ସମୀକ୍ଷା ବ୍ୟୁରୋ ଭୁବନେଶ୍ୱର,ତା.୨୦/୦୯: ଆସନ୍ତାକାଲି ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ଜଳଶକ୍ତି ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ । ଶ୍ରୀ ଶେଖାୱତ ଓଡିଶା ଗସ୍ତରେ ଆସି ଭୁବନେଶ୍ୱର ହୋଟେଲ ନିୟୁ ମ୍ୟାରିଅନଠାରେ ସକାଳ ୧୦.୩୦ରେ ରାଷ୍ଟ୍ରୀୟ ଏକତା ଅଭିଯାନ ଅନ୍ତର୍ଗତ ଏକ ବୁଦ୍ଧିଜୀବୀ ସମ୍ମିଳନୀରେ ଯୋଗଦେବେ। ସେଠାରେ ସେ ଅନୁଛେଦ ୩୭୦ ଓ ୩୫(ଏ) ଉଚ୍ଛେଦ ସଂର୍ପକରେ ଆଲୋଚନା କରିବେ ବୋଲି ରାଜ୍ୟ ବିଜେପି ଗଣମାଧ୍ୟମ ବିଭାଗ ମୁଖ୍ୟ ଓ ମୁଖପାତ୍ର ଶ୍ରୀ ଗୋଲକ ମହାପାତ୍ର ସୂଚନା ଦେଇଛନ୍ତି ।ଜନ ସଂର୍ପକ ଓ ଜନଜାଗରଣ ଯାତ୍ରା ଅବସରରେ ଜାମ୍ମୁ କାଶ୍ମୀରରେ ଅନୁଛେଦ ୩୭୦ ଓ ୩୫ (ଏ) ଉଚ୍ଛେଦ ପରେ କଣ ପରିବର୍ତ୍ତନ ହୋଇଛି ସେ ସଂର୍ପକରେ ମନ୍ତ୍ରୀ ଯୁବପିଢୀ ଓ ବୁଦ୍ଧିଜୀବୀଙ୍କ ସହ ଆଲୋଚନା କରିବେ । ଏହି କାର୍ଯ୍ୟକ୍ରମରେ ରାଜ୍ୟ ବିଜେପି ସଭାପତି ବସନ୍ତ ପଣ୍ଡା, କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ଏବଂ ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା ପ୍ରମୁଖ…
Author: Samikhsya Bureau
ଢେଙ୍କାନାଳ ଜିଲ୍ଲାପାଳଙ୍କ ଅଫିସ୍ରେ ଲଙ୍କାକାଣ୍ଡ, ଭଙ୍ଗାରୁଜା ଘଟଣାରେ ଆପୋଷ ସମାଧାନ ଉଦ୍ୟମ ଫେଲ୍ ହୋଇଛି । ଜିଲ୍ଲା ପ୍ରଶାସନ ସହ ଓକିଲ ସଂଘର ପ୍ରାରମ୍ଭିକ ଆଲୋଚନା ବିଫଳ ହୋଇଛି । ଏହି ଆଲୋଚନାରେ ଏସ୍ପି, ଅତିରିକ୍ତ ଜିଲ୍ଲାପାଳ, ଉପଜିଲ୍ଲାପାଳଙ୍କ ସହ ଆଲୋଚନା ହୋଇଥିଲା । ଜିଲ୍ଲାପାଳଙ୍କ ନିଃସର୍ତ୍ତ କ୍ଷମା ପ୍ରାର୍ଥନା ଦାବିରେ ଅଡ଼ି ବସିଛନ୍ତି ଓକିଲ । ଆବଶ୍ୟକ ହେଲେ କାର୍ଯ୍ୟବନ୍ଦ ଆନ୍ଦୋଳନ କରିବାକୁ ଓକିଲ ସଂଘ ଧମକ ଦେଇଛି । ଆଲୋଚନା ଦ୍ବାରା ଘଟଣାର ସମାଧାନ ହେବ ବୋଲି କହିଛନ୍ତି ଅତିରିକ୍ତ ଜିଲ୍ଲାପାଳ । ସୂଚନାଯୋଗ୍ୟ, ଜିଲ୍ଲାପାଳ ଦୁର୍ବ୍ୟବହାର କରିଥିବା ଅଭିଯୋଗରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଶତାଧିକ ଓକିଲଙ୍କ ଭଙ୍ଗାରୁଜା କରିବା ସହିତ ଅତିରିକ୍ତ ଜିଲ୍ଲାପାଳଙ୍କୁ ଠେଲାପେଲା ମଧ୍ୟ କରିଥିଲେ ।
