ଶ୍ରୀନଗର, ଉତ୍ତର କାଶ୍ମୀରର ବାରାମୁଲ୍ଲା ଜିଲ୍ଲାରେ ଆଜି ସକାଳୁ ଏନକାଉଣ୍ଟରରେ ଜଣେ ସେନା ଅଧିକାରୀ ଆହତ ହୋଇଛନ୍ତି ବୋଲି ସେନା ସୂତ୍ରରୁ ପ୍ରକାଶ। ସେହି ଅଞ୍ଚଳର ଆତଙ୍କବାଦୀଙ୍କ ସଂପର୍କରେ ଏକ ନିର୍ଦ୍ଦିଷ୍ଟ ସୂଚନା ଆଧାରରେ ପୋଲିସ ଏବଂ ସେନାର ମିଳିତ ଟିମ୍ ଏହି ଅଞ୍ଚଳକୁ କର୍ଡନ କରିବା ପରେ ୟେଡିପୋରାରେ ଏହି ଏନକାଉଣ୍ଟର ଆରମ୍ଭ ହୋଇଥିଲା।
ଆତଙ୍କବାଦୀମାନେ ଲୁଚି ରହିଥିବା ସ୍ଥାନରେ ସୁରକ୍ଷା ବାହିନୀ ପ୍ରଥମେ ଲୋକଶୂନ୍ୟ କରିଥିଲେ। ଏହାପରେ ସେମାନେ ଏନକାଉଣ୍ଟର ଆରମ୍ଭ କରିଥିଲା। ବାରାମୁଲାର ୟେଡିପୋରା ପଠାନ ଅଞ୍ଚଳରେ ଏହି ଏନକାଉଣ୍ଟର ଆରମ୍ଭ ହୋଇଛି। ସେଠାରେ ବ୍ୟାପକ ପୋଲିସ ଏବଂ ସୁରକ୍ଷା ବାହିନୀ ମୁତୟନ କରାଯାଇଛି ବୋଲି ପୋଲିସ କହିଛି।
