ମୁମ୍ବାଇ: ଇଣ୍ଡିଆନ୍ ପ୍ରିମିୟର ଲିଗର ୧୫ ତମ ସଂସ୍କରଣରେ ସଙ୍କଟ ଦେଖାଦେଇଛି। ଆଇପିଏଲରେ କରୋନା ପ୍ରବେଶ କରିଛି। ରିପୋର୍ଟ ଅନୁଯାୟୀ, ଦିଲ୍ଲୀ କ୍ୟାପିଟାଲର ଅଲରାଉଣ୍ଡର ମିଚେଲ ମାର୍ଶଙ୍କ ଦ୍ୱିତୀୟ ଆରଟି-ପିସିଆର ରିପୋର୍ଟ ପଜିଟିଭ ଆସିଛି। ଖୁବ୍ ଶୀଘ୍ର ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯିବ। ଅନ୍ୟପକ୍ଷରେ ମଙ୍ଗଳବାର ଦିନ ସମସ୍ତ ଖେଳାଳିଙ୍କ କରୋନା ପରୀକ୍ଷା ହେବ। ଦିଲ୍ଲୀ କ୍ୟାପିଟାଲ୍ସର ଦଳ ସୋମବାର ପୁଣେ ଅଭିମୁଖେ ଯାତ୍ରା କରିବେ। ଏପ୍ରିଲ ୨୦ ତାରିଖ ବୁଧବାର ଦିନ ତାଙ୍କୁ ପଞ୍ଜାବ କିଙ୍ଗ୍ସ ବିପକ୍ଷରେ ଏକ ମ୍ୟାଚ୍ ଖେଳିବାକୁ ପଡିବ। ରିପୋର୍ଟ ଅନୁଯାୟୀ, ଏହି ମ୍ୟାଚକୁ ସ୍ଥଗିତ ରଖାଯାଇପାରେ। ମାର୍ଶଙ୍କ ବ୍ୟତୀତ ଦଳର ଡାକ୍ତର ସାଲଭି, ସୋସିଆଲ ମିଡିଆ ଷ୍ଟାଫ ଏବଂ ତିନିଜଣ ହୋଟେଲ କର୍ମଚାରୀ ମଧ୍ୟ କରୋନା ସଂକ୍ରମିତ ହୋଇଥିବା ଜଣାପଡିଛି। ଆଇପିଏଲ୍ ର ନିୟମ ଅନୁଯାୟୀ, ବାୟୋ-ବବୁଲରେ ସଂକ୍ରମିତ ହୋଇଥିବା ଖେଳାଳୀଙ୍କୁ ଅତି କମରେ ସାତ ଦିନ ପାଇଁ ଅଲଗା ରହିବାକୁ ପଡିବ। ଏଥି…
Author: Samikhsya Bureau
ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକର ଦେଦର ଏକ ଆଦିବାସୀ ବହୁଳ ଅନଗ୍ରସର ପଞ୍ଚାୟତ ଅଟେ। ଏହି ପଞ୍ଚାୟତର ଗୋଳମୁଣ୍ଡା ଗ୍ରାମର ଏକ ପଡା ଶବର ପଡା। ଇନ୍ଦ୍ରାବତୀ ଦକ୍ଷିଣ କେନାଲ ପାଖରେ ରହିଛି ଶବର ପଡା ପ୍ରାଥମିକ ବିଦ୍ୟାଳୟ। ଏହି ପ୍ରାଥମିକ ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଚାଳିଶ ଜଣ ଛାତ୍ରଛାତ୍ରୀ ଅଧ୍ୟୟନ କରୁଥିବା ବେଳେ ସେମାନଙ୍କ ଶିକ୍ଷାଦାନ ପାଇଁ ନିୟୋଜିତ ଅଛନ୍ତି ତିନିଜଣ ଶିକ୍ଷକ। ୨୦୦୮ ମସିହାରେ ପ୍ରତିଷ୍ଠିତ ଏହି ବିଦ୍ୟାଳୟର ଶ୍ରେଣୀଗୃହ ଗୁଡିକ ବିପଦସଂକୁଳ ଅବସ୍ଥାରେ ପହଂଚିଲାଣି। ଶ୍ରେଣୀ ଗୃହ ଗୁଡିକର ଛାତରେ ସିମେଣ୍ଟ ଢଳେଇ ଫାଟି ଆଁ କଲାଣି।ଶ୍ରେଣୀ ଗୃହରେ ପାଠ ପଢିବା ସମୟରେ ଶିକ୍ଷକ ଓ ଛାତ୍ରଛାତ୍ରୀ ବିପଦ ଆଶଙ୍କାରେ ରହୁଛନ୍ତି।ଇନ୍ଦ୍ରାବତୀ ଦକ୍ଷିଣ କେନାଲକୁ ଏହି ବିଦ୍ୟାଳୟଟି ଲାଗି ରହିଛି। କେନାଲରେ ଜଳ ପ୍ରଭାହିତ ସମୟରେ କୋମଳମତି ଛାତ୍ରଛାତ୍ରୀ ବିପଦର ସମ୍ମୁଖୀନ ହେବା ସମ୍ଭାବନାକୁ ଏଡାଇ ଦିଆ ଯାଇ…
