Author: Samikhsya Bureau

ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଆଇଏମ୍‌ଏସ୍ ଆଣ୍ଡ ସମ୍  ହସ୍ପିଟାଲ୍‌ରେ ଶୁକ୍ରବାର ବିଶ୍ୱ କର୍କଟ ଦିବସ ପାଳିତ ହୋଇଯାଇଛି। ହସ୍ପିଟାଲ୍‌ର କର୍କଟ ବିଭାଗ ପକ୍ଷରୁ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ କର୍କଟ ରୋଗକୁ ନେଇ ସଚେତନତା, ପରୀକ୍ଷଣ ଓ ଚିକିତ୍ସା ସମ୍ପର୍କରେ ଉପସ୍ଥିତ ଥିବା ରୋଗୀମାନଙ୍କୁ ଡାକ୍ତରମାନେ ଅବଗତ କରାଇଥିଲେ। କାର୍ଯ୍ୟକ୍ରମରେ ଆଇଏମ୍‌ଏସ୍ ଆଣ୍ଡ ସମ୍ ହସ୍ପିଟାଲର ମେଡିକାଲ୍ ସୁପରିଟେଣ୍ଡେଂଟ ପ୍ରଫେସର (ଡ଼) ପୁଷ୍ପରାଜ ସାମନ୍ତସିଂହାର ଯୋଗ ଦେଇ ସମ୍ ହସ୍ପିଟାଲ୍‌ରେ କ୍ୟାନ୍ସର ରୋଗର ସମସ୍ତ ପ୍ରକାର ଚିକିତ୍ସା ଉପଲବ୍ଧ ବୋଲି କହିଥିଲେ। ପ୍ରାରମ୍ଭିକ ସ୍ତରରୁ ରୋଗର ଚିହ୍ନଟ ଏବଂ ଚିକିତ୍ସା ଦ୍ୱାରା ୬୦ ପ୍ରତିଶତ କ୍ୟାନ୍ସର ରୋଗୀ ସୁସ୍ଥ ହୋଇପାରିବେ ବୋଲି ଏହି ଅବସରରେ ସୂଚନା ଦେଇଥିଲେ ସର୍ଜିକାଲ୍ ଅଙ୍କୋଲୋଜି ବିଭାଗ ଆସୋସିଏଟ୍ ପ୍ରଫେସର ଡାକ୍ତର ସଂଗ୍ରାମ କେଶରୀ ପଣ୍ଡା। ଚଳିତ ବର୍ଷ ବିଶ୍ୱ କର୍କଟ ଦିବସର ଥିମ୍ “କ୍ଲୋଜ ଦ କେୟାର ଗ୍ୟାପ୍‌”, ଅର୍ଥାତ୍ ଯତ୍ନର…

ଭୁବନେଶ୍ଵର: କରୋନା ସଂକ୍ରମଣ ହ୍ରାସ ପାଉଥିବାରୁ ରାଜ୍ୟ ସରକାର ସ୍କୁଲ ଖୋଲିବା ନେଇ ଘୋଷଣା କରିଛନ୍ତି। ଆସନ୍ତା ୭ ତାରିଖରୁ ଅଷ୍ଟମ ଶ୍ରେଣୀରୁ ପିଲାମାନଙ୍କ ସ୍କୁଲ ଖୋଲିବାକୁ ରାଜ୍ୟ ସରକାର ଘୋଷଣା କରିଛନ୍ତି। ସେହିଭଳି ଆସନ୍ତା ୧୪ ତାରିଖରୁ ମଧ୍ୟ ପ୍ରଥମରୁ ସପ୍ତମ ଶ୍ରେଣୀ ପିଲାଙ୍କ ସ୍କୁଲ ଖୋଲିବାକୁ ସରକାର ନିଷ୍ପତ୍ତି ନେଇଛନ୍ତି। ତେବେ କେଉଁ ଶ୍ରେଣୀ ପିଲାଙ୍କ ପାଇଁ କେତେବେଳେ ସ୍କୁଲ ଖୋଲିବ, ତାହା ମଧ୍ୟ ରାଜ୍ୟ ସରକାର ଘୋଷଣା କରିଛନ୍ତି। ପ୍ରଥମରୁ ଅଷ୍ଟମ ଶ୍ରେଣୀ ପିଲାଙ୍କ ପାଇଁ ସକାଳ ୧୦ ଟାରୁ ଦିନ ୧ ଟା ପର୍ଯ୍ୟନ୍ତ ପାଠ ପଢା ଚାଲିବ। ସେହିଭଳି ଦଶମରୁ ଦ୍ଵାଦଶ ଶ୍ରେଣୀ ପିଲାଙ୍କ ପାଠ ପଢା ସକାଳ ୧୦ ଟା ରୁ ଅପରାହ୍ନ ୪ ଟା ଯାଏଁ ଚାଲିବ। ପୂର୍ବଭଳି ମଧ୍ୟାହ୍ନ ଭୋଜନକୁ ବନ୍ଦ ରଖାଯାଇ ଶୁଖିଲା ରାସନ ଯୋଗାଣ ଜାରି ରଖିବାକୁ ନିଷ୍ପତ୍ତି ହୋଇଛି।

ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ)ର ପ୍ରତିଷ୍ଠାତା ସଭାପତି ପ୍ରଫେସର (ଡଃ.) ମନୋଜରଞ୍ଜନ ନାୟକଙ୍କୁ ଏଠାରେ ଗୁରୁବାର ସୌଜନ୍ୟ ମୂଳକ ସାକ୍ଷାତ କରିଛନ୍ତି ନ୍ୟାସନାଲ କାଉନସିଲ ଫର ସିମେଂଟ ଆଣ୍ଡ ବିଲ୍ଡିଂ ମ୍ୟାଟେରିଆଲ୍ସର ଡାଇରେକ୍ଟର ଜେନେରାଲ ଡକ୍ଟର ବିବେକାନନ୍ଦ ମହାପାତ୍ର। ସାକ୍ଷାତ ସମୟରେ ଦୁଇ ଅନୁଷ୍ଠାନ ମଧ୍ୟରେ ଗବେଷଣା, ପ୍ରଶିକ୍ଷଣ ଓ କୌଶଳ ବିକାଶକୁ ନେଇ ସହଭାଗିତା ଏବଂ ଛାତ୍ରଛାତ୍ରୀ, ଶିକ୍ଷକ ଏବଂ ବୈଜ୍ଞାନିକଙ୍କ ଆଦାନପ୍ରଦାନ ନେଇ ଆଲୋଚନା ହୋଇଥିଲା। ଏହି ଆଲୋଚନା ସମୟରେ ସୋଆର ରେଜିଷ୍ଟ୍ରାର ପ୍ରଫେସର ବିଭୂତି ଭୂଷଣ ପ୍ରଧାନ, ଇନଷ୍ଟିଚ୍ୟୁଟ ଅଫ ଟେକ୍ନିକାଲ ଏଜୁକେସନ ଆଣ୍ଡ ରିସର୍ଚ୍ଚର ବିଭିନ୍ନ ବିଭାଗର ମୁଖ୍ୟ ଏବଂ ସୋଆର ବରିଷ୍ଠ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।

