Author: Samikhsya Bureau

ଭୁବନେଶ୍ବର, ଡିଜିଟାଲ ତଥ୍ୟ ପ୍ରମାଣ ସଂଗ୍ରହ ଓ ସାଇବର ଅନୁସନ୍ଧାନ ପ୍ରଣାଳୀ ର ପ୍ରୟୋଗ ନିମନ୍ତେ ପୂର୍ବ ତଟ ରେଳପଥର ରେଳ ସୁରକ୍ଷା ବଳ ସାଇବର ସେଲକୁ, ଅତିରିକ୍ତ ମହାପ୍ରବନ୍ଧକ ଶ୍ରୀ ସୁଧୀର କୁମାର, ପ୍ରମୁଖ ମୁଖ୍ୟ ନିରାପତ୍ତା କମିଶନର ଶ୍ରୀ ରାଜାରାମ, ବିଭାଗୀୟ ପ୍ରମୁଖ, ଡିଆରଏମ, ଖୋର୍ଦ୍ଧାରୋଡ ଶ୍ରୀ ଶଶୀକାନ୍ତ ସିଂହ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନଙ୍କ ଉପସ୍ଥିତିରେ ପୂର୍ବତଟ ରେଳପଥର ମହାପ୍ରବନ୍ଧକ ଶ୍ରୀ ବିଦ୍ୟାଭୂଷଣ ଉଦଘାଟନ କରିଛନ୍ତି l ଏଥିପାଇଁ ଉଚ୍ଚ ଗୁଣବତ୍ତାର ହାର୍ଡଓୟାର ଓ ସଫ୍ଟଓୟାର କ୍ରୟ କରାଯାଇ ସ୍ଥାପିତ କରାଯାଇଛି l ରେଳ ସୁରକ୍ଷା ବଳର ଏହି ସେଲରେ ନିୟୋଜିତ ହୋଇଥିବା କର୍ମଚାରୀମାନେ ଉଚ୍ଚ ପ୍ରଶିକ୍ଷିତ l ଏହି ସାଇବର ସେଲ ନିଶ୍ଚିତ ରୂପେ ହାଇ ଟେକ ପଦ୍ଧତି ଓ ଆଇ ଟି ସିଷ୍ଟମ ମାଧ୍ୟମରେ ଭଦ୍ର ମୁଖାଧାରୀ ଅପରାଧୀ ମାନଙ୍କ ଦ୍ୱାରା ବୃଦ୍ଧି ପାଉଥିବା ଅପରାଧକୁ ଠାବ କରି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ…

ସୀତାରାମ ଅଗ୍ରୱାଲ ବାଣପୁର: ବାଣପୁର ଅନ୍ତର୍ଗତ ଧୂଆଁନଳୀ ସଂରକ୍ଷିତ ଜଙ୍ଗଲରୁ ଶାଗୁଆନ କାଠ ଚୋରି ଉଦ୍ୟମ ବିଫଳ ହୋଇଛି। ଏହି ଘଟଣାରେ ଦୁଇ ଶାଗୁଆନ ଚୋରକୁ ବାଲୁଗାଁ ଜଙ୍ଗଲ ବିଭାଗ କର୍ମଚାରୀ ଗିରଫ କରିଛନ୍ତି। ଗତକାଲି ରାତିରେ ଏକ ବିଶ୍ୱସ୍ତ ସୂତ୍ରରୁ ଖବର ପାଇ ବାଲୁଗାଁ ରେଞ୍ଜର ଶ୍ରୀ ଉତ୍ତମ ଗଡ଼ନାୟକ ବାଣପୁର ଧୂଆଁନଳୀ ସେକ୍ସନର ବନ କର୍ମଚାରୀଙ୍କ ସହଯୋଗରେ ତାମଣl ସରଂକ୍ଷିତ ଜଙ୍ଗଲର କମ୍ପାର୍ଟମେଣ୍ଟ ୧୩ ଅଞ୍ଚଳରେ ଚଢ଼ାଉ କରି ଦୁଇ ଜଣ ଶାଗୁଆନ କାଠ ଚୋରକୁ ଦୁଇ ବଡ଼ ଶାଗୁଆନ କାଠ ଗଣ୍ଡି ସହ ଗିରଫ କରିଛନ୍ତି। ସେମାନେ ଚୋରାରେ ସରଂକ୍ଷିତ ଜଙ୍ଗଲ ଭିତରେ ଶାଗୁଆନ କାଠ କାଟୁଥିବା ବେଳେ ଧରା ପଡ଼ିଥିବା ବେଳେ ଅନ୍ୟ ୫ ଜଣ ରାତ୍ରିର ସୁଯୋଗ ନେଇ ଖସି ପଳାଇଛନ୍ତି। ଗିରଫ ଦୁଇଜଣ ହେଲେ ପ୍ରସନ୍ନ ଘଡେଇ(୪୨) ଏବଂ କିଶୋର ବେହେରା(୩୩)। ଉଭୟଙ୍କ ଘର ନୟାଗଡ ଜିଲ୍ଲା ଶରଣକୂଳ ଥାନା ଅନ୍ତର୍ଗତ ଗୋଳଗାଁ ଗ୍ରାମ।…

