Author: SM Network

ବାଲୁଗାଁ: ଆଜି ଅପରାହ୍ନରେ ବାଲୁଗାଁ ଥାନା ଅନ୍ତର୍ଗତ ନୂଆଗଡ଼ ଓଭର ବ୍ରିଜ ଠାରେ ଭାରସାମ୍ୟ ହରାଇ ରାସ୍ତା କଡ଼କୁ ଏକ ଯାତ୍ରୀବାହି ବସ ଖସି ପଡ଼ିଥିଲା। ଯେଉଁଥିରେ ୨୦ ରୁ ଉର୍ଦ୍ଧ୍ବ ଯାତ୍ରୀ ଯାଉଥିବା ବେଳେ ୧୦ ଜଣ ଆହତ ହୋଇଥିବା ଜଣାପଡିଛି। ଖବର ମୁତାବକ ବୃନ୍ଦାବନ ନାମକ ଏକ ଯାତ୍ରୀବାହୀ ବସ ବ୍ରହ୍ମପୁରରୁ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ୧୬ ନଂ ଜାତୀୟ ରାଜପଥ ନାଭାଲ ଫାଣ୍ଡି ନିକଟସ୍ଥ ନୂଆଗଡ଼ ଓଭର ବ୍ରିଜ ନିକଟରେ ଭାରସାମ୍ୟ ହରାଇ ରାସ୍ତା କଡ଼କୁ ଖସି ଯାଇଥିଲା। ଖବର ପାଇ ଘଟଣା ସ୍ଥଳରେ ନାଭାଲ ଫାଣ୍ଡି ପୋଲିସ ଓ ବାଲୁଗାଁ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ଦୁର୍ଘଟଣା ଗ୍ରସ୍ତ ବସରୁ ଯାତ୍ରୀମାନଙ୍କୁ ଉଦ୍ଧାର କରିଥିଲେ। ତନ୍ମଧ୍ୟରୁ ୧୦ ଜଣ ଆହତ ହୋଇଥିବା ବେଳେ ସେମାନଙ୍କୁ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ଅନ୍ୟ ସମସ୍ତ ଯାତ୍ରୀ ସୁରକ୍ଷିତ ଥିବାବେଳେ ଘଟଣା ସ୍ଥଳରୁ ଡ୍ରାଇଭର,…

ଭୁବନେଶ୍ୱର: ପୂର୍ବତଟ ରେଳପଥ ନିର୍ଦ୍ଧାରିତ ସମୟସୀମା ମଧ୍ୟରେ ଭଦ୍ରକ୍ ରେଳ ଷ୍ଟେସନରେ ପ୍ରମୁଖ ୟାର୍ଡ଼ ପୁନଃ ନିର୍ମାଣ କାର୍ଯ୍ୟକୁ ସଫଳତାର ସହିତ ସମାପ୍ତ କରିଛି, ଯାହା ଷ୍ଟେସନର ଆଧୁନିକୀକରଣ ପ୍ରୟାସରେ ଏକ ମହତ୍ୱପୂର୍ଣ୍ଣ ମାଇଲଖୁଣ୍ଟ ଅଟେ। କାର୍ଯ୍ୟକ୍ଷମ ଦକ୍ଷତା ବୃଦ୍ଧି ଏବଂ ଟ୍ରେନ୍ ପରିଚାଳନାକୁ ଶୃଙ୍ଖଳିତ କରିବା ପାଇଁ ଲକ୍ଷ୍ୟ ରଖାଯାଇଥିବା ଏହି କାର୍ଯ୍ୟ, କୌଣସି ବିଳମ୍ବ କିମ୍ବା ଅତିରିକ୍ତ ସମୟ ଆବଶ୍ୟକ ନକରି ସମାପ୍ତ ହୋଇଛି। ଗୁରୁତ୍ୱପୂର୍ଣ୍ଣ ଭାବରେ, ଏହି ପ୍ରକଳ୍ପ କାର୍ଯ୍ୟ ସମୟରେ କୌଣସି ଅତିରିକ୍ତ ଟ୍ରେନ୍ ବାତିଲ୍ ହୋଇନଥିଲା ଏବଂ ସାଧାରଣ ସ୍ଥିରୀକୃତ କାର୍ଯ୍ୟସୂଚୀ ଅନୁଯାୟୀ ରକ୍ଷଣାବେକ୍ଷଣ କାର୍ଯ୍ୟ ସମ୍ପାଦନ କରାଯାଇଥିଲା। ଭଦ୍ରକ୍ ରେଳ ଷ୍ଟେସନର ପୁନଃନିର୍ମାଣରେ ବିଭିନ୍ନ ପ୍ଲାଟଫର୍ମ ଅପଗ୍ରେଡ୍, ବର୍ଦ୍ଧିତ ଟ୍ରେନ୍ ଚଳାଚଳ ପାଇଁ ଅତିରିକ୍ତ ଲାଇନ ଏବଂ ଭଦ୍ରକ ଏବଂ ରାଣୀତାଲ ରେଳ ଷ୍ଟେସନ ମଧ୍ୟରେ ତୃତୀୟ ଲାଇନର କାର୍ଯ୍ୟ କାର୍ଯ୍ୟକ୍ଷମ ସମେତ ବିଭିନ୍ନ ପ୍ରମୁଖ ଉନ୍ନତି କାରଣ କାର୍ଯ୍ୟ ସଂଯୋଗ କରାଯାଇଥିଲା।…

