Author: Samikhsya Bureau

ଭୁବନେଶ୍ବର: ରାଜ୍ୟ ସରକାର ଏକ ଥରେ 10 ଜଣ ବିଡିଓଙ୍କୁ ବଦଳି କରିଛନ୍ତି। ଏ ନେଇ ରାଜ୍ୟ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ତରଫରୁ ବିକ୍ଷପ୍ତି ପ୍ରକାଶ ପାଇଛି। ଯେଉଁମାନଙ୍କର ବଦଳି ହୋଇଛି ସେମାନେ ହେଲେ ସେହିପରି ବରଗଡ ଜିଲ୍ଲାର ରାଜବୋରାସମ୍ବର ବ୍ଲକ ବିଡିଓ ଶ୍ରୀମତୀ ସରୋଜା ବେହେରାଙ୍କୁ ପରବର୍ତ୍ତି ପୋଷ୍ଟିଂ ପର୍ଯ୍ୟନ୍ତ ତାଙ୍କୁ ପଞ୍ଚାୟତିରାଜ ବିଭାଗକୁ ବଦଳି କରାଯାଇଛି।

ନୂଆଦିଲ୍ଲୀ: ଶେଷରେ ବହୁ ବିବାଦୀୟ ୱାକଫ୍ ବିଲ୍ ରାଜ୍ୟସଭାରେ ପାଶ ହୋଇଛି। ବିଲ୍ ସପକ୍ଷରେ ୧୨୮ ଏବଂ ବିପକ୍ଷରେ ୯୫ ଭୋଟ୍ ପଡିଥିଲା। ପ୍ରଥମେ ଲୋକସଭାରେ ପାସ ହେବା ପରେ ଏହି ବିଲ୍ ୨୪ ଘଣ୍ଟା ପରେ ରାଜ୍ୟସଭାରେ ମଧ୍ୟ ପହଞ୍ଚିଲା। ଏହା ଉପରେ ଏକ ମାରାଥନ୍ ବିତର୍କ ହୋଇଥିଲା। ଭୋଟ୍ ଦେବାର କିଛି ଘଣ୍ଟା ପୂର୍ବରୁ ବିଜୁ ଜନତା ଦଳ “ବିବେକ ଭୋଟ୍” ପାଇଁ ଦ୍ୱାର ଖୋଲି ଦେଇଥିଲା ଏବଂ ଏହାର ସାତ ଜଣ ରାଜ୍ୟସଭା ସାଂସଦଙ୍କୁ କହିଥିଲା ​​ଯେ ସେମାନେ ହ୍ୱିପ୍ ଦ୍ୱାରା ଆବଦ୍ଧ ହେବେ ନାହିଁ ଏବଂ ସେମାନେ ଯେକୌଣସି ପକ୍ଷକୁ ଭୋଟ୍ ଦେଇପାରିବେ। ପୂର୍ବରୁ ଏହି ବିଲ୍ କୁ ଦଳ ବିରୋଧ କରିବ ବୋଲି ଘୋଷଣା କରିଥିଲା। ହେଲେ ପରବର୍ତ୍ତି ସମୟରେ ଦଳର ଆଭିମୁଖ୍ୟରେ ପରିବର୍ତ୍ତନ ଘଟିଥିଲା। ବର୍ତ୍ତମାନ ସଂସଦର ଉଭୟ ଗୃହରେ ଏହି ବିଲ ପାଶ ହେବା ପରେ ରାଷ୍ଟ୍ରପତିଙ୍କ ଅନୁମୋଦନ ପାଇଁ ଯିବ। ଏହାପରେ…

Actor Manoj Kumar Dies: ପୂର୍ବ ଔର ପଶ୍ଚିମ ଏବଂ କ୍ରାନ୍ତି ଭଳି ଦେଶପ୍ରେମ ଚଳଚ୍ଚିତ୍ର ପାଇଁ ଜଣାଶୁଣା ବରିଷ୍ଠ ଅଭିନେତା ମନୋଜ କୁମାରଙ୍କର ୮୭ ବର୍ଷ ବୟସରେ ପରଲୋକ ଘଟିଛି। ଛାତିରେ ଯନ୍ତ୍ରଣା ହେବାରୁ ତାଙ୍କୁ ମୁମ୍ବାଇର କୋକିଲାବେନ ଧୀରୁବାଇ ଅମ୍ବାନୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ସେଠାରେ ସେ ଶେଷ ନିଃସ୍ବାସ ତ୍ୟାଗ କରିଛନ୍ତି। ୧୯୬୫ ମସିହାରେ ମୁକ୍ତିଲାଭ କରିଥିବା ତାଙ୍କର ଥ୍ରୀଲର ଫିଲ୍ମ, ଗୁମନାମ  ସେହି ବର୍ଷର ସର୍ବାଧିକ ଆୟକାରୀ ସିନେମା ମଧ୍ୟରୁ ଗୋଟିଏ ଥିଲା। ସେତେବେଳେ ଏହି ଚଳଚିତ୍ର ୨.୬ କୋଟି ଟଙ୍କା ସଂଗ୍ରହ କରି ରେକର୍ଡ କରିଥିଲା। ସେହି ବର୍ଷ, କୁମାର ସହିଦରେ ଅଭିନୟ କରିଥିଲେ, ଯାହା ସ୍ୱାଧୀନତା ସଂଗ୍ରାମୀ ଭଗତ ସିଂହଙ୍କ ଜୀବନୀ ଉପରେ ଆଧାରିତ ଥିଲା।ପୂରବ ଔର ପଛିମ (୧୯୭୦) ଏବଂ କ୍ରାନ୍ତି (୧୯୮୧) ଭଳି ଦେଶାତ୍ମବୋଧକ ଚଳଚ୍ଚିତ୍ରରେ ତାଙ୍କ ଭୂମିକା ତାଙ୍କୁ ‘ଭାରତ କୁମାର’ ଡାକନାମ ଦେଇଥିଲା। ସେ ଶୋର…

