ବଙ୍ଗୋପସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଧିରେ ଧିରେ ଘନୀଭୂତ ହେଉଛି । ଯାହା ପ୍ରଭାବରେ ରାଜ୍ୟରେ ବର୍ଷା ଜାରି ରହିଛି । ଲଗାଣ ବର୍ଷା ଫଳରେ ଏବେ ଉତ୍ତର ଓଡ଼ିଶାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଉତ୍ତର ଓଡ଼ିଶାରେ ପ୍ରବାହିତ ହେଉଥିବା ଜଳକା ନଦୀର ଜଳ ସ୍ତର ବିପଦ ସଙ୍କେତ ଟପିଛି। ଫଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ସୂଚନାନୁସାରେ, ଜଳକା ନଦୀର ବିପଦ ସଙ୍କେତ ୫.୫୦ ମିଟର ଥିବା ବେଳେ ଆଜି ଲଗାଣ ବର୍ଷା ଯୋଗୁଁ ସକାଳ ୯ଟା ସୁଦ୍ଧା ଜଳ ପତ୍ତନ ୬.୨୦ ମିଟରରେ ରହିଛି । ଜଳକାର ଜଳସ୍ତର ଘଣ୍ଟା ପ୍ରତି ୦.୧୦ମିଟର ବଢୁଥିବା ସୂଚନା ମିଳିଛି । ଫଳରେ ନଦୀରେ ବନ୍ୟା ଆସିବା ଦ୍ୱାରା ବସ୍ତା ଆଦି ବ୍ଲକ୍ରେ ଏକାଧିକ ପଞ୍ଚାୟତ ପ୍ରଭାବିତ ହେବାର ଆଶଙ୍କା ରହିଛି ।
Author: Samikhsya Bureau
ଗଜପତି ଜିଲ୍ଲା ପାରଳାଖେମୁଣ୍ଡି ବିଜେଡିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ଗତକାଲି ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁଙ୍କ ଉଗ୍ର ଆଚରଣ ଦେଖିବାକୁ ମିଳିଥିଲା। ମଞ୍ଚ ଉପରେ ସେ ଜଣେ ଯୁବକଙ୍କୁ ଚାପୁଡ଼ା ମାରିଥିଲେ। ଉକ୍ତ ଯୁବକ ହେଉଛନ୍ତି ପୂର୍ବତନ ଜିଲ୍ଲା ଯୁବ କଂଗ୍ରେସ ସଭାପତି ସଂଗ୍ରାମ ସାହୁ। ବିଜେଡିରେ ଯୋଗ ଦେବା ପାଇଁ ସେ ସଂଗ୍ରାମ ଗତକାଲି ସେହି ବୈଠକରେ ଯୋଗ ଦେଇଥିଲେ। ସେ ମଞ୍ଚ ଉପରେ ସାଂସଦଙ୍କୁ ଉପଢ଼ୌକନ ଦେଉଥିବା ସମୟରେ ଏହି ଘଟଣା ଘଟିଥିଲା। ଏ ଘଟଣା ସେଠାରେ ଉପସ୍ଥିତ ସମସ୍ତେ ନେତା ଓ କର୍ମୀଙ୍କୁ ଆଶ୍ଚର୍ଯ୍ୟ କରି ଦେଇଥିଲା। ସାଂସଦ ତାଙ୍କୁ କାହିଁକି ଚାପୁଡ଼ା ମାରିଲେ, ତାହା ସ୍ପଷ୍ଟ ହୋଇପାରି ନଥିବା ବେଳେ ଏବେ ଏହା ପାରଳାଖେମୁଣ୍ଡି ଓ ସମଗ୍ର ଗଜପତି ଜିଲ୍ଲାରେ ଚର୍ଚ୍ଚା ବିଷୟ ପାଲଟିଛି। ଏପରିକି ସାଂସଦ ଚାପୁଡ଼ା ମାରିବାର ଭିଡିଓ ସୋଶାଲ୍ ମିଡିଆରେ ଭାଇରାଲ୍ ହୋଇଛି । ତେବେ ସଂଗ୍ରାମ ସାହୁ ଏହି ଘଟଣାରେ…
