଡିର ଏକ ଲାଭଦାୟକ ଯୋଜନା କହିଲେ ଅତ୍ୟୁକ୍ତି ହେବ ନାହିଁ। ଯଦି ଏହି ଘଟଣାକୁ ତନ୍ନ ତନ୍ନ କରି ପରୀକ୍ଷା କରାଯାଏ ତେବେ ପ୍ରଦୀପ ମହାରଥୀଙ୍କ ଇସ୍ତଫା ବିଜେଡି ପାଇଁ ପାଞ୍ଚୋଟି କାରଣ ନେଇ ଗୁରୁତ୍ବ ବହନ କରୁଛି। ସେଗୁଡିକ ହେଲା
1-ଆସନ୍ତା 8 ତାରିଖରେ ନୂଆଦିଲ୍ଲୀରେ ବିଜେଡି, କୃଷକଙ୍କ ପାଇଁ ଗୋଟିଏ ବଡ ବିକ୍ଷୋଭ କରୁଛି।ଏହା ହେଉଛି ବିଜେଡି ସୁପ୍ରିମୋଙ୍କ ସାଧାରଣ ନିର୍ବାଚନ ପୂର୍ବରୁ ଜାତୀୟ ସ୍ତରରେ ଏକ ଶକ୍ତି ପ୍ରଦର୍ଶନ। ହେଲେ କୃଷି ଓ କୃଷକ ପାଇଁ ବିକ୍ଷୋଭ ହେବା ବେଳେ ହୁଏତ କୃଷିମନ୍ତ୍ରୀଙ୍କ ଆଚରଣ ନେଇ ଜାତୀୟ ସ୍ତରରେ ପ୍ରଶ୍ନ ହୋଇପାରେ। ତାହାକୁ ଏଡାଇବା ପାଇଁ ଏହା ଏକ ସୁଚିନ୍ତିତ ଯୋଜନା ବୋଲି କୁହାଯାଇପାରେ।
2-ବିଧାନସଭା ଏବଂ ସାଧାରଣ ନିର୍ବାଚନକୁ ଆଉ ମାସ କେଇଟା ବାକି ଥିବା ବେଳେ ନବୀନଙ୍କ ଭାବମୂର୍ତ୍ତିକୁ ସୁଦୃଢ କରିବାରେ ଏହା ଆଉ ଏକ ବଡ ଯୋଜନା। ନବୀନ ନିବାସ ଆଗରେ ବିଜେପି ମହିଳା ମୋର୍ଚ୍ଚା ତରଫରୁ ବାରମ୍ବାର ବିକ୍ଷୋଭ ପ୍ରଦର୍ଶନ କରି ରାଜନୀତିକୁ ଯେପରି ଗରମ କରିଥିଲେ। ବର୍ତ୍ତମାନ ମହାରଥୀଙ୍କ ଇସ୍ତଫା ନବୀନଙ୍କ ଭାବ ମୂର୍ତ୍ତିକୁ ନିର୍ମଳ କରିଦେଇଛି। ଏହି ଘଟଣାକୁ ନେଇ ଯଦି ବିରୋଧୀ ପୁଣି ତୁମ୍ବିତୋଫାନ କରନ୍ତି ତେବେ ଲୋକେ ତାହାକୁ ଆଉ ଗ୍ରହଣ କରିବେ ନାହିଁ।
3- ମୁଖ୍ୟତଃ ବେବିନା ରାୟ ପ୍ରକାଶ ପରେ ପ୍ରଦୀପ ମହାରଥୀଙ୍କ ବୟାନବାଜି ହିଁ ତାଙ୍କ ପାଇଁ କାଳ ହେଲା। ଏ ଖବର ପ୍ରଚାରିତ ହେବା ପରେ ହୁଏତ ନବୀନ ତାଙ୍କୁ ତାଗିଦ୍ କରିପାରିଥାଆନ୍ତେ କିମ୍ବା ତାଙ୍କୁ କ୍ଷମା ପ୍ରାର୍ଥନା କରିବା ପାଇଁ ନିର୍ଦ୍ଦେଶ ଦେଇପାରିଥାଆନ୍ତେ। ହେଲେ ତାହା ନ କରି, ସିଧା ଇସ୍ତଫା ଦେଇଦେବା ଦକ୍ଷ ରାଜନୀତିଜ୍ଞଙ୍କର ସଠିକ୍ ଗୋଟି ଚାଳନା ବୋଲି କୁହାଯିବ।
4-ନବୀନ ପଟ୍ଟନାୟକ ପୂର୍ବରୁ ଦାମୋଦର ରାଉତ, ଅତନୁ ସବ୍ୟସାଚୀ ନାୟକ, ଅନଙ୍ଗ ଉଦୟ ସିଂଦେଓ ଏପରିକି ସେହି ପ୍ରଦୀପ ମହାରଥୀଙ୍କ ପରି ଅନେକ ରଥୀମହାରଥୀଙ୍କୁ ଭିନ୍ନ ଭିନ୍ନ ଘଟଣାରେ ପଦଚ୍ୟୁତ କରିଛନ୍ତି। ହେଲେ ସେସବୁ ଇତିହାସ ପାଲଟି ଯାଇଛି। ହେଲେ ବର୍ତ୍ତମାନ ପ୍ରଦୀପ ମହାରଥୀ ଇସ୍ତଫା ଆସନ୍ତା ନିର୍ବାଚନ ପାଇଁ ବିଜେଡିକୁ ଭଲ ଲାଭ ପ୍ରଦାୟକ ହେବ।
