ରମେଶ ମହାନ୍ତି
ଜଗତସିଂହପୁର : ତିର୍ତ୍ତୋଲ ବ୍ଲକ ଅନ୍ତର୍ଗତ ଅନ୍ତର୍ଗତ ପିପ୍ପଳମାଧବ ପଞ୍ଚାୟତ ସ୍ଥିତ ମହମ୍ମଦାବାଦ ପ୍ରାଥମିକ ବିଦ୍ୟାଳୟ ପରିସରରେ କ୍ଷେତ୍ରପାଳ କୃଷକ କ୍ଲବ ଓ ଆଦର୍ଶ ଜନସେବା ଟ୍ରଷ୍ଟ ଆନୂକୁଲ୍ୟରେ ଏକ ବିଶାଳ ରକ୍ତଦାନ ଶିବିର ଅନୂ୍ଷ୍ଠିତ ହୋଇଯାଇଛି। ଏହି ଅବସରରେ ଆୟୋଜିତ ସଭାରେ ପୂର୍ବତନ ପି.ଏସ୍. ମେମ୍ବର ଗଗନ କୁମାର ମହାନ୍ତି ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥିଭାବେ ପାରାଦୀପ ବିଧାୟକଙ୍କ ଡି.ଆର.ଡି.ଏ ପ୍ରତିନିଧି ଗଗନ ବିହାରୀ ପୃଷ୍ଟି ଏବଂ ସମ୍ମାନିତ ଅତିଥିଭାବେ ତିର୍ତ୍ତୋଲ ବ୍ଲକ ଉପାଧ୍ୟକ୍ଷ ଆଶିଷ ସେଠୀ, ପାରାଦ୍ୱୀପ ବିଧାୟକଙ୍କ ତିର୍ତ୍ତୋଲ ପ୍ରତିନିଧି ଶରତ ଚନ୍ଦ୍ର ଦାସ, ସ୍ଥାନୀୟ ସରପଂଚ ଶ୍ରୀମତୀ ସେଠୀ, ବୋଧେଇ ସରପଂଚ ସନ୍ତୋଷ ସେଠୀ, ସ୍ଥାନୀୟ ବରିଷ୍ଠ ସମାଜସେବୀ ଅକ୍ଷୟ ନାୟକ, ସମାଜସେବୀ ବୃନ୍ଦାବନ ଦାସ, ଗୌରହରୀ ପ୍ରଧାନ, କ୍ଷେତ୍ରପାଳ କୃଷକ କ୍ଲବର ସଭାପତି ଶାରଦା ପ୍ରସନ୍ନ ବିଶ୍ୱାଳ ପ୍ରମୁଖ ସଭାରେ ଯୋଗଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ।
ଏହି ଶିବିରରେ ମଣିଜଙ୍ଗା ଗୋଷ୍ଠିସ୍ୱାସ୍ଥ୍ୟ କେନ୍ଦ୍ରର ଡା.ଗିରିଜା ଶଙ୍କର ବିଶ୍ୱାଳ, ଆଦର୍ଶ ଜନସେବା ଟ୍ରଷ୍ଟ କଟକର ଅଧ୍ୟକ୍ଷ ଅରବିନ୍ଦ ପାତ୍ର, ବିଶ୍ୱଜିତ୍ ତ୍ରିପାଠୀଙ୍କ ସମେତ କଟକ ବଡମେଡିକାଲର ଡା.ସୁଧାଂଶୁ ଶେଖର ସାହୁ, ସନ୍ଦିପ ସ୍ୱାଇଁ, ବିଜୟ ସ୍ୱାଇଁ, ପ୍ରମୋଦ ଲେଙ୍କା ପ୍ରମୁଖ ଆସି ରକ୍ତ ସଂଗ୍ରହ କରିଥିଲେ। ଉକ୍ତ ଶିବିରରେ କ୍ଷେତ୍ରପାଳ କୃଷକ କ୍ଲବର ସମ୍ପାଦକ ପ୍ରମୋଦ କୁମାର ଦାସ, ସନ୍ତୋଷ ନାଥଶର୍ମା ପ୍ରମୁଖ ଶିବିର ପରିଚାଳନା କରିଥିବା ବେଳେ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।