ନୂଆଦିଲ୍ଲୀ: କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ ନରେନ୍ଦ୍ର ସିଂ ତୋମର ଆଜି ଦୁଇଟି ପୋର୍ଟାଲର ଶୁଭାରମ୍ଭ କରିଛନ୍ତି। ସେଥିରୁ ଗୋଟିଏ କୀଟନାଶକର କମ୍ପ୍ୟୁଟରୀକୃତ ପଞ୍ଜୀକରଣ (କ୍ରପ) ଓ ଅନ୍ୟଟି ପ୍ଲାଣ୍ଟ କ୍ୱାରାଣ୍ଟାଇନ ଇନଫରେମେସନ୍ ସିଷ୍ଟମ ଓ ପିକ୍ୟୁଆଏଏସ୍। ଏହି ଅବସରରେ ମନ୍ତ୍ରୀ ଶ୍ରୀ ତୋମର କହିଛନ୍ତି ଯେ କୃଷିକ୍ଷେତ୍ର ପାଇଁ ପ୍ରଧାନମନ୍ତ୍ରୀଙ୍କର ଯେଉଁ ଲକ୍ଷ୍ୟ ରହିଛି ତାହାକୁ କାର୍ଯ୍ୟକାରୀ କରିବା ଉଦ୍ଦେଶ୍ୟରେ ଏହି ଦୁଇଟି ପୋର୍ଟାଲକୁ ଆରମ୍ଭ କରାଯାଇଛି। ଏହାଫଳର ଡିଜିଟାଲ କୃଷି ଓ କୃଷି କାରବାରରେ ସୁଗମତା ସମ୍ଭବ ହେବ। ଦେଶର କୃଷିଜାତ ସାମଗ୍ରୀ ରପ୍ତାନୀ ଯଥେଷ୍ଟ ବଢି ଥିବାରୁ ଶ୍ରୀ ତୋମର ସନ୍ତୋଷ ପ୍ରକାଶ କରିଛନ୍ତି। ଏହି କାର୍ଯ୍ୟକ୍ରମରେ କେନ୍ଦ୍ର କୃଷି ଓ କୃଷକ କଲ୍ୟାଣ ରାଷ୍ଟ୍ରମନ୍ତ୍ରୀ କୈଳାସ ଚୌଧାରୀ କହିଥିଲେ ଯେ ଆଧୁନିକ ପ୍ରଯୁକ୍ତିର ବ୍ୟବହାର ଫଳରେ କୃଷି କ୍ଷେତ୍ର ଅଧିକ ଉନ୍ନତ ହେବ। ନୂଆ ପୋର୍ଟାଲ ଦ୍ୱାରା ଚାଷୀ, ରପ୍ତାନୀକାରୀ ଓ ଶିଳ୍ପପତିମାନେ…
ଭୁବନେଶ୍ୱର: ସ୍କୁଲ ପରେ କଲେଜ ପାଇଁ ମଧ୍ୟ ଖରା ଛୁଟିକୁ ହ୍ରାସ କରାଯାଇଛି। କଲେଜର ଛାତ୍ରଛାତ୍ରୀଙ୍କ ପାଇଁ ରାଜ୍ୟ ଉଚ୍ଚ ଶିକ୍ଷା ବିଭାଗ ଖରା ଛୁଟି ସଂଖ୍ୟା ହ୍ରାସ କରିଛି। ଚଳିତ ବର୍ଷ ଜୁନ୍ ୧ ତାରିଖରୁ ୧୬ ତାରିଖ ପର୍ଯ୍ୟନ୍ତ ଖରାଛୁଟି ପାଇଁ ନିଷ୍ପତ୍ତି ନିଆଯାଇଛି। ଏନେଇ ବିଶ୍ୱବିଦ୍ୟାଳୟ କୁଳପତି ଓ ଡିଗ୍ରୀ କଲେଜ ଅଧ୍ୟକ୍ଷଙ୍କୁ ଉଚ୍ଚ ଶିକ୍ଷା ବିଭାଗ ଚିଠି କରିଛି। ଉଚ୍ଚ ଶିକ୍ଷା ବିଭାଗର ପ୍ରମୁଖ ସଚିବ ଏନେଇ ନିର୍ଦ୍ଦେଶ ଜାରି କରିଛନ୍ତି। କୋଭିଡ୍ ପାଇଁ ପାଠପଢ଼ା ପ୍ରଭାବିତ ହୋଇଥିବାରୁ ଖରାଛୁଟିକୁ ହ୍ରାସ କରାଯାଇଛି। ଯଦି ଆବଶ୍ୟକ ହୁଏ, ତେବେ ଛୁଟି ଦିନ କିମ୍ବା କାର୍ଯ୍ୟ ଦିବସରେ ଅତିରିକ୍ତ କ୍ଲାସ୍ ହେବ ବୋଲି ବିଭାଗ ପକ୍ଷରୁ କୁହାଯାଇଛି। ତେବେ ପୂର୍ବରୁ ସ୍କୁଲ ପିଲାଙ୍କର ମଧ୍ୟ ଖରାଛୁଟିକୁ ସ୍କୁଲ ଓ ଗଣଶିକ୍ଷା ବିଭାଗ କମାଇଦେଇଛି। ସ୍କୁଲରେ ଖରା ଛୁଟି ଜୁନ୍ ୬ ତାରିଖରୁ ୧୬ ଯାଏଁ ହେବ ବୋଲି ଘୋଷଣା…
ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ରାଣିପଡ଼ା ଗ୍ରାମସ୍ଥିତ ମାତୃନିବାସ ପରିସର ମଧ୍ୟରେ ସୋମବାର ଦିନ ପରମପ୍ରଭୁ ଶ୍ରୀଅରବିନ୍ଦଙ୍କ ୩୧ ତମ ବାର୍ଷିକ ଉତ୍ସବ ଏବଂ ମାତୃକୃପାର ୧୮ତମ ଆସ୍ପୃହା ଦିବସ ମହାଆଡମ୍ବର ସହକାରେ ପାଳିତ ହୋଇଯାଇଛି। ପ୍ରାତଃରେ ଆଧ୍ୟାତ୍ମିକ ପତାକା ଉତ୍ତୋଳନ, ବନ୍ଦେମାତରମ୍, ଧୂପପୁଷ୍ପ ଅର୍ପଣ, ମନ୍ତ୍ରାବୃତ୍ତି, ଧ୍ୟାନ ଓ ପ୍ରାର୍ଥନା ଆଦି କରାଯାଇଥିବା ବେଳେ ପୂର୍ବାହ୍ନରେ କୃଷ୍ଣଚନ୍ଦ୍ର ମହାରଣାଙ୍କ ତତ୍ୱାବଧାନରେ ଦୁର୍ଗାସ୍ତୋତ୍ର ଆବୃତ୍ତି, ମା’ ପୁସ୍ତକ ପଠନ ଓ ମାତୃବନ୍ଦନା କାର୍ଯ୍ୟକ୍ରମ କରାଯାଇଥିଲା। ଏହାପରେ ସୁରେନ୍ଦ୍ର କୁମାର ଜେନା, ସୂର୍ଯ୍ୟକାନ୍ତ ମହାରଣା ଏବଂ ବାଲୁଗାଁ ମହାବିଦ୍ୟାଳୟ ଅଧ୍ୟାପକ କୈଳାସ ଚନ୍ଦ୍ର ମହାରଣାଙ୍କ ଅଧ୍ୟକ୍ଷତାରେ ଆଧ୍ୟାତ୍ମିକ ଆଲୋଚନା ହୋଇଥିବା ବେଳେ ଅପରାହ୍ନରେ ପ୍ରସାଦ ସେବନ ପରେ ରାଣୀପଡ଼ା ସଂଗଠକ ଗୋପୀନାଥ ସାହୁଙ୍କ ଦ୍ୱାରା ଆଧ୍ୟାତ୍ମିକ ପତାକା ଅବତରଣ କରାଯାଇଥିଲା। ଉକ୍ତ କାର୍ଯ୍ୟକ୍ରମ ଶ୍ରୀଅରବିନ୍ଦ ମାତୃକୃପାର ସମସ୍ତ ସଭ୍ୟସଭ୍ୟାଙ୍କ ସହଯୋଗରେ ଅନୁଷ୍ଠିତ ହୋଇଥିବା ବେଳେ ରାଣୀପଡ଼ା ଗ୍ରାମର…
