ରଣପୁର: ରଣପୁର ବ୍ଲକର ବିଭିନ୍ନ ବିଦ୍ୟାଳୟକୁ ନେଇ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଆଧାରିତ ଶିକ୍ଷଣ ସାମଗ୍ରୀ ମେଳା ଅନୁଷ୍ଠିତ ହୋଇ ଯାଇଛି। ଏଥିରେ ପ୍ରତ୍ୟକ କ୍ଲଷ୍ଟରରୁ ୩ ଟି ଲେଖାଏଁ ଶିକ୍ଷଣ ସାମଗ୍ରୀ ପ୍ରକଳ୍ପ ଆସିଥିଲା। ଏହି ପରି ଭାବେ ସମୁଦାୟ ୫୪ଟି ପ୍ରକଳ୍ପ ଆସିଥିଲା। ଏହାକୁ ନୟାଗଡ ଜିଲ୍ଲା ଶିକ୍ଷକ ତାଲିମ ପ୍ରଶିକ୍ଷକ କେନ୍ଦ୍ରର ବରିଷ୍ଠ ପ୍ରଶିକ୍ଷିକା ଦିପ୍ତୀପ୍ରଭା ଦାଶ ଓ ପ୍ରଶିକ୍ଷକ ମାନସ କୁମାର ସାହୁ ପ୍ରମୁଖ ପ୍ରକଳ୍ପଗୁଡିକର ମୂଲ୍ୟାୟନ କରିଥିଲେ। ଏଥିରେ ରଣପୁର ବ୍ଲକର ରାଜସୁନାଖଳା, ରଣପୁର ଓ ଗୋପାଳପୁର ପ୍ରତ୍ୟେକ ସର୍କଲରୁ ପ୍ରଥମ, ଦ୍ଵିତୀୟ, ତୃତୀୟ ଭାବେ ତିନୋଟି ଲେଖାଏଁ ପ୍ରକଳ୍ପ ମନୋନୀତ କରାଯାଇ ପୁରସ୍କୃତ କରାଯାଇଥିଲା। ଏହା ପରେ ବ୍ଲକ ସ୍ତରରେ ମଧ୍ୟ ପ୍ରଥମ, ଦ୍ଵିତୀୟ, ତୃତୀୟ ଭାବେ ୩ଟି ପ୍ରକଳ୍ପକୁ ମନୋନୀତ କରାଯାଇ ପୁରସ୍କୃତ କରାଯାଇଥିଲା।
ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ରଣପୁର ବ୍ଲକ ଶିକ୍ଷା ଅଧିକାରିଣୀ ବନଲତା ବେହେରା, ସମ୍ମାନିତ ଅତିଥି ଭାବେ ସହକାରୀ ବ୍ଲକ ଶିକ୍ଷା ଅଧିକାରିଣୀ ଶାନ୍ତିଲତା ଦେଇ, ସହକାରୀ ବ୍ଲକ ଶିକ୍ଷା ଅଧିକାରୀ ବସନ୍ତ କୁମାର ରାଉତ, ଉତ୍କଲ ନିଖିଳ ପ୍ରାଥମିକ ଶିକ୍ଷକ ସଙ୍ଘର ରାଜ୍ୟ ସଂଯୋଜକ ଜ୍ୟୋତି ରଞ୍ଜନ ଦାଶ, ଗୋପାଳପୁର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଅଙ୍ଗଦ ବାଲିଆରସିଂହ ପ୍ରମୁଖ ଅତିଥି ଭାବେ ଯୋଗ ଦେଇ ପାଠ୍ୟକ୍ରମରେ ଶିକ୍ଷଣ ସାମଗ୍ରୀର ଗୁରୁତ୍ୱ ସମ୍ବନ୍ଧରେ ବୁଝାଇ ଥିଲେ।
ଅନ୍ୟମାନଙ୍କ ମଧ୍ୟରେ ସାଧନ କେନ୍ଦ୍ର କର୍ମୀ ଅକ୍ଷୟ କୁମାର ସାହୁ, ପବିତ୍ର ମୋହନ ସାମନ୍ତରାୟ, ଜ୍ୟୋତି ରଞ୍ଜନ କର, ସୁଶୀଲ କୁମାର ରଣା, ସୁବାଷ ମହାପାତ୍ର, ପ୍ରଦୀପ ରଂଜନ ଖୁଣ୍ଟିଆ, କୈଳାଶ ମାଝୀ, ମାନସ ପଟ୍ଟନାୟକ, ସୁଧାକର ମିଶ୍ର, ପଦ୍ମ ଚରଣ ସେଠି, ପ୍ରଭାତ ଦଳବେହେରା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ। ଆଗକୁ କ୍ଲଷ୍ଟର ସ୍ତରୀୟ ଶିକ୍ଷଣ ସାମଗ୍ରୀ ମେଳାର ଆୟୋଜନ କରାଯିବ ବୋଲି ବ୍ଲକ ଶିକ୍ଷା ଅଧିକାରିଣୀ କହିଛନ୍ତି।