ଜୀବନଶୈଳୀ: ପିଲାମାନେ ରୋଷେଇ ଘରେ ରୋଷେଇ କାମ କରିବାକୁ ଭଲ ପାଆନ୍ତି। ସେମାନେ ରୋଷେଇ ଘରେ କାମ କରିବାକୁ ବହୁତ ଉତ୍ସାହିତ ଥିବା ଦେଖଯାନ୍ତି। ରୋଷେଇ ଘରେ ପିଲାମାନେ ପ୍ରାୟତଃ ରୋଷେଇ କାମ କରିବାକୁ ଜିଦ୍ କରନ୍ତି। କିନ୍ତୁ ସେମାନଙ୍କୁ ମନା କରାଯାଏ। ଯାହାଫଳରେ ସେମାନଙ୍କ ମୁଡ ଖରାପ ହୋଇଯାଏ। କିନ୍ତୁ ପିଲାମାନେ ରୋଷେଇ ଘରେ ଥିବା ଅନେକ ଜିନିଷରୁ ବିପଦରେ ଅଛନ୍ତି। ଏଭଳି ପରିସ୍ଥିତିରେ ସେମାନଙ୍କୁ ସୁରକ୍ଷା ଟିପ୍ସ ବିଷୟରେ କହିବା ଜରୁରୀ। ତେବେ ଆସନ୍ତୁ ଜାଣିବା ରୋଷେଇ ଘରେ ରୋଷେଇ କରିବା ସମୟରେ କେଉଁ ଜିନିଷ ପ୍ରତି ଯତ୍ନ ନେବା ଉଚିତ୍। ପରିଷ୍କାର ପରିଚ୍ଛନ୍ନତା: ରୋଷେଇ ଘରେ, ସର୍ବପ୍ରଥମେ, ଏହା ମନେ ରଖିବା ଉଚିତ ଯେ, ହାତ ଧୋଇ ନପାରି ରୋଷେଇ ଘରେ ରଖାଯାଇଥିବା ଜିନିଷକୁ ସ୍ପର୍ଶ କରନ୍ତୁ ନାହିଁ। କାରଣ ବାହାରୁ ଆମ ଅଜାଣତରେ ଜୀବାଣୁ ମଧ୍ୟ ଆମ ସହିତ ଆସନ୍ତି। ଯଦି ରୋଷେଇ ଖାଦ୍ୟରେ ଜୀବାଣୁ…

ସ୍ୱାସ୍ଥ୍ୟ ଟିପ୍ସ: କରୋନାର ବିପଦକୁ ଏଡାଇବା ପାଇଁ, ବର୍ତ୍ତମାନ ଆମକୁ ମାସ୍କ ପିନ୍ଧିବା ଏବଂ ସାମାଜିକ ଦୂରତା ଅନୁସରଣ କରିବା ଆବଶ୍ୟକ। ଏଥିରୁ ରକ୍ଷା କରିବା ପାଇଁ ବଡ ବିଶେଷଜ୍ଞମାନେ ମାସ୍କ ପିନ୍ଧିବାକୁ ପରାମର୍ଶ ଦିଅନ୍ତି। କିନ୍ତୁ ଏଥିପାଇଁ କେଉଁ ମାସ୍କ ଆପଣଙ୍କ ପାଇଁ ଅଧିକ ସୁରକ୍ଷିତ ତାହା ଜାଣିବା ମଧ୍ୟ ଜରୁରୀ ଅଟେ। ତେବେ ଆସନ୍ତୁ ଆଜି ଆପଣଙ୍କୁ କହିବା ଯେ ଆପଣ କେଉଁ ପ୍ରକାରର ମାସ୍କ ବ୍ୟବହାର କରିବା ଉଚିତ୍। ବିଶେଷଜ୍ଞଙ୍କ ଅନୁଯାୟୀ, କରୋନା ଠାରୁ ରକ୍ଷା କରିବା ପାଇଁ ଆପଣଙ୍କୁ N95 ମାସ୍କ ବ୍ୟବହାର କରିବା ଉଚିତ, କିନ୍ତୁ ଏହା ସହିତ ଆପଣ ପ୍ରକୃତ N95 ବ୍ୟବହାର କରୁଛନ୍ତି କି ନାହିଁ ତାହା ମଧ୍ୟ ମନେ ରଖିବାକୁ ହେବ। ଦେଖାଯାଉଛି ଯେ ନକଲି ମାସ୍କଗୁଡ଼ିକ ବଜାରରେ N95 ନାମରେ ବିକ୍ରି ହେଉଛି। ଏପରି ପରିସ୍ଥିତିରେ ପ୍ରକୃତ ମାସ୍କର ପରିଚୟ ଜାଣିବା ଉଚିତ୍। ମୂଳ N95 ମାସ୍କକୁ କିପରି…