5-ଆଉ ମାତ୍ର ଦୁଇତିନିମାସ ମଧ୍ୟରେ ରାଜ୍ୟ ଓ କେନ୍ଦ୍ର ମନ୍ତ୍ରୀମଣ୍ଡଳ ଅକାମୀ ହୋଇଯିବ। ସବୁ କ୍ଷମତା ହାତରୁ ଚାଲିଯିବ। ତେଣୁ ମାସକେଇଟା ପାଇଁ କ୍ଷମତାକୁ ଜାବୁଡି ଧରିବା ଆବଶ୍ୟକ ନାହିଁ। ବିରୋଧୀଙ୍କ ତୀବ୍ର ବିରୋଧକୁ ମୁଣ୍ଡରେ ବୋହି ନିର୍ବାଚନରେ ପ୍ରତିଦ୍ବନ୍ଦିତା କରିବା ଅପେକ୍ଷା, ଇସ୍ତଫା ଦେଇ ନିର୍ବାଚନ ଲଢିବା ତାଙ୍କ ପାଇଁ ନିଶ୍ଚିତ ଭଲ ହେବ।
ତେବେ ଏସବୁ ଘଟଣାରେ କଂଗ୍ରେସ ବେଶ୍ ଚାଲାକ ଭୂମିକା ଗ୍ରହଣ କରିଛି। ସେ ବିଜେପି ପରି ତୁମ୍ବିତୋଫାନ କରି ନାହିଁ। ବେବିନା ପ୍ରସଂଗରେ କଂଗ୍ରେସ ପୂର୍ବରୁ ରାଜରାସ୍ତାକୁ ଓହ୍ଲାଇ ଘଟଣାକୁ ଏକ ଜାତୀୟ ମୋଡ ଦେଇଥିଲା। ହେଲେ କଂଗ୍ରେସ ଏଥର ବେବିନା ଉପରେ ପ୍ରଦୀପ ମହାରଥୀଙ୍କ ବ୍ୟକ୍ତବ୍ୟକୁ ନେଇ ନିରବି ଗଲା। କାରଣ କଂଗ୍ରେସ ଜାଣିସାରିଥିଲା ଯେ, ବର୍ତ୍ତମାନ ନିର୍ବାଚନ ଋତୁରେ ଏପରି ହୋ ହାଲ୍ଲା କଲେ ତାହା ବିଜେଡିକୁ ହିଁ ସୁହାଇବ । ଅନ୍ୟପକ୍ଷରେ ବିକ୍ଷୋଭ, ବିରୋଧ,ମାଡପିଟିକୁ ଭଲପାଉଥିବା ବିଜେପିର ପରାମର୍ଶଦାତାମାନଙ୍କୁ ଏହି ଚାଲାକି ନଜରକୁ ଆସିପାରିଲା ନାହିଁ। ସେଥିପାଇଁ ପ୍ରଦୀପ ମହାରଥୀଙ୍କ ଇସ୍ତାଫା ପ୍ରସଂଗରେ ବିଜେପିକୁ କୈଣସି ରାଜନୈତିକ ଫାଇଦା ମିଳିପାରିବ ନାହିଁ ବୋଲି ଅନୁମେୟ।
କେଦାର ମିଶ୍ର
ନରେନ୍ଦ୍ର ମୋଦୀ ବୋଧହୁଏ ଦେଶର ଏକମାତ୍ର ପ୍ରଧାନମନ୍ତ୍ରୀ ଯିଏ ଶହେ ମିଟରର ବ୍ରିଜ ହେଉ ବା ପେସେଞ୍ଜର ଟ୍ରେନ, କିଛି ବି ଉଦଘାଟନ କରିବା ଲାଗି ସବୁ ମୂହୁର୍ତ୍ତରେ ସେ ପ୍ରସ୍ତୁତ। ଏପରିକି ଗୋଟେ ପେସେଞ୍ଜର ଟ୍ରେନର ଲୋକାର୍ପଣକୁ ମଧ୍ୟ ସେ ତାଙ୍କ ସରକାରର କ୍ରାନ୍ତିକାରୀ ପଦକ୍ଷେପ ବୋଲି କହିପାରନ୍ତି। ଗତ କାଲି ବାରିପଦାରେ ସେୟା ହେଲା ମଧ୍ୟ। ଗୋଟେ ସମାନ ପ୍ରକଳ୍ପକୁ ବିଭିନ୍ନ ସ୍ତରରେ ଶୁଭ ଦେବା, ଭୂମିପୂଜନ କରିବା ଭଳି କାମ କେବଳ ମୋଦୀ ସରକାରରେ ହିଁ ସମ୍ଭବ। ସେଦିନ ଜାମସେଦପୁରରୁ ବାଦାମପାହାଡ ପାସେଞ୍ଜର ଟ୍ରେନର ଶୁଭ ଉଦଘାଟନ ପ୍ରଧାନମନ୍ତ୍ରୀ କଲେ। ଟ୍ରେନ ଜାମସେଦପୁରରେ ଆଉ ପ୍ରଧାନମନ୍ତ୍ରୀ ବାରିପଦାରେ। ବାରିପଦାରେ ସବୁଜ ପତାକା ହଲେଇ ପ୍ରଧାନମନ୍ତ୍ରୀ ଆତ୍ମତୃପ୍ତି ପାଇଥିବେ ନିଶ୍ଚୟ। କିନ୍ତୁ ସେ ସବୁଜ ପତାକା ଟ୍ରେନ ପାଇଁ ନା ଆଉ କାହା ପାଇଁ, ସେ ପ୍ରଶ୍ନ ଏବେ ଓଡିଶା ରାଜନୀତିର ପ୍ରମୁଖ ପ୍ରସଙ୍ଗ ପାଲଟିଛି।
