Author: Samikhsya Bureau

ଶ୍ରୀନଗର : ଜମ୍ମୁ କାଶ୍ମୀରରେ 4ଜି ଇଣ୍ଟରନେଟ୍‌ ସେବା ପୁନର୍ବ୍ୟବସ୍ଥିତ ହେବାକୁ ଯାଉଛି । ଶୁକ୍ରବାର ମଧ୍ୟରାତ୍ରରୁ 4ଜି ସେବା ଲାଗୁ କରିବା ପାଇଁ ଘୋଷଣା କରାଯାଇଛି । କୋରୋନା ଭାଇରସ୍‌ ପ୍ରଭାବରେ ସମଗ୍ର ଦେଶ ପ୍ରଭାବିତ ହୋଇଥିବା ବେଳେ ଜମ୍ମୁ ଉପତ୍ୟାକାରେ ଲୋକଙ୍କୁ ସ୍ପିଡ୍‌ ଇଣ୍ଟରନେଟ୍‌ ସେବା ପ୍ରଦାନ କରିବା ପାଇଁ ଏହି ନିଷ୍ପତ୍ତି ନିଆଯାଇଛି । ଜମ୍ମୁ କାଶ୍ମୀର ସରକାରଙ୍କ ମୁଖପାତ୍ର ରୋହିତ କନ୍‌ସଲ ଏହି ସୂଚନା ଦେଇଛନ୍ତି । ଗୁରୁବାର ଜମ୍ମୁ କଶ୍ମୀର ଲ୍ୟୁଟନାଣ୍ଟ ଗଭର୍ଣ୍ଣର ଜି ଏମ୍‌ ମୁର୍ମୁଙ୍କ ନେତୃତ୍ବରେ ଏକ ବୈଠକ ପରେ ଏହି ନିଷ୍ପତ୍ତି ନିଆଯାଇଥିଲା ।

ମୁମ୍ବାଇ : ଦେଶରେ କୋରୋନା ଭାଇରସ୍‌ର ବର୍ଦ୍ଧିତ ପ୍ରଭାବ କାରଣରୁ ଆଇପିଏଲ୍‌କୁ ସ୍ଥଗିତ ରଖିବାର ନିଷ୍ପତ୍ତି ନେଇଛି ବିସିସିଆଇ । ଆସନ୍ତା ଏପ୍ରିଲ୍‌ 15 ତାରିଖ ପର୍ଯ୍ୟନ୍ତ ଆଇପିଏଲ୍‌କୁ ସ୍ଥଗିତ ରଖିବା ପାଇଁ ବିସିସିଆଇ ନିଷ୍ପତ୍ତି ନେଇଛି । ବିସିସିଆଇର ଅନ୍ତରୀଣ କମିଟି ପକ୍ଷରୁ ଏହି ନିଷ୍ପତ୍ତି ନିଆଯିବା ସହିତ ସମସ୍ତ ଫ୍ରାଞ୍ଚାଇଜିଙ୍କୁ ଏ ସମ୍ପର୍କରେ ସୂଚିତ କରାଇ ଦିଆଯାଇଛି । ବୁଧବାର ଭାରତ ସରକାରଙ୍କ ପକ୍ଷରୁ ବିଦେଶୀ ଭିସା ବାତିଲ କରିବା ପାଇଁ ନିଷ୍ପତ୍ତି ନିଆଯିବା ପରେ ବିସିସିଆଇର ଅନ୍ତରୀଣ କମିଟି ଏହି ନିଷ୍ପତ୍ତି ନେଇଛି । (ଏଜେନ୍ସି)

ସମୀକ୍ଷା ବ୍ୟୁରୋ ଭୁବନେଶ୍ବର: କରୋନା କବଳରେ ଏବେ ସାରା ବିଶ୍ବ କବଳିତ। ଚୀନ୍‌ରୁ ବୁହାନ ସହରରୁ ଏହି ମାରାତ୍ମକ ଭାଇରସ୍‌ ଏବେ ଦେଶର 100ଟି ଦେଶରୁ ଉର୍ଦ୍ଧ୍ବ ଦେଶକୁ କବଳିତ କରି ସାରିଲାଣି। ଭାରତରେ ଏହି ରୋଗରେ ଜଣକର ମୃତ୍ୟୁ ଘଟିଥିବାବେଳେ 76ଜଣ ଆକ୍ରାନ୍ତ ହୋଇଥିବାର ସୂଚନା ମିଳିଛି। କରୋନାର ଭୟାବହତାକୁ ଦେଖି ସମସ୍ତ ରାଷ୍ଟ୍ର କରୋନା ପାଇଁ ସତର୍କତା ଅବଲମ୍ବନ କରୁଛନ୍ତି। ବିଶ୍ୱ ସ୍ୱାସ୍ଥ୍ୟ ସଂଗଠନ COVID-19କୁ ଏକ ବିଶ୍ୱ ମହାମାରୀ ବୋଲି ଘୋଷଣା କରିଛି। ମହାମାରୀର ପ୍ରସାରକୁ ରୋକିବା ପାଇଁ ସମସ୍ତ ସଦସ୍ୟ ରାଷ୍ଟ୍ରମାନଙ୍କୁ ଜରୁରୀ ଏବଂ ଆକ୍ରମଣାତ୍ମକ ପଦକ୍ଷେପ ନେବାକୁ ଅନୁରୋଧ କରିଛନ୍ତି। ଏହି ପରିପ୍ରେକ୍ଷୀରେ ଆଜି ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରୋନାକୁ ରାଜ୍ୟ ବିପର୍ଯ୍ୟୟ ଘୋଷଣା କରିଛନ୍ତି। ଏନେଇ ଆଜି କ୍ୟାବିନେଟ ବୈଠକରେ ନିଷ୍ପତି ହୋଇଥିବା ବେଳେ ଗୃହରେ ବିବୃତି ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। କରୋନାର ମୁକାବିଲା ପାଇଁ ୨୦୦ କୋଟି ଟଙ୍କାର…