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଙ୍ଗଳବାର ନ୍ୟୁୟର୍କରେ ‘ଗ୍ଲୋବାଲ ଗୋଲକିପର ଆୱାର୍ଡ’ରେ ସମ୍ମାନୀତ କରାଯାଇଛି । ଏହି ଅନ୍ତର୍ଜାତୀୟ ପୁରସ୍କାର ବିଲ ଆଣ୍ଡ ମିଲିନ୍ଦା ଫାଉଣ୍ଡେଶନ ତରଫରୁ ଦିଆଯାଇଛି । ପ୍ରଧାନମନ୍ତ୍ରୀ ମୋଦିଙ୍କ ‘ସ୍ୱଚ୍ଛ ଭାରତ ଅଭିଯାନ’କୁ ପ୍ରଶଂସା କରି ଫାଉଣ୍ଡେଶନ ଏହି ପୁରସ୍କାରେ ମୋଦିଙ୍କୁ ସମ୍ମାନିତ କରିଛନ୍ତି । ଗ୍ଲୋବାଲ ଗୋଲକିପର ଆୱାର୍ଡ ଗ୍ରହଣ କରିବା ପରେ ପ୍ରଧାନମନ୍ତ୍ରୀ ମୋଦି ନିଜର ପ୍ରତିକ୍ରିୟାରେ କହିଛନ୍ତି, ଏହି ସମ୍ମାନ ମୋର ନୁହେଁ କିନ୍ତୁ ଭାରତର କୋଟି କୋଟି ଜନତାଙ୍କ ପାଇଁ ଏହି ସମ୍ମାନ ମିଳିଛି । ନ୍ୟୁୟର୍କଠାରେ ବିଲ୍ ଗେଟସ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି ।
ବଙ୍ଗୋପସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଧିରେ ଧିରେ ଘନିଭୂତ ହେଉଛି । ଏହା ପ୍ରଭାବରେ ସାରା ଓଡ଼ିଶାରେ ପ୍ରବଳ ବର୍ଷାର ହେବାର ପୂର୍ବାନୁମାନ କରିଛି ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର । ଏଥିପାଇଁ ୭ ଜିଲ୍ଲାକୁ ଅରେଞ୍ଜ ଓ ୮ ଜିଲ୍ଲାକୁ ୟେଲୋ ୱାର୍ଣ୍ଣିଂରେ ରଖାଯାଇଛି । କେନ୍ଦୁଝର, ମୟୂରଭଞ୍ଜ, ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ବରଗଡ଼ ଓ ଗଜପତି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂରେ ରଖାଯାଇଛି । ସେହିପରି ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, ନୟାଗଡ଼, କନ୍ଧମାଳ, ବୌଦ୍ଧ, ଢେଙ୍କାନାଳ ଓ କେନ୍ଦୁଝର ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଏହି ସବୁ ଜିଲ୍ଲାମାନଙ୍କରେ ପ୍ରବଳ ବର୍ଷାର ହେବାର ସମ୍ଭାବନା ରହିଛି ।ଲଗାଣ ବର୍ଷାରେ ବେହାଲ ହୋଇପଡ଼ିଛି ଦୈତନଗରୀ କଟକ ଓ ଭୁବନେଶ୍ୱର । ରାସ୍ତା ଉପରେ ପାଣି ଚାଲୁଥିବାରୁ ବିଭିନ୍ନ ସ୍ଥାନାରେ ଯାତାୟତ ବାଧାପ୍ରାପ୍ତ ହୋଇଛି । ଗତ ଚବିଶ ଘଣ୍ଟା ମଧ୍ୟରେ ବାଲେଶ୍ୱରରେ ସର୍ବାଧିକ ୧୦୦ ମିମି ବର୍ଷା ରେକର୍ଡ…