ଭୁବନେଶ୍ବର: ପୁଣି ଥରେ ଆନ୍ଦୋଳନକୁ ଓହ୍ଲାଇବ ପ୍ରଦେଶ କଂଗ୍ରେସ। ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ଏହି ଆହ୍ବାନ ଦେଇଛନ୍ତି ସଭାପତି। ସଭାପତି ଶ୍ରୀ ଭକ୍ତ ଚରଣ ଦାସ କହିଲେ ଯେ ଓଡ଼ିଶାରେ ଅତ୍ୟାଚାରିତା, ଧର୍ଷିତା, ଲୁଣ୍ଠିତା, ନିଖୋଜ ଓ ହତ୍ୟା ହୋଇଥିବା ମହିଳା ଓ ତାଙ୍କ ପରିବାରକୁ ନ୍ୟାୟ ଦେବାରେ ବିଜେପି ସରକାର ସମ୍ପୂର୍ଣ ଅକ୍ଷମ ହୋଇଛନ୍ତି। ବିଗତ ଦିନରେ ବିଜେଡ଼ିର ସଭାସମିତି ଠାରୁ ଆରମ୍ଭ କରି ବିଭିନ୍ନ କାର୍ଯ୍ୟକ୍ରମରେ ମହିଳାଙ୍କର ଉପସ୍ଥିତି ଭରପୁର ଥିଲା ବେଳେ ଏବେ ମଧ୍ୟ ସେହିଭଳି ପରିସ୍ଥିତି ଦେଖାଦେଇଛି। ମାତ୍ର ପ୍ରତି ବଦଳରେ ଉଭୟ ବିଜେଡ଼ି ଓ ବିଜେପି ସରକାର ଦ୍ବାରା ଓଡ଼ିଶାର ମହିଳା ପ୍ରତାରିତା। ସୁଭଦ୍ରା ଯୋଜନାରେ ଜଣେ ମହିଳାକୁ ଦିନକୁ ୨୭ ଟଙ୍କା ଦିଆଯାଉଛି। ସେଥ‌ିରେ ଗୋଟିଏ ଓଳି ଭୋଳନ ହେବା ସମ୍ଭବ ନୁହେଁ । ପରିବାର ପୋଷିବା କଥା ଛାଡ଼। ମହିଳା ନିର୍ଯ୍ୟାତନା ପ୍ରସଙ୍ଗରେ ବିଜେଡ଼ି ଓ ବିଜେପିର…

ନୂଆଦିଲ୍ଲୀ: ରିଲାଏନ୍ସ ଜିଓ ପୁଣିଥରେ ୫ଜି ଡାଉନଲୋଡ୍ ସ୍ପିଡ୍ ଦୌଡ଼ରେ ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ ଦେଇଛି। ଓକଲା ସ୍ପିଡଟେଷ୍ଟ ଇଣ୍ଟେଲିଜେନ୍ସ ତଥ୍ୟ ଅନୁଯାୟୀ, ରିଲାଏନ୍ସ ଜିଓର ହାରାହାରି ୫ଜି ଡାଉନଲୋଡ୍ ସ୍ପିଡ୍ ୨୫୮.୫୪ ଏମବିପିଏସ ରେକର୍ଡ କରାଯାଇଛି। ଏୟାରଟେଲ୍ ୨୦୫.୧ ଏମବିପିଏସ ସହିତ ଦ୍ୱିତୀୟ ସ୍ଥାନରେ ରହିଛି। ଓକଲା ଜୁଲାଇ ଏବଂ ଡିସେମ୍ବର ୨୦୨୪ ମଧ୍ୟରେ ସାରା ଦେଶରୁ ଏହି ତଥ୍ୟ ସଂଗ୍ରହ କରିଥିଲା। ରିଲାଏନ୍ସ ଜିଓ ୫ଜି ସହିତ ସାମଗ୍ରିକ ଭାବରେ ମଧ୍ୟ ଦ୍ରୁତତମ ମୋବାଇଲ୍ ନେଟୱାର୍କର ଆଖ୍ୟା ମଧ୍ୟ ହାସଲ କରିଛି। ଜିଓ ଭାରତରେ ସବୁଠାରୁ ଦ୍ରୁତ ମୋବାଇଲ ସ୍ପିଡ୍ ନେଟୱାର୍କ ପ୍ରଦାନକାରୀ ଅପରେଟର ଭାବରେ ଉଭା ହୋଇଛି। ଜିଓର ସାମଗ୍ରିକ ହାରାହାରି ଡାଉନଲୋଡ୍ ସ୍ପିଡ୍ ୧୫୮.୬୩ ଏମବିପିଏସ ରହିଥିବା ବେଳେ ଏୟାରଟେଲର ସ୍ପିଡ୍ ଜିଓର ଦୁଇ-ତୃତୀୟାଂଶ, ଅର୍ଥାତ୍ ପ୍ରାୟ ୧୦୦.୬୭ ଏମବିପିଏସ ବୋଲି ମାପ କରାଯାଇଛି। ଭୋଡାଫୋନ୍ ଆଇଡିଆ ୨୧.୬ ଏମବିପିଏସ ସହିତ ତୃତୀୟ ସ୍ଥାନରେ…

