ଭୁବନେଶ୍ବର: ଆସନ୍ତାକାଲି ରାଜ୍ୟ କ୍ୟାବିନେଟ ବୈଠକ ବସିବ। ଏ ନେଇ ଆଜି ସଂଧ୍ୟାରେ ସମସ୍ତଙ୍କ ମନ୍ତ୍ରୀଙ୍କୁ ସୂଚନା ପ୍ରଦାନ କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଏହି ବୈଠକ ବସିବ। ଦିନ 11ଟା 30ରେ ଏହି ବୈଠକ ବସିବ ବୋଲି ସ୍ଥିର ହୋଇଛି। ଏହି ବୈଠକରେ ପ୍ରାୟ 10ଟି ପ୍ରସଂଗରେ ନିଷ୍ପତି ନିଆଯିବ ବୋଲି ଜଣାପଡିଛି। ତେବେ ସବୁଠାରୁ ଗୁରୁତ୍ବପୂର୍ଣ୍ଣ ପ୍ରସଂଗ ରହିଛି ଚୁକ୍ତିଭିତ୍ତିକ କର୍ମଚାରୀଙ୍କ ଦରମା ବୃଦ୍ଧି। ଏହି କର୍ମଚାରଙ୍କ ଦରମା ବୃଦ୍ଧି ନେଇ କ୍ୟାବିନେଟ ମୋହର ବାଜିବ ବୋଲି ଚର୍ଚ୍ଚା ଚାଲିଛି। ଯେଉଁ କର୍ମଚାରୀଙ୍କ ଆଠ ହଜାର ଦରମା ଅଛି ତାହା ତେର ହଜାରକୁ ବୃଦ୍ଧି କରାଯିବ ବୋଲି ଆଲୋଚନା ଚାଲିଛି।
Author: Samikhsya Bureau
କଟକ: ଭାସମାନ ରେଷ୍ଟୁରାଣ୍ଟ। ଏପରି ରେଷ୍ଟୁରାଣ୍ଟ ବିଦେଶରେ ବେଶ ଲୋକପ୍ରିୟ ହୋଇଛି। ସେହିପରି ମଜା ଓଡିଶା ପର୍ଯ୍ୟକଙ୍କୁ ନେବା ପାଇଁ କଟକରେ ଆରମ୍ଭ ହୋଇଛି ଫ୍ଲୋଟିଙ୍ଗ ରେଷ୍ଟୁରାଣ୍ଟ। କଟକସ୍ଥିତ ସିଲିଭର ସିଟି ବୋଟ୍ କ୍ଲବ ପରିସରରେ ଏହି ‘ଫ୍ଲୋଟିଂ ରେଷ୍ଟୁରାଣ୍ଟ’କୁ ଉଦଘାଟନ କରିଛନ୍ତି ଓଟିଡିସିର ଅଧ୍ୟକ୍ଷା ଶ୍ରୀମୟୀ ମିଶ୍ର। ଏଥିରେ ପର୍ଯ୍ୟଟକଙ୍କ ପାଇଁ ମହାନଦୀରେ ଦୁଃସାହସିକ ଜଳକ୍ରୀଡ଼ା ସହ ସୁସ୍ୱାଦୁ ଖାଦ୍ୟ ଉପଲବ୍ଧ କରାଯିବ। ଏହି ଭିନ୍ନ ଧରଣର ରେଷ୍ଟୁରାଣ୍ଟରେ ବର୍ତ୍ତମାନ ମାତ୍ର ୮ ସିଟ୍ ବିଶିଷ୍ଟ କରାଯାଇଛି। ପରବର୍ତ୍ତି ସମୟରେ ଏହା ସିଟ ସଂଖ୍ୟା ବୃଦ୍ଧି କରାଯିବ। ବର୍ତ୍ତମାନ କୋଭିଡ ଗାଇଡଲାଇନ ଭିତରେ ଗ୍ରାହକଙ୍କୁ ଖାଦ୍ୟ ପରିବେଷଣ କରାଯାଉଛି।
ସୀତାରାମ ଅଗ୍ରୱାଲ ବାଣପୁର: ଜଣେ ଓଡ଼ିଆ ଯବାନ ଦେଶ ପାଇଁ ଡ୍ୟୁଟି କରୁଥିବା ଅବସ୍ଥାରେ ସହିଦ ହୋଇଛନ୍ତି। ଓଡ଼ିଆ ଯବାନ ଜଣଙ୍କ ହେଉଛନ୍ତି ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଖଣତ ଗ୍ରାମର ଦେବରାଜ ମହାରଣା ଓ ବୁଲୁବଦନୀ ମହାରଣାଙ୍କ ପୁତ୍ର ଜ୍ୟୋତି ପ୍ରକାଶ ମହାରଣା (୨୫)। ଜ୍ୟୋତି ପ୍ରକାଶଙ୍କ ପିତା ମଧ୍ୟ ପୂର୍ବତନ ସେନା କର୍ମଚାରୀ। ସେ ଦୀର୍ଘ ୩୦ ବର୍ଷ ଧରି ଭାରତୀୟ ସେନାରେ କାର୍ଯ୍ୟରତ ଥିବାବେଳେ ୨୦୧୮ ଜାନୁଆରୀ ମାସରେ ସେନା ଚାକିରିରୁ ଅବସର ନେଇଥିଲେ। ତେବେ ତାଙ୍କ ବଡ଼ ପୁଅ ଜ୍ୟୋତିପ୍ରକାଶ ୨୦୧୬ ମସିହାରେ ଭାରତୀୟ ସେନାର ଏମଆଇଆରସି ବିଭାଗରେ ଭର୍ତ୍ତି ହୋଇଥିଲେ। ସେ ପ୍ରଥମେ ପଠାନକୋଟ ଏବଂ ବର୍ତ୍ତମାନ ପଞ୍ଜାବର ଭଟିଣ୍ଡା ଠାରେ ସେନାରେ କାର୍ଯ୍ୟରତ ଥିଲେ। କିନ୍ତୁ ଗତ ଶୁକ୍ରବାର ଦିନ ମଧ୍ୟ ରାତ୍ରିରେ ଡ୍ୟୁଟି ସମୟରେ ଜ୍ୟୋତିଙ୍କ ଦେହାନ୍ତ ହୋଇଯାଇଥିବାର ଖବର ପାଇଥିଲେ ତାଙ୍କ ପିତା ଦେବରାଜ। ଶୁକ୍ରବାର ରାତି ୧୨ ରୁ…