ସମୀକ୍ଷା ବ୍ୟୁରୋ ସୁପରଷ୍ଟାର ଅମିତାଭ ବଚନ ଚଳିତ ବର୍ଷର ଦାଦା ସାହେବ ଫାଲକେ ପୁରସ୍କାର ପାଇବା ପାଇଁ ମନୋନିତ ହୋଇଛନ୍ତି। ଦୀର୍ଘ ଦଶନ୍ଧି ଧରି ଅମିତାଭ ବଚନ ଚଳଚିତ୍ର ପ୍ରେମୀଙ୍କ ମନ ଭିତରେ ଏକ ସ୍ବତନ୍ତ୍ର ସ୍ଥାନ ହାସଲ କରିଛନ୍ତି। ସେଥିପାଇଁ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳାୟ ତାଙ୍କୁ ଏହି ପୁରସ୍କାର ପାଇଁ ମନୋନିତ କରିଛନ୍ତି। ଆଜି ମନ୍ତ୍ରୀ ପ୍ରକାଶ ଜାଭେଦକର ଏକ ଟୁଇଟି କରି ଏହି ଘୋଷଣା କରିଛନ୍ତି। ସେ ତାଙ୍କ ଟୁଇଟିରେ ଉଲ୍ଲେଖ କରିଛନ୍ତି ଯେ, ଅମିତାଭ ବଚନ ଏପରି ଜଣେ ଅଭିନେତା ଯେ କି ଦୁଇଟି ପିଢୀର ଦର୍ଶକଙ୍କର ମନ ପସନ୍ଦ ଅଭିନେତା ହୋଇପାରିଛନ୍ତି। ସେଥିପାଇଁ ତାଙ୍କୁ ଚଳଚିତ୍ର ଜଗତର ସର୍ବୋଚ୍ଚ ସମ୍ମାନ ପାଇଁ ଅମିତାଭଙ୍କୁ ମନୋନିତ କରାଯାଇଛି ବୋଲି ଜାଭେଦକର କହିଛନ୍ତି। ଜାଭେଦକର ଅମିତାଭଙ୍କୁ ଟୁଇଟ ମାଧ୍ୟମରେ ଅଭିନନ୍ଦନ ମଧ୍ୟ ଜଣାଇଛନ୍ତି। ପୂର୍ବରୁ ଅମିତାଭ ଅଭିନୟ ଜଗତରେ ଶ୍ରେଷ୍ଠ ଅବଦାନ ପାଇଁ ପଦ୍ମଶ୍ରୀ, ପଦ୍ମଭୂଷଣ…
ଆୟୁଷ୍ମାନ ଖୁରାନାଙ୍କ ଫିଲ୍ମ ‘ଡ୍ରିମ୍ଗାର୍ଲ’ ୧୦୦ କୋଟି କ୍ଲବ୍ରେ ସାମିଲ୍ ହୋଇଛି । ଚଳିତ ସପ୍ତାହରେ ରିଲିଜ୍ ହୋଇଥିବା ଫିଲ୍ମ ଗୁଡିକୁ ପଛରେ ପକାଇ ଏହି ଫିଲ୍ମଟି ୧୦୦ କୋଟି କ୍ଲବରେ ସାମିଲ ହୋଇଛି। ଫିଲ୍ମରେ ଆୟୁଷ୍ମାନଙ୍କ ବ୍ୟତୀତ ନୁସରତ୍ ଭରୁଚା, ଅନୁକ ପୁର୍ ପ୍ରମୁଖଙ୍କୁ ଦେଖିବାକୁ ମିଳିଥିଲା । ଏହି ଫିଲ୍ମରେ ଆୟୁଷ୍ମାନଙ୍କୁ ଡ୍ରିମ୍ଗାର୍ଲ ରୂପରେ ଦେଖିବାକୁ ମିଳିଛି । ପ୍ରତ୍ୟେକ ଥର କିଛି ଭିନ୍ନସ୍ବାଦର ଫିଲ୍ମ ନେଇ ଦର୍ଶକଙ୍କ ସାମ୍ନାକୁ ଆୟୁଷ୍ମାନ ଆସୁଥିବାବେଳେ ଏହି ଫିଲ୍ମଟି ଟିକେ ହଟ୍କେ ରହିଛି । ଫିଲ୍ମରେ ଆୟୁଷ୍ମାନ ସୀତା ଓ ରାଧା ଚରିତ୍ରରେ ଅଭିନୟ କରୁଥିବାବେଳେ ଜଣେ କଲ୍ ସେଣ୍ଟରରେ ନାରୀ ସ୍ବରରେ କଥା କହୁଥିବାର ଦେଖିବାକୁ ମିଳିଛି । ଏହି ଫିଲ୍ମରେ ଆୟୁଷ୍ମାନ ଦୁଇ ଦୁଇଟା ଚରିତ୍ରରେ ଅଭିନୟ କରିଛନ୍ତି । ବିଶେଷକରି ଆୟୁଷ୍ମାନଙ୍କ ପୂଜା ଚରିତ୍ରଟି ଦର୍ଶକଙ୍କୁ ବେଶ୍ ଆକୃଷ୍ଟ କରିଛି । ଇତିମଧ୍ୟରେ ଆୟୁଷ୍ମାନ୍ଙ୍କ ବରେଲି କି…