Utkal Diwas In Tanzania: ଉତ୍କଳ ଦିବସ ବା ଓଡିଶା ଦିବସ କେବଳ ଓଡିଶା ବା ଭାରତରେ ନୁହେଁ, ବିଶ୍ବର ବିଭିନ୍ନ କୋଣରେ ମଧ୍ୟ ପାଳିତ ହୋଇଛି। ସେମିତି ତାନଜାନିଆରେ ଥିବା ଓଡିଆମାନେ ଏହି ଦିବସକୁ ବେଶ ଧୂମଧାମରେ ପାଳନ କରିଛନ୍ତି। ତାନଜିଆରେ ଥିବା ଭାରତ ରାଷ୍ଟ୍ରଦୂତ କାର୍ଯ୍ୟାଳୟ ଏବଂ ତାନଜାନିଆ ଓଡିଆ ସମାଜ ମିଳିତ ଉଦ୍ୟମରେ ଆୟୋଜିତ ହୋଇଥିଲା। ତାନଜିଆର ଦାର ଇସ ସଲ୍ଲାମ ସହରରେ ଆୟୋଜିତ ଏହି ଉତ୍ସବରେ ସେଠାରେ ଥିବା ପ୍ରାୟ ଦେଢଶହ ଓଡିଆ ଯୋଗଦେଇଥିଲେ। ଭାରତ ହାଇକମିଶନ କାର୍ଯ୍ୟାଳୟରେ ଅବସ୍ଥାପିତ ରାଜନୈତିକ ୟୁଇଙ୍ଗିର ମୁଖ୍ୟ ଶ୍ରୀ ଲକ୍ଷ୍ୟ ଆନନ୍ଦ ମୁଖ୍ୟ ଅତିଥୀ ଭାବେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ତାନଜାନିଆ ରେ ଥିବା କଳାକାରମାନେ ଓଡିଶାର ପାରଂପାରିକ ନୃତ୍ୟ, ସଂଗୀତକୁ ପରିବେଷଣ କରିଥିଲେ।

ଭୁବନେଶ୍ବର: ଗତ ୨୭ ତାରିଖରେ ମହିଳା ସୁରକ୍ଷା ଏବଂ ଅଧିକାର ନିମନ୍ତେ କଂଗ୍ରେସର  ବିଧାନସଭା ଘେରାଉ କାର୍ଯ୍ୟକ୍ରମ ହେଉଥିବା ବେଳେ, ପୋଲିସ ପକ୍ଷପାତିତା କରି ଅମାନୁଷିକ ଆକ୍ରମଣ କରିଥିଲା। ଏହି ଆକ୍ରମଣରେ ବହୁ କଂଗ୍ରେସ କର୍ମୀ ଆହତ ହୋଇଥିଲେ ଏବଂ ପରବର୍ତ୍ତୀ ସମୟରେ କଂଗ୍ରେସ କର୍ମୀମାନଙ୍କୁ ବିନା କାରଣରେ ଗିରଫ କରୁଛି । ଏହି ଅନ୍ୟାୟକୁ ନେଇ ପିସିସି ସଭାପତି ଶ୍ରୀ ଭକ୍ତ ଚରଣ ଦାସଙ୍କ ନେତୃତ୍ୱରେ ପୂର୍ବତନ ପିସିସି ସଭାପତି ଜୟଦେବ ଜେନା,ବିଧାୟକ ତାରା ପ୍ରସାଦ ବାହିନୀପତି,ରମେଶ ଜେନା,ପୂର୍ବତନ ବିଧାୟକ ଦେବାଶିଷ ପଟ୍ଟନାୟକ ପ୍ରମୁଖ କଂଗ୍ରେସର ବରିଷ୍ଠ ପ୍ରତିନିଧି ଦଳ ଆଜି କମିଶନରଙ୍କୁ ସାକ୍ଷାତ କରି ପୋଲିସର ଏହି ଅନ୍ୟାୟପୂର୍ଣ୍ଣ ଆକ୍ରୋଶମୂଳକ ଗିରଫଦାରୀ ବନ୍ଦ କରିବା ପାଇଁ ବିସ୍ତୃତ ଆଲୋଚନା କରିଥିଲେ।

ଭୁବନେଶ୍ବର: ଡ଼ିଏନ ଅକ୍ସୀ ପାର୍କ ହୋଉସିଂ ସୋସାଇଟିରେ ଉତ୍କଳ ଦିବସ ଅତି ଆଡମ୍ବର ସହିତ ପାଳନ କରାଯାଇଛି। ଏହି ଉସ୍ତାବକୁ ସୋସାଇଟିର ସଭାପତି ଶ୍ରୀ ସଂଗ୍ରାମ କେଶରୀ ମହାପାତ୍ର ଏବଂ ଅନ୍ୟାନ୍ୟ କାର‌୍ୟ୍ୟନିର୍ବାହୀ ସଭ୍ୟମାନେ ପ୍ରଦୀପ ଜାଳି ଉଦଘଟନ କରିଥିଲେ। ଏହି କାର‌୍ୟ୍ୟକ୍ରମରେ କୁନି କୁନି ଛୁଆମାନଙ୍କ ଦ୍ଵାରା ବନ୍ଦେ ଉତ୍କଳ ଜନନୀ ଗାୟନ କରାଯାଇ ଥିଲା। ଏଥିସହିତ ଓଡ଼ିଆ ସଂସ୍କୃତି କୁ ମନେ ପକାଇବାପାଇଁ  ବିଭିନ୍ନ ପ୍ରକାରର ନୃତ୍ୟ ପରିବେଷଣ କରାଯାଇଥିଲା।ଏଥିରେ ଓଡିଶୀ, ସମ୍ବଲପୁରୀ ଓ କୋରାପୁଟର ଢମସା ପରିବେଷଣ କରାଯାଇଥିଲା। ସେହିପରି ମହିଳାମାନଙ୍କ ଦ୍ଵାରା ଏକ ସାମୁହିକ ଗୀତ ପ୍ରସ୍ତୁତ କରାଯାଇଥିଲା। ଓଡିଶୀ ନୃତ୍ୟ ରେ ଶିଶୁ କଳାକାର ଶ୍ରୀୟା ଏବଂ ସିପ୍ରା ଅଂଶ ଗ୍ରହଣ କରି ଦର୍ଶକମାନଙ୍କ ମନ ମୋହିଥିଲେ।ଛୋଟ ଛୁଆଙ୍କ ଦ୍ଵାରା ପ୍ରସ୍ତୁତ ସମ୍ବଲପୁରୀ ନୃତ୍ୟ ଗୁଞ୍ଜର ଗୁଞ୍ଜ ଅତି ଚମତ୍କାର ହେଇଥିଲା। ପରିଶେଷରେ ସଂଜୁରାଣୀ ମିଶ୍ରଙ୍କ ଦ୍ଵାରା ଲିଖିତ ଓଡ଼ିଆ ସଂସ୍କୃତି ଏବଂ ପରମ୍ପରା…