ମୋଦୀ ଗତ ଡିସେମ୍ବର ୨୪ ତାରିଖ ଦିନ ଖୁର୍ଦ୍ଧା ସଭାରେ ଯାହା କହିଥିଲେ, ବାରିପଦା ସଭାରେ ମଧ୍ୟ ଆପାତତଃ ସେୟା କହିବେ ବୋଲି ଆମେ ଭବିଷ୍ୟବାଣୀ କରିଥିଲୁ। ଏବେ ସେୟା ହିଁ ହୋଇଛି। ଖୁର୍ଦ୍ଧା ତୁଳନାରେ ବାରିପଦା ସଭାରେ ଓଡିଶା ସରକାରଙ୍କ ପ୍ରତି ମୋଦୀଙ୍କ ଆଭିମୁଖ୍ୟ ଅଧିକ ନରମ ଥିଲା। କଂଗ୍ରେସ ପ୍ରତି ଅତ୍ୟନ୍ତ କଡା (ପ୍ରଧାନମନ୍ତ୍ରୀ ଭାବରେ ଏକପ୍ରକାର ଅଶୋଭନୀୟ) ଭାଷା ପ୍ରୟୋଗ କରିଥିବା ମୋଦୀ ନବୀନ ପଟ୍ଟନାୟକଙ୍କ ନାଁ ମଧ୍ୟ ଉଚ୍ଚାରଣ କରିନଥିଲେ। ଏଥିରୁ ଗୋଟେ କଥା ସ୍ପଷ୍ଟ ଯେ, ନବୀନ ଏବେ ମୋଦୀଙ୍କ ଭବିଷ୍ୟତ ପାଇଁ ସବୁଠୁ ବଡ ଆବଶ୍ୟକତା ପାଲଟିଛନ୍ତି।
କଂଗ୍ରେସର ରାଫାଲେ ଆକ୍ରମଣ ଯୋଗୁଁ ମୋଦୀ ଯେ ବିଚଳିତ ହୋଇ ପଡିଛନ୍ତି, ତାହାର ଝଲକ ବାରିପଦା ସଭାରେ ଗତ କାଲି ଦେଖିବାକୁ ମିଳିଥିଲା। କଂଗ୍ରେସକୁ ଆକ୍ରମଣ କରିବାରେ ହୁଏତ କିଛି ଅସୁବିଧା ନାହିଁ, କିନ୍ତୁ ଏହି ଆକ୍ରମଣ ଯେ ଆତ୍ମରକ୍ଷାର ବାଟ, ସେକଥା ମୋଦୀଙ୍କ ଭାଷଣରୁ ବାରି ହୋଇ ପଡୁଥିଲା। ମହିଳା ଶକ୍ତିକୁ ପ୍ରଶଂସା କରିବାକୁ ଯାଇ ଗୋଟେ ସାଧାରଣ ସଭାରେ ନିର୍ମଲା ସୀତାରମଣଙ୍କୁ ପ୍ରଶଂସା କରିବା ମୋଦୀଙ୍କ ଅସହାୟତାକୁ ଧାରା ପକେଇ ଦେଇଛି। ଆଜି ପର୍ୟନ୍ତ ସବୁ କଥାରେ ”ମୁଁ, ମୋର ଓ ମୋଦୀର” ବୋଲି କହୁଥିବା ନରେନ୍ଦ୍ର ମୋଦୀ ହଠାତ ପ୍ରତିରକ୍ଷା ମନ୍ତ୍ରୀଙ୍କୁ ପ୍ରଶଂସା କରିବା ପଛରେ ସେ ଭୟ ହିଁ କାମ କରୁଛି।
ତେବେ ସବୁଠୁ ବଡ କଥା ହେଲା, ରାଜ୍ୟ ସରକାର ବିରୋଧରେ ଚୁପ ରହିବା ପାଇଁ ମୋଦୀ ବାଧ୍ୟ ହୋଇଛନ୍ତି କି? ୨୦୧୯ ନିର୍ବାଚନରେ ସହଯୋଗୀ ଖୋଜିବାର ଉଦ୍ୟମର ଏହା ଅଂଶ ବିଶେଷ ମାତ୍ର। ଏବେ ମୋଦୀ ନବୀନଙ୍କୁ ସବୁଜ ସଙ୍କେତ ଦେଇ ସାରିଛନ୍ତି। ଏହାପରେ ଓଡିଶା ବିଜେପିର ଆକ୍ରମଣ ଫସର ଫାଟିବା ଅବସ୍ଥାକୁ ଆସିଯାଇଛି। ବିଜେପି ଓ ବିଜେଡି ଭିତରେ ଭିତିରି ବୁଝାମଣା ର ଚର୍ଚ୍ଚା ବିଜେପିକୁ ବଡ ଅକଳିଆ ଅବସ୍ଥାରେ ପକାଇଛି। ପୂର୍ବୋଦୟ ବାହାନାରେ ବିଜେପି ଏବେ ତେଲେଙ୍ଗାନା, ଓଡିଶା ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀମାନଙ୍କର ଶରଣାପନ୍ନ ହୋଇଛି। ୨୦୧୯ ନିର୍ବାଚନରେ ନବୀନଙ୍କୁ କୌଣସି ପ୍ରକାରେ ହାତଛଡା କରିବାକୁ, ବିଜେପିର କେନ୍ଦ୍ରୀୟ ନେତୃତ୍ୱ ଚାହୁଁନାହିଁ।