ଏସିଆନ୍ ରେସ୍ଲିଂ ଚାମ୍ପିୟନ୍ସିପ୍ ସ୍ବର୍ଣ୍ଣ ପଦକ ବିଜେତା ଅମିତ୍ ଫଙ୍ଗଲ ପ୍ରଥମ ଭାରତୀୟ ଭାବରେ ବିଶ୍ବ ରେସ୍ଲିଂ ଚାମ୍ପିୟନ୍ସିପ୍ ଫାଇନାଲ୍ରେ ପ୍ରବେଶ କରିଛନ୍ତି । 52 କିଗ୍ରା ବର୍ଗରେ ଫାଇନାଲ୍ରେ ପ୍ରବେଶ କରିବା ସହିତ ଶୁକ୍ରବାର ଇତିହାସ ରଚିଛନ୍ତି ଫଙ୍ଗଲ । ବିଶ୍ବ ମାନ୍ୟତାର ଦ୍ବିତୀୟ ସ୍ଥାନରେ ରହିଥିବା ଫଙ୍ଗଲ 3-2 କାଜାକିସ୍ତାନର ସେକେନ୍ ବିବୋସିନୋଭ୍ଙ୍କୁ ପରାସ୍ତ କରିବା ସହିତ ଇତିହାସ ରଚିବାରେ ସଫଳ ହୋଇଛନ୍ତି । ଏଟ୍କିନ୍ବର୍ଗରେ ଅନୁଷ୍ଠିତ କ୍ବାର୍ଟରରେ ଫଙ୍ଗଲ କ୍ୟୁବାର ଆଣ୍ଡି ଗୋମେଜ୍ଙ୍କୁ ପରାସ୍ତ କରିଥିଲେ । ପୂର୍ବରୁ 2017ରେ 49 କିଗ୍ରା ବର୍ଗରେ ପ୍ରତିଦ୍ବନ୍ଦିତା କରିଥିବା ପ୍ରଥମ ଥର ପାଇଁ 52 କିଗ୍ରା ବର୍ଗରେ ପ୍ରତିଦ୍ବନ୍ଦିତା କରିବା ସହିତ ରେକର୍ଡ କରିଛନ୍ତି ।
ବ୍ରହ୍ମପୁର ବିଶ୍ବବିଦ୍ୟାଳୟରେ ଦୁଇ ଛାତ୍ରଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳ । ମାରଣାସ୍ତ୍ରରେ ଜଣେ ଛାତ୍ରଙ୍କୁ ଆକ୍ରମଣ ହୋଇଛି । ଗୁରୁତର ଛାତ୍ରଙ୍କୁ ଏମ୍କେସିଜି ସ୍ଥାନାନ୍ତର କରାଯାଇଛି । ପୂର୍ବରୁ ଦୁଇ ଛାତ୍ରଗୋଷ୍ଠୀଙ୍କ ଭିତରେ ଛକାପଞ୍ଝା ଚାଲିଥିଲା । ପୋଲିସ୍ ଘଟଣାସ୍ଥଳରେ ପହଞ୍ଚି ଦୁଇ ଛାତ୍ରଙ୍କୁ ଅଟକ ରଖିଛି ।
ଭେଟେରାନ୍ ଭାରତୀୟ କୁସ୍ତି ଯୋଦ୍ଧା ସୁଶୀଲ କୁମାର ବିଶ୍ବ କୁସ୍ତି ଚାମ୍ପିୟନ୍ସିପ୍ର ପ୍ରଥମ ରାଉଣ୍ଡରୁ ବିଦାୟ ନେଇଛନ୍ତି । 