ନୂଆଦିଲ୍ଲୀ: ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ ଭାରତର ପରବର୍ତ୍ତୀ ସେନା ମୁଖ୍ୟ ହେବେ। ବର୍ତ୍ତମାନ ଜେନେରାଲ ମନୋଜ ପାଣ୍ଡେ ସେନାର ଉପାଧ୍ୟକ୍ଷ ଅଟନ୍ତି। ଜେନେରାଲ୍ ଏମ୍ ନରାଭନେ ଚଳିତ ମାସ ଶେଷରେ ଅବସର ନେଉଛନ୍ତି। ଜେନେରାଲ ମନୋଜ ପାଣ୍ଡେ ପ୍ରଥମ ଇଞ୍ଜିନିୟର ହେବେ, ଯିଏ ଭାରତୀୟ ସେନାର ମୁଖ୍ୟ ହେବେ।
ଭୁବନେଶ୍ୱର: ଓଡ଼ିଶା ରାଜ୍ୟ ଡ୍ରାଇଭର ମହାସଂଘ ତରଫରୁ ବିଭିନ୍ନ ଦାବି ନେଇ ମାଷ୍ଟରକ୍ୟାଣ୍ଟିନ୍ ଛକଠାରେ ଧାରଣା ଦିଆଯାଇଥିଲା। ରାଜ୍ୟର ୩୦ଟି ଜିଲ୍ଲାରୁ ଘରୋଇ ଡ୍ରାଇଭରମାନେ ବହୁସଂଖ୍ୟାରେ ଧାରଣାରେ ସାମିଲ ହୋଇଥିଲେ। ଡ୍ରାଇଭରମାନେ ସ୍ୱଳ୍ପ ଦରମାରେ କାର୍ଯ୍ୟ କରୁଥିବାବେଳେ ସେମାନଙ୍କ ଲାଗି ଜୀବନବୀମା କରାଇବା ଓ ଅବସର ପରେ ପେନ୍ସନ୍ ପ୍ରଦାନ କରିବା ସହିତ ବିଭିନ୍ନ ଦାବି ନେଇ ଧାରଣା ଦେଇଥିଲେ। ତତ୍କ୍ଷଣାତ୍ ରାଜ୍ୟ ସରକାରଙ୍କ ତରଫରୁ ବାଣିଜ୍ୟ ଓ ପରିବହନ ମନ୍ତ୍ରୀ ଶ୍ରୀ ପଦ୍ମନାଭ ବେହେରାଙ୍କ ଅଧ୍ୟକ୍ଷତାରେ ଡ୍ରାଇଭର ମହାସଂଘର କର୍ମକର୍ତ୍ତାମାନଙ୍କୁ ନେଇ ଏକ ଉଚ୍ଚସ୍ତରୀୟ ବୈଠକ ଡକାଯାଇ ରାଜ୍ୟର ଘରୋଇ ଡ୍ରାଇଭରମାନଙ୍କର ବିଭିନ୍ନ ପ୍ରକାର ସମସ୍ୟାକୁ ସମାଧାନ କରିବା ପାଇଁ ଆଲୋଚନା କରାଯାଇଥିଲା। ଦେଶର ପଡ଼ୋଶୀ ରାଜ୍ୟମାନଙ୍କରେ ଘରୋଇ ଡ୍ରାଇଭରମାନଙ୍କୁ ସରକାରଙ୍କ ଦ୍ୱାରା ଯୋଗାଇ ଦିଆଯାଉଥିବା ସୁବିଧା ସୁଯୋଗ ଅନୁସାରେ ଆମ ରାଜ୍ୟରେ ତାହା କାର୍ଯ୍ୟକ୍ଷମ କରିବାକୁ ବୈଠକରେ ନିଷ୍ପତ୍ତି ହୋଇଛି। ଆସନ୍ତା ତିନିମାସ ମଧ୍ୟରେ ଏସବୁଗୁଡ଼ିକୁ ଅନୁଧ୍ୟାନ କରାଯାଇ…
ଭୁବନେଶ୍ୱର: ଆଗାମୀ ଭବିଷ୍ୟତରେ ସ୍ୱାସ୍ଥ୍ୟସେବା କ୍ଷେତ୍ରରେ ବୈଷୟିକ ଜ୍ଞାନକୌଶଳର ପ୍ରୟୋଗର ଦିଗ ଏବଂ ନୂତନ ସମ୍ଭାବନାକୁ ନେଇ ଆମ୍ବିଏଂଟ ଇଂଟେଲିଜେନ୍ସ କ୍ଷେତ୍ରର ବିଶେଷଜ୍ଞମାନେ ସୋଆରେ ଅନୁଷ୍ଠିତ ଏକ ଆନ୍ତର୍ଜାତିକ ସମ୍ମିଳନୀରେ ଆଲୋଚନା କରିଛନ୍ତି। ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍ ଏଜୁକେସନ୍ ଆଣ୍ଡ ରିସର୍ଚ୍ଚ (ଆଇଟିଇଆର୍) ଠାରେ ଏପ୍ରିଲ୍ ୧୫ ଓ ୧୬ ତାରିଖରେ ଏହି ସମ୍ମିଳନୀ ଭର୍ଚୁଆଲ୍ ମୋଡରେ ଅନୁଷ୍ଠିତ ହୋଇଥିଲା। ମେସିନ୍ ଲର୍ଣ୍ଣିଂ ଓ ଇଂଟେଲିଜେଂଟ କମ୍ପ୍ୟୁଟିଙ୍ଗ୍ର ନୂତନ ପଦ୍ଧତି ଓ ଉଦ୍ଭାବନ ଏବଂ ବିଭିନ୍ନ କ୍ଷେତ୍ରରେ ବିଶେଷ କରି ସ୍ୱାସ୍ଥ୍ୟସେବା କ୍ଷେତ୍ରରେ ଏସବୁର ପ୍ରୟୋଗ ସମ୍ପର୍କିତ ବିଷୟକୁ ନେଇ ଏ ସମ୍ବିଳନୀରେ ଆଲୋଚନା କରାଯାଇଥିଲା। କମ୍ପ୍ୟୁଟର ଆପ୍ଲିକେସନ୍ ବିଭାଗ ଦ୍ୱାରା ଆୟୋଜିତ ହୋଇଥିବା ଏହି ସମ୍ମିଳନୀରେ ୮ଟି ସେସନ୍ ରହିଥିବା ବେଳେ ୫୬ଟି ସନ୍ଦର୍ଭ ପ୍ରଦାନ କରାଯାଇଥିଲା। ଏଥି ସହିତ ଯୁବ ପ୍ରଶିକ୍ଷକମାନଙ୍କ ପାଇଁ ଏକ ସ୍ୱତନ୍ତ୍ର ସେସନ୍ର ଆୟୋଜନ କରାଯାଇଥିଲା। ଏହି…
ଭୁବନେଶ୍ୱର: ଜଳବାୟୁ ପରିବର୍ତ୍ତନ ଫଳରେ ମଣିଷ ସମାଜ ଉପରେ ଏହାର ଅନେକ ପ୍ରଭାବ ପଡ଼ିବାକୁ ଆରମ୍ଭ ହୋଇଛି ବୋଲି ବିଶେଷଜ୍ଞମାନେ ଚେତାବନୀ ଦେବା ସହ ତୁରନ୍ତ ଏହାକୁ ରୋକିବା ଦିଗରେ ପଦକ୍ଷେପ ନେବା ଆବଶ୍ୟକ ବୋଲି କହିଛନ୍ତି। ଗ୍ଲୋବାଲ୍ ୱାର୍ମିଂ ଯୋଗୁଁ ସମୁଦ୍ର ପତନର ବୃଦ୍ଧି ହୋଇଛି ଏବଂ ଏଥିପାଇଁ ଓଡ଼ିଶାର ଅନେକ ଉପକୂଳବର୍ତ୍ତୀ ଗ୍ରାମ ଲୋପ ପାଇବାକୁ ବସିଲାଣି। ସେହିପରି ପାଣିର ଅପବ୍ୟବହାର ମଧ୍ୟ ଭବିଷ୍ୟତରେ ପରିସ୍ଥିତିକୁ ଜଟିଳ କରିବାକୁ ଯାଉଛି ବୋଲି କହିଛନ୍ତି କମ୍ବାଟ୍ କ୍ଲାଇମେଟ୍ ଚେଞ୍ଜ ନେଟୱାର୍କ ଭାରତ ଶାଖାର ଆବାହକ ରଞ୍ଜନ ପଣ୍ଡା। ଓଡ଼ିଶାର କେନ୍ଦ୍ରାପଡା ଜିଲ୍ଲା ଉପକୂଳରେ ଥିବା ସାତଭାୟା ଅଂଚଳର ୭ ଟି ଗ୍ରାମ ସମୁଦ୍ର ପତନ ବୃଦ୍ଧି ଯୋଗୁଁ ଲୋପ ପାଇଯାଇଥିବା ବେଳେ ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ୍ର ବହୁ ଗ୍ରାମ ସମାନ ପରିସ୍ଥିତିର ସମ୍ମୁଖୀନ ହୋଇଛି ବୋଲି ଓଡ଼ିଶାର ଜଳମାନବ ଭାବେ ପରିଚିତ ଶ୍ରୀ ପଣ୍ଡା କହିଛନ୍ତି। ପ୍ରତ୍ୟେକ ଥର ବାତ୍ୟା…
ସୀତାରାମ ଅଗ୍ରୱାଲ ଚିଲିକା: କେନ୍ଦ୍ର ସରକାର ସ୍ୱାସ୍ଥ୍ୟ କ୍ଷେତ୍ରକୁ ଗୁରୁତ୍ୱ ଦେଉଥିବା ବେଳେ ନାଗରିକମାନଙ୍କ ପାଇଁ ଏକାଧିକ ଯୋଜନା ମଧ୍ୟ ଲାଗୁ କରିଛନ୍ତି। ଏହି ପରିପ୍ରେକ୍ଷୀରେ ଆସନ୍ତା ୨୦ ତାରିଖ ଦିନ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକରେ ଅନୁଷ୍ଠିତ ହେବାକୁ ଯାଉଅଛି ଆୟୁଷ୍ମାନ ଭାରତ ଯୋଜନା ଅନ୍ତର୍ଗତ ‘ହେଲଥ ମେଳା’। ଏହି ପରିପ୍ରେକ୍ଷୀରେ ଆଜି ଏକ ପ୍ରସ୍ତୁତି ବୈଠକ ଚିଲିକା ବିଡ଼ିଓଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ବିଡ଼ିଓ ଡ଼ା ସୁଷମା ବାରିକ ଓ ଚିଲିକା ବ୍ଲକ ଅଧ୍ୟକ୍ଷା ଜ୍ୟୋତ୍ସ୍ନା ବେହେରାଙ୍କ ଅଧ୍ୟକ୍ଷତାରେ ଉକ୍ତ ବୈଠକ ଅନୁଷ୍ଠିତ ହୋଇଥିଲା। ଆସନ୍ତା ବୁଧବାର ଦିନ ବଡ଼କୁଳ ସ୍ଥିତ ଚିଲିକା ସରକାରୀ ଉଚ୍ଚ ବିଦ୍ୟାଳୟ ପରିସରରେ ଉକ୍ତ ହେଲଥ ମେଳା ଅନୁଷ୍ଠିତ ହେବ ବୋଲି ବୈଠକରେ ସ୍ଥିର ହୋଇଛି। ଖୋର୍ଦ୍ଧା ମୁଖ୍ୟ ଚିକିତ୍ସାଳୟରୁ ମେଡ଼ିସିନ, ସର୍ଜରୀ, ଗାଇନିକ, ପେଡିଆଟ୍ରିକ, ଚର୍ମ, ଆଖି, କ୍ଲିନିକାଲ ସାଇକୋଲୋଜି, ଡେଣ୍ଟିଷ୍ଟ ଆଦି ପ୍ରମୁଖକୁ ମିଶାଇ ସମୁଦାୟ ୧୦ ଜଣ ବିଶେଷଜ୍ଞ…