କଟକ, କଟକ ସହରରୁ ଆଜି ଆଉ 51 କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ 40 କ୍ବାରେଣ୍ଟିନ ଏବଂ 11 ଲୋକାଲ କଣ୍ଟାକ୍ଟ କେସ୍ ରହିଥିବା ସୂଚନା ମିଳିଛି। ସେକ ବଜାରରୁ ଆଉ 6 କରୋନା ପଜିଟିଭ ଚିହ୍ନଟ ହୋଇଥିବା ବେଳେ ପୁରୁଣା ରାଉସାପାଟଣାରୁ 6, ଦେଉଳସାହି ଶିବାଜୀନଗରରୁ 6, ତେଲେଙ୍ଗାବଜାରରୁ 3, ଶଙ୍କରପୁରରୁ 2 ଏବଂ କୋରପୋଖରୀରୁ 2 ଜଣ ଚିହ୍ନଟ ହୋଇଛନ୍ତି।

ଭୁବନେଶ୍ବର, ଭୁବନେଶ୍ବର ସହରରେ ଆଜି ଆଉ 105 କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ 59 କ୍ବାରେଣ୍ଟିନ ଏବଂ 46 ଜଣ ଲୋକାଲ କଣ୍ଟାକ୍ଟ କେସ୍ ଥିବା ବିଏମସି ସୂଚନା ଦେଇଛି। ନୟାପଲ୍ଲୀ ନୂଆସାହିରୁ 9 ଜଣ, ସହିଦ ନଗର ଅଞ୍ଚଳରୁ 6, ନୂଆପଲ୍ଲୀର ଅନ୍ୟ ଏକ ଅଞ୍ଚଳରୁ 6, ୟୁନିଟ-1ରୁ 3, ବିଶେଶ୍ବରୀ ବସ୍ତିରୁ , ଫରେଷ୍ଟ ପାର୍କରୁ 3, ଆଇଆରସି ଭିଲେଜରୁ 3 ଚିହ୍ନଟ ହୋଇଛନ୍ତି। ୟୁନିଟ-1 ବସ୍ତିରୁ 3, ବରମୁଣ୍ଡା ଜଗନ୍ନାଥ ନଗରରୁ 2, ଜାଗମରାରୁ 2, ପୁରୁଣା ଏଜି କଲୋନିରୁ 3, ପୁନାମା ଗେଟ୍ ଅଞ୍ଚଳରୁ 2 ଜଣ ଲୋକାଲ କେସ୍ ଚିହ୍ନଟ ହୋଇଛନ୍ତି। ଆଜି ଭୁବନେଶ୍ବରରେ 123 ଜଣ କରୋନା ଆକ୍ରାନ୍ତ ସୁସ୍ଥ ହୋଇଥିବା ବିଏମସି ସୂଚନା ଦେଇଛି।

ନୂଆଦିଲ୍ଲୀ, ଭାରତୀୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ତାଙ୍କ ପତ୍ନୀ ନତାସା ଷ୍ଟାନକୋଭିକ୍ ଏକ ଶିଶୁପୁତ୍ର ଜନ୍ମ ଦେଇଛନ୍ତି । ଏନେଇ ନିଜ ଟ୍ବିଟରେ ସୂଚନା ଦେଇଛନ୍ତି ହାର୍ଦ୍ଦିକ । ସେ ଟ୍ବିଟ କରି ଲେଖିଛନ୍ତି, ‘‘ ଶିଶୁପୁତ୍ର ସହିତ ଆମେ ଆଶୀର୍ବାଦ ପ୍ରାପ୍ତ ହେଲୁ । ’’ ତେବେ ଶିଶୁର ହାତର ଏକ ଛବି ପାଣ୍ଡ୍ୟା ପୋଷ୍ଟ କରିଛନ୍ତି । ଭଦୋଦରାରେ ନତାସା ଶିଶୁ ପୁତ୍ର ଜନ୍ନ ଦେଇଛନ୍ତି। ପୂର୍ବରୁ ସେମାନଙ୍କ ପରିବାରକୁ ଏକ ନୂଆ ସଦସ୍ୟ ଆସୁଥିବା କଥା ମେ ମାସରେ ହାର୍ଦ୍ଦିକ ଘୋଷଣା କରିଥିଲେ। ସେମାନେ ଏବେ ଜୀବନର ଆଉ ଏକ ନୂଆ ସୋପାନରେ ପହଞ୍ଚିଥିବାରୁ ଉଭୟେ ବେଶ୍ ଖୁସି ବୋଲି ହାର୍ଦ୍ଦିକ ଇନଷ୍ଟାଗ୍ରାମରେ ଉଲ୍ଲେଖ କରିଛନ୍ତି। ଭାରତୀୟ ଦଳର ଅଧିନାୟକ ବିରାଟ କୋହଲି ପ୍ରଥମେ ହାର୍ଦ୍ଦିକଙ୍କୁ ଶୁଭେଚ୍ଛା ଜଣାଇଛନ୍ତି। ପରେ ପରେ ଅନେକ କ୍ରିକେଟର ଓ ମୁଖ୍ୟ ରବି ଶାସ୍ତ୍ରୀ ମଧ୍ୟ ଶୁଭେଚ୍ଛା ଜଣାଇଛନ୍ତି। (ଏଜେନସି)