74 କିଗ୍ରା ବର୍ଗରେ ଦୀର୍ଘ 8 ବର୍ଷ ବିଶ୍ବ ଚାମ୍ପିୟନ୍ସିପ୍କୁ ପ୍ରତ୍ୟାବର୍ତ୍ତନ କରୁଥିବା ସୁଶୀଲ ପ୍ରଥମ ରାଉଣ୍ଡରୁ ବିଦାୟ ନେଇଛନ୍ତି । ଆଜାରବୈଜାନ୍ର ଖାଦ୍ଝିମୁରାଦ୍ ଗଧିୟେଭ୍ଙ୍କ ନିକଟରୁ ପରାଜିତ ହୋଇଛନ୍ତି । ଏହି ମ୍ୟାଚ୍ରେ ସୁଶୀଲ 9-11 ପଏଣ୍ଟରେ ପରାଜିତ ହୋଇଛନ୍ତି । ସୁଶୀଲ ନିଜ ଅଭିଜ୍ଞତା ବଳରେ 9-4ରେ ଅଗ୍ରଣୀ ଥିଲେ ମାତ୍ର ଅନ୍ତିମ ମିନିଟରେ ଲଗାତାର 7 ପଏଣ୍ଟ ହରାଇ ପରାଜୟର ସମ୍ମୁଖୀନ ହୋଇଥିଲେ । ଦୁଇଥର ଅଲମ୍ପିକ୍ ପଦକ ବିଜୟୀ ହୋଇଥିବା ସୁଶୀଲ କୁମାର 2018ରେ ଏସିଆନ୍ ରେସ୍ଲିଂ ଚାମ୍ପିୟନ୍ସିପ୍ରେ ପରାଜିତ ହୋଇଥିଲେ ।
ଆସନ୍ତା 23 ତାରିଖ ଠାରୁ ରାଜ୍ୟରେ ବର୍ଷା ପରିମାଣ ବଢ଼ିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । ଦକ୍ଷିଣ ଓ ଉପକୂଳ ଓଡ଼ିଶାର ଅଧିକାଂଶ ସ୍ଥାନରେ ପ୍ରବଳ ବର୍ଷା ହେବ । ବିଶେଷକରି ମାଲକାନଗିରି, କୋରାପୁଟ, ଗଞ୍ଜାମ, ପୁରୀ, କେନ୍ଦ୍ରାପଡ଼ା ଓ ଜଗତ୍ସିଂହପୁର ଜିଲ୍ଲାରେ ବର୍ଷା ପରିମାଣ ଅଧିକ ରହିବ । ଅନ୍ୟ ପକ୍ଷରେ 22 ତାରିଖରେ ରାଜ୍ୟର କିଛି ସ୍ଥାନରେ ଘଡଘଡି ହେବାର ସମ୍ଭାବନା ରହିଛି । ତାସହ ଆଜି ଗଞ୍ଜାମ, ରାୟଗଡ଼ା, ଖୋର୍ଦ୍ଧା, କଟକ, କଳାହାଣ୍ଡି, କନ୍ଧମାଳ ଓ ନବରଙ୍ଗପୁର ଜିଲ୍ଲାର ଗୋଟିଏ ଦୁଇଟି ସ୍ଥାନରେ ଘଡ଼ଘଡ଼ି ସହ ମଧ୍ୟମ ଧରଣର ବର୍ଷା ସମ୍ଭାବନା ରହିଛି ।
କେଦାର ମିଶ୍ର ଭାରତର ଗୃହମନ୍ତ୍ରୀ, ଯେଉଁ ଚଉକି ରେ ଦିନେ ସର୍ଦ୍ଦାର ବଲ୍ଲଭ ଭାଇ ପଟେଲ ଓ ଗୋବିନ୍ଦ ବଲ୍ଲଭ ପନ୍ତଙ୍କ ଭଳି ମହାନ ସ୍ଵାଧୀନତା ସଂଗ୍ରାମୀ ବସିଥିଲେ, ସେ ଚଉକିରେ ଚିନ୍ମୟାନନ୍ଦ ଭଳି ଜଣେ ଧର୍ଷଣ ଭଳି ଜଘନ୍ୟ ଅପରାଧରେ ଲିପ୍ତ ମଧ୍ୟ ବସିପାରିଲା। ଏଇଟା ଦେଶର ଦୁର୍ଭାଗ୍ୟ ନା ଆମର ଜନଜୀବନରେ ବିବେକର ଆତ୍ମହତ୍ୟା, ସେକଥା କେହି ଆଜି ପଚାରିବେ ନାହିଁ। ଚିନ୍ମୟାନନ୍ଦ ଆଜି ସୁପ୍ରିମକୋର୍ଟ ଦ୍ଵାରା ଗଠିତ ସ୍ଵତନ୍ତ୍ର ଟାସ୍କ ଫୋର୍ସ ଦ୍ଵାରା ଗିରଫ ହେବା ପରେ, ଏହି ଘଟଣାରେ ନ୍ୟାୟ ପାଇବା ଲାଗି ସଂଘର୍ଷ କରୁଥିବା