ରାଜ୍ୟରେ ଅକ୍ଟୋବର ୦୨ ଗାନ୍ଧୀ ଜୟନ୍ତୀରୁ ଆରମ୍ଭ ହେବାକୁ ଯାଉଛି “ମୋ ସରକାର” କାର୍ଯ୍ୟକ୍ରମ । ଏହି କାର୍ଯ୍ୟକ୍ରମ ଜରିଆରେ ଥାନା ଓ ଚିକିତ୍ସାଳୟରେ ଆସୁଥିବା ବ୍ୟକ୍ତିଙ୍କ ଠାରୁ ମତାମତ ନିଆଯିବ । ଥାନା ଓ ମେଡିକାଲ ଲୋକଙ୍କୁ କେମିତି ସୁବିଧା ସୁଯୋଗ ମିଳୁଛି ସେନେଇ ପ୍ରତିକ୍ରିୟା ନିଆଯିବ । ପୋଲିସ ବିଭାଗ ଏହି କାର୍ଯ୍ୟକ୍ରମ ନେଇ ପ୍ରସ୍ତୁତି ଜୋରଦାର କରିଛି । ଏହି ଆଧାରରେ ଆଜି ଖୋଦ ପୋଲିସ ଡିଜି ଆଜି ବିଭିନ୍ନ ଥାନାର ଅଭିଯୋଗକାରୀଙ୍କ ସହ କଥା ହେଲେ । ଷ୍ଟେଟ୍ କଲ୍ ସେଣ୍ଟରରୁ ଅଭିଯୋଗକାରୀଙ୍କ ସହ କଥା ହୋଇ ଥାନାରେ ବ୍ୟବହାର ଓ ତଦନ୍ତ ସମ୍ପର୍କରେ ପଚାରି ବୁଝିଲେ ବି.କେ. ଶର୍ମା । ଉଲ୍ଲେଖଯୋଗ୍ୟ ଯେ , ସେପ୍ଟେମ୍ବର ୧୪ଲୋକସେବା ଭବନରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ବୈଠକ ବସିଥିଲା । ସେହି ବୈଠକରେ ବିଭିନ୍ନ ଜିଲ୍ଲାର ୬୩୫ଟି ଥାନା ଆଇଆଇସିଙ୍କ ସହ ମୁଖ୍ୟମନ୍ତ୍ରୀ ଭିଡ଼ିଓ କନଫେରେନ୍ସିରେ ଆଲୋଚନା…
ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ୍ ପୂର୍ବରୁ ଭାରତୀୟ ଦଳକୁ ବଡ ଝଟ୍କା ଲାଗିଛି । ଭାରତୀୟ ଦଳର ପ୍ରମୁଖ ଅସ୍ତ୍ର ତଥା ବିଶ୍ବ ମାନ୍ୟତାରେ ଏକ ନମ୍ବର ସ୍ଥାନରେ ରହିଥିବା ଯଶପ୍ରୀତ୍ ବୁମ୍ରା ଆହତ ହୋଇଛନ୍ତି । ବୁମ୍ରା ଆହତ ହେବା ସହିତ ଭାରତୀୟ ଦଳରେ ଉମେଶ ଯାଦବଙ୍କୁ ସାମିଲ କରାଯାଇଛି । ଅଣ୍ଟାରେ ଆଘାତ ପାଇଁ ବୁମ୍ରା ଆହତ ହୋଇଥିବା ବେଳେ ମଙ୍ଗଳବାର ବଦଳ ଖେଳାଳି ଭାବରେ ଉମେଶ ଯାଦବଙ୍କ ନାମ ଘୋଷଣା କରାଯାଇଛି । ଆସନ୍ତା ଅକ୍ଟୋବର 2ରେ ଦକ୍ଷିଣ ଆଫ୍ରିକା ଟେଷ୍ଟ ସିରିଜ୍ର ପ୍ରଥମ ମ୍ୟାଚ୍ ଖେଳ ହେବାକୁ ଯାଉଥିବା ବେଳେ ଏହି ସମୟରେ ଜାତୀୟ କ୍ରିକେଟ୍ ଏକାଡେମୀରେ ବୁମ୍ରା ଅଭ୍ୟାସ କରିବେ ବୋଲି ବିସିସିଆଇ ପକ୍ଷରୁ ଟ୍ବିଟ୍ କରାଯାଇଛି ।