ତେଣୁ ଆଜି ମୋଦୀ ନବୀନଙ୍କୁ ବନ୍ଧୁତ୍ଵର ସବୁଜ ପତାକା ପ୍ରଦର୍ଶନ କରି ଫେରି ଯାଇଛନ୍ତି ବୋଲି କହିବାରେ କୌଣସି ଅସୁବିଧା ନାହିଁ।
ସୁଧାଶ୍ରୀ ଦାଶ
ଏବେ ସବୁଠି ଶୀତ ଲହରୀ । ପ୍ରତିଦିନ ପାରଦ ତଳକୁ ଖସୁଛି। ଶୀତ ବଢିବା ସହିତ ବଦଳୁଚି ଆମର ଖାଦ୍ୟପେୟ। ଦୁବାଇରେ ମଧ୍ୟ ଏବେ ଶୀତ ଲହରୀ । ଦେଖିବାକୁ ଗଲେ ଶୀତ ଋତୁ ହେଉଛି ଏଠି ସବୁଠାରୁ ଭଲ ସମୟ । କାରଣ ୮ ମାସ ର ତାତି ପରେ ସମସ୍ତେ ଥଣ୍ଡାକୁ ଅପେକ୍ଷା କରନ୍ତି। ମୋଟାମୋଟି ଭାବେ କହିବାକୁ ଗଲେ ଶୀତକୁ ସମସ୍ତେ ଏଠି ମନଭରି ଉପଭୋଗ କରନ୍ତି।
ଦୁବାଇର ସବୁଠୁ ସୁନ୍ଦର ଶୀତ ଓ ଉପଭୋଗ ଭିତରେ ମୁଁ ଅନୁଭବ କଲି ଯେ ମୁଁ କିଛି ଗୋଟେ ମୋ ଭିତରୁ ହଜି ଯାଇଛି ଓ ଯାହାକୁ ମୋ ମନ ବହୁତ ବହୁତ ଖୋଜୁଛି । ତାହା ହେଉଛି ମାଁ ହାତ ତିଆରି ଘିଅ। ପ୍ରତିବର୍ଷ ଶୀତ ଆସିବା ପୂର୍ବରୁ ମାଁ ପ୍ରସ୍ତୁତ ହୋଇଯାନ୍ତି ଘିଅ ତିଆରି କରିବା ପାଇଁ। କୁହନ୍ତି ‘ଶୀତ ଦିନରେ ଗରମ ଭାତ ସାଙ୍ଗରେ ଘିଅ ପକାଇ ଖାଇଲେ ଦେହପାଇଁ ଭଲ।‘ ଆଉ ମୁଁ ମଧ୍ୟ ଘିଅ ଖାଇବାକୁ ଖୁବ ଭଲ ପାଏ। ଗରମ ଭାତ ଉପରେ ମାଁ ହାତ ତିଆରି ଘିଅ ପଡିଲେ, କାହିଁକି କେଜାଣି ସ୍ଵାଦ ଅଲଗା ହୋଇଯାଏ। ଆଉ ତାର ବାସ୍ନା ମନରେ ସୁଆଦ ଭରିଦିଏ। ଔଷଧ ଖାଇଲା ପରି ଆମେ ଘିଅ ଖାଇବାକୁ କେବେ ଭୁଲିନାହୁଁ।
ହେଲେ ପ୍ରବାସରେ ୧୦ ବର୍ଷ ରହିବା ପରେ ଏବେ ସେ ଘିଅର ଅଭ୍ୟାସ ଆଉ ନାହିଁ । ପାଖରେ ମାଁ ନାହାନ୍ତି ପଚାରିବାକୁ ଘିଅ ଟିକେ ଦେବି କି ବୋଲି। ଏବେ ବି ଗରମ ଭାତ ଖାଏ ହେଲେ ବିନା ଘିଅରେ। ପାଶୋରି ଦେଇଛି ସେହି ବାସ୍ନାକୁ। ଏବେ ଦିନେ ସୁପର ମାର୍କେଟକୁ ଗଲି ଘିଅ ପାଇଁ। ଦେଶୀ, ବିଦେଶୀ ଅନେକ ବ୍ରାଣ୍ଡର ଘିଅ ପାଇଲି। ପସନ୍ଦ ମୁତାବକ ଆଣିଲି ମଧ୍ୟ। ଝିଅକୁ କହିଲି, ‘ଥଣ୍ଡା ହେଉଛି, ପ୍ରତିଦିନ ଅଳ୍ପ ଘିଅ ଖାଇବା ଆରମ୍ଭ କର। ‘ ସେ ହଁ କହିଲା । ଆଜି ସେ ଭାତ ଖାଇଲାବେଳେ ଗୋଟେ ଚାମଚରେ ଘିଅ ଟିକେ ତ ଭାତ ଉପରେ ଢାଳିଦେଲି। କିନ୍ତୁ ସେ ବାସ୍ନା ପାଇଲିନି। ସେ ସୁଆଦ ବି ଆସିଲାନି। ମନ ଶାନ୍ତ ହେଲାନି। ନିଜେ ମଧ୍ୟ ଖାଇଲି । ସେ ସ୍ବାଦ ପାଇଲିନି। ବହୁତ ଭାବିଲି, କଣ ଫରକ ଏ ଘିଅ ଆଉ ସେ ଘିଅ ଭିତରେ? ବ୍ରାଣ୍ଡ ଆଉ ଦେଶୀ ଭିତରେ କଣ ବା ଫରକ ସତରେ!