ଅଭିଯୋଗକାରିଣୀଙ୍କୁ ସାମାନ୍ୟ ନ୍ୟାୟ ମିଳିଛି। ତେବେ ଏ ସଙ୍ଘର୍ଷର ଏହା ଆରମ୍ଭ ମାତ୍ର। ପ୍ରାୟ ୬ମାସ ର ସଂଘର୍ଷ ଓ ସୁପ୍ରିମ କୋର୍ଟଙ୍କ ନିର୍ଦ୍ଦେଶ ପରେ ଯାଇ ଏ ଘଟଣାରେ ପୋଲିସ କାର୍ୟାନୁଷ୍ଠାନ ଆରମ୍ଭ ହୋଇଛି। ଯୌନ ଶୋଷଣ ଓ ଧର୍ଷଣ ଭଳି ଅପରାଧରେ ନ୍ୟାୟ ପାଇବାକୁ ହେଲେ…
ଗୋଦାବରୀ ଡଙ୍ଗାବୁଡି ଘଟଣାରେ ଆଜି ଦୁଇ ମୃତ ଦେହ ଉଦ୍ଧାର ହୋଇଛି । ଏନ୍ଡିଆରଏଫ୍ ପକ୍ଷରୁ ଶୁକ୍ରବାର ଦୁଇଟି ମୃତଦେହ ଜବତ କରାଯାଇଛି । ସେପ୍ଟେମ୍ବର 15 ତାରିଖର ଘଟିଥିବା ଡଙ୍ଗାବୁଡିରେ ସମୁଦାୟ 36 ଜଣ ଲୋକ ନିଖୋଜ ହୋଇଥିଲା । ପୂର୍ବରୁ ଏନ୍ଡିଆରଏଫ୍ ପକ୍ଷରୁ 11ଟି ମୃତଦେହ ଜବତ କରାଯାଇଥିବା ବେଳେ ଶୁକ୍ରବାର ଏନ୍ଡିଆରଏଫ୍ କମାଣ୍ଡର ଜାହିଦ୍ ଖାନ୍ ଦୁଇଟି ମୃତଦେହ ମିଳିଥିବା ନେଇ ସୂଚନା ଦେଇଛନ୍ତି । 50ରୁ ଅଧିକ ବୋଟ ମୃତଦେହ ଖୋଜିବାରେ ନ୍ୟସ୍ତ ରହିଛନ୍ତି ।
ପଶ୍ଚିମବଙ୍ଗର ସବୁଠୁ ବଡ଼ ପର୍ବ ତଥା ଗଣପର୍ବ ହେଉଛି ଦୁର୍ଗା ପୂଜା । ଏଥିପାଇଁ ପ୍ରସ୍ତୁତି ପୂରା ଜୋର୍ସୋର୍ରେ ଚାଲିଛି । ଏହି ପ୍ରସ୍ତୁତି ଭିତରେ ପଶ୍ଚିମବଙ୍ଗର ଦୁଇ ଲୋକସଭା ସାଂସଦଙ୍କ ଦୁର୍ଗାପୂଜା ଉପଲକ୍ଷେ ଗୋଟେ ସୁନ୍ଦର ଗୀତର ଭିଡିଓ ଭାଇରାଲ୍ ହୋଇଛି । ନବନିଯୁକ୍ତ ତୃଣମୂଳ କଂଗ୍ରେସର ସାଂସଦ ନୁସରତ୍ ଜହାଁ ଓ ମିମି ଚକ୍ରବର୍ତ୍ତୀଙ୍କ ସହ ଲୋକପ୍ରିୟ ତାରକା ଶୁଭଶ୍ରୀ ଗାଙ୍ଗୁଲିଙ୍କୁ ମଧ୍ୟ ଦେଖିବାକୁ ମିଳିଛି । ଏହି ଭିଡିଓକୁ ବର୍ତ୍ତମାନ ସୁଦ୍ଧା ପାଖାପାଖି ୧.୫ ମିଲିୟନ୍ରୁ ଅଧିକ ଥର ଦେଖିସାରିଲେଣି । ସୂଚନାଯୋଗ୍ୟ, ନୁସରତ୍ ବଶୀରହାଟ୍ ନିର୍ବାଚନ କ୍ଷେତ୍ରରୁ ପ୍ରତିନିଧିତ୍ବ କରୁଥିବାବେଳେ ମିମି ଯାଧବପୁରରୁ ସାଂସଦ ହୋଇଛନ୍ତି । ଦୁର୍ଗାପୂଜା ଅକ୍ଟୋବର ୩ରୁ ଅକ୍ଟୋବର ୮ ପର୍ଯ୍ୟନ୍ତ ଅନୁଷ୍ଠିତ ହେବ । ଏହି ଗୀତକୁ ଇନ୍ଦ୍ରଦୀପ୍ ଦାସ ଗୁପ୍ତା ସଙ୍ଗୀତ ନିର୍ଦ୍ଦେଶନା ଦେଇଥିବାବେଳେ ବାବା ଯାଦବ ଏହାର କୋରିଓଗ୍ରାଫି କରିଛନ୍ତି । ଏହି ଡ୍ୟାନ୍ସ ଭିଡିଓଧରେ ବଙ୍ଗଳାର…
ନର୍ସ ନିହାରିକା ପାତ୍ରଙ୍କ ମୃତ୍ୟୁ ମାମଲା ନୂଆ ମୋଡ ନେଇଛି । ଶୁକ୍ରବାର ପୋଲିସ୍ ନିକଟରେ ଅଭିଯୁକ୍ତ ପ୍ରେମିକ ଆତ୍ମସମର୍ପଣ କରିଛି । ଅଭିଯୁକ୍ତ କିଶୋର ଆଞ୍ଚଲ ପୋଲିସ୍ ନିକଟରେ ଆତ୍ମସମର୍ପଣ ପରେ ପୋଲିସ୍ ଏକ ନିଭୃତ ସ୍ଥାନରେ ରଖି ପଚରାଉଚୁରା କରୁଥିବା ଜଣାପଡିଛି । ଗତକାଲି ପୋଲିସ୍ ପିତାମାତାଙ୍କର ଡିଏନ୍ଏ ଟେଷ୍ଟ କରିଥିବା ବେଳେ ପୂର୍ବରୁ 6 ଜଣଙ୍କୁ ଅଟକ ରଖି ପଚରାଉଚୁରା କରିଥିଲେ । ଉଲ୍ଲେଖଯୋଗ୍ୟ ଯେ, ମଙ୍ଗଳବାର ଦିନ ଜଗତସିଂହପୁରର ବିଲୁଆଖାଇ ନଦୀପଠାରୁ ଗତ ମଙ୍ଗଳବାର ଏକ ବସ୍ତା ଭିତରୁ ନିଖୋଜ ନିହାରିକାଙ୍କ ମୃତଦେହ ମିଳିଥିଲା । ହତ୍ୟାକାଣ୍ଡରେ ପ୍ରେମିକ ରାଜାର ସଂପୃକ୍ତି ଥିବା ପରିବାର ଲୋକ ଅଭିଯୋଗ କରିଥିଲେ ।
କଟକ ବଜ୍ରକବାଟୀ ରୋଡ଼ରେ ଥିବା ବିଏସଏନଏଲ ଅଫିସରେ ଭୟାବହ ଅଗ୍ନିକାଣ୍ଡ ଘଟିଛି । ଫଳରେ କଟକରେ ବିଏସଏନଏଲ ସେବା ଠପ୍ ହୋଇଯାଇଛି । କଟକ ବଜ୍ରକବାଟୀ ରୋଡ଼ର ବିଏସଏନଏଲ ଅଫିସର ଚତୁର୍ଥ ମହଲାରେ ଭୀଷଣ ଆକାରରେ ନିଆଁ ଲାଗିଛି । ନିଆଁ ଲିଭାଇବାକୁ ଏକାଧିକ ଅଗ୍ନିଶମ ଗାଡ଼ି ପହଂଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରି କରଛନ୍ତି । ଏହି ଅଗ୍ନିକାଣ୍ଡ କାରଣରୁ କଟକରେ ବିଏସଏନଏଲ ସେବା ଠପ୍ ହୋଇଯାଇଛି । ଏହି ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ସର୍ଟସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଉଛି । ଅଫିସରେ ନିଆଁ ଲାଗିବା ପରେ ସମସ୍ତ କର୍ମଚାରୀ ବାହାରକୁ ବାହାରି ଯାଇଥିବା ସୂଚନା ମିଳିଛି । କିନ୍ତୁ କେତେ ପରିମାଣର କ୍ଷୟକ୍ଷତି ହୋଇଛି ତାହା ଏଯାଏଁ ଜଣାପଡ଼ିନାହିଁ । ଅଗ୍ନିକାଣ୍ଡ ସମୟରେ ଅଫିସରେ ପ୍ରାୟ ୪୦ଜଣ କର୍ମଚାରୀ ଉପସ୍ଥିତ ଥିଲେ । ତେବେ ସମସ୍ତ କର୍ମଚାରୀ ସୁରକ୍ଷିତ ଥିବା ଜଣାପଡ଼ିଛି ।
ସେୟାର ବଜାର ନିବେଶକଙ୍କ ପାଇଁ ଖୁସି ଖବର । ଭାରତ ସରକାରଙ୍କ ପକ୍ଷରୁ କର୍ପୋରେଟ୍ ଟିକସ୍ ହ୍ରାସ ନେଇ ଘୋଷଣା କରାଯିବା ପରେ ଏହାର ପ୍ରଭାବ ଭାରତୀୟ ସେୟାର ବଜାର ଉପରେ ପଡିଛି । ବିଗତ ତିନି ଦିନ ଧରି ତଳୁଆ ରହିଥିବା ସେୟାର ବଜାରରେ ଚମତ୍କାର ଅଭିବୃଦ୍ଧି ଘଟିଛି । ସପ୍ତାହର ଅନ୍ତିମ ଦିନରେ ସେନ୍ସେକ୍ସ 1955 ପଏଣ୍ଟ ଉପରକୁ ଉଠିଥିବା ବେଳେ ନିଫ୍ଟି ଏହି ସମୟରେ 568 ପଏଣ୍ଟ ଉପରକୁ ଉଠି 11 ହଜାର ପଏଣ୍ଟ ଅତିକ୍ରମ କରିଛି । ସେନସେକ୍ସ 1955.46 ପଏଣ୍ଟ ବୃଦ୍ଧି ସହିତ 38048.93 ପଏଣ୍ଟରେ ପହଞ୍ଚିଥିବା ବେଳେ ନିଫ୍ଟୀ 11272.80 ପଏଣ୍ଟରେ ପହଞ୍ଚିଛି । ଆଜିର ଅଭିବୃଦ୍ଧି ବିଗତ ଐକ ବର୍ଷ ମଧ୍ୟରେ ସର୍ବାଧିକ ପୂର୍ବ ଏକ ବର୍ଷ ମଧ୍ୟରେ ସେୟାର ବଜାର ଏକାଥରେ 1500 ପଏଣ୍ଟ ଅତିକ୍ରମ କରିନଥିଲା ।
ଓଡ଼ିଆ ଭାଷାଭାଷୀମାନଙ୍କ ପାଇଁ ଏକ ବଡ଼ ଘୋଷଣା କରିଛି ଗୁଗଲ୍ । ଏବେ ଗୁଗଲ୍ର ଲୋକପ୍ରିୟ ନ୍ୟୁଜ୍ ଫିଡ୍ ଆପ୍ଲିକେସନ୍ ‘ଗୁଗଲ୍ ଡିସ୍କଭର୍’ରେ ଓଡ଼ିଆ ଭାଷା ସ୍ଥାନ ପାଇବ । ଓଡ଼ିଆ ସହିତ ଉର୍ଦ୍ଦୁ ଏବଂ ପଞ୍ଜାବୀ ମଧ୍ୟ ଆପ୍ଲିକେସନ୍ରେ ସ୍ଥାନ ପାଇଛି । ପରେ ଅନ୍ୟ ଆପ୍ରେ ମଧ୍ୟ ଓଡ଼ିଆ ବିକଳ୍ପ ରହିବ । ପୂର୍ବରୁ ତାମିଲ, ତେଲଗୁ, ବଙ୍ଗଳା, ଗୁଜରାଟୀ, ମରାଠୀ, କନ୍ନଡ଼ ଏବଂ ମାଲାୟଲମ୍ ପୂର୍ବରୁ ଗୁଗଲ ଆପ୍ଲିକେସନ୍ରେ ସ୍ଥାନ ପାଇଥିଲା। ପ୍ରଥମ ଥର ପାଇଁ ଓଡ଼ିଆ ଭାଷାକୁ ଗୁଗୁଲ୍ ଆପ୍ରେ ସାମିଲ କରାଯାଇଛି । ଅନ୍ୟ ସବୁ ଆପ୍ଲିକେସନ୍ ମଧ୍ୟରେ ଗୁଗଲ୍ ଲେନ୍ସ ଏବଂ ଗୁଗଲ୍ ବୋଲୋ ଆଦି ଆପ୍ଲିକେସନ୍ ଆଦି ରହିଛି ।