ଭୁବନେଶ୍ଵର: ବଣ୍ଡାଘାଟିର ଲୋକଙ୍କ ସମସ୍ୟାର ସମାଧାନ ପାଇଁ ରାସ୍ତାଘାଟ, ଆବାସ ଗୃହ, ପାନୀୟ ଜଳ, ମୋବାଇଲ ଟାୱାର ପ୍ରତିଷ୍ଠା ସହ ପର୍ଯ୍ୟଟନ ବିକାଶ ସ୍ଥଳୀର ପାଇଁ ରାଜ୍ୟ ସରକାର ବଦ୍ଧ ପରିକର ବୋଲି ଉପ ମୁଖ୍ୟମନ୍ତ୍ରୀ ତଥା ମହିଳା, ଶିଶୁ ବିକାଶ, ମିଶନ ଶକ୍ତି ଓ ପର୍ଯ୍ୟଟନ ମନ୍ତ୍ରୀ ପ୍ରଭାତୀ ପରିଡ଼ା ପ୍ରକାଶ କରିଛନ୍ତି। ମାଲକାନଗିରି ଜିଲ୍ଲାର ଖଇରପୁଟ ବ୍ଲକ ଅନ୍ତର୍ଗତ ମୁଦୁଲିପଡ଼ା ସ୍ଥିତ ବଣ୍ଡା ଉନ୍ନୟନ ସଂସ୍ଥା କାର୍ଯ୍ୟଳୟ ପରିସରରେ ଅନୁଷ୍ଟିତ ବ୍ୟକ୍ତିଗତ, ଗୋଷ୍ଠୀଗତ ଜଙ୍ଗଲ ଜମି ପଟ୍ଟା ଓ ବସୁନ୍ଧରା ଯୋଜନା ଅନ୍ତର୍ଗତ ଘରବାରୀ ପଟ୍ଟା ବଣ୍ଟନ ଉତ୍ସବରେ ଯୋଗ ଦେଇ ସେ ଏହା ପ୍ରକାଶ କରିଛନ୍ତି। ବଣ୍ଡା ଜନଜାତିଙ୍କ ପାଇଁ ଆବାସ ଯୋଜନାରେ ଅତିରିକ୍ତ ୫୦ ହଜାର ଟଙ୍କା ପ୍ରଦାନ ପାଇଁ ମୁଖ୍ୟମନ୍ତ୍ରୀ ଘୋଷଣା କରିଥିବା ଉପ ମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା ପ୍ରକାଶ କରିଥିଲେ। ଏହାବ୍ୟତୀତ ବଣ୍ଡାଘାଟିରେ ହାଟ, ସଂଗ୍ରହାଳୟ ପ୍ରତିଷ୍ଠା ସହ ବଣ୍ଡା ଜନଜାତି ପାଇଁ…

ନୂଆଦିଲ୍ଲୀ: ଆସନ୍ତାକାଲି ଶନିବାର ଦିନ ଜୀବନ ବୀମା ଏବଂ ସ୍ୱାସ୍ଥ୍ୟ ବୀମା ଉପରେ ଜିଏସଟି ହ୍ରାସ କରିବାକୁ ଜିଏସଟି ପରିଷଦ ନିଷ୍ପତ୍ତି ନେଇପାରେ। ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ହେବାକୁ ଥିବା ଏହି ବୈଠକରେ ଘଣ୍ଟା, ଜୋତା ଏବଂ ପୋଷାକ ଉପରେ ଜିଏସଟି ହାର ବୃଦ୍ଧି ସହିତ ସିଗାରେଟ ତମାଖୁ ଉପରେ 35 ପ୍ରତିଶତ ଜିଏସଟି ଲାଗୁ କରିବାକୁ ନିଷ୍ପତ୍ତି ନିଆଯାଇପାରେ। 148 ଆଇଟମ୍ ଉପରେ ଜିଏସଟି ହାରରେ ପରିବର୍ତ୍ତନ ସମ୍ଭବ: ପ୍ରାୟ 148 ଟି ଆଇଟମ୍ ଉପରେ ଜିଏସଟି ହାରରେ ପରିବର୍ତ୍ତନ ରାଜସ୍ଥାନର ଜୈସଲମେରରେ ହେବାକୁ ଥିବା ଜିଏସଟି ପରିଷଦ ବୈଠକରେ ଆଲୋଚନା କରାଯାଇପାରେ। ଏହି ବୈଠକରେ ଟର୍ମ ବୀମା ଯୋଜନା ଉପରେ 18 ପ୍ରତିଶତ ଜିଏସଟିର ସମ୍ପୂର୍ଣ୍ଣ ଶେଷ ହୋଇପାରେ। ଏଥି ସହିତ ବରିଷ୍ଠ ନାଗରିକ ଏବଂ 5 ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟ ବୀମା କିଣୁଥିବା ବ୍ୟକ୍ତିଙ୍କ ଉପରେ ଜିଏସଟି ମୁକ୍ତ ହୋଇପାରେ। ସ୍ଵୀଗି ଏବଂ ଜୋମାଟୋ…

ନୂଆଦିଲ୍ଲୀ: ରାଜସ୍ଥାନର ଜୟପୁର-ଆଜମେର ରାଜପଥରେ ଆଜି ହୋଇଥିବା ସଡ଼କ ଦୁର୍ଘଟଣା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି। ଶ୍ରୀ ମୋଦୀ ମଧ୍ୟ ପିଏମଏନଆରଏଫରୁ ପ୍ରତ୍ୟେକ ମୃତକଙ୍କ ନିକଟ ସମ୍ପର୍କୀୟଙ୍କୁ ୨ ଲକ୍ଷ ଟଙ୍କା ଲେଖାଏ ଏବଂ ଆହତଙ୍କୁ ୫୦ ହଜାର ଟଙ୍କା ଲେଖାଏ ଅନୁକମ୍ପା ସହାୟତା  ପ୍ରଦାନ ପାଇଁ ଘୋଷଣା କରିଛନ୍ତି। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏକ୍ସରେ ପୋଷ୍ଟ କରାଯାଇଛି: “ରାଜସ୍ଥାନର ଜୟପୁର-ଆଜମେର ରାଜପଥରେ ଦୁର୍ଘଟଣା ଯୋଗୁ ପ୍ରାଣହାନି ପାଇଁ ଗଭୀର ଦୁଃଖିତ। ଯେଉଁମାନେ ପରିଜନଙ୍କୁ ହରାଇଛନ୍ତି ସେମାନଙ୍କୁ ସମବେଦନା। ଆହତମାନଙ୍କ ଆଶୁ ଆରୋଗ୍ୟ କାମନା କରୁଛି। ପ୍ରଭାବିତଙ୍କୁ ସ୍ଥାନୀୟ ପ୍ରଶାସନ ପକ୍ଷରୁ ସହାୟତା ଯୋଗାଇ ଦିଆଯାଉଛି। ପ୍ରତ୍ୟେକ ମୃତକଙ୍କ ନିକଟ ସମ୍ପର୍କୀୟଙ୍କୁ ପିଏମଏନଆରଏଫରୁ ୨ ଲକ୍ଷ ଟଙ୍କା ଲେଖାଏ ଅନୁକମ୍ପା ସହାୟତା ପ୍ରଦାନ କରାଯିବ। ଆହତମାନଙ୍କୁ ୫୦ ହଜାର ଟଙ୍କା ଲେଖାଏ ପ୍ରଦାନ କରାଯିବ: @narendramodi ”

