ବାଣପୁର, ପୁରୀ ସାଂସଦ ପିନାକୀ ମିଶ୍ର ଆଜି ଚିଲିକା ନିର୍ବାଚନ ମଣ୍ଡଳୀ ଗସ୍ତ କରି ବିଭିନ୍ନ ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ କରିଛନ୍ତି। ସେ ନିର୍ବାଚିତ ହୋଇ ସାରିବା ପରେ ଏହା ଥିଲା ତାଙ୍କର ପ୍ରଥମ ଗସ୍ତ। ଏହି ଗସ୍ତ ସମୟରେ ତାଙ୍କୁ ବାଣପୁର ବିଷରପଟଣା ଛକ ଠାରୁ ତହସିଲ କାର୍ଯ୍ୟାଳୟ ପର୍ଯ୍ୟନ୍ତ ବିଜେଡି କର୍ମିମାନେ ଏକ ବିଶାଳ ରାଲି କରି ନେଇଥିଲେ। ତାଙ୍କ ସହିତ ଥିଲେ ଚିଲିକା ବିଧାୟକ ପ୍ରଶାନ୍ତ ଜଗଦେବ।
ସାଂସଦ ପିନାକୀ ମିଶ୍ର ବାଣପୁର ରେ ନୂତନ ତହସିଲ ଗୃହ ନିର୍ମାଣ ଏବଂ ବାଲୁଗାଁରେ ନୂତନ ଡାକ ବଙ୍ଗଳା ନିର୍ମାଣର ଭିତ୍ତି ପ୍ରସ୍ତର ସ୍ଥାପନ କରିଥିଲେ। ଏଥିସହିତ ବାଣପୁର ସହିଦ କୃତିବାସ ଭାବନ ଠାରେ ବିଜୁ ଜନତା ଦଳ ର କର୍ମୀ ସମିଳନୀରେ ମଧ୍ୟ ଯୋଗଦେଇଥିଲେ। ଏହି ସଭାରେ ବାଲୁଗାଁ ଏନଏସି ବିଜେଡି ସଭାପତି ଜୟନ୍ତ ଭାଇ, କାର୍ଯ୍ୟକାରୀ ସଭାପତି କୃଷ୍ଣ ବେହେରା, ମୁଖପାତ୍ର ମନୁ ସ୍ୱାଇଁ, ଏମପି ପ୍ରତିନିଧି ପ୍ରକାଶ ପ୍ରଧାନ, ଚିଲିକା ବ୍ଲକ ବିଜେଡି ସଭାପତି ଉତ୍ପଳ ପାଇକରାୟ ଆଦି ଉପସ୍ଥିତ ଥିଲେ।