ଶ୍ରୀନଗର : ପୂର୍ବତନ ଜମ୍ମୁ କାଶ୍ମୀର ମୁଖ୍ୟମନ୍ତ୍ରୀ ଫାରୁକ୍‌ ଅବଦୁଲ୍ଲାଙ୍କୁ ଗୃହବନ୍ଦୀରୁ ମୁକ୍ତ କରିବାର ନିଷ୍ପତ୍ତି ନେଇଛନ୍ତି ସରକାର । ଦୀର୍ଘ ସାତ ମାସ ଧରି ଗୃହବନ୍ଦୀ ରହିବା ପରେ ଗୁରୁବାର ଅବଦୁଲ୍ଲାଙ୍କୁ ଶୁକ୍ରବାର ମୁକ୍ତ କରିବା ପାଇଁ ଘୋଷଣା କରାଯାଇଛି । ପୂର୍ବତନ ମୁଖ୍ୟମନ୍ତ୍ରୀ ଫାରୁକ୍‌ ଅବଦୁଲ୍ଲାଙ୍କ ସମେତ ଅନ୍ୟତମ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଏବଂ ମେହବୁବା ମୁଫ୍‌ତିଙ୍କୁ ମଧ୍ୟ ଗୃହବନ୍ଦୀ ଭାବରେ ରଖାଯାଇଥିଲା । ଅଗଷ୍ଟ 5, 2019ରେ ଜମ୍ମୁ କାଶ୍ମୀରରୁ ଧାରା 370 ଉଚ୍ଛେଦ କରାଯିବା ସହିତ ସମସ୍ତ ପୂର୍ବତନ ମୁଖ୍ୟମନ୍ତ୍ରୀଙ୍କୁ ଅଟକ ରଖାଯାଇଥିଲା । ଜମ୍ମୁ କାଶ୍ମୀର ଗୃହ ସଚିବ ଶାଲୀନ୍‌ କାବ୍ରା ଫାରୁକ୍‌ଙ୍କୁ ମୁକ୍ତ କରାଯିବା ନେଇ ଘୋଷଣା କରିଛନ୍ତି । (ଏଜେନ୍ସି)

ସମୀକ୍ଷା ବ୍ୟୁରୋ ଭୁବନେଶ୍ବର : ମାର୍ଚ୍ଚ 29 ତାରିଖ ପର୍ଯ୍ୟନ୍ତ ବିଧାନସଭା ମୁଲତବୀ ଘୋଷଣା କରାଯାଇଛି । ବିଧାନସଭା ସ୍ଥଗିତ ପ୍ରସ୍ତାବ ଧ୍ବନିମତରେ ପାରିତ ହୋଇଛି । ଶାସକ ଦଳ ମୁଖ୍ୟ ସଚେତକ ଆଣିଥିଲେ ସ୍ଥଗିତ ପ୍ରସ୍ତାବ। ସ୍ଥଗିତ ପ୍ରସ୍ତାବକୁ ବିଜେପି ବିରୋଧ କରିଥିବାବେଳେ କଂଗ୍ରେସ ସମର୍ଥନ କରିଥିଲା । ବଜେଟ୍‌ ଅଧିବେଶନ ଏପ୍ରିଲ୍‌ 9 ଯାଏଁ ଚାଲିବାକୁ ଧାର୍ଯ୍ୟ ହୋଇଛି ।  ଆସନ୍ତା 29 ମାର୍ଚ୍ଚ ଯାଏ ଗୃହ କାର୍ଯ୍ୟ ବନ୍ଦ କରିବା ପାଇଁ ଶାସକ ଦଳ ମୁଖ୍ୟ ସଚେତକ ପ୍ରସ୍ତାବ ଦେଇଥିଲେ। ବିରୋଧୀ ଦଳ ନେତା ବିଧାନସଭା ବନ୍ଦ କରିବା ଉପରେ ପ୍ରଶ୍ନ ଉଠାଇଥିଲେ । ଲୋକସଭା ବନ୍ଦ ହୋଇନି ତ କେମିତି ବିଧାନସଭା ବନ୍ଦ ହେବ ବୋଲି କହିଥିଲେ ବିରୋଧୀ ଦଳ । ତେବେ ପରିଶେଷରେ 29 ଯାଏଁ ବିଧାନସଭା ମୁଲତବୀ ପ୍ରସ୍ତାବ ପାରିତ ହୋଇଛି ।

ମୁମ୍ବାଇ : ଦଲାଲ୍ ଷ୍ଟ୍ରିଟ୍‌ରେ ବ୍ଲାକ୍‌ ଫ୍ରାଇଡେ ପ୍ରଭାବରେ ନିବେଶକଙ୍କୁ ବଡ କ୍ଷତିର ସମ୍ମୁଖୀନ ହେବାକୁ ପଡିଛି । କୋରୋନା ଭାଇରସ୍‌ ପ୍ରଭାବରେ ସପ୍ତାହର ଅନ୍ତିମ ଦିନରେ ସେୟାର ବଜାର ତଳୁଆ ରହିଛି । ସପ୍ତାହର ଅନ୍ତିମ ଦିନର ଟ୍ରେଡିଂରେ ନିବେଶକ ମାନେ 15 ମିନିଟ୍‌ରେ 12 ଲକ୍ଷ କୋଟି ହରାଇଛନ୍ତି । ଦିନର ଆରମ୍ଭରୁ ବଜାର ନକରାତ୍ମକ ଥିବାରୁ ପ୍ରାୟ 45 ମିନିଟ୍‌ ଧରି ଟ୍ରେଡିଂ ବନ୍ଦ ରହିଥିଲା । 10.05ରେ ପୁନର୍ବାର ଟ୍ରେଡିଂ ଆରମ୍ଭ ହେବା ପରେ ବଜାର ସବୁଠାରୁ ତଳେ ରହିଥିଲା । ଇଣ୍ଟ୍ରାଡେ ଟ୍ରେଡିଂରେ ଏହା ସର୍ବାଧିକ ପରିମାଣର ହ୍ରାସ । ସେନସେକ୍ସରେ 9.43 ପ୍ରତିଶତର ହ୍ରାସ ଘଟିଥିବା ବେଳେ ନିଫ୍‌ଟୀରେ 10 ପ୍ରତିଶତର ହ୍ରାସ ଘଟିଥିଲା । ସେନ୍‌ସେକ୍ସ 3090 ପଏଣ୍ଟ ତଳକୁ ଖସିବା ସହିତ 29687.52 ପଏଣ୍ଟରେ ରହିଥିବା ବେଳେ ନିଫ୍‌ଟୀରେ 1000 ପଏଣ୍ଟର ହ୍ରାସ ଘଟି 8700 ପଏଣ୍ଟରେ ପହଞ୍ଚିଥିଲା ।…