ବହୁତ ସମୟ ଭାବିଲା ପରେ ଆପେ ଆପେ ବୁଝିଗଲି , ‘ ସେଥିରେ ମାଁ ର ସ୍ନେହ ଥିଲା” ଆଉ ବଜାର ଘିଅରେ କେବଳ ବଜାର ଇ ଥିଲା।
ରିପୋର୍ଟ-ସମୀକ୍ଷା ବ୍ୟୁରୋ , ଫଟୋ-ସଂଜୀବ ମୁଖାର୍ଜୀ
ବିଜେପି ଫୋକସରେ ଓଡ଼ିଶା, ଏ ଖବର ଆମେ ବାରମ୍ବାର ପଢୁଛୁ ଓ ଶୁଣୁଛୁ। ମାସେ ଭିତରେ ପ୍ରଧାନମନ୍ତ୍ରୀ ତିନି ଥର ରାଜ୍ୟ ଗସ୍ତ କରୁଥିବା ହେତୁ ଏ ଖବରର ଗୁରୁତ୍ୱ ମଧ୍ୟ ରହିଛି। ହିନ୍ଦୀ ଭାଷାଭାଷୀ ଅଞ୍ଚଳରେ ବିଜେପି ର ପରାଜୟ ଏହାକୁ ଅଧିକ ପୂର୍ବାଭିମୁଖୀ କରିଛି, ତାହା ମଧ୍ୟ ସତ। ହିନ୍ଦୀ ଅଞ୍ଚଳର କ୍ଷତି କୁ ପୂର୍ବ ଭାରତରେ ଭରଣା କରିବାର ଲକ୍ଷ୍ୟ ନେଇ ପଶ୍ଚିମ ବଙ୍ଗ ଓ ଓଡ଼ିଶା ଉପରେ ବିଜେପି ନଜର ରଖିଛି। ହେଲେ ଏ ଦୁଇ ରାଜ୍ୟର ଶାସନ ସମ୍ଭାଳିଥିବା ତୃଣମୂଳ କଂଗ୍ରେସ ଓ ବିଜୁ ଜନତା ଦଳ ସହ ଲଢ଼େଇ ବିଜେପି ଲାଗି ସହଜ ହେଉନାହିଁ। ତ୍ରିପୁରା, ଆସାମ ଓ ଅନ୍ୟାନ୍ୟ ଉତ୍ତର ପୂର୍ବ ରାଜ୍ୟ ଗୁଡିକରେ ବିଜେପି ଯେଉଁ ରଣନୀତି ରଖି ସଫଳ ହୋଇ ଥିଲା, ସେ ରଣନୀତି ଓଡ଼ିଶାରେ କାମ କରୁନାହିଁ। ଓଡ଼ିଶାର ରାଜନୀତିରେ ଆଜି ମଧ୍ୟ ଉଗ୍ର ସାମ୍ପ୍ରଦାୟିକତା ଗ୍ରହଣୀୟ ନୁହେଁ। ୨୦୦୭-୦୮ କନ୍ଧମାଳ ଦଙ୍ଗା ରେ ବିଜେପି ଓ ସଙ୍ଘ ପରିବାରର ସଂପୃକ୍ତି କୁ ଓଡିଶାର ଜନସାଧାରଣ ଗ୍ରହଣ କରିପାରିନଥିଲେ ଓ ସେହିଦିନଠୁ ବିଜେପି ନିଜ ସ୍ଥିତି ଓଡିଶାରେ ସୁଧାରି ପାରିନାହିଁ।
ଯେତେ ପ୍ରକାର କୌଶଳ ଓ ରଣନୀତି ଆପଣାର କଲେ ମଧ୍ୟ ଓଡିଶାରେ ତାହା କାଟୁ ନକରିବା କାରଣରୁ ବିଜେପିର ରାଜ୍ୟ ୟୁନିଟରେ ଏହାକୁ ନେଇ ହତାଶା ମଧ୍ୟ ଅଛି। ରାଜ୍ୟ ନେତୃତ୍ୱ କିଏ ନେବା ତାକୁ ନେଇ କେନ୍ଦ୍ରୀୟ ନେତୃତ୍ୱ କିଛି ସ୍ପଷ୍ଟ ନିର୍ଦ୍ଦେଶ ଦେଉନଥିବା ବେଳେ ରାଜ୍ୟ ଭିତରେ ଏହାକୁ ନେଇ ଏବେ ନୂଆ ନୂଆ ସମୀକରଣ ଦେଖିବାକୁ ମିଳୁଛି। ମାତ୍ର ଅଳ୍ପ ଦିନ ତଳେ ସରକାରୀ ଚାକିରି ଛାଡି ବିଜେପିରେ ଯୋଗ ଦେଇଥିବା ଅପରାଜିତା ଷଡଙ୍ଗୀ ଏବେ ବିଜେପି ରାଜ୍ୟ ନେତା ଭାବରେ ନିଜକୁ ସବୁଠୁ ବଡ ବୋଲି ଉପସ୍ଥାପନା କରି ଚାଲିଛନ୍ତି।
ଅପରାଜିତାଙ୍କ ଯୋଗଦାନକୁ ନେଇ ଗଣମାଧ୍ୟମର ଚର୍ଚ୍ଚା ଓ ସଂଘ ମୁଖିଆ ମୋହନ ଭାଗବତଙ୍କୁ ତାଙ୍କର ସାକ୍ଷାତ କରିବା ଘଟଣାକୁ ନେଇ, ବିଜେପି ରାଜ୍ୟ ଶାଖାର ସେ ହିଁ ପ୍ରମୁଖ ଶକ୍ତି କେନ୍ଦ୍ର ବୋଲି ଯେଉଁ କଲ୍ପନା ଜଳ୍ପନା ପ୍ରକାଶ ପାଇଥିଲା ତାହା ପ୍ରଧାନମନ୍ତ୍ରୀ ମୋଦୀଙ୍କ ଗସ୍ତ ବେଳେ କିଛିଟା ଥମି ଯାଇଥିଲା। ପ୍ରଧାନମନ୍ତ୍ରୀଙ୍କ ଖୁର୍ଦ୍ଧା ସଭାରେ ଅପରାଜିତାଙ୍କୁ ସେମିତି କିଛି ଖାସ ଭୂମିକା ମିଳିନଥିଲା। ସେହି କଥାକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଅନୁଚର ଗୋଷ୍ଠୀ ବେଶ ପ୍ରଚାରିତ କରିଥିଲେ ଓ ରାଜ୍ୟ ବିଜେପିର ଅସଲ ମୁଖିଆ କେବଳ ଧର୍ମେନ୍ଦ୍ର ହିଁ ବୋଲି ଏକ ବାର୍ତ୍ତା ଦେବାର ଉଦ୍ୟମ କରିଥିଲେ।