ପ୍ରତାପ ଦାସ ସାଧାରଣ ନିର୍ବାଚନ କୁ ବାକି ଅଛି ଦୁଇ ବର୍ଷ। ଏବେଠୁ ଆରମ୍ଭ ହେଲାଣି ବାଦ ବିବାଦ। ଦଶ ଜଣ କେନ୍ଦ୍ର ମନ୍ତ୍ରୀଙ୍କ ଆକାଂକ୍ଷା ଜିଲ୍ଳା ଗ୍ରସ୍ତକୁ ନେଇ ବିଜେପି ଓ ବିଜେଡ଼ି ମଧ୍ୟରେ ଲାଗିଛି ତୁ ତୁ ମେ ମେ। ସାଧାରଣ ନିର୍ବାଚନରେ ବିଜେପି କିଭଳି ଭାବେ ଲଢ଼ିବ ତାହା ଏବେବି ଅସ୍ପଷ୍ଟ। ଗତ ପୌର ଓ ପଞ୍ଚାୟତ ନିର୍ବାଚନ ଭଳି ହାଲୁକା ଭାବେ ଲଢ଼ିବ ନା ପୁରା ଦମରେ ଲଢ଼ିବ, ତାକୁ ନେଇ ଦଳ ମଧ୍ୟରେ କୌଣସି ସ୍ପଷ୍ଟ ଚିତ୍ର ନାହିଁ। ତେଵେ ସାଧାରଣ ନିର୍ବାଚନ ପୁର୍ବରୁ ବିଜେପି ପାଇଁ ଗୁରୁତ୍ବପୂର୍ଣ୍ଣ ପ୍ରସଙ୍ଗ ହେଉଛି ରାଷ୍ଟ୍ରପତି ନିର୍ବାଚନ। ଏହି ନିର୍ବାଚନ ପାଇଁ ବିଜେଡ଼ି ଉପରେ ବିଜେପି ପୂର୍ଣ୍ଣ ନିର୍ଭର,ଏହି ନିର୍ବାଚନକୁ ନେଇ ଆରମ୍ଭ ହୋଇଛି ଆଲୋଚନା। ରାଷ୍ଟ୍ରପତି ନିର୍ବାଚନ ପୁର୍ବରୁ ୪ଟି ରାଜ୍ୟସଭା ଆସନ ପାଇଁ ମଧ୍ୟ ନିର୍ବାଚନ ହେବ। ଏ ନେଇ ମଧ୍ୟ ଚାଲିଛି ଅଙ୍କ…
ଜୀବନ ଶୈଳୀ: ଗ୍ରୀଷ୍ମର ସୁସ୍ଥ ପନିପରିବାରେ ମଧ୍ୟରେ କଲରା ଅନ୍ତର୍ଭୁକ୍ତ। ଏହାର ପିତା ଗୁଣ ମଧୁମେହକୁ ନିୟନ୍ତ୍ରଣ କରିବାରେ ସାହାଯ୍ୟ କରେ। ଯଦି ଆପଣ ରୋଗରୁ ଦୂରେଇ ରହିବାକୁ ଚାହାଁନ୍ତି, ତେବେ ନିଶ୍ଚିତ ଭାବରେ ଆପଣଙ୍କ ଖାଦ୍ୟରେ କଲରା ଅନ୍ତର୍ଭୁକ୍ତ କରନ୍ତୁ। କିନ୍ତୁ କିଛି ଲୋକ କଲରା ପିତା ହେତୁ ଏହାକୁ ଖାଆନ୍ତି ନାହିଁ। ବିଶେଷକରି ପିଲାମାନେ କଲରା ଖାଇବାକୁ ଆଦୌ ପସନ୍ଦ କରନ୍ତି ନାହିଁ। ତେଣୁ ବର୍ତ୍ତମାନ ଆପଣଙ୍କୁ ଚିନ୍ତା କରିବାକୁ ପଡିବ ନାହିଁ। ଆଜି ଆମେ ଆପଣଙ୍କୁ କଲରାର ପିତାକୁ ଦୂର କରିବା ପାଇଁ କିଛି ଟିପ୍ସ କହୁଛୁ। ସେଗୁଡିକୁ ଅନୁସରଣ କରିବା ପରେ, କଲରା ଆଦୌ ପିତା ଅନୁଭବ କରିବେ ନାହିଁ। ୧- ଏହାର ଚୋପାକୁ ଭଲଭାବେ ଚାଞ୍ଛି ଦିଅନ୍ତୁ: ସର୍ବପ୍ରଥମେ କଲରାକୁ ଭଲଭାବେ ଚାଞ୍ଚି ଦିଅନ୍ତୁ। କଲରାରୁ ପିତା ଦୂର କରିବା ପାଇଁ ଏହା ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଉପାୟ। କଲରାର ପୁରା ଚୋପାକୁ ବାହାର…
ଜୀବନଶୈଳୀ: ଗ୍ରୀଷ୍ମ ଋତୁରେ ଅଧିକ ବିଦ୍ୟୁତ୍ ବିଲ୍ ଆସିଥାଏ। କାରଣ ଘରକୁ ଥଣ୍ଡା ରଖିବା ପାଇଁ ଆମେ ଦିନସାରା ପଙ୍ଖା, କୁଲର୍, ଏବଂ ଏସି ବ୍ୟବହାର କରୁ। କିନ୍ତୁ, ଆପଣ କିଛି ସହଜ ଉପାୟ ବିଷୟରେ ଜାଣିଛନ୍ତି, ଯାହା ଦ୍ଵାରା ଆପଣ ଏୟାର କଣ୍ଡିସନର ଏବଂ କୁଲର ବିନା ଉତ୍ତାପରୁ ଆରାମ ପାଇପାରିବେ। ତେବେ ଆସନ୍ତୁ ସେହି ଉପାୟ ବିଷୟରେ ଜାଣିବା, ଯାହା ଆପଣଙ୍କ ବିଦ୍ୟୁତ୍ ବିଲ୍ ର ଭାରକୁ ଟିକେ ହ୍ରାସ କରିବ। ରୁମକୁ ଥଣ୍ଡା ରଖିବା ପାଇଁ ୪ ଟି ଉପାୟ: ୧- ବେଡସିଟ୍ ପରିବର୍ତ୍ତନ କରନ୍ତୁ: ପ୍ରାୟତଃ ଲୋକମାନେ ଗାଢ ରଙ୍ଗର କିମ୍ବା ରଙ୍ଗୀନ ସିଟ୍ ବ୍ୟବହାର କରନ୍ତି। ଯାହା ଦ୍ଵାରା ବେଡସିଟ୍ ଗୁଡିକ ଶୀଘ୍ର ମଇଳା ହୋଇନଥାଏ। ଯଦିଓ ଏହା ଶୀତ ଋତୁ ପାଇଁ ଠିକ। କିନ୍ତୁ ଗ୍ରୀଷ୍ମ ଋତୁରେ ଧଳା ସୂତା ବେଡସିଟ୍ ବ୍ୟବହାର କରାଯିବା ଉଚିତ। ଯାହା ଫଳରେ ଘର ଥଣ୍ଡା ରହିବ।…