ରଞ୍ଜିତ୍‌ ପଣ୍ଡା ପାରାଦୀପ :  କୁଜଙ୍ଗବ୍ଳକ ଅନ୍ତର୍ଗତ ମହ୍ଲାସାହି ଅଂଚଳରେ ଏବେମଧ୍ୟ ନିଜର ପରମ୍ପରାକୁ ବଜାୟ ରଖିଛି ପ୍ରସିଦ୍ଧ ଝୁଲଣ ଯାତ୍ରା । ସ୍ଥାନୀୟ ଆରାଧ୍ୟ ଦେବତା ଶ୍ରୀଶ୍ରୀ ଅନନ୍ତ ମାଧବ ଜୀଉଙ୍କର ଏହି ପ୍ରସିଦ୍ଧ ଝୁଲଣ ପରମ୍ପରା ପାଖାପାଖି ୫ ଶହ ବର୍ଷ ହେବ ବଂଚି ରହିଛି ଏହି ପରମ୍ପରା । ଅନେକ ଉଥାନ ପତନ ଦେଇ ଆସିଥିଲେ ମଧ୍ୟ କେବେ ଏହି ମହାନ ପରମ୍ପରାରେ ଭଟ୍ଟା ପଡ଼ିନାହିଁ ।  ଆଧୁନତାର ସ୍ପର୍ଶରେ ଏବେ ସମଗ୍ର ଅଂଚଳରେ କ୍ରମଶଃ ଅନେକ ପ୍ରଥା ଏବଂ ପରମ୍ପରା ଶିଥୀଳ ହୋଇପଡ଼ିଛି । ମାତ୍ର ହାରି ନାହିଁ, ମରିନାହିଁ କିମ୍ବା ସରିଯାଇ ନାହିଁ ଅନନ୍ତ ମାଧବ ଜୀଉଙ୍କର ଏହି ପବିତ୍ର ପରମ୍ପରା । ଜଣାଯାଏ ଯେ, ପ୍ରାୟ ୧୫୫୦ ମସିହାଠାରୁ ଏହି ଦୋଳପୂର୍ଣ୍ଣିମା ସମୟର ପବିତ୍ର ଝୁଲଣ ଯାତ୍ରା ପରମ୍ପରା ଆରମ୍ଭ ହୋଇଛି । ଶ୍ରୀଶ୍ରୀ ଅନନ୍ତ ମାଧବଜୀଉ ବିଜେ ମହ୍ଲାସାହି ଇଣ୍ଡେକ୍ସ ନଂ…

ନୂଆଦିଲ୍ଲୀ : କୋରୋନେ ଭାଇରସ୍‌ ପ୍ରଭାବରେ ଦିଲ୍ଲୀରେ ଆଇପିଏଲ୍‌ ମ୍ୟାଚ୍‌ ନହେବା ନେଇ ଘୋଷଣା କରାଯାଇଛି । ଦିଲ୍ଲୀରୁ ମ୍ୟାଚ୍‌ ସ୍ଥାନାନ୍ତର ହେବା ପାଇଁ ଶୁକ୍ରବାର ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଘୋଷଣା କରିଛନ୍ତି । ଆସନ୍ତା 13 ମାର୍ଚ୍ଚ ପରଠାରୁ ଦିଲ୍ଲୀରେ ଅନୁଷ୍ଠିତ ହେବାକୁ ଥିବା ସମସ୍ତ ବୈଠକ ଉପରେ ରୋକ୍‌ ଲଗାଯାଇଛି । ପ୍ରତିଶେଧକ ମୂଳକ ପଦକ୍ଷେପ ସ୍ବରୂପ ଦିଲ୍ଲୀ ସରକାର ଦିଲ୍ଲୀରେ ଆଇପିଏଲ୍‌ ମ୍ୟାଚ୍‌ ଉପରେ ରୋକ୍‌ ଲଗାଇଛନ୍ତି । ସେହିପରି ଦିଲ୍ଲୀରେ ଅନୁଷ୍ଠିତ ହେବାକୁ ଥିବା 51 ତମ ସିଆରପିଏଫ୍‌ ପ୍ରତିଷ୍ଠା ଦିବସ ଉପରେ ରୋକ୍‌ ଲଗାଯାଇଛି । (ଏଜେନ୍ସି)

କନ୍ଦର୍ପ ବେହେରା ରେଢାଖୋଲ : ନାକ୍ଟିଦେଉଳ ବ୍ଲକ୍ ଡଇଁଚା ପଂଚାୟତରେ ସ୍ୱାମୀ ବିବେକାନନ୍ଦ ପାଠାଗାର ଉଦଘାଟନ ହୋଇଯାଇଛି । ନାକ୍ଟିଦେଉଳ ବ୍ଲକ୍ ଅଧ୍ୟକ୍ଷା ମନ୍ଦାକିନୀ ରାଉଳ ମୁଖ୍ୟଅତିଥି ଭାବରେ ଯୋଗଦେଇ ସ୍ୱାମୀ ବିବେକାନନ୍ଦ ପାଠାଗାରର ଶୁଭ ଉଦ୍ଘାଟନ କରିଥିଲେ । ଏଥିରେ ଡଇଁଚା ସରପଂଚ ପ୍ରବୀଣ କୁମାର ପ୍ରଧାନ ଅଧ୍ୟକ୍ଷତା କରିଥିଲେ । ଡଇଁଚା ଗ୍ରାମପଂଚାୟତର ପଂଚାୟତ ଅଧିକାରୀ ସରକାରଙ୍କ ଏହି ପାଠାଗାର ଖୋଲିବା ଦ୍ୱାରା ଗ୍ରାମାଂଚଳରେ କିପରି ପୁସ୍ତକ ପ୍ରତି ପିଲାମାନଙ୍କର ଆଗ୍ରହ ବଢିବ ତଥା ସରକାରଙ୍କ ବିଭିନ୍ନ ଯୋଜନା ସଂପର୍କରେ ଏହି ପାଠାଗାର ମାଧ୍ୟମରେ ସୂଚନା ପାଇପାରିବେ ବୋଲି ପ୍ରକାଶ କରିଥିଲେ । ଅନ୍ୟମାନଙ୍କ ମଧ୍ୟରେ ସାମ୍ବାଦିକ କନ୍ଦର୍ପ ବେହେରା, ବିଜେଡି ବ୍ଲକ୍ ସଭାପତି ମୂଳିଆ ରାଉଳ, ସୁଦର୍ଶନ ପ୍ରଧାନ ପ୍ରମୁଖ ଯୋଗ ଦେଇଥିଲେ । ଗ୍ରାମର ଆଗ୍ରହୀ ବ୍ୟକ୍ତିମାନେ ପାଠାଗାରକୁ ପୁସ୍ତକ ଦାନ କରିଥିଲେ । ସରକାର ପାଠାଗାର କୋଠାପାଇଁ ୫ ଲକ୍ଷ ଟଙ୍କା ଓ ଅନ୍ୟାନ୍ୟ…