ଭୁବନେଶ୍ବର: ବୁଧବାର ରାତି ତମାମ ଚାଲିଲା ଓଡିଶା ବିଧାନସଭାର ଗୃହ କାର୍ଯ୍ୟ। ଯାହା ବିଧାନ ସଭା ଇତିହାସରେ ଆଉ ଏକ ରେକର୍ଡ କରିଛି। ରାତି ତମାମ ବିଧାୟକମାନେ ଉପସ୍ଥିତି ରହି ଆଲୋଚନାରେ ଭାଗ ନେଇଥିଲା। ରାତିରେ ବିଧାୟକମାନଙ୍କ ପାଇଁ ଖାଇବା ଏବଂ ଚା ବିସ୍କୁଟର ବ୍ୟବସ୍ଥା ମଧ୍ୟ କରାଯାଇଥିଲା। ଅବସର ଥିଲା ଓଡିଶା ବିଶ୍ବବିଦ୍ୟାଳୟ ସଂଶୋଧନ ବିଲ ପାଶ କରିବା। ଅପରାହ୍ନରେ ଏହି ବିଲ ଆସିବା ପରେ ବିରୋଧୀ ଦଳ ଏହାକୁ ସିଲେକ୍ଟ କମିଟକୁ ପଠାଇବା ପାଇଁ ଦାବୀ କରିଥିଲେ। ହେଲେ ତାହା କାଟ ଖାଇଥିଲା ଏବଂ ଶାସକ ଦଳ ଏହା ଗୃହରେ ଆଲୋଚନା ଦାବୀ କରିଥିଲେ। ଫଳରେ ଏହି ବିଲ ନେଇ ସଂଧ୍ୟାରେ ଆଲୋଚନା ଆରମ୍ଭ ହୋଇଥିଲା। ତେବେ ଗୃହ କାର୍ଯ୍ୟ ସାଧାରଣତଃ ରାତି 9 ଟା ପର୍ଯ୍ୟନ୍ତ ଚାଲିବା ନିୟମ ରହିଛି। ହେଲେ ବିଲ ଉପରେ ବିସ୍ତୁତ ଆଲୋଚନା ହେବାର ଥିବାରୁ ଏହା କାର୍ଯ୍ୟ ସମୟ ବୃଦ୍ଧି ପାଇଁ…

ଭୁବନେଶ୍ବର: ଆଜି ଓଡିଶା ଦିବସରେ ତିରିଶ ଜଣ ଓଏଏସ ଅଧିକାରୀଙ୍କୁ ଆଇଏଏସ ପାହ୍ୟାକୁ ପଦନ୍ନୋତି ପ୍ରଦାନ କରାଯାଇଛି।ଏ ନେଇ ସରକାରଙ୍କ ତରଫରୁ ବିଜ୍ଞପ୍ତି ପ୍ରକାଶ ପାଇଛି। ଯେଉଁମାନେ ଏହି ପଦନ୍ନୋତି ପାଇଛନ୍ତି ସେମାନେ ହେଲେ… ପ୍ରଥମ ପନ୍ଦର ଜଣଙ୍କୁ 2023 ମସିହା ପାଇଁ ପଦନ୍ନୋତି କରାଯାଇଥିବା ବେଳେ ଆଉ 15 ଜଣଙ୍କୁ 2024 ମସିହା ପାଇଁ ପଦନ୍ନୋତି ପ୍ରଦାନ କରାଯାଇଛି। ଏହି ପଦନ୍ନୋତି ଦ୍ବାରା ରାଜ୍ୟରେ ଥିବା ଆଇଏଏସ ମରୁଡିରୁ କିଛିଟା ରକ୍ଷା ମିଳିବ ବୋଲି ଆଶା କରାଯାଉଛି।

ଭୁବନେଶ୍ବର: ଆଜି ଓଡିଶା ଦିବସ । ସାରା ରାଜ୍ୟରେ ଓଡିଆ ଅସ୍ମିତାର ଉତ୍ସବ। ଏହି ଅବସରରେ ରାଜ୍ୟ ସରକାର ପ୍ରଥମ ଥର ପାଇଁ ସ୍ୱତନ୍ତ୍ର ଓଡିଶା ଗଠନର ମୁଖ୍ୟ ବିନ୍ଧାଣି ଉତ୍କଳ ଗୌରବ ମଧୁସୂଦନ ଦାସଙ୍କ ଜନ୍ମ ମାଟି ସତ୍ୟଭାମାପୁରରେ ଆୟୋଜନ କରିଛନ୍ତି ରାଜ୍ୟ ସ୍ତରୀୟ ଓଡିଶା ଦିବସ କାର୍ଯ୍ୟକ୍ରମ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ କହିଛନ୍ତି ଯେ, ମଧୁବାବୁଙ୍କ ଜନ୍ମମାଟି ସତ୍ୟଭାମାପୁର ହେଉଛି ଆମ ପାଇଁ ଏକ ପବିତ୍ର ସ୍ଥାନ, ଏକ ତୀର୍ଥ। ଏ ସ୍ଥାନକୁ ଓଡିଆ ଜାତୀୟତା ଭାବର ଏକ କେନ୍ଦ୍ର ସ୍ଥଳ ଭାବେ ବିକଶିତ କରାଯିବ। ମୁଖ୍ୟମନ୍ତ୍ରୀ କହିଲେ ଯେ, ଆଜି ଦିନଟି ହେଉଛି ଓଡ଼ିଆ ଅସ୍ମିତାର ଦିବସ। ଓଡ଼ିଆ ସ୍ୱାଭିମାନର ଦିବସ। ଓଡ଼ିଆ ଅସ୍ମିତା, ଓଡ଼ିଆ ସ୍ୱାଭିମାନକୁ ଗୁରୁତ୍ୱ ଦେଇ ଓଡ଼ିଶାବାସୀ ଯେଉଁ ପରିବର୍ତ୍ତନ ଆଣିଥିଲେ, ତାକୁ ସମ୍ମାନ ଦେଇ, ଆଜି ଆମେ ସ୍ୱତନ୍ତ୍ର…