ଭୁବନେଶ୍ଵର: ନୂଆପଡ଼ା ଜିଲ୍ଲାକୁ ଗସ୍ତରେ ଓଡ଼ିଶା ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଆସି ବିଭିନ୍ନ ମଣ୍ଡି ପରିଦର୍ଶନ କରିଥିବା ବେଳେ ଚାଷୀ ଉପଯୁକ୍ତ ପ୍ରାପ୍ୟ ପାଉଥିବା ନେଇ ବୁଝିଥିଲେ। ସେ ବେଲଟୁକର, ଡୁମେରପାଣି, ସରାବଙ୍ଗ ଆଦି ମଣ୍ଡି ପରିଦର୍ଶନ କରିଛନ୍ତି। ଜିଲ୍ଲା ପ୍ରଶାସନ ମଧ୍ୟ ପ୍ରସ୍ତୁତି ଠିକ କରିଥିବା କହିଥିଲେ। ଦୀର୍ଘ ୭୭ ବର୍ଷ ପରେ ଚାଷୀଙ୍କ ମୁଁହରେ ହସ କେବଳ ମୁଖ୍ୟମନ୍ତ୍ରୀ ହିଁ ଫୁଟାଇ ପାରିଛି ବୋଲି ପ୍ରକାଶ କରିଛନ୍ତି। ଚାଷୀଙ୍କୁ ୩୧୦୦ ଟଙ୍କା ଧାନ କ୍ୱିଣ୍ଟଲ ପ୍ରଦାନ କରାଯାଉଥିବା ବେଳେ ତାହା ପ୍ରକୃତ ରେ ଚାଷୀ ପାଖାକୁ ପହଞ୍ଚିଛି କି ନାହିଁ ପଚାରିବା ପାଇଁ ଆସିଥିଲେ ବୋଲି ଉଲ୍ଲେଖ କରିଥିଲେ। ଜିଲ୍ଲାରେ ବର୍ତ୍ତମାନ ସୁଦ୍ଧା ୫ ଲକ୍ଷ ୯୧ ହଜାର କୁଇଣ୍ଟାଲ ଧାନ କ୍ରୟ ହୋଇଅଛି। ଚାଷୀଙ୍କୁ ତାଙ୍କ ପ୍ରାପ୍ୟ ଏକ ସପ୍ତାହ ମଧ୍ୟରେ ମିଳୁଥିବା ବିଭାଗ ପକ୍ଷ ରୁ ପ୍ରକାଶ କରିଛନ୍ତି। ଚାଷୀ ମାନଙ୍କ ମାନ୍ୟବର…

ଭୁବନେଶ୍ଵର: ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ରେଞ୍ଜର ଘିକୁଣ୍ଡି ସଂରକ୍ଷିତ ଜଙ୍ଗଲ ପାଖ ଜାଲୋଏ ଅଞ୍ଚଳରେ ଗତ ରାତିରୁ ଏକ ବୃହତ ବଣୁଆ ହାତୀପଲର ଉପଦ୍ରବ ଲାଗି ରହିଛି। ଖାଦ୍ୟ ଅନ୍ୱେଷଣରେ ପ୍ରାୟ ୨୧ଟି ଜଙ୍ଗଲୀ ହାତୀ ଜାଲୋଏ ପଞ୍ଚାୟତର ପାଚିଲା ଧାନସବୁ ଖାଇ ଚାଲିଥିବା ବେଳେ ହାତୀଙ୍କ ଦଳାଚକଟା ଯୋଗୁଁ ଏକର ଏକର ଧାନ ଫସଲ ନଷ୍ଟ ହୋଇଥିବାର ଅଭିଯୋଗ ହୋଇଛି। କିଛି ଦିନର ବ୍ୟବଧାନ ପରେ ଏହି ହାତୀପଲ ଘିକୁଣ୍ଡି ଓ ଜୟପୁର-ବିଷ୍ଣୁପୁର ସଂରକ୍ଷିତ ଜଙ୍ଗଲକୁ ଫେରି ଜଙ୍ଗଲ ପାର୍ଶ୍ଵବର୍ତ୍ତି ଗାଁମାନଙ୍କରେ ଉପଦ୍ରବ କରି ଚାଲିଛନ୍ତି। ଏବେ ଜଙ୍ଗଲ ବିଭାଗ ଏବଂ ସ୍ଥାନୀୟ ଲୋକେ ହାତୀପଲକୁ ଜଙ୍ଗଲ ମଧ୍ୟକୁ ଘଉଡାଇବାକୁ ଚେଷ୍ଟା କରୁଥିବାବେଳେ ଅଞ୍ଚଳବାସୀ ଆତଙ୍କରେ ରହିଛନ୍ତି।

ନୂଆଦିଲ୍ଲୀ: ଭାରତୀୟ ମହିଳା ଦଳ ତିନି ମ୍ୟାଚ୍ ବିଶିଷ୍ଟ ଟି -20 ସିରିଜରେ ୱେଷ୍ଟଇଣ୍ଡିଜକୁ 2-1ରେ ପରାସ୍ତ କରିଛି। ଭାରତ ସିରିଜର ଶେଷ ମ୍ୟାଚକୁ 60 ରନ୍ ରେ ଜିତିଥିଲା। ଏହି ମ୍ୟାଚରେ ଟିମ୍ ଇଣ୍ଡିଆ ଏକ ବଡ଼ ରେକର୍ଡ ସୃଷ୍ଟି କରିଛି। ଦଳ ନିଜର ସର୍ବୋଚ୍ଚ ଟି -20 ସ୍କୋରର ରେକର୍ଡ ଭାଙ୍ଗିଛି। ଏହି ସମୟରେ ସ୍ମୃତି ମନ୍ଧନା ଏବଂ ରିଚା ଘୋଷ ଚମତ୍କାର ପ୍ରଦର୍ଶନ କରିଥିଲେ। ଦୁହେଁ ଅର୍ଦ୍ଧଶତକ ହାସଲ କରିଥିଲେ। ମନ୍ଧନା 77 ରନ୍ ସଂଗ୍ରହ କରିଥିଲେ ଏବଂ ଘୋଷ 54 ରନ୍ ସଂଗ୍ରହ କରିଥିଲେ। ବାସ୍ତବରେ ଭାରତୀୟ ଦଳ ପ୍ରଥମେ ବ୍ୟାଟିଂ କରିବାକୁ ପଡ଼ିଆକୁ ଆସିଥିଲା। ଭାରତୀୟ ଦଳ 20 ଓଭରରେ 4 ୱିକେଟ୍ ହରାଇ 217 ରନ୍ ସଂଗ୍ରହ କରିଥିଲା। ମହିଳା ଦଳର ଏହା ସବୁଠାରୁ ବଡ ଟି -20 ସ୍କୋର ଥିଲା। ସ୍ମୃତି ମନ୍ଧନା ଏବଂ ଉମା ଛେତ୍ରୀ ଓପନିଂ କରିବାକୁ ଆସିଥିଲେ।…

