କ୍ରିକେଟରରୁ ରାଜନେତା ବନିଥିବା ଭାରତୀୟ କ୍ରିକେଟର ଗୌତମ ଗମ୍ଭୀରଙ୍କୁ ଆଜି ବିଜେପି ଆସନ୍ତା ଲୋକସଭା ନିର୍ବାଚନରେ ପ୍ରାର୍ଥୀ କରିଛି। ସେ ବିଜେପି ଟିକେଟ୍ରେ ପୂର୍ବ ଦିଲ୍ଲୀରୁ ଲଢ଼ିବେ ବୋଲି ବିଜେପି ପକ୍ଷରୁ ଘୋଷଣା କରାଯାଇଛି । ସେହିପରି ବିଜେପିର ଅନ୍ୟତମ ବରିଷ୍ଠ ନେତ୍ରୀ ମୀନାକ୍ଷୀ ଲେଖିଙ୍କୁ ଦଳ ଏଥର ନୂଆଦିଲ୍ଲୀ ସଂସଦୀୟ କ୍ଷେତ୍ର ପାଇଁ ପ୍ରାର୍ଥୀ କରିଛି । ଗମ୍ଭୀର ଗତ ମାସରେ ପ୍ରଧାନମନ୍ତ୍ରୀଙ୍କ ‘କାର୍ଯ୍ୟଶୈଳୀରେ ଅନୁପ୍ରାଣିତ’ ହୋଇ ବିଜେପିରେ ଯୋଗଦେଇଥିଲେ। 2014ରେ ବିଜେପି ଏଠାରେ ମହେଶ ଗିରିଙ୍କୁ ପ୍ରାର୍ଥୀ କରିଥିଲା। ତେବେ ଦଳ ଏଥର ଗୌତମଙ୍କ ଉପରେ ଭରସା କରିଛି। ଏହି ଆସନରେ ଗମ୍ଭୀର କଂଗ୍ରେସର ଅରବିନ୍ଦ ସିଂହ ଲଭଲୀ ଓ ଆପ୍ର ଅତୀଶଙ୍କ ସହ ନିର୍ବାଚନ ଲଢେଇରେ ଉତ୍ତୀର୍ଣ୍ଣ ହେବେ । ସେହିପରି ଲେଖିଙ୍କ ଟକ୍କର କଂଗ୍ରେସର ଅଜୟ ମାକେନ ଓ ଆପ୍ର ବ୍ରଜେଶ ଗୋଏଲଙ୍କ ସହ ହେବ । ରବିବାର ବିଜେପି ଦିଲ୍ଲୀର 7ଟି ଲୋକସଭା ଆସନରୁ 5 ଆସନ ପାଇଁ ପ୍ରାର୍ଥୀ ଘୋଷଣା କରିଥିଲା । ପୂର୍ବ ଲୋକସଭା ନିର୍ବାଚନର 4 ଜଣ ସାଂସଦଙ୍କୁ ଦଳ ପୁନର୍ବାର ନିର୍ବାଚନୀ ମଇଦାନକୁ ବେଳେ ଦଳର ଦିଲ୍ଲୀ ମୁଖ୍ୟ ମନୋଜ ତିୱାରୀଙ୍କୁ ଉତ୍ତର ପୂର୍ବ ଦିଲ୍ଲୀରୁ ପ୍ରାର୍ଥୀ କରିଥିଲା ।