ଭୁବନେଶ୍ବର ବ୍ୟାଙ୍କକ ବିମାନ ଉଡାଣ ସାମୟିକ ଭାବେ ବନ୍ଦ ହୋଇଛି । ଉଡାଣ ବନ୍ଦ ନେଇ ବିଧିବଦ୍ଧ ଚିଠି କଲେ ଏୟାର ଏସିଆ କର୍ତ୍ତୃପକ୍ଷ । ଭୁବନେଶ୍ବର ବିମାନ ବନ୍ଦର କର୍ତ୍ତୃପକ୍ଷଙ୍କୁ ଚିଠି କରି ଜଣାଇଲେ । ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ବ୍ୟାଙ୍କକକୁ ଉଡ଼ୁଥିବା ବିମାନ କିଛିଦିନ ପାଇଁ ବନ୍ଦ ରହିବ । ଏହି ବିମାନ ସପ୍ତାହରେ ୩ଦିନ ଉଡ଼ିବା ସହ ୧୮୦ ଜଣ ଯାତ୍ରୀ ଯିବା ସୁବିଧା ଥିଲା । ବିମାନ ଉଡ଼ାଣ ସାମୟିକ ବନ୍ଦ ରହିବା ନେଇ ଏୟାର ଏସିଆ କର୍ତ୍ତୃପକ୍ଷ ଭୁବନେଶ୍ୱର ବିମାନ ବନ୍ଦର କର୍ତ୍ତୃପକ୍ଷଙ୍କୁ ବିଧିବଦ୍ଧ ଭାବେ ଚିଠି ପଠାଇ ଜଣାଇଛନ୍ତି । କିନ୍ତୁ ପୁଣି କେବେ ଠାରୁ ଏହି ବିମାନ ଉଡ଼ାଣ ଭରିବ ସେ ନେଇ କୌଣସି ନିର୍ଦ୍ଧିଷ୍ଟ ସମୟ ନିଦ୍ଧାରିତ ହୋଇନାହିଁ । ଏହି ବିମାନ ଉଡ଼ାଣ ଚଳିତ ମାସ ୨୫ରୁ ବନ୍ଦ ସମ୍ଭାବନା ରହିଛି ।
ଯୌନ ଶୋଷଣ ମାମଲାରେ ପୂର୍ବତନ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ସ୍ୱାମୀ ଚିନ୍ମୟାନନ୍ଦ ସରସ୍ୱତୀଙ୍କୁ ଶେଷରେ ଗିରଫ କରାଯାଇଛି । ଏସ୍ଆଇଟି ଓ ଉତ୍ତର ପ୍ରଦେଶ ପୋଲିସ ତାଙ୍କୁ ଗିରଫ କରିଛି । ଏସ୍ଆଇଟି ଟିମ୍ ପ୍ରଥମେ ଚିନ୍ମୟାନନ୍ଦଙ୍କୁ ଟ୍ରମା ସେଣ୍ଟର୍ ନିଆଯାଇଥିଲା । ଏହା ପରେ ତାଙ୍କୁ ଗିରଫ କରାଯାଇଛି । ଆଜି ତାଙ୍କୁ କୋର୍ଟ ଚାଲାଣ କରାଯିବାର ରହିଛି । ସୁପ୍ରିମକୋର୍ଟଙ୍କ ଆଦେଶ ପରେ ଏସ୍ଆଇଟି ଏହି ମାମଲାର ତଦନ୍ତ ଭାର ନେଇଛି ।
ଆଜି ଓସିଏ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ହେବ । ଆସନ୍ତା ୨୭ ତାରିଖର ଭୋଟ ଗ୍ରହଣ କରାଯିବ । ଏଥିପାଇଁ ନିର୍ବାଚନ ଅଧିକାରୀ ପହଞ୍ଚିଛନ୍ତି । ସଭାପତି, ଉପସଭାପତି, ସମ୍ପାଦକ ପଦ ପାଇଁ ନିର୍ବାଚନ ଅନୁଷ୍ଠିତ ହେବ । ସେହିପରି ଯୁଗ୍ମ ସମ୍ପାଦକ ଓ କୋଷାଧ୍ୟକ୍ଷ ପଦ ପାଇଁ ହେବ ମଧ୍ୟ ନିର୍ବାଚନ ଅନୁଷ୍ଠିତ ହେବ । ସମ୍ପାଦକ ପଦ ଦୌଡ଼ରେ ଆଶୀର୍ବାଦ ବେହେରାଙ୍କ ପୁଅ ସଞ୍ଜୟ ବେହେରା ରହିଛନ୍ତି । ତେବେ ଆଶୀର୍ବାଦ ବେହେରା ନିର୍ବାଚନରେ ଭୋଟ ଦେଇପାରିବେ । ତାଲିକା ତାଙ୍କ ନାଁ ଥିବାରୁ ସେ ଭୋଟଦେବାକୁ ଯୋଗ୍ୟ । ଗତକାଲି ତାଙ୍କୁ ଅର୍ଥ ତତ୍ତ୍ବ ଚିଟଫଣ୍ଡ ମାମଲାରେ ସିବିଆଇ ଗିରଫ କରିଛି ।