ଲକ୍ଷ୍ନୌ: ଉତ୍ତରପ୍ରଦେଶ ବିଜେପି ରାଜ୍ୟ ସଭାପତି ସ୍ଵତନ୍ତ୍ର ଦେବ ସିଂ ଦଳର କର୍ମୀଙ୍କୁ ପରାମର୍ଶ ଦେଇ କହିଛନ୍ତି ଯେ, ଲୋକଙ୍କ ଭଲପାଇବାରୁ ଜଣେ ନେତା ହୋଇପାରେ। ହେଲେ ଆମେ ଫର୍ଚ୍ୟୁନର ଗାଡି ଦ୍ଵାରା କାହାର ଜୀବନ ନଷ୍ଟ କରିବାକୁ ଆସିନାହେଁ। ସେ କାର୍ଯ୍ଯକର୍ତ୍ତାମାନଙ୍କୁ କହିଥିଲେ ଯେ, କେବଳ ଆପଣଙ୍କର ଆଚରଣ ଦ୍ଵାରା ଭୋଟ୍ ମିଳିବ। ରବିବାର ଦିନ ସଂଖ୍ୟାଲଘୁ ମୋର୍ଚ୍ଚାର ରାଜ୍ୟ କାର୍ଯ୍ୟକାରିଣୀ ବୈଠକର ଉଦଘାଟନୀ ଅଧିବେଶନକୁ ସମ୍ବୋଧିତ କରିବାବେଳେ ସ୍ଵତନ୍ତ୍ର ଦେବ ସିଂ କହିଛନ୍ତି ଯେ, ଆମେ କାହାକୁ ଲୁଟିବା ପାଇଁ ନେତା ହୋଇନାହେଁ। ସ୍ଵତନ୍ତ୍ର ଦେବ ସିଂଙ୍କ ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ପୁଅ ଆଶିଷ ମିଶ୍ର ଲକ୍ଷ୍ମୀପୁର ଖେରୀ ହିଂସା ମାମଲାରେ ଆଇନଗତ କାର୍ଯ୍ୟାନୁଷ୍ଠାନର ସମ୍ମୁଖୀନ ହେଉଛନ୍ତି। ପ୍ରାୟ ୧୨ ଘଣ୍ଟା ପଚରାଉଚରା ପରେ ଆଶିଷ ମିଶ୍ରଙ୍କୁ ଗତକାଲି ଗିରଫ କରାଯାଇଛି। ତାଙ୍କୁ ମଧ୍ୟରାତ୍ରି ପରେ କୋର୍ଟରେ ହାଜର…
ନୂଆଦିଲ୍ଲୀ: ଅକ୍ଟୋବର ୧୭ ତାରିଖରୁ ଟି -୨୦ ବିଶ୍ୱକପ ଟୁର୍ଣ୍ଣାମେଣ୍ଟ ଆରମ୍ଭ ହେଉଛି। ଚଳିତ ବିଶ୍ଵକପ ପାଇଁ ପୁରସ୍କାର ରାଶି ଘୋଷଣା କରିଛି ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି)। ପୁରୁଷ ଟି -୨୦ ବିଶ୍ୱକପ ୨୦୨୧ର ବିଜେତାକୁ ୧.୬ ମିଲିୟନ ଡଲାର (ପ୍ରାୟ 12 କୋଟି) ମିଳିବାକୁ ଥିବା ବେଳେ ରନର୍ ଅପ୍ ଦଳକୁ ୮ ଲକ୍ଷ ଡଲାର (ପ୍ରାୟ 6 କୋଟି ଟଙ୍କା) ମିଳିବ। ସେହିଭଳି ସେମିଫାଇନାଲ ମ୍ୟାଚରେ ହାରିଥିବା ଦଳକୁ ପ୍ରାୟ ୩ କୋଟି ଟଙ୍କା ଦିଆଯିବ। ଏହା ସହିତ ସୁପର ୧୨ ପର୍ଯ୍ୟାୟରେ ପ୍ରତ୍ୟେକ ମ୍ୟାଚ୍ ଜିତୁଥିବା ଦଳକୁ ଏକ ବୋନସ ଘୋଷଣା କରିଛି | ୨୦୧୬ ଟି -୨୦ ବିଶ୍ୱକପ ପରି, ୨୦୨୧ରେ ମଧ୍ୟ ସୁପର ୧୨ ପର୍ଯ୍ୟାୟରେ ପ୍ରତ୍ୟେକ ମ୍ୟାଚ ପାଇଁ ବିଜେତା ଦଳକୁ ବୋନସ ରାଶି ମିଳିବ। ତେଣୁ ସେହି ପର୍ଯ୍ୟାୟର ୩୦ ଟି ମ୍ୟାଚରେ ବିଜେତା ଦଳ ଏଥର ୪୦ ହଜାର…
ଭୁବନେଶ୍ବର: ଆଜି ରାଜ୍ୟରୁ ଆଉ ୪୩୮ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି। ଆଜି ସର୍ବାଧିକ ଖୋର୍ଦ୍ଧାରୁ ୧୯୨, କଟକରୁ ୫୦, ଜଗତସିଂହପୁରରୁ ୨୬, ବାଲେଶ୍ବରରୁ ୨୧, ଯାଜପୁରରୁ ୧୬, ପୁରୀରୁ ୧୫, ସମ୍ବଲପୁରରୁ ୧୪, ମୟୂରଭଞ୍ଜରୁ ୧୩, ଢେଙ୍କାନାଳରୁ ୧୨, କେନ୍ଦ୍ରାପଡାରୁ ୮, ଝାରସୁଗୁଡାରୁ ୫, ଗଞ୍ଜାମରୁ ୪, ଦେବଗଡରୁ ୩, ନୟାଗଡରୁ ୩, ସୁନ୍ଦରଗଡରୁ ୩, ଅନୁଗୁଳରୁ ୨, କୋରାପୁଟରୁ ୨, ସୋନପୁରରୁ ୨, ମାଲକାନଗିରିରୁ ୧, ରାୟଗଡାରୁ ୧ ଏବଂ ଷ୍ଟେଟ ପୁଲରୁ ୪୫ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୧୦ ଲକ୍ଷ ୧୮ ହଜାର ୭୪୯ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୩୧ ହଜାର ୬୯୬ କୁ ବୃଦ୍ଧି ହୋଇଥିବାବେଳେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି…
ନୂଆଦିଲ୍ଲୀ: ଯେତେବେଳେ ବି କ୍ରିକେଟ୍ ରେ ଭାରତ ଏବଂ ପାକିସ୍ତାନର ଦଳ ମୁହାଁମୁହିଁ ହୁଅନ୍ତି, ସେତେବେଳେ ରୋମାଞ୍ଚକ ଶିଖରରେ ଥାଏ। ଭାରତ ଏବଂ ପାକିସ୍ତାନ ମଧ୍ୟରେ ଦ୍ୱିପାକ୍ଷିକ ସିରିଜ୍ ଆଉ ଖେଳାଯାଉ ନାହିଁ। ତେଣୁ ଉଭୟ ଦେଶ କେବଳ ଆଇସିସି ଇଭେଣ୍ଟରେ ପରସ୍ପର ବିପକ୍ଷରେ ଖେଳନ୍ତି। ୨୦୨୧ ଟି -୨୦ ବିଶ୍ୱକପରେ ଭାରତ ଅକ୍ଟୋବର ୨୪ ତାରିଖରେ ପାକିସ୍ତାନ ବିରୋଧରେ ଅଭିଯାନ ଆରମ୍ଭ କରିବ। କ୍ରିକେଟ୍ ପ୍ରେମୀମାନେ ଏହି ବଡ ମ୍ୟାଚ୍ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ମ୍ୟାଚ୍ ସମ୍ପର୍କରେ ପାକିସ୍ତାନର ପୂର୍ବତନ ଅଧିନାୟକ ସହିଦ ଆଫ୍ରିଦି ଏକ ବଡ଼ ବିବୃତ୍ତି ଦେଇଛନ୍ତି। ସହିଦ ଆଫ୍ରିଦି ତାଙ୍କ ଅଫିସିଆଲ ୟୁଟ୍ୟୁବ ଚ୍ୟାନେଲରେ କହିଛନ୍ତି ଯେ, ” ଭାରତ ଏବଂ ପାକିସ୍ତାନ ମଧ୍ୟରେ ସର୍ବଦା ଅନେକ ଚାପ ମଧ୍ୟରେ ଖେଳ ହୋଇଥାଏ। ଯେଉଁ ଦଳ ଚାପକୁ ଭଲ ଭାବରେ ପରିଚାଳନା କରିପାରିବ, ସେହି ଦଳ ମ୍ୟାଚ ଜିତିବାକୁ ସକ୍ଷମ ହୋଇପାରିବ।…
ମୁମ୍ବାଇ/ଭୁବନେଶ୍ୱର: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ର ସମ୍ପୂର୍ଣ୍ଣ ସହଯୋଗୀ ସଂସ୍ଥା ରିଲାଏନ୍ସ ନିଉ ଏନର୍ଜି ସୋଲାର ଲିମିଟେଡ୍ (ଆର୍ଏନ୍ଇଏସ୍ଏଲ୍) ପକ୍ଷରୁ ଘୋଷଣା କରାଯାଇଛି ଯେ, ଏହା ଆରଇସି ସୋଲାର ହୋଲ୍ଡିଂସ୍ ଏଏସ୍ (ଆର୍ଇସି) ଗ୍ରୁପ୍ର ୧୦୦% ଅଂଶଧନକୁ ଚାଇନା ନ୍ୟାସନାଲ୍ ବ୍ଲୁ ଷ୍ଟାର୍ ଗ୍ରୁପ୍ କୋ ଲିମିଟେଡ୍ ଠାରୁ ୭୭୧ ନିୟୁତ ଡଲାର ସଂସ୍ଥାଗତ ମୂଲ୍ୟରେ ଅଧିଗ୍ରହଣ କରିଛି। ଆର୍ଇସିର ମୁଖ୍ୟ କାର୍ଯ୍ୟାଳୟ ନରୱେରେ ଥିବା ବେଳେ ଏହାର ପରିଚାଳନା ମୁଖ୍ୟ କାର୍ଯ୍ୟାଳୟ ସିଙ୍ଗାପୁରରେ ରହିଛି ଏବଂ ଆଂଚଳିକ ହବ୍ଗୁଡ଼ିକ ଉତ୍ତର ଆମେରିକା, ୟୁରୋପ, ଅଷ୍ଟ୍ରେଲିଆ ଓ ଏସୀୟ-ପ୍ରଶାନ୍ତ ମହାସାଗରୀୟ ଅଂଚଳରେ ରହିଛି। ସ୍ୱଚ୍ଛ ଓ ସୁଲଭ ମୂଲ୍ୟର ସୌର ଶକ୍ତି ଲାଗି ପ୍ରଯୁକ୍ତି ନବସୃଜନ ଓ ଉତ୍କୃଷ୍ଟ, ଉଚ୍ଚ କ୍ଷମତା ଏବଂ ଲମ୍ବା ଅବଧିର ସୋଲାର ସେଲ୍ ଓ ପ୍ୟାନେଲ୍ ଜରିଆରେ ଶିଳ୍ପର ଅଗ୍ରଣୀ ଆନ୍ତର୍ଜାତିକ ସୌର ଶକ୍ତି କଂପାନି ହେଉଛି ଆର୍ଇସି ଗ୍ରୁପ୍। ଏହି ୨୫ ବର୍ଷ ପୁରୁଣା କଂପାନିର ତିନିଟି ନିର୍ମାଣ କାରଖାନା ରହିଛି…
ଭୁବନେଶ୍ବର: ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁତ୍ର ମନୀଷ ଅନୁରାଗଙ୍କ ସନ୍ଦେହ ଜନକ ମୃତ୍ୟୁ ହୋଇଛି। ଆଜି ପାତ୍ରପଡାସ୍ଥିତ ଏକ ପୋଖରୀରୁ ତାଙ୍କର ମୃତ ଦେହ ଉଦ୍ଧାର କରାଯାଇଛି। ଗତକାଲି ସେ ତାଙ୍କର ଚନ୍ଦ୍ରଶେଖରପୁର ବାସଭବନରୁ କୁଆଡେ ନିଖୋଜ ଥିଲେ। ଆଜି ତାଙ୍କର ମୃତ ଦେହ ଉଦ୍ଧାର କରାଯାଇଥିଲା। ନବୀନ ଦାସ ହେଉଛନ୍ତି ନିର୍ଭୟ ଖବରକାଗଜର ମୁଖ୍ୟ ସଂପାଦକ। ଏଥିସହିତ ସେ ୟୁଟୁୟୁବରେ ତାଙ୍କର ନିର୍ଭୟ ଗୁମର କଥା ବେଶ ଲୋକପ୍ରିୟ ହୋଇପାରିଛି। ମନୀଷ ପାଠପଢା ପରେ ସେ ବାପାଙ୍କ ଖବରକାଗଜରେ ସହାୟତା ପ୍ରଦାନ କରୁଥିଲେ। ଏ ନେଇ ପୋଲିସ ଅଧିକ ପଚରାଉଚୁରା ଜାରୀ ରଖିଛି।
ନୟାଗଡ଼/ଚାନ୍ଦପୁର: ଆଜିକାଲି ସରକାରୀ ହସ୍ପିଟାଲରେ ଦଲାଲମାନଙ୍କର ପାଦୁର୍ଭାବ ବଢିବାରେ ଲାଗିଛି। ବହିଃବିଭାଗରେ ଚିକିତ୍ସା ଶୀଘ୍ର କରେଇଦେବାକୁ କହି ରୋଗୀଙ୍କ ଠାରୁ ଦଲାଲମାନେ ଟଙ୍କା ଲୁଟୁଥିବା ଦେଖିବାକୁ ମିଳୁଛି। ତେଣୁ ଏନେଇ ରାଜ୍ୟର ବିଭିନ୍ନ ମେଡିକାଲରେ ବାରମ୍ବାର ଅଭିଯୋଗ ହେଉଛି। ତେଣୁ ଏଭଳି ଘଟଣା ମଧ୍ୟ ନୟାଗଡ ଜିଲ୍ଲା ଚାନ୍ଦପୁର ହସ୍ପିଟାଲରେ ଘଟୁଥିବା ସ୍ଥାନୀୟ ଲୋକେ ଅଭିଯୋଗ କରୁଛନ୍ତି। ତେବେ ହସ୍ପିଟାଲରୁ ଦଲାଲମୁକ୍ତ କରାଇବା ପାଇଁ ଚାନ୍ଦପୁର ପୋଲିସ ଅଣ୍ଟା ଭିଡିଛି। ଆଜି ହସ୍ପିଟାଲରେ କାର୍ଯ୍ୟାନୁଷ୍ଠାନ କରି ଜଣେ ଦଲାଲକୁ ଗିରଫ କରି କୋର୍ଟଚାଲାଣ କରିଛି ଚାନ୍ଦପୁର ପୋଲିସ। ଚାନ୍ଦପୁର ଆଇଆଇସି ରଶ୍ମିରଞ୍ଜନ ଦାସଙ୍କ ସୂଚନା ଅନୁଯାୟୀ ଗତକାଲି ଚାନ୍ଦପୁର ସ୍ଥିତ ବସନ୍ତ ମଞ୍ଜରୀ ଡାକ୍ତରଖାନାରେ ସଞ୍ଜିତ ଆଚାର୍ଯ୍ୟ ନାମକ ଜଣେ ଯୁବକ ଦୂରଦୁରାନ୍ତରୁ ଆସୁଥିବା ଏକାଧିକ ରୋଗୀଙ୍କ ଠାରୁ ସୁବିଧାରେ ଡାକ୍ତର ଚେକଅପ କରେଇଦେବା ଆଳରେ ଦାଦାବଟି ଭାବେ ବହୁ ଟଙ୍କା ଦାବି କରୁଥିଲେ। ଏପରିକି ରୋଗୀମାନଙ୍କୁ ରସିଦ ମଧ୍ୟ ଦେଉନଥିଲେ।…
ସୀତାରାମ ଅଗ୍ରୱାଲ ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା କୁହୁଡି ରତନପୁର ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ଚୂଆରେ ବୁଡି ଭଉଣୀର ମୃତ୍ୟୁ ହୋଇଥିବା ବେଳେ ଭାଇ ଗୁରୁତର ହୋଇପଡିଥିବା ଖବର ହସ୍ତଗତ ହୋଇଛି। ସୂଚନା ଅନୁଯାୟୀ, ରତନପୁର ଗ୍ରାମର ଶରତ କୁମାର ବେହେରାଙ୍କ ଝିଅ ରୀତି ସ୍ମିତା ବେହେରା (୬ ବର୍ଷ) ଏବଂ ପୁଅ ପ୍ରୀତମ କୁମାର ବେହେରା (୪ ବର୍ଷ) ସିନେମାହଲ ନିକଟରେ ପଥର ଖଣିକୁ ଶୌଚ ହେବାକୁ ଯାଇଥିଲେ। ସେଠାରେ ଉଭୟଙ୍କ ଗୋଡ ଖସି ଯିବାରୁ ଚୂଆ ଭିତରେ ବୁଡିଯାଇଥିଲେ। ସ୍ଥାନୀୟ ଲୋକେ ଦୁହିଁଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଭାଇ ଭଉଣୀଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ହେଲେ ଡାକ୍ତର ଭଉଣୀକୁ ମୃତ୍ୟୁ ଘୋଷଣା କରିଥିବା ବେଳେ ଭାଇ ଗୁରୁତର ଅବସ୍ଥାରେ ମେଡିକାଲରେ ଚିକିତ୍ସିତ ହେଉଛନ୍ତି। ତେବେ ଏନେଇ ଟାଙ୍ଗୀ ଥାନାରେ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇଛି। ଏବଂ…
ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ ସମ୍ ହସ୍ପିଟାଲ୍ର ମାନସିକ ରୋଗ ଚିକିତ୍ସା ବିଭାଗ ପକ୍ଷରୁ ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ପାଳିତ ହୋଇଯାଇଛି। ଚଳିତ ବର୍ଷ ନିମନ୍ତେ ବିଶ୍ୱ ମାନସିକ ସ୍ୱାସ୍ଥ୍ୟ ସଂଗଠନ ଦେଇଥିବା ଚିନ୍ତନ ‘mental health in an unequal world’ ଅସମାନ ବିଶ୍ୱରେ ମାନସିକ ସ୍ୱାସ୍ଥ୍ୟ ସମ୍ପର୍କରେ ଏହି କାର୍ଯ୍ୟକ୍ରମରେ ଆଲୋଚନା କରାଯାଇଥିଲା। ଏହି କାର୍ଯ୍ୟକ୍ରମରେ ସମ୍ ହସ୍ପିଟାଲ୍ର ମେଡିକାଲ ସୁପରିଟେଣ୍ଡେଂଟ ପ୍ରଫେସର ପୁଷ୍ପରାଜ ସାମନ୍ତସିଂହାର ମୁଖ୍ୟ ଅତିଥି ଭାବେ ଯୋଗ ଦେଇ ମାନସିକ ରୋଗ ବିଭାଗ ତରଫରୁ ପ୍ରସ୍ତୁତ ଏକ ଭିଡିଓ ବାର୍ତ୍ତାକୁ ଉନ୍ମୋଚନ କରିଥିଲେ। ବିଭାଗୀୟ ମୁଖ୍ୟ ପ୍ରଫେସର ଡା.ସୁରଜିତ ସାହୁ ବିଶ୍ୱରେ ଶାରୀରିକ ଓ ମାନସିକ ଚିକିତ୍ସାର ଅସମାନତା ବିଷୟରେ ଆଲୋକପାତ କରିଥିଲେ। ପ୍ରଫେସର ଶୁଭେନ୍ଦୁ ନାରାୟଣ ମିଶ୍ର ମାନସିକ ରୋଗର ନିରାକରଣ ବିଷୟରେ ବକ୍ତବ୍ୟ ରଖିଥିଲେ। ଡା.ସ୍ନେହାଂଶୁ ଦେ, ଡା.ରାକେଶ ମହାନ୍ତି,…
ଭୁବନେଶ୍ୱର: ଶିଶୁ ବିକାଶ ପ୍ରକଳ୍ପରେ କାର୍ଯ୍ୟରତ ଠିକା ମହିଳା ପରିଦର୍ଶିକାମାନେ ବିଭିନ୍ନ ସମସ୍ୟାକୁ ନେଇ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ଦୃଷ୍ଟି ଆକର୍ଷଣ କରିଛନ୍ତି। ଓଡ଼ିଶା ସରକାରଙ୍କ ମହିଳା ଓ ଶିଶୁ ବିକାଶ ବିଭାଗ ପତ୍ରସଂଖ୍ୟା ୫୩୨ ତା ୪.୧୦.୨୦୦୮ନିର୍ଦ୍ଦେଶାନୁସାରେ ରାଜ୍ୟର ସମସ୍ତ ଜିଲ୍ଲାର ଜିଲ୍ଲାପାଳ ୫୫୭ଜଣ ସ୍ନାତକ ଶିକ୍ଷାଗତ ଯୋଗ୍ୟତା ଥାଇ ଅନ୍ୟୁନ ୫ ବର୍ଷର ଅଭିଜ୍ଞତା ଥିବା ଅଙ୍ଗନୱାଡ଼ି କର୍ମୀମାନଙ୍କୁ ଠିକା ସୁଭରଭାଇଜର ପଦବୀରେ ନିଯୁକ୍ତି ଦେଇଥିଲେ। ବର୍ତ୍ତମାନ ଚାକିରୀର କାର୍ଯ୍ୟକାଳ ୧୨/୧୩ ବର୍ଷ ବିତିଯାଇଥିଲେ ମଧ୍ୟ ଆଜି ସୁଦ୍ଧା ଚାକିରୀ ନିୟମିତ କରାଗଲା ନାହିଁ। ଶିଶୁ ବିକାଶ ପ୍ରକଳ୍ପରେ କାର୍ଯ୍ୟରତ ଠିକା ମହିଳା ପରିଦର୍ଶିକା ସହିତ ଚାକିରୀ ପାଇଥିବା ମାଟ୍ରିକ ପାସ ମହିଳା ପରିଦର୍ଶିକମାନଙ୍କର ନିୟମିତ ଚାକିରୀ ହେବା ସହିତ ସରକାରଙ୍କ ସମସ୍ତ ସୁବିଧା ପାଉଛନ୍ତି। ସରକାରଙ୍କ ଗାଇଡ଼ଲାଇନ୍ ଅନୁସାରେ ୧୦ବର୍ଷର ଅଭିଜ୍ଞତା ଥିବା ମାଟ୍ରିକ ପାସ ଅଙ୍ଗନବାଡ଼ି କର୍ମୀଙ୍କୁ ନିୟମିତ ପଦୋନ୍ନତି ଦେଇ ୫…
ନୂଆଦିଲ୍ଲୀ: ସେଣ୍ଟ୍ରାଲ୍ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍ (ସିବିଏସ୍ଇ) ଖୁବ୍ ଶୀଘ୍ର ୨୦୨୨ ମସିହାରେ ଅନୁଷ୍ଠିତ ହେବାକୁ ଥିବା ଦଶମ ଏବଂ ଦ୍ଵାଦଶ ଶ୍ରେଣୀ ପରୀକ୍ଷା ପାଇଁ ତାରିଖ ସୂଚୀ ପ୍ରକାଶ କରିପାରେ। ୨୦୨୨ ମସିହାରେ ସମସ୍ତ ବିଦ୍ୟାଳୟରେ ଅନୁଷ୍ଠିତ ହେବାକୁ ଥିବା ଦଶମ ଏବଂ ଦ୍ଵାଦଶ ଶ୍ରେଣୀର ପ୍ରଥମ ଅବଧି ନଭେମ୍ବର ୧୫ ନଭେମ୍ବର ୨୦୨୧ରୁ ଆରମ୍ଭ ହେବ। ଏହି ପରିପ୍ରେକ୍ଷୀରେ, ବୋର୍ଡ ଏହି ସପ୍ତାହ ଶେଷ ସୁଦ୍ଧା ତାରିଖ ସୂଚୀ ପ୍ରକାଶ କରିବ, ଯାହା ଛାତ୍ରମାନେ cbse.gov.in ୱେବସାଇଟରେ ଦେଖିପାରିବେ। ଚଳିତ ବର୍ଷ କରୋନା ସ୍ଥିତିକୁ ଦୃଷ୍ଟିରେ ରଖି ବୋର୍ଡ ନିଷ୍ପତ୍ତି ନେଇଛି ଯେ, ଏହା ବୋର୍ଡ ପରୀକ୍ଷାକୁ ଦୁଇଟି ପର୍ଯ୍ୟାୟରେ ବିଭକ୍ତ କରିବ। ନଭେମ୍ବର ୧୫ ରୁ ଡିସେମ୍ବର ୧୫ ତାରିଖ ମଧ୍ୟରେ ୫୦% ସିଲାବସ୍ ପରୀକ୍ଷା ହେବ। ଏହି ପରୀକ୍ଷା ଏକାଧିକ ପସନ୍ଦ ପ୍ରଶ୍ନ ରେ ହେବ ଏବଂ ସମସ୍ତ ଛାତ୍ରଙ୍କୁ ଓଏମଆର ସିଟ୍ ପୂରଣ…
ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୧୮ ହଜାର ୧୬୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୧୪ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୩୯ ଲକ୍ଷ ୫୩ ହଜାର ୪୭୫ ରେ ପହଞ୍ଚିଛି। ତେବେ ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୫୦ ହଜାର ୫୮୯ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୩୨ ଲକ୍ଷ ୭୧ ହଜାର ୯୧୫ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୨ ଲକ୍ଷ ୩୦ ହଜାର ୯୭୧ ଆକ୍ଟିଭ୍ କେସ୍ ରହିଛି। ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୩୧ ହଜାର ୬୯୬ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୧୦ ଲକ୍ଷ ୧୮ ହଜାର ୩୧୧ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୫ ହଜାର ୮୩…
ଭୁବନେଶ୍ବର: ଆଜି ରାଜ୍ୟରେ ୬୫୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍ କେନ୍ଦ୍ରରୁ ୩୮୦ ଜଣ ଚିହ୍ନଟ ହୋଇଥିବା ବେଳେ ୨୭୨ ଟି ଲୋକାଲ କେସ୍ ରହିଛ। ୬୫୨ ଆକ୍ରାନ୍ତଙ୍କ ମଧ୍ୟରୁ ୧୮ ବର୍ଷରୁ କମ ବର୍ଗର ୯୨ ଜଣ ପିଲା ଚିହ୍ନଟ ହୋଇଛନ୍ତି। ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୩୧ ହଜାର ୬୯୬ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୧୦ ଲକ୍ଷ ୧୮ ହଜାର ୩୧୧ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୫ ହଜାର ୮୩ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୮ ହଜାର ୨୪୨ କୁ ବୃଦ୍ଧି ହୋଇଛି। ଆଜି ମୋଟ ୨୪ ଟି ଜିଲ୍ଲାରୁ ୬୫୨ ଆକ୍ରାନ୍ତ ଚିହ୍ନଟ ହୋଇଛନ୍ତି। ସର୍ବାଧିକ ଖୋର୍ଦ୍ଧା…
ଭୁବନେଶ୍ବର: ଓଡିଶାରେ ଭୋଟର ସଂଶୋଧନ ପକ୍ରିୟା ଆରମ୍ଭ ହେବ। ଏନେଇ ଓଡିଶା ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ତରଫରୁ ସୂଚନା ଦିଆଯାଇଛି। ଯେଉଁମାନଙ୍କର ବୟସ ଆସନ୍ତା ଜାନୁୟାରୀ 1 ତାରିଖ ସୁଦ୍ଧା 18 ବର୍ଷ କିମ୍ବା ତଦୁର୍ଦ୍ଧ ହେଉଛି ସେମାନେ ନାମ ପଂଜୀକରଣ ପାଇଁ ଆବେଦନ କରିପାରିବେ। ଏଥିସହିତ ଯେଉଁମାନେ ଠିକଣା ପରିବର୍ତ୍ତନ କରିବାକୁ ଚାହିଁବେ କିମ୍ବା କିଛି ସଂଶୋଧନ କରିବାକୁ ଚାହିଁବେ ସେମାନେ ଏହି ପକ୍ରିୟାରେ ଭାଗ ନେଇପାରିବେ। ତେବେ ଏହି ସଂଶୋଧନ ପକ୍ରିୟା ଆସନ୍ତା ନେଭେମ୍ବ 1 ତାରିଖରୁ ଆରମ୍ଭ ହୋଇ 30 ତାରିଖ ପର୍ଯ୍ୟନ୍ତ ଚାଲିବ। କେମିତି କରିବେ ଆବେଦନ ଯେଉଁମାନେ ଭୋଟର ଲିଷ୍ଟକୁ ସଂଶୋଧନ ବା ନାମ ଯୋଗ କରିବାକୁ ଚାହୁଁଛନ୍ତି ସେମାନେ ଏସବୁ ମାଧ୍ୟମରେ ଆବେଦନ କରିପାରିବେ। 1- ଭୋଟର ତାଲିକାରେ ସଂଶୋଧନ କରିବାକୁ ଚାହୁଁଥିଲେ ଆପଣ ମୋବାଇଲ ଆପ ମାଧ୍ୟମରେ କରିପାରିବେ। ଆପଣ ପ୍ଲେ ଷ୍ଟୋରକୁ ଯାଇ ଭୋଟର ହେଲପଲାଇନ ଆପ ଡାଉନଲୋଡ…
ନୂଆଦିଲ୍ଲୀ: ଡେନମାର୍କ ପ୍ରଧାନମନ୍ତ୍ରୀ ମେଟେ ଫ୍ରେଡରିକ୍ସନ ଭାରତ ଗସ୍ତରେ ଆସିଛନ୍ତି। ତାଙ୍କ ସହିତ ଏକ ଟିମ ମଧ୍ୟ ଡେନମାର୍କରୁ ଆସିଛନ୍ତି। ଆଜି ପ୍ରଧାନମନ୍ତ୍ରୀ ମୋଦୀଙ୍କ ସହିତ ଡେନମାର୍କ ପ୍ରଧାନମନ୍ତ୍ରୀ ଏବଂ ତାଙ୍କ ଟିମ ଆଲୋଚନା କରିଛନ୍ତି। ଉଭୟ ଦେଶ ମଧ୍ୟରେ ଚାରୋଟି ରାଜିନାମା ସ୍ବାକ୍ଷରିତ ହୋଇଛି। ସେଗୁଡିକ ହେଲା 1-ଭୂତଳ ଜଳ ଉତ୍ସ ଏବଂ ଆକ୍ୟୁଫର୍ସ ସ୍ତର ମାପିବା ପାଇଁ ବୈଜ୍ଞାନିକ ଏବଂ ଔଦ୍ୟୋଗିକ ଗବେଷଣା ପରିଷଦ-ରାଷ୍ଟ୍ରୀୟ ଭୂଭୌତିକୀୟ ଗବେଷଣା ସଂସ୍ଥାନ, ହାଇଦ୍ରାବାଦ, ଆରହସ୍ ବିଶ୍ବବିଦ୍ୟାଳୟ, ଡେନମାର୍କ ଏବଂ ଜିଓଲୋଜିକାଲ ସର୍ଭେ ଅଫ ଡେନମାର୍କ ଏବଂ ଗ୍ରୀନଲ୍ୟାଣ୍ଡ ମଧ୍ୟରେ ବୁଝାମଣାପତ୍ର। 2-ବୈଜ୍ଞାନିକ ଏବଂ ଔଦ୍ୟୋଗିକ ଗବେଷଣା ପରିଷଦ ଏବଂ ଡାନିଶ ପେଟେଣ୍ଟ ଆଣ୍ଡ ଟ୍ରେଡ୍ମାର୍କ ଅଫିସ ମଧ୍ୟରେ ପାରମ୍ପରିକ ଜ୍ଞାନ ଡିଜିଟାଲ ପାଠାଗାର ଗ୍ରହଣୀୟତା ରାଜିନାମା 3-ସମ୍ଭାବ୍ୟ ପ୍ରୟୋଗ ସହିତ ଟ୍ରପିକାଲ ଜଳବାୟୁ ଲାଗି ପ୍ରାକୃତିକ ରେଫ୍ରିଜରେଣ୍ଟ ଦିଗରେ ଏକ ଉତ୍କର୍ଷ କେନ୍ଦ୍ର ସ୍ଥାପନ ଲାଗି ବେଙ୍ଗାଲୁରୁର ଭାରତୀୟ ବିଜ୍ଞାନ ସଂସ୍ଥାନ…
ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟଙ୍କ ଅନୁଯାୟୀ, ମାନବ ପ୍ରକୃତିରେ ସୁଖ ପରେ ଦୁଃଖ ଏବଂ ଦୁଃଖ ପରେ ସୁଖ ଆସିଥାଏ। କିନ୍ତୁ ଆଚାର୍ଯ୍ୟଙ୍କ ଅନୁଯାୟୀ ସାଧାରଣ ଜୀବନରେ ଆର୍ଥିକ ପ୍ରତିବନ୍ଧକ ଦୂର କରିବାରେ ପାଞ୍ଚ ପ୍ରକାରର ଦାନ ସାହାଯ୍ୟ କରିଥାଏ। ୧- ମୂର୍ଖ ସାଙ୍ଗ ସହିତ କୌଣସି ବ୍ୟବସାୟିକ ସହଭାଗୀତା କରନ୍ତୁ ନାହିଁ: ଆଚାର୍ଯ୍ୟଙ୍କ ଅନୁଯାୟୀ, ବ୍ୟବସାୟର ଆଧାର ହେଉଛି ସହଭାଗୀତା, କିନ୍ତୁ କାହା ସହିତ ସହଭାଗିତା କରିବା