ରେଢ଼ାଖୋଲ (କନ୍ଦର୍ପ ବେହେରା): କଦଳୀ ଗଡ଼ ସ୍ଥିତ ଅର୍ଜୁନ ଡିଗ୍ରୀ କଲେଜ୍ ର ଅଧ୍ୟକ୍ଷ ଅଖିଳେନ୍ଦ୍ର ଶାସନୀ, ଭାରତ ସରକାରଙ୍କ ଶିକ୍ଷା ମନ୍ତ୍ରଣାଳୟ ଅଧୀନସ୍ଥ ଉଚ୍ଚ ଶିକ୍ଷା ବିଭାଗ ତରଫରୁ ଚଳିତ ମାସ ୧୬ ରୁ ୨୦ ତାରିଖ ପର୍ଯ୍ୟନ୍ତ ଆଇ ଆଇ ଏମ୍ ଉଦୟପୁର (ରାଜସ୍ଥାନ) ରେ ଆୟୋଜିତ ୫ ଦିନିଆ ଶିକ୍ଷକ ପ୍ରଶିକ୍ଷଣ କାର୍ଯ୍ୟଶାଳାରେ ଯୋଗଦାନ କରି ସମ୍ମାନିତ ହୋଇଛନ୍ତି।
ଏହି କାର୍ଯ୍ୟଶାଳାରେ ଭାରତର ବିଭିନ୍ନ ବିଶ୍ୱବିଦ୍ୟାଳୟ ରୁ ଅନେକ ବିଦ୍ୱାନ ଯୋଗଦେଇଥିଲେ।
ଏହି କାର୍ଯ୍ୟଶାଳାରେ ଶ୍ରୀ ଶାସନୀ ଓଡ଼ିଶା ରାଜ୍ୟର ଗ୍ରାମାଞ୍ଚଳରେ ଅବସ୍ଥିତ ବିଭିନ୍ନ ଉଚ୍ଚଶିକ୍ଷା ଅନୁଷ୍ଠାନ ରେ ଅଧ୍ୟୟନରତ ଛାତ୍ରଛାତ୍ରୀଙ୍କ ଉପରେ ଜାତୀୟ ଶିକ୍ଷା ନୀତି–୨୦୨୦ର ପ୍ରଭାବ ସନ୍ଦର୍ଭରେ ଆଲୋଚନା କରିଥିଲେ। ତାଙ୍କର ମୂଲ୍ୟବାନ ମତାମତ ପାଇଁ ସେ ସଂସ୍ଥାନର ମୁଖ୍ୟ ନିର୍ଦ୍ଦେଶକଙ୍କ ଦ୍ୱାରା ସମ୍ମାନିତ ହେଇଥିଲେ।
ଏଥିରେ ମୁଖ୍ୟ ଅତିଥି ଭାବେ ସଂସ୍ଥାନ ର ନିର୍ଦ୍ଦେଶକ ପ୍ରଫେସର ଅଶୋକ ବାନାର୍ଜୀ ଯୋଗ ଦେଇଥିଲେ।