ନୂଆଦିଲ୍ଲୀ: ଭାରତୀୟ ଜାତୀୟ ଲୋକ ଦଳ ମୁଖ୍ୟ ତଥା ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଓମପ୍ରକାଶ ଚୌଟାଲାଙ୍କ ଆଜି ପରଲୋକ ହୋଇଯିୟାଇଛି। ସେ ତାଙ୍କ ଗୁରୁଗ୍ରାମ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୮୯ ବର୍ଷ ବୟସ ହୋଇଥିଲା। ଓମ ପ୍ରକାଶ ପାଞ୍ଚଥର ହରିୟାଣାର ମୁଖ୍ୟମନ୍ତ୍ରୀ ଥିଲେ। ସେ ଡିସେମ୍ବର ୨ ତାରିଖ ୧୯୮୯ ରେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ହୋଇଥିଲେ ଏବଂ ୧୭୧ ଦିନ ଏହି ପଦବୀରେ ରହିଲେ। ଏହା ପରେ, ସେ ଜୁଲାଇ ୧୨ ତାରିଖ ୧୯୯୦ ରେ ମୁଖ୍ୟମନ୍ତ୍ରୀ ହୋଇଥିଲେ ଏବଂ ପାଞ୍ଚ ଦିନ ପାଇଁ ଏହି ପଦବୀରେ ରହିଥିଲେ। ଓମ ପ୍ରକାଶ ପୁଣି ମାର୍ଚ୍ଚ ୨୨ ତାରିଖ ୧୯୯୧ ରେ ମୁଖ୍ୟମନ୍ତ୍ରୀ ହୋଇଥିଲେ ଏବଂ ୧୫ ଦିନ ରହିଥିଲେ। ସେ ପୁଣି ୨୪ ଜୁଲାଇ ୧୯୯୯ ରେ ମୁଖ୍ୟମନ୍ତ୍ରୀର ଚେୟାରରେ ବସି ମାର୍ଚ୍ଚ ୨ ତାରିଖ ୨୦୦୦ ପର୍ଯ୍ୟନ୍ତ ରହିଥିଲେ। ଏହା…

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପାଟପୁର ଥାନା ଅଧିକାରୀ ଦୀପ୍ତିରଞ୍ଜନ ବେହେରା ସଦଳବଳେ ପେଟ୍ରୋଲିଂ ସମୟରେ ଦୁଇଟି ମୋଟରସାଇକେଲ ରେ ୪ ଜଣ ଯୁବକ ଦୃତ ଗତିରେ ଯାଉଥିବା ବେଳେ ସନ୍ଦେହ ଜନକ ଭାବେ ପୋଡାମାରୀ ନିକଟରେ ଅଟକାଇ ଯାଞ୍ଚ କରିଥିଲେ। ଯାହା ଫଳରେ ସେମାନଙ୍କ ନିକଟରୁ ୯୦ କିଲୋରୁ ଅଧିକ ଗଞେଇ ଜବତ କରିବା ସହ ଦୁଇଟି ମୋଟରସାଇକେଲ ଜବତ କରିଛନ୍ତି। ଉକ୍ତ ଯୁବକ ମାନଙ୍କୁ ଥାନାରେ ଆଣି ଯେରା କରିବା ବେଳେ ସେମାନେ ଗଜପତି ଜିଲ୍ଲାରୁ ଉକ୍ତ ଗଞେଇ ଆଣି ବାହାରକୁ ଚାଲାଣ କରୁଥିବା ବିଷୟରେ ମନ୍ତବ୍ୟ ଦେଇଥିଲେ। ପାଟପୁର ଥାନା ଅଧିକାରୀ ଦୀପ୍ତି ରଞ୍ଜନ ବେହେରା ଉକ୍ତ ଅଭିଯୁକ୍ତ ଯଥା ପ୍ରସାନ୍ତ ବଳିଆର ସିଂହ, ପିତବାସ ଭୁୟାଁ, ସୁନୀଲ ଦୋରା ଓ ସୁନୀଲ ବଡ଼ରଇତ ନାମକ ଯୁବକ କୁ ଏତଲା ନଂ ୫୫୬/୨୪ ଅନୁଯାୟୀ ମକଦ୍ଦମା ରୁଜୁ କରି କୋର୍ଟ ଚାଲାଣ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ନିରଞ୍ଜନ ରେଡ଼ି ନାମକ ଜଣେ ଚୋରା ମଦ ବ୍ୟବସାୟୀକୁ ବ୍ରହ୍ମପୁର ଅବକାରୀ ଗୋଇନ୍ଦା ବିଭାଗ ଖୋଡାସିଙ୍ଗି ନିକଟରେ ଧରିଥିଲା। ନିରଞ୍ଜନଙ୍କୁ ଜେରା କରିବା ବେଳେ ସେ ଗୋଳନ୍ଥରା ଥାନା ଅର୍ନ୍ତଗତ ଇନ୍ଦ୍ରାକ୍ଷୀ ଗ୍ରାମରୁ ବେଆଇନ ରନ୍ଧା ମଦ ଆଣି ନିଜ ଗ୍ରାମରେ ବିକ୍ରି କରୁଥିବା କହିଥିଲେ। ଏହାପରେ ଅବକାରୀ ପୋଲିସ ଇନ୍ଦ୍ରାକ୍ଷୀ ଠାରେ ଚଢ଼ାଉ କରି ରନ୍ଧା ମଦ ପ୍ରସ୍ତୁତି ପାଇଁ କଞ୍ଚାମାଲ ଯୋଗାଉଥିବା ଗଣେଶ ରେଡ଼ି ନାମକ ଜଣେ ବ୍ୟକ୍ତିକୁ କାବୁ କରିଥିଲେ। ତାଙ୍କୁ ଜେରା କରିବା ପରେ ବେଳେ ସେ ନିମଖଣ୍ଡି ଥାନା ଅର୍ନ୍ତଗତ ଜଗଦଲପୁର ଗ୍ରାମର ବୁଲୁ ଦା କୁ ଉକ୍ତ କଞ୍ଚାମାଲ ଯୋଗାଉଥିବା କହିଥିଲେ। ଗଣେଶ ଠାରୁ ସୁଚନା ପାଇ ଅବକାରୀ ପୋଲିସ ଜଗଦଲପୁର ଗ୍ରାମର ପଡ଼ିଆ ସାହିରେ ଆତର୍କିତ ଭାବେ ଚଢ଼ାଉ କରି ରନ୍ଧାମଦ ପ୍ରସ୍ତୁତିରେ ନିୟୋଜିତ ବୁଲୁ ଦାସ, ବାବୁଲି ଦାସ ଓ କବିତା ଦାସ କୁ…