ନୂଆଦିଲ୍ଲୀ: ଲକ୍ଷ୍ମୀପୁର ଖେରୀ ମାମଲାରେ ଅଭିଯୁକ୍ତ ଆଶିଷ ମିଶ୍ରଙ୍କ ଜାମିନକୁ ସୁପ୍ରିମକୋର୍ଟ ବାତିଲ କରିଛନ୍ତି। ଏକ ସପ୍ତାହ ମଧ୍ୟରେ ଆତ୍ମସମର୍ପଣ କରିବାକୁ କୋର୍ଟ କହିଛନ୍ତି। କୋର୍ଟର ଏହି ନିଷ୍ପତ୍ତି ଉପରେ କୃଷକ ନେତା ରାକେଶ ଟିକାଏତ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ ସୁପ୍ରିମକୋର୍ଟଙ୍କ ନିଷ୍ପତ୍ତି ସମ୍ପୂର୍ଣ୍ଣ ଠିକ୍। ବର୍ତ୍ତମାନ ଆମେ ଆଗାମୀ ରୂପରେଖ ପ୍ରସ୍ତୁତ କରିବୁ ବୋଲି ରାକେଶ ଟିକାଏତ କହିଛନ୍ତି। ରାକେଶ ଟିକାଏତ କହିଛନ୍ତି ଯେ, ଆଶା ରଖିଛୁ କି ସୁପ୍ରିମକୋର୍ଟ ପୀଡିତ ପକ୍ଷର କଥା ଶୁଣିବେ। ଏହା ସହ ସରକାର ପୀଡିତ ପକ୍ଷଙ୍କ ସହ ଛିଡା ହେବେ ବୋଲି ଆଶା କରାଯାଉଛି। ଆମେ ୨୪-୨୫ ଏପ୍ରିଲରେ ଲକ୍ଷ୍ମୀପୁର ଖେରୀକୁ ଯାଉଛୁ। ସେଠାରେ ଆମେ ଓକିଲ ଏବଂ ପୀଡିତ ପରିବାର ସହିତ କଥା ହେବୁ। ପୀଡିତ ପରିବାରକୁ ଭେଟିବା ପରେ ଆମେ ଆହୁରି ରୋଡ୍ ମ୍ୟାପ୍ କରିବୁ। ଆମେ ମଧ୍ୟ ସରକାରଙ୍କ ସହ କଥା ହେବୁ ବୋଲି କୃଷକ…
ମୁମ୍ବାଇ: ରବିବାର ଦିନ ଆଇପିଏଲରେ ଦୁଇଟିମ୍ୟାଚ୍ ଖେଳାଯାଇଥିଲା। ପ୍ରଥମ ମ୍ୟାଚ୍ ସନରାଇଜର୍ସ ହାଇଦ୍ରାବାଦ (SRH) ଏବଂ ପଞ୍ଜାବ କିଙ୍ଗସ୍ (PBKS) ମଧ୍ୟରେ ହୋଇଥିଲା। ଏଥିରେ ହାଇଦ୍ରାବାଦ ପଞ୍ଜାବକୁ ୭ ୱିକେଟରେ ପରାସ୍ତ କରି ବିଜୟର ଗତି ବଜାୟ ରଖିଛି। ଦ୍ୱିତୀୟ ମ୍ୟାଚ୍ ଗୁଜୁରାଟ ଟାଇଟାନ୍ସ (ଜିଟି) ଏବଂ ଚେନ୍ନାଇ ସୁପର କିଙ୍ଗ୍ସ (CSK) ମଧ୍ୟରେ ଖେଳାଯାଇଥିଲା। ଏଥିରେ ଗୁଜୁରାଟ ଚେନ୍ନାଇକୁ ୩ ୱିକେଟରେ ପରାସ୍ତ କରିଛି। ଏହି ଦୁଇଟି ମ୍ୟାଚ୍ ର ଫଳାଫଳ ହେତୁ, ଆଇପିଏଲ୍ ର ପଏଣ୍ଟ ଟେବୁଲରେ ବଡ଼ ପରିବର୍ତ୍ତନ ଆସିଛି। ଯେଉଁଠାରେ ଗୁଜୁରାଟର ଦଳ ଶୀର୍ଷରେ ଅଛି, ସେଠାରେ ଅନେକ ଦଳର ସ୍ଥାନ ବଦଳି ଯାଇଛି। ଆଇପିଏଲ ପଏଣ୍ଟ ଟେବୁଲର ସର୍ବଶେଷ ସ୍ଥିତି ବିଷୟରେ ଆସନ୍ତୁ ଜାଣିବା… .ନଂ ଦଳ ମ୍ୟାଚ ବିଜୟ ପରାଜୟ ନେଟ ରନ ରେଟ ପଏଣ୍ଟସ୍ ୧ ଗୁଜୁରାଟ ୬ ୫ ୧ ୦.୩୯୫ ୧୦ ୨ ଲକ୍ଷ୍ନୌ ୬ ୪ ୨…