ନୂଆଦିଲ୍ଲୀ, ନୂତନ ଜାତୀୟ ଶିକ୍ଷା ନୀତି 2020 ବୁଧବାର, ଜୁଲାଇ 29 ତାରିଖ ପ୍ରକାଶ ପାଇଛି। ଦେଶର ସାମଗ୍ରିକ ଶିକ୍ଷା ବ୍ୟବସ୍ଥାରେ ପରିବର୍ତ୍ତନ ଆଣିବା ଉଦ୍ଦେଶ୍ୟରେ କେନ୍ଦ୍ର କ୍ୟାବିନେଟ ଏଙାକୁ ଅନୁମୋଦନ କରିଛି। କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର ଏବଂ ମାନବ ସମ୍ବଳ ମନ୍ତ୍ରୀ ରମେଶ ପୋଖରିଆଲ ନିଶଙ୍କ ନୂଆ ଶିକ୍ଷା ନୀତି-2020 ଘୋଷଣା କରିଛନ୍ତି। ପୂର୍ବରୁ ମେ ପହିଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆ ଶିକ୍ଷା ନୀତି-2020କୁ ସମୀକ୍ଷା କରିଥିଲେ। ପୂର୍ବତନ ଇସ୍ରୋ ମୁଖ୍ୟ କେ.କସ୍ତୁରୀରଙ୍ଗନଙ୍କ ନେତୃତ୍ବରେ ଏକ ବିଶେଷଜ୍ଞ ଦଳ ଏଥିପାଇଁ ଡ୍ରାଫ୍ଟ ତିଆରି କରିଥିଲେ। ଭାରତକୁ ବିଶ୍ବ ସ୍ତରରେ ଜ୍ଞାନର ଏକ ସୁପର ପାୱାର କରିବା ହେଉଛି ନୂଆ ଶିକ୍ଷା ନୀତିର ମୂଳ ଉଦ୍ଦେଶ୍ୟ । କରୋନା ଯୋଗୁଁ ବିଳମ୍ବରେ ସେପ୍ଟମ୍ବର-ଅକ୍ଟୋବରରେ ଆରମ୍ଭ ହେଉଥିବା ନୂଆ ଶିକ୍ଷା ବର୍ଷରୁ ଏହି ନୀତି ଲାଗୁ କରିବାକୁ ସରକାର ଲକ୍ଷ୍ୟ ରଖିଛନ୍ତି। ମାନବ ସମ୍ବଳ ବିକାଶ…

ଭୁବନେଶ୍ବର, କରୋନାରେ ମୃତ ଦୁଇ ସାମ୍ବାଦିକଙ୍କ ପରିବାରକୁ ରାଜ୍ୟ ସରକାର 15 ଲକ୍ଷ ଟଙ୍କା ଲେଖାଏଁ ସହାୟତା ପ୍ରଦାନ କରିଛନ୍ତି । ରାଜ୍ୟର ଦୁଇ ସାମ୍ବାଦିକ ଗଞ୍ଜାମ ଜିଲ୍ଲାର ପ୍ରିୟଦର୍ଶୀ ପଟ୍ଟନାୟକ ଓ ଗଜପତିର ସାମ୍ବାଦିକ କେ ରତ୍ନମଙ୍କ ପରିବାରକୁ ଏହି ସହାୟତା ଦିଆଯାଇଛି। କୋଭିଡ ପଜିଟିଭ ଆସିବା ପରେ ଚିକିତ୍ସାଧୀନ ଅବସ୍ଥାରେ ପ୍ରିୟଦର୍ଶୀ ପଟ୍ଟନାୟକ ଓ କେ ରତ୍ନମଙ୍କର ମୃତ୍ୟୁ ହୋଇଥିଲା। ଫଳରେ ଦୁହିଁଙ୍କ ପରିବାରକୁ 15 ଲକ୍ଷ ଟଙ୍କା ଲେଖାଏଁ ସହାୟତା ଦିଆଯାଇଥିବା ସୂଚନା ଓ ଲୋକ ସମ୍ପର୍କ ବିଭାଗ ଉପଦେଷ୍ଟା ମାନସ ମଙ୍ଗରାଜ ସୂଚନା ଦେଇଛନ୍ତି । ପୂର୍ବରୁ ଆର୍ଥିକ ସହାୟତା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଥିଲେ।

ଅଯୋଧ୍ୟା, ଆସନ୍ତା ଅଗଷ୍ଟ 5 ତାରିଖ ବୁଧବାର ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଅନୁଷ୍ଠିତ ହେବ ଭୂମିପୂଜା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ପ୍ରାୟ 200 ଅତିଥି ଏହି ସମାରୋହରେ ଯୋଗଦେବେ। ହେଲେ ଏହାପୂର୍ବରୁ ରାମ ଜନ୍ମଭୂମି ମନ୍ଦିରର ମୁଖ୍ୟ ପୁରୋହିତଙ୍କ ସହକାରୀ ମହନ୍ତ ପ୍ରଦୀପ ଦାସ ଏବଂ ଅଯୋଧ୍ୟା ଭୂମି ପୂଜା ପାଇଁ ସୁରକ୍ଷା ଦାୟିତ୍ବରେ ଥିବା 16 ଜଣ ପୋଲିସ କର୍ମଚାରୀ କରୋନା ପଜିଟିଭ ହୋଇଥିବା ଜଣାଯାଇଛି। ଗତ ଶନିବାର ଦିନ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଗଷ୍ଟ 5 କାର୍ଯ୍ୟକ୍ରମ ପାଇଁ ପ୍ରସ୍ତୁତିର ସମୀକ୍ଷା କରିବା ସକାଶେ ରାମ ଜନ୍ମଭୂମି ପରିସର ପରିଦର୍ଶନ କରିଥିଲେ। ଏ ସମୟରେ କିଛି ରୀତିନୀତି ବି ହୋଇଥିଲା। ସେଠାରୁ ମିଳିଥିବା କିଛି ଫଟୋ ଓ ଭିଡିଓରୁ କରୋନା ପଜିଟିଭ ଚିହ୍ନଟ ପ୍ରଦୀପ ଦାସ ମୁଖ୍ୟମନ୍ତ୍ରୀଙ୍କ ପାଖରେ ଛିଡା ହୋଇଥିବା ଦେଖିବାକୁ ମିଳିଥିଲା। ଭୂମିପୂଜା କରିବାକୁ ଥିବା ମୁଖ୍ୟ ପୁରୋହିତ…