ଉଚିତ, ତାହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏକ ମୂର୍ଖ ବନ୍ଧୁ ସହିତ ବ୍ୟବସାୟିକ ସହଭାଗୀତା କୌଣସି କ୍ଷେତ୍ରରେ ଲାଭଜନକ ହୋଇପାରିବ ନାହିଁ। ଏହିପରି ଲୋକମାନଙ୍କ ସହିତ ସହଭାଗିତା କଲେ, ଜ୍ଞାନର ବିଷୟ ଉପରେ ସମୟ ନଷ୍ଟ ହେବ ଏବଂ ଅଯଥା ବିତର୍କ ହେବ। ଏହିପରି ଲୋକମାନଙ୍କଠାରୁ ଦୂରରେ ରହି ଆପଣ କ୍ଷତିଠାରୁ ରକ୍ଷା ପାଇପାରିବେ। ୨- ଦାରିଦ୍ର୍ୟରୁ ମୁକ୍ତି ପାଇଁ ଦାନ କରନ୍ତୁ: ଆଚାର୍ଯ୍ୟଙ୍କ ଅନୁଯାୟୀ, ଯଦି ଆପଣ ଦାରିଦ୍ର୍ୟରୁ ମୁକ୍ତି ପାଇବାକୁ…
ମେଷ ରାଶି: ସୁଖ ଏବଂ ତୃପ୍ତି ମିଳିବ। ସୃଜନଶୀଳ କାର୍ଯ୍ୟ ସଫଳ ହେବ। କାର୍ଯ୍ୟକୁ ପ୍ରଶଂସା କରାଯିବ। ଭ୍ରମଣ ଉପଭୋଗ୍ୟ ହୋଇପାରେ। ଚାକିରିରେ ଅନୁକୂଳତା ରହିବ। କାର୍ଯ୍ୟଭାର ଏବଂ ପ୍ରାଧିକରଣ ବୃଦ୍ଧି ପାଇପାରେ। ବ୍ୟବସାୟରେ ନୂତନ ପରୀକ୍ଷଣ କରାଯାଇପାରିବ। ସମୟର ଅନୁକୂଳତାର ସୁଯୋଗ ନିଅନ୍ତୁ। ଧନ ପ୍ରାପ୍ତି ହେବ। ବୃଷ ରାଶି: ବ୍ୟବସାୟରେ ମନ୍ଥରତା ହୋଇପାରେ। ଆୟରେ ନିଶ୍ଚିତତା ରହିବ। ପରିସ୍ଥିତିରେ ଉନ୍ନତି ହେବ। ବିବାଦକୁ ବଢିବା ପାଇଁ ଦିଅନ୍ତୁ ନାହିଁ। ସ୍ୱାସ୍ଥ୍ୟ ଦୁର୍ବଳ ହେବ। କାରବାରରେ ତତ୍ପରତା ଦେଖାନ୍ତୁ ନାହିଁ। ଧନହାନି ହେବାର ସମ୍ଭାବନା ଅଛି। ଅନାବଶ୍ୟକ ଯୁକ୍ତି ହୋଇପାରେ। ମିଥୁନ ରାଶି: ବ୍ୟବସାୟ ଆପଣଙ୍କ ଇଚ୍ଛା ଅନୁଯାୟୀ ଚାଲିବ। ସେୟାର ବଜାର ଏବଂ ମ୍ୟୁଚୁଆଲ୍ ଫଣ୍ଡରୁ ଲାଭ ମିଳିବ। ସାଙ୍ଗମାନଙ୍କୁ ସହଯୋଗ କରିବାକୁ ଏକ ସୁଯୋଗ ମିଳିପାରେ। ଶତ୍ରୁମାନେ ସକ୍ରିୟ ରହିବେ। ଚିନ୍ତା ଏବଂ ଟେନସନ ବଢିବ। ବିବାଦ ଦେଖାଦେବ। ସାମାଜିକ ପ୍ରତିଷ୍ଠା ବୃଦ୍ଧି ପାଇବ। ଯାତ୍ରା ସଫଳ…
ଭୁବନେଶ୍ବର: ହିନ୍ଦୁମାନଙ୍କୁ ହେଉଥିବା ନୃଶଂସ ହତ୍ୟା ବିରୋଧରେ ବଜରଙ୍ଗଦଳ ବିଶ୍ବହିନ୍ଦୁ ପରିଷଦ ତରଫରୁ ରାଜଧାନୀରେ ବିକ୍ଷୋଭ ପ୍ରଦର୍ଶନ କରାଯାଇଛି। ଏଥିରେ କର୍ମିମାନେ ପାକିସ୍ତାନର କୁଶ ପୁତ୍ତଳିକା ଦାହ କରିଛନ୍ତି। ବିଶ୍ୱ ହିନ୍ଦୁ ପରିଷଦ କହିଛି ଯେ କାଶ୍ମୀର ଘାଟୀରେ ହିନ୍ଦୁମାନଙ୍କର ପୁନର୍ବାସ ଏବଂ ସ୍ୱଚ୍ଛନ୍ଦ ବିଚରଣ ହିଁ ଆତଙ୍କବାଦକୁ ମୂଳୋତ୍ପାଟନ କରି ପାରିବ । ବିଶ୍ୱ ହିନ୍ଦୁ ପରିଷଦର କେନ୍ଦ୍ରୀୟ ମହାମନ୍ତ୍ରୀ ଶ୍ରୀ ମିଳିନ୍ଦ ପରାଣ୍ଡେ ଏଥିରେ ଯୋଗ ଦେଇ ବିଗତ ପାଞ୍ଚ ଦିନ ମଧ୍ୟରେ ସାତ ଜଣ ଭାରତୀୟଙ୍କ ହତ୍ୟାରେ ଗଭୀର ଚିନ୍ତା ପ୍ରକାଶ କରିଛନ୍ତି। ସେ କେନ୍ଦ୍ର ସରକାରଙ୍କ ନିକଟରେ ଦାବି କରିଛନ୍ତି ଯେ ଜିହାଦୀ ଆତଙ୍କବାଦ ଉପରେ ଲଗାମ ଲଗାଇବା ପାଇଁ ପାକିସ୍ତାନକୁ କଠିନ ଶିକ୍ଷା ଦିଅନ୍ତୁ। ଏଥିସହିତ ହିନ୍ଦୁମାନଙ୍କର ପୁନର୍ବାସ ଏବଂ ଘାଟୀରେ ତାଙ୍କର ସ୍ୱଚ୍ଛନ୍ଦ ବିଚରଣ ପାଇଁ ଉଚିତ୍ ବ୍ୟବସ୍ଥା କରନ୍ତୁ ବୋଲି ଦାବୀ କରିଛନ୍ତି।