ନୂଆଦିଲ୍ଲୀ: ହାଇଦ୍ରାବାଦରୁ ଲୋକସଭା ସାଂସଦ ଅସଦୁଦ୍ଦିନ ଓୱାଇସିଙ୍କ ଉପରେ ଆକ୍ରମଣ ପରେ କେନ୍ଦ୍ର ସରକାର ତାଙ୍କ ସୁରକ୍ଷାକୁ ବୃଦ୍ଧି କରିଛି। ସୂତ୍ର ଅନୁଯାୟୀ ସାଂସଦ ଅସଦୁଦ୍ଦିନ ଓୱାଇସିଙ୍କ ସୁରକ୍ଷା ସମୀକ୍ଷା ଭାରତ ସରକାର କରିଛନ୍ତି ଏବଂ ତାଙ୍କୁ ତୁରନ୍ତ ସିଆରପିଏଫ ର Z ବର୍ଗର ସୁରକ୍ଷା ଦେଇଛନ୍ତି। ଗୁରୁବାର ସନ୍ଧ୍ୟାରେ ଗାଜିଆବାଦର ପିଲଖୁଆ ନିକଟରେ ସାଂସଦଙ୍କୁ ଆକ୍ରମଣ କରାଯାଇଥିଲା। ସାଂସଦଙ୍କ ଉପରେ ଆକ୍ରମଣ ପରେ ଶୁକ୍ରବାର, ଏଡିଜି (ଆଇନ ବ୍ୟବସ୍ଥା) ପ୍ରଶାନ୍ତ କୁମାର କହିଛନ୍ତି ଯେ, ବିସ୍ତୃତ ପଚରାଉଚରା ଏବଂ ସିସିଟିଭି ଫୁଟେଜରେ ଏହି ଘଟଣାରେ ଦୁଇଜଣଙ୍କର ସମ୍ପୃକ୍ତି ରହିଛି। ଉଭୟଙ୍କୁ କିଛି ଘଣ୍ଟା ମଧ୍ୟରେ ପୋଲିସ ଗିରଫ କରିଥିଲା, ଘଟଣାରେ ବ୍ୟବହୃତ ଅସ୍ତ୍ରଶସ୍ତ୍ର ଏବଂ ଏକ କାର ଜବତ କରାଯାଇଛି। ଅନୁସନ୍ଧାନ ଅନୁଯାୟୀ, ଏକ ନିର୍ଦ୍ଦିଷ୍ଟ ଧର୍ମ ପ୍ରତି ସାଂସଦଙ୍କ ଭାଷଣଶୈଳୀରେ ଏହି ଯୁବକମାନେ ଆହତ ହୋଇଥିଲେ ବୋଲି ଏଡିଜି କହିଛନ୍ତି। ଏହି କାରଣରୁ ସେମାନେ ଏହି ଆକ୍ରମଣ କରିଥିବା…

ସୀତାରାମ ଅଗ୍ରୱାଲ ଖୋର୍ଦ୍ଧା/ଚିଲିକା: ଖୋର୍ଦ୍ଧା ଜିଲ୍ଲାର ନୂତନ ଭାରପ୍ରାପ୍ତ ଆରକ୍ଷୀ ଅଧିକ୍ଷକ ଭାବେ ବରିଷ୍ଠ ଓପିଏସ ଅଧିକାରୀ ଅଲେଖ ଚନ୍ଦ୍ର ପହି ଆଜି କାର୍ଯ୍ୟରେ ଯୋଗଦେଇଛନ୍ତି। ଶ୍ରୀ ପହି ଏହା ପୂର୍ବରୁ କଟକ ଜିଲ୍ଲାରେ ଅତିରିକ୍ତ ଏସପି ଭାବେ କାର୍ଯ୍ୟରତ ଥିଲେ। ନିକଟରେ ପୂର୍ବତନ ଏସପି ରାଜକିଶୋର ଦୋରା ଅବସର ଗ୍ରହଣ କରିବା ପରେ ଜିଲ୍ଲା ପୋଲିସ ମୁଖିଆ ପଦବୀ ଖାଲି ପଡିଥିଲା। ତେବେ ପଞ୍ଚାୟତ ନିର୍ବାଚନ ତାରିଖ ନିକଟ ଥିବାରୁ ଜିଲ୍ଲାରେ ଆଇନ ଶୃଙ୍ଖଳାର ସୁପରିଚାଳନା ନିମନ୍ତେ ନିର୍ବାଚନ କମିଶନରଙ୍କ ଅନୁମତି କ୍ରମେ ରାଜ୍ୟ ସରକାର ଶ୍ରୀ ପହିଙ୍କୁ ଖୋର୍ଦ୍ଧା ଜିଲ୍ଲାର ନୂତନ ଭାରପ୍ରାପ୍ତ ଆରକ୍ଷୀ ଅଧିକ୍ଷକ ଭାବେ ଅବସ୍ଥାପିତ କରିଛନ୍ତି। ତେବେ ଖୋର୍ଦ୍ଧା ଜିଲ୍ଲା ବିଶେଷକରି ଚିଲିକା ପାଇଁ କଣ ପ୍ରାଥମିକତା ରହିବ ବୋଲି ଆମ ପ୍ରତିନିଧି ପଚାରିବାରୁ ଜିଲ୍ଲାରେ ନିର୍ବାଚନ କିପରି ସୁରୁଖୁରୁରେ ଅନୁଷ୍ଠିତ ହେବ ତାହା ପ୍ରଥମ ପ୍ରାଥମିକତା ରହିବ ବୋଲି ଭାରପ୍ରାପ୍ତ ଏସପି ଶ୍ରୀ…

ନୂଆଦିଲ୍ଲୀ: ପଞ୍ଜାବ ବିଧାନସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି କ୍ୟାପଟେନ ଅମରିନ୍ଦର ସିଂଙ୍କ ପଞ୍ଜାବ ଲୋକ କଂଗ୍ରେସ ସହ ହାତ ମିଳାଇଛି। ବିଜେପି ମିଳିତ ମେଣ୍ଟର ଚେହେରା କିଏ ହେବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। କିନ୍ତୁ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ମିଳିତ ମେଣ୍ଟ ମୁଖ ହେବେ ନାହିଁ ବୋଲି ବିଜେପି କହିଛି। କ୍ୟାପଟେନ ଅମରିନ୍ଦର ସିଂଙ୍କ ନେତୃତ୍ୱରେ ପଞ୍ଜାବ ବିଧାନସଭା ନିର୍ବାଚନରେ ​​ବିଜେପି ପ୍ରତିଦ୍ୱନ୍ଦ୍ୱିତା କରୁଛି ବୋଲି କଳ୍ପନାଜଳ୍ପନା କରାଯାଇଥିଲା। କିନ୍ତୁ ବିଜେପି ନେତା ମନଜିନ୍ଦର ସିଂ ସିର୍ସା ଦାବି କରିଛନ୍ତି ଯେ, ଅମରିନ୍ଦର ସିଂ ମିଳିତ ମେଣ୍ଟର ମୁଖ୍ୟ ନୁହଁନ୍ତି। ମଞ୍ଜନ୍ଦର ସିଂ କହିଛନ୍ତି ଯେ, ଯଦି ରାଜ୍ୟରେ ବିଜେପି ମିଳିତ ସରକାର ଗଠନ ହୁଏ ତେବେ କ୍ୟାପଟେନ ଅମରିନ୍ଦର ସିଂ ମୁଖ୍ୟମନ୍ତ୍ରୀ ହେବେ ନାହିଁ। ମୁଖ୍ୟମନ୍ତ୍ରୀ ପ୍ରାର୍ଥୀ ସହ ଜଡିତ ଏକ ପ୍ରଶ୍ନର ଉତ୍ତରରେ ମଞ୍ଜନ୍ଦର ସିଂ କହିଛନ୍ତି ଯେ, ଯଦି…

ଭୁବନେଶ୍ବର: ଦୁଇ ସରକାରୀ କର୍ମଚାରୀଙ୍କୁ ମାଡ ମାରିବା ଘଟଣାରେ କେନ୍ଦ୍ରମନ୍ତ୍ରୀ ବିଶେଶ୍ଵର ଟୁଡୁ ଆଜି ହାଇକୋର୍ଟର ଦ୍ଵାରସ୍ଥ ହୋଇଛନ୍ତି। ଆଗୁଆ ଜାମିନ ପାଇଁ କେନ୍ଦ୍ର ଆଦିବାସୀ ବ୍ୟାପାର ଓ ଜଳଶକ୍ତି ମନ୍ତ୍ରୀ ହାଇକୋର୍ଟର ଦ୍ଵାରସ୍ଥ ହୋଇଛନ୍ତି। ଉଲ୍ଲେଖ ଯୋଗ୍ୟ ଯେ, ୨ ଜଣ ସରକାରୀ ଅଧିକାରୀଙ୍କୁ କେନ୍ଦ୍ର ମନ୍ତ୍ରୀ ବିଶ୍ଵେଶ୍ଵର ଟୁଡୁ ମାଡ ମାରିଥିବା ଅଭିଯୋଗ ହୋଇଥିଲା। ୨ ଜଣ ଅଧିକାରୀଙ୍କୁ ଅଫିସ ଡାକି ମାଡ ମାରିଥିବା ଅଭିଯୋଗ ହୋଇଥିଲା। ଉଭୟ ଅଧିକାରୀଙ୍କୁ ଚେୟାରରେ ପିଟିବାରୁ ଜଣଙ୍କର ହାତ ଭାଙ୍ଗିଥିବା ବେଳେ ଅନ୍ୟ ଜଣେ ଆହତ ହୋଇଥିବା ଭଳି ସଙ୍ଗୀନ ଅଭିଯୋଗ ହୋଇଥିଲା। ତେବେ ଉଭୟଙ୍କୁ ଆହତ ଅବସ୍ଥାରେ ବାରିପଦା ମେଡିକାଲରେ ଭର୍ତ୍ତି କରାଯାଇଥିଲା। ଜିଲ୍ଲା ଯୋଜନା ବିଭାଗ ଡେପୁଟି ଡ଼ିରେକ୍ଟର ଅଶ୍ଵିନୀ ମଲିକ ଏବଂ ଆସିଷ୍ଟାଣ୍ଡ ଡ଼ିରେକ୍ଟର ଦେବାଶିଷ ମହାପାତ୍ର ଏନେଇ ଅଭିଯୋଗ କରିଥିଲେ। ଏହି ଘଟଣାକୁ ନେଇ ଉଭୟ ଅଧିକାରୀ ଥାନାର ଦ୍ଵାରସ୍ଥ ହୋଇଥିଲେ।

ଭୁବନେଶ୍ବର: ଆମ ଟିଭି ମ୍ୟୁଜିକ୍ ର “ଜହ୍ନ ଗୋଟେ ମିଠା ବିସ୍କୁଟ” ସୁଟିଂ ଚାଲିଛି। ଶିରିଡି ସାଇ ବାବା ମୁଭିଜ୍ ନିବେଦିତ ଆମ ଟିଭି ମ୍ୟୁଜିକ ପ୍ରଯୋଜିତ ନୂଆ ଓଡ଼ିଆ ମ୍ୟୁଜିକ ଭିଡିଓ “ଜହ୍ନ ଗୋଟେ ମିଠା ବିସ୍କୁଟ” ଭୁବନେଶ୍ୱର ସ୍ଥିତ ଗିଫ୍ଟ ଇଞ୍ଜିନିୟରିଂ କଲେଜ ପରିସରରେ ସୁଟିଂ ଚାଲିଛି। ମ୍ୟୁଜିକ ଭିଡିଓ ଟି ଆମଟିଭି ମ୍ୟୁଜିକ ୟୁଟୁବ୍ ଚ୍ୟାନେଲରେ ଫେବୃଆରୀ ୧୪ ଭାଲେଣ୍ଟିନ୍ ଡେ ଅବସରରେ ମୁକ୍ତିଲାଭ କରିବ। ପ୍ରେମ ଆଉ ପ୍ରତାରଣାର ଏକ ନିଛକ କାହାଣୀକୁ ନେଇ ମ୍ୟୁଜିକ ଭିଡିଓ ର କାହାଣୀ ଟି ଗତିଶୀଳ। “ଜହ୍ନ ଗୋଟେ ମିଠା ବିସ୍କୁଟ” ର ଗୀତ ରଚନା କରିଛନ୍ତି ଚିର ସବୁଜ ଗୀତିକାର ଦେବଦାସ ଛୋଟରାୟ, କଣ୍ଠଦାନ କରିଛନ୍ତି ସୁସ୍ମିତା ଦାସ ଓ ସଂଗୀତ ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ଓମ୍ ପ୍ରକାଶ ମହାନ୍ତି। ଅଭିନୟରେ ଅଛନ୍ତି ଅନେକ ସୁପରହିଟ୍ ମ୍ୟୁଜିକ ଭିଡିଓ ଓ ଚଳଚ୍ଚିତ୍ର ରେ ଅଭିନୟ କରିଥିବା ଅଭିନେତା…

ନୂଆଦିଲ୍ଲୀ: ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଫେବୃଆରୀ ୬ ତାରିଖରୁ ଆରମ୍ଭ ହେଉଛି। ଏହାର ଦୁଇ ଦିନ ପୂର୍ବରୁ ଟିମ୍ ଇଣ୍ଡିଆର ଦଳରେ ଆଉ ଏକ ନାମ ଯୋଡିବାର ରିପୋର୍ଟ ସାମ୍ନାକୁ ଆସିଛି। ଏଥିରେ ମୁମ୍ବାଇ ଇଣ୍ଡିଆନ୍ସର ବିସ୍ଫୋରକ ଓପନର୍ ଇଶାନ୍ କିଶାନଙ୍କର ନାମ ସାମ୍ନାକୁ ଆସିଛି। ତେବେ ଏପର୍ଯ୍ୟନ୍ତ କୌଣସି ଅଫିସିଆଲ୍ ବିବୃତ୍ତି ମିଳିନାହିଁ। ଏକ ମିଡିଆ ରିପୋର୍ଟରେ କୁହାଯାଇଛି ଯେ, ଟିମ୍ ଇଣ୍ଡିଆର ଓପନର୍ ଶିଖର ଧାୱନ ଏବଂ ରିତୁରାଜ ଗାଏକ୍ଵାଡ ବର୍ତ୍ତମାନ କରୋନା ସଂକ୍ରମିତ ଅଛନ୍ତି। ପ୍ରଥମ ଦିନିକିଆ ପାଇଁ କେ.ଏଲ୍ ରାହୁଲ ମଧ୍ୟ ଉପଲବ୍ଧ ହେବେ ନାହିଁ। ଏଭଳି ପରିସ୍ଥିତିରେ ଇଶାନ କିଶାନଙ୍କୁ ଦଳରେ ଯୋଡିବାକୁ ବିସିସିଆଇ ନିଷ୍ପତ୍ତି ନେଇଛି। ସେ ଅଧିନାୟକ ରୋହିତ ଶର୍ମାଙ୍କ ସହ ଭାରତୀୟ ଇନିଂସ ଖୋଲିଥିବାର ନଜର ଆସିବେ। ୱେଷ୍ଟଇଣ୍ଡିଜ୍ ବିପକ୍ଷରେ ଇଶାନ୍ କିଶାନ୍ ଦିନିକିଆ ଦଳରୁ ବାଦ ପଡିଥିଲେ ମଧ୍ୟ ତାଙ୍କୁ…

