ସୀତାରାମ ଅଗ୍ରୱାଲ
ବାଣପୁର: ଆଜି ପବିତ୍ର ବାହୁଡ଼ାଯାତ୍ରା ଅବସରରେ ଖୋର୍ଦ୍ଧା ଜିଲ୍ଲା ବାଣପୁର ଏନଏସି ତହସିଲ ରୋଡରେ ଖୋଲିଛି ନୂଆ ସପିଙ୍ଗ ମଲ ବଜାର ୯୯। ତେବେ ଉକ୍ତ ସପିଙ୍ଗ ମଲର ନାମରେ ଏହାର ବିଶେଷତ୍ୱ ଲୁଚି ରହିଛି। ଏଠାରେ ବିଭିନ୍ନ ଘରୋଇ ଉପକରଣ ଏବଂ ଶିଶୁମାନଙ୍କ ଖେଳଣା ଉପଲବ୍ଧ ଯାହାର ମୂଲ୍ୟ ରହିଛି ମାତ୍ର ୯୯ ଟଙ୍କା। ଏଠାରେ ଉପଲବ୍ଧ ସମସ୍ତ ସାମଗ୍ରୀର ମୂଲ୍ୟ ୯୯ ଟଙ୍କା ରହିଛି।
ତେବେ ଆମର ନିତ୍ୟ ବ୍ୟବହାର୍ଯ୍ୟ ସମସ୍ତ ପ୍ରକାର ଘରୋଇ ଉପକରଣ ଏଠାରେ ଗ୍ରାହକମାନଙ୍କୁ ମିଳିବ। ବିଭିନ୍ନ ଘର ସାଜସଜା ଜିନିଷ ସହ ଛୋଟ ଶିଶୁଙ୍କ ଖେଳଣା ମଧ୍ୟ ଏଠାରେ ଉପଲବ୍ଧ ଯାହାର ମୂଲ୍ୟ ରହିଛି କେବଳ ୯୯ ଟଙ୍କା। ସମ୍ପ୍ରତି ଯୁଗରେ ସମସ୍ତେ ବିଭିନ୍ନ ଅନଲାଇନ ୱେବସାଇଟରୁ ଘରୋଇ ଉପକରଣ ଶସ୍ତାରେ କିଣୁଥିବାବେଳେ ବଜାର ୯୯ରେ ଉକ୍ତ ସମସ୍ତ ଉପକରଣ ୯୯ ଟଙ୍କାରେ ଉପଲବ୍ଧ।
ଫଳରେ ଗରିବ ଠାରୁ ମଧ୍ୟବିତ୍ତ ସବୁ ବର୍ଗକୁ ଏହା ନିଶ୍ଚିତ ସୁହାଇବ ବୋଲି ୯୯ ବଜାର ସପିଙ୍ଗ ମଲ ମାଲିକ ତଥା ବାଣପୁର ଅଞ୍ଚଳର ସମାଜସେବୀ ଡ଼ା ଶକ୍ତିପ୍ରସାଦ ମହାନ୍ତି କହିଛନ୍ତି। ତେବେ ଆଜି ଉଦଘାଟନ ଦିବସରେ ଉକ୍ତ ସପିଙ୍ଗ ମଲରେ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା।