ମେକ୍ସିକୋର ଏକ ପୋଲରୁ ଝୁଲନ୍ତା ଅବସ୍ଥାରେ 19ଟି ଶବ ଜବତ କରାଯାଇଛି । ଦୁଇଟି ଗ୍ୟାଙ୍ଗ ମଧ୍ୟରେ ସଙ୍ଘର୍ଷ ଘଟିଥିବା ବେଳେ ଏହି ଅଘଟଣ ଘଟିଛି ବୋଲି ପୋଲିସ୍ ପକ୍ଷରୁ କୁହାଯାଇଛି । ଗୁରୁବାର ରାତିରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟି ଏହି ଘଟଣା ଘଟିଥିଲା । ଗୋଟିଏ ଗୋଷ୍ଠୀର ସଦସ୍ୟ ମାନେ ଅନ୍ୟ ଗୋଷ୍ଠୀର ସଦସ୍ୟଙ୍କୁ ହତ୍ୟା କରି ବ୍ରିଜ୍ରେ ଝୁଲାଇ ଦେଇଥିଲେ । ସେହିପରି ଅନ୍ୟ ଏକ ଗୋଷ୍ଠୀର 3 ଜଣ ସଦସ୍ୟଙ୍କ ଶବ ରାସ୍ତାରୁ ଅଳ୍ପ ଦୂରରେ ପଡିଥିବା ନଜର ଆସିଥିଲା । ଝୁଲନ୍ତା ଶବ ମଧ୍ୟରେ ଦୁଇ ଜଣ ମହିଳୂା ରହିଛନ୍ତି । ସମାନ ଭାବରେ ସରକାରଙ୍କ ବିରୋଧରେ ପ୍ରତିବାଦ କରି 2011-12ରେ 30 ଜଣ ବ୍ୟକ୍ତିଙ୍କୁ ହତ୍ୟା କରାଯାଇଥିଲା ।
Author: Samikhsya Bureau
ଟି-20 ମ୍ୟାଚର ଶୃଙ୍ଖଳାକୁ 3-0ରେ ଜିତିବା ପରେ ବିରାଟ କୋହଲିଙ୍କ ଟିମର ପ୍ରଥମ ଦିନିକିଆ ବର୍ଷା କାରଣରୁ ବାତିଲ କରି ଦିଆଯାଇଛି । ବର୍ଷା ଯୋଗୁଁ ମ୍ୟାଚ କେବଳ 13 ଓଭର ଖେଳ ସମ୍ଭବ ହୋଇଥିଲା । ଯେଉଁଥିରେ ୱେଷ୍ଟଇଣ୍ଡିଜ ଗୋଟିଏ ୱିକେଟ ହରାଇ 54ରନ କରିପାରିଥିଲା । ମ୍ୟାଚ ଆରମ୍ଭ ହେବା ପୂର୍ବରୁ ବର୍ଷା ଲାଗି ରହିଥିଲା ଏବଂ 2 ଘଣ୍ଟା ବିଳମ୍ବରେ ମ୍ୟାଚ ଆରମ୍ଭ ହୋଇଥିଲା । ଏହା ପରେ ପୁଣି ବର୍ଷା ଲାଗିରହିଥିଲା । ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ ଗେଲ ଭାରତ ବିପକ୍ଷ ପ୍ରଥମ ଦିନିକିଆରେ ଭଲ ସ୍କୋର କରିପାରି ନଥିଲେ । ସେ 31 ବଲ ଖେଳି ମାତ୍ର 4 ରନ କରିଥିଲେ । ଇଭିନ ଲୁଇସ 40 ରନ ଓ ସାଈ ହୋପ 6 ରନ କରିଥିବା ବେଳେ ମ୍ୟାଚ୍ ବନ୍ଦ ରହିଥିଲା ।
ଭାରତୀୟ ବାୟୁସେନାର ଏକ ସୁଖୋଇ ଲଢୁଆ ବିମାନ ଗୁରୁବାର ରାତି ଆସାମର ତେଜପୁର ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ପ୍ରତିରକ୍ଷା ବିଭାଗର ମୁଖପାତ୍ର ଲେଫନାଣ୍ଟ କର୍ଣ୍ଣେଲ ହର୍ଷବର୍ଦ୍ଧନ ପାଣ୍ଡେ କହିଛନ୍ତି, ବିମାନର ଦୁଇ ଜଣ ପାଇଲଟଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ସେମାନଙ୍କର କୌଣସି କ୍ଷତି ହୋଇନାହିଁ । ହର୍ଷବର୍ଦ୍ଧନ ପାଣ୍ଡେ କହିଛନ୍ତି ଯେ, ସୁଖୋଇ-30 ଏମକେଆଇ ଲଢୁଆ ବିମାନ ଏକ ନିୟମିତ ତାଲିମ ମିଶନରେ ଥିଲା । ରାତି ପ୍ରାୟ ସାଢେ ଆଠଟା ସମୟରେ ମିଲନପୁର ଅଂଚଳରେ ଏହା ଦୁର୍ଘଟଣାର ସମ୍ମୁଖୀନ ହୋଇଥିଲା । ଦୁର୍ଘଟଣାଗ୍ରସ୍ତ ସୁଖୋଇ ବିମାନ ଏକ କ୍ଷେତକୁ ଖସିପଡ଼ିଥିଲା । ସେ କହିଛନ୍ତି ଦୁର୍ଘଟଣା ଯୋଗୁଁ କୌଣସି କ୍ଷୟକ୍ଷତି ଘଟିନାହିଁ । ପ୍ରତିରକ୍ଷା ମୁଖପାତ୍ର କହିଛନ୍ତି, ସ୍ଥାନୀୟ ଲୋକେ ଉଭୟ ପାଇଲଟଙ୍କୁ ତେଜପୁରସ୍ଥିତ ସେନା ହସ୍ପିଟାଲରେ ଭର୍ତ୍ତି କରିଥିଲେ ।
ସମୀକ୍ଷା ବ୍ୟୁରୋ ନୂଆ ସରକାର ଗଠିତ ହେବାପରେ ସଂସଦର ବର୍ଷାକାଳୀନ ଅଧିବେଶନ ସବୁଠୁ ସଫଳ ଓ ସବୁଠୁ କାର୍ୟକ୍ଷମ ବୋଲି କୁହାଯାଉଛି। ଉଭୟ ଲୋକସଭା ଓ ରାଜ୍ୟସଭାରେ ଓଡିଶାର ସାଂସଦମାନେ ଚଳିତ ଅଧିବେଶନରେ ବହୁତ ଭଲ ପ୍ରଦର୍ଶନ କରିଛନ୍ତି। ବିଜେଡି ଓ ବିଜେପିର ସାଂସଦମାନଙ୍କୁ ପ୍ରାୟ ସବୁ ବିତର୍କରେ, ଶୂନ୍ୟକାଳରେ ଓ ପ୍ରଶ୍ନୋତ୍ତର ରେ ଉତ୍ସାହର ସହିତ ଭାଗ ନେଉଥିବାର ଦେଖିବାକୁ ମିଳୁଛି। ଏପରିକି କୋରାପୁଟରୁ ନିର୍ବାଚିତ ଏକମାତ୍ର କଂଗ୍ରେସ ଲୋକସଭା ସଦସ୍ୟ ସପ୍ତଗିରି ଉଲାକାଙ୍କ ପ୍ରଦର୍ଶନ ମଧ୍ୟ ବହୁତ ଭଲ ରହିଥିଲା। ତେବେ ସଂସଦର ଏହି ବିଶେଷ ଅଧିବେଶନରେ କେବଳ ଜଣେ ସଦସ୍ୟଙ୍କ ମୁହଁ ଦିଶୁନଥିଲା, ସେ ହେଲେ କଂଗ୍ରେସର ଏକମାତ୍ର ରାଜ୍ୟସଭା ସଦସ୍ୟ ରଞ୍ଜିବ ବିଶ୍ଵାଳ। ଯଦିଓ ରାଜ୍ୟସଭା ସଚିବାଳୟ ତରଫରୁ ସେ କିଛି ପ୍ରଶ୍ନ ପଚାରିଥିବାର ତଥ୍ୟ ମିଳୁଛି, ହେଲେ ସେଗୁଡିକ ସେମିତି ବିଶେଷ ଗୁରୁତ୍ଵ ବହନ କରେନାହିଁ। ସେ କୌଣସି ବିତର୍କରେ ଭାଗନେବା, ଆଲୋଚନା କରିବା…
ତିନି ବିଖ୍ୟାତ ବ୍ୟକ୍ତିଙ୍କୁ ମିିଳିଲା ରତ୍ନ । ଏକ ଭବ୍ୟ ସମାରୋହରେ ରାଷ୍ଟ୍ରପତି ରାମନାଥ କୋବିନ୍ଦ ଆଜି ଭାରତ ରତ୍ନ ସମ୍ମାନ ପ୍ରଦାନ କରିଛନ୍ତି । ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ, ନାନାଜୀ ଦେଶମୁଖ ଓ ଭୂପେନ ହଜାରିକାଙ୍କୁ ଏହି ସମ୍ମାନ ମିଳିଛି । ଭୂପେନ ହଜାରିକା ଓ ନାନାଜୀ ଦେଶମୁଖଙ୍କୁ ମରଣୋତ୍ତର ଭାବେ ଏହି ସମ୍ମାନ ମିଳିଛି । ଏହି ସମ୍ମାନ ପ୍ରଦାନ ଉତ୍ସବରେ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ରହିଥିଲେ । ଜାନୁଆରୀ ୨୫ ତାରିଖରେ ଏହି ସମ୍ମାନ ପ୍ରଦାନ ନେଇ ସୂଚନା ମିଳିଥିଲା । ଦେଶର ସର୍ବୋଚ୍ଚ ବେସାମରିକ ସମ୍ମାନ ହେଉଛି ଭାରତ ରତ୍ନ ।
ସମୀକ୍ଷା ବ୍ୟୁରୋ ଭାରୀ ଉଦ୍ୟୋଗ ବିଭାଗ ପକ୍ଷରୁ ‘ଫେମ ଇଣ୍ଡିଆ ଯୋଜନା’ର ଦ୍ୱିତୀୟ ପର୍ଯ୍ୟାୟ ଅନ୍ତର୍ଗତ ସହର ଭିତରେ ଚାଲିବା ସହିତ ଗୋଟିଏ ସହରରୁ ଅନ୍ୟ ସହର ମଧ୍ୟରେ ଚଳାଚଳ କରିବା ଉଦ୍ଦେଶ୍ୟରେ ୫୫୯୫ଟି ବିଦ୍ୟୁତ ଚାଳିତ ବସକୁ ମଞ୍ଜୁର କରାଯାଇଛି । ୬୪ଟି ସହର, ରାଜ୍ୟ ସରକାରୀ ସଂସ୍ଥା ଏବଂ ରାଜ୍ୟ ପରିବହନ ଉପକ୍ରମ (ଏସଟିୟୁ) ଲାଗି ଏହି ବସଗୁଡ଼ିକୁ ମଞ୍ଜୁରି ଦିଆଯାଇଛି । ଏହାର ମୁଖ୍ୟ ଉଦ୍ଦେଶ୍ୟ ହେଉଛି ସ୍ୱଚ୍ଛ ଇନ୍ଧନ ବିଶିଷ୍ଟ ପରିବହନକୁ ଆହୁରି ଅଧିକ ବୃଦ୍ଧି କରିବା । ଏହି ଯୋଜନା ଅଧୀନରେ ଭୁବନେଶ୍ୱରକୁ ୫୦ଟି ବସ ମିଳିବ ବୋଲି ଜଣାପଡିଛି। କ୍ୟାପିଟାଲ ଓ ସ୍ମାର୍ଟ ସିଟି ବର୍ଗରେ ଭୁବନେଶ୍ୱରକୁଏହି ବସ୍ ମିଳିବ। ଭାରୀ ଉଦ୍ୟୋଗ ବିଭାଗ ଦଶ ଲକ୍ଷରୁ ଅଧିକ ଜନସଂଖ୍ୟା ଥିବା ସହର, ସ୍ମାର୍ଟସିଟି, ରାଜ୍ୟ ବା କେନ୍ଦ୍ରଶାସିତ ପ୍ରଦେଶର ରାଜଧାନୀ ଏବଂ ସ୍ୱତନ୍ତ୍ର ପାହ୍ୟା ବିଶିଷ୍ଟ ରାଜ୍ୟର ସହରଗୁଡ଼ିକଠାରୁ ଆଗ୍ରହ ଅଭିବ୍ୟକ୍ତି…
ବହୁ ଚର୍ଚ୍ଚିତ ଅଯୋଧ୍ୟା ମାମଲାରେ ଶୁକ୍ରବାର ମଧ୍ୟ ଶୁଣାଣି ହେବ। ସପ୍ତାହର ସମସ୍ତ ପାଞ୍ଚଟି କାର୍ଯ୍ୟଦିବସରେ ଏହି ମାମଲାର ଶୁଣାଣି ହେବ। ସାଧାରଣତଃ ସାମ୍ବିଧାନିକ ପୀଠ ମଙ୍ଗଳ, ବୁଧ ଓ ଗୁରୁବାର ହିଁ ବସିଥାଏ। ଏହା ପୂର୍ବରୁ ସିଜେଆଇଙ୍କ ନେତୃତ୍ଵାଧୀନ ଖଣ୍ଡପୀଠ ଗୁରୁବାର ମାମଲାରେ କ୍ରମାଗତ ତୃତୀୟ ଦିନ ଶୁଣାଣି କରିଛନ୍ତି। ଏହି ସମୟରେ ହିନ୍ଦୁ ପକ୍ଷ ନିଜର ଦଲିଲ ରଖିଛନ୍ତି। ଯଦି ସପ୍ତାହର ୫ ଦିନ ଶୁଣାଣି ହେବ, ତେବେ ୪୯୧ ବର୍ଷର ଅଯୋଧ୍ୟା ମାମଲାର ଶୀଘ୍ର ନିଷ୍ପତ୍ତି ଆସିବା ନେଇ ସମ୍ଭାବନା ରହିଛି। ମୁଖ୍ୟ ବିଚାରପତି ରଂଜନ ଗୋଗେଇଙ୍କ ଅଧ୍ୟକ୍ଷତାରେ ଗଠିତ ୫ ଜଣିଆ ଖଣ୍ଡପୀଠ ଏହି ମାମଲାର ଶୁଣାଣି କରୁଛନ୍ତି।
ଆଜିଠାରୁ ମେଲ୍ବୋର୍ଣ୍ଣଠାରେ ୧୦ ଭାରତୀୟ ଫିଲ୍ମୋତ୍ସବ ଆରମ୍ଭ ହୋଇଛି । ଏହି ଉତ୍ସବରେ ଭାରତୀୟ ସିନେମାର ଅନେକ ତାରକାଙ୍କୁ ଦେଖିବାକୁ ମିଳିଥିଲା । ଶାହରୁଖ୍ ଖାନ୍, ବିଜୟ ସେଥୁପତି, ଗାୟତ୍ରୀ ଶଙ୍କର, ତବୁ, କରଣ ଜୋହର, ଶ୍ରୀରାମ ରାଘବନ୍, ରୀମା ଦାସ ଓ ଜୋୟା ଅଖତରଙ୍କ ପରି ଲୋକପ୍ରିୟ ଅଭିନେତା ଓ ନିର୍ମାତା ନିର୍ଦ୍ଦେଶକ ଏଠାରେ ଉପସ୍ଥିତ ରହିଥିଲେ । ଏହି ଉତ୍ସବରେ ଶ୍ରେଷ୍ଠ ଚଳଚ୍ଚିତ୍ର ପାଇଁ ବଲିଉଡ୍ ଫିଲ୍ମ ଅନ୍ଧାଧୁନ୍, ଗଲି ବୟ, ବଧାଇ ହୋ ଓ ସୁଇ ଧାରା ପରି ଫିଲ୍ମଗୁଡ଼ିକ ମନୋନୀତ ହୋଇଛନ୍ତି । ତେବେ ବିଜୟ ସେଥୁପତିଙ୍କ ତାମିଲ୍ ସୁପରହିଟ୍ ଫିଲ୍ମ ‘ଡିଲକ୍ସ’ ପାଇଁ ଶ୍ରେଷ୍ଠ ଅଭିନେତା ଓ ଏହି ଫିଲ୍ମର ନିର୍ଦ୍ଦେଶକ ତ୍ୟାଗରାଜନ୍ କୁମାରାଜାଙ୍କୁ ସମ୍ମାନିତ କରାଯାଇଛି । ସୁପରଷ୍ଟାର୍ ଶାହରୁଖ୍ ଏହି ଅବସରରେ ଦର୍ଶକଙ୍କୁ ସମ୍ବୋଧିତ କରିଥିବାବେଳେ ନିର୍ମାତା ନିର୍ଦ୍ଦେଶକ ମଞ୍ଚ ସମ୍ଭାଳି ଥିଲେ । ଅଗଷ୍ଟ ୮ରୁ ଅଗଷ୍ଟ ୧୫ ମଧ୍ୟରେ…
ଏକକାଳୀନ ତିନୋଟି ଭାଷାରେ ନିର୍ମାଣ ହେବାକୁ ଯାଉଥିବା ଆର ମାଧବନ୍ଙ୍କ ଫିଲ୍ମରେ କେମିଓ ଭୂମିକାରେ ନଜର ଆସିବାକୁ ଯାଉଛନ୍ତି ଶାହରୁଖ୍ ଖାନ୍ । ଶାହରୁଖ୍ କେବଳ ଫିଲ୍ମର ହିନ୍ଦି ଭର୍ସନ୍ରେ ନଜର ଆସିବେ ବୋଲି ସ୍ପଷ୍ଟ କରିଛନ୍ତି । ମାଧବନ୍ । ଏହି ଫିଲ୍ମଟି ହିନ୍ଦି, ତାମିଲ ଏବଂ ତେଲୁଗୁ ଭାଷାରେ ନିର୍ମାଣ ହେବ । ମାଧବନ୍ ନିଜେ ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି । କେରଳର ମହାକାଶ ବିଜ୍ଞାନୀ ତଥା ଇସ୍ରୋର ଏହି ପ୍ରସିଦ୍ଧ ବ୍ୟକ୍ତିତ୍ବଙ୍କ ଜୀବନିକୁ ନେଇ ଫିଲ୍ମଟି ଗତିଶୀଳ । ଫିଲ୍ମରେ ଶାହରୁଖ ଜଣେ ସାମ୍ବାଦିକ ଭୂମିକାରେ ନଜର ଆସିବେ ଯିଏ 77 ବର୍ଷ ବୟସ୍କ ନାରାୟଣନ୍ଙ୍କର ସାକ୍ଷାତକାର ନେଉଥିବେ । ତାମିଲ ଫିଲ୍ମରେ ଶାହରୁଖଙ୍କ ଚରିତ୍ରରେ ନଜର ଆସିବେ ଅଭିନେତା ସୂର୍ଯ୍ୟା ।
କୋରାପୁଟ ଜିଲ୍ଲା ସୁନାବେଡା ହାଲ୍ ସୁଖୋଇ ଫ୍ୟାକ୍ଟ୍ରିରେ ଆଜି ଅଘଟଣ ଘଟିଛି। କମ୍ପ୍ରେସର ଫାଟି ଜଣେ କର୍ମଚାରୀଙ୍କର ମୃତ୍ୟୁ ଘଟିଛି । ତାଙ୍କୁ ଗୁରୁତର ଅବସ୍ଥାରେ ମେଡ଼ିକାଲ୍ରେ ଭର୍ତ୍ତି କରାଯାଇଥିବାବେଳେ ଚିକିତ୍ସାଧୀନ ଅବସ୍ଥାରେ ସେ ମୃତ୍ୟୁବରଣ କରିଛନ୍ତି । ମୃତ କର୍ମଚାରୀଜଣକ ହେଉଛନ୍ତି ମେକାନିକ୍ ହେହ୍ ସୁଦାମ ମହାନ୍ତି । କମ୍ପ୍ରେସର ଫାଟି ତାଙ୍କ ଶରୀରର ୯୦ ଭାଗ ପୋଡ଼ି ଯାଇଥିଲା । ତାଙ୍କୁ ସଙ୍ଗେ ସଙ୍ଗେ ହାଲ୍ ମେଡ଼ିକାଲ୍ରେ ଭର୍ତ୍ତି କରାଯାଇଥିଲା।
ଭାରତୀୟ କ୍ରିକେଟର ‘ଦ ଓ୍ବାଲ୍’ ରାହୁଲ୍ ଦ୍ରାବିଡଙ୍କୁ ବିସିସିଆଇର ସମନ ନେଇ ଅନେକ ପୁରୁଣା ଖେଳାଳି କ୍ଷୋଭ ପ୍ରକାଶ କରିଛନ୍ତି । ପୂର୍ବତନ ଖେଳାଳି ସୌରଭ ଗାଙ୍ଗୁଲି ଏବଂ ହରଭଜନ ସିଂ ଦ୍ରାବିଡଙ୍କ ସମର୍ଥନରେ ଟ୍ବିଟ୍ କରିଛନ୍ତି । ଦ୍ରାବିଡ୍ ଜାତୀୟ କ୍ରିକେଟ ଏକାଡେମୀର ମୁଖ୍ୟ ରହିଥିବା ବେଳେ ଇଣ୍ଡିଆ ସିମେଣ୍ଟର ଆମ୍ବାସାଡର ରହିଛନ୍ତି । ଏହି ମାମଲାକୁ ଦ୍ବୈତ ସ୍ବାର୍ଥ ମାମଲା ବୋଲି ଅଭିଯୋଗ କରି ମଧ୍ୟପ୍ରଦେଶ କ୍ରିକେଟ୍ ସଂଘର ସଦସ୍ୟ ସଞ୍ଜୀବ ଗୁପ୍ତାଙ୍କ ପକ୍ଷରୁ ଅଭିଯୋଗ ଅଣାଯାଇଥିଲା । ଅଭିଯୋଗର ବିଚାର କରି ଡି କେ ଜୈନ୍ ଦ୍ରାବିଡଙ୍କୁ ଏକ ନୋଟିସ୍ ପଠାଇଛନ୍ତି । ଏହା ଉପରେ ପ୍ରତିକ୍ରିୟା ପ୍ରକାଶ କରି ଗାଙ୍ଗୁଲି କହିଛନ୍ତି, ଖବରରେ ରହିବା ନିମନ୍ତେ ଦ୍ବୈତ ସ୍ବାର୍ଥ ମାମଲା ଏକ ଫ୍ୟାସନ୍ରେ ପରିଣତ ହୋଇଗଲାଣି । ଦ୍ରାବିଡଙ୍କ ପରି ଖେଳାଳିଙ୍କୁ ଏହି ନୋଟିସ୍ ମିଳିବା ପରେ ବର୍ତ୍ତମାନ ଭଗବାନ କେବଳ ଭାରତୀୟ କ୍ରିକେଟକୁ ବଞ୍ଚାଇ…
ଜିଏସଟି ଠକେଇ ଅଭିଯୋଗରେ ଆଜି ଜଣେ ବ୍ୟବସାୟୀ ଗିରଫ ହୋଇଛନ୍ତି । ସେ ବିନା ଜିନିଷ କିଣାବିକାରେ ଟିକସ ପୈଠ ହୋଇଥିବା ଦର୍ଶାଇ ୧୨କୋଟି ୮୪ଲକ୍ଷ ଟଙ୍କାର ଟିକସ ଫାଙ୍କି ଥିବାରୁ ଲୁଧିଆନା ପୋଲିସ ତାଙ୍କୁ ବଲାଙ୍ଗୀରରୁ ଗିରଫ କରିଛି । ରାଜ୍ୟ ଜିଏସଟି କମିଶନ ନିର୍ଦ୍ଦେଶକ୍ରମେ ଆଜି ଲୁଧିଆନା ପୋଲିସ ଚଢାଉ କରି ଜିଏସଟି ଠକେଇ ଅଭିଯୋଗରେ ଜଣେ ଓଡ଼ିଶାର ବ୍ୟବସାୟୀଙ୍କୁ ଗିରଫ କରିଛି । ବ୍ୟବସାୟୀ ଜଣକ ହେଉଛନ୍ତି ଟିଟିଲାଗଡ଼ର ତୀର୍ଥଙ୍କର ପଟେଲ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ସନ୍ଧ୍ୟା 8ଟାରେ ଦେଶବାସୀଙ୍କୁ ସମ୍ବୋଧିତ କରିବେ । ପୂର୍ବରୁ ପ୍ରଧାନମନ୍ତ୍ରୀ ଅପରାହ୍ନ 4ଟାରେ ଅଲ୍ ଇଣ୍ଡିଆ ରେଡିଓ ଜରିଆରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ସମ୍ବୋଧିତ କରିବେ ବୋଲି କୁହାଯାଉଥିଲା । ମାତ୍ର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟ୍ବିଟ୍ କରି ଏହି ଖବରକୁ ସ୍ପଷ୍ଟ କରାଯାଇଛି । ପ୍ରଧାନମନ୍ତ୍ରୀ ମୋଦି ଶେଷ ଥର ପାଇଁ ଦେଶକୁ ଲୋକସଭା ନିର୍ବାଚନ ପୂର୍ବରୁ ମାର୍ଚ୍ଚ 27ରେ ସମ୍ବୋଧନ କରିଥିଲେ । ସୂଚନାଯୋଗ୍ୟ ନରେନ୍ଦ୍ର ମୋଦି ସରକାର ସୋମବାର ଜମ୍ମୁ କଶ୍ମୀର ପୁନଃଗଠନ ଓ ଧାରା 370କୁ ଉଚ୍ଛେଦ କରିବା ସମ୍ପର୍କୀତ ସଂକଳ୍ପକୁ ରାଜ୍ୟସଭାରେ ବହୁମତ ସହିତ ଗୃହୀତ ହୋଇଛି । ଏହି ବିଲ ଲୋକସଭାରେ ମଧ୍ୟ ବହୁମତ ସହିତ ଗୃହୀତ ହୋଇଛି ।
ପାକିସ୍ତାନ ସରକାର ଭାରତ ଓ ପାକିସ୍ତାନ ମଧ୍ୟରେ ଯାଉଥିବା ସମଝୌତା ଏକ୍ସପ୍ରେସକୁ ରବ୍ଦ କରିଛନ୍ତି । ଏନେଇ ପାକିସ୍ତାନୀ ଗଣମାଧ୍ୟମରେ ପ୍ରକାଶ ପାଇଛି । ସମଝୌତା ଏକ୍ସପ୍ରେସ ଭାରତର ରାଜଧାନୀ ନୂଆଦିଲ୍ଲୀରୁ ପାକିସ୍ତାନର ଲାହୋରକୁ ଚଳାଚଳ କରିଥାଏ । ଭାରତ ସରକାର ଜମ୍ମୁ-କାଶ୍ମୀରରୁ ଧାରା ୩୭୦ ଉଚ୍ଛେଦ କରିବା ପରେ ପାକିସ୍ତାନ ଏପରି ପଦକ୍ଷେପ ନେଇଛି । ଏହା ସହିତ ଭାରତୀୟ ଫିଲ୍ମକୁ ମଧ୍ୟ ପାକିସ୍ତାନ ବ୍ୟାନ୍ କରିଛି । ଏପରିକି ଭାରତ – ପାକିସ୍ତାନ ମଧ୍ୟରେ ଥିବା ୩ଟି ଆକାଶପଥକୁ ବନ୍ଦ କରିବା ସହ କୁଟନୈତିକ ସମ୍ପର୍କ ମଧ୍ୟ ଛିନ୍ନ କରିଥିଲା ।
ପାକିସ୍ତାନୀ ପ୍ରଧାନମନ୍ତ୍ରୀ ନଓ୍ବାଜ ସରିଫ୍ଙ୍କ ଝିଅ ମରିୟମ୍ ନଓ୍ବାଜଙ୍କୁ ଗୁରୁବାର ଦିନ ପାକିସ୍ତାନରେ ଗିରଫ କରାଯାଇଛି । ଗୁରୁବାର ଏନ୍ଏବି ପକ୍ଷରୁ ମରିୟମ୍ଙ୍କୁ ଗିରଫ କରାଯାଇଥିବା ନେଇ ଜନୈକ ପିଏମ୍ଏଲ୍ ନେତ୍ରୀ ସୂଚନା ଦେଇଛନ୍ତି । ପିଏମ୍ଏଲ୍ ମୁଖପାତ୍ର ମରିୟମ ଔରଙ୍ଗଜେବ୍ ଗିରଫ ଖବରକୁ ସ୍ପଷ୍ଟ କରିଥିବା ବେଳେ ଗିରଫର କାରଣ ଜଣାପଡିନାହିଁ ବୋଲି ସୂଚନା ଦେଇଛନ୍ତି । ଲାହୋର ସ୍ଥିତ ବାସଭବନରୁ ମରିୟମଙ୍କୁ ଗିରଫ କରାଯାଇଥିବା ବେଳେ ଗିରଫର କାରଣ ଜଣାପଡିନାହିଁ । ଉଲ୍ଲେଖଯୋଗ୍ୟ ଯେ ପୂର୍ବରୁ ନଓ୍ବାଜ ଶରିଫ୍ଙ୍କ ମାମଲାରେ କିଛି ଦିନ ପୂର୍ବରୁ ମରିୟମ୍ ବିଚାରପତିଙ୍କୁ ପ୍ରଲୋଭିତ ତଥା ଧମକ ଦିଆଯାଉଥିବାର ଏକ ଭିଡିଓ ପ୍ରଦର୍ଶନ କରିଥିଲେ । ଏହି ଭିଡିଓକୁ ନକଲି ବୋଲି କହିବା ସହିତ ଦୁର୍ନୀତି ନିବାରଣ ବିଭାଗ ପକ୍ଷରୁ ୧୯ ଉତ୍ତର ରଖିବା ପାଇଁ ସମନ ପ୍ରଦାନ କରାଯାଇଥିଲା ।
ରାଷ୍ଟ୍ରପତି ରାମନାଥ କୋବିନ୍ଦ ଗୁରୁବାର ସର୍ବୋଚ୍ଚ ବେସାମରିକ ସମ୍ମାନ ଭାରତ ରତ୍ନ ପ୍ରଦାନ କରିବେ। ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ, ଆସାମ ଗାୟକ ଭୁପେନ ହଜାରିକା ଓ ସମାଜସେବୀ ନାନାଜୀ ଦେଶମୁଖଙ୍କୁ ଏହି ସମ୍ମାନ ପ୍ରଦାନ କରାଯିବ। ତେବେ ନାନାଜୀ ଦେଶମୁଖ ଓ ଭୂପେନ ହଜାରିକାଙ୍କୁ ଏହା ମରୋଣତ୍ତର ଭାବେ ପ୍ରଦାନ କରାଯିବ। ଭାରତର ୧୩ତମ ରାଷ୍ଟ୍ରପତି ହେଉଛନ୍ତି ପ୍ରଣବ ମୁଖାର୍ଜୀ । ରାଷ୍ଟ୍ରପତି ହେବା ପୂର୍ବରୁ ଅର୍ଥମନ୍ତ୍ରାଳୟ ଓ ଆର୍ଥିକ ମନ୍ତ୍ରାଳୟ ରାଷ୍ଟ୍ରୀୟ ନେତୃତ୍ବ ନେଇଛନ୍ତି । କଂଗ୍ରେସର ସଂକଟମୋଚକ ଭାବରେ ପ୍ରଣବ ମୁଖାର୍ଜୀ ବେଶ୍ ପରିଚିତ । ଦୀର୍ଘ ସମୟ ପର୍ଯ୍ୟନ୍ତ ଦେଶର ଆର୍ଥିକ ନୀତି ନିର୍ଣ୍ଣୟରେ ଗୁରୁତ୍ବପୂର୍ଣ୍ଣ ବ୍ୟକ୍ତି ହିସାବରେ ପ୍ରଣବ ମୁଖାର୍ଜୀ ବେଶ୍ ପରିଚିତ । ମହାରାଷ୍ଟ୍ରର ହିଙ୍ଗୋଲିରେ ୧୧ ଅକ୍ଟୋବର ୧୯୧୬ରେ ଜନ୍ମ ନେଇଥିବା ନାନାଜୀ ଜନସଂଘର ସଂସ୍ଥାପକରେ ସାମିଲ୍ ରହିଥିବାବେଳେ ଜଣେ ସମାଜସେବୀ ମଧ୍ୟ ଥିଲେ ନାନାଜୀ । ୧୯୭୭ରେ ମୋରାଜୀ ମନ୍ତ୍ରିମଣ୍ଡଳରେ…