ଭୁବନେଶ୍ୱର: ବିଶ୍ୱ ଓଡ଼ିଆ ପରିବାର ତରଫରୁ ଉତ୍କଳ ଦିବସ ଉପଲକ୍ଷେ ଏକ କର୍ମଶାଳା ଭିନ୍ନ ଢଙ୍ଗରେ ଭୁବନେଶ୍ୱରର ହୋଟେଲ ପ୍ରେସିଡେନ୍ସିଠରେ ଅନୁଷ୍ଠିତ ହୋଇଯାଇଛି। ଯାହାର ଶୀର୍ଷକ ଥିଲା ‘ଶିକ୍ଷା ବିକାଶର ବାତାୟନ’ ପ୍ରଜ୍ଞାନ। ଏହି କର୍ମଶାଳାରେ ବିକଶିତ ଓଡ଼ିଶାର-୨୦୩୬ର ସଫଳତା ପାଇଁ ବ୍ୟାପକ ଆଲୋଚନା କରାଯାଇଥିଲା। କାର୍ଯ୍ୟକ୍ରମରେ ଓଡ଼ିଶା ସରକାରଙ୍କର ଗଣଶିକ୍ଷା ବିଭାଗର ସ୍ୱତନ୍ତ୍ର ସଚିବ ଶ୍ରୀମତୀ ଶୁଭଶ୍ରୀ ନନ୍ଦ ମୁଖ୍ୟ ଅତିଥିଭାବେ ଯୋଗଦେଇ ଉଭୟ କେନ୍ଦ୍ର ଓ ରାଜ୍ୟର ଶିକ୍ଷା ବିଭାଗର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ । ସେ କହିଥିଲେ ବିକଶିତ ଓଡ଼ିଶା ପାଇଁ ସରକାର ବହୁ ସୁଚିନ୍ତିତ ଯୋଜନା ଓ ପଦକ୍ଷେପ ନେଉଛନ୍ତି । ଏହି ଆଭିମୁଖ୍ୟକୁ ସଫଳ କରିବା ପାଇଁ ବ୍ୟକ୍ତି ବିଶେଷ, ଅନୁଷ୍ଠାନ, ବୁଦ୍ଧିଜିବୀମାନଙ୍କୁ ସେ ଆହ୍ୱାନ ଦେଇଥିଲେ । ଓଡ଼ିଶାର ବିକାଶ ଦିଗରେ ଶିକ୍ଷା ବ୍ୟବସ୍ଥା କିଭଳି ସହାୟକ ହେବ ତାହା ଉପରେ ସେ ଗୁରୁତ୍ୱଆରୋପ କରିଥିଲେ । ମୁଖ୍ୟବକ୍ତା ଭାବରେ…

ଭୁବନେଶ୍ବର: ଆଜିଠାରୁ ରାଜ୍ୟରେ ଓଡିଆ ପକ୍ଷ ଦିବସ ପାଳନ ହେବ। ଏ ନେଇ ସଂସ୍କୃତି ମନ୍ତ୍ରୀ ସୂଚନା ଦେବା ପରେ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି। ପ୍ରଥମ ଥର ପାଇଁ ରାଜ୍ୟ ସରକାର ଓଡିଆ ଅସ୍ମିତାକୁ ପ୍ରସାର କରିବା ପାଇଁ ପଦକ୍ଷେପ ଗ୍ରହଣ କରିଛନ୍ତି। ଏହା ୧ ଏପ୍ରିଲ୍ ‘ଓଡ଼ିଶା ଦିବସ’ ଠାରୁ ୧୪ ଏପ୍ରିଲ୍ ‘ଓଡ଼ିଆ ନବବର୍ଷ’ ପର୍ଯ୍ୟନ୍ତ ପାଳନ କରାଯିବ। ଜାଣନ୍ତୁ କେଉଁ ଦିନ କଣ ହେବ ପାଳନ ୧ ଏପ୍ରିଲ- ଓଡିଶା ଦିବସ ୨ ଏପ୍ରିଲ୍- ଖଡିଛୁଆଁ ଦିବସ ୩ ଏପ୍ରିଲ୍- ପାରଂପାରିକ ପୋଷାକ ପରିଧାନ ୪ ଏପ୍ରିଲ୍- ଓଡିଆ ନାମଫଳକ ପ୍ରଚାର ଅଭିଯାନ ୫ ଏପ୍ରିଲ୍- ଐତିହ୍ୟ ଗଣ ଦୌଡ ୬ ଏପ୍ରିଲ୍- ଦେବାଳୟ ଏବଂ ଐତିହ୍ୟ ସ୍ଥଳ ସ୍ବଚ୍ଛତା ଦିବସ ୭ ଏପ୍ରିଲ୍- ବର୍ଣ୍ଣବୋଧ ପୁସ୍ତକ ବଣ୍ଟନ୮ ଏପ୍ରିଲ୍-  ରକ୍ତଦାନ ଅଭିଯାନ ୯ ଏପ୍ରିଲ୍- ଆସ ବହିଟିଏ କିଣିବା ଅଭିଯାନ ୧୦ ଏପ୍ରିଲ- ଲୋକକଳା ପାଇଁ…

ଭୁବନେଶ୍ବର: ଆଜି ହେଉଛି ଉତ୍କଳ ଦିବସ ବା ଓଡିଶା। ଏହି ଦିବସରେ ଓଡିଶା ସ୍ବତନ୍ତ୍ର ରାଜ୍ୟ ଭାବେ ଗଠନ ହୋଇଥିଲା। ଏହି ଦିନ ଓଡିଶାରେ ବହୁ ପ୍ରତିକ୍ଷୀତ ଆୟୁଷ୍ମାନ ଭାରତ ଲାଗୁ ହେବ ବୋଲି ଘୋଷଣା କରାଯାଇଥିଲା। ହେଲେ ତାହା ଲାଗୁ ହୋଇପାରିବ କି ନାହିଁ ତାହା ସନ୍ଦେହ ଘେରରେ ଥିଲା। କାରଣ ଏହି ଯୋଜନା ପାଇଁ ଯେଉଁ ପଦକ୍ଷେପ ଗ୍ରହଣ କରାଯିବା କଥା ତାହା ହୋଇପାରି ନ ଥିଲା। ତେବେ ସେହି ସନ୍ଦେହକୁ ଆଜି ଦୂର କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ଆଜି କଟକ ସତ୍ୟଭାମାପୁରରେ ଆୟୋଜିତ ରାଜ୍ୟ ସ୍ତରୀୟ ଓଡିଶା ଦିବସରେ ସେ ଏକ ଘୋଷଣା କରିଛନ୍ତି। ତାହା ହେଲା ଯେ, ସାରା ରାଜ୍ୟରେ ଆଉ ଦୁଇ ସପ୍ତାହ ମଧ୍ୟରେ ଏହା ଲାଗୁ କରାଯିବ ବୋଲି ସେ କହିଛନ୍ତି।

ଭୁବନେଶ୍ବର: ୧ ଏପ୍ରିଲ୍ ‘ଓଡ଼ିଶା ଦିବସ’ ଠାରୁ ୧୪ ଏପ୍ରିଲ୍ ‘ଓଡ଼ିଆ ନବବର୍ଷ’ ପର୍ଯ୍ୟନ୍ତ ଏହି ୧୪ ଦିନ ଆମେ ‘ଓଡ଼ିଆ ପକ୍ଷ’ ଭାବେ ପାଳନ ହେବ। ଏ ନେଇ ମୁଖ୍ୟମନ୍ତ୍ରୀ ମୋହନ ମାଝୀ କହିଛନ୍ତି ଯେ, ଏହି ପକ୍ଷର ପ୍ରତ୍ୟେକ ମୁହୂର୍ତ୍ତ ସବୁ ଓଡ଼ିଆଙ୍କ ପାଇଁ ସ୍ୱାଭିମାନ, ସଂସ୍କୃତି, ପରମ୍ପରା ଓ ଅସ୍ମିତାକୁ ନେଇ ପ୍ରେରଣାର ସମୟ ହେଉ । ସେହିପରି ସେ କହିଛନ୍ତି ଯେ, ଓଡ଼ିଆ ପର୍ବ ହେଉ ଆମ ଭାଷା, ସାହିତ୍ୟ, ଖାଦ୍ୟ, ପୋଷାକ, ନୃତ୍ୟ, ସଙ୍ଗୀତ ଓ ସଂସ୍କୃତିର ଉତ୍ସବ। ଏହି ସମୟ ମଧ୍ୟରେ ଯେଉଁ ମହାପୁରୁଷ ଓ ମହିୟସୀ ମାନଙ୍କ ତ୍ୟାଗ ଓ ବଳିଦାନ ଯୋଗୁଁ ୧୯୩୬ ମସିହାରେ ଖଣ୍ଡ ବିଖଣ୍ଡିତ ଓଡ଼ିଶାର ଏକତ୍ରୀକରଣ ସମ୍ଭବ ହୋଇଥିଲା, ସେହି ବିନ୍ଧାଣୀ ମାନଙ୍କୁ ଆମେ ସ୍ମରଣ କରିବା ଓ ସମ୍ମାନ ଦେବା। ଓଡ଼ିଆ ନବବର୍ଷ ଏବଂ ମହାବିଷୁବ ସଂକ୍ରାନ୍ତି ହେଉ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତିର ନୂଆ ଉଦ୍ୟମ,…

ଭୁବନେଶ୍ବର: ଆଜି ହେଉଛି ଉତ୍କଳ ବା ଓଡିଶା ଦିବସ। ଏହି ଉପଲକ୍ଷେ ଆଜି ସାରା ଓଡିଶାରେ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଛି। ଆଜିର ଦିନରେ ଓଡିଶା ସ୍ବତନ୍ତ୍ର ପ୍ରଦେଶ ଭାବେ ଗଠନ ହୋଇଥିଲା। ଯାହାର ପୁରୋଧା ଥିଲେ ଉତ୍କଳଗୌରବ ମଧୂସୁଦନ ଦାସ। ତାଙ୍କୁ ମନେ ପକାଇବା ପାଇଁ ଆଜିର ଦିନରେ ତାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ରାଜଭବନ ସମ୍ମୁଖରେ ଥିବା ପ୍ରତିମୂର୍ତ୍ତିରେ ସେ ମଧୁବାବୁଙ୍କ ଅବଦାନକୁ ସ୍ମରଣ କରିଛନ୍ତି। ଏହି ଉପଲକ୍ଷେ ମୁଖ୍ୟମନ୍ତ୍ରୀଙ୍କ ସହିତ ଥିଲେ ଆଇନ ମନ୍ତ୍ରୀ ପୃଥୀରାଜ ହରିଚନ୍ଦନ, ସଂସ୍କୃତିମନ୍ତ୍ରୀ ସୂର୍ଯ୍ୟବଂଶୀ ସୂରଜ, ବିଧାୟକ ବାବୁ ସିଂ ପ୍ରମୁଖ ଯୋଗଦେଇଥିଲେ।