ଇତି ମଧ୍ୟରେ ରାଜଧାନୀ ଭୁବନେଶ୍ବରରେ ନୂଆବର୍ଷ ପାଇଁ ଲାଗିଥିବା କେତୋଟି ହୋର୍ଡିଙ୍ଗ, ବିଜେପି ରାଜ୍ୟ ରାଜନୀତିରେ ପୁଣି ହଟଚମଟ ସୃଷ୍ଟି କରିଛି। ରାଜଧାନୀର ପ୍ରମୁଖ ଛକ ମାନଙ୍କରେ ଲଗା ଯାଇଥିବା ଏହି ବିଶାଳକାୟ ହୋର୍ଡିଙ୍ଗ ସବୁରେ ମୋଦୀ-ଶାହାଙ୍କ ବିରାଟ ଚିତ୍ର ସହିତ ସମତୁଲ ଛବି ଅପରାଜିତାଙ୍କର ରହିଛି। ଉଭୟ ବିଶାଳକାୟ ଛବିର ବନ୍ଧନୀ ଭିତରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ , ରାଜ୍ୟ ବିଜେପି ସଭାପତି ବସନ୍ତ ପଣ୍ଡା ଓ ବିଧାୟକ ଦଳ ନେତା କନକ ବର୍ଦ୍ଧନ ସିଂ ଦେଓଙ୍କର ତିନୋଟି ପାସପୋର୍ଟ ସାଇଜର ଫଟୋ ଦିଆ ଯାଇଛି। ଏହି ହୋର୍ଡିଙ୍ଗ ରାଜଧାନୀର କେନ୍ଦ୍ରରେ ବିଜେପି ନେତୃତ୍ୱ ବଦଳର ସ୍ପଷ୍ଟ ସଙ୍କେତ ଦେଉଛି କି? ଧର୍ମେନ୍ଦ୍ରଙ୍କ ଭୂମିକା ଲାଇଫ ସାଇଜରୁ ଖସି ଆସି ଶେଷରେ ପାସପୋର୍ଟ ସାଇଜରେ ପହଞ୍ଚି ଯାଇଛି ବୋଲି ଏବେ ଚର୍ଚ୍ଚା ହେଉଛି।
ଇତି ମଧ୍ୟରେ ବିଜେପିର ନିୟମିତ ସାମ୍ବାଦିକ ସମ୍ମିଳନୀ ରେ ମଧ୍ୟ ଅପରାଜିତା ମୁଖ୍ୟ ଭୂମିକାରେ ରହୁଛନ୍ତି। ଦୀର୍ଘ ଦିନ ଧରି ବିଜେପିର ମିଡିଆ ଦାୟିତ୍ଵ ଧର୍ମେନ୍ଦ୍ରଙ୍କ ଖାସ ଅନୁଗତମାନେ ତୁଲାଇ ଆସୁଥିଲେ। ରାଜ୍ୟ ବିଜେପି ର ଦାୟିତ୍ଵ କ୍ରମେ କ୍ରମେ ଧର୍ମେନ୍ଦ୍ରଙ୍କ ହାତରୁ ଅପରାଜିତାଙ୍କ ହାତକୁ ଚାଲି ଯାଉଥିବା ବିଷୟରେ ଏବେ ସୂଚନା ସ୍ପଷ୍ଟ ହୋଇ ଚାଲିଛି। ତେବେ ବିଜେପି ଭିତରେ ଏହି ନେତୃତ୍ୱ ପରିବର୍ତ୍ତନର ଅଦୃଶ୍ୟ ପ୍ରକ୍ରିୟା ଦଳୀୟ କର୍ମୀଙ୍କୁ ସନ୍ଦେହ ଘେରରେ ରଖୁଛି।
କେବଳ ମୋଦୀ ଓ ଶାହାଙ୍କ ଉପରେ ନିର୍ଭର କରି ବିଜେପି ଓଡିଶାରେ ସଫଳତା ପାଇବାର ଆଶା କରିବା ଆକାଶ କଇଆଁ ଚିଲିକା ମାଛ ପରି ହେବ। ଓଡିଶା ନେତୃତ୍ଵରେ ସ୍ପଷ୍ଟତା ନ ଆସିଲେ, ବିଜେପି ନିଜ ସ୍ଥିତି ରକ୍ଷା କରିବା ମଧ୍ୟ ସମ୍ଭବ ହୋଇନପାରେ!
ସମୀକ୍ଷା ବ୍ୟୁରୋ
କ୍ରମାଗତ ଭାବରେ ନୂତନ ମୋବାଇଲ ଉପଭୋକ୍ତାଙ୍କ ପ୍ରଥମ ପସନ୍ଦ ରହି ଆସିଥିବା ରିଲାଏନ୍ସ ଜିଓ ଅକ୍ଟୋବର ମାସରେ ଓଡ଼ିଶାରେ ୩ ଲକ୍ଷରୁ ଉର୍ଧ୍ଵ ନୂତନ ଉପଭୋକ୍ତା ଯୋଗ କରିଥିବା ଭାରତୀୟ ଟେଲିକମ ନିୟାମକ ପ୍ରାଧିକରଣ ବା ଟ୍ରାଇ ପ୍ରକାଶ କରିଛି। ଗତ ଜାନୁୟାରୀ 2 ତାରିଖରେ ଆସିଥିବା ଉପଭୋକ୍ତା ତଥ୍ୟ ରିପୋର୍ଟରେ ଏହା ପ୍ରକାଶ ପାଇଛି |
