ଗମ୍ଭାରୀମୁଣ୍ଡା (ସୀତାରାମ ଅଗ୍ରୱାଲ): ପର୍ଶୁରାମ ଉଚ୍ଚ ମାଧ୍ୟମିକ ବିଦ୍ୟାଳୟ, ଗମ୍ଭାରୀମୁଣ୍ଡା ପରିସରରେ ନୂଆ-ଓ ନବୀନ ଓଡ଼ିଶା ଆନୁକୁଲ୍ୟରେ ଏକ ସାମାଜିକ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ଉକ୍ତ ଶିବିରକୁ ଅଧ୍ୟକ୍ଷ ପ୍ରେମରାଜ ପ୍ରଧାନ ଆନୁଷ୍ଠାନିକ ଭାବେ ଉଦଘାଟନ କରିବା ପରେ ଛାତ୍ର ଛାତ୍ରୀମାନେ ପଲିଥିନ୍ ମୁକ୍ତ ସମାଜ, ସ୍ବଚ୍ଛତା, ନାରୀ ଶିକ୍ଷା, ମହିଳା ସଶକ୍ତିକରଣ ଉପରେ ବିଭିନ୍ନ ସ୍ଳୋଗାନ ଦେଇ ଓ ପ୍ଳାକାର୍ଡକୁ ଧରି ଗମ୍ଭାରୀ ମୁଣ୍ଡା ବଜାର ସମେତ ମହାବିଦ୍ୟାଳୟ ସଂଲଗ୍ନ ଏକାଧିକ ଗ୍ରାମ ପରିକ୍ରମା କରିଥିଲେ।
ପରିଶେଷରେ ବିଂଝଳା ଗ୍ରାମରେ ଏକ ପଥପ୍ରାନ୍ତ ସଭା ଅନୁଷ୍ଠିତ ହୋଇଥିଲା। ଅଧ୍ୟାପିକା ଗୀତାଞ୍ଜଳି ବିଶ୍ବାଳ, ପ୍ରଶାନ୍ତ କୁମାର ହୋତା, ନିରଞ୍ଜନ ପ୍ରଧାନ, ପ୍ରହଲ୍ଲାଦ ଜେନା, ଭାଗିରଥି ସାହୁ, ପ୍ରଦୀପ କୁମାର ଶତପଥୀ, ମଧୁସୂଦନ ଜେନା ଓ ରାମକୃଷ୍ଣ ପାଲଟାସିଂହ ପ୍ରମୁଖ ଉକ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ।
ଶେଷରେ ଅଧ୍ୟକ୍ଷ ପ୍ରେମରାଜ ପ୍ରଧାନ ମହାବିଦ୍ୟାଳୟର ସମସ୍ତ ଅଧ୍ୟାପକ, କର୍ମଚାରୀ ଓ ଛାତ୍ରଛାତ୍ରୀମାନଙ୍କୁ ଧନ୍ୟବାଦ ଅର୍ପଣ କରି ଶିବିରକୁ ଉଦଯାପନ କରିଥିଲେ।