ନୂଆଦିଲ୍ଲୀ : ଉନ୍ନାଓ ଗଣଦୁଷ୍କର୍ମ ମାମଲାରେ ପୂର୍ବତନ ବିଜେପି ବିଧାୟକ କୁଲ୍‌ଦୀପ୍‌ ସେନ୍‌ଗାରଙ୍କୁ 10 ବର୍ଷର କାରାଦଣ୍ଡାଦେଶ ପ୍ରଦାନ କରାଯାଇଛି । ନାବାଳିକାଙ୍କୁ ଦୁଷ୍କର୍ମ ଏବଂ ପୀଡିତାଙ୍କ ପିତାଙ୍କୁ ହତ୍ୟା କରିବା ଅଭିଯୋଗରେ ପୂର୍ବତନ ବିଧାୟକ ଏବଂ ମାମଲାର ଅନ୍ୟତମ ସହ ଅଭିଯୁକ୍ତ ଅତୁଲ୍‌ ସେନ୍‌ଗାର୍‌ଙ୍କୁ ମଧ୍ୟ ସମାନ 10 ବର୍ଷର କାରାଦଣ୍ଡ ପ୍ରଦାନ କରାଯାଇଛି । ଏହା ସହିତ ମାମଲାର ଅନ୍ୟ ଦୁଇ ଅଭିଯୁକ୍ତ ପୋଲିସ୍‌ ଅଫିସରଙ୍କୁ ମଧ୍ୟ 10 ବର୍ଷର କାରାଦଣ୍ଡାଦେଶ ପ୍ରଦାନ କରାଯାଇଛି । ପୀଡିତାଙ୍କ ପରିବାରକୁ 20 ଲକ୍ଷର ଆର୍ଥିକ ସହାୟତା ପ୍ରଦାନ କରିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ପୀଡିତା ନିଜର ପିତାଙ୍କୁ ହରାଇଛନ୍ତି, ପରିବାରର ଚାରି ଶିଶୁଙ୍କ ମଧ୍ୟରୁ ତିନି ଜଣ ନାବାଳକ ହୋଇଥିବାରୁ କୁଲଦୀପ ଏବଂ ଅତୁଲ ପ୍ରତ୍ୟେକ 10 ଲକ୍ଷ ଲେଖାଏଁ ଅର୍ଥରାଶି ପ୍ରଦାନ କରିବା ପାଇଁ ନିର୍ଦ୍ଦେଶ ଦିଆଯାଇଛି । (ଏଜେନ୍ସି)

ସମୀକ୍ଷା ବ୍ୟୁରୋ ଭୁବନେଶ୍ବର : କାଳିଆ ଟଙ୍କା କେଳେଙ୍କାରୀ ଘଟଣାର ଗୃହ କମିଟି ତଦନ୍ତ ଦାବିରେ ଆଜି ବିଜେପି ସଭ୍ୟମାନେ ବିଧାନସଭାକୁ ଅଚଳ କରିଛନ୍ତି। ପୂର୍ବ ନିର୍ଦ୍ଧାରିତ କାର୍ଯକ୍ରମ ଅନୁସାରେ ବିଧାନସଭାର କାର୍ଯ୍ୟ ଆଜି ପୂର୍ବାହ୍ନ ସାଢେ ଦଶଟା ବେଳେ ଆରମ୍ଭ ହୋଇଥିଲା । ବାଚସ୍ପତି ସୂର୍ଯ୍ୟନାରାୟଣ ପାତ୍ର ପ୍ରଶ୍ନୋତ୍ତର କାର୍ଯ୍ୟକ୍ରମ ଆରମ୍ଭ କରିବାକୁ ଉଦ୍ୟମ କରିବା ମାତ୍ରେ ବିଜେପି ସଭ୍ୟମାନେ ଗୃହର ମଧ୍ୟଭାଗକୁ ମାଡ଼ି ଆସିଥିଲେ ଏବଂ ଗୃହ କମିଟି ଗଠନ ନିମେନ୍ତ ନାରାବାଜି ଚଳାଇଥିଲେ । ତେବେ ପ୍ରଶ୍ନୋତ୍ତର କାର୍ଯ୍ୟକ୍ରମ ପରେ ଉକ୍ତ ପ୍ରସଙ୍ଗରେ ଆଲୋଚନା କରିବାର ପ୍ରତିଶ୍ରୁତି ଦେଇ ବାଚସ୍ପତି ସେମାନଙ୍କୁ ନିଜ ନିଜ ଆସନକୁ ଫେରିଯିବାକୁ ଅନୁରୋଧ ଜଣାଇଥିଲେ । ମାତ୍ର ବିଜେପି ସଭ୍ୟମାନେ ସେମାନଙ୍କ ଜିଦ୍‌ରେ ଅଟଳ ରହି ନାରାବାଜି ଜାରି ରଖିବାରୁ ବାଚସ୍ପତି ଶ୍ରୀ ପାତ୍ର କେବଳ ଦୁଇ ମିନିଟ୍‌ ପରେ ଅର୍ଥାତ୍‌ ପୂର୍ବାହ୍ନ ଦଶଟା 32 ମିନିଟ୍‌ରେ ବିଧାନସଭାର କାର୍ଯ୍ୟ ସାଢ…