1993 ପରଠାରୁ ଦିଲ୍ଲୀରେ 64 ସଫେଇ କର୍ମଚାରୀ ପ୍ରାଣ ହରାଇଛନ୍ତି । ମଙ୍ଗଳବାର ଦିନ ଜାତୀୟ ସଫେଇ କର୍ମଚାରୀ ସଂଘ ପକ୍ଷରୁ ଏହି ତଥ୍ୟ ପ୍ରକାଶ ପାଇଛି । ସଂଘର ସମ୍ପାଦକ ମନ୍ହର ଭଲ୍ଜୀଭାଇ ଜଲା ଏହି ସୂଚନା ପ୍ରଦାନ କରିବା ସହିତ ବିଗତ ଦୁଇ ବର୍ଷ ମଧ୍ୟରେ 38 କର୍ମଚାରୀ ପ୍ରାଣ ହରାଇଥିବା ସୂଚନା ଦେଇଛନ୍ତି । 2013ରେ ସଫେଇ କର୍ମଚାରୀଙ୍କ ସୁରକ୍ଷା ପାଇଁ ଲାଗୁ କରାଯାଇଥିବା ନିୟମାବଳୀକୁ ଜାତୀୟ ରାଜଧାନୀ ଦିଲ୍ଲୀରେ ସଠିକ୍ ଢଙ୍ଗରେ ପାଳନ କରାଯାଉନାହିଁ ଯାହା ଦେଶର ଅନ୍ୟ ସହର ଗୁଡିକୁ ଭୁଲ ବାର୍ତ୍ତା ପ୍ରଦାନ କରୁଛି ବୋଲି ମନ୍ହର ଭଲ୍ଜୀଭାଇ ଜଲା ପ୍ରକାଶ କରିଛନ୍ତି । ମୃତକଙ୍କ ମଧ୍ୟରୁ 46 ଜଣଙ୍କ ପରିବାରକୁ ସରକାର 10 ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରାଯାଇଛି । ଆସନ୍ତା ଏକ ସପ୍ତାହ ମଧ୍ୟରେ ବାକି 18 ପରିବାରକୁ ସହାୟତା ରାଶି ପ୍ରଦାନ କରିବାକୁ ଦାବି କରାଯଇଛି…
ଉତ୍ତର ଭାରତରେ ଭୂକମ୍ପର ଝଟ୍କା ଅନୁଭୂତ ହୋଇଛି । ୪.୩୫ ମିନିଟ୍ରେ ଦିଲ୍ଲୀ, ଏନ୍ସିଆର, ପଞ୍ଜାବ, ହରିୟାଣା ଆଦି ସ୍ଥାନରେ ଭୂକମ୍ପର ଝଟ୍କା ଅନୁଭୂତ ହୋଇଛି । ଜମ୍ମୁ କାଶ୍ମୀରରେ ଏହି ଭୂକମ୍ପର ଝଟ୍କା ଟିକେ ଅଧିକ ଅନୁଭୂତ ହୋଇଛି । ପାକିସ୍ତାନର ଲାହୋରର ଉତ୍ତର ପଶ୍ଚିମ ୧୭୩ କିମି ଦୂର ଜାଔଲାନଠାରେ ଭୂକମ୍ପର କେନ୍ଦ୍ରସ୍ଥଳ ରହିଛି । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୧ ରହିଥିବା ସୂଚନା ରହିଛି । ଝଟ୍କାରେ ଭୟଭୀତ ହୋଇ ଲୋକ ଘରୁ ବାହାରି ଆସିଛନ୍ତି । ପାକିସ୍ତାନ ଅଧିକୃତ କାଶ୍ମୀରରେ ଅଧିକ ଅନୁଭୂତ ହୋଇଥିବାବେଳେ ପାକିସ୍ତାନରେ ଭୂମିକମ୍ପର ରିକ୍ଟର ସ୍କେଲର ୬.୩ ରହିଥିଲା ବୋଲି ଜଣାପଡିଛି । ଭୂମିକମ୍ପର ତୀବ୍ରତା ଜଣେ ମହିଳା ମୃତ, ୫୦ ଆହତ ହୋଇଥିବାବେଳେ ବହୁ ଘର ଭୁଶୁଡ଼ି ଯାଇଛି ।
ସିସୋର ଚିଟ୍ଫଣ୍ଡ ଠକେଇ ମାମଲାରେ ନିର୍ଦ୍ଦେଶକ ପ୍ରଶାନ୍ତ ଦାଶଙ୍କ ଆତ୍ମସମର୍ପଣ। ରାଉରକେଲା ଏସ୍ଡିଜିଏମ୍ଙ୍କ କୋର୍ଟରେ ଆତ୍ମସମର୍ପଣ କରିଛନ୍ତି ପ୍ରଶାନ୍ତ । ରଘୁନାଥପାଲ୍ଲୀ ଥାନାର ଏକ ଠକେଇ ମାମଲା ରହିଛି । ପୂର୍ବରୁ ପ୍ରଶାନ୍ତ ହାଇକୋର୍ଟରେ ଜାମିନ ଆବେଦନ କରିଥିବା ବେଳେ ତଳ କୋର୍ଟରେ ଆତ୍ମସମର୍ପଣ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ । କୋର୍ଟଙ୍କ ନିର୍ଦ୍ଦେଶ ପରେ ମଙ୍ଗଳବାର ପ୍ରଶାନ୍ତ ଆତ୍ମସମର୍ପଣ କରିଛନ୍ତି ।