ନୂଆଦିଲ୍ଲୀ: ଗତକାଲି ଦେଶରେ ୧ ଲକ୍ଷ ୭୨ ହଜାର ୪୩୩ ନୂଆ ମାମଲା ଚିହ୍ନଟ ହୋଇଥିବା ବେଳେ ଆଜି ୧ ଲକ୍ଷ ୪୯ ହଜାର ୩୯୪ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିଭଳି ଗତକାଲି ୧୦୦୮ ଜଣଙ୍କ ପ୍ରାଣହାନୀ ଘଟିଥିବା ବେଳେ ଆଜି ଆଉ ୧୦୭୨ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି। ତେବେ ଏହି ସମୟ ମଧ୍ୟରେ ୨ ଲକ୍ଷ ୪୬ ହଜାର ୬୭୪ ଜଣ ଲୋକ କରୋନାରୁ ଆରୋଗ୍ୟ ଲାଭ କରିଛନ୍ତି। ଏହି ନୂତନ ମାମଲା ଚିହ୍ନଟ ପରେ ଦେଶରେ କରୋନା ସଂକ୍ରମିତ ସମୁଦାୟ ମାମଲା ୪ କୋଟି ୧୯ ଲକ୍ଷ ୫୨ ହଜାର ୭୧୨ କୁ ବୃଦ୍ଧି ପାଇଛି। ବର୍ତ୍ତମାନ ପର୍ଯ୍ୟନ୍ତ ୫ ଲକ୍ଷ ୫୫ ଲୋକ ଏହି ମହାମାରୀ ଯୋଗୁଁ ପ୍ରାଣ ହରାଇଛନ୍ତି। ତେବେ ଏପର୍ଯ୍ୟନ୍ତ ୪ କୋଟି ୧୭ ହଜାର ୮୮ ଜଣ ଲୋକ ଆରୋଗ୍ୟ ଲାଭ କରିଛନ୍ତି। ସକ୍ରିୟ ଆକ୍ରାନ୍ତଙ୍କ ସଂଖ୍ୟା ବର୍ତ୍ତମାନ ୧୪…

ନୂଆଦିଲ୍ଲୀ: NEET PG ପରୀକ୍ଷାକୁ ନେଇ ସରକାର ଏକ ବଡ ଘୋଷଣା କରିଛନ୍ତି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, NEET PG 2022 ର ପରୀକ୍ଷା ସ୍ଥଗିତ ରଖାଯାଇଛି। ପରୀକ୍ଷାକୁ 6 ରୁ 8 ସପ୍ତାହ ସ୍ଥଗିତ ରଖାଯାଇଥିବା କୁହାଯାଇଛି। ଏହି ପରୀକ୍ଷା ମାର୍ଚ୍ଚ 12 ତାରିଖରେ ଅନୁଷ୍ଠିତ ହେବାର ଥିଲା। ଆଜି NEET PG ପରୀକ୍ଷା ସମ୍ବନ୍ଧରେ ସୁପ୍ରିମକୋର୍ଟରେ ଶୁଣାଣି ହେବ। ଅନେକ ଛାତ୍ର ସୁପ୍ରିମକୋର୍ଟରେ ଏକ ଆବେଦନ କରିଥିଲେ ଯେ, ବର୍ତ୍ତମାନ ପର୍ଯ୍ୟନ୍ତ NEET ପରୀକ୍ଷାକୁ ସ୍ଥଗିତ ରଖାଯାଉ। ଜଷ୍ଟିସ୍ ଡି.ଇ ଚନ୍ଦ୍ରଚୁଡ ଏବଂ ଜଷ୍ଟିସ୍ ସୂର୍ଯ୍ୟ କାନ୍ତଙ୍କ ଏକ ବେଞ୍ଚ ଏହି ଆବେଦନର ଶୁଣାଣି କରିବାର ଥିଲା। ଆବେଦନକାରୀମାନେ ସେମାନଙ୍କ ଆବେଦନରେ ମେଡିକାଲ ଇଣ୍ଟର୍ନସିପ ବିଷୟରେ ଉଲ୍ଲେଖ କରିଥିଲେ। ଅନେକ ଛାତ୍ର ସେମାନଙ୍କ ଇଣ୍ଟର୍ନସିପ୍ ସମାପ୍ତ କରିନାହାଁନ୍ତି। ସେମାନେ କହିଛନ୍ତି ଯେ, ସମସ୍ତ ସିଟ୍ ଏକାସାଙ୍ଗରେ ଦୁଇଟି ବ୍ୟାଚକୁ କିପରି ଯୋଗାଇ ଦିଆଯାଇପାରିବ। ସେଥିପାଇଁ…