ସମୀକ୍ଷା ବ୍ୟୁରୋ ଭୁବନେଶ୍ବର : କରୋନା ସମ୍ପର୍କରେ ବିଧାନସଭାରେ ମୁଖ୍ୟମନ୍ତ୍ରୀ ବିବୃତ୍ତି ରଖିଛନ୍ତି । କରୋନାକୁ ରାଜ୍ୟ ବିପର୍ଯ୍ୟୟ ଭାବେ ଘୋଷଣା କରିଛନ୍ତି। ବିପର୍ଯ୍ୟୟ ପ୍ରଶମନ ଆଇନ 2005 ଅନୁସାରେ କରୋନାକୁ ରାଜ୍ୟ ବିପର୍ଯ୍ୟୟ ଘୋଷଣା କରାଯାଇଛି । କରେନା ମୁକାବିଲା ପାଇଁ 200 କୋଟି ଟଙ୍କାର ଫାଣ୍ଠି ରଖାଯାଇଛି । ଆଜି ରାଜ୍ୟ କ୍ୟାବିନେଟ୍‌ ବୈଠକ ଏହି ନିଷ୍ପତ୍ତି ନିଆଯାଇଛି। ମାର୍ଚ୍ଚ 31 ପର୍ଯ୍ୟନ୍ତ ରାଜ୍ୟର ସମସ୍ତ ସ୍କୁଲ, କଲେଜ ସହ ଶିକ୍ଷାନୁଷ୍ଠାନ ବନ୍ଦ ରଖିବାକୁ ଘୋଷଣା କରାଯାଇଛି। ରାଜ୍ୟର ସମସ୍ତ ସିନେମା ହଲ୍‌, ସୁଇମିଂ ଫୁଲ୍‌କୁ ମଧ୍ୟ ବନ୍ଦ ରଖିବାକୁ ଘୋଷଣା କରାଯାଇଛି। ସେହିପରି ସାଂସ୍କୃତିକ କାର୍ଯ୍ୟକ୍ରମ, ବୈଠକ ଆଦି ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି।  ବିଧାନସଭା ପରିସରରେ ପାନ ଛେପ ନ  ପକାଇବାକୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ। ଆସନ୍ତା ମାର୍ଚ୍ଚ 29 ତାରିଖ ଯାଏଁ ଗୃହ କାର୍ଯ୍ୟ ବନ୍ଦ କରିବା ପାଇଁ ଶାସକ ଦଳ ମୁଖ୍ୟ ସଚେତକ…

ରମେଶ ମହାନ୍ତି ଜଗତସିଂହପୁର : ପବିତ୍ର ହୋଲି ପର୍ବ ପୂର୍ବାହ୍ନରେ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ କଟକ (ଏସ୍.ସି.ବି) ବଡମେଡିକାଲରେ ଭର୍ତ୍ତି କରାଯାଇଥିଲା। ହେଲେ ତାଙ୍କର ସ୍ୱାସ୍ଥ୍ୟରେ ଉନ୍ନତି ଆସିବା ପରିବର୍ତ୍ତେ ସେହିଦିନ ଅର୍ଥାତ ରାତ୍ର ୧୦ ଘଣ୍ଟା ସମୟରେ ଶେଷ ନିଶ୍ବାସ ତ୍ୟାଗ କରିଥିଲେ। ପରେ ପରିବାର ଓ ସମ୍ପର୍କୀୟମାନେ ଶେଷ ଦର୍ଶନ ନିମନ୍ତେ ତାଙ୍କୁ ନିଜ ଜନ୍ମ ମାଟି ଜଗତସିଂହପୁର ଥାନା ଅନ୍ତର୍ଗତ ପୁରୋହିତପୁର ଗ୍ରାମକୁ ଅଣା ଯାଇଥିଲା। ଶେଷ ଦର୍ଶନ ପରେ ଶେଷକୃତ୍ୟ ସମ୍ପର୍ଣ୍ଣ ନିମନ୍ତେ ପୁରୀ ସ୍ବର୍ଗଦ୍ବାର ନିଆ ଯାଇଥିଲା। ମୃତ୍ୟୁ ବେଳକୁ ତାଙ୍କୁ ୫୮ବର୍ଷ ବୟସ ହୋଇଥିଲା। ସେ ଦୀର୍ଘ ବର୍ଷଧରି ସାମ୍ବାଦିକତା କରିବା ପରେ ବାରମ୍ବାର ଅସୁସ୍ଥ ହେବା ନେଇ ଧରିତ୍ରୀରୁ ସବୁ ଦିନ ପାଇଁ ବିଦାୟ ନେଇଥିଲେ। ଏହାର କିଛି ବର୍ଷ ପରେ ସେ ନିଜକୁ ସୁସ୍ଥ ମନେ କରିବା ପରେ, ସମ୍ପର୍କବାର୍ତ୍ତା ପେପର ଜଗତସିଂହପୁର ପ୍ରତିନିଧି ଭାବେ…

ନୂଆଦିଲ୍ଲୀ : ଫିଲ୍ମି ଫ୍ରାଇଡେ’ରେ ଆଜି ପରଦାକୁ ଆସିଛି ଇରଫାନ୍‌ ଖାନ୍‌ ଷ୍ଟାରର ଫିଲ୍ମ ’ଅଂଗ୍ରେଜୀ ମିଡିୟମ୍‌’ । ଲୋକପ୍ରିୟ ହିନ୍ଦୀ ଚଳଚ୍ଚିତ୍ର ‘ହିନ୍ଦୀ ମିଡିୟମ୍‌’ର ସ୍ବିକେଲ୍‌ ହେଉଛି ‘ଅଂଗ୍ରେଜୀ ମିଡିୟମ୍‌’। ଏହି ଫିଲ୍ମରେ ଇରଫାନ୍‌ଙ୍କ ବ୍ୟତୀତ କରୀନା କପୁର୍‌ ଖାନ୍‌, ରାଧିକା ମଦନ୍‌, ପଙ୍କଜ ତ୍ରିପାଠୀ, ଦୀପକ ଡୋବ୍ରିଆଲ୍‌, କିକୁ ଶାରଦା ପ୍ରମୁଖ ଅଭିନୟ କରିଛନ୍ତି । କିନ୍ତୁ କରୋନା ଭାଇରସ୍‌କୁ ମହାମାରୀ ଘୋଷଣା କରାଯିବା ଦିଲ୍ଲୀରେ ସିନେମା ହଲ୍‌ ଆଗାମୀ 31 ତାରିଖ ପର୍ଯ୍ୟନ୍ତ ବନ୍ଦ ରହିଛି । ସେହିପରି ଲୋକମାନେ ଫିଲ୍ମ ତଥା ସମ୍ମିଳିତ ଜାଗାକୁ ଯିବାକୁ ଭୟ କରୁଛନ୍ତି। ଏହି ପରିପ୍ରେକ୍ଷୀରେ ଏହି ସିନେମାର ବ୍ୟବସାୟ ଉପରେ ଏହାର ପ୍ରଭାବ ବେଶ୍‌ ପଡୁଥିବାର ଅନୁମାନ କରାଯାଉଛି। ଦମଦାର୍‌ କାହାଣୀ ସହିତ ଇରଫାନ୍‌ ପରଦାକୁ ପୁଣି ଥରେ ପ୍ରତ୍ୟାବର୍ତ୍ତନ କରିଥିବାବେଳେ କରୋନା ପାଇଁ ଏହି ଫିଲ୍ମରେ ଗ୍ରହଣ ଲାଗୁଥିବାର ଜଣାପଡୁଛି। ତେବେ ସମୀକ୍ଷକଙ୍କୁ ଫିଲ୍ମ ବହୁତ ପସନ୍ଦ…