ନୂଆଦିଲ୍ଲୀ: ରାଜସ୍ଥାନର ଜୟପୁରର ଭାଙ୍କରୋଟା ପେଟ୍ରୋଲ ପମ୍ପ ନିକଟରେ ଏକ ଗ୍ୟାସ ଟ୍ୟାଙ୍କରରେ ବିସ୍ଫୋରଣ ଘଟିଛି। ଯାହା ପରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ ୮ ଜଣଙ୍କର ମୃତ୍ୟୁ ହୋଇଥିବାବେଳେ ୩୫ ଜଣ ଆହତ ହୋଇଥିବା ସୂଚନା ମିଳିଛି। ବହୁ ପରିଶ୍ରମ ପରେ ନିଆଁକୁ ଆୟତ୍ତ କରାଯାଇଛି। ନିଆଁ ଲିଭାଇବା ପାଇଁ ଘଟଣାସ୍ଥଳରେ ୨୨ ଟି ଅଗ୍ନିଶମ ବାହିନୀ ଉପସ୍ଥିତ ଥିଲେ। ପାଞ୍ଚଟି ଆମ୍ବୁଲାନ୍ସ ଏବଂ ସିଭିଲ ଡ଼ିଫେନ୍ସ ଟିମ ଘଟଣାସ୍ଥଳରେ ପହଞ୍ଚିଥିଲେ। ଏହା ପରେ ନିଆଁ ଲିଭାଯାଇଥିଲା। ଏହା ସହିତ ଉଦ୍ଧାର କାର୍ଯ୍ୟ ମଧ୍ୟ ଦ୍ରୁତ ଗତିରେ ଚାଲିଛି। ନିଆଁରେ ଦଶରୁ ବାର ସିଏନଜି ଗାଡି ପୋଡି ପାଉଁଶ ହୋଇଯାଇଛି।

ନୂଆଦିଲ୍ଲୀ: ଆଜି ସଂସଦର ଶୀତକାଳୀନ ଅଧିବେଶନର ଶେଷ ଦିନ। ଆଜି ଯେତେବେଳେ ଲୋକସଭା ପ୍ରକ୍ରିୟା ଆରମ୍ଭ ହେଲା, ସେତେବେଳେ ବାଚସ୍ପତି ଓମ ବିର୍ଲା ସାଂସଦମାନଙ୍କୁ ସଂସଦର ସମ୍ମାନ ଏବଂ ମର୍ଯ୍ୟାଦା ବଜାୟ ରଖିବାକୁ ପରାମର୍ଶ ଦେଇଥିଲେ। ବାଚସ୍ପତି ଏହା ମଧ୍ୟ କହିଥିଲେ ଯେ, ସଂସଦ ପରିସରରେ ବାରମ୍ବାର ବିରୋଧ କରିବା ଉଚିତ୍ ନୁହେଁ, ନଚେତ୍ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଡ଼ିବ। ପ୍ରଥମେ ସମସ୍ତ ସାଂସଦ ବନ୍ଦେ ମାତରମ ପାଇଁ ଛିଡା ହୋଇଥିଲେ। ଏହା ପରେ ଲୋକସଭାର ପ୍ରକ୍ରିୟା ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖାଯାଇଥିଲା। ରାଜ୍ୟସଭାର ପ୍ରକ୍ରିୟା ମଧ୍ୟ ମଧ୍ୟାହ୍ନ ୧୨ ପର୍ଯ୍ୟନ୍ତ ମୁଲତବୀ ରଖାଯାଇଥିଲା। ଗତକାଲି ସଂସଦରେ ଏକ ବଡ଼ ଧରଣର ଉତ୍ତେଜନା ଦେଖାଦେଇଥିଲା। ଆଜି ବି ସଂସଦ ପରିସରରେ ରାହୁଲ ଗାନ୍ଧୀଙ୍କ ବିରୋଧରେ ବିଜେପି ବିରୋଧ କରୁଛି। ବିରୋଧୀ ଦଳ ପକ୍ଷରୁ ମଧ୍ୟ ପ୍ରଦର୍ଶନ କରାଯାଇଛି। ଗୁରୁବାର ସଂସଦରେ ବିକ୍ଷୋଭ ପ୍ରଦର୍ଶନ ବେଳେ ଓଡ଼ିଶାର ବାଲେଶ୍ଵର ସାଂସଦ ପ୍ରତାପ…