ଆଇସିସି ପକ୍ଷରୁ ଆଫ୍ରିକୀୟ ରାଷ୍ଟ୍ର ଜିମ୍ବାଓ୍ବେ ଉପରେ ଆଇସିସି ପକ୍ଷରୁ ବାସନ୍ଦାଦେଶ ଲାଗୁ କରାଯାଇଥିବା ବେଳେ ବାଂଲାଦେଶ ଏବଂ ଆଫଗାନିସ୍ତାନ ସହିତ ଏହା ଏକ ତ୍ରୀରାଷ୍ଟ୍ରୀୟ ସିରିଜ୍ ଖେଳିବାକୁ ଯାଉଛି । ବାଂଲାଦେଶ ପକ୍ଷରୁ ଆଜି ସିରିଜ୍ର ସୂଚୀ ଘୋଷଣା କରାଯାଇଛି । ଜିମ୍ବାଓ୍ବେ ଉପରେ ବାସନ୍ଦାଦେଶ ଲଗାଯାଇଥିଲେ ମଧ୍ୟ ଦ୍ବିପାକ୍ଷିକ ଏବଂ ତ୍ରୀରାଷ୍ଟ୍ରୀୟ ସିରିଜ୍ ଖେଳିବା ଉପରେ ଅଙ୍କୁଶ ଲଗାଯାଇନାହିଁ ବୋଲି ବାଂଲାଦେଶ ବୋର୍ଡ ମୁଖପାତ୍ର ଜଲାଲ ୟୁନୁସ ପ୍ରକାଶ କରିଛନ୍ତି । ଆସନ୍ତା ସେପ୍ଟେମ୍ବର 13ରୁ 24 ମଧ୍ୟରେ ଏହି ସିରିଜ୍ ଅନୁଷ୍ଠିତ ହେବ । ତ୍ରୀରାଷ୍ଟ୍ରୀୟ ସିରିଜ୍ ପରେ ଚିଟ୍ଟାଗଙ୍ଗରେ ସେପ୍ଟେମ୍ବର 5ରୁ 9 ମଧ୍ୟରେ ବାଂଲାଦେଶ ଏବଂ ଆଫଗାନିସ୍ତାନ ମଧ୍ୟରେ ଟେଷ୍ଟ ମ୍ୟାଚ୍ ଅନୁଷ୍ଠିତ ହେବ ।
ଜମ୍ମୁ କାଶ୍ମୀରରୁ ଧାରା 370 ଉଚ୍ଛେଦ ହେବା ପରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ବିଗତ କିଛିଦିନ ହେବ ସୁରକ୍ଷା ଘେରା ମଧ୍ୟରେ ରହିଥିବା ଜମ୍ମୁ କାଶ୍ମୀର ପ୍ରବେଶ ଉଦ୍ୟମ କରୁଥିବା ରାଜ୍ୟସଭା ସାଂସଦ ଗୁଲାମ ନବୀ ଆଜାଦଙ୍କୁ ବିମାନବନ୍ଦରରେ ରୋକାଯାଇଛି । ଗୁରୁବାର ଶ୍ରୀନଗର ଗସ୍ତ କରିବାର ଯୋଜନା କରିଥିଲେ । ମାତ୍ର ବିମାନବନ୍ଦରରେ ଆଜାଦଙ୍କୁ ଅଟକ ରଖାଯିବା ସହିତ ଫେରାଇ ଦିଆଯାଇଥିଲା । ସେହିପରି ଅନ୍ୟମାନଙ୍କ ମଧ୍ୟରେ ବ୍ୟବସାୟୀ ଶକୀଲ କଲନ୍ଦର ଏବଂ ମୁବୀନ୍ ଶାହଙ୍କୁ ମଧ୍ୟ ଗିରଫ କରାଯାଇଛି । ଗୁରୁବାର ଜାତୀୟ ସୁରକ୍ଷା ପରାମର୍ଶଦାତା ମୁଖ୍ୟ ଅଜିତ୍ ଡୋଭାଲ୍ ଆଜି ଜମ୍ମୁ କାଶ୍ମୀର ଗସ୍ତ କରିଛନ୍ତି । ଜମ୍ମୁ କାଶ୍ମୀରରୁ ଧାରା 144ରେ କୋହଳ କରିବା ପାଇଁ ବିଚାର କରୁଥିବା ନେଇ ସୂଚନା ଦେଇଛନ୍ତି ଏନ୍ଏସ୍ଏ ମୁଖ୍ୟ ଅଜିତ୍ ଡୋଭାଲ୍ ।
ରାଜ୍ୟ ପୋଲିସ ବିଭାଗର ନୂତନ ନିର୍ଦ୍ଦେଶକ ଭାବେ ଅଗ୍ନିଶମ ବିଭାଗ ଡିଜି ବିଜୟ କୁମାର ଶର୍ମା ଆଜି ଅତିରିକ୍ତ ଦାୟିତ୍ୱ ଗ୍ରହଣ କରିଛନ୍ତି । ସେ ଆଜି ବିଧିବଦ୍ଧ ଭାବେ ଦାୟିତ୍ୱ ନେଇଛନ୍ତି । କଟକ ସ୍ଥିତ ରାଜ୍ୟ ପୋଲିସ ମୁଖ୍ୟାଳୟରେ ପୂର୍ବତନ ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମା ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି । ଏହି ସମୟରେ ପୋଲିସ ବିଭାଗର ବହୁ ବରିଷ୍ଠ ଅଧିକାରୀ ଉପସ୍ଥିତ ଅଛନ୍ତି । ଅଗ୍ନିଶମ ବିଭାଗର ଡିଜି ଥିବା ବି.