ସମୀକ୍ଷା ବ୍ୟୁରୋ କେନ୍ଦ୍ରାପଡ଼ା :  ନଦୀରେ ବୁଡି ଦୁଇ ଯୁବକଙ୍କ ମୃତ୍ୟୁ ହୋଇଛି । ଏପରି ଏକ ଅଭାବନୀୟ ଘଟଣା କେନ୍ଦ୍ରାପଡା ଜିଲ୍ଲା ପାଟକୁରା ଥାନା ଅଞ୍ଚଳରେ ଘଟିଛି । ମିଳିଥିବା ସୂଚନା ଅନୁସାରେ ଦୁହେଁ ଚିତ୍ରପୋଳା ନଦୀରେ ଗାଧୋଇବା ବେଳେ ବୁଡି ଯାଇ ଦୁହିଁଙ୍କର ମୃତ୍ୟୁ ହୋଇଛି। ମୃତକଦ୍ୱୟ ହେଲେ ସରିଫ ଖାଁ ଓ ବସନ୍ ଖାଁ। ଉଭୟ ପାଟକୁରାସ୍ଥିତ ବନ୍ଧୁ ଘରକୁ ବୁଲିବାକୁ ଆସିଥିବା ବେଳେ ଆଜି ଏହି ଅଘଟଣ ଘଟିଛି। ସକାଳ ୯ ଟା ସମୟରେ ଗାଧୋଇବା ପାଇଁ ଉଭୟ ନିକଟସ୍ଥ ନଦୀକୁ ଯାଇଥିଲେ। ନଦୀରୁ ଫେରିବା ଡେରି ହେବାରୁ ବନ୍ଧୁ ଘର ଲୋକେ ଖୋଜା ଖୋଜି କରିଥିଲେ। କିନ୍ତୁ ସେମାନଙ୍କ ସନ୍ଧାନ ପାଇ ନ ଥିଲେ।  ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ କର୍ମଚାରୀ ନଦୀରେ ଖୋଜି ଦୁଇ ଜଣଙ୍କୁ ଉଦ୍ଧାର କରି ସ୍ଥାନୀୟ ପାଟକୁରା ମେଡ଼ିକାଲ ପଠାଇଥିଲେ। ସେଠାରେ ଡାକ୍ତର ତାଙ୍କୁ ମୃତ୍ୟୁ…

କାନଡା : କରୋନା ସଂକ୍ରମିତରେ କାନାଡା ପ୍ରଧାନମନ୍ତ୍ରୀ ଜଷ୍ଟିସ୍‌ ଟ୍ରୁଡୋଙ୍କ ସ୍ତ୍ରୀ ସୋଫି ଟ୍ରୁଡୋ।ଗୁରୁବାର ଦିନ ତାଙ୍କ ଦେହରେ କରୋନା ଲକ୍ଷଣ ଦେଖିବାକୁ ମିଳିଥିଲା। ରିପୋର୍ଟରେ କରୋନା ପଜିଟିଭି ମିଳିବା ପରେ ତାଙ୍କୁ ସେଲ୍ଫ ଆଇସୋଲେସନ୍‌ରେ ରଖାଯାଇଛି । ଶୁକ୍ରବାର କାନାଡା ପ୍ରଧାନମନ୍ତ୍ରୀ କାର୍ଯ୍ୟାଳୟ ତରଫରୁ ଏହି ସମ୍ପର୍କିତ ଔପଚାରିକ ସୂଚନା ମିଳିଛି। ତେବେ କାନାଡା ପ୍ରଧାନମନ୍ତ୍ରୀ ଜଷ୍ଟିନ୍‌ ଟ୍ରୁଡୋଙ୍କ ସ୍ବାସ୍ଥ୍ୟାବସ୍ଥା ଠିକ୍‌ ଅଛି। ତାଙ୍କ ଦେହରେ କରୋନାର ଲକ୍ଷଣ ଦେଖିବାକୁ ମିଳିନାହିଁ ।  ଆଗାମୀ 14 ଦିନ ଯାଏଁ ସୋଫି ଆଇସୋଲେସନ୍‌ରେ ରହିବା ସହିତ ତାଙ୍କର ଚିକିତ୍ସା ଜାରି ରହିବ। ଅପରପକ୍ଷରେ କାନଡା ପ୍ରଧାନମନ୍ତ୍ରୀ ଅନ୍ୟ ଏକ ଘରେ ରହିବେ ତାଙ୍କ ସ୍ବାସ୍ଥ୍ୟ ପ୍ରତି ସ୍ବତନ୍ତ୍ର ଦୃଷ୍ଟି ଦିଆଯିବ ବୋଲି ସୂଚନା ରହିଛି । କାନାଡାରେ କରୋନା ଭାରଇସ୍‌ର ବୃଦ୍ଧି ହେତୁ କିଛି ଦିନ ହେବ ପ୍ରଧାନମନ୍ତ୍ରୀ ଘରେ କାର୍ଯ୍ୟ କରୁଛନ୍ତି । ଜଷ୍ଟିନ୍‌ ଟ୍ରୁଡୋ ଲଗାତାର ନିଜ ଘରେ…