ଅକ୍ଟୋବର ମାସରେ ରିଲାଏନ୍ସ ଜିଓ ୩.୧୧ ଲକ୍ଷ ନୂତନ ଉପଭୋକ୍ତା ସାଙ୍ଗକୁ କେବଳ ବିଏସଏନଏଲ ୫୦୦୦ ନୂତନ ଉପଭୋକ୍ତା ଯୋଗ କରିଥିବାବେଳେ, ଅନ୍ୟ ସମସ୍ତ ମୋବାଇଲ ସେବା ପ୍ରଦାନକାରୀ କମ୍ପାନୀମାନଙ୍କର ଉପଭୋକ୍ତା ସଂଖ୍ୟାରେ ହ୍ରାସ ଘଟିଥିବା ଏହି ରିପୋର୍ଟରେ ପ୍ରକାଶ ପାଇଛି | ଏହି ମାସରେ ଭୋଡାଫୋନ ଆଇଡ଼ିଆ ଓଡ଼ିଶାରେ ସର୍ବାଧିକ ୨.୮ ଲକ୍ଷ ଗ୍ରାହକ ହରାଇଥିବାବେଳେ ଭାରତୀ ଏୟାରଟେଲ ୪୧୦୦୦ ଉପଭୋକ୍ତା ହରାଇଥିବା ଜଣାପଡିଛି | ମୋଟ ଉପରେ ଓଡ଼ିଶାରେ ମୋବାଇଲ ଗ୍ରାହକଙ୍କ ସଂଖ୍ୟାରେ ସେପ୍ଟେମ୍ବର ମାସ ତୁଳନାରେ ଅକ୍ଟୋବରରେ ପ୍ରାୟ ୪୮୦୦୦ ହ୍ରାସ ଘଟି ଅକ୍ଟୋବର ୩୧ ସୁଦ୍ଧା ଏହା ୩,୩୦,୬୭,୫୨୮ ରେ ପହଂଚିଛି |
ସର୍ବଭାରତୀୟ ସ୍ତରରେ ରିଲାଏନ୍ସ ଜିଓ ନୂତନ ଉପଭୋକ୍ତା ଯୋଗକରିବାରେ ନିଜର ଜୟଯାତ୍ରା ଜାରିରଖି ଅକ୍ଟୋବରରେ ଏକ କୋଟିରୁ ଉର୍ଧ୍ଵ ନୂତନ ଉପଭୋକ୍ତା ହାସଲ କରିଥିବାବେଳେ , ଏହି ଅବଧିରେ ବିଏସଏନଏଲ ୩.୬୬ ଲକ୍ଷ ନୂତନ ଉପଭୋକ୍ତା ଯୋଗ କରିଛି | ଅନ୍ୟମାନଙ୍କ ମଧ୍ୟରେ ଭୋଡାଫୋନ ଆଇଡ଼ିଆ, ଭାରତୀ ଏୟାରଟେଲ ଏବଂ ଏମଟିଏନଏଲ ମିଳିତ ଭାବରେ ଏହି ମାସରେ ଏକ କୋଟିରୁ ଉର୍ଧ୍ଵ ଗ୍ରାହକ ହରାଇଛନ୍ତି |
ଟ୍ରାଇ ରିପୋର୍ଟ ଅନୁଯାୟୀ ୩୧ ଅକ୍ଟୋବର ୨୦୧୮ ସୁଦ୍ଧା ଓଡ଼ିଶାରେ ରିଲାଏନ୍ସ ଜିଓର ୭୪,୯୧,୬୯୨ ମୋବାଇଲ ଉପଭୋକ୍ତା ରହିଥିବାବେଳେ ଏୟାରଟେଲର ୧.୩୧.୫୨,୮୪୫ , ଭୋଡାଫୋନ ଆଇଡ଼ିଆର ୬୩,୦୩,୫୩୦ ଏବଂ ବିଏସଏନଏଲର ୫୫,୧୫,୫୧୯ ମୋବାଇଲ ଉପଭୋକ୍ତା ରହିଛନ୍ତି |
ଏଠାରେ ଉଲ୍ଲେଖଯୋଗ୍ୟ ଯେ ଟ୍ରାଇ ଦ୍ୱାରା ନିକଟରେ ପ୍ରକାଶିତ ଅନ୍ୟ ଏକ ଆର୍ଥିକ ରିପୋର୍ଟରେ ସେପ୍ଟେମ୍ବର ତ୍ରୈମାସିକରେ ଟେଲିକମ ସେବା ପ୍ରଦାନକାରୀ କମ୍ପାନୀମାନଙ୍କ ଓଡ଼ିଶାରେ ମୋଟ ଆୟରେ ରିଲାଏନ୍ସ ଜିଓ ୩୩୬.୯୨ କୋଟି ଟଙ୍କା ପ୍ରଥମଥର ପାଇଁ ସବୁଠାରୁ ଆଗରେ ରହିଥିଲା । ସର୍ବଭାରତୀୟ ସ୍ତରରେ ରିପୋର୍ଟ ଅନୁଯାୟୀ ସେପ୍ଟେମ୍ବର ତ୍ରୈମାସିକ ରେ ସମସ୍ତ ୨୨ ଟି ଟେଲିକମ ସର୍କଲ ମଧ୍ୟରୁ ଜିଓ ୧୧ ଟି ସର୍କଲ ରେ ଆୟ (ଆଡ଼ଜଷ୍ଟେଡ଼ ଗ୍ରସ ରେଭିନ୍ୟୁ) ରେ ଆଗୁଆ ରହିଥିବା ବେଳେ ଏୟାରଟେଲ ୬ଟି ଓ ଭୋଡାଫୋନ ଆଇଡ଼ିଆ ୫ଟି ଟେଲିକମ ସର୍କଲରେ ଆଗୁଆ ରହିଥିଲେ |
(UNI) In a prompt move to a letter by Rajya Sabha MP Rajeev Chandrasekhar, the government has suggested considering amendments in the IT Act, 2000 to arm itself with more powers to pull down apps and sites which promote and transmit child pornography and fake news.