ଭୁବନେଶ୍ବର:  ଗତକାଲି ରାଜ୍ୟରେ ୩ ହଜାର ୬୨୯ ଜଣ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ୨ ହଜାର ୬୯୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୦-୧୮ ବର୍ଷର ୪୩୫ ଜଣ ଅଛନ୍ତି। ସେହିପରି ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୧ ହଜାର ୫୬୮ ଜଣ ଏବଂ ସ୍ଥାନୀୟ ସଂକ୍ରମିତ ୧ ହଜାର ୧୨୯  ଜଣ ଅଛନ୍ତି। ତେବେ ବିଭିନ୍ନ ଜିଲ୍ଲାର ଯେଉଁ ସ୍ଥିତି ରହିଛି ତାହା ହେଲା… ଅନୁଗୁଳ ଜିଲ୍ଲାରୁ- ୫୫ ବାଲେଶ୍ଵର ଜିଲ୍ଲାରୁ- ୭୩ ବରଗଡ ଜିଲ୍ଲାରୁ- ୫୩ ଭଦ୍ରକ ଜିଲ୍ଲାରୁ- ୪୮ ବଲାଙ୍ଗୀରି ଜିଲ୍ଲାରୁ- ୯୮ ବୌଦ୍ଧ ଜିଲ୍ଲାରୁ- ୪୮ କଟକ ଜିଲ୍ଲାରୁ – ୧୩୮ ଦେବଗଡ ଜିଲ୍ଲାରୁ- ୩୯ ଢେଙ୍କାନାଳ ଜିଲ୍ଲାରୁ- ୪୦ ଗଜପତି ଜିଲ୍ଲାରୁ- ୫୯ ଗଞ୍ଜାମ ଜିଲ୍ଲାରୁ- ୧୬ ଜଗତସିଂହପୁର ଜିଲ୍ଲାରୁ- ୬୭ ଯାଜପୁର ଜିଲ୍ଲାରୁ- ୧୨୭ ଝାରସୁଗୁଡା ଜିଲ୍ଲାରୁ- ୩୬ କଳାହାଣ୍ଡି ଜିଲ୍ଲାରୁ- ୯୫ କନ୍ଧମାଳ…

ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ପ୍ରାକ ନିର୍ବାଚନୀ ହିଂସା ଦେଖିବାକୁ ମିଳିଛି। ଏକ ନିର୍ଦ୍ଦିଷ୍ଟ ଦଳକୁ ଭୋଟ ଦେବାପାଇଁ କିଛି ବ୍ୟକ୍ତି ଜଣେ ପରିବାରକୁ ଧମକାଇବା ଏବଂ ଏଥିରେ ରାଜି ନହେବାରୁ ପରବର୍ତ୍ତୀ ସମୟରେ ପରିବାର ସଦସ୍ୟଙ୍କୁ ମରଣାନ୍ତକ ଆକ୍ରମଣ କରିଥିବାର ଅଭିଯୋଗ ହୋଇଛି। ଅଭିଯୋଗ ମୁତାବକ ଗତକାଲି ରାତିରେ ରାଣୀପଡ଼ା ଗ୍ରାମର ମମତା ତରେଇଙ୍କ ଘରେ କିଛି ବ୍ୟକ୍ତିମାନେ ଯାଇ ତାଙ୍କ ପରିବାର ଥାନାରେ ଦେଇଥିବା ପୁରୁଣା ମାମଲାକୁ ପ୍ରତ୍ୟାହାର କରିବା ପାଇଁ କହିଥିଲେ ଏବଂ ଏଥିପାଇଁ ଯାହା ପଇସା ସେମାନେ କହିବେ ତାଙ୍କୁ ଦିଆଯିବ ବୋଲି କହିଥିଲେ। ଅନୁରୂପ ଭାବେ ତାଙ୍କୁ ଏବଂ ତାଙ୍କ ପରିବାର ସଦସ୍ୟଙ୍କୁ ଏକ ନିର୍ଦ୍ଦିଷ୍ଟ ଦଳକୁ ଆଗାମୀ ପଞ୍ଚାୟତ ନିର୍ବାଚନରେ ଭୋଟ ଦେବା ପାଇଁ ବାଧ୍ୟ କରିଥିଲେ। ଏବଂ ଯଦି ସେମାନେ ଏପରି ନକରିବେ ତେବେ ତାଙ୍କ ଅବସ୍ଥା ଖରାପ କରିଦେବେ ଏବଂ ଜୀବନରେ ତାଙ୍କ ପରିବାରକୁ…

ନୂଆଦିଲ୍ଲୀ: ପଞ୍ଚାଙ୍ଗ ଅନୁଯାୟୀ, ଫେବୃଆରୀ ୫ ତାରିଖ ୨୦୨୨, ଶନିବାର ହେଉଛି ମାଘ ଶୁକ୍ଲର ପଞ୍ଚମୀ ତିଥି ଅଟେ। ଏହି ତିଥିକୁ ବସନ୍ତ ପଞ୍ଚମୀ କୁହାଯାଏ। ବସନ୍ତ ପଞ୍ଚମୀର ପର୍ବ ଦେବୀ ସରସ୍ୱତୀଙ୍କ ଉଦ୍ଦେଶ୍ୟରେ ଉତ୍ସର୍ଗୀକୃତ। ଏହି ଦିନ ମାତା ସରସ୍ୱତୀଙ୍କୁ ବିଶେଷ ପୂଜା କରାଯାଏ। ବସନ୍ତ ପଞ୍ଚମୀ ଜ୍ଞାନ ଏବଂ ଶିକ୍ଷା ସହିତ ଜଡିତ। ମା ସରସ୍ୱତୀଙ୍କୁ ହିନ୍ଦୁ ଧର୍ମରେ ଜ୍ଞାନର ଦେବୀ ଭାବରେ ବିବେଚନା କରାଯାଏ। ଚଳିତ ବର୍ଷ ବସନ୍ତ ପଞ୍ଚମୀ ଶନିବାର ଦିନ। ପଞ୍ଚାଙ୍ଗ ଅନୁଯାୟୀ, ଏହି ଦିନ ଅନେକ ଶୁଭ ସଂଯୋଗ ମଧ୍ୟ ଘଟିବାକୁ ଯାଉଛି। ହଳଦିଆ ରଙ୍ଗର ବସନ୍ତ ପଞ୍ଚମୀ ଉପରେ ବିଶେଷ ମହତ୍ତ୍ଵ ଅଛି। ଏହି ଦିନ ହଳଦିଆ ରଙ୍ଗର ପୋଷାକ ପିନ୍ଧିବାର ଏକ ପରମ୍ପରା ମଧ୍ୟ ଅଛି। ମା ସରସ୍ୱତୀଙ୍କୁ ବସନ୍ତ ପଞ୍ଚମୀରେ ହଳଦିଆ ଫୁଲରେ ପୂଜା କରାଯାଏ। ମା’ଙ୍କୁ ହଳଦିଆ ପୋଷାକ ସମର୍ପଣ କରାଯାଏ। ଏହି ଦିନ ବସନ୍ତ ଋତୁ…