ଆଲିଗଡ :  ସ୍ତ୍ରୀଙ୍କ ସମଲିଙ୍ଗୀ ସମ୍ପର୍କ ଜାଣିବା ପରେ ସ୍ବାମୀଙ୍କୁ ବେଶ୍‌ ମହଙ୍ଗା ପଡିଲା । ଏହି ସମ୍ପର୍କକୁ ବିରୋଧ କରିବାରୁ ତାଙ୍କୁ ଜୀବନ ଦେବାକୁ ପଡିଛି । ନିଜ ଘରେ ଭଡ଼ାରେ ରହୁଥିବା ମହିଳାଙ୍କ ସହ ତାଙ୍କ ସ୍ତ୍ରୀ ସମଲିଙ୍ଗୀ ସମ୍ପର୍କ ରଖିଥିଲେ । ମହିଳଙ୍କ ସ୍ବାମୀ ଏସବୁ ଜାଣିବା ପରେ ଏହାକୁ ବିରୋଧ କରିବା ସହ ଏପରି ସମ୍ପର୍କରୁ ନିବୃତ୍ତ ରହିବାକୁ ଆଦେଶ ଦେଲେ । ଏହାପରେ  ତାଙ୍କ ସ୍ତ୍ରୀ ଓ ତାଙ୍କ ସମଲିଙ୍ଗୀ ପାର୍ଟନର୍‌ ଏକ ବିପଦପୂର୍ଣ୍ଣ ପଦକ୍ଷେପ ଉଠାଇଛନ୍ତି। ଦୁଇ ମହିଳା ଜଣକ ହୋଲି ଦିନ  ତାଙ୍କ  ଗଳା ଚିପି ହତ୍ୟା କରିଦେଇଛନ୍ତି । ଏହିପରି ଏକ ଘଟଣା ଉତ୍ତରପ୍ରଦେଶର ଆଲିଗଡ ଜିଲ୍ଲାରେ ଘଟିଛି । ଆଲିଗଡରେ ମାର୍ଚ୍ଚ 11 ତାରିଖରେ ମୃତକଙ୍କ ଭାଇ ତାଙ୍କ ହତ୍ୟା ସମ୍ବନ୍ଧରେ ଥାନାରେ ଏତଲା ଦେଇଥିଲେ।  ପୋଲିସ୍‌ ଛାନ୍‌ଭିନ୍‌ କରି ଶେଷରେ ଅଭିଯୁକ୍ତଙ୍କ ନିକଟରେ ପହଞ୍ଚିଥିଲେ । ହତ୍ୟ…

ନୂଆଦିଲ୍ଲୀ : କରୋନା ସାରା ବିଶ୍ବରେ ଆତଙ୍କ ସୃଷ୍ଟି କରିଥିବାବେଳେ ଧିରେ ଧିରେ ଭାରତରେ ନିୟନ୍ତ୍ରଣ ବାହରକୁ ଯିବାରେ ଲାଗିଛି କରୋନା ଭାଇରସ । ପ୍ରତ୍ୟେକ ଦିନ କରୋନା ଭାଇରସରେ ଆକ୍ରାନ୍ତ ହୋଇଥିବା ନୂଆ ନୂଆ ରୋଗୀଙ୍କ ସଂଖ୍ୟାରେ । କର୍ଣ୍ଣାଟକାରେ ମହାମାରୀ କରୋନା ଭାଇରସ ପ୍ରଥମ ମୁଣ୍ଡ ନେଇଛି। ଗତକାଲି କର୍ଣ୍ଣାଟକାର ଜଣେ ୭୬ ବର୍ଷ ବୟସ୍କ ବ୍ୟକ୍ତିଙ୍କର ମୃତ୍ୟୁ ଘଟିଥିଲା। ବୃଦ୍ଧା ଜଣଙ୍କ କରୋନାରେ ଆକ୍ରାନ୍ତ ଥିବା ଓ ଏହି କାରଣରୁ ତାଙ୍କ ମୃତ୍ୟୁ ଘଟିଥିବା କର୍ଣ୍ଣାଟକା ସ୍ୱାସ୍ଥ୍ୟ ବିଭାଗ ପକ୍ଷରୁ ସ୍ପଷ୍ଟ କରାଯାଇଛି।ମୃତକଙ୍କ ନାମ ମହମ୍ମଦ ହୁସେନ୍ ସିଦ୍ଦିକି। ସିଦ୍ଦିକି ନିକଟରେ ସାଉଦି ଆରବରୁ ଫେରିଥିଲେ। ଏହାପରେ ତାଙ୍କୁ ଆଇସୋଲେସନରେ ରଖି ଚିକିତ୍ସା କରାଯାଉଥିଲା। ସେଠାରେ ହିଁ ତାଙ୍କର ମୃତ୍ୟୁ ଘଟିଛି। ସେହିପରି ସ୍ଥିତି ନିୟନ୍ତ୍ରଣ କରିବା ପାଇଁ କରୋନା ଭାଇରସକୁ ମହାମାରୀ ଭାବେ ଘୋଷଣା କରିଛନ୍ତି ଦିଲ୍ଲୀ ସରକାର । କରୋନା ଭାଇରସକୁ ମହାମାରୀ ଭାବେ…