ଦେଶରେ ଲଗାଗି ରହିଥିବା ଅର୍ଥନୈତିକ ମାନ୍ଦାବସ୍ଥାକୁ ଦୂର କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ନୂତନ ପଦକ୍ଷେପ ଗ୍ରହଣ କରାଯାଇଛି । ନୂତନ ନିଷ୍ପତ୍ତି ଅନୁଯାୟୀ ଉତ୍ପାଦନ ଉପରେ ଆୟକର ୧୫ ପ୍ରତିଶତକୁ ହ୍ରାସ କରାଯିବ । ସେହିପରି ଆମଦାନୀ ଜରିଆରେ ଭାରତକୁ ଆସୁଥିବା ସାମଗ୍ରୀ ଉପରେ ବର୍ହିଶୁଳ୍କ ହ୍ରାସ କରିବା ପାଇଁ ମଧ୍ୟ ନିଷ୍ପତ୍ତି ନେଇଛନ୍ତି ସରକାର । ପୂର୍ବରୁ ଉତ୍ପାଦନ ଉପରେ ୧୮.୫ ପ୍ରତିଶତର ଜିଏସ୍ଟି ଲାଗୁ କରାଯାଉଥିବା ବେଳେ ବର୍ତ୍ତମାନ ଏହାକୁ ୧୫ ପ୍ରତିଶତକୁ ହ୍ରାସ କରାଯାଇଛି । ଆମେରିକା ସହିତ ବାଣିଜ୍ୟ କାରବାର ବୃଦ୍ଧି କରିବା ପାଇଁ ପ୍ରଧାନମନ୍ତ୍ରୀଙ୍କ ଆମେରିକା ଗସ୍ତରେ ବର୍ହିଶୁଳ୍କ ହ୍ରାସ କରିବା ନେଇ ଆଲୋଚନା କରାଯିବ ବୋଲି ଜଣାପଡିଛି । ସେହିପରି ସେନ୍ସେକ୍ସ ୮୦୦ ପଏଣ୍ଟ ତଳକୁ ଖସିଥିବାରୁ କର୍ପୋରେଟ୍ ଟିକସ ବ୍ୟବସ୍ଥାରେ ହ୍ରାସ ନେଇ ମଧ୍ୟ ଘୋଷଣା କରାଯାଇଛି । ସମସ୍ତ ଘରୋଇ କମ୍ପାନୀ ମାନଙ୍କ ପାଇଁ ଏହି ବ୍ୟବସ୍ଥା…
ଆମେରିକାର ଓ୍ବାଶିଂଟନ୍ରେ ଏକ ଗୁଳିକାଣ୍ଡ ଘଟିଛି । ଗୁରୁବାର ରାତିରେ ଓ୍ବାଶିଂଟନ୍ରେ ଘଟିଥିବା ଏହି ଗୁଳିକାଣ୍ଡରେ ଜଣଙ୍କର ମୃତ୍ୟୁ ଘଟିଥିବା ବେଳେ 5 ଜଣ ଆହତ ହୋଇଛନ୍ତି । 5 ଜଣ ଆହତ ହୋଇଥିଲେ ମଧ୍ୟ ସମସ୍ତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏହି ଘଟଣାଟି ହ୍ବାଇଟ୍ ହାଉସ୍ର ମାତ୍ର ଦୁଇରୁ ତିନି କିମି ଦୂରତା ମଧ୍ୟରେ ସଙ୍ଗଠିତ ହୋଇଥିଲା । କଲମ୍ବିଆ ହାଇଟ୍ସ ଅଞ୍ଚଳରେ 14 ନମ୍ବର ରାସ୍ତାରେ ଜଣେ ଅଜଣା ଆତତାୟୀ ଗୁଳି ଚାଳନା କରିବାରୁ ଏହି ଦୁର୍ଘଟଣା ଘଟିଥିଲା ।