ନୂଆଦିଲ୍ଲୀ,କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧି ଭଦ୍ରା ଦକ୍ଷିଣ ଦିଲ୍ଲୀସ୍ଥିତ ଲୋଧି ଇଷ୍ଟେଟରେ ଥିବା ସରକାରୀ ବଙ୍ଗଳା ଛାଡ଼ିଛନ୍ତି। ତାଙ୍କ ନିକଟରୁ ଏସପିଜି ସୁରକ୍ଷା ପ୍ରତ୍ୟାହାର କରି ନିଆଯାଇଥିବାରୁ ଏହି ବଙ୍ଗଳା ଅଗଷ୍ଟ 1 ତାରିଖ ସୁଦ୍ଧା ଛାଡ଼ିବାକୁ ସରକାର ପ୍ରିୟଙ୍କାଙ୍କୁ ନିର୍ଦ୍ଦେଶ ଦେଇଥିଲେ। ପ୍ରିୟଙ୍କା ପୂର୍ବ ଉତ୍ତର ପ୍ରଦେଶ ପାଇଁ ଦଳର ଇନଚାର୍ଜ ଦାୟିତ୍ବରେ ବି ଅଛନ୍ତି। ପ୍ରିୟଙ୍କା 1997 ପରଠାରୁ ଲୋଧି ଇଷ୍ଚେଟ ବଙ୍ଗଳାରେ ରହି ଆସୁଥିଲେ। ଏହି ବଙ୍ଗଳା ଏବେ ବିଜେପି ରାଜ୍ୟସଭା ସାଂସଦ ଅନିଲ ବାଲୁନିଙ୍କ ଦିଆଯାଇଛି। ରବିବାର ଦିନ ପ୍ରିୟଙ୍କା ବାଲୁଙ୍କିଙ୍କୁ ଚା ପିଇବାକୁ ଡାକିଥିଲେ। ହେଲେ ସେ ସ୍ବାସ୍ଥ୍ୟ କାରଣ ଦର୍ଶାଇ ଭଦ୍ରାମୀର ସହ ପ୍ରିୟଙ୍କାଙ୍କ ଆମନ୍ତ୍ରଣକୁ ମନା କରି ଦେଇଥିଲେ। ହେଲେ ସେ ବଙ୍ଗଳାକୁ ଯିବା ପରେ କଂଗ୍ରେସ ନେତାଙ୍କୁ ଉତ୍ତରାଖଣ୍ଡର ଏକ ପାରମ୍ପରିକ ଖାଦ୍ୟ ଖାଇବାକୁ ଡାକିବେ ବୋଲି ପ୍ରତିଶୃତି ଦେଇଥିଲେ। ଇତିମଧ୍ୟରେ ସୋମବାର ଦିନ ପ୍ରିୟଙ୍କା ଫୋନରେ ବାଲୁନିଙ୍କ…

ପାଟନା, ବିହାରରେ ବନ୍ୟା ପରିସ୍ଥିତି ଅତି ଗୁରୁତର ଆକାର ଧାରଣ କରିଛି। 12ଟି ଜିଲ୍ଲା ବନ୍ୟାରେ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି। ରାଜ୍ୟର ସମସ୍ତ ବଡ଼ ବଡ଼ ନଦୀ ଓ ତାର ଶାଖା ନଦୀଗୁଡିକରେ ବନ୍ୟା ଜଳ ବିପଦ ସଂକେତ ଉପରେ ପ୍ରବାହିତ ହେଉଛି। ରାଜ୍ୟର 38 ଲକ୍ଷରୁ ଅଧିକ ଲୋକ ବନ୍ୟା ପ୍ରଭାବିତ ହୋଇଥିବା ବେଳେ ଏଯାଏଁ ବନ୍ୟାଜନିତ ବିଭିନ୍ନ ଘଟଣାରେ 11 ଜଣଙ୍କର ମୃତ୍ୟୁ ଘଟିଛି। 12ଟି ଜିଲ୍ଲାର ମୋଟ 102ଟି ବ୍ଲକରୁ 901 ପଞ୍ଚାୟତ ବନ୍ୟା ପାଣି ଘେରରେ ରହିଛି। ଇତିମଧ୍ୟରେ ରାଜ୍ୟ ସରକାରଙ୍କ ପକ୍ଷରୁ ରିଲିଫ ଓ ଥଇଥାନ କାର୍ଯ୍ୟ ତ୍ବରାନ୍ବିତ କରାଯାଇଛି। ଏଥିରେ ଏନଡିଆରଏଫ ଏବଂ ଏସଡିଆରଏଫ ଦଳକୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଛି।

କୋରାପୁଟ, କରୋନା ସଂକ୍ରମଣ ବୃଦ୍ଧିକୁ ଦେଖି କୋରାପୁଟ ଜିଲ୍ଲାକୁ 48 ଘଣ୍ଟା ପାଇଁ ସଟଡାଉନ ଘୋଷଣା କରାଯାଇଛି। ଆଜି ମଧ୍ୟରାତ୍ରରୁ ଅଗଷ୍ଟ 1 ତାରିଖ ମଧ୍ୟରାତ୍ର ଯାଏଁ 48 ଘଣ୍ଟା କୋରାପୁଟ ଜିଲ୍ଲା ସଟ୍ ଡାଉନ୍ ରହିବ। ବୃଦ୍ଧି ପାଉଥିବା କରୋନା ସଂକ୍ରମଣ ରୋକିବା ପାଇଁ ଜିଲ୍ଲା ପ୍ରଶାସନ ଏଭଳି ପଦକ୍ଷେପ ନେଇଛି। ଆଜି ଜିଲ୍ଲାରୁ 66 ଜଣ ଆକ୍ରାନ୍ତ ଚିହ୍ନଟ ହେବା ପରେ ଜିଲ୍ଲାପାଳ ଏହି ଘୋଷଣା କରିଛନ୍ତି। କୋରାପୁଟ ଜିଲ୍ଲାରେ ଆଜି 66 ଜଣ ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା 756ରେ ପହଞ୍ଚିଛି। ଏଯାଏଁ 220 ଜଣ ସୁସ୍ଥ ହୋଇଥିବା ବେଳେ ଜିଲ୍ଲାରେ ସକ୍ରିୟ ସଂଖ୍ୟା 536 ରହିଛି।

ଭୁବନେଶ୍ୱର,  ଖୋର୍ଦ୍ଧା ଜିଳ୍ଲାବାସୀଙ୍କ ତରଫରୁ ୨ୟ ପର୍ଯ୍ୟାୟରେ କୋଭିଡ଼୍-୧୯ ଲଢ଼େଇରେ ସହଯୋଗ ରାଶି ଭାବେ ମୁଖ୍ୟମନ୍ତ୍ରୀଙ୍କ  ରିଲିଫ୍ ପାଣ୍ଠିକୁ ୧ କୋଟି ୩୧ ଲକ୍ଷ ୮୨ ହଜାର ୪୪୫ ଟଙ୍କା ପ୍ରଦାନ କରାଯାଇଛି । ଖୋର୍ଦ୍ଧାର ଜିଲ୍ଲାପାଳ ଶ୍ରୀ ସିତାଂଶୁ ରାଉତ, ଅତିରିକ୍ତ ଜିଲ୍ଲାପାଳ ଶ୍ରୀ ପ୍ରଫୁଲ କୁମାର ସ୍ୱାଇଁ ଏବଂ ଜିଲ୍ଲା ଶିକ୍ଷା ଅଧିକାରୀ ଶ୍ରୀମତୀ ବନ୍ଦନା ମହାପାତ୍ର ଆଜି ଲୋକସେବା ଭବନଠାରେ ମୁଖ୍ୟ ଶାସନ ସଚିବ ଶ୍ରୀ ଅସିତ୍ ତ୍ରିପାଠୀଙ୍କୁ ଏହି ରାଶିର ଡ୍ରାଫ୍ଟ୍ ପ୍ରଦାନ କରିଥିଲେ । ଡ୍ରାଫ୍ଟ୍ ଗ୍ରହଣ କରି ମୁଖ୍ୟ ଶାସନ ସଚିବ  ଶ୍ରୀ ତ୍ରିପାଠୀ  ଖୋର୍ଦ୍ଧା ଜିଲ୍ଲାର  ଶିକ୍ଷକ, ଅଧିକାରୀ, କର୍ମଚାରୀ ଓ ଜିଲ୍ଲାବାସୀଙ୍କୁ  ଏତାଦୃଶ ଅବଦାନ ପାଇଁ ସାଧୁବାଦ ଜଣାଇବା ସହ  ନିଜ ନିଜ ସ୍ତରରେ  ‘ସାମାଜିକ  ଦୂରତା’ ଓ ସ୍ୱଚ୍ଛତା ନିୟମ ଅନୁପାଳନ  ସଚେତନତା ଜାରି ରଖିବାକୁ  ଅନୁରୋଧ କରିଥିଲେ । ଏହି ଅବସରରେ ଜିଲ୍ଲାପାଳ ଶ୍ରୀ ରାଉତ କହିଥିଲେ…

ନୂଆଦିଲ୍ଲୀ : ଦିଲ୍ଲୀରେ ଶସ୍ତା ହୋଇଛି ଡିଜେଲ୍‌ । ଦିଲ୍ଲୀସରକାର ଡିଜେଲ୍‌ ଉପରୁ ମୋଟା ଅଙ୍କର ଭାଟ୍‌ କାଟିଛନ୍ତି । ଡିଜେଲ୍‌ ଉପରୁ ଭାଟ୍‌ 30 ପ୍ରତିଶତରୁ 16.75ପ୍ରତିଶତ ହ୍ରାସ କରାଯାଇଛି । ଭାଟ୍‌ କମିବା ପରେ ଡିଜେଲ ଲିଟର ପିଛା 8ଟଙ୍କା 36 ପଇସା କମିଛି । ଦିଲ୍ଲୀରେ ଏବେ ଡିଜେଲ୍‌ ଦର 73ଟଙ୍କା 64 ପଇସା ହୋଇଛି । ଡିଜେଲ୍‌ ହ୍ରାସ ନେଇ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଏକ ବୈଠକରେ ନିଷ୍ପତ୍ତି ନେଇଛନ୍ତି ।

ପଶ୍ଚିମବଙ୍ଗ: ପଶ୍ଚିମବଙ୍ଗ କଂଗ୍ରେସ ଅଧ୍ୟକ୍ଷ ତଥା ପୂର୍ବତନ ସାଂସଦ ସୋମେନ୍‌ ମିତ୍ରଙ୍କର ବୁଧବାର ବିଳମ୍ବିତ ରାତ୍ରିରେ ପରଲୋକ ହୋଇଛି। ମୃତ୍ୟୁବେଳକୁ ତାଙ୍କୁ 78 ବର୍ଷ ହୋଇଥିଲା। ଗତକାଲି ରାତ୍ରିରେ ହୃଦଘାତ ଯୋଗୁଁ ତାଙ୍କ ମୃତ୍ୟୁ ହୋଇଥିବା ହସ୍ପିଟାଲ ପକ୍ଷରୁ କୁହାଯାଇଛି। 1960 ଦଶକରୁ ଛାତ୍ର ଜୀବନରୁ ରାଜନୈତିକ କ୍ୟାରିଅର୍‌ ଆରମ୍ଭ କରିଥିଲେ ମିତ୍ର। ପଶ୍ଚିମବଙ୍ଗ କଂଗ୍ରେସ ଦଳର ତିନି ଥର ଅଧ୍ୟକ୍ଷ ରହିଥିବା ମିତ୍ର 7 ଥର ବିଧାୟକ ଭାବେ ନିର୍ବାଚିତ ହୋଇଥିଲେ। 2008 ମସିହାରେ ସେ କଂଗ୍ରେସ ଛାଡି ପ୍ରଗତିଶୀଳ ଇଣ୍ଡିଆନ କଂଗ୍ରେସ ପାର୍ଟି ସହ ମିଶି ଲୋକସଭାକୁ ଜିତିଥିଲେ। 2014 ମସିହାରେ ପୁଣି ଥରେ ସେ ତୃଣମୂଳ କଂଗ୍ରେସ ଛାଡି ସେ କଂଗ୍ରେସରେ ଯୋଗ ଦେଇଥିଲେ।

ନୂଆଦିଲ୍ଲୀ : ଦେଶରେ ଗତ 24 ଘଣ୍ଟାରେ 52 ହଜାରୁର ଉର୍ଦ୍ଧ୍ବ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ 775ଜଣ କରୋନା ଆକ୍ରାନ୍ତଙ୍କର ମୃତ୍ୟୁ ହୋଇଥିବାବେଳେ  ଦେଶରେ କରୋନା  ଜନିତ ମୃତ୍ୟୁ ସଂଖ୍ୟା 34 ହଜାର 968କୁ ବୃଦ୍ଧି ହୋଇଛି । ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 15 ଲକ୍ଷ 83 ହଜାର 792କୁ ବୃଦ୍ଧି ହୋଇଛି। ସେହିପରି ଏବେ ସୁଦ୍ଧା ଦେଶରେ 5 ଲକ୍ଷ 28 ହଜାରର 242 ଆକ୍ଟିଭ୍‌ କେସ ରହିଥିବାବେଳେ  ସୁସ୍ଥ ହୋଇଛନ୍ତି 10 ଲକ୍ଷ 20 ହଜାର 582 ।  ଦେଶରେ ସୁସ୍ଥ ହାର ଏବେ 64.43  ପ୍ରତିଶତ ରହିଛି । ଦେଶରେ 86 ପ୍ରତିଶତ ମୃତ୍ୟୁ କେବଳ ଆଠଟି ରାଜ୍ୟରୁ ହୋଇଛି । ଏହି ରାଜ୍ୟଗୁଡିକ ମଧ୍ୟରେ ରହିଛି  ମହାରାଷ୍ଟ୍ର, ଦିଲ୍ଲୀ, ତାମିଲନାଡୁ, ଗୁଜୁରାଟ, କର୍ଣ୍ଣାଟକ, ଉତ୍ତରପ୍ରଦେଶ, ପଶ୍ଚିମବଙ୍ଗ  ଆନ୍ଧ୍ରପ୍ରଦେଶ । ଏହି 8ଟି ରାଜ୍ୟରୁ ମୋଟ୍‌ 30 ହଜାର 226ଜଣଙ୍କର କରୋନା ଯୋଗୁଁ ମୃତ୍ୟୁ…

ସୀତାରାମ ଅଗ୍ରଓ୍ବାଲ ବାଣପୁର: ଓଡ଼ିଶାରେ କରୋନା ମହାମାରୀକୁ ପ୍ରତିହିତ କରିବା ପାଇଁ ବର୍ତ୍ତମାନ ରାଜ୍ୟ ସରକାର ଅନେକ ବଳିଷ୍ଠ ପଦକ୍ଷେପ ମାନ ନେଉଛନ୍ତି। ବିଶେଷଜ୍ଞଙ୍କ କହିବାନୁସାରେ ଜଣେ ବ୍ୟକ୍ତି ସଫାସୁୁତୁରା ରହି ସାମାଜିକ ଦୂରତ୍ବ ରକ୍ଷା କରିବା ସହ ମାସ୍କ ବ୍ୟବହାର ଓ ହାତକୁ ପରିଷ୍କାର ଭାବରେ ଧୋଇଲେ ଏହି କରୋନା ସଂକ୍ରମଣରୁ ବର୍ତ୍ତି ପାରିବ। କିନ୍ତୁ ଯଦି ଜଣେ ବ୍ୟକ୍ତି ଅପରିଷ୍କାର ପାଣିରେ ହାତକୁ ଧୋଇବା ବା ବ୍ୟବହାର କରିବା ସେ ବା କିପରି ଏହି ମହାମାରୀ କରୋନା ସହ ଲଢିପାରିବ। ସ୍ବଚ୍ଛ, ପରିଷ୍କାର ରହିବା ଏସମୟରେ ନିତାନ୍ତ ଆବଶ୍ୟକତା ହୋଇଥିବାବେଳେ ବାଣପୁର ଏନ୍‌ଏସିରେ ଏକ ବ୍ୟତିକ୍ରମ ଦେଖିବାକୁ ମିଳିଛି।  ସହରର ଶହ ଶହ ନାଗରିକ ମାନେ ଦୂଷିତ ଜଳ ବ୍ୟବହାର କରୁଛନ୍ତି ଯାହାଦ୍ୱାରା ପରୋକ୍ଷରେ କରୋନା ବିପଦ କମିବା ବଦଳରେ ବଢିବ। ଦୀର୍ଘ ଏକମାସ ହେଲା ସହରର ଜଗନ୍ନାଥପୁର ଏବଂ ବିଷାରପାଟଣା ସାହିରେ ଘରେ ଘରେ ଦିଆଯାଇଥିବା ସରକାରୀ…