କେଦାର ମିଶ୍ର ଆରମ୍ଭରୁ କିଛି ବଡ ନେତା ଯେଉଁମାନେ ଏକଦା କଂଗ୍ରେସ କିମ୍ବା ଅନ୍ୟାନ୍ୟ ଦଳରେ ଥିଲେ ଓ ସମୟକ୍ରମେ ଭାରତୀୟ ଜନତା ପାର୍ଟିରେ ଯୋଗଦେଲେ, ସେମାନଙ୍କର ବର୍ତ୍ତମାନ ସ୍ଥିତି ବିଷୟରେ କିଛିଟା ତଥ୍ୟ ଦେଖାଯାଉ। – ୧. ଏସ. ଏମ.କ୍ରୀଷ୍ଣା- କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏବଂ ଉପ ମୁଖ୍ୟମନ୍ତ୍ରୀ, ମନମୋହନ ସିଂ ସରକାରରେ ପ୍ରଭାବଶାଳୀ ବୈଦେଶିକ ବ୍ୟାପାର ବିଭାଗର ମନ୍ତ୍ରୀ, ମହାରାଷ୍ଟ୍ରର ରାଜ୍ୟପାଳ ତଥା ଅନେକଥର ଲୋକସଭା ଓ ରାଜ୍ୟସଭାର ସଦସ୍ୟ। ତାଙ୍କର ଯାହା କିଛି ରାଜନୈତିକ ସଫଳତା କେବଳ କଂଗ୍ରେସ ଦଳରେ ଥିବାବେଳେ ହିଁ ତାଙ୍କୁ ମିଳିଥିଲା। ୨୦୧୭ରେ ସେ ବିଜେପିରେ ଯୋଗଦେଲେ। କର୍ଣ୍ଣାଟକ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଛାଡି ବିଜେପିରେ ମିଶିଥିବା ଏହି ବରିଷ୍ଠ ନେତା ଏବେ ବିଜେପିରେ କେଉଁଠି ଅଛନ୍ତି, ସେକଥା କାହାକୁ ଜଣା ନାହିଁ। ୨. ଗିରିଧର ଗମାଙ୍ଗ- ଓଡିଶାର ପୂର୍ବତନ ମୁଖ୍ୟମନ୍ତ୍ରୀ, ପୂର୍ବତନ କେନ୍ଦ୍ରମନ୍ତ୍ରୀ, ପୂର୍ବତନ ପିସିସି ସଭାପତି, ୯ ଥର…

ନୂଆଦିଲ୍ଲୀ: ଚଳିତ ଭାରତ ଏବଂ ଦକ୍ଷିଣ ଆଫ୍ରିକା ଦିନିକିଆ ଶ୍ରୁଙ୍ଖଳର ଆଗାମୀ ଦୁଇଟି ମ୍ୟାଚ ଦର୍ଶକ ଶୂନ୍ୟ ହୋଇପାରେ। ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଦ୍ୱିତୀୟ ଏବଂ ତୃତୀୟ ଦିନିକିଆ ଯଥାକ୍ରମେ ଲକ୍ଷ୍ନୌ ଏବଂ କୋଲକାତାରେ ଖେଳାଯିବ। କରୋନାଭାଇରସ୍ କାରଣରୁ ବନ୍ଦ ଦ୍ୱାର ପଛରେ ଖେଳାଯିବ ବୋଲି ସୂଚନା ମିଳିଛି। ଦ୍ୱିତୀୟ ଦିନିକିଆ ମାର୍ଚ୍ଚ 15 ରେ ଏବଂ ତୃତୀୟଟି ମାର୍ଚ୍ଚ 18 ରେ ଖେଳାଯିବାର କାର୍ଯ୍ୟକ୍ରମ ରହିଛି। ଉତ୍ତରପ୍ରଦେଶ କ୍ରିକେଟ୍ ଆସୋସିଏସନ୍ (ୟୁପିସିଏ) ର ଜଣେ ଅଧିକାରୀ କହିଛନ୍ତି, “କ୍ରୀଡା ମନ୍ତ୍ରଣାଳୟ ପରାମର୍ଶ ପରେ ଆମେ ନିଜ ଭିତରେ ଏବଂ ବିସିସିଆଇର ଅଧିକାରୀଙ୍କ ସହ ଆଲୋଚନା କରିଥିଲୁ। ଯାହାଫଳରେ ଆମେ ଦ୍ୱିତୀୟ ଦିନିକିଆ ଦର୍ଶକ ବିନା ଆୟୋଜନ କରିବାକୁ ନିଷ୍ପତ୍ତି ନେଇଛୁ।” ସେହିପରି  ମାର୍ଚ୍ଚ 18 ରେ ଖେଳାଯିବାକୁ ଥିବା ତୃତୀୟ ଦିନିକିଆ ପାଇଁ ଇଡେନ୍ ଗାର୍ଡେନ୍ ରେ ଦର୍ଶକ ଶୂନ୍ୟ ହୋଇପାରେ ବୋଲି ଖବର ମିଳିଛି। ଏନେଇ…

ଦିଲ୍ଲୀ: ଦିଲ୍ଲୀ ସରକାର ଗୁରୁବାର ଦିନ କରୋନାଭାଇରସକୁ ମହାମାରୀ ବୋଲି ଘୋଷଣା କରିଛନ୍ତି। ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମାର୍ଚ୍ଚ 31 ତାରିଖ ପର୍ଯ୍ୟନ୍ତ ସମସ୍ତ ସିନେମା ହଲ ବନ୍ଦ ରହିବା ନେଇ ଆଦେଶ ଦେଇଛନ୍ତି। ଯେଉଁ ସ୍କୁଲରେ କୌଣସି ପରୀକ୍ଷା ଚାଲିନାହିଁ ସେହି ସ୍କୁଲ ଏବଂ କଲେଜଗୁଡ଼ିକୁ ମଧ୍ୟ ବନ୍ଦ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଦିଲ୍ଲୀ ଉପ ରାଜ୍ୟପାଳଙ୍କୁ ଭେଟିବା ପରେ କେଜ୍ରିୱାଲ ଏହି ଘୋଷଣା କରିଛନ୍ତି। କେଜ୍ରିୱାଲ ଗଣମାଧ୍ୟମକୁ କହିଛନ୍ତି, “ଦିଲ୍ଲୀରେ କରୋନାଭାଇରସର ବିସ୍ତାର ଯାଞ୍ଚ ପାଇଁ ଆମେ ପଦକ୍ଷେପ ଜାରି ରଖିଛୁ। ଚିକିତ୍ସା ପାଇଁ ପର୍ଯ୍ୟାପ୍ତ ଶଯ୍ୟା ଅଛି ବୋଲି ସେ କହିଛନ୍ତି। ଖାଲି ଫ୍ଲାଟ ଏବଂ ନିର୍ମାଣାଧୀନ ଡାକ୍ତରଖାନାରେ ମଧ୍ୟ ରୋଗୀଙ୍କୁ ରଖାଯାଇ ଚିକିତ୍ସା କରାଯିବ ବୋଲି ମୁଖ୍ୟମନ୍ତ୍ରୀ କେଜ୍ରିୱାଲ ଘୋଷଣା କରିଛନ୍ତି। (ଏଜେନ୍ସି)