କନ୍ଦର୍ପ ବେହେରା
ରେଢ଼ାଖୋଲ: ନାକଟିଦେଉଳ ବ୍ଲକ୍ ର ୫ଟି ପଂଚାୟତରେ ପଞ୍ଚାୟତସ୍ତରୀୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ ହାଡ, କାନ ତଥା ବିଭିନ୍ନ ବିଭାଗର ଭିନ୍ନକ୍ଷମ ମାନଙ୍କୁ ପରୀକ୍ଷା କରାଯାଇଥିଲା। ସେମାନଙ୍କୁ ପରବର୍ତ୍ତି ସମୟରେ ଭିନ୍ନକ୍ଷମ ପ୍ରମାଣ ପତ୍ର ପ୍ରଦାନ କରାଯିବା ସହ ସରକାରଙ୍କ ତରଫରୁ ଆର୍ଥିକ ସହାୟତା ଦିଆଯିବ।
ଏହି ଶିବିରରେ ଡାକ୍ତର ସନ୍ତାେଷ କୁମାର ମିଶ୍ର, ଡାକ୍ତର ଡାକ୍ତର ସଚ୍ଚିତାନନ୍ଦ ଖାଲିଆ, ଡାକ୍ତର ସୁଲତା ପତି, ଡାକ୍ତର ଭବାନି ମୁଦୁଲି, ଡାକ୍ତର ସୌରଭ ସ୍ବାଇଁ ପ୍ରମୁଖ ଭିନ୍ନକ୍ଷମ ମାନକଙ୍କୁ ପରୀକ୍ଷା କରିଥିଲେ।
ନାକଟିଦେଉଳ ବ୍ଲକ୍ ର ପାଣିମୋରା, କିସିଣ୍ଡା, ବଳମ୍, ନାକଟିଦେଉଳ, ସରାପାଲି ଆଦି ଗ୍ରାମପଂଚାୟତରେ ୨୭୭ ଡଣ ଭିନ୍ନକ୍ଷମକୁ ପରୀକ୍ଷା କରାଯାଇଥିଲା। ବ୍ଲକ୍ ପ୍ରଶାସନ ତରଫରୁ ପଦାଧିକାରୀମାନେ ଯୋଗଦେଇ ଏହି ଶିବିରରେ ସହଯୋଗ କରିଥିଲେ।
