କୁଜଙ୍ଗ: କୁଜଙ୍ଗ ପୁଲିସ ଦୁଇ ପୃଥକ ମାମଲରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିବାକୁ ସକ୍ଷମ ହୋଇଛି। ତାଳଦଣ୍ଡାରୁ ଚୋରା ଗଞ୍ଜେଇ ବେପାର ଓ ଅନ୍ୟାନ ମାମଲାରେ ପ୍ରମୋଦ ଦାସ ଗିରଫ ହୋଇଥିବା ବେଳେ ବିଦ୍ୟୁତ୍ ଖୁଣ୍ଟ ଚୋରୀ ଘଟଣାର ଚଟୁଆ ଅଞ୍ଚଳର ବିକାଶ ନାୟକ ଗିରଫ ହୋଇଥିବା ସୂଚନା ମିଳିଛି। ପ୍ରମୋଦଙ୍କ ନାମରେ କୁଜଙ୍ଗ ପୁଲିସ ନିକଟରେ ଅଭିଯୁକ୍ତଙ୍କ ନାମରେ ୩୨୪/୨୩ରେ ଏକ ମାମଲା ରହିଥିଲା। ପୁଲିସ ଅଭିଯୁକ୍ତଙ୍କୁ ଗିରଫ କରିବା ସହ ଅଦାଲତ ଚାଲଣ କରିଛି।
କୌଣସି ସୂତ୍ରରୁ ପୁଲିସ ସୂଚନା ପାଇଁ ତାଳଦଣ୍ଡାରେ ପହଞ୍ଚି ଅଭିଯୁକ୍ତ ଚୋରା ଗଞ୍ଜାଇ ବିକୁଥିବା ସନ୍ଦେହ କରି ସାଦା ପୋଷାକରେ ଅଭିଯୁକ୍ତକୁ ଧରିବା ବେଳେ ଅନ୍ୟ ଏକ ଘଟଣା କ୍ରମେ କୁଜଙ୍ଗ ଥାନାର ଅନ୍ୟ ଏକ ମାମଲରେ ଏକ ଦୁର୍ଦାନ୍ତ ଅପରାଧି ଲୁହା ଖୁଣ୍ଟ ସହ ଚୋରି କରୁଥିବା ବେଳେ ତାଙ୍କୁ ଧରିବାକୁ ଚେଷ୍ଟା କରିଥିଲା। ମାତ୍ର ଘଟଣା ସ୍ଥଳରେ ନିଜ ଗାଡି ଛାଡି ଓ ଅନ୍ୟାନ ଚୋରି ସାମଗ୍ରୀ ଛାଡି ଖସିଯିବାକୁ ସକ୍ଷମ ହୋଇଥିଲା। ଏହା ପରଠାରୁ ପୁଲିସ ଏହି ଅପରାଧିଙ୍କ ଉପରେ ଶକ୍ତ ନଜର ରଖିଥିବା ବେଳେ ତାଙ୍କୁ ଗିରଫ କରିଥିବା ଜଣାପଡିଛି।
କୁଜଙ୍ଗ ଥାନା ଅଧିକାରୀ ରଶ୍ମିରଞ୍ଜନ ଦାଶ ସାଦା ପୋଷାକରେ ନିଜେ ଯାଇ ଅଭିଯୁକ୍ତକୁ ଚକମା ଦେଇ ଗିରଫ କରିଥିବା ବେଳେ ଆଗାମି ଦିନରେ ଅପରାଧିକ ଘଟଣାରେ କାହରିକୁ ଛଡା ଯିବ ନାହିଁ ବୋଲି କହିଛନ୍ତି।