ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ଖଣତ ଗ୍ରାମରେ ଆଜି ଏକ ଜଙ୍ଗଲୀ ହରିଣକୁ ଉଦ୍ଧାର କରିଛି ବନବିଭାଗ। ବାଲୁଗାଁ ରେଞ୍ଜ ବନାଞ୍ଚଳ ଅଧିକାରୀ ପ୍ରତାପ ମହାନ୍ତିଙ୍କ ସୂଚନା ମୁତାବକ ଆଜି ପୂର୍ବାହ୍ନରେ ଏକ ଜଙ୍ଗଲୀ ହରିଣ ପାଣି ପିଇବା ଆଶାରେ ନିକଟସ୍ଥ ସୋଲରି ଜଙ୍ଗଲରୁ ଖଣତ ଗ୍ରାମ ଭିତରେ ପଶିଯାଇଥିଲା। ତେବେ ଜଣେ ଗ୍ରାମବାସୀଙ୍କ ବାରି ରେ ହରିଣଟି ବୁଲୁଥିବା ବେଳେ ଗ୍ରାମର କୁକୁର ମାନେ ତାକୁ ଗୋଡ଼ାଇଥିଲେ। ଏ ନେଇ ଗ୍ରାମବାସୀ ମାନେ ବାଲୁଗାଁ ବନବିଭାଗକୁ ସୂଚନା ଦେବାପରେ ବନ ବିଭାଗ ଟିମ ହରିଣକୁ ଉଦ୍ଧାର କରିଛି। ବର୍ତ୍ତମାନ ହରିଣର ଚିକିତ୍ସା ଜାରି ରହିଥିବା ବେଳେ ହରିଣଟି ସୁସ୍ଥ ଥିବା ଜଣାପଡିଛି।