ନୂଆଦିଲ୍ଲୀ: 1971 ମସିହାରେ, ଭାରତ ନିଜର ସାମରିକ ଏବଂ ଅର୍ଥନୈତିକ ଶକ୍ତି ଉପରେ ପାକିସ୍ତାନରୁ ବାଂଲାଦେଶକୁ ସ୍ଵାଧୀନତା ଦେଇଥିଲା। କିନ୍ତୁ ଆଜିର ପରିସ୍ଥିତିରେ, ଯେତେବେଳେ ବାଂଲାଦେଶ ନିଜେ ଭାରତଠାରୁ ନିଜକୁ ଦୂରେଇ ରଖିବାକୁ ଚାହୁଁଛି, ସେତେବେଳେ ଏହାର ଅବସ୍ଥା ଗୁରୁତର ହୋଇପଡିଛି। ଅଗଷ୍ଟ 2024 ରେ ଶେଖ ହସିନା ସରକାରଙ୍କ ପତନ ଏବଂ ଭାରତ ବିରୋଧୀ ବାହିନୀର କ୍ଷମତାକୁ ଆସିବା ପରେ ବାଂଲାଦେଶରେ ଅର୍ଥନୈତିକ ଏବଂ ସାମାଜିକ ଅବନତି ଆରମ୍ଭ ହୋଇଛି। ଅର୍ଥନୈତିକ ଦୃଷ୍ଟିକୋଣରୁ ବାଂଲାଦେଶର ଭାରତ ଉପରେ ନିର୍ଭରଶୀଳତା ବହୁ ପରିମାଣରେ ରହିଛି। ବାଂଲାଦେଶର 94% ସୀମା ଭାରତ ସହିତ ଲାଗିଛି। ଏହି 4,367 କିଲୋମିଟର ଲମ୍ବା ସୀମା ଯୋଗୁଁ ବାଂଲାଦେଶର ବାଣିଜ୍ୟ ଏବଂ ସୁରକ୍ଷା ଭାରତ ଉପରେ ଅତ୍ୟଧିକ ନିର୍ଭରଶୀଳ। ଉଦାହରଣ ସ୍ୱରୂପ, 2022-23 ମସିହାରେ ଭାରତ ଏବଂ ବାଂଲାଦେଶ ମଧ୍ୟରେ ମୋଟ ବାଣିଜ୍ୟ 16 ବିଲିୟନ ଡ଼ଲାର ଥିଲା। ଏଥିରେ ବାଂଲାଦେଶର ଭାରତକୁ ରପ୍ତାନି ମାତ୍ର 2…

ବାଣପୁର: ଗୋଦାବରୀଶ ମହାବିଦ୍ୟାଳୟର ଇତିହାସ ବିଭାଗ ଓ ଉତ୍କଳ ବିଶ୍ୱବିଦ୍ୟାଳୟର ସ୍ନାତୋକତର ପ୍ରାଚୀନ ଭାରତୀୟ ଇତିହାସ, ସଂସ୍କୃତି ଓ ପ୍ରତ୍ନତତ୍ତ୍ୱ ବିଭାଗର ମିଳିତ ଆୟୋଜନରେ ତା. ୧୯. ୧୨. ୨୦୨୪ (ଗୁରୁବାର ) ମହାବିଦ୍ୟାଳୟର ଅଡିଟୋରିୟମ ହଲରେ ଏକ ଜାତୀୟ ପାଠ୍ୟ ଆଲୋଚନାଚକ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଚିଲିକା ଅଞ୍ଚଳର ସମୃଦ୍ଧ ଇତିହାସ, ସଂସ୍କୃତି ଏବଂ ପରିବେଶର ମହତ୍ତ୍ୱ ଅନୁସନ୍ଧାନ କରିବା ସହିତ ଅନୁସନ୍ଧାନକୁ ପ୍ରୋତ୍ସାହିତ କରିବା ଏବଂ ନିରନ୍ତର ପର୍ଯ୍ୟଟନକୁ ଉତ୍ସାହିତ କରିବା ଏହି ଜାତୀୟ ଆଲୋଚନା ଚକ୍ରର ଲକ୍ଷ୍ୟ ରଖାଯାଇଥିଲା।” ଚିଲିକା ଏବଂ ଏହାର ପାର୍ଶ୍ୱବର୍ତ୍ତୀ ଅଞ୍ଚଳର ଇତିହାସ ଓ ସାଂସ୍କୃତିକ ଐତିହ୍ୟ “ଶୀର୍ଷକ ଏହି ଜାତୀୟ ଆଲୋଚନାଚକ୍ରରେ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ବିନାୟକ ହୋତା ସଭାପତିତ୍ୱ କରିଥିଲେ।ବିଭାଗୀୟ ମୁଖ୍ୟ ରଶ୍ମିତା ମହାରଣା ଅତିଥି ପରିଚୟ ପ୍ରଦାନ କରିଥିଲେ। ଅଧ୍ୟକ୍ଷ ବିନାୟକ ହୋତା ଇତିହାସ ସହିତ ଚିଲିକାର ଐତିହାସିକ ମହତ୍ତ୍ୱ ସମ୍ପର୍କରେ ଆଲୋଚନା କରିଥିଲେ। ମୁଖ୍ୟ ଅତିଥି ଡ.…

ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ଜର୍ଜ କୁରିଏନଙ୍କ ବାସଭବନରେ ଅନୁଷ୍ଠିତ କ୍ରିଷ୍ଟମାସ ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାମିଲ ହେବା ସହ ଖ୍ରୀଷ୍ଟିଆନ ସମୁଦାୟର ବିଶିଷ୍ଟ ବ୍ୟକ୍ତିମାନଙ୍କ ସହ ଭାବ ବିନିମୟ କରିଥିଲେ। ଶ୍ରୀ ମୋଦୀ ଏକ୍ସର ଏକ ପୋଷ୍ଟରେ ଲେଖିଛନ୍ତି: “କେନ୍ଦ୍ରମନ୍ତ୍ରୀ ଶ୍ରୀ ଜର୍ଜ କୁରିଏନ ଜୀଙ୍କ ବାସଭବନରେ କ୍ରିଷ୍ଟମାସ ଉତ୍ସବରେ ଯୋଗ ଦେଲି। ଖ୍ରୀଷ୍ଟିଆନ ସମୁଦାୟର ବିଶିଷ୍ଟ ବ୍ୟକ୍ତିମାନଙ୍କ ସହ ମଧ୍ୟ ଭାବ ବିନିମୟ କଲି। @GeorgekurianBjp ”