ଚାଣକ୍ୟ ନୀତି: ଚାଣକ୍ୟ ନୀତି ଅନୁଯାୟୀ, ଜଣେ ସର୍ବଦା ଭଲ କାର୍ଯ୍ୟ କରିବା ଉଚିତ। ଯେଉଁମାନେ ଶ୍ରେଷ୍ଠ କାମ କରନ୍ତି ନାହିଁ, ସେମାନେ ଜୀବନରେ ସଫଳତା ପାଆନ୍ତି ନାହିଁ। ଏପରି ଲୋକଙ୍କ ଜୀବନରେ ଶାନ୍ତି ନାହିଁ। ସବୁବେଳେ କିଛି ଭୟ ଏବଂ ଅସୁବିଧା ଘେରି ରହିଥାଏ। ଚାଣକ୍ୟଙ୍କ ଅନୁଯାୟୀ, ଯଦି ଆପଣ ଜୀବନରେ ଶାନ୍ତି ଚାହୁଁଛନ୍ତି, ତେବେ ଏହି ଜିନିଷଗୁଡ଼ିକ ଠାରୁ ଦୂରେଇ ରହିବା ଉଚିତ୍। ଦେଖେଇହେବା: ଯେଉଁମାନେ ସର୍ବଦା ଅନ୍ୟମାନଙ୍କୁ ଦେଖାଇବାରେ ବ୍ୟସ୍ତ, ସେମାନଙ୍କ ଜୀବନରେ ଶାନ୍ତି ନାହିଁ। ଏପରି ଲୋକମାନେ ଏକ ପ୍ରତିଯୋଗିତାରେ ସର୍ବଦା ବ୍ୟସ୍ତ ହୁଅନ୍ତି ଯାହାର କୌଣସି ଗୁରୁତ୍ୱ ନାହିଁ। ଯିଏ ଛଳନା କରେ ସେ ମିଥ୍ୟା ଏବଂ ଭୁଲ କାର୍ଯ୍ୟରେ ଲିପ୍ତ ରହେ। ଯାହା ପରେ ତାଙ୍କ ପାଇଁ ଅସୁବିଧା ସୃଷ୍ଟି କରେ। କ୍ରୋଧ: କ୍ରୋଧ ହେଉଛି ମଣିଷର ସବୁଠାରୁ ବଡ ଶତ୍ରୁ। କ୍ରୋଧିତ ବ୍ୟକ୍ତି କଦାପି ସମ୍ମାନ ପାଏ ନାହିଁ। ଅନ୍ୟ ଲୋକମାନେ…

ମେଷ:- କୈଣସି ନୂତନ କାର୍ଯ୍ୟ ଆରମ୍ଭ କରିବା ପାଇଁ ସକାଳ ସମୟ ଅନୁକୂଳ ହେବ। ଆଜି ସରକାରୀ ସୁବିଧା ହେବାର ସମ୍ଭାବନା ଅଛି। ବ୍ୟବସାୟ ଏବଂ ବ୍ୟବସାୟିକ ଲାଭ ହେବ। ବୃତ୍ତିଗତମାନଙ୍କର ଉଚ୍ଚ ଅଧିକାରୀମାନେ ସେମାନଙ୍କ ଉପରେ ସନ୍ତୁଷ୍ଟ ହେବେ। ଚିନ୍ତାଧାରାରେ ଶୀଘ୍ର ପରିବର୍ତ୍ତନ ଆସିବ। କିନ୍ତୁ ମଧ୍ୟାହ୍ନ ପରେ ମନର ଶକ୍ତି ଖାଲି ହୋଇଯିବ ଏବଂ ମନ ଚିନ୍ତାରେ ହଜିଯିବ। ମାନସିକ ସ୍ତରରେ ଆରାମଦାୟକ। ତରଳ ପଦାର୍ଥଠାରୁ ଦୂରରେ ରୁହନ୍ତୁ। ବୃଷ:- ଆଜି ଆପଣଙ୍କ ପାଇଁ ଏକ ମଧ୍ୟମ ଫଳପ୍ରଦ ଦିନ। ଆଜି ବନ୍ଧୁ ଏବଂ ପ୍ରିୟଜନଙ୍କ ସହ ସାକ୍ଷାତ ଆନନ୍ଦଦାୟକ ହେବ। ଆପଣ ଟଙ୍କା ସମ୍ବନ୍ଧୀୟ ଯୋଜନା ପ୍ରସ୍ତୁତ କରିବାରେ ଦିନର ଅଧିକାଂଶ ସମୟ ଅତିବାହିତ କରିବେ । କ୍ରୋଧର ପରିମାଣ ମଧ୍ୟ ବଢିପାରେ। ପରିବାର ଏବଂ ସହକର୍ମୀମାନଙ୍କ ସହିତ ଅଧିକ ବିତର୍କ କରନ୍ତୁ ନାହିଁ। ଆଧ୍ୟାତ୍ମିକତା ଆପଣଙ୍କୁ ଶାନ୍ତି ଦେବ। ମିଥୁନ:- ଆର୍ଥିକ ଦୃଷ୍ଟିକୋଣରୁ ଆଜିର ଦିନଟି…

ଭୁବନେଶ୍ୱର: ଗତ ଫେବୃୟାରୀ ୧ ତାରିଖ ଦିନ ଦେଶର ଅର୍ଥମନ୍ତ୍ରୀ କେନ୍ଦ୍ରୀୟ ବଜେଟ ୨୦୨୨-୨୩ ସଂସଦରେ ଆଗତ କରିଛନ୍ତି। ଏହି ବଜେଟ ଦେଶର ପ୍ରାୟ ୩୫କୋଟି ଦଳିତ ଆଦିବାସୀଙ୍କ ପାଇଁ ନୈରାଶ୍ୟଜନକ ଓ ଏହି ବର୍ଗ ପାଇଁ ଉଦ୍ଦିଷ୍ଟ ବିକାଶ ନୀତିର ପରିପନ୍ଥୀ ଏବଂ ସେଥିପାଇଁ ରାଜନୈତିକ ଇଚ୍ଛାଶକ୍ତିର ଅଭାବ ବୋଲି ରାଜ୍ୟର ଅଗ୍ରଣୀ ଗଣସଂଗଠନ ଆମ୍ବେଦକର ଲୋହିଆ ବିଚାରମଞ୍ଚ ପକ୍ଷରୁ କୁହାଯାଇଛି। ସଂସଦରେ ଆଲୋଚନା କାଳରେ ଏଥିରେ ଯଥାଯଥ ସଂଶୋଧନ କରିବାକୁ ୯ ଦଫା ପ୍ରସ୍ତାବ ସଂଗଠନ ପକ୍ଷରୁ ପ୍ରଦାନ କରାଯାଇଛି। ଆଜି ପୂର୍ବାହ୍ନରେ ଭୁବନେଶ୍ୱରସ୍ଥ ବୁଦ୍ଧମନ୍ଦିରଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ‘ଏନ୍‌ସିଡ଼ିଏଚ୍‌ଆର ଓ ଦଳିତ ଆର୍ଥିକ ଅଧିକାର ଆନ୍ଦୋଳନ’ ପକ୍ଷରୁ କରାଯାଇଥିବା ‘ଦଳିତ ଆଦିବାସୀ ବଜେଟ ବିଶ୍ଲେଷଣ ରିପୋର୍ଟ-୨୦୨୨’କୁ ଲୋକାର୍ପଣ କରାଯାଇ ଚଳିତବର୍ଷ ବଜେଟରେ ରହିଥିବା ଅସଙ୍ଗତିଗୁଡ଼ିକ ସମ୍ପର୍କରେ ଉପସ୍ଥାପନ କରାଯାଇଥିଲା। ପ୍ରାଥମିକ ସ୍ତରରେ ମୋଟ ସରକାରୀ ଖର୍ଚ୍ଚ ୩୯.୪୪ ଲକ୍ଷ କୋଟି ଟଙ୍କା ଦର୍ଶାଯାଇଥିଲା ବେଳେ ବିଭିନ୍ନ…