ନୂତନ ମୋଟର୍ ଯାନ ଆଇନରେ ଗାଡ଼ି ଚଲାଇବା ନିୟମକୁ କଡ଼ାକଡ଼ି କରାଯାଇଛି । ଡ୍ରାଇଭିଂ ଲାଇସେନ୍ସକୁ ଏଥିରେ ବାଧ୍ୟତାମୂଳକ କରାଯାଇଛି । ଆର୍ଟିଓ କାର୍ଯ୍ୟରେ ଗହଳିକୁ ନଜରରେ ରଖି ବ୍ଲକ୍ ସ୍ତରରେ ଡିଏଲ୍ କ୍ୟାମ୍ପ ଖୋଲିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଏ ନେଇ ସଡ଼କ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି । ଯେଉଁମାନଙ୍କର ଡ୍ରାଇଭିଂ ଲାଇସେନ୍ସ ନାହିଁ ସେମାନଙ୍କୁ ଜରିମାନା ଦେବାକୁ ପଡ଼ୁଛି । ସେଥିପାଇଁ ସମସ୍ତେ ଏବେ ଆର୍ଟିଓ କାର୍ଯ୍ୟାଳୟରେ ଭିଡ଼ ଜମାଉଛନ୍ତି । ଏହାକୁ ଦୃଷ୍ଟିରେ ରଖି ପ୍ରତି ବ୍ଲକରେ ଡିଏଲ୍ କ୍ୟାମ୍ପ କରିବାକୁ ସରକାର ନିଷ୍ପତ୍ତି ନେଇଛନ୍ତି । ପ୍ରତି ବ୍ଲକ୍ ଓ ସବ୍ଡିଭିଜନ୍ ସ୍ତରରେ ଡ୍ରାଇଭିଂ ଲାଇସେନ୍ସ ପାଇଁ କ୍ୟାମ୍ପ୍ ଖୋଲା ଯିବ । ଲୋକମାନେ ସେଠାରେ ଡିଏଲ୍ ପାଇଁ ଆବେଦନ କରିପାରିବେ । ସେହି ବ୍ଲକ୍ରେ କ୍ୟାମ୍ପରେ ଲର୍ଣ୍ଣିଂ ଲାଇସେନ୍ସ ଦେବାକୁ ବ୍ୟବସ୍ଥା କରାଯାଉଥିବା ମନ୍ତ୍ରୀ କହିଛନ୍ତି…
ବିଜେପୁର ଉପ ନିର୍ବାଚନ ପାଇଁ କଂଗ୍ରସ ପକ୍ଷରୁ ଆସନ୍ତା ଦୁଇ ଦିନ ମଧ୍ୟରେ ପ୍ରାର୍ଥୀ ଘୋଷଣା କରାଯିବ ବୋଲି ଜଣାପଡିଛି । ଆଜି ସନ୍ଧ୍ୟା କିମ୍ବା ଆସନ୍ତା କାଲି ସୁଦ୍ଧା କଂଗ୍ରେସ ପକ୍ଷରୁ ବିଧାୟକ ପ୍ରାର୍ଥୀଙ୍କ ନାମ ଘୋଷଣା କରାଯିବ ବୋଲି ବିଧାୟକ ତଥା ଚୟନ କମିଟି ଅଧ୍ୟକ୍ଷ ନରସିଂହ ମିଶ୍ର ସୂଚନା ଦେଇଛନ୍ତି । ବିଧାୟକ ପ୍ରାର୍ଥୀ ପାଇଁ ପାଞ୍ଚଜଣ ପ୍ରାର୍ଥୀଙ୍କ ନାମ ବିଚାର କରାଯାଉଛି ଏବଂ ଚୟନ କ୍ମିଟି ଅନ୍ତିମ ନିଷ୍ପତ୍ତି ଗ୍ରହଣ କରିବ ବୋଲି କଂଗ୍ରେସ ପକ୍ଷରୁ ପ୍ରକାଶ କରାଯାଇଛି ।