ଭୁବନେଶ୍ବର: ଆଜି ଉତ୍କଳ ଦିବସ ଉପଲକ୍ଷେ ମୁଖ୍ୟମନ୍ତ୍ରୀ ମୋହନ ମାଝୀ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି ଯେ, ଓଡ଼ିଶା ଦିବସ ଅବସରରେ ସମସ୍ତଙ୍କୁ ଶୁଭେଚ୍ଛା ଓ ଶୁଭକାମନା ଜଣାଉଛି। ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ପାଇଁ ନିଜର ଅସୀମ ତ୍ୟାଗ ତଥା ଆମ ଭାଷା, ସାହିତ୍ୟ ଓ ସଂସ୍କୃତିର ଗୌରବ ବୃଦ୍ଧି କରିଥିବା ମହାପୁରୁଷମାନଙ୍କୁ ବିନମ୍ର ଶ୍ରଦ୍ଧାଞ୍ଜଳି। ଆଜିର ଦିନରେ ଆସନ୍ତୁ ଏକ ସୁସ୍ଥ ଓ ବିକଶିତ ଓଡ଼ିଶା ଗଠନ କରିବାର ସଂକଳ୍ପକୁ ଆହୁରି ଦୃଢ଼ କରିବା। #ଓଡ଼ିଶାଦିବସ ଆଜି ସକାଳୁ ମୁଖ୍ୟମନ୍ତ୍ରୀ ଭୁବନେଶ୍ବରର ବିଭିନ୍ନ ମହାପୁରୁଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଛନ୍ତି। ଏହାପରେ ସେ ମଧୁବାବୁଙ୍କ ଜନ୍ମପିଠ ସତ୍ୟଭାମାପୁର ଯିବେ। ସେଠାରେ ରାଜ୍ୟ ସ୍ତରୀୟ ଉତ୍କଳ ଦିବସ ପାଳନ କରାଯିବ।

ଭୁବନେଶ୍ବର: ଆଜି ହେଉଛି ଉତ୍କଳ ଦିବସ ବା ଓଡିଶା ଦିବସ। ଆଜିର ଦିନରେ ଓଡିଶା ସ୍ବତନ୍ତ୍ର ପ୍ରଦେଶ ଭାବେ ପରିଚିତ ହୋଇଥିଲା। ଏହି ଉପଲକ୍ଷେ ଆଜି ବିଭିନ୍ନ ସ୍ଥାନରେ କାର୍ଯ୍ୟକ୍ରମର ଆୟୋଜନ ହେବାରେ ଲାଗିଛି। ତେବେ ଆଜିର ଦିନରେ ଓଡିଶାବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ ସାମାଜିକ ଗଣମାଧ୍ୟମରେ ଯାହା କହିଛନ୍ତି ତାହା ହେଲା, “ଉତ୍କଳ ଦିବସରେ ହାର୍ଦ୍ଦିକ ଶୁଭେଚ୍ଛା ! ଏହି ଦିବସ ଓଡ଼ିଶାର ସମୃଦ୍ଧ ସଂସ୍କୃତି ପ୍ରତି ଏକ ଉପଯୁକ୍ତ ସମ୍ମାନ । ଓଡ଼ିଶାର ଇତିହାସ, ସାହିତ୍ୟ ଓ ସଂଗୀତକୁ ନେଇ ଭାରତ ଗର୍ବିତ। ଓଡ଼ିଶାର ଲୋକମାନେ କଠିନ ପରିଶ୍ରମୀ ଏବଂ ବିଭିନ୍ନ କ୍ଷେତ୍ରରେ ଉତ୍କର୍ଷ ହାସଲ କରିଛନ୍ତି । ଗତ ଏକ ବର୍ଷ ଧରି କେନ୍ଦ୍ର ଏବଂ ଓଡ଼ିଶା ସରକାର ରାଜ୍ୟର ଆହୁରି ପ୍ରଗତି ପାଇଁ ବ୍ୟାପକ ଭାବେ କାର୍ଯ୍ୟ କରୁଛନ୍ତି ।”

