ନୂଆଦିଲ୍ଲୀ: ପ୍ରଧାନମନ୍ତ୍ରୀ ଘୋଷଣା କରିଛନ୍ତି ଯେ, ଇଣ୍ଡିଆ ଗେଟରେ ପ୍ରଖ୍ୟାତ ସ୍ବାଧୀନତା ସଂଗ୍ରାମୀ ନେତାଜୀ ସୁଭାଷ ବୋଷଙ୍କ ପ୍ରତିମୂର୍ତ୍ତି ସ୍ଥାପନ କରାଯିବ। ଏହି ପ୍ରତିମୂର୍ତ୍ତି 28 ଫୁଟ ଉଚ୍ଚତା ବିଶିଷ୍ଠ ହେବ। ଏଥିସହିତ ଏହି ମୂର୍ତ୍ତି ପୁରା କଳା ଗ୍ରାନାଇଟ ପଥରରେ ନିର୍ମିତ ହେବ। ତା ପୂର୍ବରୁ ଇଣ୍ଡିଆଗେଟରେ ହେଲୋଗ୍ରାମ ମୂର୍ତ୍ତି ସ୍ଥାପନ କରାଯିବ।
ତେବେ ଏହି କଳା ଗ୍ରାନାଇଟ ପଥର କେଉଁଠି ଆସିବ ଏବଂ ଏହାକୁ କିଏ ନିର୍ମାଣ କରିବ ତାହା ପ୍ରଶ୍ବବାଚୀ ସୃଷ୍ଟି କରିଛି। ସୁତ୍ର ଅନୁସାରେ ଏହି ମୂର୍ତ୍ତି ଯେ ନିର୍ମାଣ କରିବେ ସେ ହେଉଛନ୍ତି ଓଡିଶାର ପ୍ରଖ୍ୟାତ ସ୍ଥପତି ଅଦ୍ବୈତ ଗଡନାୟକ। ସେ ବର୍ତ୍ତମାନ ରାଷ୍ଟ୍ରୀୟ ଲଳିତକାଳା ଏକାଡେମୀର ଅଧ୍ୟକ୍ଷ ଅଛନ୍ତି। ସେହିପରି ଏହି ପଥର ତେଲଙ୍ଗାନାର ଖମ୍ମମ ଜିଲ୍ଲାରୁ ଆସିବ ବୋଲି ଜଣାପଡିଛି। ଏହା ଗୋଟିଏ କଳା ଗ୍ରାନାଇଟ ପଥରରେ ନିର୍ମାଣ କରାଯିବ। ଏହି ପ୍ରତିମୂର୍ତ୍ତିର ଉଚ୍ଚତା 28 ଫୁଟ ହେବ ବୋଲି ନିଷ୍ପତି ହୋଇଛି।