ମାନସ ପୂର୍ଣ୍ଣ ଆଚାର୍ଯ୍ୟ
ଭଞ୍ଜନଗର: ଭଞ୍ଜନଗର ଅଂଚଳର ଜଣା ଶୁଣା ବ୍ୟବସାୟୀ, କଂଗ୍ରେସର ଜଣେ ବରିଷ୍ଠ ନେତା, ପୂର୍ବତନ ବ୍ଲକ୍ କଂଗ୍ରେସ ସଭାପତି ତଥା ଗଞ୍ଜାମ ଜିଲ୍ଲାର ପୂର୍ବତନ ଉପ ସଭାପତି ଭାସ୍କର ପତିଙ୍କ ସଡ଼କ ଦୁର୍ଘଟଣାରେ ଅକାଳ ବିୟୋଗ ହୋଇଯାଇଛି।
ଖବର ମୁତାବକ ଗତ କାଲି ସନ୍ଧ୍ୟା ସମୟରେ ସେ ନିଜ ଚାଷ ଜମି ସାମ୍ନାରେ ନିଜ ମୋଟର ସାଇକେଲ ଉପରେ ବସି ଚାଷ ଜମିରେ କାମ କରୁଥିବା ଶ୍ରମିକମାନଙ୍କ କାର୍ଯ୍ୟକୁ ଅନୁସନ୍ଧାନ କରୁଥିଲେ। ଠିକ୍ ସେତିକି ବେଳେ ଅପର ପାର୍ଶ୍ଵରୁ ଏକ କାର ଆସି ତାଙ୍କୁ ଶାକ୍ତ ଧକ୍କା ଦେଇ ଥିଲା। ଯେଉଁଥିରେ ତାଙ୍କର ପ୍ରାଣହାନୀ ଘଟିଥିଲା।
ଭଞ୍ଜନଗର ଥାନା ଅଧିକାରୀଙ୍କ ସୂଚନା ମୁତାବକ, ବର୍ତ୍ତମାନ ସୁଦ୍ଧା କୌଣସି ଏତଲା ହୋଇ ନଥିବା ବେଳେ, କାର ଟି ଥାନାରେ ଅଟକ ରହିଛି। ଏହି ମର୍ମନ୍ତୁଦ ସଡକ ଦୁର୍ଘଟଣାରେ ଭଞ୍ଜନଗର ଅଞ୍ଚଳରେ ଶୋକର ଛାୟା ଖେଳି ଯାଇଛି।