ପୁଲିସ କୌଣସି ଆପରାଧିକ ମାମଲାର ତଦନ୍ତ କରୁଥିବା ସମୟରେ ଅଭିଯୁକ୍ତଙ୍କ ଅଚଳାଚଳ ସମ୍ପତ୍ତିକୁ ଜବତ କରିପାରିବ ନାହିଁ। ସୁପ୍ରିମକୋର୍ଟ ମଙ୍ଗଳବାର ଏହା ଘୋଷଣା କରିଛନ୍ତି। ପ୍ରଧାନ ବିଚାରପତି ରଞ୍ଜନ ଗୋଗୋଇ, ବିଚାରପତି ଦୀପକ ଗୁପ୍ତା ଏବଂ ସଞ୍ଜୀବ ଖାନ୍ନାଙ୍କୁ ନେଇ ଗଠିତ ଖଣ୍ଡପୀଠ ମହାରାଷ୍ଟ୍ର ହାଇକୋର୍ଟଙ୍କ ନିଷ୍ପତ୍ତିକୁ ଯଥାର୍ଥ ଦର୍ଶାଇବା ସହିତ କହିଛନ୍ତି, ସିଆରପିସି ଧାରା ୧୦୨ରେ ବେଆଇନ ସମ୍ପତ୍ତିକୁ ଜବତ କରିବାରେ ପୁଲିସର କୌଣସି ଅଧିକାର ନାହିଁ। ମହାରାଷ୍ଟ୍ର ହାଇକୋର୍ଟ ଏକ ମାମଲାର ଶୁଣାଣି ବେଳେ କହିଥିଲେ ଯେ, ତଦନ୍ତ ସମୟରେ ଅଭିଯୁକ୍ତଙ୍କ ସମ୍ପତ୍ତି ଜବତ କରିବାରେ ପୁଲିସର କୌଣସି ଅଧିକାର ନାହିଁ। ହାଇକୋର୍ଟଙ୍କ ଏହି ନିଷ୍ପତ୍ତିକୁ ମହାରାଷ୍ଟ୍ର ସରକାର ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ।
ଉଚ୍ଚ ଶିକ୍ଷା ବିଭାଗର କର୍ମଚାରୀଙ୍କ ପାଇଁ ସରକାର ନିୟମକୁ କଡ଼ାକଡ଼ି କରିଛନ୍ତି । କର୍ମଚାରୀଙ୍କୁ ସମୟାନୁବର୍ତ୍ତିତା କରିବାକୁ ସରକାର ବାୟୋମେଟ୍ରିକ୍କୁ ବାଧ୍ୟତାମୂଳକ କରିଛନ୍ତି । ଯଦି କୌଣସି କର୍ମଚାରୀ ବାୟୋମେଟ୍ରିକ୍ରେ ଆଙ୍ଗୁଳି ଚିହ୍ନ ବା ପଞ୍ଚ ଇନ୍ ଓ ପଞ୍ଚ ଆଉଟ୍ ନ କରନ୍ତି ତାହା ହେଲେ ତାଙ୍କର ସେଦିନ ଛୁଟି ବୋଲି ବିବେଚନା କରାଯିବ । ଏ ନେଇ ଆଜି ଉଚ୍ଚ ଶିକ୍ଷା ବିଭାଗ ପକ୍ଷରୁ ନୋଟିସ୍ ଜାରି କରାଯାଇଛି । ଉଚ୍ଚ ଶିକ୍ଷା ବିଭାଗର କର୍ମଚାରୀଙ୍କ ପାଇଁ ଦିନକୁ ସାଢ଼େ ୭ ଘଣ୍ଟା ଡ୍ୟୁଟି ସମୟ ବାଧ୍ୟତାମୂଳକ କରାଯାଇଛି । ୧୦ଟାରୁ ୬ଟା ପର୍ଯ୍ୟନ୍ତ ଅଫିସ ସମୟ ରଖାଯାଇଥିବାବେଳେ ଆସିବା ସମୟ ୩୦ ମିନିଟ କୋହଳ କରାଯାଇଛି । ସେହିପରି ସାଢ଼େ ୧୦ଟାରୁ ୧୧ଟା ମଧ୍ୟରେ ଆସିଲେ ବିଳମ୍ବ ଉପସ୍ଥାନ ହେବ । ଗୋଟିଏ ମାସର ୩ଟି ବିଳମ୍ବ ଉପସ୍ଥାନ ହେଲେ ତାହା ଗୋଟିଏ ଦିନ ଛୁଟିରେ ଗଣାଯିବ…
