ବାଲୁଗାଁ: ଚିଲିକା ରାଣୀ ମଧ୍ୟ ଇଂରାଜୀ ବିଦ୍ୟାଳୟ ବାଲୁଗାଁରେ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରାୟ ୫ ଦିନ ଧରି ବିଦ୍ୟାଳୟରେ କ୍ରୀଡା ଉତ୍ସବ ପାଳିତ ହୋଇଛି।
ପ୍ରଥମ ଦିବସରେ ମୁଖ୍ୟ ଅତିଥି ଅବସର ପ୍ରାପ୍ତ କ୍ରୀଡା ଅଧ୍ୟାପକ ବୈରାଗୀ ଚରଣ ବଳ, ପରିଚାଳନା ସମିତିର ସଭାପତି କିରଣ କୁମାର ପାତ୍ର, ଅଧ୍ୟକ୍ଷ ନୀଳାଦ୍ରି ଭୂଷଣ ବେହେରା, ଉପାଧ୍ୟକ୍ଷ ମନୋରଞ୍ଜନ ମିଶ୍ର ଓ କ୍ରୀଡା ଶିକ୍ଷକ ବିଭୁ ସାମନ୍ତରାୟ କ୍ରୀଡା ପତାକା ଉତ୍ତୋଳନ ପୂର୍ବକ, ଶିଶୁ ମାନଙ୍କୁ କ୍ରୀଡାର ମହତ୍ ଉଦ୍ଦେଶ୍ୟ ବିଷୟରେ ଆଲୋକ ପାତ କରିଥିଲେ।
ରବିନାରାୟଣ ପଣ୍ଡା, ଦେବାଶିଷ ମହାପାତ୍ର ଓ ସୁନୀତା ପଟ୍ଟନାୟକ ମଞ୍ଚ ପରିଚାଳନା କରିଥିଲେ। କବାଡି, ଭଲି, କ୍ରିକେଟ, ଖୋ ଖୋ, ଦୌଡ଼, ଚେସ,ବ୍ୟାଡମିଣ୍ଟନ ଓ ଲଂଗ ଜମ୍ପ୍, ଡିସ୍କସ ଥ୍ରୋ, ସଟ ପୁଟ ଇତ୍ୟାଦି କ୍ରୀଡା ପରିଯୋଗିତା ହୋଇଥିଲା। କ୍ରୀଡାରେ ସଞ୍ଜୟ କୁମାର ପଲାଇ, ଦୀପକ କୁମାର ସାହୁ, ଧିରେନ୍ କୁମାର ପ୍ରଧାନ, ସନ୍ତୋଷ ମଙ୍ଗରାଜ ଓ ଅନ୍ୟ ଶିକ୍ଷକ ମାନେ ସହଯୋଗ କରିଥିଲେ।
ଉଦଯାପନୀ ଦିବସରେ ବାଲୁଗାଁ ବାନ ଖଣ୍ଡ ଅଧିକାରୀ ମୁଖ୍ୟ ଅତିଥି ରୂପେ ଯୋଗ ଦେଇ କୃତୀ ଛାତ୍ରଛାତ୍ରୀ ମାନଙ୍କୁ ପ୍ରମାଣ ପାତ୍ର ସହ ଟ୍ରଫି ପ୍ରଦାନ କରିଥିଲେ।