ଭୁବନେଶ୍ୱର: ହସ୍ତଶିଳ୍ପ ଓ ହସ୍ତତନ୍ତର ସୁରକ୍ଷା ଓ ସମୃଦ୍ଧି ଆମ ସମସ୍ତଙ୍କର ଦାୟିତ୍ୱ ବୋଲି ରାଜ୍ୟପାଳ ଡ. ହରି ବାବୁ କମ୍ଭମ୍‌ପାଟି କହିଛନ୍ତି। ଆଜି ଓଡ଼ିଶା ସରକାରଙ୍କ ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ଆନୁକୂଲ୍ୟରେ ଭୁବନେଶ୍ୱରସ୍ଥିତ ଜନତା ମଇଦାନଠାରେ ଆୟୋଜିତ ୧୯ତମ ଜାତୀୟ ହସ୍ତଶିଳ୍ପ ମେଳାର ଉଦ୍‌ଯାପନୀ ସମାରୋହରେ ମୁଖ୍ୟ ଅତିଥିଭାବେ ଯୋଗ ଦେଇ ରାଜ୍ୟପାଳ ଏହା କହିଛନ୍ତି। ଏହି ସମାରୋହରେ ଉଦ୍‌ବୋଧନ ଦେଇ ରାଜ୍ୟପାଳ କହିଥିଲେ ଯେ ଭାରତୀୟ ହସ୍ତଶିଳ୍ପ ଏବଂ ହସ୍ତତନ୍ତ ଆମ ଦେଶର ଅତୁଳନୀୟ କଳାତ୍ମକ ଐତିହ୍ୟର ପ୍ରମାଣ, ଯାହା ଶତାଦ୍ଦୀ ଶତାଦ୍ଦୀର ପରଂପରା, କୌଶଳ ଏବଂ ସାଂସ୍କୃତିକ ବିବିଧତାକୁ ପ୍ରତିଫଳିତ କରିଥାଏ। ଭାରତର ବିଭିନ୍ନ ଅଂଚଳର ନିଜସ୍ୱ ସ୍ୱତନ୍ତ୍ର କରିଗରୀ ରହିଛି। ଏହି କାରିଗରୀ କେବଳ ଉତ୍ପାଦ ନୁହେଁ, ଏଗୁଡ଼ିକ ଇତିହାସ, ଭକ୍ତି ଏବଂ ମୌଳିକତା ସହିତ ଜଡିତ। ଯେତେବେଳେ ଯାନ୍ତ୍ରିକ ଉତ୍ପାଦନ ବଜାର ଉପରେ ପ୍ରଭାବ ପକାଇଥାଏ, ଆମର ହସ୍ତଶିଳ୍ପ ସଂପଦ ପ୍ରାମାଣିକତା,…

ଭୁବନେଶ୍ବର: ଆସନ୍ତାକାଲି ହେଉଛି ଉତ୍କଳ ଦିବସ ବା ଓଡିଶା ଦିବସ। ଏହି ଉପଲକ୍ଷେ ଆଜି ରାତିରୁ ରାଜଧାନୀର ସମସ୍ତ ସରକାରୀ ବିଲିଡିଂକୁ ରଂଗୀନ ଆଲୋକରେ ସଜା ଯାଇଛି। ଯାହାଫଳରେ ବାଟରେ ଯାଉଥିବା ଲୋକଙ୍କୁ ବେଶ ଆକୃଷ୍ଠ କରିପାରିଛି। ଏଥିରେ ଓଡିଶା ରାଜଭବନ, ଲୋକସେବା ଭବନ, କୃଷି ଭବନ, ଖାରବେଳ ଭବନ, ପୋଲିସ କମିଶନରେଟ ଅଫିସ ପ୍ରମୁଖ ବିଲିଡିଂରେ ରଂଗୀନ ଆଲୋକରେ ଝଲସୁଛି। ଏହି ଆଲୋକମାଳାରେ ଓଡିଶାର ଜନସାଧାରଣଙ୍କୁ ସ୍ବାଗତ କରାଯାଇଛି।

ଭୁବନେଶ୍ୱର: ଚୌଦ୍ୱାର ମଙ୍ଗୁଳି ଠାରେ ରେଳ ଦୁର୍ଘଟଣା ଖବର ପାଇ ପିସିସି ସଭାପତି ଶ୍ରୀଯୁକ୍ତ ଭକ୍ତଚରଣ ଦାସ ଦୁର୍ଘଟଣାସ୍ଥଳ ପରିଦର୍ଶନ କରିଛନ୍ତି। ଶ୍ରୀଯୁକ୍ତ ଦାସ ଦୁର୍ଘଟଣାସ୍ଥଳର ପରିସ୍ଥିତି ଅନୁଧ୍ୟାନ କରି ନିଜ ପ୍ରତିକ୍ରିୟାରେ କହିଛନ୍ତି କି ଆଜିର ରେଳ ଦୁର୍ଘଟଣାରେ ମୁଁ ଗଭୀର ମର୍ମାହତ। ସାରା ଭାରତରେ ବିଶେଷ କରି ଓଡ଼ିଶାରେ ବାରମ୍ବାର ରେଳ ଦୁର୍ଘଟଣା ଘଟୁଛି। ବହୁମୂଲ୍ୟବାନ ଜୀବନ ଯିବା ସହ ଧନସମ୍ପତି ନଷ୍ଟ ହେଉଛି। ରେଳକର୍ତ୍ତୃପକ୍ଷଙ୍କ ଚରମ ଅବହେଳା ଯୋଗୁଁ ଏଭଳି ରେଳଦୁର୍ଘଟଣା ବାରମ୍ବାର ଘଟୁଛି। ରେଳ ଦୁର୍ଘଟଣା ରୋକିବା ପାଇଁ ଉଚିତ ପଦକ୍ଷେପ ନେବାର ଆବଶ୍ୟକତା ରହିଛି। ଏହି ରେଳମନ୍ତ୍ରୀଙ୍କ ସମୟରେ ଭାରତ ବର୍ଷରେ ସବୁଠାରୁ ଅଧିକ ଭୟଙ୍କର ଓ ମର୍ମନ୍ତୁଦ ରେଳଦୁର୍ଘଟଣା ଘଟୁଛି। ରେଳମନ୍ତ୍ରୀ ଏଭଳି ଘଟଣାରେ ନିଜର ଉତର ଦାୟିତ୍ୱ ଦେଖାଉନାହାନ୍ତି। ଏହା ଅତ୍ୟନ୍ତ ଦୁର୍ଭାଗ୍ୟଜନକ। ଏହି ଅବସରରେ ଶ୍ରୀଯୁକ୍ତ ଦାସ ମୃତକଙ୍କ ଅମର ଆତ୍ମାର ସଦ୍‌ଗତି କାମନା କରି ଶୋକସନ୍ତପ୍ତ ପରିବାରବର୍ଗଙ୍କୁ ଗଭୀର…