କେ.ଶର୍ମା ୩୩ ବର୍ଷର ଚାକିରି କାଳରେ ବହୁ ଗୁରୁତ୍ବପୂର୍ଣ୍ଣ ପଦ ପଦବୀରେ ରହିଛନ୍ତି । ଏହା ପୂର୍ବରୁ ସେ ସୁନ୍ଦରଗଡ଼, ସମ୍ବଲପୁର, ଫୁଲବାଣୀ ଓ ଖୋର୍ଦ୍ଧାରେ ଏସ୍ପିଭାବେ ଦାୟିତ୍ୱ ତୁଲାଇ ସାରିଛନ୍ତି । ଖୋର୍ଦ୍ଧାରେ ସେ ଦୁଇ ଦୁଇ ଥର ଏସ୍ପି ରହିଛନ୍ତି । ଏହା ସହିତ ୨୦୦୮ରୁ ୨୦୧୨ ଯାଏଁ ଏକ ଲମ୍ବା ସମୟ ଧରି କଟକ ଭୁବନେଶ୍ୱର ପୋଲିସ କମିଶନର…
ତାମିଲ ସୁପରଷ୍ଟାର ଅଜିତ୍ କୁମାରଙ୍କ ଅପ୍କମିଙ୍ଗ ଫିଲ୍ମ ନେରକୋଣ୍ଡା ପାରବୀ ରିଲିଜ୍ ପୂର୍ବରୁ ଅନ୍ଲାଇନ୍ ଲିକ୍ ହୋଇଯାଇଛି । ବଲିଉଡ୍ ଫିଲ୍ମ ପିଙ୍କର ଅଫିସିଆଲ ତାମିଲ ରିମେକ୍ରେ ଅମିତାଭ ବଚ୍ଚନଙ୍କ ଭୂମିକାରେ ନଜର ଆସିବେ ଥାଲା ଅଜିତ୍ । ରିଲିଜ୍ର ଗୋଟିଏ ଦିନ ପୂର୍ବରୁ ଏହି ଫିଲ୍ମଟି ଅନ୍ଲାଇନ୍ରେ ରିଲିଜ୍ ହେବା ଯୋଗୁଁ ମୁଖ୍ୟ ଅଭିନେତା ଅଜିତ୍ ନିଜର ଅସନ୍ତୋଷ ଜାହିର କରିଛନ୍ତି । ଫିଲ୍ମଟି ଆଜି ତାମିଲ ଭାଷାରେ ରିଲିଜ୍ ହେବାକୁ ଥିବା ବେଳେ ତାମିଲ ରକର୍ସ ନାମକ ଓ୍ବେବ୍ସାଇଟ୍ରେ ଏହି ଫିଲ୍ମଟି ଲିକ୍ ହୋଇଛି । ଏହି ଫିଲ୍ମରେ ଅଜିତ୍ଙ୍କ ବ୍ୟତୀତ ବିଦ୍ୟା ବାଲାନ, ଶ୍ରଦ୍ଧା ଶ୍ରୀନାଥ, ଅଭିରାମୀ ଭେଙ୍କଟାଚଳମ୍ ଏବଂ ଆଣ୍ଡ୍ରିଆ ଟାଇରାଙ୍ଗ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମଟି ମଧ୍ୟ ଉଭୟ ତାମିଲ୍ ଏବଂ ତେଲୁଗୁ ଭାଷାରେ ରିଲିଜ୍ ହେବ ।
ରାଜ୍ୟରେ ଦିନକୁ ଦିନ ଗଞ୍ଜେଇ ଚାଲାଣ ଭଳି ଅପରାଧିକ କାର୍ଯ୍ୟକଳାପ ବୃଦ୍ଧି ପାଉଛି । ବେଧଡ଼କ ଭାବେ ଚାଲିଛି ଗଞ୍ଜେଇ ଚୋରାଚାଲାଣ । ଆଜି ପୁଣି କନ୍ଧମାଳ ଜିଲ୍ଲାରୁ 70 କେଜି ଗଞ୍ଜେଇ ଜବତ କରିବା ସହ 4 ଜଣଙ୍କୁ ପୋଲିସ ଗିରଫ କରିଛି । ସୂଚନାନୁସାରେ, କନ୍ଧମାଳ ଫିଙ୍ଗିରିଆ ଶାଶେନିପଦର ଠାରୁ ଅନ୍ୟତ୍ର ସ୍ଥାନକୁ ଏକ କାର ଯୋଗେ ଗଞ୍ଜେଇ ଚାଲାଣ ବେଳେ ପୋଲିସ ଚଢାଉ କରିଥିଲା । ଫଳରେ ସେଠାରୁ 70 କିଲୋ ଗଞ୍ଜେଇ ସହ କାର ଜବତ କରିଛି । ଏହି ଘଟଣାରେ ପୋଲିସ 4 ଜଣ ଗଞ୍ଜେଇ ଚାଲାଣକାରୀଙ୍କୁ ଗିରଫ କରିଛି । ଏହି ଗଞ୍ଜେଇ ଚାଲାଣ ଲିଙ୍କ କେତେ ଦୂର ରହିଛି ଏବଂ ଏଥିରେ ଅନ୍ୟ କେଉଁମାନେ ସାମିଲ ଅଛନ୍ତି ସେମାନଙ୍କୁ ଖୋଜିବାକୁ ପ୍ରୟାସ ଜାରି କରିଛି ଫିଙ୍ଗିରିଆ ପୋଲିସ ।