ବଲାଙ୍ଗିର : ବଲାଙ୍ଗିର ଭୀମଭୋଇ ମେଡ଼ିକାଲ କଲେଜ ହସ୍ପିଟାଲ ଆଇସିୟୁକୁ ସିଲ୍‌ କରାଯାଇି । 7 ଦିନ ପର୍ଯ୍ୟନ୍ତ ଆଇସିୟୁକୁ ସିଲ୍‌ ଘୋଷଣା କଲେ ମେଡିକାଲ କଲେଜ କର୍ତ୍ତୃପକ୍ଷ । 3ଜଣ କରୋନା ଆକ୍ରାନ୍ତ ଚିହ୍ନଟ ପରେ ଆଇସିୟୁକୁ ସିଲ୍‌ କରାଯାଇଛି । ଏନେଇ ସୂଚନା ଦେଇଛନ୍ତି ମେଡ଼ିକାଲ ସୁପରିଣ୍ଟେଣ୍ଡେଣ୍ଟ ଡା. ମହେନ୍ଦ୍ର ନାୟକ । ସୂଚନାଯୋଗ୍ୟ, ଆଜି ବଲାଙ୍ଗିରରୁ 6 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏବେ  ବଲାଙ୍ଗିରରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା 406ରେ ପହଞ୍ଚିଛି । ସୁସ୍ଥ ହୋଇଛନ୍ତି 286ଜଣ । ଏବେ ସୁଦ୍ଧା ଜିଲ୍ଲାରେ 120 ଜଣ ସକ୍ରିୟ ଆକ୍ରାନ୍ତ ରହିଛନ୍ତି ।

ରମେଶ ମହାନ୍ତି ଜଗତସିଂହପୁର: ଗତକାଲି ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ଚଳିତ ବର୍ଷର ମାଟ୍ରିକ୍ ଫଳ ପ୍ରକାଶ  ପାଇଛି। ଜଗତସିଂହପୁର ଜିଲ୍ଲlରେ ସଫଳତା ହାର ୭୯.୨୫ ପ୍ରତିଶତ ରହିଛି। ଜିଲ୍ଲାରେ ଚଳିତ ବର୍ଷ ୧୫୩ ୯୮ ପରୀକ୍ଷାର୍ଥୀ ଫର୍ମ ଫିଲପ୍ କରିଥିବା ବେଳେ ସେମାନଙ୍କ ମଧ୍ୟରୁ ୧୫୧୨୪ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ୫୧ ଜଣ  ପିଲା ମାଲ୍‌ପ୍ରାକ୍ଟିସ୍ ହୋଇଥିବା ବେଳେ   ୧୫୦୭୩ ଜଣ ପିଲାଙ୍କ ଫଳାଫଳ ପ୍ରକାଶ ପାଇଛି। ସେଥି ମଧ୍ୟରୁ  ଏ୧-ଗ୍ରେଡ୍ ରେ ୪୦ ଜଣ,ଏ୨-ଗ୍ରେଡ୍‌ରେ  ୨୫୬ ଜଣ,ବି୧ ଗ୍ରେଡ୍‌ରେ ୬୫୬ ଜଣ,ବି୨ ଗ୍ରେଡ୍‌ରେ  ୧୧୨୫ ଜଣ,ସି-ଗ୍ରେଡ୍‌ରେ ୧୬୪୨ ଜଣ,ଡି-ଗ୍ରେଡ୍‌ରେ-୨୫୯୩ ଜଣ,ଇ-ଗ୍ରେଡ୍‌ରେ ୫୬୭୩ ଜଣ,କମ୍ପାର୍ଟମେଣାଲରେ ୨ଜଣ କୃତକାର୍ଯ୍ୟ ହୋଇଥିବା ବେଳେ ସେଥିମଧ୍ୟରେ ୩୦୮୬ ଜଣ ଅକୃତ କାର୍ଯ୍ୟ ହୋଇଛନ୍ତି। ଜିଲ୍ଲାରେ ୧୧୯୮୭ କୃତକାର୍ଯ୍ୟ ହୋଇଥିବା ବେଳେ ୫୭୭୯ ଜଣ ଛାତ୍ର ଓ ୬୨୦୮ ଜଣ ଛାତ୍ରୀ ଅଛନ୍ତି  ବୋଲି ଜିଲ୍ଲା ଶିକ୍ଷା ଅଧିକାରୀ ଶ୍ରୀମତୀ ପ୍ରତିଭା ମଂଜରୀ ଦାସ…