ନୂଆଦିଲ୍ଲୀ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟ୍ରଫି ର ଚତୁର୍ଥ ଟେଷ୍ଟ ମେଲବୋର୍ଣ୍ଣରେ ଖେଳାଯିବ। ଏପର୍ଯ୍ୟନ୍ତ ସିରିଜରେ ତିନୋଟି ମ୍ୟାଚ୍ ଖେଳାଯାଇଛି ଯେଉଁଥିରେ ଉଭୟ ଦଳ 1-1 ବିଜୟ ପଞ୍ଜିକରଣ କରିଛନ୍ତି। ଅବଶିଷ୍ଟ 1 ଟି ଟେଷ୍ଟ ଡ୍ର’ରେ ଶେଷ ହୋଇଛି। ଭାରତୀୟ ଦଳ ଯେକୌଣସି ମୂଲ୍ୟରେ ମେଲବୋର୍ଣ୍ଣରେ ଖେଳାଯିବାକୁ ଥିବା ସିରିଜର ଚତୁର୍ଥ ଟେଷ୍ଟ ଜିତିବାକୁ ଏବଂ ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲ ପାଇଁ ଆଶା ବଞ୍ଚାଇବାକୁ ଚାହୁଁଛି। ମେଲବୋର୍ଣ୍ଣରେ ଟିମ୍ ଇଣ୍ଡିଆର ବିଜୟ ପ୍ରାୟ ନିଶ୍ଚିତ ହୋଇଛି। ଆମେ ଏହା କହୁଛୁ କାରଣ ଏହି ଗ୍ରାଉଣ୍ଡରେ ଭାରତୀୟ ଦଳର ଟେଷ୍ଟ ରେକର୍ଡ ବହୁତ ଭଲ ଅଟେ। ମେଲବର୍ଣ୍ଣରେ ଜିତି ସିରିଜରେ 2-1 ଅଗ୍ରଣୀ ହାସଲ କରିବାକୁ ଭାରତ ଚାହିଁବ। ଗତ 12 ବର୍ଷ ମଧ୍ୟରେ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ଟିମ୍ ଇଣ୍ଡିଆ କୌଣସି ଟେଷ୍ଟ ହାରି ନାହିଁ। 2014 ରେ ଟିମ୍ ଇଣ୍ଡିଆ ଦ୍ୱାରା ଏହି ଗ୍ରାଉଣ୍ଡରେ…

ଭୁବନେଶ୍ବର: ପ୍ରଧାନମନ୍ତ୍ରୀଙ୍କ ଅଭିନବ ମତବିନିମୟ କାର୍ଯ୍ୟକ୍ରମ ପରୀକ୍ଷା ପେ ଚର୍ଚ୍ଚା (ପିପିସି) ନିଜର ୮ମ ସଂସ୍କରଣ ନେଇ ପୁଣି ଆସିଛି। ଏହା ଜାନୁଆରୀ ୨୦୨୫ରେ, ସାରାଦେଶରେ ବାର୍ଷିକ ପରୀକ୍ଷା ଆରମ୍ଭ ହେବା ପୂର୍ବରୁ, ଅନୁଷ୍ଠିତ ହେବ। ପରୀକ୍ଷା ଚାପ କମାଇବା, ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକମାନଙ୍କୁ ଜୀବନକୁ ଏକ “ଉତ୍ସବ”ଭାବେ ପାଳନ କରିବାକୁ ଉତ୍ସାହିତ କରିବା ଲକ୍ଷ୍ୟରେ ପରିକଳ୍ପନା କରାଯାଇଥିବା ପିପିସି ଗତ ସାତ ବର୍ଷ ହେଲା ଉଲ୍ଲେଖନୀୟ ସଫଳତା ପାଇଛି । ପିପିସିର ୭ମ ସଂସ୍କରଣ ନୂଆଦିଲ୍ଲୀର ପ୍ରଗତି ମୈଦାନ ସ୍ଥିତ ଭାରତ ମଣ୍ଡପମରେ ଟାଉନ ହଲ ଫର୍ମାଟରେ ଅନୁଷ୍ଠିତ ହୋଇଥିଲା ଯେଉଁଥିରେ ସାରାଦେଶ ଓ ବିଦେଶରୁ ଅଂଶଗ୍ରହଣକାରୀମାନେ ଉତ୍ସାହର ସହ ଯୋଗ ଦେଇଥିଲେ । ପିପିସି ୨୦୨୫ର ପଞ୍ଜୀକରଣ ପଦ୍ଧତି ପିପିସି ୨୦୨୫ ପାଇଁ ପଞ୍ଜୀକରଣ ୧୪ ଡିସେମ୍ବର ୨୦୨୪ରୁ MyGov.in ଆରମ୍ଭ ହୋଇସାରିଛି ଏବଂ ୧୪ ଜାନୁଆରୀ ୨୦୨୫ ପର୍ଯ୍ୟନ୍ତ ଖୋଲା ରହିବ । ନିମ୍ନଲିଖିତ ପଦ୍ଧତି ଅନୁସାରେ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ର ସରକାରଙ୍କ ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ ଅନୁସୂଚିତ ଜାତି, ଜନଜାତି, ପଛୁଆ ବର୍ଗ, ଯାଯାବର, ସଫେଇ କର୍ମଚାରୀ, ତୃତୀୟ ଲିଙ୍ଗୀଙ୍କ ଭଳି ସମାଜର ଅବହେଳିତ ବର୍ଗଙ୍କ କଲ୍ୟାଣ ପାଇଁ ଅନେକ ଯୋଜନା କାର୍ଯ୍ୟକାରୀ କରିଛି। ଏସବୁ ପଦକ୍ଷେପ ସବକା ସାଥ୍‌ ସବକା ବିକାଶ ମନ୍ତ୍ରକୁ ସାକାର କରିଛି ଏବଂ ଦେଶବାସୀଙ୍କ ସାମଗ୍ରିକ ବିକାଶ ପାଇଁ କେନ୍ଦ୍ର ସରକାରଙ୍କ ପ୍ରତିବଦ୍ଧତାକୁ ବ୍ୟକ୍ତ କରିଛି। ମନ୍ତ୍ରଣାଳୟ ଦ୍ୱାରା ଦୁଇଟି କେନ୍ଦ୍ର ପ୍ରାୟୋଜିତ ଯୋଜନା – ମାଟ୍ରିକ୍‌ ପୂର୍ବବର୍ତ୍ତୀ ବୃତ୍ତି ଏବଂ ମାଟ୍ରିକ ପରବର୍ତ୍ତୀ ବୃତ୍ତି ସହାୟତା- ଅନୁସୂଚିତ ଜାତି(ଏସସି) ଓ ଅନ୍ୟ ଅବହେଳିତ ବର୍ଗର ଛାତ୍ରଛାତ୍ରୀଙ୍କ ଶିକ୍ଷାଗତ ସଶକ୍ତିକରଣ ମହତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛି । ରାଜ୍ୟ ସରକାର ଏବଂ କେନ୍ଦ୍ର ଶାସିତ ଅଞ୍ଚଳ ପ୍ରଶାସନ ଜରିଆରେ ଏହି ବୃତ୍ତି ଯୋଜନା କାର୍ଯ୍ୟକାରୀ କରାଯାଉଛି । ଚଳିତ ବର୍ଷ ଅକ୍ଟୋବର ୩୧ ତାରିଖ ସୁଦ୍ଧା…

