ଭୁବନେଶ୍ବର: ହଂସପାଳସ୍ଥିତ ଗ୍ଲୋବାଲ୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟର ନବାଗତ ଏମ୍.ବି.ଏ. ଏବଂ ଏମ.ସି.ଏ ବିଭାଗର ଛାତ୍ରଛାତ୍ରୀମାନଙ୍କୁ ଅନୁଷ୍ଠାନ ତରଫରୁ “ଆଗମନ୍- ୨୦୨୫” ମାଧ୍ୟମରେ ସ୍ଵାଗତ ସମ୍ବର୍ଦ୍ଧନା ଜ୍ଞାପନ କରାଯାଇଅଛି। ଏହି ଉତ୍ସବରେ ଅନୁଷ୍ଠାନର ଅଧ୍ୟକ୍ଷ ପ୍ରଫେସର (ଡାଃ) ଏନ୍.କେ.ମିଶ୍ର ସ୍ବାଗତ ଭାଷଣ ପ୍ରଦାନ କରି ଏମ୍.ବି.ଏ. ଏବଂ ଏମ.ସି.ଏ ପାଠ୍ୟକ୍ରମର ଭବିଷ୍ୟତ ବିଷୟରେ ଆଲୋକପାତ କରିଥିଲେ।
ଏହି ଉତ୍ସବରେ ମୁଖ୍ୟ ଅତିଥିଭାବେ ଯୋଗଦେଇ ଅଭିଷେକ କୁମାର ଆଚାର୍ଯ୍ୟ, (ମୁଖ୍ୟ ପରିଚାଳକ – ବିକ୍ରୟ ଏବଂ କାର୍ଯ୍ୟ, ରିଲାଏନ୍ସ ଜିଓ ଇନଫୋକମ୍ ଲି., ଓଡିଶା), ଅନୁଷ୍ଠାନର ଏବଂ ଛାତ୍ରଛାତ୍ରୀମାନଙ୍କର ଉଜ୍ଜ୍ଵଳ ଭବିଷ୍ୟତ କାମନା କରିଥିଲେ। ଏବଂ ଅମିତ ସରାଫ (ବ୍ୟବସାୟ ନେତୃତ୍ୱ ପ୍ରଶିକ୍ଷକ) ସମ୍ମାନୀୟ ଅତିଥି ଭାବେ ଯୋଗଦେଇ ପିଲାମାନଙ୍କୁ ସଫଳ ଲୋକମାନଙ୍କର ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ଶୃଙ୍ଖଳା ମାଧ୍ୟମରେ ସଫଳତା ପାଇପାରିବେ ବୋଲି ଉଦବୋଧନ ଦେଇଥିଲେ।
ଏହି ଉତ୍ସବରେ ଅନୁଷ୍ଠାନର ପରିଚାଳନା ସମିତିର ସଦସ୍ୟା ଗାୟତ୍ରୀ ପଟ୍ଟନାୟକ ଯୋଗ ଦେଇଥିଲେ। ପରିଚାଳନା ବୋର୍ଡ ସଦସ୍ୟ ସଭ୍ୟା ମମତା ଦାସ୍ ଓ ଅନୁଷ୍ଠାନର ନିର୍ଦ୍ଦେଶକ ସି.ଏ. ସଂଗ୍ରାମ୍ କେଶରୀ ପଟ୍ଟନାଏକ ସମସ୍ତଙ୍କୁ ଶୁଭକାମନା ଦେଇଥିଲେ।
ଶେଷରେ ଅନୁଷ୍ଠାନର ଡିନ୍ ପ୍ରଫେସର ବିପୁଲ୍ କୁମାର ଧନ୍ୟବାଦ ଅର୍ପଣ ପରିଥିଲେ। ଏହି କାର୍ଯ୍ୟକ୍ରମରେ ଅନୁଷ୍ଠାନର ଅନ୍ୟାନ୍ୟ ସମସ୍ତ ଅଧ୍ୟାପକ, ଅଧ୍ୟାପିକା କର୍ମଚାରୀ ଏବଂ ଛାତ୍ରଛାତ୍ରୀମାନେ ଉପସ୍ଥିତ ଥିଲେ।