ସୀତରାମ ଅଗ୍ରଓ୍ବାଲ ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲଦାରଙ୍କୁ ମରଣାନ୍ତକ ଆକ୍ରମଣ ହୋଇଛି। ଗତକାଲି ରାତ୍ରିରେ ପାଖାପାଖି ୮ ଟା ୩0 ମିନିଟ୍‌ ସମୟରେ ତହସିଲଦାରଙ୍କୁ ଅତର୍କିତ ଆକ୍ରମଣ ହୋଇଥିବାର ସୂଚନା ରହିଛି। ଗତକାଲି ପାତ୍ରପଡା ଖଣି ଠାରେ ଏକ ବେଆଇନ ମାଙ୍କଡା ପଥର ଚାଲାଣ ହେଉଥିବା ସମୟରେ ଟାଙ୍ଗୀ ତହସିଲଦାର ତାଙ୍କ ଟିମ୍‌ଙ୍କ ସହ ଚଢାଉ କରିଥିଲେ। ସେଠାରେ ଏକ ବଡ ଟ୍ରକ୍‌କୁ ଜବତ କରି ଟାଙ୍ଗୀ ତହସିଲ କାର୍ଯ୍ୟାଳୟକୁ ଫେରୁଥିବା ସମୟରେ ଆକ୍ରମଣ ହୋଇଥିବାର ସୂଚନା ମିଳିଛି। ଜବତ କରିଥିବା ଗାଡିଟି ଟାଙ୍ଗୀ ଅଭିମୁଖେ ଯିବା ସମୟରେ ତହସିଲଦାରଙ୍କ ଏସ୍କର୍ଟ ଟିମ କୁ ବାମ ପଟୁ ପ୍ରଥମେ ଧକା ଦେଇଥିଲା। ଏଥିରେ ବିଚଳିତ ନହୋଇ ତହସିଲଦାର ଗାଡ଼ିର ପିଛା କରଥିଲେ। ଚାନ୍ଦପୁର ଥାନା ରଣପୁର ତହସିଲ ଅନ୍ତର୍ଗତ ବେଣ୍ଟ ଗାଁ ନିକଟରେ ଟ୍ରକ କୁ ଠିଆ କରି ଟ୍ରକ ଡ୍ରାଇଭର ଦୌଡ଼ି ପଳେଇଥିଲା। ପୂର୍ବ ଯୋଜନା ଅନୁଯାୟୀ ସେଠାରେ…

ଭୁବନେଶ୍ବର : ଆଜି ରାଜ୍ୟରୁ ପୁଣି 10ଜଣଙ୍କର ଜୀବନ ନେଇଛି କରୋନା । ଗଞ୍ଜାମ ଜିଲ୍ଲାରୁ ସର୍ବାଧିକ 4 ଜଣଙ୍କର ମୃତ୍ୟୁ ଘଟିଥିବାବେଳେ ଖୋର୍ଦ୍ଧା ଜିଲ୍ଲାରୁ 2, ନୟାଗଡ, ରାୟଗଡା, ସମ୍ବଲପୁର, ସୁନ୍ଦରଗଡରୁ ଜଣେ ଲେଖାଏଁ ମୃତ୍ୟୁବରଣ କରିଛନ୍ତି । ରାଜ୍ୟରେ କରୋନା ମୃତ୍ୟୁ ସଂଖ୍ୟା 169କୁ ବୃଦ୍ଧି ହୋଇଥିବାବେଳେ ଗଞ୍ଜାମ ଜିଲ୍ଲାରେ 90କୁ ବୃଦ୍ଧି ହୋଇଛି । ସେହିପରି ଖୋର୍ଦ୍ଧା ଜିଲ୍ଲାରେ 21 ଜଣଙ୍କର ଜୀବନ ଯାଇଥିବାବେଳେ ନୟାଗଡରୁ 2, ରାୟଗଡାରୁ 7, ସୁନ୍ଦରଗଡରୁ 7ଜଣଙ୍କ ଜୀବନ ଯାଇଛି । ଆଜି ପ୍ରଥମ ଥର ପାଇଁ ସମ୍ବଲପୁରରୁ ଜଣଙ୍କର ଜୀବନ ନେଇଛି କରୋନା ।

ଭୁବନେଶ୍ବର : ଆଜି 28 ଜିଲ୍ଲାରୁ 1203 କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଗଞ୍ଜାମରୁ ସର୍ବାଧିକ 250 ଜଣ ଚିହ୍ନଟ ହୋଇଥିବାବେଳେ ଖୋର୍ଦ୍ଧାରୁ 220, କଟକରୁ 97, ସୁନ୍ଦରଗଡରୁ 74, ଗଜପତିରୁ 72, କୋରାପୁଟରୁ 66, ମାଲ୍‌କାନଗିରିରୁ 65, ଭଦ୍ରକରୁ 53, ଯାଜପୁରରୁ 46,  ରାୟଗଡାରୁ 45, ସମ୍ବଲପୁରରୁ 40, ନୟାଗଡରୁ 24, ବାଲେଶ୍ବରରୁ 20, ମୟୂରଭଞ୍ଜରୁ 16, ଅନୁଗୁଳରୁ 15,  କନ୍ଧମାଳ ଓ କେନ୍ଦ୍ରାପଡାରୁ 14 ଜଣ ଲେଖାଏଁ ରହିଛନ୍ତି । ବରଗଡରୁ 12, କେଉଁଝରରୁ 11, ପୁରୀରୁ 9, ଜଗତସିଂହପୁରରୁ ଓ ଦେବଗଡରୁ 8 ଜଣ ଲେଖାଏଁ ରହିଛନ୍ତି । ବଲାଙ୍ଗିରରୁ 6, ନବରଙ୍ଗପୁର, କଳାହାଣ୍ଡି ଓ ସୋନପୁରରୁ 4 ଜଣ ଲେଖାଏଁ ରହିଛନ୍ତି । ବୌଦ୍ଧ ଓ ଢେଙ୍କାନାଳରୁ 3 ଜଣ ଲେଖାଏଁ ଆକ୍ରାନ୍ତ ରହିଛନ୍ତି ।