ଭୁବନେଶ୍ୱର: ପୁଣିଥରେ ଓଡ଼ିଶା ଡ୍ରାଇଭର ମହାସଂଘ ଆନ୍ଦୋଳନକୁ ଓହ୍ଳାଇଛି। ୧୦ ଦଫା ଦାବି ପୂରଣ ନେଇ ଡ୍ରାଇଭର ମହାସଂଘ ଆନ୍ଦୋଳନକୁ ଓହ୍ଳାଇଛି। ସୁରକ୍ଷା, ସମ୍ମାନ ଓ ବୀମା ଦାବିରେ ଭୁବନେଶ୍ୱର ମାଷ୍ଟର କ୍ୟାଣ୍ଟିନ ଛକରେ ହଜାର ହଜାର ଗାଡି ଚାଳକ ଏକାଠି ହୋଇଛନ୍ତି। ୩୦ ଜିଲ୍ଲାର ପ୍ରାୟ ୧୦ ହଜାରରୁ ଉର୍ଦ୍ଧ୍ଵ ଗାଡି ଚାଳକମାନେ ରାଜଧାନୀରେ ଆନ୍ଦୋଳନ କରୁଛନ୍ତି। ଉଲ୍ଲେଖ ଯୋଗ୍ୟ ଯେ, ଗତ କିଛି ମାସ ପୂର୍ବେ ୧୦ ଦଫା ଦାବି ନେଇ ଡ୍ରାଇଭର ମହାସଂଘ ଭୁବନେଶ୍ୱରରେ ପଦଯାତ୍ରା କରିଥିଲା। ପଞ୍ଚାୟତ ନିର୍ବାଚନ ପରେ ସେମାନଙ୍କ ଦାବି ଉପରେ ବିଚାର କରାଯିବ ବୋଲି ସରକାରଙ୍କ ପକ୍ଷରୁ ଆଶ୍ଵାସନା ଦିଆଯାଇଥିଲା। କିନ୍ତୁ ନିର୍ବାଚନ ପରେ ସେମାନଙ୍କର ଦାବି ଉପରେ ସରକାର କୌଣସି ବିଚାର ନକରିବାରୁ ଆଜି ମହାସଂଘ ପକ୍ଷରୁ ବିଶାଳ ସମାବେଶ କରାଯାଉଛି। ଯାହାଫଳରେ ରାଜମହଲ ଛକ ଠାରୁ ରାମମନ୍ଦିର ଛକ, ରାମ ମନ୍ଦିର ଛକ ଠାରୁ ହାଉସିଂ ବୋର୍ଡ ଛକ…
ନୂଆଦିଲ୍ଲୀ: ଲକ୍ଷ୍ମୀପୁର ଖେରୀ ଅଭିଯୁକ୍ତ ଆଶିଷ ମିଶ୍ରଙ୍କ ଜାମିନକୁ ଖାରଜ କରାଯାଇଛି। ଏହା ସହ ୧ ସପ୍ତାହ ମଧ୍ୟରେ ଆତ୍ମସମର୍ପଣ କରିବାକୁ ସୁପ୍ରିମକୋର୍ଟ କହିଛନ୍ତି। କୋର୍ଟ କହିଛନ୍ତି ଯେ, ହାଇକୋର୍ଟ ପୀଡିତ ପକ୍ଷଙ୍କୁ ଶୁଣିନାହାନ୍ତି। ତାଙ୍କୁ ଶୀଘ୍ର ଜାମିନ ପ୍ରଦାନ କରାଯାଇଥିଲା। ହାଇକୋର୍ଟ ଏହି ମାମଲାର ଶୁଣାଣି କରିବେ। ପ୍ରଧାନ ବିଚାରପତି ଏନ.ଭି ରାମନା, ଜଷ୍ଟିସ ସୂର୍ଯ୍ୟ କାନ୍ତ ଏବଂ ଜଷ୍ଟିସ ହିମା କୋହଲିଙ୍କ ଏକ ବେଞ୍ଚ ଦ୍ୱାରା ଆଜି ଏହି ନିଷ୍ପତ୍ତି ଘୋଷଣା କରାଯାଇଛି। ଉଲ୍ଲେଖ ଯୋଗ୍ୟ ଯେ, ଫେବୃଆରୀ ୧୦ ତାରିଖରେ ଆହ୍ଲାବାଦ ହାଇକୋର୍ଟର ଗୋଟିଏ ବେଞ୍ଚ ଆଶିଷ ମିଶ୍ରଙ୍କୁ ଜାମିନ ପ୍ରଦାନ କରିଛନ୍ତି। ଏହାପୂର୍ବରୁ ସେ ଚାରିମାସ ଜେଲରେ ଥିଲେ।
ନୂଆଦିଲ୍ଲୀ: ଦେଶରେ ପୁଣି ଥରେ କରୋନା ବୃଦ୍ଧି ପାଉଛି। ଗତ ୨୪ ଘଣ୍ଟା ମଧ୍ୟରେ ଭାରତରେ ୨୧୮୩ ଟି ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ଏବଂ ୨୧୪ ଜଣଙ୍କର ମୃତ୍ୟୁ ହୋଇଛି। ଗତ ୨୪ ଘଣ୍ଟା ମଧ୍ୟରେ ୧୯୮୫ ରୋଗୀ ମଧ୍ୟ ଆରୋଗ୍ୟ ଲାଭ କରିଛନ୍ତି। ଏପର୍ଯ୍ୟନ୍ତ ଦେଶରେ ୪, ୨୫, ୧୦, ୭୭୩ ଲୋକ କରୋନାକୁ ପରାସ୍ତ କରିଛନ୍ତି। ଦେଶରେ ୧୧ ହଜାର ୫୪୨ ଟି ସକ୍ରିୟ ମାମଲା ରହିଛି। ଏହାପୂର୍ବରୁ ରବିବାର ଦିନ ଭାରତରେ କୋଭିଡର ୧,୧୫୦ ଟି ନୂଆ ମାମଲା ରିପୋର୍ଟ ହୋଇଥିଲା। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟରେ ଏହି ସୂଚନା ଦିଆଯାଇଛି। ଉଲ୍ଲେଖନୀୟ ବିଷୟ ହେଉଛି ଅଗଷ୍ଟ ୭ ତାରିଖ ୨୦୨୦ରେ ଦେଶରେ ସଂକ୍ରମିତ ଲୋକଙ୍କ ସଂଖ୍ୟା ୨୦ ଲକ୍ଷରୁ ଅଧିକ, ଅଗଷ୍ଟ ୨୩ ତାରିଖ ୨୦୨୦ରେ ୩୦ ଲକ୍ଷ ଏବଂ ସେପ୍ଟେମ୍ବର ୫ ତାରିଖ ୨୦୨୦ରେ ୪୦ ଲକ୍ଷରୁ ଅଧିକ…