The move is at the proposal stage right now and will be formalised soon.
The MP had written to the Minister for Law & Justice, Electronics & Information Technology, Ravi Shankar Prasad urging his intervention to curb the growing digital sexual abuse of children as well as to regulate and shut down Mobile apps which threatens the safety of children, said a press release issued by Mr Chaandrasekhar’s office on Thursday.
(UNI) Odisha Chief Minister Naveen Patnaik today expressed deep grief over the death of nine people in Hukitola boat tragedy and announced an ex-gratia of Rs four lakh to the family members of each of the deceased.
The chief minister also expressed condolence to the bereaved families and ordered to provide free treatment to all the injured.
Seven minors and two women drowned when a mechanized speed boat ferrying picnic revellers from Hukitola to Paradip capsized near Nipania village on Batighar river under Jamboo Marine police station last night.
The NDRF, ODRF and fire officials have retrieved the bodies of eight persons so far and only an year old child remains untraced and efforts are on to trace the child’s body from the river.
About 55 people from Hasina village under Mangarajpur GP of Kujanga block had gone to Hukitola for picnic to celebrate New year.
The boat tilted and capsized on their way back home. While over 35 people swam to the shore, nine others remained untraced.
The local people, Jamboo marine police station personnel , NDRF, ODRF and fire Officials launched the rescue operation after the incident.
Some of the rescued persons were admitted to Batighar PHC .