ଭୁବନେଶ୍ୱର: ଓଡ଼ିଶାର ପୁରପଲ୍ଲୀରେ ଦୀର୍ଘ ୭୦ ବର୍ଷ ଧରି ବୈଦିକ ଧର୍ମ, ବେଦ ଓ ଆର୍ଯ୍ୟସମାଜର ତପୋନିଷ୍ଠ ପରିବ୍ରାଜକ ସ୍ୱାମୀ ପ୍ରଣବାନନ୍ଦ ସରସ୍ୱତୀଙ୍କ ବିୟୋଗରେ ଆଜି ଆର୍ଯ୍ୟସମାଜ ଓଡ଼ିଶା ପକ୍ଷରୁ ଏକ ଶାନ୍ତି ଯଜ୍ଞ ଓ ଆଭାସୀ ଶ୍ରଦ୍ଧାଞ୍ଜଳି ସଭା ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ରଙ୍କ ପୌରହିତ୍ୟରେ ଅନୁଷ୍ଠିତ ହୋଇଯାଇଛି। ପଣ୍ଡିତ ବିନୋଦ ବିହାରୀ ଦାସଙ୍କ ଦ୍ୱାରା ଶାନ୍ତିଯଜ୍ଞ ପରେ, ଶୋକ ପ୍ରସ୍ତାବ ଆଗତ କରି ବରିଷ୍ଠ ବୈଦିକ ବିଦ୍ୱାନ ପଣ୍ଡିତ ବୀରେନ୍ଦ୍ର କୁମାର ପଣ୍ଡା କହିଲେ ଯେ, ଅନୁଗୁଳ ଜିଲ୍ଲାର ଏକ ପଲ୍ଲୀଗ୍ରାମରୁ ଆସି ସ୍ୱାମିଜୀ ତାଙ୍କ ଜୀବନକାଳ ମଧ୍ୟରେ ଅନ୍ୟୁନ ଏକ ହଜାର ପରିବାରକୁ ଆର୍ଯ୍ୟସମାଜ ମନ୍ତ୍ରରେ କେବଳ ଦିକ୍ଷିତ କରିନାହାଁନ୍ତି, ସମାଜ ସଂସ୍କାର ପାଇଁ ମୂଳଦୁଆ ପକାଇ ଯାଇଛନ୍ତି। ସାଧାରଣ ଗ୍ରାମୀଣ ଜନତାକୁ ବୈଦିକ ବିଚାରକୁ ବୁଝାଇବାର ଏକ ଅଭିନବ କୌଶଳ ପରମାତ୍ମା ତାଙ୍କୁ ଦେଇଥିଲେ। ନିଗମ କଳ୍ପତରୁ ଆଶ୍ରମର ସନ୍ଥ ସ୍ୱାମୀ ବ୍ରହ୍ମାନନ୍ଦ ସରସ୍ୱତୀ ସ୍ୱାମିଜୀଙ୍କୁ ଜଣେ…

ଭୁବନେଶ୍ୱର: କେନ୍ଦ୍ରୀୟ ବଜେଟ ଏପରି ସମୟରେ ଆଗତ କରାଯାଇଛି ଯେତେବେଳେ ଦେଶର ସଂଖ୍ୟାଗରିଷ୍ଠ ମଣିଷ ରୋଜଗାର ହରେଇଛନ୍ତି। ଜୀବନ ଓ ଜୀବିକା ବଞ୍ଚାଇବା ପାଇଁ ଛଟପଟ ହେବା ସହିତ ନିତିଦିନିଆ ନ୍ୟୁନତମ ଆବଶ୍ୟକତା ମେଣ୍ଟାଇବା ପାଇଁ ଡ଼ହଳବିକଳ ହେଉଛନ୍ତି। ଦେଶରେ ୯୯% ଲୋକଙ୍କର ଆୟ କମିଛି। ଏପରି ସ୍ଥିତିରେ ଯେକୌଣସି ସରକାରଙ୍କ ପ୍ରାଥମିକତା ହେଉଛି ରୋଜଗାରର ନ୍ୟୁନତମ ନିଶ୍ଚୟତା। ଲୋକଙ୍କ ହାତକୁ ଆବଶ୍ୟକତା ମେଣ୍ଟାଇବା ପାଇଁ ଅର୍ଥ କିପରି ଆସିବ ତାର ବନ୍ଦୋବସ୍ତ କରିବା। ସରକାର ଏହି ବଜେଟରେ ଏହାର ବ୍ୟବସ୍ଥା କରିବା ତ ଦୂରର କଥା, ବର୍ଷକୁ ୨ କୋଟି ରୋଜଗାର ଯୋଗାଇ ଦେବା ପାଇଁ ଦେଇଥିବା ନିଜ ପ୍ରତିଶ୍ରୁତିରୁ ମଧ୍ୟ ଓହରି ଯାଇଛନ୍ତି। ଏପରିକି ଗ୍ରାମାଞ୍ଚଳରେ ୧୦୦ ଦିନିଆ ରୋଜଗାର ଯୋଜନାର ଅର୍ଥ ବରାଦ ମଧ୍ୟ ୧୪ ପ୍ରତିଶତ କମ୍ କରିଦିଆଯାଇଛି। ବର୍ତ୍ତମାନ ଦେଶରେ ୨୦କୋଟି ଲୋକ ଭୋକିଲା ରହିଥିବା ବେଳେ ସରକାର ଖାଦ୍ୟ ଉପରେ ରିହାତିକୁ ୧୬…