ସୋସିଆଲ ମିଡ଼ିଆର ଅପବ୍ୟବହାର ନେଇ ସୁପ୍ରିମ୍କୋର୍ଟ କ୍ଷୁବ୍ଧ ହୋଇଛନ୍ତି । ଅପବ୍ୟବହାର ରୋକିବା ପାଇଁ ଗାଇଡ୍ ଲାଇନ୍ କରିବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ । ତିନି ସପ୍ତାହ ମଧ୍ୟରେ ସତ୍ୟପାଠ ଦାଖଲ ପାଇଁ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ । ଗାଇଡ୍ ଲାଇନ୍ ପାଇଁ ନିର୍ଦ୍ଦିଷ୍ଟ କେତେ ଦିନ ନେବେ ସେନେଇ ସତ୍ୟପାଠ ଦାଖଲ ପାଇଁ ସୁପ୍ରିମ୍କୋର୍ଟ ନିର୍ଦ୍ଦେଶ ଦେଇଥିବାବେଳେ ଅପବ୍ୟବହାରୀଙ୍କ ଉପରେ ଅଙ୍କୁଶ ସମ୍ପର୍କରେ କୋର୍ଟ ମତ ଦେଇ କହିଛନ୍ତି ଯେ, ଏବେ ଆମେ ଆଉ କହିପାରିବାନି ଯେ କିଏ ଅପବ୍ୟବହାରର ଜନକ । ଟେକ୍ନୋଲୋଜି ଯଦି ବାର୍ତ୍ତା ପହଞ୍ଚାଇ ପାରୁଛି, ବନ୍ଦ କାହିଁକି କରିପାରିବନି ବୋଲି କହିଛନ୍ତି କୋର୍ଟ ।
ବିବାଦୀୟ ଧର୍ମଗୁରୁ ଜାକିର ନାଏକଙ୍କୁ ପଳାତକ ଘୋଷଣା କରିବା ପାଇଁ ଇଡି ପକ୍ଷରୁ ଆବେଦନ କରାଯାଇଛି । ଅର୍ଥ ହେରଫେର ମାମଲାରେ ସମ୍ପୃକ୍ତ ଜାକିରକୁ ପଳାତକ ଘୋଷଣା କରିବା ପାଇଁ ସୋମବାର ଆବେଦନ କରାଯାଇଛି । ନୂତନ ଆତଙ୍କୀ ନିରୋଧୀ ନିୟମ ଅନୁଯାୟୀ ଜାକିରକୁ ପଳାତକ ଘୋଷଣା କରିବା ପାଇଁ ଆବେଦନରେ ଉଲ୍ଲେଖ କରାଯାଇଛି । ଏହା ସହିତ ଇଡି ପକ୍ଷରୁ ସମସ୍ତ ଆବଶ୍ୟକୀୟ ଦସ୍ତାବିଜ ପ୍ରଦାନ କରାଯାଇଥିବା ବେଳେ ଏହା ଉପରେ 30 ତାରିଖରେ ବିଚାର କରାଯିବ ବୋଲି ଜଣା ପଡିଛି । ନାଏକଙ୍କର 50 କୋଟିରୁ ଉର୍ଦ୍ଧ୍ବ ଟଙ୍କାର ସମ୍ପତ୍ତି ମୁମ୍ବାଇ ଏବଂ ପୁନେର ବିଭିନ୍ନ ସ୍ଥାନରେ ରହିଛି । 2016ରେ ଏନ୍ଆଇଏ ପକ୍ଷରୁ ଜାକିରଙ୍କ ବିପକ୍ଷରେ ମାମଲା ରୁଜୁ କରାଯିବା ପରଠାରୁ ସେ ମାଲେସିଆରେ ଅବସ୍ଥାନ କରୁଛନ୍ତି ।
ବିଜେପୁର ଉପନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇସାରିଛି । ଆସନ୍ତା ଅକ୍ଟୋବର ୨୧ ତାରିଖରେ ଏହି ଆସନ ପାଇଁ ନିର୍ବାଚନ ଅନୁଷ୍ଠିତ ହେବ । ଏନେଇ ସବୁ ଦଳ ସଜବାଜ ହେଲେଣି । ବିଜେପୁର ଆସନ ପାଇଁ ପ୍ରଭାସ ସିଂ ଆଶାୟୀ ରହିଥିବା ଜଣାଇଛନ୍ତି । ଏନେଇ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ର ନବୀନ ପଟ୍ଟନାୟକଙ୍କୁ ଅବଗତ କରିଥିବାର କହିଛନ୍ତି ପ୍ରଭାସ ସିଂ । ଦଳ ପାଇଁ କାମ କରୁଛନ୍ତି ଓ ଟିକେଟ ଆଶାୟୀ ହେବା ସ୍ବାଭାବିକ ବୋଲି କହିବା ସହିତ ୨୦୧୪ରୁ ୨୦୧୯ ପର୍ଯ୍ୟନ୍ତ ବରଗଡ଼ର ସାଂସଦ ରହିଥିଲେ ପ୍ରଭାସ ସିଂ ।