ନୂଆଦିଲ୍ଲୀ: ପ୍ରଖ୍ୟାତ ସଂଗୀତଜ୍ଞ ପ୍ରଫୁଲ କରଙ୍କ ବିୟୋଗଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକ ପ୍ରକାଶ କରିଛନ୍ତି। ସେ ଓଡିଆରେ ଟୁଇଟି କରି ଏହି ଶୋକ ପ୍ରକାଶ କରିଛନ୍ତି। ସେ କହିଛନ୍ତି ଯେ, “ଶ୍ରୀଯୁକ୍ତ ପ୍ରଫୁଲ୍ଲ କରଙ୍କ ଦେହାନ୍ତ ଖବର ଶୁଣି ମର୍ମାହତ । ଓଡ଼ିଆ ସଂଗୀତ ଓ ସଂସ୍କୃତି ପାଇଁ ତାଙ୍କର ଅନନ୍ୟ ଯୋଗଦାନ ତାଙ୍କୁ ସ୍ମରଣୀୟ କରି ରଖିବ । ଶ୍ରୀଯୁକ୍ତ କର ଅନେକ ପ୍ରତିଭାର ଅଧିକାରୀ ଏବଂ ତାଙ୍କର ସୃଜନଶୀଳତା କାର୍ଯ୍ୟରେ ପ୍ରତିଫଳିତ ହୁଏ । ପରିବାର ଏବଂ ପ୍ରଶଂସକଙ୍କୁ ସମବେଦନା ଜଣାଉଛି । ଓଁ ଶାନ୍ତି ।”
ଭୁବନେଶ୍ୱର: ଯଶସ୍ବୀ ସଙ୍ଗୀତଜ୍ଞ ପ୍ରଫୁଲ୍ଲ କରଙ୍କ ବିୟୋଗ ରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟନାୟକ ଗଭୀର ଶୋକ ପ୍ରକାଶ କରିଛନ୍ତି। ଏକ ଶୋକବାର୍ତ୍ତା ରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ସ୍ବର୍ଗତ କରଙ୍କୁ ଜଣେ ଯଶସ୍ବୀ କଳାକାର ଭାବରେ ବର୍ଣନା କରିଛନ୍ତି। ଜଣେ ଗୀତିକାର ସଂଗୀତଜ୍ଞ ତଥା ସଂଗୀତ ନିର୍ଦେଶକ ଭାବରେ ସେ ଅନେକ ଗୌରବଜ୍ବଳ କୀର୍ତ୍ତି ସ୍ଥାପନ କରିଯାଇଛନ୍ତି। ତାଙ୍କ ବିୟୋଗ ଓଡ଼ିଆ ସଙ୍ଗୀତ ଜଗତରେ ଏକ ଯୁଗର ଅବସାନ ଘଟାଇଛି। ତାଙ୍କର ସ୍ୱତନ୍ତ୍ର ସଙ୍ଗୀତ ରଚନା ଶୈଳୀ ଓ ନିର୍ଦ୍ଦେଶନା ଲୋକଙ୍କ ହୃଦୟରେ ତାଙ୍କୁ ସର୍ବଦା ଅମର କରି ରଖିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଏକ ଟୁଇଟ ମାଧ୍ୟମରେ ମଧ୍ୟ ମୁଖ୍ୟମନ୍ତ୍ରୀ କହିଛନ୍ତି ଯେ, “ବିଶିଷ୍ଟ ସଙ୍ଗୀତଜ୍ଞ ପ୍ରଫୁଲ୍ଲ କରଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ତାଙ୍କ ବିୟୋଗ ଓଡ଼ିଆ ସଙ୍ଗୀତ ଜଗତରେ ଏକ ଯୁଗର ଅବସାନ ଘଟାଇଛି। ତାଙ୍କର ସ୍ୱତନ୍ତ୍ର ସଙ୍ଗୀତ ରଚନା ଶୈଳୀ ଲୋକଙ୍କ ହୃଦୟରେ…
ଭୁବନେଶ୍ବର: ଓଡିଆ ସଂଗାତ ଜଗତର ପ୍ରଖ୍ୟାତ ସଂଗୀତଜ୍ଞ ପ୍ରଫୁଲ କର ଆଉ ନାହାଁନ୍ତି। ଗତକାଲି ରାତିରେ ତାଙ୍କର ଦେହାନ୍ତ ହୋଇଯାଇଛି। ସେ ଗତକାଲି ସ୍ବାଭାବିକ ଭାବେ ରାତ୍ରୀ ଭୋଜନ କରି ବିଶ୍ରାମ କରିଥିଲେ। ହେଲେ ରାତିରେ ସେ ହଠାତ ଅସୁସ୍ଥ ହୋଇପଡିଲେ। ତାଙ୍କର ଅକ୍ସିଜେନ ଲେବୁଲ ହ୍ରାସ ପାଇଥିଲା। ଆଉ ସେତିକି ବେଳେ ସେ ଦେହତ୍ୟାଗ କରିଥିଲେ ବୋଲି ତାଙ୍କ ପରିବାର ତରଫରୁ କୁହାଯାଇଛି। ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ଭୟସ ହୋଇଥିଲା। ତାଙ୍କର ପରଲୋକ ଭୁବନେଶ୍ବରର ସତ୍ୟନଗରରେ ଥିବା ବାସ ଭବନରେ ହୋଇଥିଲା। ମୃତ୍ୟୁ ବେଳକୁ ତାଙ୍କର ଧର୍ମପତ୍ନୀ ମନୋରମା କର, ଦୁଇ ପୁଅ ମହାଦୀପ ଏବଂ ମହାପ୍ରସାଦ ଉପସ୍ଥିତ ଥିଲେ। ଆଜି ପୁରୀର ସ୍ବର୍ଗଦ୍ବାରରେ ତାଙ୍କର ଶେଷକୃତ୍ୟ ସଂପର୍ଣ୍ଣ ହେବ। ୧୯୩୯ ଫେବ୍ରୁଆରୀ ୧୬ ତାରିଖରେ ପୁରୀରେ ଜନ୍ମଗ୍ରହଣ କରିଥିଲେ ପ୍ରଫୁଲ କର। ତାଙ୍କର ପରଲୋକ ଖବର ପ୍ରଚାର ହେବା ପରେ ବହୁ ଲୋକ ତାଙ୍କର ବାସଭବନରେ…