ନୂଆଦିଲ୍ଲୀ: କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ତଥା ସମବାୟ ମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ନୂଆଦିଲ୍ଲୀରେ ଜାମ୍ମୁ-କାଶ୍ମୀରର ସୁରକ୍ଷା ଉପରେ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜାମ୍ମୁ-କାଶ୍ମୀର ଉପରାଜ୍ୟପାଳ ମନୋଜ ସିହ୍ନା, କେନ୍ଦ୍ର ଗୃହ ସଚିବ, ନିର୍ଦ୍ଦେଶକ (ଆଇବି), ଆରଏଡବ୍ଲୁ ମୁଖ୍ୟ, ସେନା ମୁଖ୍ୟ, ଜିଓସି-ଇନ୍-ସି (ଉତ୍ତର କମାଣ୍ଡ), ଡିଜିଏମଓ, ଜାମ୍ମୁ-କାଶ୍ମୀରର ମୁଖ୍ୟ ଶାସନ ସଚିବ ଓ ଡିଜିପି, କେନ୍ଦ୍ରୀୟ ସଶସ୍ତ୍ର ସୁରକ୍ଷା ବଳଗୁଡ଼ିକର ମୁଖ୍ୟ ଏବଂ ଗୃହ ମନ୍ତ୍ରଣାଳୟର ଅନ୍ୟ ବରିଷ୍ଠ ଅଧିକାରୀମାନେ ଏହି ବୈଠକରେ ଯୋଗ ଦେଇଥିଲେ। ବୈଠକରେ ଉଦବୋଧନ ଦେଇ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ କହିଥିଲେ ଯେ, ଆତଙ୍କବାଦ ବିରୋଧରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶୂନ୍ୟ ସହନଶୀଳତା ନୀତି ଅନୁରୂପ, ଆମେ ଯଥାଶୀଘ୍ର ‘ଆତଙ୍କ ମୁକ୍ତ ଜାମ୍ମୁ-କାଶ୍ମୀର’ ଲକ୍ଷ୍ୟ ହାସଲ କରିବୁ ଏବଂ ଏଥିପାଇଁ ସବୁପ୍ରକାର ସମ୍ବଳ ଯୋଗାଇ ଦିଆଯିବ। ସମସ୍ତ ସୁରକ୍ଷା ବାହିନୀର ମିଳିତ ପ୍ରୟାସ ଦ୍ୱାରା ମୋଦୀ ସରକାର ଜାମ୍ମୁ-କାଶ୍ମୀରରେ ଆତଙ୍କବାଦ ଉପରେ…

ଭୁବନେଶ୍ଵର: ନେଟୱର୍କ ପ୍ଲାନିଂ ଗ୍ରୁପ (ଏନପିଜି)ର ୮୫ତମ ବୈଠକରେ ପାଂଚଟି ପ୍ରକଳ୍ପ ଉପରେ ସମୀକ୍ଷା କରାଯାଇଛି। ଏହା ଭିତରୁ ଦୁଇଟି ରେଳବାଇ ଓ ତିନିଟି ରାଜପଥ ସମ୍ପର୍କିତ ପ୍ରକଳ୍ପ। ପିଏମ ଗତିଶକ୍ତି ଜାତୀୟ ମାଷ୍ଟର ପ୍ଲାନର ନିୟମାବଳୀ ଅନୁସାରେ ଏହି ପ୍ରକଳ୍ପ ସବୁକୁ ସମୀକ୍ଷା କରାଯାଇଛି। ବହୁମୁଖୀ ଭିତିଭୂମିର ପୂର୍ଣାଙ୍ଗ ବିକାଶ, ଅର୍ଥନୀତିକ ଓ ସାମାଜିକ ଯୋଗାଯୋଗ, ବିଭିନ୍ନ ପରିବହନ ମାଧ୍ୟମ, ପ୍ରକଳ୍ପ କାର୍ଯ୍ୟାନ୍ୱୟନ ପରି ବିଭିନ୍ନ କ୍ଷେତ୍ର ଉପରେ ଏହି ବୈଠକରେ ବିଚାର ବିମର୍ଶ କରାଯାଇଛି। ଏହି ପ୍ରକଳ୍ପ ସବୁ ଦେଶର ଆର୍ଥିକ ବିକାଶରେ ସହାୟକ ହେବ। ଏସବୁ ପ୍ରକଳ୍ପ ସରିଲେ ଦେଶର ଭିତ୍ତିଭୂମି ବିକଶିତ ହେବା ସହ ବିଭିନ୍ନ ଆଂଚଳିକ କ୍ଷେତ୍ର ସହ ଯୋଗାଯୋଗ ସ୍ଥାପିତ ହୋଇପାରିବ। ସରକାରଙ୍କ ଦୃଷ୍ଟିକୋଣ ସହ ଯୋଗସୂତ୍ର ରକ୍ଷା କରି ବହୁମୁଖୀ ପରିବହନ କ୍ଷେତ୍ର ବିକଶିତ ହୋଇପାରିବ ବୋଲି କୁହାଯାଇଛି। ଶିଳ୍ପ ବିକାଶ ତଥା ଆଭ୍ୟନ୍ତରୀଣ ବାଣିଜ୍ୟ ବିଭାଗ (ଡିପିଆଇଆଇଟି) ର ଯୁଗ୍ମ…